Në “York Hall” në Londër, boksieri shqiptar Jurgen Uldedaj u shpall kampion bote. Në ndeshjen e boksit për titullin IBO Mesdhetar Uldedaj mposhti boksierin Frenck Mendy në një ndeshje me dhjetë raunde.

Në fund të duelit të luftuar ashpër boksieri shqiptar e ka fituar sfidën me pikë. Kjo ishte fitorja e 16 në karrierë e Jurgen Uldedajt, 6 prej të cilave i ka patur me “K.O.”. Ky sukses përveç se shton statistikisht arritjet e boksierit Uldedaj, shënon një hap të madh në historinë e boksit shqiptar, si rekordmen dhe boksier me të ardhme të ndritur. Gjatë ndeshjes Uldedaj ishte dominant dhe nuk e vuri në diskutim fitoren. Forcë goditëse, teknikë të lartë dhe taktikë sportive e bëjnë boksierin Uldedaj një kampion të padiskutueshëm në të ardhmen.

Sot ai i falenderoi ndjekësit duke shkruar: “Pas një shkëputje të gjatë, rikthimi në ring me mbështetjen tuaj si asnjëherë më parë ishte emocioni më i bukur që kam perjetuar !

Kjo fitore është për të gjithë JU

Falenderim i vecantë shkon për skuadrën time dhe në vecanti vëllain tim Kristian Boci për mbështetjen dhe punën e palodhur gjatë këtyre muajve

Misioni jonë vazhdon!

I juaji J.U”

Uran Krasniqi/RTKLive/

Distria Krasniqi ka treguar formë të lartë në garën prestigjioze Grand Slam në Paris. Ajo ka arritur të jetë fituese e medaljes së artë në kategorinë -52 kg.

Krasniqi në finale është ballafaqur me britaniken Chelsie Giles, të cilën e ka mposhtur në fund të duelit.

Por cila ishte rruga e Krasniqit deri tek medalja?

Ajo në xhiron e parë ishte e lirë, në xhiron e dytë e ka mposhtur me Ippon vendasen, francezen Leonie Gonzalez.

Krasniqi në xhiron e tretë ka mposhtur me dy Wazaari për Ippon, koreanen Seyun Jang.

Ajo në çerekfinale ajo ka mposhtur me tri dënime për Ippon garuesen nga Emiratet e Bashkuara Arabe, Khorloodoi Bishrelt.

Në gjysmëfinale, Krasniqi e ka mposhtur xhudisten japoneze Kisumi Omori.

Titulli kampion nga Struga kalon në Krajë, FC Kraja me plotë meritë këtë edicion fitoi kupën dhe u shpall kampion i turneut “Vllaznimi” duke mposhtur në finale ekipin FC Future pas një loje tepër atraktive nga të dy skuadrat!

FC Kraja është kampion i edicionit të 14-të të turneut Vllaznimi që mbahet në kujdesin e QKSHA-Struga në New Jersey.

Interesimi edhe këtë vit ishte tejet i madh. 24 skuadra morën pjesë me nga 10 futbollistë në turneun futbollistik më të madh në mbarë diasporën shqiptare.

Ndeshje shumë konkuruese dhe lojtarë cilsorë dhuruan spektakël para qindra spektatorëve që me orë të tëra qëndruan në sallën sportive në Turf City deri në ndeshjen finale ku kësaj radhe u përballën dy skuadra nga Malësia e madhe. Fc Future dhe FC Kraja. Ndeshja në kohë të rregullt përfundoi me rrezultat të barabartë që më pas FC Kraja përmes gjuajtjeve nga penaltitë të shënojë fitore dhe të ngre lartë kupën e kampionit dhe çekun në vlerë prej 1500$.

Këtij organizimi sportiv spektakolar nuk mund ti mungonte edhe aspekti artistik. Shfaqja në fushë e vashave të Shoqërisë artistike të QKSHA-së ishte impresionuese për publikun i cili e duartrokiti masivisht paraqitjen që i dha ngjyra këtij evenimenti unikal.

Komuniteti i QKSHA-Struga, drejtuesit dhe vullnetarë të kësaj qendre në vazhdueshmëri kanë dëshmuar unitet dhe aftësi për organizime të tilla spektakolare duke bërë bashkë skuadra dhe futbollistë nga gjitha trojet etnike shqiptare që për çdo vit më 25 Dhjetor ditën e Krishtlindjeve tubohen në New Jersey për këtë organizim sportiv madhështor.

Futbolliati i talentuar, Semiri nga ekipi nënkampion Fc Futurë u zgjodh golashënuesi më i mirë me gjithësej 10 gola të shënuar ndërsa trofeun e portierit më të mirë e fitoi portieriri i ekipit kampion Jetmir Kovaçi.

Vendi i dytë përveç trofeut mori edhe një çek në kundërvlerë prej 750$.

Fatmir Mimini një aktivist i përvitshëm i këtij turneu këtë vit ishte kryetar i turneut, ai falenderoi të gjithë vullnetarët që kontribuan në këtë organizim si dhe uroi ekipin kampion për fitoren.

Përfaqësuesi i FC Kraja njëkohësisht edhe drejtues i Shoqatës Kraja shprehu mirënjohjne dhe konsideratën e lartë për organizatorët, ai theksoi se ky titull është i mirëseaedhur dhe i rëndësishëm për futbollistët dhe pêr gjithë komunitetin që ai përfaqëson.

Pa asnjë dyshim kjo ishte një ditë tepër argëtuese për të gjithë pjesmarrësit, ndërsa një falenderim dhe mirënjohje shkon për mbështetësit e këtij turneu, themeluesit, QKSHA-Struga, sponsorët dhe gjithë vullnetarët që nga mëngjesi deri në darkë u kujdesen për mbarëvajtjen e tij.

Futbollistët, stafi dhe tifozët e FC Kraja ditën më së miri ta festojnë këtë sukses që filloi në sallën sportive në Turf City dhe me siguri do të vazhdojë edhe me organizime të tjera me antarët dhe komunitetin e tyre.

Faton A. (New Jersey)

Astrit Lulushi/

Tani që Shqipëria në futboll është kryesuese në grup, a mos ka ardhur koha të bëhet edhe kampione e Evropës? Si Greqia dikur që i befasoi të gjithë dhe mori kupën. Jeta është lojë; me fitues dhe humbës, në periudha të ndryshme. Në fund të fundit, edhe skuadrat me yje kanë ditët e tyre të humbjeve.

E bukura e fitores dhe humbjes, megjithatë, është se të dyja paraqesin mundësi për të mësuar dhe për t’u rritur. Kur humbasim, na jepet mundësia të njohim dhe adresojmë dobësitë tona. Dhe kur fitojmë, mund ta përmbajmë gëzimi për të ndjerë ndjeshmëri për palën kundërshtare, sepse e dimë se sa dërrmuese mund të jetë ajo humbje.

Pavarësisht nëse e gjejmë veten në një garë miqësore, ia vlen të tregohemi të mëshirshëm kur fitojmë, të përmbahemi nga tundimi për të gëzuar ose për t’i përbuzur kundërshtarët. Ne mund të shkojmë një hap më tej duke i falënderuar ata që na sfiduan dhe investuan kaq shumë kohë dhe energji në garên kundër nesh. Të fitosh nënkupton edhe dhënien e meritave për ata që na kanë bërë të mundur fitoren. Ajo që shkon rrotull vjen me të vërtetë dhe shpresa është që kur e gjejmë veten në një vend të keq, të tjerët do të na ofrojnë hirin dhe inkurajimin e tyre gjithashtu.

Në fund të fundit, ndikimi që lë tek një person tjetër ka të ngjarë të jetë më i madh se çdo trofe e fituar.

Të fitosh është e mrekullueshme, sigurisht, por nëse vërtet do të bësh diçka në jetë, sekreti është të mësosh se si të humbasësh. Askush nuk mbetet i pamposhtur gjatë gjithë kohës.

Ne luajmë një sport. Është një lojë. Në fund të fundit, kjo është gjithçka. Nuk të bën më të mirë apo më keq se kushdo tjetër. Pra, duke fituar një lojë, nuk jem më mirë. Duke humbur një lojë, nuk jemi më keq. Duke mbajtur këtë mentalitet, me të vërtetë i mban gjërat në perspektivë që t’i trajtoj të gjithë njësoj.

Gjithmonë ka sfida të reja, më madhështore për t’u përballur dhe një fitues i vërtetë do të përqafojë secilën prej tyre.

Mos kërko të jesh lojtari më i mirë në histori.

“Mendoj se jam një tjetër futbollist. Kur fillon ndeshja gjithmonë përpiqem të përmirësoj veten. Synimi është që kur të dal në pension, të mbahem mend si një person i mirë, shprehet”, Lionel Mesi.

Nëse mund të reagoni në të njëjtën mënyrë ndaj fitores dhe humbjes, kjo është një arritje e madhe. Kjo cilësi është e rëndësishme sepse qëndron me ju gjatë gjithë jetës suaj. Përulësia përbën bazën e nderit, ashtu si toka e ulët përbën themelin e një lartësie të lartë.

Një njeri që praktikon aftësi sportive është shumë më mirë se 50 që e predikojnë atë.