Njoftim për Festën e Pavarësisë

Të nderuar bashkatdhetarë,

Ju ftojmë të bashkoheni me ne për të festuar Ditën e Pavarësisë në një mbrëmje të paharrueshme plot muzikë, këngë dhe emocione!

Data: 28 Nëntor 2025

Ora: 19:00

Vendi: Marriott Hotel, 12600 Roosevelt Blvd N, St. Petersburg, FL 33716

Çmimi: $100 për të rritur, $50 për fëmijë (deri në 12 vjeç)

Këngëtarët: Devis Xherahu dhe Korab Shaqiri

Recitim: Aktori i njohur Bujar Asqeriu

Pagesat: Zelle në 727-459-6713

Mos e humbisni këtë mundësi për të festuar së bashku trashëgiminë dhe krenarinë tonë kombëtare! Rezervoni vendet tuaja tani dhe ejani të krijojmë kujtime të bukura.

Për më shumë informacion dhe rezervime, kontaktoni Endri Filipi në 727-709-2742 dhe Bledar Prifti në 727-512-4701 dhe VatraTampaBay@gmail.com.

Ju mirëpresim së shpejti!

Përzëmërsisht,

Vatra Tampa Bay

E nderuar familja patriotike Murtezani

Fort i dashur e i nderuar miku ynë i shtrenjtë dhe i çmuar Skënder

Me keqardhje të thellë e dhimbje mësova lajmin e largimit nga jeta të Nanës sate të dashur e të pa harruar Sabrije. Në emër të Federatës Pan- Shqiptare të Amerikës VATRA, të gazetës Dielli, në emër të të gjithë vatranëve e të familjes sime ju përcjelli ngushëllimet tona më të sinqerta e më të dhimbshme për humbjen e Nënës suaj të dhembshur e të pazëvendësueshme. Një grua fisnike shqiptare që la pas një trashëgimi familjare e atdhetare të shkëlqyer.

Zoti ju dhashtë forcë për të përballuar pikëllimin për humbjen e njeriut tuaj të shpirtit e të zemrës.

Të gjithë bashkë si vatranë jemi pranë jush e familjes Murtezani, familjarëve, miqve e dashamirësve tuaj në këto ditë të vështira trishtimi e lamtumire.

Ta kujtoni përjetë e mot me nderim dhe respekt të veçantë Nanën tuaj të paharruar.

Jeni në lutjet dhe mendimet tona të përshpirtshme.

Sabrija pushoftë në paqen e përjetshme. Dritë e bekim iu bëftë shpirti i saj.

I pikëlluar

Pranë jush dhe me nderime

Kryetari i VATRËS

Dr.Elmi BERISHA

Mondi Rakaj*/

Komunitetet fetare shqiptare në mërgatën e Amerikës zënë një vend shumë të rëndësishëm në historinë e zhvillimit, integrimit, bashkimit e promovimit të bashkatdhetarëve tanë. Prijësit fetarë të Kishës Katolike, Kishës Ortodokse, Xhamisë dhe Teqesë Bektiashiane kanë qenë personalitete fetare e atdhetare duke lënë gjurmë të pashlyeshme në jetën dhe veprimtarinë e shqiptarëve të mërguar në Amerikë. Komunitetet fetare shqiptare në Shtetet e Bashkuara kanë pasur historikisht një bashkëpunim të shkëlqyer me Federatën “Vatra”, gazetën “Dielli” dhe kanë vepruar gjithmonë për të mirën e çështjes kombëtare dhe komunitetit shqiptar. Një trashëgimi historike dhe patriotike që vazhdon të frymëzojë dhe sot, brezat e rinj të emigrantëve shqiptarë. Vëllazëria ndërfetare shqiptare është një ndër vlerat më të shenjta e më të shtrenjta të kombit tonë.

Komunitetet fetare janë pjesë e gjallë e jetës aktive të shqiptarëve, pjesë e pandarë e identitetit kombëtar e historisë kombëtare. Para disa javësh u informova se në kishën e Shën Thomait në Farmington Hills në Michigan kishte ardhur një prift shqiptar, At Eugene Shkurti. Ky ishte një lajm shumë i mirë për mbarë komunitetin shqiptar në Michigan.

Përgjatë takimit vëllazëror me At Eugene Shkurtin e informova për veprimtarinë e Federatës Vatra, historinë e saj të jashtëzakonshme, kontributin e gazetës Dielli, vlerën e tyre komunitare e atdhetare si institucione të shenjta kombëtare. Kaluam momente të bukura përgjatë një bashkëbisedimi me fokus rritjen e bashkëpunimit në dobi të komunitetit shqiptar e çështjes kombëtare.

Në shenjë mirënjohjeje At Eugene Shkurtit i dhurova stemën e gazetës “Dielli” dhe kopje autentike të Diellit në disa numra të vitit 1975 dhe librin e mikut tim Prof. Dr. Nusret Pllana mbi terrorin e Serbisë pushtuese në Kosovë. At Eugene ishte shumë falenderues dhe shprehu gatishmërinë për bashkëpunim të vazhdueshëm jo vetëm në përmbushje të misionit por mbi të gjitha të ruajtjes së trashëgimisë historike të përpjekjeve të përbashkëta për fe, komunitetet, komb e atdhe.

*Drejtori i Degëve në Federatën “Vatra”.

Të dashur prindër dhe anëtarë të komunitetit tonë,

Me kënaqësi ju njoftojmë se Shkolla Shqipe Vatra do të rihapet më 4 tetor 2025! Shkolla do të drejtohet nga Drejtoresha Meri Andrea-Kodra dhe mësueset tona të përkushtuara: Ana Kullaj, Resmie Sala, dhe Shega Hyka Mucaj. Mësimi do të zhvillohet çdo të shtunë në St. Petersburg College, Clearwater, ES 113.

Ju lutemi të na jepni mendimet tuaja për orarin e fillimit të mësimit. Komentet dhe sugjerimet tuaja janë të rëndësishme për ne! Na kontaktoni për të ndarë preferencat tuaja.

Faleminderit dhe presim me padurim të fillojmë këtë udhëtim edukativ bashkë!

Vatra Tampa Bay Reopens Shkolla Shqipe Vatra!

Dear parents and members of our community,

We are thrilled to announce the reopening of Shkolla Shqipe Vatra on October 4th, 2025! The school will be led by Principal Meri Andrea-Kodra and our dedicated teachers: Ana Kullaj, Resmie Sala, and Shega Hyka Mucaj. Classes will be held every Saturday at St. Petersburg College, Clearwater, in classroom ES 113.

We kindly request your feedback on the preferred start time for the school. Your input is valuable to us!

Please reach out to share your suggestions.

Thank you, and we look forward to starting this educational journey together!

Julika Prifti/

Një nga figurat më të plota poliedrike, me aktivitet prej gjashtë dekadash në Amerike, është ajo e Peter Priftit (1924 – 2010) i cili me gjithë prurjet në gjuhësi, histori, arkitekturë, shkencat politike, ekonomi, si edhe në përkthime, letërsi, mbetet pak i njohur jashtë rretheve akademike amerikane, shqiptare dhe kosovare.

Kjo mund të lidhet fort me karakterin e tij tepër modest dhe mos rënies së gjoksit për aftësitë e tij dhe bagazhin e arsimin e tij të lartë. Analizat e tij të habisin sot për saktësinë e trajtimit e argumentimit dhe largpamësinë e mendimit si në punët e komunitetit e Kishës Autoqefale tek çështje të politikës së brendshme dhe të jashtme të shtetit shqiptar dhe amerikan.

Libri i tij i parë Socialit Albania Since 1944 botuar nga MIT Mass në 1976 është konsideruar si pikë referuese e studimeve për Shqipërinë nga revistat shkencore dhe gazetat më të mëdha të Amerikës, Evropës e Australisë. Artikujt dhe esetë e Peter Priftit do të ishin burim informativ e referues për studiuesit e çështjeve shqiptare në mbarë botën gjatë izolimit të regjimit hoxhist.

Si njohës i mirë i shqipes, anglishtes dhe frëngjishtes, Peter i lexonte materialet dhe shkrimet në gjuhët origjinale dhe përveç kësaj kishte aftësinë të hynte në thelbin e temave historike, ekonomike, sociale, gjuhësore etj. Edhe në dekadat pas rënie së komunizmit, botimet e tij në anglisht, frëngjisht dhe shqip si edhe librat nga botues amerikanë e shqiptarë dallohen për mendimin e qashtër analitik dhe nivelin shkencor të temave të trajtuara.

Për mua si mbesë e tij, sot në 15-vjetorin e largimit të tij nga kjo botë, më tërheq fillesa e jetës së tij në Amerikë ku ai erdhi të jetonte në Filadelfi me babanë dhe vëllain e madh.

Peter Prifti, i cili do arrinte të merrte diplomën e Masterit në Filozofi, do shkonte si Specialist në Massachusets Institute of Technology (MIT) dhe, më pas do nderohej me titullin Emeritus në Departamentin e Linguistikës në Universitetin e Kalifornisë në San Diego, në 1940 i shkruan letrën e parë mamasë që e kishte lënë në fshat. Ai nuk qahet se nuk e di gjuhën, se nuk ka shokë, dhe se në shkollën e madhe është i vetmi shqiptar në klasë.

Pas pyet për familjen dhe kushërinjtë, rrëfen se ka një javë e gjysmë që vete në shkollë “inglish” dhe se “shkolla këtu të jep librat, rigë, mullivë, bojë, kartë për të shkruar të tëra. I tregon për vizitën në kopshtin zoologjik ku rrojnë kafshët e botës duke shprehur befasi dhe admirim me shprehjen “të vesh atje të çuditesh”.

Në fjalinë tjetër Peter tregohet i rezervuar “si një i rritur” kur thotë se “të gjitha gjërat që më kishit dhënë ua dhashë dhe u kënaqën shumë.” Më tej, përmend me radhë të gjithë bashkëfshatarët me të cilit ishte takuar (“pjekur” në të folmen dialektore) në Filadelfia.

I mësuar të shkojë në kishën e fshatit, djaloshi 15 vjeçar rrëfen se kishte vajtur 2 herë në kishë dhe se “njëdizaj të dielë erdhi dhe Fanoli mbajti fjalë në kishë. A merrni vesh gjë ju aty nga politika”. E shkruar me gjuhën e një adoleshenti, ai mesa duket ka ndjerë tonet që shprehnin në atë kohë fjalimet e Fan Nolit në kohën kur Lufta e Dytë Botërore kishte shpërthyer prej tetë muajve. Menjëherë kthehet tek vajtjet në “sinema”, mesa duket ishte një tërheqje e re dhe zbavitëse. Në fund, Peteri i dërgon të fala edhe për gjitonët dhe e mbyll me “Përfundoj unë biri i juaj Pando Rr. Prifti”

Nga opusi i tij i pasur në shumë lëmi, po të veçohen letërkëmbimet dhe korrespondenca me presidentët amerikanë, profesorë dhe akademikë do ketë vëzhgime me shumë interes dhe me koherencë për kohën e sotme. Prandaj po kujdesem t’i mbledh dhe t’i klasifikoj letrat e tij me idenë e një botimi të ardhshëm. Për përvjetorin e sotëm, letra e tij e parë më ngjan se nis të shpërfaqë interesimet e tij në shumë lëmi të cilat më vonë u kultivuan në nivele të larta dhe veçanërisht manifeston një dimension konstant të tij – ngrohtësinë e pacënuar kurrë nga largësia fizike me nënën, familjarët e bashkëatdhetarët.