Vatra Long Island dhe shkolla shqipe “Gjergj Fishta” ju ftojnë në festën e Pavarësisë së Kosovës më 15 shkurt 2026.

Me rastin e përvjetorit të Pavarësisë së Kosovës, VATRA në Boston, në bashkëpunim me Shoqatën e Studentëve Shqiptarë të Harvardit, organizon një aktivitet të veçantë në nderim të kësaj dite historike.

Të ftuar specialë do të jenë ish-kongresmeni shqiptar-amerikan Joseph J. DioGuardi dhe bashkëshortja e tij, Shirley DioGuardi.

Më 14 Shkurt 2026 (Shtunë) në Ora 10:00 – 11:30 në Harvard University, do të mbahet një kumtesë e hapur me pjesëmarrjen e tyre.

Më pas, në ora 12:00pm do të mblidhemi në sheshin Bashkisë së Bostonit për ceremoninë e ngritjes së Flamurit të Kosovës, organizuar nga VATRA dhe MAASBESA, në nderim të dëshmorëve dhe sakrificës për liri.

Të ftuar nderi në këtë aktivitet do të jenë z. DioGuardi dhe znj. DioGuardi.

Ju ftojmë të gjithë të bashkohemi për të festuar këtë ditë të shenjtë me krenari, respekt dhe unitet kombëtar.

Lavdi Dëshmorëve!

Rroftë Kosova e Lirë!

Sokol Paja/

Në Federatën Vatra mbrëmë ishtë një vizitë familjare shumë e veçantë. Patrioti Endrit Himaj i cili shërben si imam në Komunitetin Shqiptar Islam (Albanian American Muslim Community) në Waterbury, Connecticut familjarisht vizitoi Vatrën dhe u anëtarësuan në Federatën kështjellë të shqiptarizmës në Amerikë. Ata u mikpritën nga editori i Diellit dhe anëtari i kryesisë Ilir Cubi të cilët u shpjeguan imtësisht veprimtarinë historike, kulturore dhe patriotike të Vatrës dhe të Diellit. Bashkëshortja Egzona dhe Endrit Himaj vlerësuan rolin e Vatrës dhe u shprehën të lumtur për të dhënë kontributin e tyre në Vatrën Pan-Shqiptare, institucion me vlera të thella historike dhe kombëtare për diasporën shqiptare të Amerikës.

Ata erdhën bashkë me fëmijët e tyre si thirrje për patriotët dhe dëshmi e vazhdimësisë kombëtare e patriotizmit në mërgatën shqiptare të Amerikës. Prej më shumë se 6 vitesh, Egzona dhe Endrit Himaj janë pjesë aktive e komunitetit shqiptar në Waterbury, duke kontribuar me përkushtim në forcimin e unitetit, ruajtjen e identitetit kombëtar dhe vlerave fetare. Me këtë rast, ata u lutën për të gjithë ata që kanë shërbyer dhe vazhdojnë të shërbejnë me devotshmëri për kombin, fenë dhe atdheun, duke kërkuar bekimin e Zotit për ta dhe për mbarë popullin shqiptar kudo që ndodhet. Vatra dhe Dielli përveç se aseta të çmuara kombëtare, janë institucione të shenjta për shqiptarët e Amerikës.

“Vatra” Long Island zhvilloi mbledhjen e parë për vitin 2026. Mbledhja u hap nga kryetari Dr. Paulin Marku. Fillimisht, ai falënderoi të pranishmit për pjesëmarrjen dhe shprehu mirënjohje për secilin anëtar/e të degës për bashkëpunimin dhe realizimin me suksese të veprimtarisë atdhetare patriotike në diasporë, në SHBA.

Në mbledhje u propozua dhe u miratua unanimisht organizimi i festës së Pavarësisë së Kosovës, të cilën “Vatra” Long Island, në bashkëpunim me shkollën shqipe “Gjergj Fishta” New York, do ta organizojnë me koncert muzikor dhe katering falas për të pranishmit, më datën 15 shkurt 2026, ora 2:00 pm.

Në mbledhje u raportua bilanci financiar i degës për vitin 2025. Po ashtu, të pranishmit u njohën me rregullat dhe afatet kohore të zgjedhjes së Kryetarit të ardhshëm të Federatës Pan-Shqiptare të Amerikës “Vatra”, ku kuvendi do të mbahet më 25 prill 2026.

Kryetari Dr. Paulin Marku prezantoi arritjet dhe sukseset që dega Long Island, N.Y., ka pasur në zhvillimin e aktiviteteve të ndryshme me komunitetin shqiptar në Long Island dhe pjesëmarrjet nëpër evenimente të ndryshme me interes kombëtar.

Të pranishmit diskutuan dhe propozuan disa projekte të rëndësishme, të cilat i shërbejnë komunitetit shqiptar dhe hedhin hapa të rëndësishëm në trashëgiminë shqiptare ndër breza. Bashkimi i komunitetit shqiptar dhe rritja e pjesëmarrjes në aktivitete kulturore atdhetare në mërgatë është qëllimi i degës tonë.

Një falënderim të veçantë shprehu edhe për mbështetjen dhe bashkëpunimin me prindërit dhe shkollën shqipe “Gjergj Fishta” New York, të cilët kanë dëshmuar seriozitet, sukses dhe arritje në përmbushjen e programit mësimor për mësimin e gjuhës amtare, historisë kombëtare dhe vlerave kombëtare shqiptare.

Komuniteti shqiptar në Long Island është një zë i fortë dhe themeli i të ardhmes së ruajtjes së vlerave kombëtare shqiptare këtu në tokën e bekuar, në vendin e lirisë, në Shtetet e Bashkuara të Amerikës.

Të pranishmit në mbledhje ishin: Paulin Marku, Afrim Gega, Besnik Bajraktari, Klaudio Turkaj, Prend Ndoja, David Turkaj, Valdrin Mulaj, Bashkim Kastrati, Tonin Marku, Nesti Syku.

Miq të VATRËS, më 14 Shkurt 2025, VATRA në Boston në bashkëpunim me MaasBesa organizon ngritjen solemne të Flamurit të Kosovës në sheshin e Bostonit .

Ju ftojmë të gjithëve të merrni pjesë në këtë akt nderimi për ata burra e gra që sakrifikuan jetën, rininë dhe gjithçka kishin, që Kosova të lindte si shteti më i ri i Europës.

Le të mblidhemi së bashku për të përkulur kokën me respekt para dëshmorëve, për të ngritur lart flamurin e lirisë dhe për të dëshmuar se diaspora shqiptare nuk harron kurrë gjakun dhe sakrificën e kombit të saj.

Mos mungoni. Ruajeni datën 14 Shkurt 2026 nga ora 11:30-2:00pm në City Hall Boston

Liria ka emër, flamuri ka histori, dhe historia na thërret.

Na ndiqni edhe web faqja e VATRES, vatraboston.com për çdo informacion e aktivitet të VATRES dega në Boston