Sokol Paja/

Basketbollistja Edona Thaqi i bashkohet Federatës Vatra, organizatës patriotike, atdhetare e kulturore më të fuqishme, më të rëndësishme dhe historike për mërgatën shqiptare në Shtetet e Bashkuara të Amerikës. Edona Thaqi bën pjesë në ekipin e Basketbollit në Universitetin Fordham dhe është reportere për NBA, WNBA dhe Connecticut Sun.

Mikpritësi Ilir Cubi në emër të Vatrës në fjalën e mirëseardhjes ekspozoi historinë dhe veprimtarinë e Vatrës e Diellit, punën historike kombëtare me Nolin e Konicën dhe angazhimin me Vatrën që në vitet 90-të me Arshi Pipën. Themeluesi i “Noli Tv” z.Nazim Salihu u ndal te kontributi i Vatrës për kulturën dhe angazhimet komunitare.

Në fjalën e saj sportistja Edona Thaqi përgëzoi Vatrën për punën dhe historinë e saj, tregoi eksperiencën, pritjen dhe mbështetjen nga Presidentja Vjosa Osmani dhe ekspozoi punën e saj për të ndërtuar në Kosovë një kamp basketbolli për të ndihmuar, zbavitur dhe edukuar fëmijët edhe për të sjellë disiplinën, shkollën dhe lojtarët e NBA në Kosovë. Sportistja Thaqi ftoi komunitetin për të ndihmuar projektin e saj sportiv me qëllim për t’iu ardhur në ndihmë fëmijëve të Kosovës. Shkrimtari dhe poeti Mëhill Velaj theksoi se Vatra është vendi më i shenjtë i shqiptarëve të Amerikës. Pres nga rinia që ta çojë përpara këtë trashëgimi të çmuar shqiptare, theksoi shkrimtari Velaj. Edhe av.Adem Aliu përgëzoi Edona Thaqin për arritjet dhe projektet e saj. Vatra rritet e zhvillohet në vlera e kapacitete. Vatrës përditë i bashkohen patriotë dhe atdhetarë, aktivistë e veprimtarë, intelektualë e personalitete që nderojnë Vatrën e kombin shqiptar në mërgatën e Shteteve të Bashkuara të Amerikës.

Vatra Michigan dhe Teqeja Bektashiane Shqiptare e Baba Rexhebit ju ftojnë në festën e Flamurit Kombëtar më 23 Nëntor 2025.

Vatra ju fton në prezantimin e librit me influencë historike The Strongest Link nga autoret Anna Di Lellio dhe Garentina Kraja, ditën e shtunë Nëntor 8, 2025 ora 11 paradite në selinë e Vatrës në 2437 Southern Boulevard, Bronx.

Pjesëmarrësit do kenë mundësi të dëgjojnë diskutimin e autoreve për përmbajtjen e librit, vendin e veçantë të këtij botimi në historinë e Kosovës dhe rëndësinë e zërave të të mbijetuarave në kujtesën tonë kombëtare në ditët e sotme.

Pak fjalë për librin: Gjatë luftës së Kosovës, shteti jugosllav ndërmori një fushatë të egër të spastrimit etnik ndaj popullsisë civile. Krahas eliminimeve fizike dhe deportimeve masive, dhunimi seksual u përdor sistematikisht si armë lufte që rezultoi në traumatizim dhe heshtje të përafërsisht 20,000 femrave për mbi dy dekada. Libri Hallka më e Fortë sjell rrëfimet personale të njëzet femrave që mposhtën stigmën me kurajo, qëndrueshmëri dhe përkushtim ndaj familjeve të tyre si edhe ndaj bashkëvuajtëseve të tjera.

Kush janë autoret: Dr. Anna Di Lellio është autore e librit Jugosllavia u shemb në Trepçë (2025) dhe Dimri i Gjatë i Vitit 1945, Tivari (me bashkëautor Dardan Luta, 2023) Dr. Anna Di Lellio është profesoreshë dhe ka magjistruar në Marrëdhëniet Ndërkombëtare nga New York University, duke qenë ligjëruese në Columbia University, Sarah Lawrence College, The New School dhe Universiteti Amerikan i Kosovës. E njohur për ekspertizën e saj, ajo është bashkëthemeluese e Nismës së Historisë Gojore të Kosovës.

Garentina Kraja është hulumtuese, gazetare dhe ish këshilltare e Presidentes së Kosovës. Karriera e saj përfshin dy dekada raportimi gjatë luftës në Kosovë dhe periudhën e rindërtimit, punë hulumtuese si edhe këshilltare politike në Kosovë dhe rajonin e Ballkanit. Garentina ka përfunduar studimet në shkencat politike në Yale University.

Pas prezantimit, do ketë pyetje-përgjigje si edhe nënshkrime të librit nga autoret.

The Strongest Link: An Oral History of Wartime Rape Survivors in Kosovo

Vatra will host a talk with Anna Di Lellio and Garentina Kraja on their groundbreaking new book, The Strongest Link: An Oral History of Wartime Rape Survivors in Kosovo at Vatra headquarters 2437 Southern Boulevard, Bronx on November 8, 2025 at 11a . In this talk, the authors will reflect on the making of the book, the place of these stories in Kosovo’s history, and what it means to listen to survivors whose strength continues to shape collective memory.

About the Book: Strongest Link has already garnered recognition and widespread acclaim for its gripping content and inclusion of oral history of wartime rape survivors narratives. From 1998 to 1999, Kosovo was engulfed in a brutal war that saw the Yugoslav state unleash a campaign of ethnic cleansing against Albanian civilians. Amid killings and mass deportations, sexual violence was used systematically as a weapon of war, leaving an estimated 20,000 women traumatized and silenced for decades. The Strongest Link brings forward the voices of twenty survivors who chose to break that silence. Through their oral histories, the book traces not only the terror and stigma these women endured, but also their courage, resilience, and unrelenting devotion to their families and communities.

About the Authors: Dr. Anna Di Lellio is the author of Jugosllavia u shemb në Trepçë (2025) dhe Dimri i Gjatë i Vitit 1945 with Dardan Luta (2023). Dr. Anna Di Lellio is adjunct professor and Master of Arts in International Relations (MAIR) at New York University. An expert on Kosovo, she co-founded the Kosovo Oral History Initiative. She has taught at Columbia University, Sarah Lawrence College, The New School, and the American University in Kosovo.

Garentina Kraja is a researcher, journalist, and former policy adviser. Her career comprises over two decades of reporting, researching, and advising policy in Kosovo and other countries in the Western Balkans, ranging from the coverage of the 1998-99 war in her native Kosovo to its transition to an independent state. She is a 2006 Yale World Fellow.

The event will include presentations by the authors and moderated Q&A followed by book signing.

Vatra Miami dhe Klubi Flas Shqip ju ftojnë në festën e Flamurit Kombëtar në Florida.

New York, – Në Selinë Qendrore të “Vatrës” u mirëpritën aktorët nga Gjakova, Besfort N. Berberi dhe bashkëshortja e tij, skenaristja Vlera Pylla, të cilët ndodhen në SHBA me shfaqjen e tyre të suksesshme “Kjo është rinia jonë”.

Në këtë takim, këshilltari për Kulturë dhe Art për “Vatrën”, z.Nazim Salihu, prezantoi historikun e kësaj organizate historike e patriotike që nga themelimi i saj në vitin 1912 e deri sot, duke vlerësuar kontributin e personaliteteve kombëtare e mbarë vatranëve në çështjen kombëtare dhe mbështetjen e tyre të pandërprerë për atdheun, kombin e komunitetin.

Z. Salihu informoi të pranishmit edhe për historinë e gazetës Dielli dhe për veprimtarinë e degëve të “Vatrës” të hapura në shumë shtete të Amerikës, si dhe për shkollat shqipe që funksionojnë në degët e Vatrës në shërbim të ruajtjes së gjuhës dhe kulturës shqiptare.

Gjatë vizitës, artistët Besforti dhe Vlera ndanë me emocion rrëfimin e tyre mbi rrugëtimin artistik dhe sfidat që përjetuan deri në shfaqjen e dramës-monolog “Kjo është rinia jonë”, e cila u prezantua me sukses në Producers Club, Broadway, Manhattan, New York.

Aktorët u shprehën të knaqur dhe të emocionuar për pritjen e ngrohtë që drama gjeti tek publiku amerikan dhe shqiptar në katër netët e saj të para.

Sipas tyre, mesazhi i shfaqjes synon të frymëzojë të rinjtë kudo që ndodhen, duke i inkurajuar të ndjekin ëndrrat dhe identitetin e tyre kulturor, artistik dhe suksesin.

Në përfundim të takimit, Besforti dhe Vlera falënderuan “Vatrën” për mikpritjen dhe përkushtimin në ruajtjen e vlerave kombëtare shqiptare.