Të Enjten me 23 Korrik, në Shtëpinë e Vatrës ishte për vizitë Kryetari i Komunës së Gjilanit të Republikës së Kosovës. z. Lutfi Haziri. Ai u prit nga zv/kryetari i Federatës Pan-Shqiptare të Amerikës, z. Asllan Bushati, anëtari i Këshillit të Vatrës z. Zef Bala dhe editori i Diellit Dalip Greca.
Zv/Kryetari i Vatrës z. Bushati pasi i uroi mirëseardhjen mysafirit, i përshkroi zhvillimet e fundit Vatër, fokusimi në cështjen Kombëtare, Kuvendi i fundit, shtrirja e Vatrës nëpër shtete të ndryshme të Amerikës dhe në Kanada.Ai foli dhe për qëndrimet e Vatrës ndaj klasës politike të korruptuar në Shqiëpri, Kosovë e Maqedoni etj.
Mysafiri Lutfi Haziri, i cili ishte i ftuar në këtë vizitë zyrtare nga “Sister Cities International”, tha se ndjehej i gëzuar dhe i emocionuar që ndodhej në Vatrën historike dhe nuk mund të mos e përfshinte në axhendën e tij Vatrën e Shqiptarëve të Amerikës.Ai tregoi më pas për axhendën e vizitës, takimet, përfshi atë në Departamentin e Shtetit dhe takimet e tjera.
Anëtari i Këshillit të Vatrës z. Zef Balaj, pasi i uroi mirëseardhjen mysafirit, u përqëndrua tek cështja e debatuar e Gjykatës speciale në Kosovë, trysnia e faktorit ndërkombëtar dhe qëndrimi shqiptar.
Editori i Diellit bëri një përshkrim historik të 103 viteve të Vatrës dhe 106 viteve jetë të Gazetës Dielli.
Z. Lutfi Haziri shoqërohej në këtë vizitë nga Faton Bislimi dhe gazetari Xhevat Latifi, drejtor Ekzekutiv ne Qendra e Kosoves për Politikë Publike.
Në fund z. Haziri dha një intervistë për Gazetën “Dielli”
VATRA DO TË NDEROJË PROF. ARSHI PIPËN ME RASTIN E 95- VJETORIT TE LINDJES
NJOFTIM/
Të Hënën, me 27 Korrik 2015,ne Oren 6 P.M, dita e lindjes e Prof. Arshi Pipës,(27 Korrik 1920) Federata Pan-Shqiptare e Amerikës”VATRA” do të nderojë Prof. Arshi Pipën me një veprimtari përkujtimore dhe vleërsuese për jetën dhe Veprën e Prof. Arshi Pipës, ku do të mbajnë kumtesa studiues të diasporës shqiptare në Amerikë:
1- Ish Drejtori i Divizionit të Euroazisë në Zërin e Amerikës , gazetari Frank Shkreli do të mbajë kumtësën”ARSHI PIPA: MENDIME TË HEDHURA ME RASTIN E 95-VJETORIT TË LINDJES”
2- Poeti, Studiuesi, ish editori i Diellit, Anton Cefa, do të sjellë kumtesën” Arshi Pipa, kundërshtar i çdo konformizmi dhe cdo diktature, në 95-vjetorin e lindjes”
3- Studiuesi, ish gazetari i Zërit të Amerikës, Idriz Lamaj, do të sjellë transkiptimin e letrave të cigareve, përmes të cilave u c’burgos”Libri i burgut” i Arshi Pipës. Po ashtu ai do të sjellë zërin e Arshi Pipës përmes Zërit të Amerikës. Do të kemi mundësi që të shohim letra origjinale, vidio etj.
4-Profesori Mithat Gashi do të sjellë kumtesën “Nji veshtrim kontributit te Arshi Pipes si kritik letrar, poet, dhe analist politik.”
5- Gazetari i Zerit te Amerikes Astrit Lulushi sjell studimin”Montale, Dante dhe Arshi Pipa”
6- Fragment nga Dokumentari”Arshi Pipa në Shqipëri”, vetërrëfimi.
Moderator i veprimtarisë përkujtimore do të jetë Editori i Diellit, Dalip Greca.
Takimi përkujtimor është i hapur për publikun.
KRYETARI I VATRES U URON BASHKATDHETAREVE FESTEN E BAJRAMIT
Përzemërsisht uroj Bajramin e Madh besimtarëvet myslimanë dhe të gjithë shqiptarëvet, për shumë mot gëzime e shëndet, paqë e rahati shpirtnore dhe përtrimjen e shpresës për dit ma të mira, ma të begata dhe ma të drejta për kombin dhe për të gjithë njerzit vullnetmirë. Zoti i shpërbleftë dhe i mëshiroftë të gjithë ata që jetojnë në hirin e Tij, Zoti ua ruejttë shqiptarëvet harmoninë ndërfetare që trashiguen prej të parëve!
Kryetari i Vatres
Gjon Bucaj
Condolences of VATRA for the two Chzech tourists killed in Albania
July 13, 2015/
H. E. Petr Gandalovič,/
Ambassador of the Czech Republic/
Washongton, DC/
Your Excellency /
Ambassador Gandalovič,/
On behalf of the The Pan-Albanian Federation of America VATRA (The Hearth), I would like to extend our /deepest condolences to you and to the families of Michael Svatos and Anna Kosinova, the two Czech citizens who were fatally shot in Albania on July 3, 2015.
The Albanian community feels extremely sad for the tragic event that happened in our country, however I strongly assure you and your government that the Albanians, wherever they live, are with the families of the victims in these difficult moments, and pray for their comfort and for the spirits of the victims to rest in peace.
I avail myself of this opportunity to renew to your government and to the Czech people , our most sincere friendship.
In the highest esteem,
Dr. Gjon Buçaj,
President
*The Pan-Albanian American Federation VATRA (THE HEARTH), founded on 1912, is the oldest Albanian umbrella organization with a large and diverse membership. Today VATRA proudly remains the most active and the largest organization with branches in the US and Canada. Its activities include meetings with the US Presidents, Members of the Congress, other high ranking officials and representatives of other countries, addressing issues conerning the Albanian natiom.
SHOQATA E STUDENTEVE ” SHOKE KLASE PERGJITHMONE” NISI BASHKEPUNIMIN ME VATREN
Një përfaqësi e shoqatës u prit nga kryetari i Vatrës, dr. Gjon Bucaj, të Mërkurën më 15 korrik 2015 /
Të Mërkurrën me 15 korrik në zyrat e Vatrës, kryetari dr. Gjon Bucaj, i shoqëruar nga zv/kryetari Asllan Bushati dhe Editori i Diellit, Dalip Greca, pritën një përfaqësi të shoqatës studentore”Shokë Klase Përgjithmonë”,-” Clasmates Forever Inc.”, e cila vepron në New York.
Kryetari i Federatës Panshqiptare të Amerikës”Vatra” u uroi mirëseardhjen përfaqësuesëve të shoqatës dhe u përcolli atyre përgëzimet e tij dhe të vatranëve për organizatën e tyre që synon të ndihmojë shkollat në vendlindje dhe t’u përcjellë shpresë atje ku kushtet janë të vështira dhe kanë nevojë për ndihmë.
Kryetari Bucaj përshkoi shkurtazi rrugën historike të Vatrës nw 103 vitet e mbijetesës së saj. Ka qenë idealizmi ai që e ka mbajtë gjallë Vatrën, dhe më vjen mirë që edhe ju jeni nisë nga idealizmi për të për të dhënë kontributin tuaj në vendlindje. Vatra ndjehet mirë nga kjo vizitë e juaja dhe e presim me kënaqësi bashkëpunimin që ju po kërkoni. me Vatrën. Nuk do t’ju mungojë ndihma dhe bashkëpunimi ynë. Dr. Bucaj foli edhe për fondin e Studentëve pranë Vatrës, që në këtë kohë udhëhiqet nga profesori Mithat Gashi. Në një lidhje telefonike gjatë takimit profesor Gashi ofroi kontributin e tij për të bashkëpunuar. Madje u tregua i gatshëm edhe për të ndërmjetësuar duke e lidhur shoqatën me një tjetër shoqatë të studentëve shqiptarë në Chikago, e cila ka mbledhë kontribute për Fondin e Studentëve të Vatrës.
Zv/Kryetari i Vatrës z. Asllan Bushati shprehu kënaqësinë për vizitën dhe tregoi gatishmërinë e vatranëve për të bashkëpunuar me shoqatën e studentëve.
Editori i Diellit i ftoi studentët që të bashkëpunojnë me Gazetën Dielli dhe ta përdorin atë për promovimin e ideve, projekteve të shoqatës dhe për të përcjellë shqetësimet që kanë. Ai tregoi përvojën e Vatrës në misionin e saj për të ndihmuar vendlindjen. Shpesh, vecanërisht në 40 vitet e para të jetës së saj Vatra ka dhënë kontribut financiar në ndihmë të shkollave shqipe në vendlindje, ndërkohë që ka dërguar më shumë se 120 mijë libra. Kjo përvojë ju mund t’ju orientojë në misionin tuaj.
Lendita Hoxha në emër të Shoqatës” Clasmates Forever Inc.” së bashku me Zamane Bodini, Luftar Rama dhe Vera Belliu, shprehën kënaqësinë për këtë vizitë dhe mbresat e tyre i pwecollwn nw Librin e mbresave tw vizitorwve.
Në këtë takim ishte i pranishëm edhe gazetari i “Bota Sot” Beqir Sina.
- « Previous Page
- 1
- …
- 86
- 87
- 88
- 89
- 90
- …
- 134
- Next Page »