Kosovë-Kuvendi mblidhet në 14 e 17 dhjetor

– Sot u bë një vit nga konstituimi i Kuvendit të Kosovës, në 8 dhjetor 2014, i cili një ditë më pas zgjodhi qeverinë e re, gjashtë muaj pas zgjedhjeve të parakohëshme parlamentare të 8 qershorit/PRISHTINË, 8 Dhjetor 2015-B.Jashari/ Kuvendi i Kosovës do të mblidhet të hënën e 14 dhjetorit në seancë plenare për të shqyrtuar për herë të dytë Projektligjin për Buxhetin e Republikës së Kosovës për vitin 2016. Ndërsa, në një seancë tjetër të Kuvendit në 17 dhjetor presidentja e Republikës së Kosovës, Atifete Jahjaga, do të mbajë fjalimin vjetor para deputetëve.Kështu vendosi sot pasdite Kryesia e Kuvendit të Republikës së Kosovës, në mbledhjen e përbashkët me kryetarët e grupeve parlamentare, të drejtuar nga kryetari i Kuvendit, Kadri Veseli. Komisioni për Buxhet dhe Financa sot miratoi Raportin me amendamente të Projektligjit për Buxhetin e Republikës së Kosovës për vitin 2016 dhe e procedoi tutje në seancë të Kuvendit.

Sot u bë një vit nga konstituimi i Kuvendit të Kosovës, në 8 dhjetor 2014, i cili një ditë më pas zgjodhi qeverinë e re, gjashtë muaj pas zgjedhjeve të parakohëshme parlamentare të 8 qershorit.

Pas zgjedhjes, qeveria e Kosovës, e koalicionit të dy partive më të madha PDK e LDK, ku përfshihen edhe minoritetet, për vitin 2015 kishte paraparë të përgatisë dhe të dërgojë për miratim në Kuvend rreth 100 ligje.