Shqiptarët e Amerikës e trojeve etnike vizitojnë Federatën Vatra e gazetën Dielli në muajin e Pavarësisë. Z.Bujar Gjoka – Kryetari i Shoqatës Bijtë e Shqipes në Philadelphia, Tajar Domi – Kryetar Nderi i Shoqatës Bijtë e Shqipes dhe Abdulla Domi Kryetar i Këshillit të Qarkut Kukës ishin sot ndër vizitorët e shumtë në Vatër me rastin e muajit të Pavarësisë. Z. Abdulla Domi si përqafësues i popullit të Kukësit, Hasit e Tropojës, i akordoi Federatës Vatra një Certifikatë Mirënjohje për kontributin e jashtëzakonshëm në dobi të çështjes kombëtare në 110 vite histori. Federata Vatra bashkon shqiptarët nga të gjitha trojet në tokën e premtuar të Amerikës. Vatra e ngrohtë, zjarri i pa shuar i atdhedashurisë që mban gjallë shpirtin patriotik shqiptar përtej Atlantikut. Vatra është historia, krenaria dhe identiteti i shqiptarëve të Amerikës.