Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

FONDACIONI BIBERAJ, $2.5 MILION BASHKË-FINANCIM PËR PROGRAMIN E STUDIMEVE TË GRADËS MASTER

by

FONDACIONI BIBERAJ NJOFTON $2.5 MILION BASHKË-FINANCIM  PËR PROGRAMIN E STUDIMEVE TË GRADËS MASTER  TË FONDACIONIT SHQIPTARO-AMERIKAN TË ZHVILLIMIT PËR TË MBËSHTETUR PROFESIONISTËT SHQIPTARË/

1 biberaj foundation

Fondacioni Biberaj shpall mbështetjen me $2.5 milion të programit MIP të Fondacionit Shqiptaro-Amerikan të Zhvillimit, për të ndihmuar profesionistët shqiptarë që synojnë të ndjekin studime pasuniversitare në Shtetet e Bashkuara.

Nju Jork, 14 korrik 2018 – Sot, Fondacioni Biberaj shpalli projektin e tij të parë, bashkë-financimin e Programit të Studimeve të Gradës Master të Fondacionit Shqiptaro-Amerikan të Zhvillimit. Programi “Master’s and Intership” (MIP) është themeluar në vitin 2016 nga Fondacioni Shqiptaro-Amerikan i Zhvillimit (AADF) për t’u dhënë profesionistëve të rinj shqiptarë dhe udhëheqësve të ardhshëm një mundësi të veçantë për të ndjekur studimet për gradën Master dhe për të kryer praktika profesionale në fushat e Menaxhimit dhe Administrimit të Biznesit, Trashëgimisë Kulturore, Eko-Turizmit dhe Mikpritjes, Arsimit, Teknologjisë Informative, Shkencave Kompjuterike, Politikave Publike dhe Administratës Publike.

“Familja Biberaj ndihet e nderuar për të bashkë-financuar, me një donacion prej $2.5 milion, Programin e Studimeve të Gradës Master të Fondacionit Shqiptaro-Amerikan të Zhvillimit, që u drejtohet profesionistëve të rinj shqiptarë që synojnë të përparojnë duke studiuar në Shtetet e Bashkuara,” tha Ken Biberaj, zëdhënësi i Fonadacionit. “Ne u jemi thellësisht mirënjohës Shteteve të Bashkuara për suksesin që kemi arritur dhe ndihemi krenarë për trashëgiminë tonë shqiptare. Shpresojmë që ky program do të ndihmojë brezin e ri të studentëve shqiptarë drejt arritjes së suksesit të tyre akademik, duke përmbushur angazhimin për të ndihmuar më pas në shkëmbim shoqërinë e tyre shqiptare.”

Fondacioni Biberaj u krijua me rastin e 50 vjetorit të mbërritjes së familjes Biberaj në Shtetet e Bashkuara në vitin 1968. Pas largimit, duke i shpëtuar shtypjes së komunizmit në Shqipëri dhe mbërritjes në Shtetet e Bashkuara, rasti i tyre është dëshmi e realizimit të “Ëndrrës Amerikane.” Përmes punës së vazhdueshme individuale dhe bashkë, përmes shpirtit sipërmarrës, anëtarët e familjes Biberaj zotërojnë sot bizneset e tyre dhe kanë ndjekur karriera që nga arsimi, teknologjia, drejtësia, shërbimi publik, financat, tregëtia, pasuri të patundshme, filantropi dhe arte. Ata besojnë në mbështetjen e shoqërive të tyre dhe dëshirojnë që mundësitë që arsimi i lartë u ka dhënë atyre, të vazhdojë tek të tjerët.

Misioni i Fondacionit Biberaj është të mbështesë mundësitë për të ndjekur studimet e larta të studentëve shqiptarë nga Ballkani në institucionet amerikane. Pas studimeve, përfituesit e ndihmës financiare duhet të kthehen në vendin e tyre dhe të punojnë për të forcuar themelet e shoqërive demokratike.

Këshilli Amerikan për Studime Ndërkombëtare (American Councils for International Education) do t’i ndihmojë studentët për vendosjen në Shtetet e Bashkuara dhe do të ndjekë përparimin e tyre akademik.

Informacione të mëtejshme për ndihmën financiare mund të gjeni në këtë faqe: http://mip-aadf.org.

Kontakte:
Mark Zielinski
American Councils for International Education
http://www.americancouncils.org
651-955-6114

Elona Xhaferri, Menaxhuese e Progrmait MIP, AADF
Fondacioni Shqiptaro Amerikan i Zhvillimit
http://www.aadf.org/

 

Shqiptari 21 vjeç fiton lotarinë 1.5 milion dollarë në New York

by

8 njujorkezët,(përfshire dhe Euglen Muslliun) do të bëhen anëtarë të klubit të milionerëve pas fitores së Lotterisë/
BEQIR SINA, Brooklyn NY/
BENSONHURST BROOKLYN NY : – Ai është 21 vjeç dhe ende jeton me prindërit e tij në Brooklyn të New York-ut. Por, nga java që lamë pas ky i ri shqiptar u bë milioner duke fituar çmimin 1.5 milion dollarë në lotarinë “gërvishtë e fito “LIFE”.
Euglen Muslliu , i cili erdhi në qytetin e New Yorkut, gjashtë vjet më parë nga Shqipëria , dhe kët javë përjetoi një “kapje” të shpejtë dhe të habitshme e ëndrrës amerikane – fitoi loterinë me 1.500.000 Dollar amerikan ose 1.100.300 Euro, shkruan shtypi njujorkez .
” Ishte ëndrra ime që të kemë para ; një shumë të holla për të shpenzuar në disa prej gjërave që dua , “tha Muslliu , 21 vjeçarë , një punonjës ndihmës elektricist .
Eugleni, banori i lagjes Bay Ridge, një lagje, ku banojnë shumë emigrantët dhe dekadat e fundit edhe emigrantët shqiptarë, të emigruara vitet e fundit, kishte blerë një biletë lotarie – scratch- ticket, “Life” , grocerinë Yoga në Avenue e katërt në Brooklyn, dhe nisi t’a gërvishte atë tek sa gjeti fatin e tij.
Po gërvishtja biletën e blere, tregon ai , ” kur unë pashë se fjala ‘ Life ‘ poshtë saj kishte disa zero dhe një 1-shë, në fillim, dhe mendova , ‘ Ua! unë jam një milioner ! ”
” Shumë njerëz flasin për ëndrrën Amerikane – American Dream , por unë jam me të vërtetë duke jetuar tani këtë ëndërr, ” tha Euglen Musli .
Ai tha se kurrë nuk mendoi se ai në fakt do të fitojë 1 milion e gjysmë dollar, ” por , natyrisht perderisa ai e luante lojën e fatit “gërvishtë se fiton” një loteri e përhapur kjo në SHBA, me biletat e lotarisë – scratch- ticket, ka pasur edhe shpresë , për të cilën Eugleni shprehet ” Zoti e bekoftë Lotteryn Amerikane . ” Vlera e parave të gatshme dhe të garantuara për të marrë ai në dorë është 740.626 dollar mbasi nga 1.500.000 dollar – simbas, rregullave do të hiqen 30 përqind të shumës së fituar . Ai tha se do të përdorë, këto paratë për të ndihmuar familjen e tij , për të blerë një shtëpi dhe ndoshta për të hapur një restorant – ” një restorant italian , sigurisht , ” tha ai meqense unë jam i apsionuar mbas ushqimeve italiane.
Ndërsa , gjatë kësaj jave zyrtarët e Lotarisë së New Yorkut, thanë se e kan fituar atë 8 njujorkez duke u bërë anëtarë të klubit të milionerve : Arthur Berg , Timothy Brassil , Rafik Sulaiman , John Sandrowsky , Geraldine dhe Fredinado Pollice , Salvatore Montante , dhe Euglen Musli janë 8 milionerët e ardhëshëm njujorkez.