aksident – Dielli

VATRA SHPREH NGUSHËLLIMET MË TË THELLA PËR AKSIDENTIN NË QAFË –MUZINË

August 26, 2021 by s p

Federata Panshqiptare e Amerikës VATRA shpreh ngushëllimet më të thella për jetët e humbura në aksidentin tragjik në Qafë-Muzinë. Vatra lutet për shpirtrat e humbur dhe uron shëndet të plotë të lënduarve nga ky aksident fatal. Pesë jetë humbura është një tragjedi e tmerrshme. Vatra u qëndron pranë familjarëve në këto momente dhimbjeje të madhe e trishtimi të rëndë. Vatra u bën apel autoriteteve të dhe instancave përgjegjëse që të marrin masa për parandalimin e tragjedive të tilla. Vatra bën thirrje për të gjithë drejtuesit e mjeteve që të tregojnë e demostrojnë përgjegjshmëri të lartë në drejtimin e automjeteve të tyre në mënyrë që të mos kemi jetë të humbura tragjikisht në rrugët e atdheut.

DRINI KUPI, 28 VJEC, NDERROI JETË NË NJU JORK

August 13, 2017 by dgreca

NJOFTIM- DRINI KUPI, 28 VJEC, NDERROI JETË NË NJU JORK/

Një lajm tragjik vjen nga familja e Lulzim Kupit më banim në Nju Jork: Djali i tij, Drini Kupi, 28 Vjec, ka humbur jetën në një aksident me motorcikletë.

Familja Kupi njofton komunitetin se pret ngushellime Ditën e Hënë,

14 Gusht 2017 nga ora 5.00 PM deri në orën 9 PM dhe të Martën me 15 Gusht 2017 nga Ora 5 PM deri në 9 PM.

Arkivoli me trupin e të ndjerit do të pushojë në :

Memorial Chapel në adresën:

114-03 Queens Blvd

Forest Hills, NY 11375

Gazeta Dielli i shpreh ngushëllimet më të thella familjes Kupi dhe fton komunitetinqë që t’i gjendet pranë Familjes Kupi për t’ia lehtësuar dhimbjen.

Aksident ne Nju Xhersi: Dy të plagosur në gjendje të rëndë, njëri- 47 vjeçari shqiptar

April 7, 2016 by dgreca

WAYNE – Shoferi dhe pasagjeri të cilit u lënduan rëndë të martën, kur kamionçina( pickup truck)e tyre në ecje e sipër, në autoban, ishte goditur nga prapa nga një maune, një kamioni e peshave të rënda(tractor), në Route 23 North, janë identifikuar, dhe janë në gjendje kritike në spital , tha të mërkurën policia.

Capt. Laurence Martin i Departamentit të Policisë Wayne, tha në një dekeleratë për shtypin lokal, se :“ Ata të dy shoferi dhe pasagjeri janë në “gjendje të rëndë”, dhe nuk kanë qenë në gjendje të flasën me policinë për të siguruar ndonjë informacion në lidhje me atë që mund të ketë shkaktuar aksidentin” tha Martin.

Pasagjeri në kamionçinë, i identifikuar si Christian M. Calle-Valdez, 29 vjeç, nga Orange County, ishte “tejet, tejet, në gjendje shumë të rëndë” natën e së mërkurës, ka thënë Martin. Kurse, shoferi, Adil Gega, 47 vjeç, nga Lincoln Park, ishte në gjendje disi më të mirë, por ende e rëndë, shtoi ai.

Të dy të plagosurit janë duke u trajtuar në Qendrën Rajonale të Shëndetësisë – Spitalin Shën Jozefit në Paterson New Jersey.

Policia tha se shoferi i Maunes – tractor, Steven L. Meyer nga Augusta, Wisconsin, nuk ka marrë asnjë lloj lëndimi.

Dëshmitarët i kanë thënë policisë se kamionçina është goditur në mes të rrugës, kur pa kuptur ajo ndaloi, dhe rimorkio e maunes, e goditi në kohën që ai ishte duke udhëtuar në më pak se kufiri i shpejtësisë, deri sa u përplas në pjesën e pasme të kamionçinës.

“Ne nuk e dimë pse u ndalua, kamionçina, dhe ne nuk kemi qenë në gjendje të dinim se çfarë po bisedonin të dy burrat në të, kështu që ne jemi duke kërkuar dëshmitarë e thirrur për të ndihmuar me hetimet”, ka thënë Martin. “Ajo aksidenti ndodhi në mes të rrugës dhe ne mes të ditës, në mënyrë që dukshmëria ishte e mirë”, kur aksidenti ka ndodhur, pra në orën 11:26 paradite, shtoi ai.

Policia tha se po vazhdojnë hetimet, ndërsa ata kan kërkuar ndihmën e qytetarë në kontactin :” Wayne Police Traffic and Safety Bureau at 973-633-3520”. /Beqir Sina/

Aksident ne New York, vdes dhe vajza shqiptare 2-vjecare

August 17, 2015 by dgreca

Familja shqiptare përfshihet në aksident në New York, mes 3 të vdekurve edhe vajza e shqiptarit 2 vjece/
NEW YORK : Policia amerikane ka njoftuar se në një aksident që ka ndodhur në autostradën “Taconic State Parkway” në New York , kanë mbetur të vdekur 3 persona, ku mes të vdekurve në aksidentin që janë përfshirë 4 vetura ka mbetur edhe një vajzë shqiptare.
33-vjeçari Nerim Simanoviç ishte duke vozitur drejt veriut me veturën e tij të tipit BMW kur është përplasur në anësoret e rrugës, duke goditur dy vetura të tjera, ka raportuar Departamenti i Policisë në New York.
Të vdekur kanë mbetur vajza e tij 2-vjeçare Leona, ndërsa gruaja e tij Blerta 22-vjeç dhe vajza tjetër 1-vjeç Lira po trajtohen në Qendrën Mjekësore në Westchester. Simanoviç është poashtu aty, dhe që të tre thuhet të jenë në gjendje stabile.
Automjeti i Simanoviçit ka goditur një veturë të tipit Toyota në anën jugore, duke lënë të vdekur 61-vjeçaren Ledell Mulvaney dhe vajzën e saj 31-vjeçare Katherine Mulvaney. Ato u transportuan në Westchester poashtu, ku edhe u konstatua vdekja e tyre. /B.Sina/

Aksidentohet sekretari Kerry

May 31, 2015 by dgreca

Gjenevë,, 31.05.2015/
Sekretari amerikan i Shtetit, John Kerry, raportohet të jetë në gjendje të qëndrueshme në spital, pasi është lënduar në një aksident me biçikletë në Francë.
Departamenti amerikan i Shtetit ka njoftuar se Kerry, 71 vjeç, është dërguar me helikopter në Gjenevë, ku edhe është duke u trajtuar.
Deklarata thotë se Kerry nuk e ka humbur vetëdijen dhe se ka pësuar lëndime në këmbë.
Aksidenti ka ndodhur në Scionzier të Francës.
Të shtunën, Kerry ka takuar në Gjenevë ministrin e Jashtëm të Iranit, Mohammad Javad Zarif, për të biseduar rreth programit bërthamor të Republikës Islamike.

TAKIMI ME ZARIF/
Sekretari amerikan i Shtetit, John Kerry, dhe homologu i tij iranian, ministri i Jashtëm, Mohammad Javad Zarif, kanë mbajtur takime në Gjenevë për t’i hapur rrugën një marrëveshjeje për programin bërthamor.
Një marrëveshje e tillë pritet të ndodhë deri në fund të qershorit.
Kerry dhe Zarif kanë pasur “takim të gjatë për të diskutuar për të gjitha çështjet”, tha një zyrtar i lartë i Departamentit të Shtetit.
Abaz Araqchi, zëvendës i kreut të ekipit negociator të Iranit, citohet të ketë thënë se “dallimet janë ende evidente”.
Bisedimet e fundit pasojnë një marrëveshje paraprake e arritur më 2 prill ndërmjet Iranit dhe gjashtë fuqive botërore.
Shtetet e Bashkuara, Kina, Rusia, Franca, Britania, dhe Gjermania, janë të përkushtuara për arritjen e një marrëveshjeje që synon ndalimin e Iranit për të punuar rreth programit bërthamor në këmbim të ndihmave dhe heqjes së sanksioneve.