Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Ambasadori Lu: SHBA, krenare që shërbejmë përkrah efektivëve si Ibrahim Basha

by

ATSH, 25 Qershor 2015- Ambasadori i SHBA-së në Tiranë, Donald Lu, vuri në dukje se efektivi i forcave speciale RENEA, lbrahim Basha ka marrë pjesë përkrah forcave të NATO-s në misionet paqeruajtëse në Afganistan dhe Irak. “Ne nderojmë shërbimin e tij për çështjen e paqes në Afganistan dhe Irak. Ai shërbeu krah për krah vëllezërve të forcave speciale shqiptare dhe amerikane në Kandahar, një prej rajoneve më të rrezikshme të Afganistanit dhe në Mosul të Irakut. Ai shërbeu në 2 misione në Afganistan dhe 1 në Irak”, tha ambasadori Lu.Ambasadori Lu tha se “vrasja e oficerit të RENEA-s, Ibrahim Basha ishte një zi kombëtare”.

“Ne nderojmë trimërinë dhe sakrificën e tij në luftën kundër krimit të organizuar dhe luftës ndaj narkotikëve. Unë i kam ndjekur së fundi forcat speciale. Aftësitë dhe profesionalizimi i tyre më kanë mahnitur”, tha ai.Lu theksoi se këta persona të përkushtuar janë oficerët e policisë dhe ushtrisë më të mirë në Shqipëri.“I gjithë kombi juaj duhet të jetë krenar për ta. Ne jemi krenar që shërbejmë përkrah tyre. Në emër të NATO-s dhe SHBA-së i shpeh ngushëllimet e mia familjes së tij dhe të gjithë shqiptarëve”, përfundoi Ambasadori amerikan në Tiranë.

SOT ZGJEDHJE SHQIPTARE- AMBASADORI AMERIKAN NE TIRANE KUJTON VOTEN E TIJ TE PARE

by

Ambasadori Lu kujton votimin e pare/

“Më kujtohet hera e parë që votova, në 1984 në Kaliforni. Ishte e jashtëzakonshme të isha pjesë e diçkaje shumë më të madhe se unë dhe të ushtroja detyrën time si qytetar. Të votosh do të thotë të jesh pjesë e së ardhmes së kombit tënd. Unë shpresoj se të gjithë ju do të shkoni për të votuar të dielën.”

– Donald Lu, Ambasador i Shteteve të Bashkuara“I remember the first time I voted in 1984 in California. I loved being part of something bigger than myself and doing my duty as a citizen. Voting is about being part of your nation’s future. I hope you will all go out and vote on Sunday.”

– Donald Lu, U.S. Ambassador

Ambasadori Donald Luu, zhvilloi takime me APEN dhe NAAC

by

APEN :Ne diskutuam shumë tema, duke përfshirë qëllimet tona të përbashkëta të transparencës dhe të zhvillimit, si dhe mundësitë për bashkëpunim të qëndrueshëm ndërmjet komunitetit tonë në SHBA dhe Ambasadën amerikane në Shqipëri.”/
Nga Beqir SINA, New York/
NEW YORK : Ambasadori i ri i Shteteve të Bashkuara të Amerikës, në Tiranë, Donald Luu, këto ditë ka mbajtur disa takime me komunitetin shqiptarë në Uashington dhe zonën e Tri-Shtetshit në qytetin e Nju Jorkut. Burime nga komuniteti thanë se dje ai u takua një grup përfaqsuesish nga komuniteti shqiptarë në Uashington.
Kurse, mbrëm më 23 Mars, ambasadori Donald Luu, është takuar me organizatën e Rrrjetit të Sipërmarrësve Shqiptaro Amerikan APEN, kështu të paktën thuhet në portalin e APEN-it, në rrjetin social facebook ku ata shkruajn se kane qenë krenare për t’u takuar me Eksellencën e Tij të Nderuarin – Ambasadorin e Shteteve të Bashkuara në Shqipëri Donald Luu.
Në postim e një fotografie të përbashkët, organizata APEN me bazë në Nju Jork, thotë se :’ Ne diskutuam shumë tema, duke përfshirë qëllimet tona të përbashkëta të transparencës dhe të zhvillimit, si dhe mundësitë për bashkëpunim të qëndrueshëm ndërmjet komunitetit tonë në SHBA dhe zyrën e tij në Shqipëri.”

Gjithashtu, ata me këtë rast përcjellin shumë faleminderime për ambasadorin Luu për idetë e tij, përpjekjeve dhe kohës që ka marrë për t’u takuar me përfaqësuesit e Rrjetit të Sipërmarrësve Shqiptaro Amerikan APEN, shkruajn ata, teksa kan publikuar një foto në grupin pjesëmarrës të kryesuar nga presidentja e re, Mediha Kosovrasti – Gega.
Ambasadori i ri i Shteteve të Bashkuara të Amerikës, në Tiranë, Donald Luu, nga fotograftitë e publikuara në rrjetin shoqërorë facebook , shifet se ka pasur edhe një takim me një grup veprimtarësh të komunitetit shqiptarë në zonën e Tri-Shtetshit në qytetin e Nju Jorkut.
Takim ky ku kan marrë pjesë veprimtarët e komunitetit Harry Bajraktari, Avni Mustafaj, Martin Shkreli, Sal Rusi, Adrian Neritani, dhe gazetari i TV21 Hali Mula.
Ambasadori i Shteteve të Bashkuara të Amerikës, në Tiranë, Donald Luu, është një diplomat me më shumë se 20 vjet karrierë, dhe prej janarit ka zënë vendin e Ambasadorit Alexander Arvizu.
Donld Lu, është bërë pjesë e Shërbimit Diplomatik Amerikan që në vitin 1990. Më parë se të merrte detyrën e ambasadorit në Tiranë , ai ka pasur postin e Ambasadorit në Nju Delhi të Indisë. Ai ka mbajtur poste të rëndësishme të Shërbimit Diplomatik Amerikan, në Pakistan, Indi, Gjeorgjia, Kirgistan, Azerbajxhan dhe Uashingtonit.
Donald Lu mori postin e Ambasadorit në Nju Delhi dhe kjo ishte detyra e dytë e tij në Indi, pasi kishte punuar më parë si asisent i stafit me ambasadorin, Frenk G. Uisner ish kryesuesin e bisedimeve për Kosovën .
Donald Lu ka lindur në Kaliforni. Ai është i martuar dhe babai i dy fëmijëve.