Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

DITARI I LUFTËS-6 Gush1998-DITË ZIJE

by

KOSOVA-LUFTA NË LAJME/ 6 gusht 1998: Presidenti Rugova shpallte Ditë Zie…/

PRISHTINË, 6 Gusht 2016-Gazeta DIELLI-Behlul JASHARI/ Para 18 viteve, në 6 gusht 1998, Presidenti i Republikës Ibrahim Rugova shpallte 7 gushtin ditë zie në gjithë Kosovën për shumë shqiptarët e vrarë e të masaktuar e të groposur në varreza masive në Rahovec. Raportoja për këtë, si edhe për varreza tjera masive në Kosovë me shqiptarë të vrarë e të masakruar nga forcat okupatore e kriminale serbe, të cilat vazhdonin me sulme të reja në shumë rajone të vendit që kërkonte lirinë e pavarësinë dhe për këtë luftonte…

http://www.hri.org/news/balkans/ata/1998/98-08-06.ata.html

[11] Attacks of Serb forces in Drenice and Rrafsh of Dukagjin.

PRISHTINE, August 6 (ata) – ATA correspondent Behlul Jashari reports: The attacks of Serb forces have continued today too in Drenice and Rrafsh of Kosove (Central Kosove.) After bombing last night, today Serb troops have entered a part of village Rezalle, while ruining and burning continued today too in the villages Likovc, Plluzhine, Izbice and some other villages of Drenice.

Forces of the Yugoslav Army were seen today morning also on the Rrafsh of Kosove, near village Pantine, between the cities Vushtri and Mitrovice, where bombing has started. Near Pantine is one of the ways used by war refugees from Drenice to pass through Qyqaveca towards Vushtri. In the commune of Vushtri over 25 000 Albanian refugees have arrived from the regions of Skenderaj, Malisheve and Kline, covered by the flames of war. /p.ta/xh/

Albanian Telegraphic Agency

[21] President Rugova declares August 7 a day of mourning in Kosove

PRISHTINE, August 6 (ata) – ATA correspondent Behlul Jashari reports: August 7 is a day of mourning for Kosove. “The President of Kosova Ibrahim Rugova declared August 7, 1998 a day of mourning throughout the territory of Kosove for the victims killed, the massacres and mass graves in Rahovec caused by Serb military and police forces,” says a statement of the presidency. /la/das/xh/

 

 

 

 

 

http://www.hri.org/news/balkans/ata/1998/98-08-07.ata.html

[03] Council for Human Rights in Kosove confirms mass graves existing in Kosove

PRISHTINE, August 6 (ata) – ATA correspondent B Jashari reports:

Unfortunately it is true that that mass graves exist in Kosove where Serb forces have put Albanian victims most of whom massacred children and women, sources of the Human Rights Council in Prishtine report.

Even before western press uncovered the fact that mass graves do exist in Rahovec, the Human Rights Council in Kosove has informed the opinion several times of such macabre acts by Serb forces.

In March this year, Serb forces placed in a common mass grave more than 50Albanians massacred and killed in Prekaz of Drenice. In July, at least 10 Albanians, massacred and killed, were put in mass graves in Prizren, but many eyewitnesses have declared that their number is much greater. Witnesses have also declared of mass graves in Rahovec, after the massacre in that town. Such mass graves also exist in the outskirts of Decan, while many unidentified killed Albanians in Gjakove, Peje, Prizren, Prishtine and some other cities in Kosove have been violently buried on order of Serb police.

According to the Human Rights Council in Prishtine, at least 430 Albanians are reportedly missing this year in Kosove. They are suspected to have been killed and secretly buried by Serb forces in an effort to cover the traces of crime. In Rahovec alone according to information of the Council, around 140 Albanians are missing while at least 60 others are supposed to have been massacred and killed. /la/das/xh/

Albanian Telegraphic Agency

DITARI I LUFTË NË KOSOVË -5 GUSHT 1997, 98

by

KOSOVA-LUFTA NË LAJME/ 5 gusht 1997: Dy sulme kundër policisë serbe…/

PRISHTINË, 5 Gusht 2016-Gazeta DIELLI-Behlul JASHARI/ Dy sulme kundër Policisë serbe në Kosovën e okupuar – në Skënderaj dhe në Podujevë i kam raportuar para 19 viteve, në 5 gusht 1997. E para 18 viteve, në 5 gusht 1998, kam raportuar për zhvillimet e luftës kundër forcave serbe në Gjakovë…

http://www.hri.org/news/balkans/ata/1997/97-08-05.ata.html

[03] TWO SERBIAN POLICEMEN INJURED IN ATTACKS

PRISHTINE, AUGUST 5 (ATA) – By B. Jashari: Two Serbian policemen were injured in two attacks against the police on Monday night and early on Tuesday in Kosova. Though the suspected are still unknown, the Serbian media considered them “Albanian terrorists.”

Radio Prishtina in the Serbian language said that policemen travelling by car were injured by automatic rifles in the commune of Skenderaj. The same sources said that another police car was attacked on Monday night at about 19.00 p.m. in the commune of Podujeva. None was injured.

Check points were built in Skenderaj and Podujeva under the pretext of chasing “terrorists” and police forces are terrorising Albanians. A tense situation is created in the two communes with police arrested and maltreated people. pta/a

http://www.hri.org/news/balkans/ata/1998/98-08-06.ata.html

[02] Seven Albanians killed in commune of Gjakova

PRISHTINE, Aug 5 – ATA correspondent Behlul Jashari reported that in Gjakova area the Serb forces have killed seven Albanian civilians four old men, 2 old women and a 50-year-old man.

Five persons were also killed on Tuesday in Jabllanice village and one in Krelan. While another was found dead somewhere in the villages of Meje and Madanaj, sources of the Democratic League of Kosova (LDK) said.

Meanwhile the Serb forces continue to terrorize the civilian population and raid and torch houses of Albanians in the border line between Kosova and Albania. Fighting has continued on Wednesday in other areas of Gjakova. The Kosova Liberation Army (KLA) is doing the utmost to defend and help the civil population displaced from shelled and torched villages. la/ak/

Albanian Telegraphic Agency

SPECIALE- TE GJITHE KUNDER AKTIT TERRORIST

by

-Kuvendi i Kosovës vazhdon seancën në ndërtesën e sulmuar mbrëmë/

*KUVENDI I KOSOVËS ME DEKLARATË UNANIME DËNON SULMIN KRIMINAL/

-Institucionet e shtetit dhe subjektet politike të Kosovës kanë dënuar sulmin e mesnatës me armë antitank drejt ndërtesës së Kuvendit të Republikës/

-Informacioni i plotë i Policisë së Kosovës lidhur me sulmin në ndërtesën e Kuvendit të Republikës së Kosovës/

-Policia ka gjetë dëshmi relevante, si një mjet për hedhjen e predhave me të cilën dyshohet se është kryer sulmi ndaj ndertesës së Kuvendit të Kosovës, pastaj në rrugën “1 Tetori” ka gjejë një motoçikletë e cila ishte duke u djegur dhe shishe molotovi/

-Si pasojë e sulmit nuk ka pasur raportime për ndonjë person të lënduar, por janë shkaktuar dëme materiale në murin e ndërtesës së Kuvendit të Kosovës, janë dëmtuar disa dritare e disa vetura zyrtare/

Gazeta DIELLI nga korrespondenti në Kosovë Behlul JASHARI/

PRISHTINË, 5 Gusht 2016/ Kuvendi i Kosovës po vazhdon sot seancën plenare të nisur dje, të ndërprerë në mungesë kuorumi, ku kishte 17 pika në axhendë,  por jo edhe Projektligjin për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi,  të miratuar më parë po dje herët në mëngjes dhe të proceduar nga qeveria e  Kosovës.

Te ndërtesa e Kuvendit të Kosovës, e cila ndodhet pranë asaj të qeverisë, në qendër të Prishtinës, mbrëmë rreth mesnate ka ndodhur një shpërthimin i fuqishëm, nga një sulm arme antitank, sipas raportimeve të para, ndërkohë që hetimet vazhdojnë.

Në fillim të seancës, kryetari i Kuvendit, Kadri Veseli, njoftoi se mbrëmë ka ndodhë një rast i rëndë – është sulmuar Kuvendi i Republikës së Kosovë, ndërsa paralajmëroi një deklaratë të përbashkët të parlamentit-grupeve parlamentare për dënimin e këtij akti kriminal.

Kryeparlamentari kosovar Kadri Veseli, ka dënuar sulmin e mbrëmshëm mbi objektin e Kuvendit, duke theksuar se ky akt përbën një sulm kriminal, me elemente të veprimit terrorist, i drejtuar kundër institucioneve dhe popullit të Kosovës.Kryetari i Kuvendit ka kërkuar nga forcat politike në vend që të distancohen qartë nga veprimet të tilla që duan të destabilizojnë vendin dhe të motivojnë edhe më shumë ata që janë kundër shtetit të Kosovës.
“Sulmi i mbrëmshëm mbi Kuvendin e Republikës së Kosovës përbën një sulm kriminal, me elemente të veprimit terrorist, i drejtuar kundër institucioneve dhe popullit të Kosovës”, deklaroi kryeparlamentari kosovar Veseli.
“Si motivuesit, ashtu edhe kryesit e këtij sulmi tinzar, duhet ta kenë të qartë se asnjë formë e dhunës, as metodat e frikësimit, nuk do të munden kurrë të ndalojnë axhendën e fuqizimit dhe konsolidimit të shtetit tonë”, theksoi ai.
“Ftoj të gjitha forcat politike në vend që të distancohen qartë nga veprime të tilla që duan të destabilizojnë vendin dhe të motivojnë edhe më shumë ata që janë kundër shtetit të Kosovës. Ne, së bashku e kemi ndërtuar këtë shtet, së bashku duhet ta mbrojmë, ta zhvillojmë e fuqizojmë”, deklaroi kryetari i Kuvendit.  Veseli ftoi qytetarët e Kosovës që të kenë besim në institucionet e vendit, në kapacitetet e tyre për të garantuar rendin, sigurinë dhe sundimin e ligjit në vend.

QEVERIA DËNON ASHPËR SULMIN MBI OBJEKTIN E KUVENDIT

Qeveria e Republikës së Kosovës deklaroi sot se dënon ashpër sulmin e mbrëmshëm kriminal të kryer mbi objektin e Kuvendit të Kosovës, institucionit më të lartë përfaqësues dhe ligjvënës në vend.

Qeveria e Kosovës konsideron se ky është një sulm qyqar i drejtuar kundër të gjitha institucioneve dhe shtetit të Kosovës.

“Pa dashur të paragjykoj nëse është në linjën e akteve të dhunshme të paralajmëruara, qeveria e Kosovës konsideron se akte të tilla nuk do të arrijnë të ndalin përkushtimin dhe punën e institucioneve të Kosovës për realizimin dhe mbrojtjen e interesave të vendit”, thekson deklarata e dërguar.“Sulmet mbi institucione publike, mbi drejtuesit e tyre dhe policinë, si dhe mbi objektet private, janë veprime të ulëta dhe antidemokratike, të cilat në asnjë rrethanë nuk mund të frikësojnë bartësit e institucioneve të Kosovës për kryerjen e obligimeve të tyre për realizimin e vullnetit të qytetarëve për lëvizje të lirë në BE, për zhvillim ekonomik dhe fuqizim të gjithanshëm të shtetit”, shprehet qeveria.

Qeveria e Kosovës fton organet e rendit që të ndërmarrin të gjitha masat për zbardhjen e kryesve të këtij akti të rëndë kriminal dhe të vënë para drejtësisë kryesit dhe orkestruesit e tij.

PRESIDENTI THAÇI: SULMUESIT E KUVENDIT, NJERËZ QË NUK E DUAN KOSOVËN

Presidenti i Kosovës, Hashim Thaçi, shprehet: “Dhuna sjell frikë, frika sjell urrejtje dhe urrejtja sjell pastaj edhe më shumë dhunë. Mund të mos pajtohemi për shumë gjëra, por ajo për të cilën të gjithë duhet të pajtohemi është se dhuna nuk duhet të ketë vend në Kosovën tone”..

“Dënoj ashpër sulmin e mbrëmshëm në ndërtesën e Kuvendit të Kosovës. Mund të mos jemi në dijeni të emrave të sulmuesve, por e dimë se ata janë njerëz që nuk e duan Kosovën, që nuk ia duan të ardhmen evropiane qytetarëve tanë dhe nuk duan që fëmijët e Kosovës të rriten në paqe”, ka theksuar Thaçi.

Presidenti i Kosovës ka shprehur besim se organet e drejtësisë do t’i identifikojnë sulmuesit dhe do ta zbardhnin rastin. “Dhe kam besim se të gjithë do të bashkohemi dhe nuk do të lejojmë që dhuna të zë vend në shoqërinë tonë”, përfundon Thaçi.

KRYEMINISTRI MUSTAFA: ASKUJT NUK I LEJOHET TË TERRORIZOJË INSTITUCIONET E SHTETIT TONË

Kryeministri Isa Mustafa tha se,  “sulmi mbi ndërtesën e Kuvendit të Republikës së Kosovës është atak ndaj pavarësisë sonë”.

“Kuvendi është organi më i lartë legjislativ, simbol i rregullimit tonë shtetëror dhe demokratik. Askujt nuk i lejohet të terrorizojë institucionet e shtetit tonë”, theksoi ai.
Kreu i qeverisë kosovare ftoi organet e rendit të punojnë në zbardhjen e këtij rasti shumë të dëmshëm dhe tepër të shëmtuar si dhe qytetarët ta japin ndihmesën e tyre, duke theksuar se kryerësit e kësaj vepre duhet të dalin para drejtësisë.

KUVENDI I KOSOVËS ME DEKLARATË UNANIME DËNON SULMIN KRIMINAL

Kuvendi i Kosovës në përmbyllje të seancës së sotme plenare miratoi me votim unanim deklaratën e përbashkët të të gjitha grupeve parlamentare dhe deputetëve të pavarur. Në deklaratë thuhet:

“Ne, përfaqësuesit e zgjedhur të popullit, dënojmë fuqishëm sulmin kriminal të kryer mbrëmë mbi Kuvendin e Republikës së Kosovës. Ky është një sulm kundër shtetit të Kosovës, interesave të qytetarëve tanë dhe kundër qëllimeve e vlerave politike dhe demokratike që afirmojnë subjektet tona politike.

Kërkojmë nga institucionet e sigurisë që të ndërmarrin masat e duhura dhe sa më parë të zbardhin këtë sulm qyqar, ndërsa kriminelët të vihen para drejtësisë.Kuvendi i Republikës së Kosovës, po ashtu, u bën thirrje të gjithë qytetarëve të vendit që të bashkëpunojnë dhe të ndihmojnë organet e drejtësisë në zbardhjen e këtij akti kriminal”.

 

PDK: AKT KRIMINAL, NË KOHËN KUR DEBATET PËR ÇËSHTJET E INTERESIT NACIONAL JANË E ARRITUR E RE E VENDIT TONË

Partia Demokratike e Kosovës, në deklaratën e sapodërguar dënon fuqishëm sulmin ndaj Kuvendit të Republikës së Kosovës, duke e konsideruar si akt të organizuar kriminal, kundër vlerave të institucionit më të lartë legjislativ të vendit.

“Sulmi i rëndë kriminal ndaj Kuvendit të Republikës së Kosovës, është sulm ndaj të arriturave të Republikës së Kosovës, ndaj shtetit, rendit demokratik, kushtetues dhe qytetarëve të saj”, shprehet PDK.

Partia Demokratike e Kosovës, konsideron se ky akt kriminal, është bërë në kohën kur debatet për çështjet e interesit nacional janë e arritur e re e vendit tonë, përfaqësuesve të saj dhe frymës së tolerancës e transparencës në Kuvendin e Republikës së Kosovës.

“Partitë politike, deputetët dhe opinioni publik kanë përgjegjësi dhe duhet të kontribuojnë në ruajtjen e imazhit dhe promovimit të arriturave të vendit dhe synimit euro-integrues, me vlerat e shoqërisë së lirë dhe demokratike që po ndërtojmë së bashku me partnerët tanë, ShBA-në dhe BE-në”, thekson deklarata e partisë më të madhe të koalicionit qeverisës.

Partia Demokratike e Kosovës, fton organet e rendit që sa më shpejtë të gjejnë aktorët e këtij krimi të rëndë, të planifikuar, duke i vënë ata para drejtësisë dhe të marrin dënimin e merituar.

 LDK: VEPRIME KRIMINALE QË SYNOJNË TË NDALIN PROGRESIN E KOSOVËS NË PROCESET EUROATLANTIKE, ZHVILLIMIN EKONOMIK DHE FORCIMIN E SHTETIT TË KOSOVËS.

Lidhja Demokratike e Kosovës në deklaratën e dërgur dënon sulmin e rëndë kriminal mbi Kuvendin e Kosovës, të kryer një natë më parë nga njerëz ende të paidentifikuar.

LDK-ja konsideron se veprime të tilla kriminale të drejtuara kundër institucioneve shtetërore, synojnë të ndalin progresin e Kosovës në proceset euroatlantike, zhvillimin ekonomik dhe forcimin e shtetit të Kosovës.

“Akte të tilla të dhunshme, kanë për synim direkt që të zhysin vendin në kaos dhe anarki dhe që të ndalin proceset e rëndësishme eurointegruese para të cilave ndodhet Kosova, duke filluar nga nisja e lëvizjes së lire”, deklaron LDK, partia e dytë e koalicionit qeverisës.

Duke ftuar organet kompetente të shtetit që të zbardhin ngjarjen dhe të vënë para drejtësisë kryesit e këtyre akteve kriminale, LDK-ja shpreh përkushtimin e saj të plotë që të vazhdojë kontributin në avancimin e proceseve demokratike.

“Njëkohësisht, LDK fton të gjitha subjektet tjera që të distancohen qartësisht nga veprime të tilla kriminale dhe të jenë pjesë e agjendës nacionale të Kosovës, në miqësi të përhershme me SHBA-të dhe vendet e BE-së”, thekson deklarata e dërguar sot.

LVV: REAGIM PËR SULMIN E MBRËMSHËM

Edhe subjekti politik më i madh opozitar, Lëvizja Vetëvendosje dërgoi sot një deklaratë ku dënon sulmin e mbrëmshëm ndaj Kuvendit të Republikës së Kosovës dhe i bënë thirrje organeve të sigurisë që të merren seriozisht me zbardhjen e këtij rasti.

“Megjithëse janë dhënë shumë pak informacione rreth rastit, ne konsiderojmë që nuk mund të këtë motiv që do të justifikonte aktet e tilla”, thekson deklarata.

“Aktet e tilla të papranueshme nuk i bëjnë mirë kurrfarë kauze. Ne ftojmë këdo që është kundër rrjedhave politike të vendit tonë të bashkohet në protestat paqësore, qytetare dhe publike sepse vetëm përmes aktiviteteve të tilla do të mund ta ndryshojmë gjendjen në Kosovë”, shprehet Lëvizja Vetëvendosje.

AAK: SULMI NË NDËRTESËN E KUVENDIT TË KOSOVËS, MBI SHTETIN DHE MBI DEMOKRACINË

Aleanca për Ardhmërinë e Kosovës dërgoi mbrëmë një deklaratë, ku theksonte se ngjarja në Prishtinë është një akt kriminal, i cili kërkon zbardhje urgjente.

“Sulmi në ndërtesën e Kuvendit të Kosovës, është një sulm mbi shtetin dhe mbi demokracinë, është një sulm mbi të gjithë qytetarët e Kosovës. Kushdo që qëndron prapa këtij shpërthimi apo sulmi, çfarëdo që të jetë ai, është kundër Kosovës dhe qytetarëve të saj”, thekson AAK – partia e dytë opozitare.

Aleanca për Ardhmërinë Kosovës, e dënon fuqishëm këtë akt kriminal dhe kërkon nga organet e rendit që të bëjnë krejt çka është në dorën e tyre, që të kapën autorët e tij dhe të nxirren para drejtësisë.

PSHDK DENON ASHPËR SULMIN E MBRËMSHËM NDAJ OBJEKTIT TË KUVENDIT TË KOSOVËS

Partia Shqiptare Demokristiane e Kosovës në deklaratën e dërguar sot denon ashpër sulmin e mbrëmshëm ndaj objektit të Kuvendit të Kosovës, ku sipas informacioneve të para është goditur nga një mortajë dore e tipit “Zola”.

“Kuvendi i Republikës së Kosovës është organi më i lartë juridiko-politik, i cili përbëhet nga spektri politik i Kosovës, me deputetë të zgjedhur me votën e lirë të popullit, ku përmes tyre adresohen dhe artikulohen kërkesat e qytetarëve të Kosovës”, thuhet në deklaratë.

PSHDK-ja, parti e papërfaqësuar në Kuvend, konsideron se asnjë akt i dhunshëm nuk është i justifikueshëm dhe kërkon nga organet e rendit që sa më parë të zbulojnë personin apo personat që kryen këtë sulm të shëmtuar dhe akteret të nxirren para drejtësisë.

INFORMACION I POLICISË SË KOSOVËS LIDHUR ME SULMIN NË NDËRTESËN E KUVENDIT TË REPUBLIKËS SË KOSOVËS

Policia e Kosovës, lidhur me sulmin në ndërtesën e Kuvendit të Republikës së Kosovës, na dërgoi sot këtë informacion më të plotë:

Ju informojmë se me datë 04.08.2016, rreth 23:05 në Prishtinë, rruga “Agim Ramadani”, ka ndodhë një sulm me mjet shpërthyes ndaj objektit të Kuvendit të Republikës së Kosovës.

Policia e Kosovës me njësitet  e saj, duke përfshirë edhe ato të specializuara ka reaguar menjëherë duke ndermarrë veprime të shpejta operacionale dhe hetimore lidhur me rastin.

Si rezultat i angazhimeve profesionale policore, përveç sigurimit të vendit të ngjarjes është arritë që gjatë operacionit për identifikim të të dyshuarve dhe sigurimit të provave që mund të qojnë në zbardhjen e rastit janë gjetë dëshmi relevante, si një mjet për hedhjen e predhave me të cilën dyshohet se është kryer sulmi ndaj ndertesës së Kuvendit të Republikës së Kosovës, pastaj Policia ka arritë që në rrugën “1 tetori” ta gjejë një motoçikletë e cila ishte duke u djegur dhe shishe molotovi, që dyshohet se mund të jenë përdorur nga të dyshuarit.

Si pasojë e këtij sulmi nuk ka pasur raportime për ndonjë person të lënduar, por janë shkaktuar dëme materiale në murin e ndërtesës së Kuvendit të Republikës së Kosovës, janë dëmtuar disa dritare, disa vetura zyrtare të cilat kanë qenë të parkuara në parking etj.

Policia është duke punuar në mbledhjen dhe analizimin e të gjitha fakteve dhe dëshmive relevant në rast për të zbardhur këtë sulm dhe sjelljen para drejtsisë të kryerësve të tij.

 

Kosovë-Mbledhje qeverie e Kuvendi dhe protestë në shesh kundër demarkacionit

by

Foto Gazeta DIELLI-Behlul Jashari: Prishtina në mbrëmje vere – Qeveria dhe Kuvendi i Kosovës/

-Qeveria e Kosovës miratoi Projektligjin për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi/

-Kuvendi i Kosovës në seancë plenare, demarkacioni nuk është në axhendë. Protestë në shesh kundër procedimit të demarkacionit/

-Aleanca për Ardhmërinë e Kosovës u kërkon deputetëve votën kundër versionit aktual të demarkacionit me Malin e Zi/

PRISHTINË, 4 Gusht 2016-Gazeta DIELLI-Behlul Jashari/ Qeveria e Republikës së Kosovës, e udhëhequr nga kryeministri Isa Mustafa, mbajti sot mbledhjen e 103-të,  të 35-tën në 2016-tën, në të cilën njëzëri miratoi Projektligjin për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi.

Kryeministri Isa Mustafa gjatë mbledhjes iu ka referuar debatit të zhvilluar një ditë më parë lidhur me shënimin e vijës kufitare me Malin e Zi.“Dje ka pas ballafaqim të argumenteve të Komisionit Shtetëror dhe deputetëve dhe disa specialistëve të cilët kishin ardhur që të shprehin pikëpamjet e tyre lidhur me kufirin dhe me vijën kufitare. Unë konsideroj se ajo që ka punuar Komisioni Shtetëror është vërtetuar se ka qenë çdo gjë në rregull, se iu është përmbajtur mandatit që e ka pas me vendim si Komision Shtetëror. Është vërtetuar se Kosova nuk humb asnjë pëllëmbë me këtë, dhe po ashtu me ligj këtë që ministri tani e tha ne e kemi lënë mundësinë që herë dokurdo në qoftë se vërtetohet ndonjë paqartësi ose ndonjë fakt juridik mbi të cilin ne mund të themi se ndonjë pëllëmbë e territorit ose një pjesë ka kaluar andej ekziston mundësia që me mirëkuptim me Malin e Zi ta rishqyrtojmë dhe ta rregullojmë edhe atë çështje. Për neve është me rëndësi themelore që ta ratifikojmë Marrëveshjen për Demarkacionin, që të krijojmë kushte të fqinjësisë së mirë dhe të stabilitetit me Malin e Zi, sepse është një vend i cili na ka përkrahur vazhdimisht dhe me të cilin kemi pas marrëdhënie të shkëlqyera. Vend që tani po pranohet në NATO, do të thotë kemi të bëjmë me një shtet të NATO-s. Para së gjithash, si argument mund të themi se pasi është nënshkruar marrëveshja në Vjenë, na shërbejnë edhe vlerësimet e Komisionit Ndërkombëtar, të themeluar nga presidentja e vendit, e cila ka vlerësuar se kufiri është aty ku e ka caktuar Komisioni Shtetëror. Edhe vlerësimet e Departamentit të Shtetit të Shteteve të Bashkuara të Amerikës, edhe përkrahja që presidenti Obama i ka dhënë, por edhe Marrëveshja e Kumanovës, e cila ka krijuar obligimin e Kosovës me rastin e hyrjes së forcave të NATO-s, që ne t’i përmbahemi këtij territori, por po ashtu edhe Pakoja e Ahtisaarit dhe Deklarata e Pavarësisë, të cilat ndërlidhen në momentin kur e kemi shpallur pavarësinë dhe me territorin me të cilin ne e kemi shpallur pavarësinë, atë që në Pakon e Ahtisarit është 31 dhjetori i vitit 1988, si territor që e ka trashëguar Kosova nga ish-Jugosllavia, përkatësisht nga Republika e Serbisë. Prandaj, mendoj se jo vetëm që ne duhet ta procedojmë këtë, por duhet edhe të punojmë me opinionin dhe t’i bindim qytetarët dhe opinionin se një vendim i tillë është i drejtë dhe se kauza e opozitës lidhur me këtë është e paqëndrueshme, është artificialisht e krijuar. Nuk ka argumente që një çështje e tillë tani të kthehet ose që të pengohet, sepse na pengohen shumë procese të integrimeve evropiane dhe euroatlantike me këtë.

Në Kuvend ky projektligj do të shkojë me procedura të rregullta. Ne do t’i procedojmë sot në Kuvend dhe Kuvendi pastaj do të vendos kur do të mbahet mbledhja e Kuvendit lidhur me këtë çështje.Konstatoj se Qeveria aprovoi njëzëri Projektligjin për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi”, tha kryeministri Isa Mustafa.

Prezantimin e projektligjit para kabinetit qeveritar e bëri ministri i Punëve të Jashtme, Enver Hoxhaj.

“Ky Projektligj ka tri shtylla kryesore të ndërtuara në tri nene. Së pari ratifikohet Marrëveshja për Kufirin Shtetëror në mes të Republikës së Kosovës dhe Malit të Zi  të nënshkruar në Vjenë më datë 26 gusht 2015. Neni i dytë ka të bëjë me dispozitat e marrëveshjes. Dispozitat e Marrëveshjes për Kufirin Shtetëror në mes të Republikës së Kosovës dhe Malit të Zi janë nënshkruar në Vjenë më datë 26 gusht 2015. Nëse ka fakte të reja ligjore, mund të ndryshohen dhe plotësohen me pëlqimin e palëve. Dispozitat e kësaj marrëveshje mund të ndryshohen sipas procedurës së njëjtë të paraparë me miratim. Me pajtimin e palëve për ndryshimin e dispozitave të Marrëveshjes, mund të kërkohet edhe arbitrazh ndërkombëtar. Pjesa e tretë apo shtylla e tretë e këtij projektligji e ndërtuar në nenin e tretë, ka të bëjë me pjesët përbërëse të këtij ligji. Marrëveshja për Kufirin Shtetëror në mes të Republikës së Kosovës dhe Malit të Zi e nënshkruar në Vjenë më datë 26 gusht 2015 është pjesë e këtij projektligji, edhe dokumentacioni zyrtar i Komisionit Shtetëror për Shënimin e Kufirit Shtetëror në mes të Republikës së Kosovës dhe Malit të Zi. Pas një procesi të gjatë nga viti 2012 deri në ditët e sotme, kërkoj nga ju që ta mbështesim këtë projektligj”, tha ministri Enver Hoxhaj.

Qeveria kosovare, e mbledhur sot herët në mëngjes, deklaroi mbrëmë se vlerëson lartë debatin e zhvilluar gjatë ditës lidhur me procesin e shënjimit të kufirit ndërmjet Republikës së Kosovës dhe Republikës së Malit të Zi.

Për procedim të  ratifikimit të marrëveshjes së demarkacionit të kufirit të Kosovës me Malin e Zi, qeveria e Kosovës nuk zhvilloi mbledhjen e ftuar për dje në mbrëmje, e cila u  mbajt sot në mëngjes. “Kryeministri Isa Mustafa merr pjesë në mbledhjen e qeverisë së Republikës së Kosovës në orën 19:00”, ishte njoftimi zyrtar i dërguar dje. Ndërsa, njoftimi i dërguar sot herët në mëngjes theksonte se, “ mbledhja e qeverisë së Republikës së Kosovës nis në orën 08:15”.

Në mjediset e Kuvendit të Republikës së Kosovës përfundoi mbrëmë vonë pa përfundime të dakorduara debati profesional-shkencor 12 orësh mes Komisionit shtetëror për shënjimin e kufirit me Malin e Zi dhe grupit të njohësve që kanë kërkuar debatin për diskutim dhe ballafaqim faktesh për çështjen e shënjimit të kufirit Kosovë – Mali i Zi.

KUVENDI I KOSOVËS NË SEANCË PLENARE, DEMARKACIONI NUK ËSHTË NË AXHENDË

Ndërkohë, Kuvendi i Kosovës po zhvillon sot një seancë plenare me 17 pika në axhendë,  por jo edhe atë për Projektligjin për Ratifikimin e Marrëveshjes për Kufirin Shtetëror ndërmjet Republikës së Kosovës dhe Malit të Zi,  të miratuar sot herët në mëngjes dhe të proceduar nga qeveria e  Kosovës.

Ndërsa, në shesh po zhvillohet protestë pasi subjekti më i madh opozitar kosovar, Lëvizja Vetëvendosje ka ftuar qytetarët e aktivistët që sot në orën 10:00, kur ishte paraparë të nisë seanca plenare, të mblidhen para Kuvendit të Kosovës, duke theksuar se “është momenti vendimtar që ta mbrojmë Republikën tone” dhe se, “demarkacioni nuk do të kalojë”.

“Nëse nuk tërhiqet qeveria, gjendja do të dalë jashtë kontrollit dhe rezistenca do të jetë edhe më e ashpër se kurdoherë”, paralajmëron Vetëvendosje derisa edhe dy partitë tjera opozitare, AAK e Nisma janë vendosmërisht kundër ratifikimit të marrëveshjes për demarkacionin me Malin e Zi në variantin çfarë është.

AAK U KËRKON DEPUTETËVE VOTËN KUNDËR VERSIONIT AKTUAL TË DEMARKACIONIT ME MALIN E ZI

Partia opozitare, Aleanca për Ardhmërinë e Kosovës, deklaroi sot se versioni aktual i demarkacionit me Malin e Zi e ka marrë përgjigjen dje në konferencën shkencore, ndërsa tash mbetet që kjo përgjigje të formalizohet edhe me votën kundër të deputetëve në Kuvend.

“Vota kundër që nënkupton mosratifikimin e versionit aktual të kufirit me Malin e zi, shënon edhe fillimin e zgjidhjes së kësaj çështjeje që e ka mbajtur peng vendin për afro një vit”, thekson deklarata e AAK-së, dërguar pak më parë.

Demarkacioni me Malin e zi, vijon deklarata, është një çështje jetike për Kosovën, dhe ky proces duhet të zhvillohet me profesionalizëm të plotë dhe në përputhje me standardet dhe me interesat e të dyja shteteve.

“Ky proces është mbipartiak. Konkluzat e një grupi deputetësh në fund të konferencës së djeshme, mund të jenë një hap fillestar i zgjidhjes së kësaj çështjeje”, vlerëson AAK.

Kjo parti thekson se, çdo përpjekje e presionit mbi deputetë, ose edhe përpjekje për ta kontrabanduar ose blerë votën pro kësaj marrëveshjeje, është papërgjegjësi totale, e cila druajm se do të mund të eskalojë në zhvillime të dhunëshme.

“Institucionet e shtetit dhe deputetët e Kuvendit të Kosovës, pavarësisht përkatësisë së tyre politike, sot më shumë se kurrë, kanë përgjegjësi që të vihen në mbrojtje të territorit të Kosovës dhe të interesave e të stabilitetit në vend”, përfundon deklarata e AAK.

Kjo parti po vazhdon bojkotin së bashku me subjektin tjetër opozitar Nisma dhe nuk po merr pjesë as në seancën e sotme të Kuvendit të Kosovës.

SHBA-Kosovë, Kuvendi ratifikon Marrëveshjen Fulbright

by

-Në 8 korrik 2016, Ambasada e Shteteve të Bashkuara të Amerikës në Prishtinë nënshkruajti Memorandumin e Mirëkuptimit me qeverinë e Kosovës për programin Fulbright, në një ceremoni në Bibliotekën Kombëtare/

PRISHTINË, 4 Gusht 2016-Behlul Jashari/ Kuvendi i Republikës së Kosovës, në mbledhjen e sotme plenare, ka miratuar Projektligjin për Ratifikimin e Marrëveshjes ndërmjet Ambasadës së SHBA-ve në Prishtinë dhe Ministrisë së Arsimit, Shkencës dhe Teknologjisë të Republikës së Kosovës, Programi Fulbright i Shkëmbimit Akademik, i cili mundëson bursa studimore për studentët nga Kosova në SHBA.

Miratimin e kësaj marrëveshje e ka përshëndetur kryetari i Kuvendit, Kadri Veseli, duke e konsideruar atë të një rëndësie të veçantë për të rinjtë e Kosovës.

“Fulbright kaloi. Studentët dhe studiuesit tanë, do të kenë mundësi të studiojnë në Universitetet më prestigjioze amerikane, përmes bursave gjatë pesë viteve të ardhshme, falë marrëveshjes Fulbright mes Republikës së Kosovës dhe Shteteve të Bashkuara të Amerikës. Kjo marrëveshje, do të thotë shumë për bashkëpunimin dhe ndihmën e Shteteve të Bashkuara, për të rinjtë tanë, të cilët pas shkollimit kthehen dhe japin kontribut në shtet-ndërtimin e Kosovës”,  tha kryparlamentari Veseli.

Projektligjin e ka prezantuar ministri i Arsimit, Shkencës dhe Teknologjisë, Arsim Bajrami, i cili para deputetëve ka shkoqitur aspekte përmbajtësore të tij.

Në 8 korrik 2016, Ambasada e Shteteve të Bashkuara të Amerikës në Prishtinë nënshkruajti Memorandumin e Mirëkuptimit me qeverinë e Kosovës për programin Fulbright, në një ceremoni në Bibliotekën Kombëtare, ku morënë pjesë edhe kryeministri Isa Mustafa e kryeparlamentari Kadri Veseli.

Ambasadori i Shteteve të Bashkuara në Kosovë, Greg Delawie dhe Ministrisë i Arsimit, Shkencës dhe Teknologjisë në qeverinë kosovare, Arsim Bajrami, nënshkruan Memorandumin e Mirëkuptimit në mbështetje të programit Fulbright për shkëmbim akademik.

Ky Memorandum i Mirëkuptimit po vijon mbi bazat e një programi të vazhdueshëm dhe të suksesshëm të shkëmbimit akademik që ka përfshirë mbi 80 studentë dhe studiuesë nga Shtetet e Bashkuara dhe Kosova prej vitit 2008.

Qeveria e Kosovës zotoi 1.5 milionë euro përgjatë pesë viteve të ardhshme në mbështetje të programit Fulbright – kontribut ky që pritet të fillojë gjatë vitit akademik 2016-2017 dhe të vazhdojë deri në vitin akademik 2020-2021.

Njoftimi dërguar nga Ambasada e SHBA në Prishtinë theksonte se, e mirëpresim këtë nismë për zgjerimin domethënës të numrit në dispozicion të bursave studimore dhe besojmë se ky zotim do të ndihmojë në zhvillimin e prijësve të ardhshëm të Kosovës.

Në fjalën e tij, Ambasadori Delawie uroi qeverinë e Kosovës për këtë investim të rëndësishëm, duke shtuar se, pas shumë dekadave, do të shikojmë kah kjo ditë si një ditë e rëndësishme për të ardhmen e Kosovës – me qindra të diplomuar përmes programit Fulbright, të cilët kanë fituar njohuri të reja domethënëse në fushën e tyre të ekspertizës, si dhe që kanë ndërtuar ura të qëndrueshme të bashkëpunimit ndërmjet Shteteve të Bashkuara dhe Kosovës.

Programi Fulbright është program i çmuar ndërkombëtar i shkëmbimit akademik, i sponzorizuar nga qeveria amerikane dhe i përpiluar për të rritur mirëkuptimin e ndërsjellë ndërmjet popullit të Shteteve të Bashkuara të Amerikës dhe popujve të vendeve tjera.

Ky program është themeluar në vitin 1946 në bazë të legjislacionit të paraqitur nga senatori i ndjerë, J. William Fulbright nga Arkanzasi, financohet kryesisht nga Kongresi i Shteteve të Bashkuara dhe zbatohet nga Zyra për çështje arsimore dhe kulturore e Departamentit Amerikan të Shtetit.