Beqir Sina – Page 15 – Dielli

Besimtarët katolikë në Nju Jork, kremtuan festën e Zojës së Shkodrës

April 26, 2016 by dgreca

*Besimtarët katolikë, Nju Jork, kremtuan festën e Zojës së Këshillit të Mirë, festën e Zojës së Shkodrës, pajtore e të gjithë Shqipërisë/

*Radio Vatikani : Festa e Zojës së Shkodrës – Zojës së Këshillit të Mirë – Zoja e Shkodrës /

NGA BEQIR SINA/

BRONX – NEW YORK : Sipas kalendarit katolik, me daten 26 prill e gjithe kisha katolike, shqiptare, kremton festen e Zojes se Keshillit te Mire, ose, siç e ata ne, festen e Zojes se Shkodres, pajtore e te gjithe Shqiperise. Me emrin e së cilës është e pagëzuar edhe Kisha Katolike e Shqiptarëve në kodrat e New Yorkut, në qytetin Hartsdale – disa mile larg qyteti të New Yorkut.

Simbas traditës kremtimi i kësaj feste ka nisur me Meshën e pasuar me bekimindhe lutjet fetare dje gjate mesdrekes se dites se diele dhe me pase ne mbremje, besimtarët e shumtë në numër janë mbledhur për të festuar së bashku me familjet e tyre, në një lokal, jo shumë larg Kishës Katolike “Zoja e Shkodrës”, restorantin “Maestro’s”, ku edhe u shtrua një Drake Solemne, shkruajnë disa besmitarë në medien sociale të rrjetit shoqëror Facebook, ku disa prej tyre kan postuar edhe fotografitë nga kjo festë e bukur e këtij komuniteti .

Simbas fotografive, ne kete Darke festive, kan marre pjese me shume se 300 vete, besimtare katolike, si dhe figura te shquara te komunitetit, autoritetet e larta te qytetit te Nju Jorkut, veprimtare e aktiviste te komunitetit.

Ne fillim te pranishmit, shoqeruan ne kor hymnin kombetar te ShBA – se, dhe te Shqiperise. Me pase me nje minute heshtje u nderuan te gjithe te renet.

Kengetari të komunitetit, Remi dhe Hajro Ceka, si dhe grupi i djemve dhe i vajzave te shoqerise kulturore “Rozafati” nga Kisha Katolike “Zoja e Shkodres”, Nju Jork, me udheheqese artistike koreografen Anxhelina Nika, me vallet dhe muziken e embel dhe te bukur shqiptare, kostumet e shumellojshme popullore, krijuan nje atmosfere mjaft te kendeshme dhe te bukur ne kete Darke.

Bekimi i Darkes ose lutja fetare, sipas zakoneve te kishes, eshte dhene nga Dom Viktor Dedaj. Me pase eshte kenduar nje pjese muzikore “Zoja e Shkodres” kenduar nga dueti i korit te Kishes Katolike “Zoja e Shkodres” ne Harstdale – Nju Jork, Fran Shala.

Folesit e rastit thane se :”Kisha Katolike Shqiptare ne Nju Jork, “Zoja e Shkodres” vjen ne kete feste e dalluar, per rolin e madh qe u ruajt ne mbrojtjen e vlerave fetare e kombetare ketu ne emigrim. Ku, krahas klerikeve, kjo kishe ka edhe nje nje keshill te shkelqyeshem, nje grup intelektualesh, ambicioz dhe te gateshem per te punuar ne çdo kohe pa u lodhur, dhe ne harmoni me njeri tjetrin.”

Kjo vihet re, thanë oratorët edhe per krijimin e nje atmosfere kaq madheshtore, me intelekt dhe perkushtim si dhe me dashuri dhe respekt per çdo njerin prejbesmitarëve, tek ai qe ka bere gjithçka per kete Kishë, kaq madhështore, dhe natyrishtë thonë ata krediti i shkon Famullitarit të kësaj Kishe, Kishës Katolike Shqiptare në Nju Jork, “Zoja e Shkodres”, me Famullitar Dom Pjeter Popaj.

Dom Pjeter Popaj duke folur per rendesine e kesaj dite, në një nga festimet e kaluara u ka thënë besimtareve të tij se; “Zoja e Keshillit te Mire – Zoja e Shkodres, nuk i harroi kurre banoret e ketij vendi te martirizuar, shqiptaret as ne kohen e kalvarit te popullit shqiptar gjate diktatures komuniste, diktatures me te eger ne Europen Juglindore, as ne kohet e kalvareve te tjera, perjetuar gjate shekujsh. Nena e Keshillit te Mire gjithmone, ka thënë ai, ka qene ngushellim e mburoje e popullit tone te dashur shqiptar, e edhe sot na tregon shtegun e jetes se vertete. Sot festa e Zojes se Shkodres, kremtohet me madheshti edhe ne qytetin me verior te Shqiperise, ne Shkoder, me gezim dhe me entuziazem te madh e me shtegtimin tradicional ne shenjteroren e kalase Rozafa,”

Radio Vatikani : Festa e Zojës së Shkodrës – Zojës së Këshillit të Mirë – Zoja e Shkodrës

Në Qytetin e Veriut të Shqipërisë, Shkodër, që prej kohëve të lashta nderohej me përkushtim të veçantë, një figure e mrekullueshme e Zojës. Është ajo figure që sot ndodhet në Gjenacan të Italisë. Historia e saj, është vetë historia e katolicizmit ndër shqiptarë, katoliçizëm i cili, me vdekjen e Gjergj Kastriotit, Skënderbeut, më 1468, nisi udhën e vet të kryqit. Në sa një pjesë e madhe e banorëve, gjatë pesë shekujve të robërisë, do të shtrëngohej të ndërronte fe e një pjesë tjetër do të merrte rrugët e mërgimit, vetëm një pakicë do të mbetej besnike, duke vuajtur porsi gjarpri nën gur për shekuj e shekuj.

E pikërisht në këtë kohë, rreth vitit 1467, kur një ushtri e re e madhe e sulltanit u dynd mbi Shkodër, sipas gojëdhënës, figurja e Zojës u shkëput nga muri i Shenjtërores rrëzë Kështjellës së Rozafës, për të mos u dhunuar nga hordhitë anadollake. E mbartur nga engjëjt, mbështjellë prej një reje – vijon gojëdhëna- u ndalua në Gjenacan, afër Romës. Gojëdhëna tregon edhe se Figurën e mrekullueshme e përcollën dy shkodranë, rojtarë të shenjtërores, e ndërsa ecnin me sytë lart, pa u kujtuar as ata vetë, e kaluan në këmbë detin Adriatik. Si arritën në Romë, figurja u zhduk nga sytë tyre.

Por nuk vonoi e në të gjithë Italinë u hap zëri se një figure e mrekullueshme kishte zënë vend në muret e Shenjtërores së Gjenacanit, ku me ndërmjetësinë e saj po kryheshin mrekulli të panumërta. Ishte data 25 prill 1467. Që asokohe nisën shtegtimet e besimtarëve drejt Gjenacanit, e Zoja jonë e Këshillit të Mirë, Pajtorja e shqiptarëve, nisi të nderohej edhe në Itali, Gjermani, Austri e më vonë edhe në kontinente të tjera, me të njëjtën figure, që vijon të nderohet në Gjenacan.

Kjo figure, pra, nderohej në kishëzën dy herë të rrënuar të Zojës rrëzë Kështjellës Rozafa, një nga më të vjetrat në Shqipëri. Në këmbë apo gërmadhë, Kisha mbeti gjithnjë cak shtegtimi. Nuk ka besimtar që duke kaluar andej, edhe pas vitit 1967, kur kisha u rrënua për herë të dytë nga diktatura enveriane, të mos jetë lutur në heshtje për ditë më të mira me një lutje tradicionale, që i qëndroi kohës, më shumë se muret:

“O Zoja e Bekueme, Nana e Këshillit të Mirë, po të thërrasim ty, që je Bija e zgjedhuna e Zotit Atë, Nana e Jezu Krishtit, Nusja e Shpirtit Shenjt, Tempull i së Shenjtnueshmes Trini: ndërmjetëso për ne në qiell!”.

E kur Kisha u rindërtua, Lutja u pasurua me fjalët:

“Ndër duert tua të fuqishme, o Nanë e Mëshirës, po e lëshojmë të dashtunin kombin tonë, megjithsè jemi mëkatnorë të mjerë e të padenjë. Po të falënderojmë se na je gjetë e na ke ndihmue me kujdesin e një Nane të vërtetë në dimnin e gjatë e të vështirë të persekutimit, i cili na shkaktoi viktima të panjehuna, martirë që tash ndërmjetësojnë për ne në qiell. Po të falënderojmë që na e nxore nga Zoti hirin e rikthimit të pranverës së lirisë fetare e qytetare, e cila i hapë rrugën ndërtimit të një shoqnie ma të drejtë e ma vëllaznore( fotografia nga Leonardo Berishaj)

“Forbes” 10 destinacionet kryesore turistike, në botë më të preferuarat

April 22, 2016 by dgreca

…Dhe, 10 vendet më të vizituara për turistët në qytetin New York City/

Beqir SINA – New York/

NEW YORK CITY : Revista prestigjioze “Forbes” ka hartuar një liste me vendet e destinacionet, e cila i ka konsideruar si më të preferuara e njëkohësisht po simbas saj më të frekuentuara në të gjithë botën. Sipas revistës amerikane “Forbes” këto janë 10 destinacionet që duhen vizituar në se keni në plan një udhëtim turistik për këtë vitë , ku në vend të parë si gjithmonë mbetet metropoli i botës qyteti “mit” New York City:

1. Times Square ne New York. Çdo vit vizitohet nga me shume se 44 milion turiste nga e gjithë bota. 80% e tyre preferojnë te ecin rrugëve te Broadway, te shkojnë ne teatrot e New Yorku-t e te shijojnë jetën e gjallërinë qe te ofron mbrëmja.

2. Parku Kombëtar ne Washington DC. Ky park, se bashku me monumentet e udhëheqësve amerikane George Washington, Abraham Lincoln dhe Thomas Jefferson tërheqin me miliona turiste te huaj. Çdo vit ky park vizitohet nga rreth 25 milion njerëz.

3. Disney World’s Magic Kingdom ne Florida. Një nga destinacionet me tërheqëse për pushuesit, e hapur ne 1 tetor te vitit 1971. Ky është vendi me i famshëm ne Florida, pas plazheve te saj, i cili tërheq çdo vit 16.6 milion turiste.

4. Sheshi Trafalgar ne Londër. Ka marre emrin nga fitorja e lordit Nelson ne luftën e Trafalgarit ne 1805 midis Anglisë, Francës dhe Spanjës. Qe prej asaj kohe është ngritur ne Londër një memorial, i cili vizitohet çdo vit nga me shume se 15 milion turiste.

5. Disneyland Park ne Kaliforni. I hapur qe prej vitit 1955, ky vend vijon te mbetet një nga destinacionet me te preferuara për këdo qe viziton Kaliforninë. Turistet numërohen ne mbi 14.7 milion ne vit, kryesisht fëmijë.

6. Ujëvarat e Niagarës, ne Ontario dhe New York. Ujëvarat e Niagarës janë me te fuqishmet ne te gjithë Amerikën Veriut. Një pamje marramendëse. Konsiderohet edhe si një nder vendet me romantike ne bote, madje një nga vendet ku mund te kalohet një muaj mjalti perfekt. Ai vizitohet nga me shume se 14 milion turiste ne vit.

7. Skela Fisherman ne San Francisko ne Kaliforni. Skela dhe ura e vjetër sa vete historia e këtij qyteti vizitohet çdo vit nga mbi 14.6 milion turiste.

8. Tokio Disneyland, ne Tokio. Është i pari park lojërash i hapur pas atyre ne SHBA, ne 1983. Ai përfshin përveç parkut te lojërave, edhe parkun ujor, duke kaluar kështu me shume se 12.9 milion vizitore ne vit.

9. Katedralja gotike e Parisit, Notre Dam de Paris, mbetet një nga destinacionet turistike me te preferuara nga turistet te cilët numërohen ne rreth 12 milion ne vit.

10. Ne vend te fundit, por jo me pak i preferuar renditet Disneyland ne Paris, i pari park lojërash ne historinë e njerëzimit. Njihet ndryshe si Euro Disney pasi është me i madhi ne te gjithë Evropën. Është vendi i dyte me i preferuar nga vizitoret e te gjithë botes. Ne vitin 2006 ky vend theu rekordin për nga numri i vizitoreve ne mbi 50 milion te tille.

10 vendet më të vizituara për turistët në qytetin e New York

Guida truistike e qytetit metropolitan New York, tregonë se cilat janë 10 vendet më të vizituara për turistët në qytetin e New Yorkut. New York City (NYC) është një qytet brenda shtetit federal New York në ShBA. Për t’u dalluar njëri nga tjetri jo-zyrtarisht përdoret termi New York City.

Ky qytet ka mbi 8.108.080 banorë në një sipërfaqe prej 800,31 km² dhe kështu është qyteti më i madh në SHBA. New York-u quhet në gojë të popullit edhe Big Apple (mollë e madhe). New York është qyteti më i rëndësishem për të gjithë botën në hapsiren ekonomike.

Nju Jorku (New York) eshte nje nder qytete me kryesores te Shteteve te Bashkuara te Amerikes, ose i thirrur ndryshe dhe Metropoli i botës. Ky qyetet gjendet ne bregun lindor dhe eshte qyteti me i populluar i SHBA-se, me diversitetin me te madh 140 kombesi thuhet jetojne ne New York City, perfshire shqiptaret qe jane te shume ne numer.

Emrin e mori per nder te dukes se atehershem te qytetit historik te Anglise York. Eshte nje nga qendrat me te rendesishme ekonomike te vendit por dhe i gjithe planetit. Ne Nju Jork gjendet e famshmia Wall Street, zyrat qendrore te OKB-se, Banka Federale, Muzeu i Luftës së Dytë Botërore dhe sheshi i famshëm Times Square si dhe bulevardi Broadway.

Ne 11 Shtator te 2001, Nju Jorku, u godit nga nje sulm terrorist. Kullat binjake te ashtuquajtura Qendra boterore Tregetare (World Trade Center) u goditen nga dy avjon pasagjeresh te medha. Nga rënia e dy Kullave plotesisht aty humbasin jeten afro 3000 njerez të pafajshëm. Kjo ka qenë më parë qendra më e vizituar nga turistët e huaj në qyetin e New Yorkut.

Në mesin e një “pafundësie” objeketsh të rëndësishme, ndërtesash gjigande- gradacieles, dhe qendra kulturore, artistike, sportive, tregtare dhe të tjera, Guida truistike e qytetit metropolitan New York, tregonë se cilat janë 10 vendet më të vizituara për turistët në qytetin e New Yorkut, e cila ishte zgjedhur nga Revista “Forbes” për gjashtë mujorin të viti 2013, por që nga vlera dhe rëndësia e këtyre vendeve më të vizituara listohet e njëjtë.

Pra, çfarë do lloj liste për turizmin dhe vendet më të vizituara, në këtë , qytet, këto janë dhe mbeten si vendet më turistike, dhe më vizituarat të qytetit tonë, New York Cityt

1.Empire State Building:

Një nga ndërtesat më të larta dhe më të vjetra në qytet, e cila vështrohet menjëherë nga çdo largësi e ishullit ose një ndër në rrokaqiejt e New Yorkut, është më e vizituara në New York. Duke hipur në katin e sipër të saj ju mund të shikoni pamje të mahnitëshme të qytetit të New Yorkut nga maja Empire State Building.

2. Statuja e Lirisë:

Statuja e Lirisë, është një dhuratë për Shtetet e Bashkuara për nder të miqësisë së krijuar gjatë Revolucionit Francez. Statuja e Lirisë është bërë një simbol amerikan i lirisë dhe vendi i mirëpritur për emigrantët që vijnë në SHBA në kërkim të një jetë më të mirë.

3. Grand Central Terminal:

Stacioni qendror i trenave dhe më i madhi në SHBA i ndërtuar me një artitekturë të veçantë 100 vjetë më parë. Renovimi që nga hapja e saj në 1913 e kanë kthyer Grand Central në më shumë se vetëm një nyje për transportin e udhëtarëve me trenat e linjave interurbane – mbasi aty tani gjenden një zinxhir dyqanesh nga firmat më të njohura në botë, restorante dhe lokale për ngrënie të klasit dhe më shumë se kaq në dispozicion për vizitorët, një pamje e “kozmosit” brenda stacionit të trenave.

4. Rockefeller Center:

Qendra Rockefeller në zemër të qytetit Manhattan , është i njohur për pemën e Krishtlindjeve çdo fund viti, pistën e akullit për patinazh, dhe teatrin e madh Radio City Music Hall dhe shumë qendra tregtare firmato, restorante të shumta dhe mundësitë e ngrënies speciale. Rockefeller Center është një destinacion i madh për vizitorët në çdo kohë të vitit.

5. Ellis Island Emigracion Muzeu:

Muzeu i Imigracionit në ishullin Ellis Island ofron vizitorëve një vështrim interesante në përvojën e emigrantëve. Ekspozita interaktive, turne në këmbë dhe video filma që zbulojnë vështirësitë dhe sfidat me të cilat përballen emigrantët të cilët kan kaluar përmes Ellis Island.

6. Staten Island Ferry:

Staten Island Ferry është një traget pa para për të udhëtuar nga njëra pjesë e ishullit të Manhattan për në ishullin tjetër Staten Island, e përdorur nga qytetarët dhe turistët që duan të marrin edhe një pamje të portit dhe nga Statuja e Lirisë.

7. Muzeut Amerikan i Historisë Natyrore:

Që nga hapja e tij për publikun në vitin 1869, Muzeu Amerikan i Historisë Natyrore ka evoluar dhe është rritur shumë. Përveç ekspozitave Qendra Rose Planetare edhe të rregullta, Muzeun Amerikan të Historisë Natyrore e pret një seri rrotulluese e eksponateve të reja, kështu që është gjithmonë ka diçka të re për të parë.

8. Central Park:

Parku Qendror u ofron banorëve njujorkez dhe turistëve të pafund çdo ditë një ambjent natyror të ngjashëm me “xhungëlën” ose “tropikun” apo malet për rreth New York City për mbi 150 vjet. Bëni një shëtitje, një udhëtim me anije në liqenin në mes të parkut ose vetëm një piknik në Central Park dhe të zbuloni pse Central Park është kaq popullorë dhe kaq tërheqës.

9. Muzeu i Artit Metropolitan:

Ky muze është nga më të mëdhat në botë. Ai ka mbi 2 milion veprave të artit nga e gjithë bota dhe gjatë gjithë historisë, që janë të vendosur në Muzeun Metropolitan të Artit. Muzeu Metropolitan i Artit është një muze me një vlerë jashtëzakonëshme.

10. Muzeu i Artit Modern (MoMA):

E themeluar në 1929 si muzeu i parë kushtuar tërësisht artit bashkëkohor, MoMA është mikëpritëse për një koleksion mbresëlënëse e përpjekjeve moderne artistike. Nga pikturat dhe skulpturat të filmit dhe të arkitekturës.

130703212648-16-statue-of-liberty-horizontal-large-gallery.jpg

Disneyland-Paris-tout-ce-que-vous-ne-savez-pas-sur-le-parc-d-attraction-incontournable-Photos.jpg

why-did-they-build-the-empire-state-building_8eb9865c-c979-45e6-97ff-6fa275b39922.jpg

Në Monroe College, Bronx, u promovua vëllimi poetik “Ndjenjë Perendie” e poetes Rita Saliu

April 20, 2016 by dgreca

Yllka Filipi : “Në vargjet e Rita Saliut lexoj historinë tragjike të kombit tim”/

BRONX NY : Më 16 prill 2016, ditën e shtunë, në ambientet e Monroe College, Bronx, Neë York Shoqata e Shkrimtarëve Shqiptaro –Amerikanë, me mbështetjen dhe bashkëpunimin e shoqatës së grave shqiptaro-amerikane ”Hope&Peace”, (The Albanian-American Women’s Organization), me presidenten e saj, gazetaren znj. Mimoza Dajçi, dhe me ndihmën e pakursyer të intelektualit, artistit, piktorit, kineastit dhe skenografit Astrit Tota, si dhe me ndihmën e prof. Haxhi Berishës, u mbajtë promovimi i vëllimit poetik “Ndjenjë Perëndie”, të poetes së talentuar e të mirënjohur, e vlerësuar gjithashtu si humaniste dhe veprimtare e çështjes kombëtare, të poetes së kombit, znj. Rita Saliu.

Në njoftimin për shtyp të Shoqatës së Shkrimtarëve Shqiptaro –Amerikanë, thuhej se :” Zonja Rita Saliu e zhvillon krijimtarinë e saj në Kosovë, në Shqipëri dhe në Amerikë, duke shkrirë aspiratat e krenarisë të prejardhjes dardane-shqiptare, me idealet më fisnike të tokës amerikane, ku ajo jeton aktualisht.

Për përmbajtjen e librit të poetes nga Kosova, referuan disa figura të njohura në letrat shqipe, botën akademike, intelektuale, art dhe në kulturë, të cilët jetojnë, punojnë dhe ushtrojnë aktivitetin e tyre krijues, qytetar dhe intelektual në komunitetin shqiptaro-amerikan.

Ndërsa dërguan telegrame përshëndetëse, poet dhe shkrimtarë, nga Shqipëria, Kosova, viset shqiptare dhe disapora.

Promovimin e vëllimit poetik “Ndjenjë Perendie” e poetes Rita Saliu, e drejtojë poeti nga Kosova, në SHBA, Mëhill Velaj, ndërkohë e ndoqën edhe disa nga mediat televizive dhe e shkruara, të komunitetit shqiptarë, në SHBA, gazetarë të organeve të shtypit shqiptaro-amerikan dhe gazetarë të pavarur.

Të ftuar ishin edhe autorë, veprimtarë, dashamirës të artit e të letërsisë, të cilët krijojnë dhe kontribuojnë me penën e tyre jashtë SHSHSHA-së, zyrtarët e Monroe College, si dhe miq, koleg të autores dhe anëtarë të familjes Saliu.

Veprimtaria u shoqërua edhe me një ketë koktej si dhe me muzikë popullore e serenata, e muzik rock, kënduar nga këngëtari i njohur i komunitetit Haxhi Dauti, dhe u mbyll ky promovim me një këngë që e këndoi këngëtarja e njohur kosovare Sebahate Berlajolli dhe disa këngë të kënduara nga këngëtari dibran Haxhi Maqellara.

“Sot në këtë audtitorium, nën kujdesin e drejtëpërdrejtë të kryesisë së Shoqatës së Shkrimtarëve Shqiptaro Amerikanë, promovohet libri i tretë me poezi i titulluar “Ndjenjësi Perendie” së poetes së kombit në letërsi, humaniste dhe veprimtare e shquar për çështjen e Kosovës, dhe të drejtat e grave në trojet Shqiptare, tha në fillim të fjalës së tij, poeti Mëhill Velaj në hapje të kësaj veprimtarie.

Ai më pasë duke, dhënë një falemnderim të vëçantë për Presidentin e Shoqatës së Shkrimtarëve Shqiptaro Amerikanë, Adnan Mehmeti, Presidenten e Shoqatës së Gruas Shqiptaro Amerikane, gazetaren dhe publicisten Mimoza Dajçi, piktorin, kineastin, dhe skenografin, Astrit Tota, si dhe ndihmën e paçmuar për realizmin e këtij promovimi në këtë mjedis prestigjoz, profesor Haxhi Berisha, tha se “këta, të gjithë së bashku, këta duke punuar si “One Team” bënë të mundur mbajtjen e kësaj veprimtarie promovuese, në auditoriumin Monroe College, një nga Kolegjet më me emër në Neë York, dhe në SHBA’”

Këtë veprimtari i pari e ka përshëndetur në emër të shoqatës së shkrimtarëve , Presidenti i saj Adnan Mehmeti, i cili ka folur me këtë rast dhe për krijmitarinë e poetes, humanizmin e madh të saj dhe e ka vlerësuar, atë edhe si aktiviste e njohur, poeten nga Kosova në SHBA, Rita Saliu, e cila tha ai së bashku me bashkëshortin e saj Inxh. Adem Saliu, janë dalluar në komunitetin shqiptarë për kontributin e tyre në krijimtari dhe çështjen kombëtare.

Për kontributin e saj human dhe si veprimtare e shquar të çështjes kombëtare të poetes Rita Saliu, foli me shumë mirënjohje dhe vlerësim për të protretizuar me ndjnjë të thellë, poeten, humanen dhe aktivisten Rita Saliu, Presidentja e shoqatës së gruas në Amerikë, Mimoza Dajçi.

Pas Dajçit, në emër të Vatrës, e përshëndeti këtë veprimtari edhe kryetari i Vatrës Dr. Gjon Buçaj, teksa pas tij drejtuesi i këtij promovimi Mëhil Velaj recitojë disa poezi të Rita Saliut, nga vëllimi poetik “Ndjenjë Perendie”.

Me një kumtesë të gjatë, dhe mjaft të qëlluar , duke i bërë një recesion të thellë poezisë së poetes Rita Saliu, doli para foltores edhe shkrimtarja Dr. Yllka Filipi, e cila, tregojë se si e nohu poeten, humanisten dhe veprimtaren Rita Saliu.

Dr. Filipi, tha se në katedralen e Shën Gjergjit në Boston, një ditë të ftohtë dhjetori vitin që lamë pas, (me rastin e 50-vjetorit të vdekjes së Fan Nolit), takoj midis të ftuarish nderi, poeten dhe humanisten Rita Saliu, e cila me modestinë dhe fisnikërinë që e karakterizon, më dhuron vëllimin “Ndjenjë Perëndie”.

“Nga fleta në fletë, nga vargu në varg, në çdo fjalë, në çdo shkronjë, rritej në sytë e mi, skalitur e gdhendur deri në detaje, nga pena e mprehtë e poetes, imazhi i gjysmës së atdheut tim Kosovës, Zonjës së Rëndë Dardane, mbretëria autoktone e së cilës u krijua që në shekullin IV, para Krishtit, gjë për të cilën shkrimtarët antikë tregojnë se trimat e saj në çdo rast rreziku kishin si veçori faktin se hidheshin të gjithë së bashku në sulm, e po ashtu, njësoj tërhiqeshin me radhë të shtrënguara, duke mos lënë në shesh të luftës asnjë nga të plagosurit e tyre. Kjo zonjë hijerëndë, pjesë e pandarë nga trungu mëmë i Shqipërisë, gjithnjë në kërkim të lirisë dhe vetëvendosjes e ka larë historinë me gjakun e bijve të saj, prehur një pjesë në varreza masive, (gra e fëmijë midis), djegur e bërë hi shtëpi e bagëti, dhunuar e surgjynosur njerëz të pafajshëm, popull liridashës, popull të thjeshtë jetëdashës, dhe nisjen e një karvani të gjatë të mijëra familjeve në një rrugë pa kthim, natës së zezë të historisë së vetëdijes së saj. Në brendësi kujtimet/ e një romani të kohës zezonë/ damarë mbyllur/ E shtrenjta Toka ime/ Ti je dashuria e vetme dërguar nga Zoti/ Emrin ta njoha nga koha/ e vjetër mijëravjeçare… m’u dridh shpirti nga lëngata… (Ndjenjë perëndie, po aty, fq.3)” tah në fillim të fjalës së së sa Dr Yllka Filipi.

Ndërkohë, Kryetarja e SHSHSHA, shkrimtaria, publicistia, dhe gazetaria e njohur, Rajmonda Moisiu, erdhi me një esse – analizë rreth vëllimit poetik “Ndjenjësi Perendie” të poeteshës , humanistes dardane Rita Saliu, poete dhe veprimtare me kontribut në letërsinë shqiptare, tha ajo.

Raimonda Moisiu, lexoi Esse-analizën rreth vëllimit poetik, “Ndjenjë perëndie”, të poetes e humanistes së shquar shqiptaro-amerikane Rita Saliu:

“Poeti është si ai bilbili që këndon në errësirë dhe ngazëllen me tingujt e ëmbël e të këndshëm, audiencën e dëgjuesve të tij, jemi ne njerëzit që kënaqemi së tepërmi, me zërin melodioz të një “muzikanti” që nuk e shohim dhe nuk e dimë nga vijnë ata tinguj të magjishëm. Gjuha e poetëve është jetike, metaforike dhe melodioze, ata janë “bilbili” nën efektin e frymës dhe muzës poetike, psikikes e filozofikes në universin e marrëdhënieve dhe ekzistencës njerëzore.” tha ajo

“Kam në dorë vëllimin e tretë poetik “Ndjenjë perëndie”, të poeteshës dhe humanistes dardane, Rita Saliu, tha më tej Moisiu, duke vazhduar se “ Por jo vetëm kaq! Poetesha e talentuar dhe e mirënjohur shqiptare Rita Saliu është edhe një nga letraret dhe poetet me zërin më të ndjeshëm femëror, qytetar e intelektual, aktiviste e çështjes kombëtare, luftëtare e paepur dhe veprimtare e shquar e çështjes së Kosovës. Ajo është nderuar me çmime kombëtare e ndërkombëtare, është nderuar me dekoratën e “Urdhrit Nënë Tereza“ nga ish-presidenti Bamir Topi, me motivacionin: “Veprimtares së shquar për mbrojtjen e të drejtave të njeriut, luftëtares së paepur e të palodhshme për çështjen kombëtare, humanistes dhe poetes qytetare që fatin e saj e bëri njësh me atë të vendit dhe aashkatdhetarëve të saj”.

Sipas Rajmonda Moisiut, kolegija e saj dhe anëtarja e shoqatës së shkrimtarëve shqiptaro amerikan, Rita Saliu, konsiderohet si një prej poeteshave frymëzuese e veçantë kombëtare në ditët më të vështira –të popullit dardan, sikundër dëshiron ajo ta thërrasë popullin e saj të dashur të Kosovës. Rita Saliu është një nga personalitetet më të rëndësishme që është aktivizuar sistematikisht me çështjen kombëtare dhe artin e të shkruarit, në letrat shqipe, me jetën e saj mes mërgimit dhe atdheut, duke i dhënë poeteshës vendin e merituar në rrethin e poeteve që shkruajnë mbi temat e dhimbjes, dashurisë, traditës e besimit. Shpesh flitet që shkrimtarët apo poetët në jetën e tyre shkruajnë vetëm një libër. Libër –që shpreh shpirtin e tij mitik, me rrjedhën e vetkzistencës dhe butësinë e të bukurës, universales, alfabetit të gjuhës, pra të -Një gjak , një emër!”

Një përshëndetje shumë emocionale solli në këtë promovim , piktori, skenografi dhe kineasti Astrit Tota.

Ndërsa, me një përshëndetje me këngë, e cila u pritë me duarttroktije të forta, u ngjitë në podium Rock stari Strugan në SHBA, Haxhi Dauti, më këngën e dashur të “Nënës”, e cila ka një bashkëudhëtim si “nimfa” e dashuruar mes vargjeve të poezisë dhe dashurisë e mallit për Nënat nëpërmjet muzikës së bukur shqiptare.

Profesoresha Violeta Mirakaj , foli me shumë elekuencë rreth krijmitarisë dhe veprimtarisë së Rita Saliu, si Humaniste, poete, dhe veprimtare e të drejtave të njeriut, SHBA. Editori i gazetës Dielli, Dalip Greca, përgëzoi poeten dhe informoi se Dielli e kishte promovua herët librin e saj duke botuar në variantin oline artikuj nga Frank Shkreli dhe Raimonda Moisiu. Ai kërkoi që për veprimtaritë letrare duhet më shumë bashkëpunim me Vatrën pasi në veprimtaritë akademike kushtuar 50 Vjetorit të Fan S Nolit, apo Prof. Arshi Pipës, nga veprimtaritë më cilësore të Vatrës, shkrimtarët kanë munguar!Kur fton duhet edhe t’u përgjigjesh ftesave, ndryshe mbetesh në vetmi.Greca tha se nuk kam dëshirë te jem vetëm kritik, por pa bashkëpunim nuk dotët kemi sukses. Më pas ai njoftoi shkrimtarët, me rastin e Shpalljes të Vitit 2016-Viti i Faik Konicës nga VATRA, Dielli ka shpallë Konkurs. Në përfundim të veprimtarive kushtuar Faik Konica, Dielli do të ndajë cmimiet “Faik Konica” për:

1- Librin më të mirë kushtuar Konicës

2- Essenë më të mirë kushtuar Faik Konicës.

3- Për artikullin studimor kushtuar Konicës.

Përshëndetën edhe veprimtari i shquar i çështjes Çame në SHBA, inxh, Sali Bollati dhe këngëtar i mirënjohur Haxhi Dauti.

Sakaq, mbasi lexojë telegramet përshëndetëse, dërguar nga kolegët, miqt e saj të shumtë në Kosovë, Shqipëri, trojet shqiptare dhe nga diaspora, kryetarja e Shoqatës së Shkrimtarëve Shqiptaro Amerikan, Raiomonda Moisiu, solli një risi të re në aktivitetet kulturore të diasporës, duke zhvilluar një intervistë, enkas në këtë promovim me pyetje “provokative” me bashkëshortin e poetes, intelektualin dhe veprimtarin e njohur Inxhinier Adem Saliu.

Frank Shkreli, i cili ka qenë gazetar dhe redaktor ne Zërin e Amerikës, seksioni shqip , shef i seksionit shqip dhe ka sherbyer këshilltar i larte programacioni në divizionin europian të Zërit të Amerikës, në një esse për poten Rita Saliu, shkruar në promovimin e bërë tek Vatra(botuar ne Dielli me 26 Janar 2016 www.gazetadielli.com), ka thënë se :”Unë nuk jam as poet dhe as kritik poezie dhe si i tillë as nuk kam ndonjë ekspertizë në fushën e poezisë, por me këtë rast, përveç veprave poetike, vetëm deshta të ve në dukje edhe veprimtarinë e poeteshës dhe humanistes shqiptare, Rita Saliuedhe si aktiviste dhe humanitare e njohur në komunitetin shqiptaro-amerikan, së bashku me bashkshortin e saj Ademin. Ndonëse jetojnë në shtetin Rhode Island, larg Neë Yorku dhe qendrave të tjera të komunitetit shqiptar në Shtetet e Bashkuara, Ademi dhe Rita gjënden gjithmonë pranë dhe me komunitetin mu në qënder të të gjitha veprimtarive të tij politike, patriotike, kulturore e të tjera, që organizohen shpesh në Amerikë. Janë pjesë e pandarë, anëtarë të denjë dhe të gjithkund-gjetur të këtij komuniteti. Rita e Ademi nuk janë të njohur vetëm në Amerikë, por siç shkruan edhe Dom Lush Gjergji në vlerësimin e tij,“Familja Saliu, e sidomos Rita mbetet ajo që ishte, bijë, motër grua, nënë shqiptare kudo, në Kosovë, në Maqedoni në Amerikë me kokë dhe kurriz, zemër dhe këmbë, gjithnjë atddhetare, krijuese e shquar dhe e dalluar.”

Donald Trump në “Enkalvën Republikane”, Staten Island – New York

April 17, 2016 by dgreca

Nga Beqir SINA – Staten Island NY/

Edhe , Hillary Clinton, në Staten Island për fushatën elektorale, tubimi i saj ka nise në Sallën e Madhe në Qendrën Kulturore në Kopshtin Botanik, nga ora 5 deri në orën 7 të darkës /

STATEN ISLAND, N.Y. – Kandidati Republikan për President, Donald Trump, zhvilloi sot të dielën në mëngjes – fushatën e tij, në ishullin Staten Island – New York, vetëm dy ditë para votimeve në primare për New Yorkun, në një fushatë mjaftë të ashpër dhe ku “gjuha” e kandidatëve , nga dy partitë, i ka shtuar “dozat” e retorikave.

Republikanët, GOP, shkruan shtypi lokal, ftuan sot të dielën në ishullin e e quajtur ndryshe “enklava e republikanëve” në drekën vjetore Dita Partisë Republikane Linkoln në Hotelin “Inn Hilton – Bloomfield”, kandidatin republikan për President miliarderin Donald Trump.

Megjithëse, kremtimi i republikanëve, ishte parashikuar të fillojë rreth orës 11 paradite, shkruan shtypi lokal, dyert e sallës, ku do të mbahej tubimi në hotel u happen qysh në orën 9 paradite, dhe salla ishte mbushur përplot me mbështetës të cilët gjatë gjithë kohës ishin shumë entusiast.

Asnjëhere, nuk ishin para kaq forca të shumta të Shërbimit Sekret, dhe oficerë të NYPD , që ishin të përfshirë në sigurinë, e këtij tubimi.

Aqsa, për rreth zonës në Hotelin “Inn Hilton, Bloomfield”, katër dhe pesë blloqe për rreth, vendit ku mbahej tubimi i republikanëve, kryqëzimet kontrolloheshin nga forcat e shumta të sigurisë NYPD, duke bërë çdo lloj kontrolli rutinë.

Në hyrje të gardhit rrehtues të hotelit, poliicia kishte vendosur barrikada dhe kishte vënë nën kontroll dy grupet e protestueseve, atë të protestueseve anti Trump, dhe grupit tjetër kontraprotestuesit, që mbeshtesin Donald Trump, pra mitingashët dhe antimtingashët.

Gjithashtu, njoftohet se po sot, mbas kthimit nga Hollivudi – Kaliforni, ku Kandidatja demokrate Hillary Clinton, e preferuara e shqiptarëve të Amerikës, ishte nnë një fushtë per rritjen e fondeve, do të jetë në ishullin Staten Island, për një fushatë në mbremje.

Ku gjatë ditës së sotme, Hillary, me këtë rast pritet të vizitojë edhe ishullin Staten Island, gjatë ditës.

Tubimi i Hillary Clinton në Staten Island për fushatën elektorale do të mbahet në Sallën e Madhe në Qendrën Kulturore në Kopshtin Botanik, nga ora 5 deri në orën 7 të darkës

Tubimi i Hillary Clinton në Staten Island sot njoftoi media, është e lirë dhe i hapur për publikun.

Votimet paraprake, për të dyja partitë Partinë Republikane dhe Partinë Demokrate, mbahen ditën e martë në të gjithë shtetin e New Yorkut.

Nekrologjia” e një legjende shqiptare në Amerikë

April 13, 2016 by dgreca

Beqir SINA – New York/

Boston, nga “ëndrra Amerikane” fama e madhe, tek mbyllja e restorantit, dhe shembja e restorantit të famshëm të Bostonit Anthony’s Pier Four/

BOSTON MA : Mediat e Bostonit në Shtetet e Bashkuara, njoftuan lajmin e kobshëm dhe dhanë kumtin 3 vjet më parë se restoranti i famshëm i Bostonit dhe për një kohë të gjatë, dhe ikona e restoranteve në Amerikë, Anthony’s Pier 4, do të mbyllej përgjithmonë. Kjo, mbasi fëmijët e “hajrit” e shitën restorantin e famshëm të babait, të tyre, pronën e tij, që me sa mund e djersë, ai arrti t’a vëjë, këtë , pronë, si një kurbetçi i ardhur nga Korça, në Amerikë, në moshën katër vjeçare me prindërit e tij.Restoranti Anthony’s Pier 4 Pier 4, ishte hapur në vitin 1963 nga vet Anthony Athanas, afaristi dhe patrioti i dalluar i komunitetit shiptaro-amerikan, i cili ndërroi jetë në vitin 2005, në moshën 93 vjeçare.

Historia e tij me këtë biznes ishte e një jetë, që është quajtur ndryshe edhe ”ëndërra amerikane”, e realizuar me punë të rëndë dhe dedikim ndaj familjes, pronës dhe vendit të tij.Ai vdiq në Boston, dhe është konsideruar si një nga njerëzit më të shquar të komunitetit shqiptar të Amerikës. Anthony Athanas, ishte një nga bisnemenët më të famshëm të Bostonit, por në komunitetin shqiptar të Amerikës, ai do të mbahet mend më shumë si patriot i shquar, që punoi pa u lodhur për të ndihmuar bashkëkombësit e tij në Shqipëri edhe në Kosovë.Ndërsa gruaja e tij Ester Athanas, një grua e shquar e komunitetit shqiptaro-amerikan, vdiq më 1 nëntor 2004 në moshën 91-vjeçare në shtëpinë e saj, mbas një jete martesore prej 64 vjetësh bashkëjetese me zotin Anton. Në vitin 1940, Esteri, 28 vjeç, u martua me Anton Athanasin. Anthony Athanas ishte një figurë qendrore në organizatën panshqiptare Vatra dhe bashkëthemelues i organizatave të tjera shqiptaro-amerikane.Ai vdiq në shtëpinë e tij në Swampscott pas një beteje tre-vjeçare me sëmundjen e alcajmerit. Antoni Athanas, ishte themeluesi i një prej restoranteve që u bë më pas më me emër në rangun e restoranteve të Amerikës – dhe ishte pagëzuar me emrin Anthony’s Pier Four.Kryetari i Bashkisë së Bostonit e quajti Athoni Athanasin, një traditë në vetvete, pasi ky restorant, tha ai u kthye në një mikpritës të mijra takimeve politike dhe ishte shumë bujar në mbështetjen për komunitetin.

Sekretari i Shtetit – ish Senatori i Maseçustiti, miku i Athanasit, John Kerry u shpreh kur vdiq legjenda shqiptare në Amerikë, se :”Anthony Athanas jetoi ëndrrën amerikane dhe për asnjë minutë nuk harroi se nga kishte ardhur. Me një prejardhje të thjeshtë nga Shqipëria, Antoni mundi të realizojë ëndrrën e çdo imigranti duke punuar dhe arritur të bëhet një institucion kombëtar,” tha senatori Kerry.

I lindur në Shqipëri më 28 korrik 1911, Athanasi imigroi me familjen e tij në New Bedford në vitin 1915. Në fillim ai shiste fruta dhe zarzavate, shiste gazeta dhe ndizte zjarrin e furrave në kuzhinat e restoranteve. Në vitin 1937 hapi restorantin e tij të parë dhe vazhdoi pastaj me restorante të tjerë, më i famshmi i të cilëve u bë Anthony’s Pier Four.

Anthony Athanas do të mbahet mend sidomos për ndihmën bujare që i dha komunitetit shqiptar të Amerikës dhe kontributin për bashkatdhetarët e tij në Shqipëri dhe në Kosovë.

Nuk ka shqiptar në Boston, por edhe përtej tij që të mos ketë një kujtim nga ky restorant apo nga vetë Anthony Athanas, bashkëpunëtori i ngushtë i Fan Nolit, udhëheqësi dhe sponsorizuesi i dikurshëm i ‘Vatrës’ dhe një nga figurat historike të diasporës sonë në SHBA.

Ndonëse jo rrallë i injoruar dhe përbuzur nga njerëzit që u kishte shërbyer më shumë, (figurat si Athanasi janë vështirë të palosen e të mbyllen brenda një komuniteti), ai do të mbetet përgjithnjë në kujtesën dhe historinë e Shqiptarëve të Amerikës.

Restoranti “Anthony’s Pier 4”, i njohur si vendi ku darkuan presidentë amerikanë e shumë njerëz të shquar të artit e kulturës, ku u mbajtën shumë takime të komunitetit e ngjarje personale të shqiptaro-amerikanëve, pati shënuar rënie që kur Anthony Athanas ishte gjallë, ndërsa pas vdekjes së tij duket se shpresat për ringritje qenë shuar njëherë e mirë.

Gazeta shqiptaro-amerikane “Illyria” me kryeredaktorin e saj Ruben Avxhiu, i kushtojë një shkrim historikut të këtij restoranti, që ka qenë ndër të preferuarit e elitës së Bostonit për dekada me radhë.

Ajo shkruante se “Gjysëm shekulli më parë, kur Anthony Athanas vendosi të hapte restorantin e tij të radhës, “Pier 4”, ai zgjodhi një zonë të pabanuar e të shkretuar. Me mole e skela të vjetra, ku asnjë mjet lundrues nuk ndalej më.

Një nga anektodat më interesante të kohës, tregon për Fan Nolin, mikun e ngushtë të Athanasit, që ishte tmerruar nga ideja dhe u lutej miqve që ta shpëtonin Athanasin nga ky gabim i madh. Kush do të shkonte të hante në atë vend? Po i hidhte Anthony të gjitha paratë e fituara në një pellg që sillte veç dështim.Po çfarë nuk shihte dot gjeniu i kulturës shqiptare, e dallonte syri i gjeniut të biznesit dhe guximtarit nismëmarrës.Ky vend gati “ekzotik” në krahasim me pjesët e qytetëruara të Bostonit shumë shpejt u kthye në një sekret të vogël, të cilin që të gjithë e dinin”, shkruan gazeta.Familja Kennedy, duke përfshirë edhe Presidentin John Kennedy, apo presidentë e politikanë të tjerë, artistë si Liz Taylor e Lisa Minelli, regjizori Hitchock janë vetëm një ilustrim i vogël i dhjetra njerëzve nga më të shquarit e botës amerikane që kanë darkuar në këtë lokal, për gjysëm shekulli.

Në vitet e fundit, me ripërtëritjen e komunitetit shqiptar në Boston e rrethina, “Anthony’s Pier 4” ishte bërë përsëri një nga vendet e preferuara për dreka e darka solemne, festa gëzimi e përkujtimore të dhimbshme.

Gazeta The Boston Globe njoftonte se restoranti i famshëm i Bostonit Anthony’s Pier Four, do të mbyllej përgjithmonë në muajin gusht- 2013. Restoranti i njohur, pronë e familjes Athanas, u hap në vitet 60 nga shqiptari i mirënjohur Antoni Athanas, i cili vdiq në vitin 2005 në moshën 93 vjeçare.

Zoti Athanas erdhi nga Shqipëria në Amerikë në moshë fare të vogël dhe pasi hapi disa restorante në periferitë e Bostonit, bleu një truall buzë detit të cilin më vonë do ta shndërronte në atë që ai e quajti Anthony’s Pier Four.

Restoranti u bë mjaft i njohur për menunë e pasur dhe verërat e zgjedhura dhe në vitin 1981, ai ishte njëri ndër 5 më të suksesshmit e Amerikës.

Xha Antoni, siç u bë më vonë i njohur pronari i tij, krijoi miqësi me disa ndër njerëzit më të shquar të Amerikës, të cilët vinin shpesh këtu për mjedisin që zoti Athanas u krijonte dhe natyrisht për ushqimin e mirë. Mes tyre kishte presidentë, aktorë dhe artistë me emër.

Komuniteti shqiptar do ta mbajë mend restorantin për takimet e rëndësishme që ka mbajtur këtu ndër vite, në sajë të bujarisë së pronarit Antoni Athanas.

Djemtë, e zotit Athanas, që trashëguan pronën e babait të tyre që u bë i famshëm me këtë restorant, i thanë gazetës The Boston Globe, atëhere se ata mund të hapinin një restorant tjetër, një variant më të vogël të Pier Four-it, në njërën prej ndërtesave të reja që do të ngrihen në atë vend ku ishte dikur një restorant i famshëm që tani nuk do të jetë më.

Mirëpo vetëm 8 vjetë nga vdekja e pronarit të Restorantit të famshëm në Boston, i themeluar nga shqiptari i famshëm Anthonu Athanas në vitin 1963, njoftuan lajmin e “trishtueshem”, se dje se restoranti me emrin Pier Four Restorant Anthony – është shembur.

Dhe tani do të na mbeten vetëm kujtimet “ se na ishte një herë një Restorant i famshëm në Boston, i kurbetqarit shqiptar nga Korça, që u bë i famshëm, Anthony Athanas, quhej lindi më 1911 dhe vdiq më 1985 në Amerikë”.

Njoftimin për shembjen e tij e njoftoi zyrtarisht Bashkia e Bostonit këtë të martë, e cila tha se mjetet e rënda e kan shembur plotësisht restorantin e njohur “Athony’s Pier 4”.

E cila ka qenë pronë e Shqiptarit Anthony Athanas, i cili e ngriti restorantin e tij në vitin 1963, ku me pjatat e shijshme të përgatitura tërhoqi mjaft klientë të njohur, si Riçard Nikson dhe familjen Kenedi.

Por edhe gangsteri i famshëm i Bostonit, Xhejms Bolxher ishte një klient i rregullt i restorantit të shqiptarit, i veçantë jo vetëm në ushqime, por edhe në mikpritje, tradita që mesa duket shqiptari nuk e ka lënë pas.

Me ndarjen nga jeta të Anthony, restorantin e trashëgoi djali i tij, i cili vendosi ta shiste truallin tek një sipërmarrës. Restoranti i “Athony’s Pier 4” nga fillimi i viteve 1980 arriti në një fitim rreth 12 milionë dollar në vit dhe ishte restoranti më fitimprurës në Shtetet e Bashkuara, por i mbyllur në gusht 2013.

Anthony Athanas, ishte një shqiptar i lindur në Korçë, në vitin 1911 dhe emigroi bashkë me familjen. Në vitin 1938, ai bleu restorantin e parë në Massachusetts, i cili në vitet ’50 u bë një nga restorantet me fitimprurëse në SHBA, me 1 milion dollarë në vit. Ai vdiq në vitin 2005 në moshën 93-vjeçare.

Antoni Athanas – shqiptari dhe amerikani i famshëm/

Më 21.05.2005 Ilir Ikonomi i Zëri i Amerikës, dha kumtin se vdiq në Boston një nga njerëzit më të shquar të komunitetit shqiptar të Amerikës, Anthony Athanas. “Ai ishte një nga bisnemenët më të famshëm të Bostonit por në komunitetin shqiptar të Amerikës do të mbahet mend më shumë si patriot i shquar që punoi pa u lodhur për të ndihmuar bashkëkombësit e tij si në Shqipëri edhe në Kosovë” tha Ikonomi, i cili e vizitoi disa herë këtë restorant dhe na solli kronika të bukura nga Bostoni .

Anthony Athanas ishte një figurë qendrore në organizatën panshqiptare Vatra, tha ai andaj Zëri i Amerikës intervistoi kryetarin e athereshem të Vatrës, Agim Karagjozi, sot Presidenti i përjetshëm Nderi i Vatrës.

Zëri i Amerikës: Zoti Karagjozi, ju si kryetar i Vatrës, si e keni njohur zotin Athanas, ç’mund të na tregoni për njohjet tuaja të hershme me të?

Agim Karagjozi: Antoni Athanasin e kam njohur shumë herët, qysh në vitet e para që kam ardhur në Amerikë, në fillimin e viteve 60. Antoni Athanasi në atë kohë ishte “the rising star” – ylli që po shkëlqente në Vatër. Ai ishte shumë i afërt me Kristo Athanasin, i cili në atë kohë konsiderohej si “Babai i Vatrës”. Por në skenë doli Antoni Athanasi, njeriu i ri, njeriu i dinamizmit, që solli një gjallëri të re në Vatër, shumë i përkushtuar, me mbështetje të jashtëzakonshme financiare dhe me veprimtari dhe me punë. Ishte ai që ngjalli shpresa të reja për Vatrën dhe sigurisht ishte puna që bëri në ato vite Antoni që Vatra është e gjallë sot.

Zëri i Amerikës: Antoni Athanasi ishte njeri shumë i zënë me biznesin e tij. Si arrinte ai të kontribuonte edhe me veprimtaritë për Vatrën?

Agim Karagjozi: Antoni Athanasi kishte ndjenja shumë të thella shqiptare. Ai i kishte marrë ndjenjat në radhë të parë nga familja e tij. Ai ka ardhur në Amerikë në moshën tre-vjeçare. Kishte një familje shumë atdhetare – i ati i tij ishte atdhetar. Pastaj, pasi u rrit, u njoh me Nolin dhe me Konicën dhe i admironte të dy ata, por sidomos Nolin.

Antoni Athanasi ishte një dishepull i Nolit dhe u frymëzua shumë thellë nga veprimtaria, puna, kultura dhe idealizmi i Nolit. Athanasi i përkiste një familjeje që u përzu nga grekët në vitin 1913 kur u bënë masakrat, pra ishte një familje e vuajtur dhe kjo e shtynte të përpiqej për t’i shpëtuar shqiptarët nga rreziqet e fqinjëve.

Ai kishte një krenari dhe ndjenja të thella shqiptare prandaj e gjente kohën, sado i zënë që ishte. Kishte edhe kapacitetin financiar dhe moral që t’i kushtohej Vatrës, e ndjente këtë si detyrë. Antoni Athanasi ishte trashëgimtari i Nolit në Vatër, ishte ai që i siguroi jetën Vatrës për shumë dekada.

Ai ishte edhe një amerikan i shquar, gëzonte një reputacion shumë të madh në Amerikë, ishte ndoshta njeriu më i suksesshëm në biznesin e restoranteve. Ishte një filantropist i pakursyer që ndihmonte në shumë anë. Kështu, ai në Boston është një nga figurat më të nderuara dhe njihet në të gjithë Amerikën si një figurë e shquar.

Restoranti i tij Pier 4 është një nga restorantet më të mirë ku vijnë njerëz nga të gjitha anët e Amerikës. Antoni Athanasi është bërë një legjendë në Amerikë. Ka qenë shumë i aftë dhe shumë dinamik, njeri që nuk harxhonte kohën kot me fjalime të gjata. Edhe në mbledhjet që bënim ne kur bisedoheshin çështjet e ndryshme – ju e dini si e kanë zakon shqiptarët që i zgjasin bisedat – ai i binte shkurt dhe hynte drejt në temë. Ishte tamam njeriu me vetitë e individit të suksesshëm, kishte veti natyrore dhe ishte njeri i rrallë.

Zëri i Amerikës: Sot në Shtetet e Bashkuara vijnë shumë emigrantë të cilët ëndërrojnë të bëhen të njohur, të krijojnë bizneset e tyre dhe të pasurohen. Çfarë mund të mësojnë ata nga Antoni Athanasi?

Agim Karagjozi: Ata mund të mësojnë këtë gjë, që me talent dhe me përkushtim dhe me punë të pakursyer mund të arrihet çdo gjë. Antoni ishte për t’u habitur. Ja se ç’tregonte ai në një rast: kur arriti të ketë restorantin e tij të parë, një restorant fare i vogël, ai punonte aty fare i vetëm. Rrinte te banaku dhe thërriste me zë të lartë, gjoja sikur po i jepte porosinë gjellbërësit.

Në fakt, ai nuk kishte gjellbërës, por pasi thërriste porosinë, vraponte vetë në kuzhinë që të përgatiste gjellën për t’ua sjellë mushterinjve. Ishte njeri me kapacitet, me talent, punëtor, i zgjuar, i gjallë, i zoti dhe nuk e harxhonte kohën kot. Si rrjedhojë e kësaj, erdhi koha kur ai arriti të ketë në Boston katër restorante. Ai ndërtoi restorantin Pier-4 në Boston, i cili është gati si një monument në Amerikë, një vend pelegrinazhi ku shkojnë njerëz nga të gjitha anët e Amerikës për të ngrënë një drekë a një darkë.

Njerëzit shkonin atje edhe thjesht për dëshirën që kishin për të takuar Antoni Athanasin, sepse ai rrinte në restorant ditë e natë, nga ora 6 e mëngjesit e deri në mbrëmje kur mbyllej. Ai rrinte atje për të pritur e përcjellë vetë mysafirët. Njerëzit kishin një ndjenjë krenarie dhe kënaqësie që të takonin Antoni Athanasin. Nuk ka personalitet amerikan që të mos ketë qenë në restorantin e tij, qoftë personalitete politike apo të artit, njerëz të Hollivudit e të tjerë. Në restorant do të gjesh të gjitha fotografitë e këtyre njerëzve të shquar.