Beqir Sina – Page 37 – Dielli

DIASPORA DHE INVESTIMET NE VENDLINDJE

May 11, 2015 by dgreca

*Investimet e organizuara nga diaspora – zhvillojnë fuqishëm Kosovën dhe Shqipërinë – Duke hapur vende të reja pune dhe të ndalojnë ikjen e shqiptarëve/
* Bisedë me Dr. Naim Dedushaj – Drejtor për Investime të Diasporës Ministria e Diasporës, ideator i themelimit te Rrjeteve të Bizneseve të Diasporës në Botë ” Unioni i Bizneseve të Diasporës Shqiptare”, Kryetari i Unionit të Rrjeteve të Biznesit të Diasporës për Amerikën e Veriut dhe Kanada, zoti Elmi Berisha dhe nën kryetarin Besim Malota/
Nga Beqir SINA/
NEW YORK CITY : Rrjeti i Bizneseve të Diasporës në SHBA, fund – muajin e kaluar, para takimit vjetor të Unionit Global të Bizneseve të Diasporës Shqiptare, që do mbahet 10 ditëshin e fundit të muajit Maj, në formë krejt të veçantë në Shkup – Prishtinë – Tiranë, ka mbajtur disa takime me antarët e ri, afaristët dhe biznesment shqiptarë në Amerikë, që po i bashkohen dita ditës kësaj ideje .
Tre anëtar të këtyre takimeve, Naim Deduashaj, Elmi Berisha dhe Besim Malota duke folur për gazetën tonë, thanë se qëllimi i këtyre takimeve kësaj radhe në SHBA , gjegjësisht, në Dallas Teksas dhe më pas në metropolin e botës New York si dhe New Jersey me rrethe , ishte funksionalizimi i rrjeteve të bizneseve në Shtetet e Bashkuara, të themeluara një vit më parë. Gjithashtu, thanë ata këto takime i paraprinë dhe përgaditjes së një Platforme të Unionit të Bizneseve të Diasporës gjithëshqiptare.
Deduashaj, Berisha dhe Malota, zgjodhën me këtë rast “shtëpin” e kryetarit të këtij unionin në SHBA, Dallasin – Teksas, për mbajtjen e këtyre takimeve, të cilat më pas ndoqën një tur mjaft intenziv në zonën e Tri-Shtetshit
Ata thanë se zgjodhën Dallasin dhe më pas Nju Jorkun – kësaj radhe, ngaqë edhe Kryetari i Përgjithshëm i Unionit Global i Bizneseve të Diasporës Shqiptare, biznesmeni i njohur dhe mjaft i suksesshëm z. Nazar Mehmeti, është po nga Dallasi – gjithashtu si edhe Sekretari i Përgjithshëm i këtij unioni në SHBA, është nga ky shtet . Por, njëkohësisht, duhet cekur se në Dallas -Teksas, RRBSHA, ka shumë afarist dhe biznesmen të sukseshëm shqiptar, ndërkohë, që edhe komuniteti shqiptar në Dallas, sipas tyre është i veçantë për nga organizimi i mirë dhe shembull i mirë për të gjithë mërgatën në SHBA .
Në këto takime morën pjesë edhe personalitete dhe biznesmenët e dalluara – shumë prej atyre që ishin të interesuara, që bizneset me origjinë nga Kosova, dhe viset shqiptare në Amerikë, për të invistuar në Kosovë.
Biznesmen , humanist, filantropist, dhe veprimtar e patriot shqiptar të dëshmuar në shumë raste për çështjen kombëtare dhe për investime, në vendorigjinën e tyre, ka më shumë në Teksas – Dallas, thanë me të kthyer në Nju Jork, Dedushaj, Berisha dhe Malota. Në përgjethësi, u shprehen ata në SHBA , ne kemi investitor të till shqiptar në Amerikë, duke filluar nga Presidenti z. Nazar Mehmeti , i cili njëherëshit është edhe Krytari i Rrjetit të Bizneseve Shqiptare për Amerikë, dhe shumë të tjerë të cilët vazhdimisht me veprimtarinë e tyre kan treguar se Amerika, është pjesë e veçantë dhe e dalluar e mërgatës shqiptare. Shqiptarët e Amerikës, shprehen ata janë shembulli ma i mirë i bashkimit kombëtar , ndërshqiptar , duke filluar nga bizneset , organizimet e shoqatave e organizatave dhe bashkëpunimi mes të gjithë shqiptarëve, pa marr parasyshë se kush është dhe nga cila pjesë e shqiptarisë vjen !
Nese shtetet tona Kosova , Shqiperia , Maqedonia e viset tjera shqiptare deshirojnë të marrin një model të bashkëpunimit apo bashkimit, atëhere duhet të marrin Diasporën tonë në SHBA e cila qe 100 vite me radhë po punon bashk për Shqiptari !
Dedushaj , Berisha dhe Malota, sqarojnë se për sa i përket çështjes së investimeve në Kosovë, Shqipëri, Maqedoni dhe viset tjera shqiptare, biznesmenët shqiptar nga Amerika , janë të interesuar të investojnë, por duhet të krijohen kushtet të veçanta më të favorshme edhe nga shtetet tona për diasporën shqiptare, kudo që është, sepse, deri me tani nuk ka patur siguri dhe kushte të favorshme për të investuar Diaspora në vendorigjinën e tyre !
Gjithashtu, duhet përmendur fakti, thonë ata se shumë afarist e biznesmen shqiptarë nga SHBA, kanë shkuar dhe kanë investuar në Kosovë , Shqipëri , Maqedoni( viset shqiptare) , Plavë e Guci dhe kanë shprehur gadishmërinë që të investojnë në Shqipëri, Kosovë e tjerë. Aqsa disa prej tyre kanë Investuar deri në miliona euro – deri me tani, siç janë: z. Hajdar Bajraktari, z. Elmi Berisha, z. Rrustem Geci, z. Ismet Smajli, z.Florin Krasniqi , e shumë të tjerë ,të cilët kanë investuar dhe po bëjnë plane për të investuar edhe më tutje , bile z. Krasniqi, thuhet se ka filluar të investoj edhe në Mal të Zi( zonat shqiptare) . Dedushaj – i cili i ka ndjekur këto investime prej nga fillimi i tyre, shprehet :” Do e kisha veçuar një familje nga Plavë e Gucia nga Hoti, familja Mehaj z. Sadri Mehaj me vëllezër , një kontribues i madh i çështjes kombëtare në Amerikë, i cili ka filluar të investojë, disa miliona euro në Komunën e Gucisë, edhe pse ka hasur në shumë pengesa nga shteti malazez. Aqsa ky shembull i mirë, duhet të ndjeket edhe nga të tjerët nga kjo pjesë e shqiptarisë, sepse shpërngulja është e madhe dhe pothuajse vendi ka mbetur i zbrazët dhe vetëm me investime konkrete mund ta mbajmë gjallë këtë pjesë të banuar me shqiptar”, pra, thotë Dedushaj, ky ndoshta është momenti i fundit ta shpëtojmë këtë pjesë të shqiptarisë.
Meqënse Kosova, ka më shumë nevojë për investime, Rrjeti i Bizneseve të Diasporës në SHBA, e shikon si fondamentale, atë që të angazhohet më shumë për investime në Kosovë Mbasi, ky ka qenë edhe një ndër qëllimiet kryesore të themelimit të Rrjeteve të Bizneseve të Diasporës Shqiptare, kudo ata jetojnë, duke pas si strumbullar të këtyre investimeve, bizneset e shqiptarëve në SHBA, ku edhe bashkëpunimi ndërmjet shqiptarëve për investime, dhe qarkullimi e kapitalit së bashku ( të berit biznes së bashku ) është model se si mund të bëhet biznes dhe të investohet në Kosovë, duke i bashkuar forcat që të investojnë së bashku , së pari në vendin ku jetojnë (SHBA) , pastaj pse jo edhe në viset tona shqiptare. Me të vetmin qëllimi shprehen bashkëbiseduesit që projektet që vinë nga Diaspora, të vinë si kërkesa të organizuara, pra në emër të Unionit të Bizneseve të Diasporës Shqiptare , sepse në shumë raste kërkesat individuale kanë dështuar , pra për mos me i lënë të deshtojnë , simbas tyre është dasht të organizohen edhe ne në këtë formë, pra si “një opozitë pozitve për të ndihmuar zhvillimet e vendeve tona ” Dedushaj, Berisha dhe Malota, thonë se kjo është një formë e re, dhe, një ndër më të mirat e mundshme të organizimit të bizneseve të Diaspores shqiptare, e cila pas një viti funksionimi ka me mijëra pjesëtar të biznesve të diasporës shqiptare , duke përfshirë në udhëheqjen e saj, kryesore afaristët më të fuqishëm të diaspores shqiptare nga gjitha viset, siç janë disa nga ata: z. Lazim Destani , Ecolog Group , që ka më mijëra punëtor nëpër 40 vende të botës. Nazar Mehmeti , Elmi Berisha , Hajdar Bajraktari ,Rrustem Geci, Besim Malota, Ismet Smajli , Vëllezërit Viçaj , vëllezërit Nuha , Ejup Berisha , Mustafë Abazi, Zamir Mane , Yll Blakaj, Argëtim Hani, Fehmi Fetahu , Aziz Vardar , Ismet Mehmeti, Bujar Marevci , Amet Gjanaj ,Omer Nura , Tim Dardania ,Ferid Osmani, e shumë të tjerë, që me biznesin e tyre në botë ( Amerikë, Europë , Australi,) kanë bër emër në botën e Biznesit. Pra, vetë fakti, se këta afarist i kanë besuar këtij organizimi dhe janë pjesë e këtij rrjeti, tregon se sa serioze është ky organizim dhe sa e suksesshme po bëhet kjo ide e jona, e cila u përkrah edhe nga Ministria e Diasporës së Republikës së Kosovës.
Megjithatë, Dedushaj, Berisha dhe Malota, pohojnë se :” Neve politika shpesh apo gjithenjë na ka nda si në diasporë ashtu edhe në vendlindje, gjëja e vetme që ne kemi menduar se na bashkon dhe kurr nuk na ndan, është përveç veprimtarive të tjera edhe Biznesi , i cili na bashkon, bile edhe më shumë ngaqë, ky lloj organizimi nuk është politik, por është ekonomik dhe është gjithëshqiptar , gjithëpërfshirës, dhe, është organizimi i parë biznesmeneve shqiptarë në Diasporë. I cili, ka dëshmuar dhe ka treguar deri tani se ne shqiptarët mund të punojmë bashkë dhe mund të investojmë së bashku” ,
Gjatë këty takimeve të këtyre ditëve në Dallas, Nju Jork, dhe Nju Xhersi, bëhet e ditur se në këto takime nga RRBSHA, është folur për strategjin e re, që ata kan zgjedhur për të punuar qysh tani me riorganizmin e ri që ata kan bërë.
Duke pranuar se ata jan në fazën e funksionalizimit të Rrjeteve të bizneseve të Diasporës shqiptare , dhe jan simbas tyre në fazën e krijimit të disa rrjeteve në disa vende, ku jeton diaspora jonë me shumicë të cilat ende, thonë ata si kemi themelua. Por, u shprehen ata “Ne jemi në pergaditje të “Platformës së Unionit të Biznesve , Statutit , Rregulloreve të Punës”, të cilat do aprovohen në takimin e radhës ne fund muajin Maj 2015″. Ndërsa, ata kan përfunduar logon dhe Portalin informativ, i cili kur të kompletohet do hapet për publikun mbarë shqiptarë online, janë mjaft optimist se strategjia e re, dhe vendimet dhe forma e organizimit më tutje do vendosen në takimin e radhës në Prishtinë, Shkup dhe Tiranë, duke besuar në atë se “do të gjejnë format më të mira të mundshme të bashkëpunimit, shkëmbimit të ideve , dhe bashkimit të kapitalit shqiptar, kudo në diasporë dhe investimeve të tyre në Kosovë, Shqipëri dhe viset shqiptare” . Dedushaj, Berisha dhe Malota, me këtë rast mendojnë se edhe:” Ambasadat tona jasht nga Shqipëria , Kosova dhe Maqedona ( aty ku janë përfaqësit diplomatike shqiptare ) mund të luajn një rol shumë pozitiv në bashkëpunim me bizneset e diasporës shqiptare, nëpër botë, duke i mbështuar me kërkesat e tyre për investime në vendlindjen e tyre. Përfaqësuesit e shtetit të Kosovës dhe Shqipërisë, thanë ata aty ka më së shumti shqiptar, dhe ku është e përqendruar diaspora, së paku duhet të ofrojn ˆinformata më shumë dhe të shërbejnë edhe me këtë rast si urëlidhëse në mes atyre që dëshirojnë të investojnë dhe në vendlindjen e tyre. Njëkohesisht, simbas neve thonë ata, se Ambasadat tona dhe zyrat konsullore, në vendet përkatëse, mund të luajn rol pozitiv edhe në pengesat që hasin biznesmenët e diasporës në shtetet tona, për të investuar duke luajtur rolin e ndërmjetsuesit, për të kryer punët sa më shpejt dhe më efikas, duke intervenuar të ministritë përkatese. Pra, në këtë mënyrë që të luftohet korrupcioni apo burokracinë e zyrtarëve të cilët nuk kryejn punën si duhet , për të ju dhënë mbështetje afaristëve të diasporës, që të hapin rrugë për investime të reja dhe hapjen e vendeve të reja të punës”
Në fund të kësaj bisede , Dedushaj, Berisha dhe Malota, treguan se çfarë impakti, kan pasur takimet e tyre në prag të forumit mbarëkombëtar të biznesve nga Unioni i Bisznesve Shqiptare në Botë, që do të mbahet javën e fundit të muajit Maj – në Kosovë, Tiranë, dhe Shkup.
Me shumë besim ata shprehen se :”Këto takime kishin një rëndësi të veçantë, sepse, ne punuam në planin për funksionalizimin e rrjeteve të biznesve të diasporës, thanë ata, kudo në botë dhe në veçanti ketu në SHBA. Punuam në të ashtuquajturën ” Platforma e Uninoit të Bizneseve” dhe bëmë harmonizimin e saj me Europën dhe Amerikën. Pastaj punuam në agjendën për muajin Maj dhe detyrat në të ardhmen , pra një përgaditje e mirë e mbajtjes së takimve në Shkup-Prishtinë-Tiranë, që mund të deklarojmë se është e veçantë sivjet , sepse, vetë fakti se mbahet në këto tre kryeqytete shqiptare, tregon një mesazh të fuqishëm se Kosova, Shqipëria , Maqedonia dhe Mali i Zi, dhe viset tjera shqipetare, në Ballkan, nuk mund të zhvillohen pa diasporën. Andaj sa më shpejt që të kuptojnë qeverit tona këtë, aq më shpejt do të zhvillojmë vendet tona , dhe do i ruajm ato vise tona shqiptare të cilat janë të rreziukara nga shperngulja masive.
“Ka ardhur koha që dy Qeveritë tona , në dy shtetet shqiptare, Shqipëri dhe Kosovë, të zgjohen nga gjumi dhe të fillojm së bashku një epokë të re, që është zhvillimi ekonomik i vendeve tona , pra punësimi i të rinjëve dhe të rejave dhe mos të bredhin rrugëve të botës, por të jetojnë në vendin e tyre, shtëpitë e tyre” konkludojnë z. Naim Dedushaj, z. Elmi Berisha dhe z. Besim Malota, duke shtuar se kjo tani mund të bëhet me këtë organizim të ri, qe ka emrin Rrjetet e Bizneseve të Diasporës – gjithëshqiptare , duke patur mbështetjen e qeverive të dy Shtetetve tona.

“Nderi i Kombit” për Mark Gjonaj

May 7, 2015 by dgreca

CITY ISALND – BRONX NY : Presidenti i Republikës së Shqipërisë, Shkelqësia e Tij, z. Bujar Nishani, dekoroi mbrëm në një ceremoni të organizuar nga familja Gjonaj, në Nju Jork, me rastin e vizitës së tij në SHBA, asamblesitin e parë shqiptarë në Asamblenë e Nju Jorkut, zotin Mark Gjonaj . Në këtë ceremoni ishte e pranishme edhe Zonja e Parë, Odeta Nishani, si dhe disa nga udhëheqësit vendor, zyrtarët më të lart të qytetit të Bronxit, përfshirë Bronx Borough President Ruben Diaz Jr., me Zonjën e Parë, Drejtori i Përgjithshëm i Burgjeve, Assemblyman Marcos Crespo, veprimtarë të dalluar të komunitetit, drejtues të shoqatave shqiptare në komunitet, si dhe anëtarë të Kabinetit të Presidentit të Republikës së Shqipërisë.
Ceremoninë e moderoj, me plot talent Linda Gojçaj. Pas ekzekutimit të dy himnve kombëtare të dy vendeve SHBA dhe Shqipërisë, nga këngëtaria Albërie Hadërgjonaj, dhe e bija Angjelina, dhe leximit të dekreteve nga Drejtori i Drejtorisë së Informacionit në presidencë Edvin Shvarc , Presidenti Nishani dekoroi me dekoratën “Nderi i Kombit”, zotin Mark Gjonaj, me motivacionin: “Një ndër shembujt e suksesit të shqiptarëve të Amerikës – për ruajtjen dhe mbajtjen e vlerave kombëtare në Shtetet e Bashkuara të Amerikës”
Ceremonia, u mbajt në lokalin e njohur Don Coqui Restorant, zonën bregdetare e quajtur City Island, në Bronx – Neë York.
Zoti Gjonaj – asambleisti demokrat i Distrikitit 80të në Bronx NY, është anëtari i parë shqiptarë në Kuvendin e Nju Jorkut. Ai është një besimtar i fortë, i kudo gjendur në shërbim të komunitetit, një aktivist i dalluar i komunitetit, sfiduese dhe shpërblyes. Mark, në jetën komunitare, është një anëtar i komunitetit, krenar që është shqiptarë dhe anëtarë i shumë organizatave filantropike, duke përfshirë Kolegjin e Mjekësisë “Anjshtanin” Këshillin e Komunitetit Këshilldhënës, në Westchester Shkollën Speciale për Fëmijët dhe anëtarë i Kishës Katolike Shqiptare Zoja e Shkodrës, anëtar i Vatrës. Në lidhjet e tij me komunitetin shqiptarë, zoti Gjonaj, është gjithashtu bashkë-themelues i Shoqatës “Komuniteti Shqiptaro-Amerikan”.
Në ceremonin e dekorimit, ishin të pranishëm bashkëshortja Roberta, dhe dy fëmijët e tyre, Nikolla dhe Jozefi, prindërit, dhe anëtarë të tjerë të familjes Gjonaj, stafi i zyrës së tij, miq, shok , dashamirë dhe mbështetës të tij, në zonën elektorale 80të.
Presidenti i Bronxit Ruben Diaz Jr. duke i uruar mirëserdhjen në qytetin e tij – presidentit të Shqipërisë, zotit Nishani, tha se “Është me të vërtet një kënaqësi e madhe, që sot vetëm 24 orë mbasi qytetin tonë e vizitojë Presidenti i SHBA, Barck Obama, të kemi nderin që në qytetin tonë, të jetë për vizitë një President tjetër, Presidenti i Republikës së Shqipërisë, zoti Bujar Nishani më Zonjën e Parë, Odeta Nishani”
Kurse, drejtori i përgjithshëm i burgjeve, në Nju Jork, me këtë rast në emër të Presidentit të Bronxit Ruben Diaz Jr. dhe qytetit të Bronxit, i dhurojë Preisdentit të Shqipërisë z Bujar Nishani – një skulpturë me “Shqiponjën e Kristaltë” të qytetit.
Duke përshëndetur me këtë rast të gjithë të pranishmit, kreu i shtetit shqiptarë, vlersojë lart rolin e kontributin e diasporës në çështjen kombëtare, demokratizmin e Shqipërisë, rrëzimin e komunizmit, përpjeket e shqiptarëve të amerikës, për liri dhe më shumë të drejta të shqiptarëve në trojet e tyre, lirinë, çlirimin dhe pavarësinë e Kosovës e tjera. Kurse, duke ngritur lart lidhjet e shkëlqyera të Shqipërisë dhe SHBA, presidenti Nishani, i dha një meritë të veçantë shqiptarëve të Amerikës, në krjimin e këtyre lidhjeve, të cilat ai i quajti lidhje historike , të SHBA dhe Shqipërisë, shqiptarëve dhe amerikanëve, dy popuj miq të pandarë, tha zoti Nishani, që na lidhin vlera dhe principe të lirisë e demokracisë.
“Diaspora shqiptare në Amerikë, tha ndër të tjera Presidenti Nishani, ka një rol dhe kontribut historik në çështjen shqiptare. Por, ka edhe një histori të përbashkët, histori marëdhëniesh të ndërtuar në bazë vlerash më të mira, që përfaqësojnë dy popujt tanë. Siç mund t’a shihni edhe sot në këtë darkë, shqiptarët kan edhe më shumë miq amerikan , gëzojnë respektin e Amerikës, dhe të amerikanëve, në një vend si Shtetet e Bashkuara të Amerikës, ku organizimi komunitar, është jo vetëm një e drejtë, por edhe një mënyrë për funksionimin e shoqërisë, dhe aftësia për të bashkuar kontributin personal – është një garanci suksesi. Kësisoj, theksojë ai dëshirojë t’ju inkurajojë, që ju t’i jepni me praninë tuaj aktivitetit të shqiptarëve të Amerikës, gjithë dimesionin e mundëshëm për sukses edhe begati, për ju për familjet tuaj, për kombin tonë, për Shqipërinë, Kosovën , shqiptarët në Mal të Zi, Maqedoni, Luginën e Preshevës, Çamëri, diasporë, dhe kudo në botë”
Kurse, zoti Gjonaj, duke falënderuar për vlerësimin e rëndësishëm nga kreu i shtetit, theksoi se ai falënderonte nga zemra, Presidentin e Republikës, zotin Bujar Nishani, për nderin dhe vlerësimin që i bënëë! Në fund të kësaj ceremonie dekorimi, u shtrua dhe një kotejl nga familja Gjonaj.
Mark Gjonajt është shqiptari i parë si përfaqësues shqiptarëve të New York-ut në Asamblenë e shtetit të Nju Jorkut
45-vjeçari Mark Gjonaj, babai i dy fëmijëve i lindur nga prindër shqiptarë, të cilët emigruan nga Reçi i Ulqinit-Mali i Zi, u rrit në një lagje italo-shqiptarësh në lagjen e njohur Belmont, ku babai i tij punoi si inspektor ndërtimi.
Gjonaj – u bë shqiptari shumë i suksesshëm, mbasi u desh të kalonte një shekull që mbas ish kongresistit Joseph DioGuardit, i cili është me gjak shqiptari(Arbëreshë nga jugu i Italisë), të dilte një bir shqiptari nga Reçi i Ulqinit, dhe të ngjitej në një post kaq të lart në Shtetet e Bashkuara.
Shqiptarët e Nju Jorkut, janë bërë pjesë e mbështetës të fuqishëm të tij,- duke e parë atë si atë të një përfaqësuesi i parë i komunitetit shqiptar për një vend në Kuvendin e shtetit të Nju Jorkut, posti më i lart deri tani në Amerikë nga shqiptarët.
Mark Gjonaj, është bër zëri i komunitetit në këtë qytet por edhe i shqiptarëve në Kuvendin e New Yorkut, mbasi ai tani përfaqësonë edhe lagjet me të populluara me shqiptarë, në Qarkun 80-të që përfshin lagjet e njohura të shqiptarëve Morris Park, Pelham Parkway, Pelham Garden, Allerton dhe një pjesë e Bedford Park. Ai flet jo shumë mirë gjuhën e ëmbël dhe të bukur shqipe.
Ai është veprimtari, i cili për çdo 28 nëntorë, me shpenzimet e tij e zbukuron qytetin e Bronxit me flamujt kuq e zi, duke bërë që që flamuri ynë kombëtarë të valvitet në çdo rrugë e shesh të këtij qyteti me mbi dy milion banorë. Mark Gjonaj, jeton me besimin se është Shqiptar dhe po investon ekonomi dhe moral edhe në trojet Shqiptare.
Shteti i Nju Jorkut i cili ka një popullsi rreth 20 milion banorë ka Kuvendin me dy dhoma përfaqësuesish të cilën e zgjedh me të drejtë vote, çdo katër vjetë. Kuvendi ka Senatin e quajtur New York State Senate dhe Dhomën e ultë të Legjistaturës e cila thirret New York State Assembly. Dhe çdo përfaqësues që përfaqëson rrethin e tij është anëtarë Assemblymen në dhomë e ulët e Legjislaturës së Shtetit. Senati – New York State Senate, e cila ka gjithësejt 61 anëtarë.
Ndërkohë, që Dhoma e Ultë e Legjislaturës – New York State Assembly, përbëhet nga 150 anëtarë që përfaqësojnë një numër të barabartë të rretheve, çdo rreth(ose Distrikt) që ka një popullsi mesatare prej 128,652. Anëtarët e Kuvendit shërbejnë në një mandat dy-vjeçarë, por pa kufij afati – pra, mund të zgjidhesh deri sa t’ë përfundosh karjerën politike në këtë dhomë përfaqësuesish.(BEQIR SINA)

Gershman : “Shqipëria, ka një eksport të shkëlqyer. Nuk është frut, as zarzavate. Quhet Besa”

May 6, 2015 by dgreca

Presidenti Nishani përshëndet votimin e rezolutës nga Senati i Nju-Jorkut për rolin e kombit shqiptar – Heroizmin dhe altruizmi i shqiptarëve gjatë Luftës së Dytë Botërore/
NGA BEQIR SINA/
Gershman : “Shqipëria, ka një eksport të shkëlqyer. Nuk është frut, as zarzavate. Quhet Besa”..
ALBANY NEW YORK : Presidenti i Republikës, Sh.T.Z. Bujar Nishani në krye të delegacionit zyrtar vizitoi njërën nga institucionet më të rëndësishme të shtetit të Nju Jorkut, dy Dhomat e përfaqësueseve; Senatin si dhe Asamblenë e Nju-Jorkut, ku me rastin e 70 vjetorit të fitores mbi nazismin u paraqit rezoluta për rolin e kombit shqiptar në shpëtimin e hebrenjve gjatë Luftës së Dytë Botërore, nga anëtari i Asamblesë që përfaqëson Distriktin 80, zoti Mark Gjonaj dhe Senatori i shtetit të Nju Jorkut Jeff Klain.
Në kuvendin e Nju Jorkut, Presidenti i Shqipërisë zyrtarisht është pritur në fillim nga Kryetari i Asamblesë së Nju Jorkut, Karl Heastie, Senatori Xhefri Klein, si dhe shumë anëtarë të tjerë të Asamblesë, me pjesëmarrjen e fotografit të njohur amerikan, zotit Norman Gershman, klerikëve shqiptarë dhe hebrenj, si dhe mjaft bashkatdhetarëve, Kreu i Shtetit me këtë rast vuri në dukje mbështetjen e tij dhe krenarinë për këtë rezolutë, e cila trajton 70-vjetorin e mbarimit të Luftës së Dytë Botërore si dhe vlerëson në veçanti rolin e shqiptarëve për shpëtimin e hebrenjve.
“Sot, kur roli i popullit shqiptar në mbrojtjen e hebrenjve nga regjimi nazist sintetizohet në një rezolutë të mbështetur nga përfaqësuesit e Nju-Jorkut, ndihem vërtet shumë krenar. Hapja e dyerve për hebrenjtë u bë e mundur falë trashëgimisë historike dhe harmonisë fetare, por edhe dy institucioneve të forta morale të shoqërisë shqiptare, siç janë: Kodi i BESË-s, fjalës së dhënë dhe e mbajtur; dhe Mikpritja e kodifikuar në shprehjen: Shtëpia e shqiptarit është e Zotit dhe e Mikut.” – u shpreh Presidenti Nishani.
Presidenti Nishani, si folësi kryesor, e mirëpriti këtë nismë duke marrë fjalën në këtë veprimtari të rëndësishme për imazhin e shqiptarëve jo vetëm në SHBA, por në mbarë botën, dhe ishte i pranishëm në sallën e Asamblesë gjatë kohës kur u paraqit dhe u votua rezoluta, duke u takuar me shumë përfaqësues të zgjedhur të Shtetit të Nju-Jorkut, duke lobuar pranë tyre si dhe duke i falënderuar personalisht
Presidenti i Republikës, Sh.T.Z. Bujar Nishani ishte i pranishëm edhe në votimin e rezolutës nga Senati i Shtetit të Nju-Jorkut për rolin e kombit shqiptar në shpëtimin e hebrenjve gjatë Luftës së Dytë Botërore, nismë kjo e kërkuar nga anëtarët i Asamblesë së Nju Jork-ut, zoti Mark Gjonaj dhe Senatori Jeffrey Klein.
Një numër i madh i shqiptarëve nga zona e Tri- Shteshit, veprimtar të dalluar të çështjes kombëtare morën pjesë në këtë ceremoni madhështore 
Kryetari i Shqipërisë, zoti Nishani, pasi zhvilloi takim të veçantë me Senatorin Jeffrey D. Klein dhe shumë ligjbërës të tjerë nju-jorkezë, në prani të të gjithë anëtarëve të Senatit, të cilët e votuan unamimisht rezolutën mbajti një fjalim, ku kreu i Shtetit shprehu në emrin tij dhe të popullit shqiptar, mirënjohje dhe falënderimet për mbështetjen që iu dha rezolutës dhe miratimit të saj.
“Rezoluta që ju sapo miratuat vlerëson jo vetëm jashtëzakonisht dhe me të drejtë mbarë kombin shqiptar, jo vetëm popullsinë e Shqipërisë, por edhe atë të Kosovës, si dhe kudo tjetër ku jetojnë shqiptarët, duke theksuar edhe njëherë, akoma edhe më shumë kësaj radhe, edhe pse kanë kaluar më se 70 vite, Besën.” – theksoi, mes të tjerash, Presidenti Nishani.
Duke prezantuar para ligjëvënseve njujorkez Presidentin e Shqipërisë, në dhomën e përfaqësuesve, asamblesititi i parë shqiptarënë Asamblenë e Nju Jorkut, Mark Gjonaj, tha se :” Unë jam i nderuar për të prezantuar para jush të nderuar kolegë, dhe për të ndarë me këtë rast një pjesë të historisë së popullit shqiptar, Presidentin e Shqipërisë, Shkëlqesinë e Tij, zotin Bujar Nishani”, tha në fjalën e hapjes së kësaj ceremonie asamblesiti Mark Gjonaj .
“Përmes, “thjerrëzave” të celuloidit të aparatit fotografik, të fotografit të njohur hebre Noraman Gershman, do të kemi rastin të shohim angazhimin e shqiptarëve për t’u kujdesur dhe mbrojtur, ata që kanë nevojë, duke treguar atë mikpritjen shqiptare, e cila është kodi i nderit i quajtur Besa, “tha Assemblyman Gjonaj. “Është shumë e rëndësishme për ne që të vazhdojmë të krenohemi për këtë akt të papërsëritshëm që bën shqiptarët gjatë Luftës së Dytë Botërore, për mbrojtjen e hebrenjeëve, me këtë shfaqje të veçantë, sidomos në botën e sotme, ku ne duhet të punojmë së bashku për të luftuar trendin në rritje të radikalizmit islamik dhe terrorismit, për të vendosur paqe, drejtësi, dhe bashkëpunimit ndër-fetar. Këto tregime si ky akt i shqiptarëve, sot, janë duke na kujtuar se ne duhet të kujtojmë tragjeditë e Luftës së Dytë Botërore për të mos u përsëritur më ato ngjarje; megjithatë, ne duhet të kujtojmë dhe nderojmë heronjtë e heshtur e Luftës së Dytë Botërore mbi shtigjet e të cilit ne duhet të vazhdojmë të ndjekim rrugën tonë sot, për të ndërtuar një botë tolerante dhe në paqe, në shtetin e Nju Jorkut, dhe në të gjithë botën. ” tha asambleisti Mark Gjonaj.
“Si nipi i të mbijetuarve të Holokaustit, Unë jam shumë mirënjohës, dhe kam respekt për aktin e shqiptarëve, që rrezikuan jetën e tyre për strehim dhe mbrojtjen e mijëra hebrenjëve, të cilët shpëtuan gjatë njërës prej kapitujve më të errët në historinë njerëzore. Shqiptarët, morën rreziqe të mëdha për të shpëtuar hebrenjtë në vendin e tyre, si dhe vendet fqinje, dhe veprimet e tyre shpesh të panjohura, janë heroike dhe për t’u nderuar . Unë jam i nderuar për të pritur Presidentin Nishani dhe të përgëzoj popullin shqiptar për mbrojtjen e hebrenjve dhe trimërinë e tyre. Jam gjithashtu krenar për të nderuar fotografin Norman Gershman puna e të cilit na jep mundësinë të mësojmë në lidhje me këtë akt të jashtëzakonshm dhe lidhjeve mes popullit hebre shqiptar, “tha senatori i Shtetit Jeff Klein.
“Kjo nuk është gjithmonë e lehtë për të gjithë ne për atë të besuar këtë fatkeqësi që pësoi populli hebre. Edhe sot e kësaj dite, njerëzit të gjithë në të gjithë botën janë të kërcënuar për shkak të racës së tyre, gjinisë dhe fesë. Veprimet e popullit shqiptar gjatë Luftës së Dytë Botërore kanë qenë jo vetëm heroike, por janë edhe një shembull i tolerancës dhe dhembshurisë që ne të gjithë duhet të përpiqemi të posedojmë këtë virtyt të lart njerëzor. Unë do të doja të falënderoj Assemblyman Gjonaj dhe senatorin Klein për sjelljen e Presidentit Nishani për një vizitë të till në Nju Jork “, tha Kryetari i Kuvendit të Nju Jorkut Karl Heastie (D-Bronx).
Kryetari Heastie me këtë rast nderoi Presidenti Nishani me një “Big Apple”, si një shenjë nderimi për personalitetet më të larta në vizitën e tyre shtetin e Nju Jorkut. 
“Sot, 70 vjet më vonë, në shumë pjesë të globit, duke përfshirë pjesë të kontinentit evropian, vërejmë një ndjenjë në rritje e anti-semitizmit. Sulmi më i fundit anti-semitist terrorist ishte në Francë, por edhe në vende të tjera, na bëjnë të mendojmë se qëllimi i arritur 70 vjet më parë, duket se është vendosur në pyetje edhe një herë, “tha presidenti Nishani. “Ne nuk duhet të lejojmë asnjë lloj pikëpyetje dhe paragjykimeve të ndikojë brezat e rinj, por në vend të kësaj ne duhet të veprojmë së bashku dhe me vendosmëri në luftën kundër anti-semitizmit dhe në mbrojtjen e deklarimit të drejtave universale të njeriut nga Kombet Bashkuara. Mësimet e nxjerra nga historia nuk duhet të harrohet. ” u shpreh Nishani.
Fotgrafi i njohur i mbijetiari i holokausttit Greshman, tha se :””Kam zbuluar këtë kod të pabesueshm të nderit, kodin e shqiptarëve Besa, i cili është diçka që shqip i thonë besa, kod ky që për mua është më shumë se vetëm një kod shqiptar. Ky është një kod që ne të gjithë duhet të përqafojmë. Kur unë them: “ne,” do të thotë se të gjithë ne – burra, gra, fëmijë – për të nderuar dallimet kulturore mes popujve të ndryshëm në vende të ndryshme, ” tha zoti Gershman duke shtuar se “Shqipëria, ka një eksport të shkëlqyer. Nuk është frut, as zarzavate. Quhet Besa”..
në vlersimet e tyre gjatë kësaj ceremonie u tha se Besa, është themeli i këtij akti të papërsëritshëm, i cili është një kod i nderit rrënjosur thellë në kulturën shqiptare dhe inkorporuar në besimin e shqiptarëve. Kjo thanë oratorët dikton sjelljen morale dhe kërkon nga çdo njeri që të marrë përgjegjësinë për jetën e të tjerëve në kohën më të vështirë të jetes së tyre pavarësisht rrezikut dhe pasojave që mund të ketët njeriu. Folësit treguan se në Shqipëri dhe Kosovë, shqiptarët kan strehuar jo vetëm hebrenjtë në qytetet dhe fshatrat e tyre, por ata kan ndihmuar ata si në kohën e Mbretit të shqiptarëve Zog i Parë, me dhënjen e pashaportës shqiptare dhe paisur me viza në atë kohë me mijëra refugjatë hebrenjë që të largoheshin nga rreziku për jetën nga vendet e tjera evropiane në Amerikë dhe Australi , me këtë rast shqiptarët, të krishter, mysliman, dhe ortodoks, e bën këtë akt historik duke vënë në rrezik të rëndë edhe veten dhe familjet e tyre.
Në këtë ceremoni të dy dhomat e përfaqësuseve Kuvendi dhe Senati i Shtetit të Nju Jorkut, kan kaluar rezolutat për njohjen e Shqipërisë të aktitit në mbrojtjen e hebrenjëve dhe rolin e shquar shqiptarëve luajtur shpëtimin e hebrenjve gjatë Luftës së Dytë Botërore. Më shumë se 2.000 hebrenjtë mbijetuan persekutimit nazist në Shqipëri, ku popullsia lokale shqiptare i fshehu duke vënë në rrezik edhe jetën e tyre, dhe në disa raste, në koston përfundimtare të jetës së tyre, mbas ardhjes së komunizmit të regjimit të Enver Hoxhës.

Federata Pan-Shqiptare e Amerikes “VATRA” mbajti Kuvendin Vjetor në Jacksonville – Florida

May 4, 2015 by dgreca

Kryetar u ri-zgjodhë me aklamacion Dr. Gjon Buçaj/
Nga Beqir SINA-nga Jacksonville, Florida/
JACKSONVILLE FL : Kuvendi Vjetor i Federatës Pan-Shqiptare të Amerikës, VATRA, u mbajt kësaj radhe për herë të parë pas çerek shekulli, jashtë Nju Jork-ut, shtetit ku është aktualisht edhe qendra e Vatrës, prej transferimit të saj nga Bostoni Nolian. Ky kuvend për koicindencë, u mbajt në qytetin Jacksonville të Floridës, jo shumë larg vendit, ku është edhe sot shtëpia, ku mbylli sytë imzot Nolit në Fort Lauderdale të Florida-s, shtëpi që Federata Pan Shqiptare “Vatra”, i pat blerë si dhuratë peshkopit shqiptar më 1954.
Në këtë Kuvend, morën pjesë rreth 100 delegatë dhe të ftuar, nga Nju Jorku, dhe zona e “Tri Shteteve”< NJ, CT, Detrioiti, Uashingtoni, Florida, Bostoni, Çikago, Toronto, Pensillvenia, dhe Karolina e Veriut. Kuvend i 2 Maj 2015, në Jacksonville (Ramada Jacksonville/Baymeadows Hotel & Conference Center ), u mbajt në një frymë tejet demokratike, ku nuk munguan edhe debatet e forta konstruktive, nga ana e kryetarëve të degëve dhe disa delegatëve. Kuvendin e dretojë në cilësinë e Kryetarit të këtij Kuvendi profesor Mithat Gashi me dy ndihmësit e tij, zoterinjte Ali Lushnja, e Kujtim Porja. Kuvendi i Vatrës, i nisi punimet në orën 9-të mëngjesit, simbas rregullores së përcaktuar nga Kanunorja- (Kushtetuta) e saj. Mbas zgjedhjes së Komisionit, prej tre vetësh, për verifikimin e kredencialeve të delegatëve, Kryetari i Kuvendit të Vatrës, u votua professor Mit'hat Gashi, sekretarë u zgjodhën Merita Bajraktari-McCormack, dhe Naze Veliu, të cilët ndoqën dhe procedurën e këtij Kuvendi në bazë të Kanunores së federatës VATRA. Më pas u kënduan Hymnet kombëtare të SHBA dhe Shqipërisë nga këngëtari i mirënjohur Frederik Ndoci. Kurse, udhëheqësi i këtij Kuvendi, kryetari, Profesor Mit'hat Gashi, kërkoi që me një minutë heshtje të pranishmit të nderonin të gjithë të rënët e Kombit amerikan dhe të Shqipërisë. Anëtari i kryesisë së Vatrës, zoti Zef Bala, një veprimtar i njohur, dhe anëtari i Bordit të Drejtorëve të Lidhjes Qytetare Shqiptaro Amerikane, solli një përshëndetëje të veçantë në këtë Kuvend, drejtuar punës së Kuvendit Kombëtar të Vatrës, në emër të presidentit të saj ish kongresitit Joe DioGuardit, i cili udhëheq lobin e parë shqiptar në Amerikë, dhe të vetëmit dedikuar çështjes kombëtare shqiptare në SHBA. "Ju lutem përcillni urimet e mia më të mira, për Vatrën dhe kryetarin e saj dr Bucaj si dhe anëtarët e tjerë të Bordit të Vatrës me rastin e Kuvendit që po mbahet në Florida, duke ju uruar punë të mbarë, thuhej në mesazhin e DioGuardit. " Ne së bashku kemi shumë për të bërë, theksohej në mesazh, për të ndjekur atë rrugën historike të kombit shqiptarë. Luftën për lirinë dhe pavarësinë e popullit shqiptar, 15.000.000 shqiptarëve në botë, duke përfshirë 7.000.000 në Ballkan, 3.500.000 në Shqipëri dhe 750.000 në SHBA, dhe le të mos harrojmë 250,000 arbëresh në Itali, që prej nga koha e Skënderbeut, të cilët presin ma shumë nga kombi shqiptarë, deri në bashkimin tonë kombëtarë". Punimet e Kuvendit të Vatrës, nisen me raportin e kryetarit dorëheqës, Dr. Gjon Buçaj, duke vijuar me raportin mbi gjendjen financiare nga Arkëtari i deritanishëm, z. Marjan Cubi, i cili foli edhe për raportin e Fondacionit "Vatra Foundation, Inc.". Raportii i Fondit të Studentave "Vatra Educational Foudation", u mbajt nga z. Mithat Gashi dhe së fundi ka qenë raporti i Editorit të gazetës "Dielli", z. Dalip Greca. Më pas kryetarët e Degëve të Vatrës- folën mbi aktivitetet e degeve, cilat ishin arritjet e degëve gjate mandatit që shkoi dhe cilat janë objektivat e degëve të tyre deri në kuvendin e ardhshëm. Më pasë ata kaluan në diskutimet e tyre duke dhanë dhe disa propozime për propozimet në ndryshimet në Kanunoren e Vatrës. Propozimet të gjitha kaluan me votimin nga delegatët e rregulltë, ashtu, siç i parasheh Kanunorja e vjetër, të shoqëruara me pyetje, spjegime dhe rekomandime mbi raportet dhe aprovimi i tyre. Në pika mjaft të rëndësishme e morën fjalën Kryetarët e Degëve të Vatrës në të gjithë territorin e SHBA, duke filluar nga : Dega Washington DC, Znj. Merita Bajraktari-McCormack, Dega Michigan, z. Alfons Grishaj , Dega South Florida, z. Kolec Ndoja, Dega Hudson Valley, z. Pashko Camaj, Dega Jacksonville, Florida, z. Adriatik Spahiu, Dega Hartford, CT, prof. Prend Çeta, Dega Orlando, Fl. znj. Florisiana Ahmetaj-Metollari, Dega Tampa, Fl., z. Tasim Ruko Seanca e parë e Kuvendit të Vatrës, vazhdoi punën e saj, me mesazhe përshëndetëse nga dy veteranët e Vatrës, Zef Përndocaj, dhe Zef Balaj, z. Asllan Bushati, Naze Veliu dhe Adriatik Zoto. Një përshendetje majft të ngrohtë, u solli vatranëve në këtë kuvend, Dr Ana Kohen Presidente e organizatës së Gruas Shqiptare Motrat Qiriazi" Gjatë senacave çdo propozim për ndryshim në Kanunore, dhe vendosjen e rregullores së re, u votua dhe kaloi me shumicë votash. Propozimet e degeve kalaun nëpër një proces të shoqëruar jo vetëm nëpërmjet debatesh të forta - por edhe kundërshtive -"përlasjeve", deri në atë të gjetjes së konsuesit në disa raste. Mbasi ishte bër më parë dorëheqja, u vazhdua me shpalljen e kandidaturave(propozimeve), pas asaj të kryetarit të dorëhequr, dr Gjon Buçaj, duke nisur edhe proceduara e zgjedhjes së kryetarit. Gara për kryetar të Vatrës, nisi me vetëm një kandidat – Dr Gjon Buçaj, të propozuar, nga veterani i Vatrës, anëtari i kryesisë zoti Zef Përndocaj, mbasi nuk pati asnjë kandidatur tjetër të paktën të shpallur në Kuvend. Kryetari i mandatit të kaluar, Dr Gjon Buçaj, u zgjodh me aklamacion - duke zgjedhur më pas sipas Kanunores, edhe drejtuesit e lart të Vatrës për një mandat të dytë dhe të fundit.Në këtë mynyrë Kuvendi i Vatrës, votoi unanimisht dr. Gjon Buçajn si kryetar të Vatrës, deri në Kuvendin e ardhshëm.. Kryetari i Vatrës, dr. Gjon Bucaj me këtë rast shpalli edhe listën e zyrtarëve të Federatës Panshqiptare të Amerikës Vatra, e cila organizoi Kuvendin më 2 Maj 2015 në Jacksonville - Florida. Pas nisjes së konsultimeve, dr. Bucaj tha se lisa e zyrtarëve të lart që i përkasin strukturave të Vatrës, vazhdon me dy nën kryetar : zotin Agim Rexhaj, dhe Asllan Bushati, secretar i Përgjithëshëm: Nazo Veliu, sekretar i thesarit (arkatari) Marjan Cubi, President of Vatra Foundation, Inc. Dr. Nexhat Kalici, President of Vatra Educational Foundation Prof. Mithat Gashi dhe Editor i gazestës “Dielli” Dalip Greca. Dr. Gjona Buçaj, mbasi ri-mori detyrën e kryetarit, shpalosi pikpamjet e tij për Vatrën, duke u folë gjerësisht për të ardhmen e Vatrës, në kushtet e një zhvillimi dhe përparimit të saj, me qëllim, intensifikimin e përpjekjeve për gjallërimin e aktivitetit të Federatës më të vjetër të shqiptarëve në diasporë., Me këtë rast Kuvendi i Vatrës, vlerësoi kontributin e dr. Gjon Buçaj, i cili realisht ka qenë një ndihmës i afërt i kryetarit Karagjozi, dhe ka kryer disa vite detyrën e nën/kryetarit të Vatrës, dhe është treguar i palodhur dhe i përkushtuar. Kryetari i ri-zgjedhur për edhe një mandat të dytë, i cili sipas Kanunores është i fundit për Dr. Gjon Bucaj,në fjalën përmbyllëse falënderoi të gjithë vatranët për besimin që i dhanë, duke e ngarkuar me drejtimin e Vatrës deri në Kuvendin e ardhshëm dhe përfundimin e mandatiti të tij. “I vetëdijshëm për përgjegjësinë e rëndë të kësaj detyre,” shtoi ai, ” e pranoj duke u mbështetur në besimin e të gjithë Vatranëve se do të punojmë edhe më shumë së bashku për realizmin e të gjtiha premtimeve që dhamë për Vatrën“. Ky Kuvend si në të kaluarën ka shprehur edhe një her një vlerësim të merituar për z. Agim Karagjozi, i cili e ka nderuar dhe e ka udhëhequr me përkushtimin e tij atdhetar dhe kombëtar Vatrën e kolosëve të kombit shqiptarë. Zoti Karagjozi është President Nderi i Vatrës, për dy dekada ka qenë kryetar historik i Vatrës, dhe për 55 vjet një vatran, i flakët duke ia kushtur gjithë jetën çështjes Kombëtare, kujtohet më dashuri dhe respekt në rradhët e vatranëve bashkë luftëtarve të tij. Për nder të mbylljes me sukses të punës së Kuvendit të Vatrës, në lokalin e bukur Ramada Jacksonville/Baymeadows Hotel, u shtrua një darkë. Gjatë darkës iu dha çmimi“AWARD OF MERIT” kryetarit të degës së Jacksonvillit zotit Adriatik Spahiu dhe disa vatranëve, të dalluar për merita në vitet e fundit.Me këtë rast duhen thënë fjalë miradie për mikëpritësit e këtij Kuvendi, të cilët ishin Vatranët e Degës Jacksonville, për organizmin mjaft të bukur dhe dinjitoz .

“Arritja e paqes dhe stabilitetit në Ballkan: 20 vjet pas Marrëveshjes së Dejtonit”

April 30, 2015 by dgreca

Seancë Dëgjimore në Kongresin Amerikan: Progresi dhe Sfidat në Ballkanin Perëndimor/
Nga Washington DC Beqir SINA/
Rayburn House Office Building” Washington DC: Komitetit i Punëve të Jashtme të Kongresit, dhe Nënkomitetit mbi Evropën të Dhomës së Përfaqësuesve, mbajti dje një senancë të posaqme, dëgjimore, në rendin e ditës,:”Progresi dhe Sfidat në Ballkanin Perëndimor”, arritja e paqes dhe stabilitetit në Ballkan, 20 vjet pas Marrëveshjes së Dejtonit. Kjo, seancë dëgjimore e cila u kryesua nga Kryetari i Komitetit për Marrdhën’jet Ndërkombëtare, të Dhomës së Përfaqësuesve, kongresiti Republikan , i Kalifornisë, Dana Rohabacher, Anëtarët e Nënkomitetit, Gregory W. Meeks dhe kongresistin e Nju Xhersit, Albio Sires. Njëkohësishtë, pas kunitave, të kësaj, senace qëndrojnë edhe përpjekjet lobiste, të Lidhjes Qytetare Shqiptaro Amerikane, e Kryetarit të kesaj Lidhje, Joseph Dioguardi, e bashkëshortes ,së tij Shierly Cloyes DioGuardi.
Morën pjesë …..
Në seancë degjimore ishin të ftuar për të dëshmuar, Ndihmës-zëvendësi i Sekretarit amerikan i Shtetit për çështjet e Evropës qendrore dhe juglindore, Hoyt Yee, dhe zonja Susan Fritz Acting Assistant Eurasian Affairs U.S. Department of State, dhe në një panel të dytë, ish – Kongresisiti republikan i Nju Jorkut, Joesph J. Dioguardi (president i Ligës Qytetare Shqiptaro-Amerikane), dhe profesori Ivan Vejvoda zëvendes Prisdent i Fondit Gjerman Marshall në SHBA.
Ndërsa ndoqën si “dëshmitarë” seancën dëgjimore Shirley Cloyes Dioguardi,( këshilltare për çështjet Ballkanike), veprimtarë të komunitetit shqiptarë, nga shtete të ndryshme të SHBA-s, Çikago – SHSHA, Detroiti, Bostoni, Nju Jorku, Nju Xhersi dhe Uashingtoni, antarë të Bordit të Ligës Qytetare Shqiptaro-Amerikane, mjetet prestigjoze të informimit, në SHBA-s, si dhe ato nga kryqyteti amerikan, diplomat dhe politikan të huaj. Si dhe Kryetari i komunës së Strugës dhe nismëtari i reformave politike të PDSH-së,dr.Ziadin Sela dhe shoqeruesit e tij si dhe veprimtarët shqiptaro-amerrikan nga Çikago,Mahmut Skenderi dhe Xhavet Sherifi, Pajazit Murtishi, e tjer.

…….hapi seancën …..

Duke çelur këtë seancë dëgjimore, Kryetari i Komitetit për Marrdhën’jet Ndërkombëtare, të Dhomës së Përfaqësuesve, kongresiti Republikan , i Kalifornisë, Dana Rohabacher, , perzantojë para komisionit dhe pjesëmarrësve një vështrim të shkurtër rreth asaj që ai e drejtojë pyetjen për atë se “çfarë Progresi dhe cilat janë Sfidat në Ballkanin Perëndimor 20 vjet pas Marrëveshjes së Dejtonit”.
Në dëshmin e tij Zëvendës Ndihmës Sekretari Hoyt Yee foli para Komitetit i Punëve të Jashtme të Kongresit, dhe Nënkomitetit mbi Evropën në seancën dëgjimore :”Arritja e paqes dhe stabilitetit në Ballkan: 20 vjet pas Marrëveshjes së Dejtonit – 29 prill 2015″
Fillimisht, Zëvendës- ndihmës sekretari amerikan i shtetit, Hoyt Yee ka faleminderuar Kryetarin Komitetit i Punëve të Jashtme të Kongresit, dhe Nënkomitetit mbi Evropën në seancën dëgjimore kongresmenin Dana Rohrabacher, Anëtarët e Nënkomitetit, Gregory W. Meeks dhe kongresistin e Nju Xhersit, Albio Sires për ftesën që të shfaqet para tyre, për të diskutuar se çfarë Qeveria amerikane ka arritur në Ballkanin Perëndimor gjatë 20 viteve që nga e Marrëveshjes së Dejtonit dhe sfidat para tyre sot.
Më lejoni të shpreh mirënjohjen time të thellë për Kongresin dhe këto dy Nënkomitetet për interesimin tuaj në Ballkanin Perëndimor, ku Shtetet e Bashkuara janë duke investuar për të kompletuar vizionin tonë të përbashkët për një Evropë të bashkuar, e lirë dhe në paqe. Angazhimi ynë, sidomos me zyrtarë të lartë të Ballkanit, udhëtime në rajon dhe anëtarësimet e grupeve parlamentare kanë dërguar një sinjal të fuqishëm se Shtetet e Bashkuara mbeten të përkushtuara për të ardhmen e rajonit.
Sot ky vizion është më nën kërcënim se çdo kohë që nga fundi i Luftës së Ftohtë. Agresioni i Rusisë në Ukrainë dhe Isil e mbretërimit të terrorit në Siri dhe Irak kanë nxjerrë rëndësinë gjeostrategjike e Ballkanit Perëndimor . Në këtë kontekst të ri gjeopolitik, puna jonë me Ballkanin aleatët dhe partnerët për të krijuar një hapësirë për tregti të lirë, tregjet e lira dhe popujt e lirë është më e rëndësishme se kurrë – nëse është e mbështetur të drejtën të hartojë zgjedhjen e tyre sovrane për një të ardhme euro-atlantike; “Ndërprerja e rrugëve për luftëtarët e huaj në Siri dhe Irak, me qëllim për mbjellje terror në Shtetet e Bashkuara dhe në Evropë; deri rolin qendror të rajonit në të ardhmen e sigurisë së energjisë të Evropës; ose shrrënjosjen e kancerin e korrupsionit , demokraci dhe të sigurisë”
Shqipëri
Në Shqipëri, ne kemi parë progres të rëndësishëm demokratik që prej përfundimit të sundimit shtypës komunist 20 vjet më parë. Qershorin e kaluar, Këshilli i Evropës i dha vendit( Shqipërisë) statusin i kandidatit në Bashkimin Evropian. Në dhënien e këtij statusi, Këshilli Evropian pati vlersuar përpjekjet e Shqipërisë për në luftën kundër korrupsionit, luftën kundër krimit të organizuar, dhe zbatimin e reformës gjyqësore.
Me më shumë se një vit nën në detyrë, qeveria e re vazhdon të mbajë partneritet të fortë të Shqipërisë me Shtetet e Bashkuara si një përparësi kryesore strategjike. SHBA, kohët e fundit nënshkruan një deklaratë e Partneritetit Strategjik, SHBA-Shqipëri, duke nënvizuar se fushat e bashkëpunimit në siguri; qeverisja e mirë, sundimi i ligjit, dhe të drejtave të njeriut; shoqëria civile; zhvillimi ekonomik; siguria e energjisë; dhe arsimit dhe shkëmbimeve kulturore.
Megjithatë, mbetet shumë punë përpara për Shqipërinë. Pavarësisht marrjes së statusit të kandidatit, Shqipëria do të përballet me sfida të rëndësishme zbatimin e reformave të nevojshme për fillimin e bisedimeve të pranimit në BE. Shqipëria do të duhet të intensifikojë përpjekjet në forcimin e institucioneve demokratike, trajtimin e reformës gjyqësore dhe luftën kundër korrupsionit dhe krimit të organizuar. Ndikimi i krimit dhe korrupsionit në politikë është një shqetësim i vazhdueshëm. Ne jemi duke i bërë thirrje qeverisë dhe opozitës të punojnë së bashku për të luftuar krimin dhe korrupsionin, dhe të mos jetë e ngulfatur nga politika e brendshme konfrontuese dhe të korruptuar.

Maqedoni

“I mbështesim aspiratat e Maqedonisë për anëtarësim në NATO dhe në bashkimin Evropian. Kohën e fundit ne dhe partnerët tanë evropianë me shqetësim e përcjellim krizën politike në Maqedoni të ndërlidhur me publikimin e materialeve të përgjuara nga ana e liderit të partisë opozitare. I bëj thirrje Qeverisë që të përballet me materialet e përgjuara, në mënyrë që e tregon përkushtimin e parimeve euroatlantike. E inkurajojmë opozitën, e cila për momentin e bojkoton Kuvendin, të kthehet në atë trup dhe të ndihmojë ta zgjidhë krizën. Jemi të shqetësuar edhe për dallimet rritëse mes shoqërisë etnike të Maqedonisë dhe komunitetit etnik shqiptar. Integrimi i Maqedonisë në NATO dhe në Bashkimin Evropian mbetet i rëndësishëm që të arrihet paqe e përhershme dhe stabilitet në rajon. Me Qeverinë e re në Athinë, i inkurajojmë dy palët që të arrijnë zgjidhje të përbashkët të pranueshme për kontestin e emrit, i cili e bllokon progresin e vendit në integrimet euroatlantike”, deklaroi zëvendësndihmës sekretari i Shtetit.
Ji u përqendrua edhe në gjithë rajonin e Ballkanit, duke thënë se prioriteti amerikan mbetet që të punohet në integrimin e rajonit në NATO dhe në BE, duke vlerësuar se megjithatë ky vizion amerikan është nën kërcënim si asnjëherë më parë pas fundit të Luftës së Ftohtë, për shkak të krizës në Ukrainë. Ji shtoi se është e saktë se procesi i zgjerimit dhe integrimit në Bashkimin Evropian është i ngadalësuar, për shkak të këmbënguljes së Unionit për vendosje të standardeve më të lartë, më të ashpra për vendet e ardhshme.
Drejtuesja Fric e USAID-it gjithashtu shkurt u përqendrua edhe në programet të cilat kjo Agjenci i realizon në rajon dhe në Maqedoni, para se gjithash në fushën e programeve politike dhe lirinë e mediave.
“Në Maqedoni programi i USAID-it për mbështetjen e mediave promovoi pavarësi të mediave, gazetari hulumtuese dhe servis për kontrollin e fakteve i cili deri tani publikoi mbi 1.000 analiza kritike të teksteve mediale” tha Fic.
Paneli i dytë i seancës së Komitetit ishte me pjesëmarrjen e Xho Diogardit, i cili shërbeu katër vite si kongresmen republikan nga Nju-Jorku dhe është President i LQSHA nje organizate lobuese shqiptare në Uashington.