Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Histori Amerikano Shqiptare Suksesi

by

Duke festuar arritjet Amerikano Shqiptare, të lidershipit, frymës ndërmarrëse, ndikimi në komunitet, frymëzues dhe inspirues për çështjet njerëzore(bamirësi e humanizëm), ndikiminë art, biznes, arsim, shkencë, politikë, dhe më shumë …
Nga BEQIR SINA, New York City/

BATTERY GARDENS NYC : Mbrëmë, në Nju Jork, u mbajtë një mbrëmje e madhe gala për të nderuar disa nga shqiptarët e Amerikës, të konsideruar si nga më të suksesshmit në fusha tëndryshme të jetës. Në mbrëmjen, e mbajtur në lokalin luksoz Battery Gardens , psesën e poshtme të qytetit të Nju Jorkut, jo shumë larg Statujës së Lirisë, dhe ishullit të emigrantëve Ellis Island, qindra pjesëmarrës, u mblodhën duke festuar arritjet Amerikano Shqiptare, të lidershipit, frymës ndërmarrëse, ndikimi në komunitet, frymëzues dhe inspirues për çështjet njerëzor, ndikimi në art, biznes, arsim, shkencë, politikë, dhe më shumë ….
Organizatorët e këtij spektaklit të madh – thanë se nderimet për t’u bërë pjesë e një libri portretesh shoqëruar me fotografit e të përzgjedhurve për mbrëmjen gala , nuk ishin të fundit mbasi simbas tyre, histori suksesi të shqiptarëve të Amerikës, ka me qindra dhe ato do të pasqyrohen ose nderohen në të ardhmen. Por, organizatori kësaj rradhe kishte menduar të nderonte, me librin e protreteve “Histori Amerikano Shqiptare Suksesi “, dhe një film dokumentar 160 personalitete shqiptare në Amerikë.
Ky spektakël i pari i këtij lloji në Amerikë, nga shqiptarët, u moderua nga aktoria Eliza Dushku dhe Tony Dovolani , një aktore hollivudiane dhe një nga kërcimtarët e famshëm në botë.

Fjalën kryesore e mbajti Giorgio Kolaj drejtor i kësaj mbrëmje gala.
“Është kënaqësi e madhe që ne të kemi kaq shumë pjesëmarrës në të parën projekt “Albanian American Success Stories”, tha në fillim të fjalës së tij folësi i kësaj mbrëmje gala Giorgio Klaj, duke shtuar ” Unë do të doja të përgëzoj çdo njeri që nderohet sot , dhe unë do të doja të falënderoj me shumë dashuri të gjithë ju shqiptarë të këtij komuniteti të mrekullueshëm, që erdhët në këtë mbrëmje, për të u bërë pjesë e këtij projekti të rëndësishëm, i cili tashmë ; “nuk është vetëm një ëndër e bërë realitet , por edhe një sukses i madh i shqiptarëve të Amerikës!”
Për disa dekada të kaluara , Shqipërtar nga të gjitha trojet etnike, kan emigruar në të gjithë botën, kanë emigruar edhe në Amerikë, duke pasur çdo njeri një histori individuale, unike, kudo që jeton e punonë . “Shumë erdhën në kërkim të paqes dhe lirisë , tha Kolaj, dhe disa erdhën për të siguruar një jetë më të mirë për familjet e tyre . Të gjithë erdhën për shkak se ata besonin që pishtari i ndritshëm i Statujës së Lirisë do të u thoshte se çdo njeri prej tyre, mund të kishte një shans të madh në atë që quhet American Dream – Ednrra Amerikane . Kanë kaluar shumë dekada që nga koha kur erdhi shqiptari i parë, në Amerikë, duke “vënë” këmbë në tokën amerikane, për herë të parë . Dhe pse nga gjithë ato vite , që kan kaluar komuniteti shqiptaro-amerikan ka qenë fanar i vendit të lirisë, ashtu siç është Amerika. Të gjitha shqiptarët e Amerikës, e kanë pasur mundësinë që të gëzojnë bekimet e premtimit të tokës së Lirisë, Shtetetve të Bashkuara të Amerikës
Duke folur për këtë mbrëmje gala Kolaj, cilësoi se në thelb “Albanian American Success Stories” është kremtimi i sukseseve të jashtëzakonshme, të gjithë komunitetit shqiptar në Amerikë , mbasi komuniteti shqiptar në Amerikë, tha ai ka vendosur veten në të katër anët e këtij vendi të madh dhe e ka mbajtur me krenari qënjen e tij shqiptar, në traditat e saj . Në fund Kolaj, theksoi se” Pra , sot , dhe çdo ditë , le të mblidhemi për festuar triumfet dhe sukseset e shqiptarëve të Amerikës . Për, të kërkuar që ky projekt të ketë në të ardhmen përfshirjen më të madhe nga brezat që do të vijnë , dhe ne mund të tregojmë e nderojmë këto histori, që nxisin dhe tregojnë sukseset më të mëdha në komunitetin tonë . Këto janë momentet tona ; kjo është koha jonë ! Zoti e bekoftë Amerikën ! Dhe Zoti e bekoftë komunitetit shqiptaro-amerikan ! ka konkluduar në fjalën e tij, folësi kryesorë Georgio Kolaj.
Mbrëmja gala u organizua nga Bordi i “Albanian American Success Stories” me Vera Mjeku – Drejtore Egzekutive, dhe me Board Advisor : Kujtim Balidemaj MD, Donika Bardha, Beti Beno Esq.,Tony Dovolani, Amilda Dymi, Mark Gjonaj, Giorgio Kolaj, Mark Kosmo, Nick Markola, Avni Mustafa, Konsulents: Fadil Berisha, Ed Hammel, Ismer Mjeku, Marketingun, Blerta Alikaj, dhe Webmasterin, Arben Mehmetaj, të cilët kishin vendosur lidhje me qindra shqiptarë që kanë shënuar histori të reja suksesi në jetën e tyre të emigrimit, në SHBA.
Ky lloj spektakli mendon të promovohen të gjithë shqiptarët dhe që kanë bërë histori suksesi në Amerikë, duke ndërthuruar moshën dhe kohën e ardhjes së tyre në SHBA, fushën e jetës, ku çdo individë ka sukses dhe ku të rinjtë, dhe shqiptarët që kan arritur diçka, të shohin një mundësi promovimi. E veçanta e këtij evenimenti u tha se ishte që të nisej diçka ndryshe. Ndryshe, nga mënyra e mbrëmjeve, që zgjatin në kohë, me fjalime, ndryshe nga froma e nderimit nga që kjo lloj mënyrë, është zgjedhur që ta bëjnë mbrëmjen sa më të gëzueshme.
Grupi Shqiptar i Medias , Fadil Berisha Studio , së bashku me Këshillin Amerikanë, Fondin e Arsimit Ndërkombëtar Amerikan për Kosovën organizojë këtë mbrëmje gala si një spektakël të madh për nderuar mbi 160 shqiptarët, të zgjedhur kësaj radhe, si më të suksesshëm të viteve të fundit në gjithë fushat e dijes në Shtetet e Bashkuara të Amerikës.
E cila ishte dhe një nga qëllimet kryesore, thanë organizatorët, që të nisë krijimi i një baze të dhënash se kush janë shqiptarët më të sukseshsëm dhe cila është, puna e tyre, krijimitaria e tyre, suksesi i tyre në Amerikë. Po ashtu synohet që kjo ngjarje të bëhet vjetore.
Organizatori, për këtë qëllim në këtë mbrëmje gala me anë të materialeve filmike, portretizimit të çdo njerit nga ata që u nderuan këtë mbrëmje gala shfaqur në ekranet e televizorve, në çdo pjesë të lokalit luksoz, Battery Gardens, promovojë sukseset e individëve të komunitetit shqiptaro- amerikan dhe kontributet që ata kanë bërë në biznes , politikë, shkencë , arsimit , artit , etj
Mbrëmja Gala e së shtunës mblodhi edhe disa lider të komuniteti shqiptaro-amerikan, veprimtarë të dalluar, afaristë dhe biznesmen të suksesshëm, avokat, gazetar, artistë, studentë, policë shqiptarë që shërbejnë në departamentin e poliicisë së New Yorkut, mysafirë nga Shqipëria dhe Kosova: Albin Kurti, Shpend Ahmeti, Florin Krasniqi, Naim Dedushaj, përfaqësuesit e shtetit shqiptar dhe Kosovës, ambasdorin Ferit Hoxha dhe ambasdorin Bekim Sejdiu, e të tjerë, për të festuar në spektaklin “Albanian American Success Stories” – një iniciativë e paparë ndonjëherë, e cila tregoj disa nga sukseset dhe arritjet e shqiptarëve në Amerikë.
Ngjarja më e madhe argëtuese e kulturore shqiptaro amerikane në SHBA, e cila u shoqërua gjatë gjithë kohës me premierën e një dokumentari realizuar me protretizimet e mbi 160 shqiptaro amerikanëve më të suksesshëm , përfshiu edhe fituesin e çmimit Nobel për Mjekësi Dr Ferid Murad , të parin shqiptar të zgjedhur në një post zyrtar amerikan në atë të Kuvendit e shtetit New Yorkut, zotin Mark Gjonaj , aktoren e famshëme dhe të njohur në botë, aktoren Eliza Dushku dhe supermodelen Emina Cunmulaj , fotografin me renome në Amerikë, Fadil Berisha, bankierin Richard Lucka, gazetaren e Fox News Lidia Ujkaj, bamirsen Shpresa Xhaklli, komedian e famshëm James Belushi, Lisa Milicaj, Councilwoman Pleasant Valley, politikanin e Uashingtonit Ilir Zherka, aktori Mike Dusi, dhe shumë të tjerë .

Personalitetet në tapetin e kuq

Të gjithë pjesëmarrësit kishin mundësin të shohin teksa kalonin në tapetin e kuq me dhjetra shqiptarë të suksesshëm në Shtetet e Bashkuara. Në orën 19:00, dy orë para fillimit të spektaklit të madh, ishte shtruar një tapet i kuq, ku do të kalonin para se të hyjnë brenda në lokalin luksoz, për t’u fotografuar dhe intervistuar nga gazetarët dhe pjesëmarrësit, të gjithë shqiptarët e suksesshëm dhe pjesëmarrës të kësaj mbrëmje gala.
Fotoreporterët dhe gazetarët pritën me fotoapartet e tyre dhe kamerat personalitetet e nderuara, ku ata kishin një mundësi të parakalojnë vetëm për median, duke dhënë intervista edhe autografe dhe duke bërë foto me gazetarët, dhe pjesëmarrësit e tjerë.
Eliza Dushku krenare për Shqipërinë

Gjatë fjalës së saj duke drejtuar mbrëmjen e madhe gala në Nju Jork, “Histori Amerikano Shqiptare Suksesi “, duke përë promovimin e një libri dhe një film dokumentar me 160 personalitet shqiptare në Amerikë, Aktorja hollivudiane me origjinë shqiptare, Eliza Dushku, ka pohuar disa herë me plot bindje dhe madje dhe e ka bërë publike se vlerëson lart suksesin shqiptaro-amerikan.
Në paraqitjen e saj para publikut shqiptaro amerikan, aktorja e njohur ka treguar një tatuazh në qafën e saj ku shprehet se ndihet më shumë shqiptare dhe se vlerëson suksesin shqiptaro-amerikan.
Krenarinë e saj shqiptare, shqiponjën me dy krena në tatuazhin e saj ajo e ka bërë publikë edhe sot një ditë mbas mbrëmjes gala edhe nëpërmjet një postimi në një nga fotot e bëra publike, e cila është bë dje në mbërmjen e madhe gala në Battery Gardens në New York ku aktoria shqiptare në Amerikë, Eliza Dushku paraqitet me një fustan të kuq, e ndërsa tregon me krenari shqiponjën, mbi fot ajo ka shkruar fjalën shqiptar ndërsa mbrëm ka përshëndetur edhe në gjuhën shqipe.

Një mbrëmje 160 “çmimesh”

160 “çmime” do të ndaheshin për 160 shqiptarë të Amerikës. Sigurisht, që kjo nuk është një mbrëmje gala e cila do të përmblidhte, të gjithë atë suksesin e madh të shqiptarëve në Amerikë, por një fillim i ndarjes së këtij “çmimi” “Histori Amerikano Shqiptare Suksesi “, i cili është një motivim për të kërkuar më tepër, shqiptarë të suksesshëm kudo në botë.
Oraganizatori tha se tridhjetë e pesë për qind e të ardhurave neto të këtij projekti do të shkojnë për Fondin e Arsimit Amerikan të Kosovës – Këshillit Amerikan . Si dhe për realizimin e një libëri luksoz i lidhur që përfshinte në faqet e tij – individë dhe historitë e tyre të suksesit . Listimet tha organizatori në libër janë vendosur sipas rendit alfabetik. Historia e çdo njerit thuhet se është e redaktuar nga redaktorët e AASS shoqëruar me fotografi profesionale që janë marr nga studio prestigjioze “Fadil Berisha Studio” e fotografit të famshëm shqiptar Fadil Berisha.

Promovohet në Nju Jork, jeta dhe vepra një emigranti shqiptarë

by

Në 102 vjetorin e themelimit të Vatrës, u bë promovimi i dy librave “Rrugëtimi i Përjetësimit të Ali Ibër Nezaj në Bronz” dhe “Udha e ëndrrës së thyer” të autorit Halit Nezaj/
Nga BEQIR SINA, New York/
BRONX NEW YORK : Botimi i veprave të reja, respektivisht paraqitja e një vepre të re në duart e lexuesve, shqiptaro amerikanë, natyrishtë, që është bërë kohët e fundit një lajm i gëzueshëm, në komunitet. Sidomos, për dashamirët e fjalës së shkruar – Librit, por edhe për bashkëatdhetarët e tjerë, ku ata mund të gjejnë me këtë rast një pikë – takimi, për të mësuar më shumë për historinë e shqiptarëve të Amerikës, veprimtarinë dhe prejardhjen e tyre, ose vendorigjinën – apo një vepër tjetër letrare (libër me poezi a tregime) që ka autor nga diaspora apo edhe vendlindja jonë .
Në veçanti sot në diasporë kemi shumë autorë librash, nga Shqipëria, Kosova, Lugina e Preshevës, Maqedonia, Mali i Zi e Çamëria, studiues dhe krijues të njohur, duke pasur raste mjaft të shpeshta të nxjerrjes së librave të rinjë, nga autor të shumtë shqiptarë, që tashmë kan mënyrën e promovimit të librave, duke e bërë atë ngjarje të gëzueshme për komunitetin shqiptarë. Dhe, tani, që kemi një prurje kaq të madhe autorësh nga vetë diaspora, e cila ka edhe shoqatën e saj : “Shoqata e Shkrimtarëve Shqiptaro Amerikanë”, por edhe shumë shkrimtar të njohur që vinë nga vendorigjina e jonë, ngjarje të tilla – promovime kemi shumë më shpesh.

Kjo ka bërë, atë që të ketë edhe më shumë interesim – kur kemi ndonjë promovim libri, dhe autorin e njohim mirë, pra ai gëzon respekt, të bashkombasit e tij – por edhe që ia lexojmë librat me shumë dëshirë, edhe kur autorin e librit e kemi “burim” librash nga diaspora, atëhere kemi rastin e mirë, që t’a kemi prezent në përurimin e veprave të reja, por edhe që të tregojmë se edhe këtu në mërgim – tek ne shqiptarët e Amerikës krijimtaria jonë ka qenë dhe është e pashtershme, burim frymëzimi duke filluar prej nga klubet, kolonitë e shoqëritë e para të shqiptarëve në Amerikë, dhe duke u transmetuar deri në ditët e sotme.

Një promovim i tillë, me autor nga diaspora shqiptare në Amerikë, u organizua nga ajo që mund të quhet tashmë në Amerikë “Qendra Shqiptare e Promovimeve” – Shoqata e Shkrimtarëve Shqiptaro-Amerikanë dhe Federata Pan-Shqiptare e Amerikës VATRA, të cilat ashtu si kan nderuar dhe ngritur vlerat e autorve të tjerë, më parë, promovojnë të Dielën me 27 Prill 2014,, në një nga sallat e lokalit EastWood Manor, librat : “Rrugëtimi i Përjetësimit të Ali Ibër Nezaj në Bronz” dhe “Udha e ëndrrës së thyer” të Halit Nezaj.

Madje, kjo ngjarje, mori një rëndësi të veçantë – Mbasi, ajo për koncidencë, kësaj rradhe lidhej me diçka të veçantë, si me këtë rast me 102 vjetorin e bekuar të themelimit të Vatrës, shoqatës së parë të shqiptarëve të Amerikës. Promovimi i librit të ketij Vatrani, u bë edhe :”si një nderim për Vatrën, si Vatër e dritës së kombit shqiptar, si Vatër e shpresës së pashuar kombëtare”.

Edhe, vetë autori mori shumë urime të përbashkëta, me vatranët, për këtë ditëlindje rrezatuese ashtu si mori edhe për dy veprat e tij – sepse, edhe ai është Vatranë, dhe në veprën e tij kan emrat edhe disa nga figurat e shquara të Vatrës, madje Halit Nezaj dhe anëtarë të tjerë të fisit Nezaj, shumë miq dhe shok të tij, janë nga ata të parët, që e nisën rrugën e patriotizmit me këtë Vatër, që ishte dhe mbeti zjarri i pashuar i Shqiptarisë, në diasporë.

Dhe, ja që vjen rasti i promovimit të këtyre veprave, të kujtojmë edhe një herë çdo fund prilli Vatrën – Vatrën shqiptare në Amerikë, për të cilën, ish Kryemnistri i Shqipërisë, Berisha, ka thënë në 100 vjetorin e saj se :”Vatra jonë është një homazh i madh për ata burra që 100 vjet më parë themeluan këtu në atdheun e lirisë në vendin e madh të lirisë, themeluan “Vatrën” , si vatër të lirisë së kombit shqiptar ”. Berisha, ka kujtuar me nderim dhe mirënjohje themeluesit e saj, të cilët në një kohë përcaktuese për fatet e kombit, qysh atëhere u bashkuan dhe themeluan organizatën e vlerave të mëdha kombëtare. Ai e ka vlerësuar rolin dhe kontributin e jashtë- zakonshëm historik që “Vatra” dhe Vatranët, luajti në momentet më deçisive për kombin shqiptar, përgjatë një shekulli”.

Por, përsëri mund të thuhet se promovime të tilla, kan rëndësi e vlerësohen – gjithashtu, kur dimë diçka si ky rast me autorin Halit Nezaj pra për vet autorin ose për librat që ka shkruar ai.

“Rrugëtimi i Përjetësimit të Ali Ibër Nezaj në Bronz” dhe “Udha e ëndrrës së thyer” të Halit Nezaj, janë dy vepëra – ku lexuesi do të gjejë përpos një historie të shkurtër të jetës dhe veprës së patriotit Ali Ibër Nezaj, por edhe vetë jetën e autorit – peripetitë që ka kaluar ai dhe familja e tij të paraqitura me të gjitha angazhimet dhe aktivitetet që i kanë paraprirë të gjitha lëvizjeve të shqiptarëve të Amerikës. Vendlindja e tij Shipshani – Tropojë, familja, të afërmit, miq dhe shokët në klubet e të arratisurve në ish-Jugosllavi, Gjakova, qyteti që ka bërë histori, dhe vendi i lirisë Amerika, lufta disa vjeçare për lirinë dhe pavarësinë e Kosovës dhe rënjen e komunizmit në Shqipëri.

Veprimtarinë, e bukur të këtij promovimi e drejtojë, sikur të recitonte ndonjë poezi – Mëhill Velaj – poetë dhe shkrimtarë i njohur në komunitet, i cili në çdo prezantim interpretoi fragmente dhe vargje nga librat e Nezajt.

Pjesmarërsit i ka përshëndetur fillimisht zv/kryetari i Vatrës Asllan Bushati. Përshëndetën dhe përgëzuan autorin: Ambasadori Bekim Sejdiu, Konsull i Përgjithshëm i Republikës së Kosovës në New Jork, Kryetari i Vatrës, dr. Gjon Buçaj, Presidenti i Shoqatës së Shkrimtarëve Shqiptaro-Amerikan Adnan Mehmeti e të tjer.Folëse kryesore, dhe rencensuese e kësaj veprimtarie ishte ; ajo që i kishte lexuar librat e Nezajt, dhe u kishte bërë një “autopsi” të thellë, e cila është vetë autore e disa librave, gazetare, shkrimtare, dhe poete, Raimonda Moisiu :
Për librin “Udha e ëndrrës së thyer”, tha zonja Moisiu, paraqita këndvështrimin tim në formën e përsiatjes, ndërsa për librin “Rrugëtimi i përjetësimit të Ali Ibër Nezaj në bronz” , m’u desh të gërmoja në arkivat shqiptare e të huaja, referencat dhe studimet historike, shkruar nga publicistë e studiuesë profesionistë të mirënjohur shqiptarë e të huaj, të cilët kanë shkruar në mënyrë sistematike, e të admirueshme për figurën madhështore luftarake, poliadrike të patriotit të shquar Ali Ibër Nezajt”.

Një kumtesë rreth librave të z. Halit Nezaj e mbajti edhe vatrani Mehmet Kadrija nga Tropoja

Diskutuan rreth librave edhe editori i Diellit Dalip Greca ( duke sjell një përshëndetje të professor Murat Gecaj), kryetari i degës më të re të Vatrës në Amerikë, asaj në Hartford – Kenektikët, Iliam Peci, profesor Prend Cetaj, zoti Shaban Gashi, e të tjerë. Ndërsa, u duartrokit gjatë në këtë promovim edhe aktori nga Kosova Halil Teta, që recitoi fragmente poetike, me motive patriotike.
Në fund të këtij promovimi autori i dy librave Halit Nezaj – një emigrant e i vjetër i komunitetit, ka përshëndetur gjithë mbështetësit dhe drejtuesit e këtij aktiviteti, folësit dhe pjesëmarrësit,; Shoqatën e Shkrimtarëve Shqiptaro Amerikanë dhe Federatës PanShqiptare të Amerikës VATRA, dhe me theks të veçantë mbështetjen pakursyer të familjes së tij, bashkëshortes dhe fëmijëve, nipave dhe mbesave.

Gjithashtu, sikurse, në vepër autori Halit Nezaj, ka feleminderuar gjithë kontribuesit financiar, për çfarë, ai u është shprehur mirënjohës, pasi si tha Nezaj:” pa ndihmën e tuaj, edhe shtatorija e Ali Ibër Nezajt e cila është përjetësuar tashmë në qendër të qyteti historik Gjakovës, por edhe këto dy vepëra , nuk do të ishte realizuar”.

Në fund u shtrua edhe një koktejl i përgatitur nga familja Nezaj – me ushqime dhe pije nga tradita shqiptare.

Një mural gjigand kushtuar Presidentit Ronald Reagan në Staten Island

by

LoBaido, u tha gazetareve se ai ishte i frymëzuar për të krijuar këtë pikturë gjigante për shkak se ai shpreson , se me trazirat e fundit midis Amerikës dhe Rusisë , që disa nga idetë e Reganit në trajtimin e Luftës së Ftohtë do të duhen të rigjallërohen me çdo kusht edhe sot/
Nga BEQIR SINA, New York/
” I dashur Zot , Më lejo të shkojë prapë – Vetëm për një ditë – “Dear God, Let Me Go Back For Just A Day,” /
NEW YORK CITY : Kjo ka qenë një javë, e cila i bëri ishullorët njujorkez të “ngrenë” syt për të parë një pikturë të veçantë, të cilat këtu thirren “murale” ose si mund të quhen edhe në gjuhën e artit “afreske”. Një murale e till që është si çdo pjesë e artit, është pikturuar në një mur, në një nga vendet më të dukshme të rrugëve të ishullit Staten Iasland – New York dhe ka tërhequr vemendjen e mijra njerëzve që u ka rënë rasti t’a shikojnë.
Një karakteristikë dalluese e kësja pikture murale është se elementet arkitektonike të hapësirës së caktuar të saj janë të përfshira në mënyrë harmonike në foto të cilat tregojnë Presidentin e 40-të të SHBA, Ronald Wilson Reagan .
Vepra që me gjuhën e artit mund të quhet me saktësi “afreske” është bërë këto ditë pjesë i një subjekt i disa polemikave, jo në botën e artit, por në politikë dhe atë aktuale, dhë më të “nxehtën” mes dy superfuqive të botës SHBA dhe Rusisë së Putinit.
Artisti nga ishulli njujorkez Staten Island Scott LoBaido, ka instaluar një afresk 13 – nga – 18 – feet – këmbë të ish presidentit Ronald Reagan përpara një ndërtese, që poqese kalon aty me makinë ose në këmbë nuk mundet që të mos t’a ketë zënë syri Murali – ose afresku, e cila përshkruan presidentin e 40- të Shteteve të Bashkuara ka paraqitur Presidentin Reagan të veshur me një bluzë të bardhë me krah të shkurtër – T-shirt, që lexon ” I dashur Zot , Më lejo të shkojë prapë – Vetëm për një ditë – “Dear God, Let Me Go Back For Just A Day,” . Piktura është vendosur në faqen ballore të një muri në anën e një ndërtese të shikur nga dy këndëvështrime në Bulevardin Hylan dhe Bedford Avenue.
Reagan gjigant do të mbetet në ishullin Staten Island për një javë , pastaj thotë artisti LoBaido ka në plan të bëjë të njëjtën pikturë me të njëjtin mesazh politik edhe në vende të ndryshme rreth qytetit të New York-ut, mbasi të sigurojë lejen e pronarve të ndërtesave ku ai mendon të vendos këtë pikturë . Murali Regan do të jetë këtë javë gati edhe në Queens Boulevard , tha LoBaido .
LoBaido, u tha gazetarve se ai ishte i frymëzuar për të krijuar këtë pikturë gjigante për shkak se ai shpreson , se me trazirat e fundit midis Amerikës dhe Rusisë , që disa nga idetë e Reganit në trajtimin e Luftës së Ftohtë do të duhen të rigjallërohen me çdo kusht edhe sot .
” Vladamir Putin dhe Kim Jung – u do të ishin të veshur me pelena nëse Reagan do të ishte gjallë për vetëm një ditë , ” tha LoBaido . ” Reagan , shtoi ai si të gjithë presidentët , kishte disa të veçnatat që i karakterizojnë presidentët amerikan në detyrë , andaj ai do të kujtohet gjatë se ishte ai që i dha fund Luftës së Ftohtë , pa edhe një të shtënë , dhe ne amerikanët nuk kishim frikë por ishim të respektuar nga e gjithë bota. ”
Artisti shkruajn sot gazetat amerikane përdori në këtë pikturë me një kolazh dixhital – duke vendosur si fillim mbi të një flamur amerikan dhe shtoi duke prerë dhe ngjitur imazhet e ish-presidentit Reagan në krye . Ai pastaj printojë flamurin madhë , flamur që i kushtoi atij 400 dollar, dhe nisi duke pikturuar një “Gipper ” një tatuazh në krahun e djathtë , për shkak të një rolit të luajtur nga Regan, gjatë karrierës së tij si aktor , më parë se ai të bëhej president.
Ndërkohë, artisti njujorkez LoBaido thotë se Reagan është parë nga amerikanët si Presidenti i parë që e ndezi patriotizmin dhe dashurinë e Amerikës dhe se shpreson që njerëzit të cilët kalojnë pak çaste duke vështuar protretin e tij natyrisht që do të ndihen me të njëjtën dashuri për atë që bëri Presidenti Ronald Reagan .
” Reagan kishte krijuar fuqinë patriotike për mua mbi 20 vjet më parë , ” tha ai . ” Unë dua sot që amerikanët të kujtojnë kohën kur ne ishim të gjithë krenarë dhe ndjerë të fortë dhe të lirë, jetonim pa frikë , duke e ditur se lideri ynë ishte në Shtëpinë e Bardhë për të udhëhequr Amerikën . ”
Ronald Wilson Reagan lindi me 6 shkurt te vitit 1911 ne Tampico(Dixon) te shtetit Ilinoi. Ai u rrit ne pjesen qendrore te Amerikes, dhe pati nje kariere te shumellojshme, nga komentator sporti, ne aktor filmash, zedhenes konservator, guvernator i Kalifornise, e me ne fund President i 40-te i Shteteve te Bashkuara.
Çdo president ne Amerike, krahas te permendurit si presidenti i radhes duke hyre ne librin e historise se SHBA, shpesh here kujtohet dhe me te mirat e te keqijat e rendomta, sukseset apo gabimet gjate qendrimit ne Shtepine e Bardhe. Presidenti ne SHBA-es, kujtohet ne veçanti per ngjarjen a veprimtarine me te rendesishme qe ka shoqeruar mandatin e tij. Dhe qoute- citatet e Presidentve Amerikan, jane te paharruara dhe motivojne pasardhesit e tyre, si dhe njerezit shpesh heren ne Amerike.
Presidenti i 40-te, Ronald Wilson Regan ne 100 vjetorit te lindjes se tij, do të kujtohej ne Amerike, dhe jo vetem ne Amerike, por ndesa vende te botes, si njeriu qe udhehoqi Ameriken ne fitoren e Luftes se Ftohte. Ne kohen e presidences se tij u arrit te mbyllej nji konflikt qe per nje gjysem shekulli kishte gelltitur pafundesisht “shume mund dhe shume pune”, nga Perendimi, dhe i kishte kushtuar jo pak Perendimit deri ne humbje njerezish, dhimbje e vuajtje te tmershme per popujt e Europes Lindore. Perfshire edhe Shqiperine me ideologjine e kuqe, ne zemer te Europes.
Mirpo e deshte Zoti dhe me ne fund, Lufta e Ftohte, mbaroje dhe Perendimi kishte fituar. Dhe roli i kontributi i Presidentit te 40-te, te Shteteve te Bashkuara, Ronald Reagan ishte madh dhe i rendesishem ne shembjen e komunizmit.
Ne vitin 1981, presidenti Ronald Reagan e ka perdorur fjalimin peruruese te tij per te theksuar filozofine e tij themelore, duke u mbeshtetur me pak ne qeverine dhe me shume ne ndermarrjet private dhe fuqine e individeve. “Ne kete krize te pranisheme, qeveria nuk eshte zgjidhje per problemin tone. Qeveria eshte problemi,” tha z. Reagan.
Ish-presidenti sovjetik Mikhail Gorbachev kujton Ronald Reagan si nje president i madh dhe partner ne perfundimin e Luftes se Ftohte – edhe pse te dy e kishin etiketuar fillimisht njeri-tjetrin me termat e duksheme “te urrejtjes” politike dhe ideologjike.
“Pasi flisnim me tone te forta, ne ate kohe, ai me quajti mua nje bolshevik te forte, dhe une e quajta ate nje dinosaur perendimor,”, keshtu thote Gorbachev per gazetarin Christopher Ruddy ne nje interviste ekskluzive per NewsMax.
Popujt që vuajtën dhe dolën gjallë nga sundimi komunistë do t’a kujtojn te gjalle timbrin amerikan te Presidentit Regan, kur i beri thirrje te fuqishme kryetarit rus, Gorbaçovit, “Grobachev rrezoje ate Mure”. Presidenti Reagan, me kete thuhet se ndezi edhe shpirtin e amerikaneve. Ai ishte i qeshur, ai ishte optimist, ai ishte njeriu qe besonte totalisht, se demokracia dhe liria do te triumfojn. Mabsi ai eshte sot, njeriu qe kreu ate akt ne Luften e Ftoht, e cila do te mbetet nje nga faqet me te shendrriteshme te historise
Evil Empire Speech – Fjala Kunder Perandorise se te Keqes
Ne fjalimin e tij te 8 qershorit 1982 ne House of Commons, te cilin amerikanet e njohin si Evil Empire Speech, Fjala Kunder Perandorise se te Keqes, presidenti amerikan Ronald Regan tha: “Objektivi qe une propozoj eshte lehtesisht i arritshem: inkurajimi i infrastruktures se demokracise: sistemit te nje shtypi te lire, shoqatave, partive politike, universiteteve, e cila do te lejoje njerezit qe te zgjedhin lirshem rrugen e tyre”.
Per Reganin kjo do te ishte leva qe do ta permbyste kete perandori, thember e Akilit e se ciles ishin media e lire, shoqeria civile, partite politike dhe intelektuali. Fjalen e tij Regani e perfundoi me frazen “Le te nisim perpjekjen finale drejt me te mires: Kryqezaten per Liri”. Fraze, e cila njihet nga historia si “fillimi i fundit te komunizmit”.
Nder te keqijat e Perandorise se te Keqes, Regani vendosi, madje para varferise ekonomike, “mohimin e dinjitetit njerezor te qytetareve te saj”. “Optimizmi eshte i veshtire sot” vijoi ai, “pasi armiqte e demokracise i kane rafinuar instrumentat e represionit. Por asnje regjim i tille nuk ka qene i afte te rrezikoje zgjedhje te lira. Regjimet e mbjellura me bajonete dhe kultivuar vetem me diktature nuk leshojne rrenje” ka thene Regani.
Por, nëse në vend të bajonetës do qëndronte fjala “diktaturë e egër staliniste” si ajo e Enver Hoxhës në Shqipëri, për 50 vjet, atëhere mund të thuhet se fjalimi i Reaganit, “ndoshta ishte shkruar enkas për Shqipërinë”. Postkomunizmi, i bijëve të saj që militojnë në disa parti të majta në Shqipëri, dhe duan bëjnë “demokracinë” simba modelit të tyre, si duan ata nuk është aspak me human se komunizmi i baballrave të tyre.
Toksinat e viruseve janë më virulente se viruset vetë të politikaneve të till si kryetari i PS pa mandat Edi Rama – Kryeministri i Shqipërisë, apo kryetari i PSD Skender Gjinushi, sekretari i Përgjithshëm i PS Gramoz Ruçi, Minstri i Jashtëm Bushati, i Brendshëm Tahiri, ministri Veliaj, Minstret , Kodheli, Shumaku, Harito, Spiropali , deputeti Dokle, senatori Pëllumbi, e te tjere. 23 qershori i vitit të kaluar solli në krye të shtetit të gjithë bijtë e kupolës komuniste, solli një qeveri të pastër të ish bijëve të Bllokut.

Shqiptarët në fushatën “Egriu for Congress”

by

Arben Dedaj :”Për, ne shqiptarët ka ardhur koha që të mos kemi nevojë për të bërë fushata për të marrë me “qera” politikanët, e tjerë. Ne tani kemi nevojë të kemi një shqiptarë të ngrisi zërin tonë për në kongres. Kurrë një shqiptar-amerikan ka ardhur kaq afërnë “vijën e finishit” siç e quajti ai dhe ka nevojë për mbështetjen tonë – ne nuk mund të injorojmë fushatën e tij – por duhet t’a mbështesim me të holla”.

Nga BEQIR SINA, New Jersey/

NEW JERSEY : Në një përpjekje për të mbajtur një fushatë të hapur, pasi tani ai i ka deklaruar zyrtarisht ambicjet e tij që janë të ngjashme me disa nga figurat shtetrore në nivel federalë si kongresmen në Capitol Hill, Emin Eddie Egriu – kandidati për kongres nga partia demokrate në Bufallo – New York, pajtohet se duhet të ketë një dialog të hapur dhe të komunikimit në lidhje me fushatën e tij – të thirrur “Egriu for Congress”.
Kandidati për zonën elektorale 26të në Buffalo, mbasi ka marrë mbështetjen e madhe të komunitetit në zonën ku konkuron – në Bufallo, ka siguruar me peticion (3.500 firmat) në ballot edhe përpjekjen e tij ambicioze për të mundur kongresmenin në detyrë Brian Higgins , duke besuar në programin e tij i cili flet për një të radhme më të mirë të njujorkezve në veri të shtetit.
Emin Eddie Egriu – thotë se ai po bënë një fushat të dyzuar ; duke e zhvilluar atë intezivisht në çdo ditë, në takimet me votuesit e tij në zonë elektorale 26të. Aty ku ai ka ngritur shtabin e tij elektoral të drejtuar nga manaxheria e përgjithshme Katerin Martin, dhe manaxheri për strategji Matt Ricchiazzi, të cilët kan një staf të kompletuar në Bufallo – New York.
Duke parë se në veri të New Yorkut, jetojnë shumë pak shqiptar, ai ka hapur një fushat tjetër, e cila është e përqendruar për ngritjen e fondeve financiare(fundraising) në qendrat më të banuara nga shqiptarët, dhe ajo drejtohet nga manaxheri i saj këtu në New York, Mentor Mata, i diplomuar në Londër.
Të dy fushatat kan rëndësinë e vetë. Nga fushata në New York, New Jersey, Detroti, Çikago, Dallas, Las Vegas, Atlantik City, Boston, Florida dhe Arizona, Egriu dhe stafi i tij – pret që shqiptarët t’i japin bashkarisht një ndihmë të madhe financiare – mbasi, në se zgjidhet në nëntor në kongresin Amerikan, ai premton që të jetë zëri i komunitetit dhe çështjes shqiptare në Kongresin Amerikan – Capitol Hill.
Gjatë fushatës së ditës së martë, në një takim modest, për mbledhje fondesh – Egriu dhe stafi i tij elektoral qëndroi në qytetin Wayne – New Jersey – në lokalin “Bella Sera” me pronar shqiptar biznesmenin Nebi Kaba. Në këtë fushat morën pjesë disa veprimtar të këtij komuniteti – anëtar të Fondit të Përbashkët të Patersonit.
Fushatën e udhëhoqi Matt Ricchiazzi, “strategu” i fushatës “Egriu Për Kongres”, i cili ka një përvojë të mirë në këto fushata. Ricchiazi, udiplomua nga Universiteti Cornell dhe është një republikanë nga “Tea Party”, por, ka zgjedhur të punojë si manaxher me një demokrat si Emin Eddie Egriu. Ai i është bashkëngjitur fushatës së Egriut , megjithse, vet është konservator ndërsa, Engriu një demokrat që po lufton me kartën e një strategjie “Populiste” në këto zgjedhje.
Manaxheri i tij Ricchiazzi, tha se ai ishte, shumë i kënaqur për të përmbushur këtë dalje të “ndritshme” dhe “impresive” të Engriut, dhe e quajti fushatën e tij si të qëlluar në kohë dhe vendin e duhur – dinamike dhe “agresive” siç u shpreh ai..
Fushata për grumbullimin e të holllave, një pratikë mjaft e njohur në SHBA, me politikanët, kandidatët për President, kongresmenët , senatorët, dhe postet e tjera drejtuese, e kandidatit shqiptarë për në kongresin amerikan Emin Eddie Egriu u tha në këtë takim duket se e ka rritur edhe interesimin e shqiptarëve, kudo në SHBA.
Megjithse, shumë donator nuk janë votues në atë zonë, ata mblidhen për donacione Egriu për Kongresin fondesh. Një javë më parë një fushatë e tillë u mbajtë në Atlantic City – ku biznesmen dhe veprimtar shqiptar në lokalin e vëllezërve Jonuzaj mblodhën fonde për Egriun.

Arben Dedaj i cili ka marrë pjesë në disa fushata për Egriun tha se :”Për, ne shqiptarët ka ardhur koha që të mos kemi nevojë për të bërë fushata për të marrë me “qera” politikanët, e tjerë. Ne tani kemi nevojë të kemi një shqiptarë të ngrisi zërin tonë për në kongres. Kurrë një shqiptar-amerikan ka ardhur kaq afër në “vijën e finishit” siç e quajti ai dhe ka nevojë për mbështetjen tonë – ne nuk mund të injorojmëfushatën e tij – por duhet t’a mbështesim me të holla”.

Lirim Kaba kishte ardhur për të dhënë donacion për Egriun. Ai është majft i njohur në shtetin e New Jersey, mbasi ai shërben prej vitesh në Departamentin e Policisë, dhe ka ndihmuar shumë shqiptar. Lirimi, është dalluar gjatë luftës në Kosovë dhe asaj në Maqedoni, në fushatën e grumbullimit të fondeve. Ai tha se “Ne shqiptarët e Amerikës kemi mundësi të bëjmë shumë por vetëm nëse bashkohemi – ashti si u bashkuam për Kosovën, kur e nisem edhe me 10 dollar – por i rritem fondet sa që ndihma jonë qe mjaft e rëndësishme.”
Emin Eddie Egriu, familja e tij ka emigruar dekada të shkuara nga Dibra e Madhe, thotë se ” Një gjë që ju mund të jeni i sigurt është se me mua në Kongres zëri dhe ndikimi i shqiptarëve ka për të qenë edhe më i fortë. Ne komuniteti shqiptar Amerikës, nuk duhet të flasim më për të drejtat tona jashtë Capitol Hill – por duke patur një kongresmen zëri ynë është atje brenda në Kongres”
Në të gjitha fjalimet e tij të fushatës në Bufallo, kandidati për në Kongresin e SHBA, Distrikti 26-të, në New York, Emin Eddie Egriu e ka bër të qartë se ai është duke luftuar për ” Një Buffalo tjetër , një Buffalo që ashkush deri tani nuk flet për të . Egriu ka deklaruar në radion, gazetat dhe televizionin e Bufallos se:” Ai është duke luftuar për të varfërit , për ata që janë pa të drejta , dhe janë të margjinalizuar nga këta përfaqësues si kongresmeni Higginis, i cili nuk ka bërë asgjë për Bufallon. Egriu premton ndryshim – duke premtuar të jetë një kongresmen – dera e të cilit do të jetë e hapur për të gjithë , duke e quajtur veten ” kandidat i popullit . ”
Emin Eddie Egriu është një kandidat zyrtar demokrat që po kërkon të zgjedhit për në Dhomën e Përfaqësueseve të SHBA -së për të përfaqësuar Qarkut 26 të New Yorkut në Kongres. Egriu është duke kërkuar, së pari emërimin e tij si kandidat demokrat në zgjedhjet paraprake më 24 qershor, 2014. Ndërkohë, që ai dhe oponenti i tij Brian Higgins edhe në se i humbin zgjedhjet brenda partisë do të garojnë në zgjedhjet e përgjithshme që do të mbahen më 4 nëntor 2014.
Ekspertët janë duke i quajtur zgjedhjet e 4 ntorit 2014 (midterms) një referendum sidomos rreth të ashtuquajturës “ObamaCare” , pra “a do të jetë e mundur për të fituar Aktin e Përballueshm Shëndetësor – Affordable Care Act dhe problemet e mëdha të politikës së jashtme Amerikane”?.

Refugjatja e eksodit nga Kosova që “vodhi” miliona zemra në American Idol

by

15 vjetori i Eksodit Biblik të shqiptarëve të Kosovës, talentin Melinda Ademi e gjenë në vendin e ëndrrave të saj/
Nga BEQIR SINA/
NEW YORK CITY : Melinda Ademi talenti nga Kosova në Amerikë, ka qënë si me thënë “e harruar” nga kamerat, dhe gazetarët shqiptar, që kur ajo u largua në performancën e saj në American Idol – tre vjetë më parë.
Por pas “shkëlqimit” të saj në American Idol kur ajo “pushtoi” ekranet dhe faqet e revistave shqiptare dhe të huaja, veshjeve egzotike, prerjes dhe lyerjes së flokëve të saj, këngëtarja duket në blogun e saj sot me një pamje të re edhe më tërheqëse, e cila përkon edhe me 15 vjetorin e eksodit Biblik, të shqiptarëve të Kosovës. Eksodit, të cilit ajo dhe familja e saj i përket.Në setin e ri fotografik , ajo duke treguar modelin asimetrik të flokëve të saj, pamjen dhe pozimet tërheqëse duket, se tani e edhe më e rritur me famën dhe suksesin ka shumë ambicje të tjera të cilat “janë sekret”.
Por, pavarësisht se ajo nuk shkruan diçka rreth eksodit që ajo edhe familja e saj kaluan në këtë 15 vjetor dhe fotografive të vendosura në profilin e saj në rrjetin e saj social Facebook, Melinda Ademi, është shfaqur me një paraqitje e jashtme – (affectation) krejt të ri – që se kemi parë më parë.
Talenti në ngjitje shkëlqeu në sezonin e dhjetë e shout-(show) shumë të popullarizuar American Idol, në janar 2011 , ajo dukej si një yll i ri që kishte lindë. Sa që gazetarët dhe ekspertët latinë të këtyre show e krahasuan atë me yllin latinë Selena Gomez.
Melinda Ademi, tani është 19 vjeçe dhe ajo është ish refugjate nga Kosova – e cila është vendosur në SHBA gjatë luftës, e cila famën e saj dhe u bë njohur teksa shkëlqeu në epizodën e parë të spektaklit American Idol – 10, duke kënduar këngën e famshme të Cee-Lo “Forget you”.
Duket se bukuria e Melindës dhe zëri i saj i mrekullueshëm vërtet kanë qenë mbresëlënëse – sa që në blogosfera fansat janë të “çmendur” pas saj. Shumica e bloggerave janë të prekur nga historia e saj, si refugjate nga Kosova 15 vjet më parë.
Kështu që ish refugjatja nga Kosova jo vetëm tashmë ka befasuar jurinë e spektaklit të famshëm televiziv ‘Amerikan Idol’, 3 vjet më parë, por edhe mbarë shikuesit. Jo vetëm për zërin e saj të mrekullueshëm, por edhe për historinë që bart ajo në kët 15 vjetor të eksoditi të shqiptarëve të Kosovës.
19- vjeçarja nga Kosova Melinda Ademi, e ka rrëfyer historinë e saj në Amerikë, që kur familja vendosi të largohej nga Kosova, gjatë luftës e deri tek ëndrrat për t’u bërë një këngëtare e madhe.

Melinda, nga kampet e Bllacës në American Idol –

Mbrëmëja e fund javës së janarit 2011, pra në edicionin e 10 të spektaklit Amercn Idol, në një nga konkurrimet më prestigjiozet në SHBA, për ish refugjaten, me paraqitjen e saj dinjitoze mori vlerësimin absolut të jurisë që edhe ajo të ishte garuese e ardhshme në këtë show amerikan.
Melinda Ademi, e cila, ka qenë refugjate në kampet e Maqedonisë, por që së bashku me prindërit e saj – iu largua luftës dhe masakrës së krye-kasapit të Ballkanit, Milosheviqit, në vitin 1999, për në botën e lirë, u bë simbol i asaj që do të quhej” Talenti shqiptar nga kampet e Bllacës në American Idol – “.
Jamë “nga Kosova”! deklaroi ajo duke “shtangur” jurinë – të tre anëtarët e jurisë thanë se “nuk është e mundur të ketë një yllë të tillë nga Kosova!’
“Viti i tmerrshëm i një gjenocidi të paparë, kur rrezikohej deri në shfarosje populli shqiptarë”, kan qenë skenat që përkujtuan prindërit e Melindës skenat e 1999 – në një dokumentar televizivë tre vjet më parë. Rrëfimi i tyre, shoqërohej me sekuenca televizive, përmes të cilave, miliona shikues amerikan kanë parë, pamjet tragjike, të shqiptarëve që largoheshin me dhunë dhe forcën e ushtrisë e policisë serbe.
Ndërsa, shikuesve amerikan iu rikthyen në mëndje pamjet televizive të 15 vjetëve më parë, kur kan qenë rreth një milion shqiptarë mes tyre edhe gra, fëmijë e pleq të gjithë shqiptarë, edhe të sëmurë e të rraskapitur mes tyre, që lanë shtëpitë e tyre në vitin 1999 për të shpëtuar jetën nga genocidi i paparë serb ndaj shqiptarëve të Kosovës.
Mirëpo, ja që fati e solli të paktën fëmijët e tyre refugjatë, sot arritën të “kapën” edhe majat e suksesit në SHBA, ata të bëhen jo vetëm të suksesshëm por edhe me famë në Amerikë.
Në facebook -un e saj Melinda Ademi, shkruante se: “Unë jam Melinda .Unë dua të këndoj! Gjëja më e dashur gjithë jetën time, është veçse të këndojë dhe këtë e kam nisë që unë kur isha vajzë e vogël. Ëndrra ime është që të bëhem një artiste e madhe. Unë e di se ëndrrat e mia janë të mëdha, por unë do të jap gjithë atë talentin tim – për të arritur atë megjithëse dhe sfida që kam përpara është e madhe.”

Melinda Ademi dhe kënga “Forget You ” në American Idol

Ka arritur tre vjet më parë për të mahnitur, jo vëtëm jurinë e spektaklit më të shikuar televizivë në Shtetet e Bashkuara të Amerikës, Amerikan Idol, por edhe mbi 25 milion shikues të rregullt të çdo puntate. Kjo siç patën thënë komentuesit e faqes së interrnetit – jo vëtëm për zërin e saj të mrekullueshem – por edhe për historinë e popullit të saj që ajo bartë në shpirtin e saj. Kurse, shqiptarët, shkruanin se Melinda na bëri krenar!
Melinda Ademi shqiptaria nga Kosova teksa prezantonte veten para kamerave të Amerikan Idol në edicionin e 10të, ka treguar jetën e saj dhe të familjes së saj. Jeta e saj ishte një histori prekëse e njëjtë me atë të afro 1 milion shqiptarëve të larguar me forcë nga shtëpitë e tyre. Ajo ka treguar së bashku me prindërit shoqëruar dhe me pamje filmike nga ajo çfarë ndodhi me popullin shqiptarë në vitin 1999 në atë që sot thirret “Eksodi Biblik i Shqiptarëve të Kosovës”.
Gjatë rrëfimit ajo nuk fshehu edhe ëndrrat e saj fëmijënore, për t’u bërë një “këngëtare e madhe”. Tre vjet më parë duke parë Amerikan Idol, Melindën e pamë të tregojë edhe arsyet pse e shtynë atë dhe familjen e saj të linte Kosovën në vitin 1999.
Por, megjithse ajo është larguar shumë e vogël – ajo thotë se mban mënd shumë gjëra. Sidomos, luftën dhe bombardimet e ushtrisë Sërbe, djegëjet e shkatërrimin e shtëpive në Kosovë. Nëna e saj, ndërsa dëgjonte të bijën të rrefehet – dhe nuk i mbante dotë lotët.
Nëna më pasë së bashku me babanë e Melindës, treguan edhe ata se sa e vështirë ka qënë jeta nën sundimin sërb në Kosovë për shqiptarët. Dhe ata e dinë mirë se çdo të thoshte në atë kohë të lëje në duart e sërbëve gjithçka mbasi nuk kishin asnjë mundësi për t’i mbrojtur. “Si mund t’i rrisësh fëmijët në mes të luftës – me çfarë ti ushqesh ata me plumbat – ishte e tmerrshme të qëndrojë – andaj u detyruam të largoheshim” patën deklaruar ! duke qarë! para kamerave të televizionit amerikan prindërit e Melindës
Mirpo, ja që edhe fati e ndhmojë familjen Ademi nga Kosova, mbasi qëndruan disa kohë në kampin e refugjatëve në Ballacë – Maqedoni, ata fituan një Lotari të Kartës Jeshile, dhe së bashku më vajzat emigruan për në SHBA si refugjat nga Kosova.
Këtu si shumë emigrantë të tjerë, jeta e tyre nisi nga e para dhe kështu gjëtën ëndrrën e tyre Amerikane. Duke e bërë Amerikën shtëpinë e tyre. Dhe, megjithse jeta e emigrantit këtu është e vështirë në fillim ata arritën t’ja dalin mbanë. E bija e tyre qysh në moshë16 vjeçare ka qenë njëra prej kunkerenteve të spektaklit të talenteve të reja Amerikan Idol. Ishte ajo që la si i themi ne shqiptarët “pa asnjë fjalë ” anëtërët e jurisë.
Saqë, “Trupi” gjykues,” Randy Jackson, këngëtari Jackson, aktorja, Jennifer Lopez dhe Steven Tyler, ndërsa e pyetën për kuriozitet se nga vjen – ajo Melinda me plotë krenari shqiptare e veshur me një bluzë te kuqe dhe një pal pantallona të zeza ngjyrat e flamurit tonë kombëtarë i tha “nga Kosova”. Të tre anëtarët e jurisë thanë se “nuk është e mundur të ketë një yllë të tillë nga Kosova!?’
Por, e vërteta ishte se një yllë po qëndronte para syve të gjyqëtarve të Amerikan Idol dhe audiencës e milionave amerikanëve, që po e ndqnin në ekranin e televizorit këtë proformancë. Mbasi ajo interpretojë këngën solo juria i urojë mirëseardhjen në garimin tjetër për në Hollivud.
Një ish anëtar i trupit gjykues American Idol, Steven Tyler i pati thën Melindës duke miratuar suksesisn e saj absolutë se “Ju tani keni ftiuar dy hërë Lotarinë – Ekzatsisht” Salla shpërtheu në duartrokitje entusiaste, dhe anëtarët e jurise ” Randy Jackson, këngëtari Jackson dhe aktorja, Jennifer Lopez mbeten të mahnitur.