Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

VATRA URON MARRJEN E STATUSIT KANDIDAT

by

Deklaratë e Federatës Panshqiptare të Amerikës VATRA për Stausin Kandidat i Bashkimit Europian të Shqipërisë/

Vatra përshëndet fitoren e Statusit të Shqipërisë si Kandidat për anëtarësim në Bashkimin Europian dhe përgëzon klasën politike për këtë arritje, edhe pse me shumë vonesë, por me rëndësi për të ardhmen e Kombit.
Mbas anëtarësimit në NATO dhe mbas heqjes së vizave për zonën Shengen, me fitoren e statusit si Kandidate e Bashkimit Europian, Shqipëria po ecën, vështirë e ngadalë, por në drejtimin e duhur për integrimin Europian.
Në fillimin e qindvjetshit të kaluar Europa i pat vënë thikën kombit Shqiptar, duke u dhuruar fqinjëve tanë grabitqarë mëse gjysmën e trojeve, duke lënë pjesën të madhe të popullsisë shqiptare nën thundrën e egër sllavo-greke.
Shqiptarët të prirë nga udhëheqsit e tyre luftuan dhe sakrifikuan shumë për të shpëtuar Kombin dhe Pavarësinë e Shqipërisë edhe ashtu të cunguar, si dhe për të dëshmuar se me kulturën e civilizimit të lashtë, ne i përkasim Europës, ndërsa vetë Europa na shtynte tej vetes.
Tani, në fillimin e shkullit 21, Europa me mbështetjen e fuqishme të SHBA, na i ka hapur dyert dhe realizimi i aspiratave të Rilindasve tanë varet kryesisht nga vetë shqiptarët e sotëm.
Ndërsa padrejtësitë e atëhershme të Europës mbanin larg Kombin Shqiptar duke i rrezikuar edhe egzistencën, tashti ajo i ka hapur dyert. I përket klasës politikë të përshpejtojë plotësimin e kushteve të integrimit, të lirojë vendin nga korrupsioni, të pastrojë institucionet nga mbeturinat e diktaturës së kaluar, të ndërtojë një shoqëri vërtetë demokratike, me ligje dhe me drejtësi, edhe për ish pronarët e ish të përndjekurit e regjimit komunist dhe të rrisë mirëqenien e qytetarëve.
Urime popullit shqiptar!

VATRA-MOS I RIDËNONI PËR SË DYTI ISH TË PËRNDJEKURIT POLITIKË! INDIFERENCA ËSHTË KRIM NË VETVETE.

by

DEKLARATË E FEDERATËS PANSHQIPTARE TË AMERIKËS VATRA PËR GREVËN E ISH TË PËRNDJEKURVE POLITIKË/
Federata Panshqiptare e Amerikës Vatra po e ndjek me shqetësimt të madh grevën e të Përndjekurve politikë të Shqipërisë.
Vatrën e shqetëson së tepërmi rrezikimi i jetës së të ngujuarëve, mosreagimi i Qeverisë dy javë pasi të përndjekurit kanë hyrë në Grevën e urisë, heshtja e opinionit qytetar, veçanërisht e shoqërisë civile, madje edhe të organizatave jo qeveritare që kanë prioritet mbrojtjen e jetës së qytetarëve (përfshi dhe institucionin e Avokatit të Popullit), mos fokusimi i medias në kërkesat dhe rrezikimin e jetës së kësaj shtrese të përvujtur në diktaturë, të paintegruar dhe të nëpërkëmbur nga politika në më shumë se dy dekada.
Një vend që synon të shkojë në Europë, nuk duhet të heshtë përballë kërkesave të drejta të të përndjekurve politikë.
Në një kohë kur në mitingjet qeveritare shfaqen portretet e diktatorit Enver Hoxha, kërkesa e të ngujuarëve për dënimin e tij si ideator dhe zbatues i ideologjisë totalitare, që sundoi vendin për 46 vite dhe heqjen e të gjitha titujve të fituara gjatë periudhës komuniste, është jo vetëm kërkesë e drejtë por tepër e vonuar.
Politika shqiptare ka zvarritur dhe ka futur në “kalendrat greke”, dekomunistizimin e shoqërisë dhe nuk ka dënuar krimet e komunizmit, ideatorët dhe ekzekutuesit.
Të përndjekurit e ngujuar po kërkojnë hapjen e dosjeve për ish-bashkëpuntorët e Sigurimit të Shtetit dhe të atyre që i detyruan të bëhen të tillë për politikanët, drejtuesit e institucioneve kushtetuese, atyre të sistemit të drejtësisë, të administratës publike qëndrore dhe lokale, si dhe të mediave kombëtare audio-vizive dhe të shkruar.
Vatra bashkohet edhe me këtë kërkesë dhe i bënë thirrje Parlamentit të Shqipërisë, forcave politike dhe shoqërisë civile që të hartojnë dhe të miratojnë sa më shpejt ligjin e Lustracionit. Shoqëria shqiptare duhet të ndahet një herë e mirë nga krimet e komunizmit dhe të dënojë kriminelët dhe fajtorët.
Po ashtu Vatra përsërit kërkesën e saj që në emërimet dhe shkarkimet në administratë, të hiqet dorë një herë e mirë nga militantizmi dhe si në të gjithë botën e qytetëruar të aplikohen kriteret profesionale dhe konkurimi. Moskthimi në punë i të pushuarëve që kanë fituar me vendim gjykate, çon në injorimin dhe mosfunksionimin e shtetit ligjor.
Përsa i përket kërkesës së të përndjekurve të ngujuar për përfundimin e dëmshpërblimit financiar brenda afateve të caktuara në ligj dhe premtimeve të dhëna gjatë fushatës elektorale, është detyrim i qeverisë dhe i shoqërisë shqiptare.
Heshtja që po shoqëron këtë grevë urie përbën rrezikun e ridënimit të kësaj shterese, më e përvujtuara e shoqërisë shqiptare.
Dialogimi i shtetit shqiptar me grevistët përbën detyrim ligjor, heshtja e ridënon përsëdyti këtë shtresë. A nuk mjafton fakti që të ngujuarit kanë mbi supe 275 vite burg personal apo familjar! Çdo përgojim nuk e zgjidh problemin.
Shoqëria shqiptare nuk mund t’i dënojë me heshtje ish të përndjekurit politikë. Në mënyrë të veçantë Instituti i të Përndjekurëve politikë nuk mund të injorojë kërkesat e bashkvuajtësve.
Një qeveri që aspiron të shkojë në Europë, nuk mund të dënojë me indiferentizëm qytetarët e saj! Një klasë politike që nuk dialogon nuk mund t’i prijë demokratizmit të shoqërisë.
Vatra i bën thirrje shoqërisë shqiptare që të japë kontributin e saj për zgjidhjen e kërkesave të të ngujuarve dhe të marrë në mbrojtje jetën e tyre.
INDIFERENCA, PO, ËSHTË KRIM NË VETVETE!

New York, 11 Qershor 2014

ISH TË PËRNDJEKURIT POLITK NË GREVËN E URISË, DEKLARATË NË DITËN E 11

by

Reabilitimi i figurës së diktatorit Enver Hoxha me protokoll qeveritarë,përgatitjet mediokre për festimin e 70 vjetorit të vendosjes së diktaturës komuniste në Shqipëri,përbëjnë një kërcënim real për të ardhmen tonë të përbashkët./
Deklarata e plote:/
Tiranë,07,Qeshorë,2014/
DEKLARATË PËR SHTYP/
E ISH TË BURGOSURVE DHE TË PËRNDJEKURVE POLITIK NGA DIKTATURA KOMUNISTE,TË NGUJUAR NË GREVËN E URISË PA AFAT, PARA PARLAMENTIT TË SHQIPËRISË/
Për dijen:
Presidentit të Republikës, z.Bujar Nishani.
Kryetarit të Parlamentit, z.Ilir Meta.
Kryeministrit,z.Edi Rama.
Kryetarit të opozitës z.Lulzim Basha.
Të gjith trupit diplomatik të akredituar në Tiranë.Ambasadave të Amerikës, Anglisë,Gjermanisë, Francës,Italisë,Hollandës etj.OSBE dhe ODIHR.-Tiranë.
Të gjith mediave të shkruara dhe të folura brenda dhe jasht vëndit.
Neve,një grup ish të burgosur dhe të përndjekur politik nga diktatura komuniste,që përfaqsojmë shtresën më fisnike të kombit tonë, po bëhën 11 ditë që jemi ngujuar në një grevë urie pa afat para Parlamentit të Shqipërisë.Protesta jonë më ekstreme deri në vetflijim,vjen si rezultat i papërgjegjëshmërisë së qeverisë dhe injorimit në mënyrë sistematike të të drejtave tona të sanksionuara me ligj për integrimin e shtresës tonë në shoqërinë demokratike,të përpjekjeve të qeverisë dhe strukturave të shtetit për vendosjën e një neokomunizmi të kamufluar dhe të rrezikshëm për demokracinë.Reabilitimi i figurës së diktatorit Enver Hoxha me protokoll qeveritarë,përgatitjet mediokre për festimin e 70 vjetorit të vendosjes së diktaturës komuniste në Shqipëri,përbëjnë një kërcënim real për të arthmen tonë të përbashkët.Ndërkohë kurë vendet e tjera të Europës ish komuniste si Polonia etj,festojnë përmbysjën e diktaturës komuniste në vëndet e tyre,qeveria neokomuniste në Shqipëri po përgatitet të festojë 70 Vjetorin e vendosjës së diktaturës komuniste.Është një qeveri mafioze-bolshevike që nuk dëshëron Shqipërinë në familjën Europiane. Neve kërkojmë hapjën e dosjeve të ish sigurimit komunist,ngritjën e një komisioni qeveritarë për gjetjen e varreve të lart më shumë se 4000 të pushkatuarve me dhe pa gjygj për motive politike nga regjimi komunist,që akoma nuk u janë gjëndur varret.Premtimet mafioze të Edi Ramës në fushatën elektorale se gjoja në 2 vite do të përfundonte të gjith dëmshpërblimin për ish të përndjekurit politik,gënjyen edhe një pjesë të shtresës tonë që votuan Edi Ramën në zgjedhjet e 23 Qeshorit.Shumë shpejt do të rezultonte se këto ishin gënjeshtra dhe mashtrime të një kryeministri të papërgjegjëshëm.Menjëher pas marrjës së pushtetit,urrejtja e tijë klasore bolshevike shpërtheu me një urrejtje patologjike kundër ish të përndjekurve politik.U larguan nga puna padrejtësish dhe paturpësisht pa asnjë motiv,të gjith bijtë dhe bijat e ish të përndjekurve politik.11 ditë vuajtje nga uria,ne jemi të lodhur dhe të sëmurë deri në kërcënimin e jetës.Asnje përfaqsues i qeverisë,nuk ka denjuar të bisedojë me neve.Me urdhërin personal të Edi Ramës,u hoq Ambulanca e emergjencës mjekësore.Pëkundrazi po injorohemi vazhdimisht nga propaganda enveriste e qeverisë.Këto veprime krimnale kundër dinjitetit dhe jetës tonë,vetëm sa po shton vendosmërinë dhe përshkallzimin e kërkesave tona.Me kauzën tonë janë bashkuar të gjth ish të përndjekurit politik.Neve që jemi sakrifikuar në emër të lirisë dhe kundër komunizmit,për Shqipërinë në familjën Europiane,ne jemi antikorpet që mbrojmë demokracinë,sot ngrejmë zërin tonë deri në kupën e qiellit se në Shqipëri po instalohet neokomunizmi dhe neve nuk mundet të pranojmë këtë realitet të hidhur.Nuk do të dalim nga greva e urisë deri në vdekje pa u plotsuar kërkesat tona të ligjëshme.
1.Të imlementohen Rezolutat e Asamblesë Parlamentare të KE “për dënimin e krimeve të komunizmit” këtu në Shqipëri,si në të gjitha vëndet e tjera të Europës ish komuniste.
2.Të dënohet figura e diktatorit Enver Hoxha si një kriminel i barazvlefshëm si Hitleri dhe t’i hiqen të gjithë titujt e akorduar nga Kuvendi Popullor ne regjimin komunist.
3.Të happen dosjet e ish sigurimit komunist dhe të largohen nga administrate shtetërore të gjithë ish bashkpuntorët e sigurimit dhe gjithë struktura kriminale e tarfikantëve të kohës post komuniste.
4.Të bëhët dëmshpërblimi i ish të bugosurve politik dhe të internuarve politik nga regjimi komunist sipas ligjit dhe të përfundojë në harkun kohor në 2 vite sipas premtimit të Kryeministri Edi Rama në fushatën elektorale.
5.Të kthehen menjëher në punë të gjith të larguarit padrejtësisht nga administrata shtetërore,të gjithë bijt e ish të përndjekurve politik nga regjimi komunist.
Nënshkruar grevistët e urisë:
-Kryetari i grevës së urisë,Fatmir Hoxha,lindur në kamp internimi,120 vite burg politik si familje.
-Fazli Deliu,27 vite burg politik.
-Gjergj Hani,10 vjet burg politik.
-Luzim Emini,8 vjet burg politik,35 vjet burg politik si familje.
-Ilmi Osmani,13 vjet burg politik.
-Syrja Fero,Babaj 25 vjet burg politik,konfiskim pasurie dhe vet i internuar në kohën e diktaturës.
-Fadil Dema,5 vjet burg politik,më pas i internuar.
-Vilsson Dida,Babaj 25 vjet burg dhe sekuestrim i pasurisë.Vet i internuar.
-Fiqiri Hyzellari,Babaj i vdekur në burgun e Burrelit.
-Agron Cico,Babaj 15 vjet burg politik,vet i internuar.
Ju bëjmë thirrje të dëgjoni zërin tonë,zërin e mbrojtjes së demokracisë nga neokomunizmi.Jemi të vendosur deri në vetflijim. Rroftë Shqipëria,rroftë demokracia.

Deklaratë për Pervjetorin e Pavarësisë nga Leka II

by

Falenderojme spektrin politik të Kosoves, qeverinë dhe opozitën, të cilat e bënë të mundur dhe nuk u ndalen para asnjë pengese për ta jetësuar shtetësinë e Kosoves. Falendrojme për pjekurinë e popullit dhe për punën e madhe të lidërve të Kosovës për të bindur miqtë tanë se Kosova është histori dhe projekt i suksesshëm.
I përulemi me nderim të gjithë atyre që kanë qënë në ballë të luftës dhe përpjekjeve për një Kosovë të lirë ,si Rugova, Jasharajt, Haradinajt dhe të gjithë heronjve si Hasan Prishtina, Shaban Polluzha, Mehmet Gradica, Beqir Bajgora, Ahmet Kabashi etj..
Urojmë qe vitet e ardhshme do të gjejnë popullin shqiptar edhe më të suksesshëm dhe të bashkuar.

Leka II

Levizja Studentore Shqiptare

by

Me ane te kesaj deklarate per opinionin publik,deklarojme se:
LSSH eshte nje organizem Fryme,e lindur ne Dhjetor te vitit 90,me pjesmarrjen e Protagonisteve te kohes,te cilet lancuan slloganet Liri-Demokraci dhe e E duam Shqiperine si gjithe Europa.
LSSH eshte fluks burimor politik qe bashkeudheton ne spektrin politik me pergjegjesi te larte ndaj Drejtesise Shoqerore,Unitetit Kombetar dhe Integrimit Europian duke deklaruar,grupuar dhe mandatuar,akte,procese dhe vepra politike nga te gjithe aktoret politike qe realizojne programin e nje Shqiperie te lire,demokratike dhe europiane.
LSSH organizon ne menyre periodike mendim,veprim dhe shpalosje te veprimtarise se vet politike,pa dallim te personazheve politike,duke i ftuar ata te shprehin dhe mundesisht te veprojne sipas bindjeve te tyre personale dhe strukturore qe ata perfaqesojne ne te gjithe spektrin politik shqiptar,duke perjashtuar ekstremet.
LSSH do te marre nisma ne funksion te integrimit europian te Shqiperise,duke ftuar,mbeshtetur dhe kushtezuar,protagoniste dhe institucione,me ane te nje Platforme politike,ku qellim kryesor eshte shpalosja e nje shtrese perfaqesuese kulturembajtese me histori dhe motivim Kombetar,per te zhvilluar nje lufte te panderprere ndaj penguesve dhe frenuesve te zhvillimit Europian te Shqiperise dhe Shqiptareve.
Ne kete kuader Nisma per organizimin e 23 vjetorit te Pluralizmit Politik ne Shqiperi,ishte nje aktivitet me Protagoniste historik,qe kane luajtur nje rol te spikatur per fitoren e asaj beteje qe perfaqeson 8 Dhjetori,e cila eshte pluralizmi politik.LSSH fton ne mirekuptim dallimin midis Pluralizmit dhe Pluripartitizmit.Pluripartitizmi fillon me 12 dhjetor 1990 dhe vazhdon ende ne Shqiperi,duke perbere pasoje te sistemit te zgjedhur nga shqiptaret me rrezimin e Komunizmit.Pluralizmi perben Nisem burimore e atyre studenteve,pedagogeve te Rinj dhe qytetarise shqiptare qe 23vjet me pare ndryshuan historine.Gershetimi tek te njejtit persone pjesmarres ne aktivitet si Edi Rama,Mesila Doda,Shpetim Idrizi etj, i Protagonizmit Individual Historik me Protagonizmin Institucional aktual,eshte vlere e shtuar e aktivitetit te zhvilluar ne 8 dhjetor nga LSSH,por ftojme te interesuarit te bejne dallimin e duhur me kete rast.Akti i larte i 23 vjeteve me pare,Mbartja e Frymes ne vazhdimesi dhe Institucionalizimi i Veprimit politik sot,jane nje evoluim i personit nga vetja tek perkatesia publike ne sherbim te shtetit si Kujdestar i Fatit te te gjitheve.
Ne fund LSSH fton ne bashkeudhetimin e vet Europian,realitete politike te reja,moderne dhe bashkekohore,te cilat jane te gateshme per krijimin e Unitetit te Ri Shpirteror,Mendimor dhe Fizik te gjithe shqiptareve kudo qe ata ndodhen dhe qe jane kunder ndasive dhe urrejtjes se trasheguar nga e kaluara.Ritmi i se ardhmes Europiane te Shqiptareve do te shperbeje mbeturinat e nje te kaluare qe i kundervihet asaj me praktika komuniste dhe rezistence destruktive.