Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Amerikanët janë më shumë se sa çizmet e kaubojsave dhe filmat e Hollivudit

by

Nga Donald Lu*/
Amerikanët janë më shumë se sa thjesht çizmet e kaubojsave dhe filmat e Hollivudit. Ne jemi një komb i themeluar mbi idenë e thjeshtë se të gjithë njerëzit janë krijuar të barabartë. Sot, në këtë ditëlindje të dy qind e tridhjetë e nëntë të Shteteve të Bashkuara, ne festojmë larminë e popullit amerikan.
Anembanë Shteteve të Bashkuara, po kujtojmë njëzetë e pesë vjetorin e ligjit që u garanton të drejta të barabarta personave me aftësi të kufizuara. Në këtë frymë, ne kujtojmë jetën e Presidentit Franklin Roosevelt, muzikantit Stevie Wonder, aktivistes politike Helen Keller dhe atletes olimpike Wilma Rudolph. Këta amerikanë kanë arritur gjëra të mëdha pavarësisht, ose ndoshta për shkak të kufizimeve të tyre fizike.
All around the United States, we are marking the 25th anniversary of the law that guarantees equal rights to persons who are differently abled. Albania passed last year its important amendments on the rights of persons with disabilities. Great organizations like the Albanian Disability Rights Foundation have worked to promote mobility and employment for Albanians with disabilities. And we are so lucky today to be joined by many successful activists in this effort, including social activist and Deputy Minister of Social Welfare and Youth Bardhylka Kospiri, renowned singer Stenald Mëhilli who sang the Albanian national anthem for us today, art teacher Lidia Capo, radio talk show host Ervehe Tushe and many others.
Dëshiroj të ftoj Zëvendës Ministren Kospiri të tregojë historitë e Lidias dhe të Ervehesë.
Bardhylka Kospiri: Lidia Capo është një nga mësueset më të mira të Institutit të Nxënësve që nuk dëgjojnë. Ajo është krenare që vetë është e diplomuar nga i njëjti institut. Për Lidian momenti më i bukur në jetën e saj ishte kur i ofruan pozicionin e mësueses së vizatimit, pasi kishte ndjekur një kurs punësimi pranë Fondacionit Shqiptar për të Drejtat e Personave me Aftësi të Kufizuar. Përveç se ndihmon fëmijët të gjejnë pasionin e tyre në art, Lidia është një piktore e arrirë me dy ekspozita vetjake me pikturat dhe vizatimet e saj.
Ervehe Tushe, tashmë është bërë e njohur si zëri pas programit popullor të Radio Tiranës, “Fletët e një Ditari”. Puna me RTSH-në e ka ndihmuar atë, që pavarësisht kufizimit në të përditshmen e saj, të ndihet e vlerësuar për aftësitë e saj si gazetare. Ajo thotë se gjatë programit radiofonik, përpiqet t’iu japë zë problemeve me të cilat përballen personat me aftësi të kufizuara. Ajo thotë se ky “mikrofon magjik” ka bërë që ëndrra e saj të realizohet – të jetë një profesioniste e vlerësuar dhe të ndajë mesazhin e saj me të tjerët.
Ambasadori Donald Lu: Shqipëria dhe Shtetet e Bashkuara bashkëndajnë vizionin që të gjithë qytetarët tanë të përmbushin potencialin e tyre të plotë. Shpresoj që do të bashkoheni me mua në një duartrokitje për të kremtuar ditëlindjen e Amerikës dhe për të festuar arritjet e amerikanëve dhe të shqiptarëve me aftësi të kufizuara, si dhe kontributet e tyre frymëzuese për të dy kombet tona të mëdha.
Ambassador Donald Lu Remarks at the Independence Day Reception – July 1, 2015
President Nishani, Speaker Meta, Prime Minister Rama, Deputy Minister Kospiri, ladies and gentlemen,
Americans are more than just cowboy boots and Hollywood movies. We are a nation founded on the simple idea that all people are created equal. Today on this 239th birthday of the United States we celebrate the diversity of the American people.
All around the United States, we are marking the 25th anniversary of the law that guarantees equal rights to persons who are differently abled. In that spirit, we celebrate the lives of President Franklin Roosevelt, entertainer Stevie Wonder, political activist Helen Keller and Olympic athlete Wilma Rudolph. These Americans achieved great things in spite of, or perhaps because of, their physical limitations.
Albania passed last year its important amendments on the rights of persons with disabilities. Great organizations like the Albanian Disability Rights Foundation have worked to promote mobility and employment for Albanians with disabilities. And we are so lucky today to be joined by successful activists in this effort, including social activist and Deputy Minister of Social Welfare Bardhylka Kospiri, renowned singer Stenald Mëhilli who sang the Albanian national anthem for us today, art teacher Lidia Capo and radio talk show host Ervehe Tushe. I wanted to invite Deputy Minister Kospiri to tell the stories of Lidia and Ervehe.
Mrs. Bardhylka Kospiri: Lidia Capo is a one of the best art teachers at the Institute for Deaf. She is also a proud graduate of this same institute. To Lidia the most beautiful moment of her life was when she was offered a position as a drawing teacher after taking an employment course with the Albanian Disability Rights Foundation. In addition to helping children find their passion in art, Lidia is an accomplished painter with two personal exhibitions of her paintings and drawings.
Ervehe Tushe now known as the voice behind the popular Radio Tirana show “Pages of a Diary.” Working for RTSH has helped her that besides her daily limitations to feel valued for her unique abilities. She says that during her talk show, she tries to give a voice to the problems faced by people with disabilities. She says that this “magic microphone” has made her dream come true – to be valued as a professional and to share her message with others.
Ambassador Donald Lu: Albania and the United States share the vision of all of our citizens reaching their full potential. I hope you will join me in a round of applause in celebration of America’s birthday and in celebration of the accomplishments of Americans and Albanians with disabilities, and their inspiring contributions to our two great nations.

*Fjala e Plotë e Ambasadorit Donald Lu gjatë Pritjes së Ditës së Pavarësisë – korrik 2015

Ambasadori Donald Lu: Shtetet e Bashkuara besojnë tek Shqipëria

by

Fjala e Ambasadorit të SHBA, zotit Donald Lu “24 Vite Marrdhënie SHBA – Shqipëri”
(16 mars 2015)
Me rastin e 24 vjetorit të rivendosjes së marrdhënieve diplomatike SHBA-Shqipëri, Qendra Shqiptare e Politikave, më datën 16 mars 2015, organizoi konferencën “24 vjet partner strategjik”, ku morën pjesë presidenti i Republikës, zoti Bujar Nishani, ambasadori i SH.B.A.-ve, zoti Donald Lu si dhe zyrtarë, politikanë e diplomatë nga të dy vendet.
Me rastin e këtij përvjetori të rëndësishëm, përfaqësues të lartë të shtetit shqiptar dhe atij amerikan pohuan marrëdhëniet e shkëlqyera midis dy vendeve dhe bashkëpunimin mes tyre në përballimin e sfidave aktuale.
Konferencën e përshëndeti dhe Ambasadori i SHBA, Shkëlqesia e Tij Donald Lu, i cili tha:
-I nderuar President i Republikës zoti Bujar Nishani, zonja Arta Dade, zoti Eduart Selami, Dr. Edith Harxhi, zonja dhe zotërinj, Mirmëngjes!
Në këtë 24 vjetor të rivendosjes së marrëdhënieve tona diplomatike, dëshiroj të kujtojmë për një çast vizitën e Sekretarit të Shtetit James Baker në Tiranë, 24 vite më parë. Ndoshta disa prej jush e kujtojnë gjithashtu atë ditë historike qershori. Kohët e fundit, bisedova me Zv. Sekretarin e Shtetit Bill Burns, që si diplomat i ri pati qenë me Sekretarin Baker në atë udhëtim. Ambasadori Burns më tha se askush prej delegacionit nuk dinte se ç’të priste, pasi Shqipëria kishte qenë e mbyllur ndaj botës për kaq shumë vite. Kur mbërritën, ata u kapluan tërësisht nga përgjigja emocionale e popullit të Tiranës, shumë prej të cilëve po takonin për herë të parë amerikanë. Sekretari Baker tha: “Ju jeni të lirë të mendoni mendimet tuaja…të zgjidhni udhëheqësit tuaj. Shqiptarët kanë zgjedhur të bashkohen me shoqërinë e burrave dhe grave të lirë kudo.” Në ambasadën tonë kemi një foto frymëzuese të Sekretarit që është duke folur përpara një turme të stërmadhe në Sheshin “Skënderbej,” disa valëvisin flamuj amerikanë dhe të tjerë parrulla shenja mirëseardhjeje. Sa herë e shoh, ajo foto më kujton që marrëdhëniet tona janë më shumë sesa thjesht një interes politik apo një aleancë ushtarake. Ne jemi të lidhur së bashku prej historisë, prej lidhjeve familjare dhe prej vlerave që bashkëndajmë. Muajin që vjen, James Baker mbush 85 vjeç. Nëse ai do të rikthehej në Tiranë, çfarë do të shihte? Ai do të gjente një popull që ka bërë përparim shumë të madh në një periudhë të shkurtër të historisë. Ai do të gjente një popull që ka sakrifikuar kaq shumë për një jetë më të mirë për fëmijët e tij. Do të gjente një vend në një moment tjetër kyç të tranzicionit të vet demokratik.
Populli shqiptar sot vazhdon të ndeshet me trashëgiminë e komunizmit. I duhet të luftojë me forcat e krimit dhe të korrupsionit çdo ditë,-në shkollat e tyre, në bizneset e tyre, në gjykatat e tyre, e madje, edhe në parlamentin e tyre. Shqiptarët janë një popull i fortë dhe ne jemi besimplotë se Shqipëria është e gatshme të përballet me këtë sfidë pa pasur frikë. Shtetet e Bashkuara besojnë tek Shqipëria. Jo tek një parti e caktuar politike apo një udhëheqës i vetëm politik, por në aftësinë e shqiptarëve guximtarë për të mbështetur ndryshimin dhe për të bërë sakrifica për veten dhe për fëmijët e tyre. Mbetem besimplotë se në fund të ditës, pjesa më
e madhe e shqiptarëve që përkrahin ndershmërinë dhe integritetin do të triumfojnë mbi ata që përkrahin krimin, dhunën dhe korrupsionin. Unë zotohem që shqiptarët do të vazhdojnë ta kenë mbështetjen e Shteteve të Bashkuara në këtë betejë të rëndësishme.(Pergatiti per DIELLIN, Shefqet Kercelli)

Prezantohet në gjuhën shqipe ambasadori amerikan Donald Lu

by

TIRANË, 9 Janar/ -Ambasadori i ri i Shteteve të Bashkuara të Amerikës në Shqipëri, Donald Lu nëpërmjet një videoje prezantuese tregon në gjuhën shqipe për veten e tij, për familjen dhe vendlindjen e tij, si dhe tregon se çfarë pret të bëjë dhe të arrijë në Shqipëri.
“Quhem Donald Lu dhe jam shumë i gëzuar që Presidenti Obama më ka zgjedhur mua si ambasador të SHBA-së në Shqipëri”, tregon ambasadori Lu me një shqipe të pastër.
“Si shumë amerikanë, edhe unë jam djali i një emigranti. Babai im erdhi në Amerikë nga Kina dhe ka punuar shumë për t’u dhënë fëmijëve të tij shanse që ai nuk i ka patur vetë. Ajo ishte ëndrra e tij amerikane”, rrëfen Lu.
Unë, vijon Lu, “e di që t’u sigurojmë një të ardhme më të mirë fëmijëve tanë është një ëndërr që si amerikanët dhe shqiptarët e ndajnë me njëri-tjetrin”.
“Si ambasador jam i angazhuar të mbështes përpjekjet e popullit shqiptar në ndërtimin e insitucioneve demokratike. Ta bëjmë Shqipërinë aleat më të fuqishëm të NATO-s dhe të punojmë me Shqipërinë drejt anëtarësimit në BE”, thotë ambasadori Lu.
Më pas, ambasadori prezanton edhe gruan e tij Arielën. ‘Kjo është gruaja ime Ariel që do të vijë me mua në Shqipëri së bashku me fëmijët’.
“Jam rritur në Kaliforninë e Jugut pranë njërit prej plazheve më të bukura në Amerikë. Arielës dhe mua na pëlqen të ngjitemi në mal dhe të luajmë me fëmijët tanë në plazh. Sapo të arrijmë në Shqipëri kemi në plan të vizitojmë malin e Dajtit dhe bregdetin tuaj të mrekullueshëm”, thotë ambasadori Lu.
“SHBA dhe Shqipëria kanë shumë të përbashkëta dhe gjithashtu kemi shumë gjëra për të bërë së bashku. Pres me kënaqësi t’ju takoj në Shqipëri dhe të dëgjoj mendimet tuaja për ato që mund të arrijmë bashkë”, përfundon prezantimin e tij ambasadori i ardhshëm i SHBA në Tiranë, Donald Lu.
Karriera e ambasadorit Donald Lu
Në muajin nëntor të 2014, senati amerikan ka konfirmuar Donald Lu si ambasadorin e ri të Shteteve të Bashkuara të Amerikës në Shqipëri.
Ambasadori Lu është votuar nga senati amerikan, ndërsa kandidatura e tij ka qenë e bllokuar prej korrikut të vitit 2013 për shkak të politikave të brendshme të SHBA.
Donald Lu u propozua si ambasador i Shqipërisë nga Presidenti Barack Obama më 25 korrik, dhe pason ambasadorin Aleksandër Arvizu, i cili ka shërbyer në vendin tonë që më 10 nëntor të vitit 2010.
I lindur në vitin 1966 në Huntington Beach, Kaliforni, Donald Lu ka marrë gradat Bachelor dhe Master në Marrëdhënie Ndërkombëtare në Universitetin Princeton në 1988 dhe 1991.
Lu ka shërbyer si vullnetar i Korpusit të Paqes në Sierra Leone gjatë viteve 1988-1990, ku ndihmoi për të rivendosur puse të ujit dhe kontribuoi në edukim shëndetësor atje.
Lu nisi karrierën diplomatike në vitin 1990, ku ka punuar në konsullatën në Pakistan; si zyrtar konsullor në ambasadën e Tbilisit në Gjeorgji dhe si asistent i veçantë i ambasadorit Frank Wisner.
Ai ka punuar gjithashtu si zyrtar ne ambasadën e Nju Delhit në Indi. Nga 2003 në 2006, Lu ka punuar në ambasadën e Bishkekut në Kirgistan dhe pastaj në Baku të Azerbajxhanit.
Lu është i martuar dhe ka dy fëmijë. Lu flet KRIO, Urdu, Hindi, rusisht, gjuhën gjeorgjiane dhe atë të Azerbajxhanit.( Kortezi: Gjergji Mima)

SHBA-SHQIPERI: Donald Lu, nga Nju Delhi-Indi, zyrtarisht ambasador i SHBA në Shqipëri

by

Donald Lu është zyrtarisht ambasadori i Shteteve të Bashkuara të Amerikës në  Tiranë, i cili do të zëvendësojë Aleksandër Arvizu pasi këtij të fundit i ka mbaruar mandati. Presidenti amerikan Barak Obama emëroi diplomatin Donald Lu si ambasador i ardhshëm i Shteteve të Bashkuara në Shqipëri.Përmes një deklarate për shtyp, Obama njoftoi për kandidaturën e Lu si dhe kandidaturat e tjera për poste të rëndësishme administrative .“Këta individë kanë treguar njohuri dhe pëkushtim gjatë gjithë karrierës së tyre. Ndjehem mirënjohës që kanë pranuar të marrin mbi vete role të rëndësishme dhe mirëpres punën me ta në muajt dhe vitet në vijim” theksohet në deklaratën e shefit të Shtëpisë së Bardhë.Donald Lu është një diplomat karriere dhe aktualisht është Zëvendës Shef i Misionit Diplomatik amerikan në Nju Delhi të Indisë. Më parë ai ka shërbyer në ambasadën amerikane në Baku të Azerbajxhanit si i Ngarkur me Punë nga viti 2009-2010 dhe si Zëvendës Shef i Misionit nga 2007-2009.
Nga viti 2003-2006, Lu ka qenë Zëvendës Shef i Misionit Diplomatik amerikan në Bishkek të Kirgistanit. Donald Lu ka shërbyer si Zëvendës Drejtor i Zyrës për Azinë Qendrore dhe Cështjet e Kaukazeve të Jugut nga viti 2001-2003 dhe si Asistent I Posaçëm i Ambasadorit për Vendet e Sapo-Shpallura të Pavarura nga 2000-2001.
Ndër funksione të tjera diplomatike përfshihet: Asistent i Posaçëm i Ambasadorit në Misionin Diplomatik amerikan në Nju Delhi; Zyrtar i Konsullatës amerikane në Tbilisi të Gjeorgjisë; Zyrtar Politik në Konsullatën amerikane në Peshavar të Pakistanit.Donald Lu ka qenë në Sierra Leone nga 1988-1990 si vullnetar me Korpusin e Paqes. Ai ka diplomën e studimeve universitare dhe pasuniversitare nga Universiteti i Princetonit.(Ora news tv)

 

AMBASADORI I RI AMERIKAN NE SHQIPERI, DONALD LU

by

Arvizu përfundon mandatin në Shqipëri.Donald Lu do të jetë përfaqësues i SHBA në Tiranë.
Ne Foto: Ambasadori  i ri i SHBA në Tiranë, Donald Lu/

Ambasadori i Shteteve të Bashkuara të Amerikës, Aleksandër Arvizu, merr zyrtarisht njoftimin për përfundimin e misionit të tij në Tiranë. Departamenti Amerikan i Shtetit ka përcaktuar Donald Lu si pasardhës të Arvizusë në Tiranë. Burime nga Ministria e Jashtme bënë të ditur për gazetën “Panorama” se dje në mesditë, ambasadori në detyrë i SHBA ka ngjitur shkallët e Ministrisë së Jashtme, ku është pritur në një takim nga zv.ministrja Edit Harxhi. Megjithatë, burimet nuk saktësojnë se ka qenë ambasadori Arvizu që ka paraqitur në Tiranë emrin e pasardhësit të tij. Aktualisht ai mban postin e zv.kreut të misionit të Ambasadës së Shteteve të Bashkuara në Nju Delhi, Indi, ndërkohë që më herët ka ushtruar këtë detyrë në vende si Gjeorgjia, Pakistani dhe Azerbajxhani. Në të njëjtën kohë, zyrtarisht ende nuk thuhet se cila është data kur Donald Lu do të nisë zyrtarisht punën në vendin tonë.
Tre vjet më parë, në korrik 2010, Departamenti Amerikan i Shtetit emëroi Aleksandër Arvizunë si ambasador në Tiranë.Diplomati nga Uashingtoni e nisi zyrtarisht detyrën në fund të muajit dhjetor, kur paraqiti edhe letrat kredenciale te Presidenti Bamir Topi. Ai u vendos menjëherë në qendër të vëmendjes edhe për shkak të ngjarjeve të 21 janarit 2011. Arvizu e etiketoi Kryeministrin Sali Berisha si një burrë shteti, pas vendimit që ai mori për të anuluar një miting të mbështetësve të tij pak ditë pas ngjarjeve të dhunshme kur u sulmua Kryeministria. Në zgjedhjet e 8 majit, ambasadori amerikan do të mbahet mend për gjestin e tij kur së bashku me Etore Sekui të Komisionit Europian përveshën mëngët dhe u ulën në radhën e vëzhguesve në shkollën “Vasil Shanto”, kur po numëroheshin votat e Njësisë Bashkiake Nr. 5 për Bashkinë e Tiranës. Vitin e fundit në media është folur për një ftohje të ambasadorit amerikan me Kryeministrin Sali Berisha për shkak të qëndrimeve të kundërta të tyre për çështjen e shkarkimit të anëtarit të LSI-së në KQZ, Ilirjan Muho. Pak ditë më parë ambasadori amerikan bëri thirrje për gjetjen e konsensusit mes palëve për plotësimin e vendeve të mbetura bosh në KQZ. Përgjigjja e Berishës ishte: “Kur fillojnë të bëjnë gjykatësin kushtetues apo kur bëjnë gjykatësin e lartë apo atë të faktit, unë them se nuk respektojnë veten e tyre. Cilido qoftë. Ky është një shtet i bazuar në ligje. Askush nuk ka mandat të interpretojë ligjet e një vendi tjetër. Askush nuk ka mandat të marrë atribute, sepse mënyra se si funksionojnë qeveritë e vendeve të lira është një mënyrë e mrekullueshme, është një mënyrë transparente. Ndaj dhe nuk mund të bëhet fjalë për asnjë variant tjetër, përveçse atë që përcakton ligji i vendit, atë që thonë institucionet e vendit”. (Kortezi; ADI SHKEMBI)