Dita e 13-të e Protestës: Basha kërkon dorëheqjen e Ilir Metës

March 2, 2017 by dgreca

*Republika e Re, Basha për herë të parë kërkon edhe dorëheqjen e Ilir Metës /

*Berisha: Shqiptarë, mendoni për votën tuaj të lirë. Karteli i drogës është në qeveri/

Kryetari i PD-së, Lulzim Basha, ka kërkuar për herë të parë edhe dorëheqjen e kryetarit të Kuvendit, Ilir Metës, aleatit të Kryeministrit Edi Rama, me të cilin kanë krijuar qeverinë e koalicionit.Basha e ka artikuluar qartë në një intervistë dhënë Report TV: “Skenari i vetëm është largimi i kësaj qeverie. Rama dhe Meta dhe kushdo tjetër të japin dorëheqjen dhe t’i hapin rrugë qeverisë teknike. Unë u them në emër të qytetarëve: Reflektoni dhe hapini rrugë qeverisë teknike; rrugë tjetër nuk ka.” Sot protesta e opozitës para Kryeministrisë ka hyrë në ditën e 13.

Berisha: Shqiptarë, mendoni për votën tuaj të lirë. Karteli i drogës është në qeveri /

Ish-Kryeministri Sali Berisha iu ka drejtuar një thirrje qytetarëve shqiptarë sot nga “çadra e lirisë” përpara kryeministrisë.Ai ka bërë thirrje që shqiptarët të mendojnë për votën e tyre që është e rëndësishme. Gjatë fjalës së tij, Berisha u shpreh se qeveria është kthyer në një bandë kriminale, e nuk është më qeveri.

Pjesë nga fjala e ish-kryeministrit Berisha:Thirrjen nëse i besoni apo votës së lirë, nëse duhet apo jo që ne të përcaktojmë votën e lirë si rrugën për të garantuar të ardhmen që meritojmë. Vetëm një moment ju ftoj të dashur shqiptarë, të mendoni për votën tuaj.Unë e di që qindra mijëra nga ju kur dëgjojnë këto fjalë thonë: “Ne s’kemi kafshatën për të ngrënë”. Unë jam me ju se kafshata është jeta, është më e rëndësishme se vota, por unë ju them ju të tjerëve që a ka një rrugë tjetër që këta njerëz të mos numërojnë kafshatën, të jetojnë me dinjitet në vendin e tyre, përveç votës së lirë?Të votojnë përmes votës së lirë edhe për ata që lotët e mjerimit ua kanë shuar sensin, kuptimin e votës.Problemin e kafshatës mund ta zgjidhim duke votuar të lirë.Këtu para tre ditësh këtu ishte një personalitet shumë i shquar i politikës ndërkombëtare, zonja Betancurt që karteli i drogës e grabiti kur bënte garën për President.Ajo tha këtu se Shqipëria nuk më duket si Kolumbia. Për zonjën ishte e drejtë sepse qeveria e drogës kishte angazhuar ushtrinë për të luftuar kartelin e drogës, kurse këtu karteli i drogës është qeveria. Në dallim nga Kolumbia, drogën e mbjell qeveria, që I ka shndërruar strukturat e saj në struktura kanabiste.

Sa drogë ka shkuar në vitin 2016 deri tani? 150 tonelata me statistika. Por italianët kanë kapur 10-15% se pjesën tjetër nuk e kapin drogë.

Pse u mbush vendi me drogë: u mbush vetëm për një qëllim, që të helmojë votën, që vota të kapet me çdo kusht, që kanabisi të përcaktojë vullnetin e shqiptarëve.

A mund të votohet në një vend ku në të katër anëtar sundojnë bandat e armatosura të kanabisit? Ky kriminel që rri në zyrën e Kryeministrit bërtet si i çmendur se po bën shtet!

Çfarë shteti po bën ti që ke bandat në çdo metër katror të këtij vendi, kur e ke mbushur vendin me banda kanabisi. Po ndërton shtetin e drogës, po ndërton banditokraci!

Ilir Metën nuk e shqetësojnë intrigat mocalore

September 29, 2015 by dgreca

*Meta:Origjina ime malore, nuk më shqetëson asnjë intrigë mocalore/

*Takon Nishanin dhe Idrizin/A po përgatitet dorëheqja e Kryeparlamentarit?/

“Me qetësi dhe dashuri po ju them që origjina ime e fortë malore nuk më shqetëson në asnjë lloj intrige moçalore”. Kjo është përgjigjia që Kryetari i Kuvendit Ilir Meta, njëkohësisht edhe Kryetar i LSI-së ka bërë për mediat pas takimeve që ka zhvilluar me Presidentin Bujar Nishani dhe Kreun e PDIU-së Shpëtim Idrizi. Meta tha se mbështet kërkesën e bërë në Kuvend nga ish-Kryeministri Sali Berisha për një hetim ndërkombëtar në lidhje me cështjen CEZ, ndërsa shtoi se Lulzim Basha nuk kërkon hetim ndërkombëtar.

Takon Nishanin dhe Idrizin/A po përgatitet dorëheqja e Kryeparlamentarit?

Në kulmin e akuzave si të përfshirë në aferën me CEZ, dhe pas një letre të Kryetarit të Komisionit parlamentar të Sigurisë Spartak Braho drejtuar krerëve të shtetit mbi atë që Braho i cilëson akuzat ndaj Ilir Metës si skenar destabilizues për vendin, Kryetari i Kuvendit ka zhvilluar takime të njëpasnjëshme me Presidentin Bujar Nishani dhe kryetarin e PDIU-së, Shpëtim Idrizi. Një burim nga parlamenti tha për Bota Sot se kryetari i Kuvendit po përgatitet dorëheqjen nga posti nr 2 i shtetit për ti hapur rrugën hetimeve mbi akuzat që i janë drejtuar. Por gjithashtu, mësohet se Meta po përgatitet për krijimin e një poli politik, ku do të përfshijë mesa duket edhe PDIU-në, duke synuar në këtë mënyrë shtimin e peshës në Kuvend. Fillimisht Meta ka takuar Presidentin dhe më pas ka zhvilluar një tjetër takim kokë më kokë me Nënkryetarin e Parlamentit, Shpëtim Idrizi. Takimi vjen në një kohë kur Meta është vendosur nën akuza të forta për aferën e mbledhjes së borxheve të CEZ, por edhe kur janë shtuar zërat për një qeverisje PD-PS, duke lënë jashtë LSI-së, parti e cila ka rreth 20 deputetë në Kuvend. Një ditë më parë, kreu i PDIU-së Shpëtim Idrizi, ka thënë në një emission televiziv se beson që do të ketë zgjedhje të parakohshme.

Lulzim Basha: T’i hapet rruga dekriminalizimit të plotë

April 8, 2015 by dgreca

Tirane- 8 Prill-Partia Demokratike kërkoi sot dorëheqjen e Kryetarit të Kuvendit, Ilir Meta dhe të ministrit të Brendshëm, Saimir Tahiri, për t’i çelur rrugë dekriminalizimit të plotë të parlamentit dhe administratës shtetërore.
Partia Demokratike mblodhi sot grupin paralamentar ku analizoi situatën e rëndë në Patoz Marinzë dhe kërkoi nga qeveria që të dëmshpërblehen të gjithë banorët e zonës së dëmtuar, ndërsa u ndal edhe te gjendja e rëndë kriminale dhe ekonomike në vend.
Kryetari i Partisë Demokratike, Lulzim Basha, gjatë fjalës së tij në mbledhjen e grupit parlamentar të PD-së, i kërkoi qeverisë të marrë masa për dëmshpërblimin e plotë të familjeve dhe subjekteve të dëmtuara nga shpërthimi në Patoz Marinzë. “Të marrë përgjegjësi për shkaqet, pasi banorët janë lënë pa asistencë shëndetësore, si dhe të marrë masat për rehabilitimin e zonës, pasi ne e kemi ndjekur me interes situatën atje dhe do ta mbrojmë kudo dhe në parlament”, tha Basha.
Duke sjellë në vëmendje skandalin e fshehjes së kërkesës së Interpol për çështjen e deputetit, Mark Frroku, akuzuar nga drejtësia belge për vrasje, Basha tha se “deputetët tanë argumentuan bindshëm në sy të shqiptarëve fshehjen e provave dhe fakteve të kërkesës së Interpol nga një strukturë vertikale, që nisë me krerët e lartë të shtetit”.
“Skandali ndjek skandalin. Sapo arrestohet Mark Frroku, vjen akti tronditës dhe lirohet Arben Frroku, i akuzuari kryesor për vrasjen e komisarit Dritan Lamaj. Ky akt, ky vendim i njollosur nga zhvlerësimi i dëshmive, zhdukja e dëshmitarëve, publikimi mafioz i emrit të dëshmitarit të mbrojtur si dhe lidhjet e forta familjare të gjyqtarit kryesor me Partinë Socialiste, është prova kryesore e lidhjes së shtetit me mafien”.
“Ne do t’i shkojmë deri në fund fshehjes së kërkesës së Interpolit, sepse kemi bindjen se në këtë skandal është përfshirë një pjesë e madhe e shtetit. Ne ngulmojmë me forcë dorëheqjen e kryetarit të Kuvendit, Ilir Meta dhe ministrit të Brendshëm Saimir Tahiri, duke konsideruar këtë dorëheqje një kusht të domosdoshëm për të çliruar fillimin e hetimeve të krimeve të rënda nga dara e pushtetit dhe njëkohësisht për një dekriminalizim të vërtetë që starton me shkurajimin dhe jo inkurajimin e krimit nga krerët e qeverisë”, u shpreh Basha(Ilir Vata)