Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Lulzim Basha: PD, promotore e integrimit, por Rama të kthehet nga Brukseli me mend në kokë

by

Të heqë dorë nga urrejtja ndaj opozitës/

TIRANE- Kreu i PD-se, Lulzim Basha, duke garantuar Brukselin dhe qytetaret se forca qe drejton nuk do te jete kurre pengese per integrimin e vendit,  i ka bere apel kryeministrit Edi Rama te  kthehet me mend ne koke dhe te heqe dore nga urrejtja ndaj opozites.

Ne nje deklarate per mediat, Basha ka theksuar se PD ka qene e do te vazhdoje te jete promotore e integrimit dhe do votojë cdo ligj e akt qe lidhet me te.

“Sot PD kërkon nga Rama që ta lexojë drejt e të reflektojë pa humbur kohë mesazhin për fatin e vendit në be dhe rolin përbashkues që Tirana zyrtare duhet të luajë në marrëdhëniet me fqinjët në Kosovë, Maqedoni, si një këshillë ndihmuese dhe qortuese për startin plot qëndrime përcarëse dhe konfliktuale në detyrën e tij si KM”- tha Basha.

Në vijim deklarata e plotë e Kryetarit të Partisë Demokratike Lulzim Basha

Kryeministri Rama mori në Bruksel, mesazhin e qartë për të bashkëpunuar ngushtë me opozitën e vendit të tij.

Në emër të Partisë Demokratike dua të falenderoj miqtë dhe partnerët e Shqipërisë në Bashkimin Europian për këtë mesazh kuptimplotë dhe për vendosmërinë e tyre konstante në mbështetje të aspiratave europiane të popullit shqiptar.

Me këtë rast dua të siguroj përfaqësuesit më të lartë të Bashkimit Europian në Bruksel, sikurse kemi siguruar qytetarët dhe Kuvendin e Shqipërisë këto ditë, se opozita e re shqiptare nuk do të jetë në asnjë moment pengesa dhe problemi i integrimit të vendit në BE, se do të jemi promotorë, siç kemi qenë në qeveri, se do të votojmë çdo ligj dhe akt shkon në përmbushje të kritereve të integrimit.

Ndërkaq sot, Partia Demokratike kërkon nga zoti Rama që ai ta lexojë drejt  dhe të  reflektojë pa humbur kohë  rreth  këtij mesazhi thelbësor për fatin e  integrimit të  Shqipërisë  në Europë  dhe për rolin përbashkues që duhet të luajë Tirana zyrtare në  marrëdhëniet me faktoret politikë shqiptarë në Kosovë, Maqedoni  dhe në trevat e tjera.

Ta lexojë jo si një mesazh rutinë por para së gjithash si një këshillë ndihmuese dhe qortuese për startin plot qëndrime përçarëse e konfliktuale të zotit Rama në detyrën e  tij si kryetar i këshillit të Ministrave.

Zoti Rama i shpalli luftë opozitës në daljen e tij të parë në foltoren e Kuvendit, duke provokuar largimin e  saj nga seanca.

Një ditë më pas provokoi braktisjen e Kuvendit të Kosovës nga opozita e Kosovës me qëndrimet e tij ideologjike përçarëse të stampës së vjetër ndaj figurës së ndritur të arkitektit të pavarësisë së Kosovës, Presidentit Ibrahim Rugova.

Në harkun e njëzet e katër orëve provokoi braktisje nga dy opozita kombëtare, një rekord që nuk e ka asnjë kryeministër.

Në vend që të nxirrte mësime përgjatë debatit parlamentar, zoti Rama e thelloi më tej luftëshpalljen ndaj opozitës me deklaratën e tij paprecedent se opozita nuk ka parë akoma se ç’është dhuna, deklaratë nga e cila nuk është tërhequr ende.Në vrapin e tij drejt godinës së qeverisë, akoma pa u tharë boja e firmës së betimit para Presidentit të Republikës, nxitoi të hiqte portretin e tij në shkelje flagrante dhe përçarëse të Kushtetutës, etikës, dhe bonsensit.

Kjo nuk është rruga për të shkuar në Europë.

Shqiptarët nuk harrojnë se Edi Rama bllokoi integrimin e vendit si opozitar kundër qeverisë.

Me veprimet konfliktuale dhe përçarëse që po kryen ai po rrezikon të bllokojë  përsëri, kësaj radhe si qeveritar kundër opozitës.

VIZITA E KRYEMINISTRIT RAMA NE BRUKSEL

by

Në fjalimin e parë përpara Komitetit të Jashtëm në Parlamentin Europian si Kryeministër i Shqipërisë, Edi Rama ka shtruar domosdoshmërinë e rifitimit të kohës së humbur për realizimin e ëndrrës europiane, integrimin në BE. Duke folur në seancën me temë

“Shqipëria, situata post zgjedhore dhe perspektiva”, Rama nënvizoi se nuk ka dyshim se gjatë ketyre viteve Shqipëria ka pasur sukses, por sipas tij dhe ambicia ka qenë më e madhe se progresi i arritur deri tani dhe kjo ambicie do të na çojë drejt së ardhmes duke mësuar nga leksionet e kaluara.

“Është një moment i ri dhe ne besojmë se me ndihmën tuaj dhe të Parlamentit Europian, partnerë të Shqipërisë dhe rajonit në Europë ne mund të përfitojmë shumë nga koha e humbur. Nuk ka dyshim se gjatë ketyre viteve Shqipëria ka pasur sukses, por dhe ambicia ka qenë më e madhe se progresi i arritur deri tani dhe kjo ambicie do të na çojë drejt së ardhmes duke mësuar nga leksionet e kaluara” deklaroi ai.

Në këtë kontekst, ai ka siguruar se qeveria e re që ai drejton do të punojë për të përmbushur atë që populli shqiptar ka kërkuar më 23 qershor, anëtarësimin e Shqipërisë në familjen europiane me të drejtat dhe detyrime e plota të saj.

“Unë besoj se populli shqiptar ka votuar për ne, një rezultat jo vetëm i nevojës për të ndryshuar Kryeministrin me një tjetër, disa Ministra me disa të tjerë, por kërkoj një ndryshim për të ecur përpara. Kjo na bën të gjithëve shumë të ndërgjegjshëm për faktin se jemi në një pozitë të tille, jo se kush jemi ne, por për atë që populli ka nevojë, dhe për atë që populli mendon se ne mund të bëjmë” tha Rama.

Kryeministri Rama ka folur edhe lidhur me sigurinë e rajonit në terësi, duke garantuar eurodeputetët se problemet e Shqipërisë me fqinjët do të jenë në konceptin 0.

“Në politikën tonë të jashtme dhe si shtet, Shqipëria ka qenë një ndër vendet më të qendrueshme dhe e pandikuar nga ndryshimi i pushtetit. Por në të njëjtën kohë, është dëmtuar kohët e fundit nga ethet nacionaliste. Për ne politika e jashtme do të jetë politika e problemeve me fqinjët” theksoi Kryeministri Rama.

Kukan: Zgjedhjet treguan maturimin e politikës, pa dialog  s’mund të ketë përparim

Ndërkohë eurodeputeti Eduard Kukan vlerësoi rolin e Qeverisë së larguar lidhur me përpjekjet për integrimin në BE, ndërsa shprehu bindjen se qeveria e re do të mund ta çojë përpara arritjen e këtij objektivi. Duke i konsideruar zgjedhjet e 23 qershorit një test të kaluar me sukses, Kukan kërkoi nga Kryeministri dhe qeveria e tij të lejojnë PE të japë ndihmën e tij në këtë drejtim.

“Mendoj se është e rëndësishme dhe e duhur për të përmendur dhe për të vlerësuar punën e Qeverisë që është larguar përsa i përket përpjekjeve për integrimin në BE. Situata politike ka qenë për një kohë të gjatë në vëmendjen e qeverive europiane. Dhe mendojmë se Qeveria e re do të sjellë arritje në këtë drejtim. Zgjedhjet e 23 qershorit ishin një test për demokracinë e Shqipërisë. Shqipëria e ka kaluar këtë test.Ka patur anëtarë të parlamentit që kanë treguar përgjegjshmëri për vëzhgimin e tyre. Kemi parë që integrimi ka qenë në axhendën e fushatës zgejdhore dhe kjo ka qenë shumë e rëndësishme. Zgjedhjet në përgjithësi kanë qenë kompetitive, ka pasur disa gabime, por përgjithësisht ishin zgjedhje të mira dhe mbi të gjitha, tranzicioni i pushtetit shkoi mirë, që të humburit e zgjedhjeve pranuan rezultatin. Pa dialog të vërtetë politik do të jetë e vështirë shumë që të ecim përpara. Zhvillimet e deritanishme kanë treguar se Qeveria e re është e gatshme ta bëjë këtë. Unë uroj qe në të ardhmen të shikojmë fakte dhe prova për këtë. Mesazhi im është që të themi se Parlamenti Europian ka qenë gjithmonë mbështetës për zhvillimet në vendin tuaj, ndaj ju lutemi të na lejoni tju ndihmojmë sa më shumë të kemi mundësi.”

 Eurodeputetet  pyetje ne drejtim  te Kryeministri Rama

Në vijim eurodeputetët e pranishëm në seancë kanë drejtuar një sërë pyetjesh në drejtim të Kryeministrit të vendit, ku vlen të theksohet se kanë dominuar ato sa i përket përqasjes që do të ketë qeveria e majtë në raport me politikën e jashtme, në mënyrë të veçantë me fqinjët. Në vijim pyetjet dhe përgjigjet e dhëna nga Kryeministri Rama.

SALAMAN: Në emër të Partisë Popullore Europiane ju përgëzoj për rezultatin dhe për tonin konstruktiv të përdorur në këtë komision. Ju po mendoni edhe për atmosferën e krijuar në parlamentin tuaj. Përsa i i përket perspektivës europiane të vendit tuaj, marrëveshjes për vizat dhe aplikimit për të qenë vend anëtar i BE-së, çështja është se në çfarë mase do të përpiqeni që të përfshini të gjithë shoqërine, popullin e vendit tuaj për të ecur drejt BE-së dhe deri në ç’masë do të përfshini opozitën në këtë projekt, që ka nisur me zgjedhje të lira politike? Si i shikoni zhvillimet të marrëdhëniet mes Qeverisë tuaj dhe Qeverisë së kaluar dhe me shoqërinë civile në vendin tuaj?”
PETERLET: Mendoj se e kuptoni se sa i rëndësishëm është uniteti politik për Shqipërinë. Si do ta përcaktoni sa më shumë që të jetë e mundur nga ana juaj?

PACK: Ju e dini se tonet në Parlament duhet të qetësohen pak. Nëse vazhdoni me mënyrën sesi e keni nisur sot, do të tregoni një shembull të mirë. Mendoj se populli shqiptar është rritur dhe për këtë ju them të bëni punën tuaj,  të mos ktheheni mbrapa. Ne s’do jemi mësuesit tuaj.

BOSHTINARO: Rumania ofron mbështetjen për Qeverinë tuaj në integrimin në BE.

GOMEZ: Bazuar ne eksperiencat e mëparshme do të na tregoni një praktikë gjithëpërfshirëse në Shqipëri. Do t’ju pyesja për marrëdhëniet me fqinjët dhe problemet që duhet të zgjidhni. Po kështu është lufta kundër korrupsionit, që nuk është një problem thjesht kombëtar. Si do ta zgjidhni këtë problem?

GIANNAKOU: Diçka që është e rëndësishme për vendet që aplikojnë në BE është marrëdhënie me fqinjët. Mendimi juaj për vendimin për marrëveshjen për ujërat. A mendoni se kjo nuk është e rëndësishme për marrëdhëniet me Greqinë? Cili është qendrimi juaj për marrëdhëniet me Greqinë?

FAJON: Besoj se Shqipëria merjton një shoqëri demopkratike. Si do ta zgjidhni priblemin e papunësisë së të rinjve? Sa i takon korrupsinit, a keni ide të qarta dhe konkrete se si do të zgjidhni këtë problem?

CUFLIN: Si mendoni t’i zgjidhni çështjet me vendet e rajonit? A mendoni se do të këtë vertet një Shqipëri më të madhe?

Rama u përgjigjet eurodeputetëve: Kërkojmë një Shqipëri të orientuar drejt integrimit të vendit, presim bashkëpunimin e opozitës për disa reforma

Kemi numrin më të madh të grave të përfshira në qeverisje dhe mendojmë se qeverisja jonë është në rrugën e duhur. Sa i takon pyetjes për kufijtë, ne jemi të bindur që kufijtë duhet të jenë atje ku janë, por mendoj se nuk duhet të jenë një pengesë jo vetëm mes shqiptarëve, por edhe mes vendeve fqinje.

Janë një sërë detyrimesh dhe reformash që duhet të plotësojmë për të përmbushur hapat e duhur.Shumë njerëz mendonin se pavarësia e Kosovës do të ishte shkatërrimtare për rajonin, por rezultoi e kundërta, pasi të mos njohësh Kosovën është nonsens, dhe besoj se një njohje e plotë e Kosovës, nuk është vetëm gjëja e duhur për t’u bërë për një vend, por është gjëja e duhur për rajonin dhe Europën.Sa i takon peytjeve rreth luftës ndaj korrupsionit, unë besoj se korrupsioni dhe krimi i organizuar nuk është diçka kombëtare, por diçka më e gjerë. Ndaj duhet që politika në këtë drejtim të jetë e bashkërenduar. Nevojitet modernizim i agjencive dhe i shërbimeve. Korrupsioni endemik që vuan Shqipëria ka të bëjë më mungesën e shërbimeve, mungesën e shtetit afër popullit dhe në shërbim të tij.

Sa i takon integrimit të Shqipërisë në Bashkimin Europian, mendoj se ministrja e re e Integrimit ka një axhendë ambicioze, dhe do të ketë të gjithë mbështetjen tonë, jo vetëm për dialog mes partive, politikës, dhe shoqërisë, por edhe do të nxisë procesin e integrimit europian. Është e nevojshme që të merren reformat e duhura. Është e nevojshme që reformat t’i marrim së bashku. Do t’i ftojmë të gjithë të marrin pjesë. Do të veprojmë me shpejtësi në procesin e plotësimit të reformave. Për shembull me reformën administrative. Do thoja se problematike në Shqipëri është edhe çështja e pronave. Kemi pronarë që nuk kanë marrë pronat e tyre apo shpërblimet për to. Kemi pronarë të rinj që u janë premtuar legalizimet prej 20 vitesh. Ndërtesat e paligjshme janë kthyer në një epidemi. Kemi qytetarë që punojnë tokat, por nuk kanë një certifikatë për to.

Për t’iu përgjigjur mikes tonë greke, dua të them se politika jonë e jashtme do të thotë të mos kemi asnjë problem me asnjë fqinj, përkundrazi do përpiqemi të zgjidhim çdo problem nga e kaluara. Ne do të luftojmë për një Shqipëri totalisht të orientuar nga politikat europiane. Mjafton të bëni atë që keni bërë deri më tani, ky parlament është shumë i respektuar në opinionin tonë publik, zëri juaj është dëgjuar dhe ju premtoj se do të vazhdojë të dëgjohet edhe në të ardhmen. Ndërsa lidhur me shqetësimin e Ministrit, aleat i Maqedonisë, dua t’i përgjigjem shkurt: Nëse je mik i Maqedonisë, je mik edhe i Shqipërisë.Dhe për të përmbyllur me besimin se i jam përgjigjur pyetjeve tuaja, do të shtoja se do të lëmë pas problemet me fqinjët.

Schultz do të vizitojë Shqipërinë. Rama: Marrim statusin brenda dhjetorit

Pas seancës së pyetjeve në komisionin e Jashtëm të Parlamentit Europian, Edi Rama është takuar me presidentin e PE , Martin Schultz,i cili do të vizitojë shumë shpejt Shqipërinë.

I pyetur se kur pritet që Shqipëria të marrë statusin e kandidatit për ne BE, Schultz u përgjigj: “Folëm për zhvillimet ekonomike dhe politike në rajon. Dëgjuam Edi Ramën për situatën në rajon për zhvillimet politike në Kosovë dhe ndamë pikëpamjet për ndërtimin e paqes në rajon. U kënaqëm për ato që dëgjuam dhe na u dukën inkurajuese. Si president i PE-së, ramë dakord që të kryejmë një vizitë në Shqipëri në kohën më të duhur. E falënderoj zotin Rama.Stefan Fyle po bën të pamundurën për të ndërmarrë hapat e duhura. Është e pamundur të caktojmë dhe parashikojmë afatet. Qeveria e re ka zgjedhur një titull, “Qeveria për Aleancën Evropiane”, mendoj se është titulli është i zgjedhur vendi ka perspektivë të vecantë. Duke e pare edhe ne zhvillimet e fundit rajonale dhe duke pare zhvillimet ne Shqiperi, kam besim se kjo nuk do te zgjase shume”tha Schultz.

Ndërkohë kryeministri  Rama shprehu bindjen e Shqipëria brenda dhjetorit do të marrë statusin e vendit kandidat.Ndërsa u shpreh se Qeveria e re ka mandat për ndryshime, Rama siguroi presidentin e PE-së se do i japë opozitës demokratike ato të drejta që socialistëve iu mohuan.

“Erdhëm në ditën kur u hapën shkollat dhe nuk isha atje,  por erdha këtu si njeri që duhet të bëjë detyrat e Shqipërisë për të marrë vlerësimet dhe për tu bërë pjesë si anëtarë me të drejta të plota. Risigurova presidentin sic sigurova dhe Komisionin e Jashtëm të PE-së ne kemi mandat për ndryshime duke nisur që nga puna jonë për ti dhënë opozitës atë c’ka na mohoi ne. Për të ecur më pas me reformat kundër korrupsionit dhe krimit të organizuar. Jam i lumtur që presidenti i i PE do të vijë të vizitojë Shqipërinë para se të mbarojë mandatin e tij dhe do i japim rezultatet e para të ASHE.Kam besim se filozofia jonë e qeverisjes është e drejta bazuar jo vetëm në atë cka bëjmë që evropiane të njohë progresin tonë, por që progresi ta bëjë Shqipërinë vend evropian. Integrimi evropian nuk është një udhëtim për në Bruksel, por udhëtim në veten tonë për të zbuluar energjinë pozitive dhe për të shndërruar Shqipërinë në vend me standarded evropiane dhe sapo ta bëjmë do të njihet nga Brukseli. Jam i bindur që do të marrim statusin e vendit kandidat brenda dhjetorit”, u përgjigj Rama.

Barroso takon Ramën: E ardhmja e Shqipërisë është në BE, por realizoni reformat

Presidenti i Komisonit Europian Jose Manuel Barroso ka ndezur shpresat për shqiptarët duke deklaruar se vendi ynë ka shanse reale për të marrë statusin e kandidatit për në BE brenda këtij viti, por për këtë ka lënë edhe detyrat e qarta.

Deri në muajin tetor, Shqipëria duhet të ketë shënuar progres real në luftën ndaj korrupsionit dhe krimit të organizuar.

Apeli i drejtëpërdrejtë është bërë fill pas takimit të presidentit të KE-së me kryeministrin Edi Rama.

“Unë mendoj se Shqipëria mund të arrijë statusin e kandidatit këtë vit, por kjo kërkon ende disa përpjekje. Ne e kemi bërë të qartë që për të rekomanduar statusin, Shqipëria duhet të bënte progres në disa reforma dhe hapat e duhura u bënë në reformën në drejtësi, atë të administratës publike si dhe rregulloren e Kuvendit. Fakti që zgjedhjet u konsideruan të lira dhe të drejta, ishte diçka shumë e rendësisme për vlerësimin e progresit. Por në progress raportin e tetorit ne do të marrim në konsideratë aksionet e Shqipërisë për luftën ndaj korrupsionit dhe krimit të organizuar. Nuk kemi kohë, javët e ardhshme janë kritike nëse doni të arrini këtë vit statusin. Gjithçka varet nga çfarë do të bëjë Shqipëria” është shprehur Barroso.

Kreu i ri i qeverisë shqiptare Edi Rama u shpreh tejet optimist duke deklaruar se marrja e statusit brenda këtij viti është një objektiv i arritshëm, duke kërkuar në këtë proces edhe mbështetjen e opozitës.

Megjithatë, sipas Ramës, sfida që duhet të fitojë Shqëpëria është hapja e negociatave për anëtërësim në BE.

“Po ka çështje të mbetura. Procesi i integrimit nuk nis me këtë qeveri. Qeveritë e kaluara kanë bërë sa mundën dhe ne duhet të bëjmë punën tonë. Kemi besim se do të arrijmë objektivin me mbështetjen e KE-së, qytetarëve shqiptarë dhe mbështetjen e opozitës. Besoj se duhet të punojmë fort me objektivin e hapjes së negociatave si moment real kur vendi do të jetë në një nivel të ri mundësish” tha Rama.

Rasmussen:Shihni drejt së ardhmes, jo pas. Rama:Do jemi në lartësinë e NATO-s

 Axhendën e takimeve në ditën e dytë të vizitës zyrtare në Bruksel, Edi Rama e nisi me një takim me sekretarin e përgjithshëm të NATO-s Anders Fogh Rasmussen, i cili porositi kryeministrin e ri të shikojë drejt së ardhmes dhe jo të shkuarës.

“Fakti që ju keni zgjedhur të jeni ketu, në fillim të mandatiti tuaj qevrisës, tregon për vendosmërinë tuaj personal karshi aleancës.  Shqipëria përbën një kontribut të rëndësishëm për NATO-n.  Kjo është një kohë shprese dhe mudësish për Ballkanin Perëndimor. Është një kohë që duhet shfrytëzuar për të ndërtuar të ardhmen dhe jo për të parë të shkuarën. Ne kemi nevojë të punojmë më ngushtë me njëri tjetrin” u shpreh Rasmussen.

Ndërkohë kreu i qeverisë Edi Rama shpreh angazhim se Shqipëria do të vijojë të përmbushë të gjithë detyrimet e anëtarësimit të saj në NATO.

“Shqipëria do të vijë të jetë pjesëtare e kësaj organizate. Na është është dashur një kohë e gjatë për tu bërë pjesë në NATO. Kemi marrë të gjitha përgjegjësitë për të kryer këtë detyre, ne do të bëjmë më të mirën për të mbajtur lart reputacionin e kësaj organizate”, theksoi Rama.

 

ZOTI RAMA, SI KRYEMINISTER MOS KERKO BEKIMIN E ANASTAS JANULLATOSIT

by

NGA ATE NIKOLLE MARKU/

Zgjedhjet parlamentare mbaruan. Ne do t’ju kemi juve kryeminister te Shqiperise  zoti Edi Rama. Ju uroj mbaresi dhe paqe ne punen tuaj, qe do te filloje se shpejti.

Fushata juaj e fundit ne Shkoder  duke permendur shume nga njerezit historike te Rilindjes, me lindi nje deshire per t’ju shkruar ne shtyp. Besoj se cdo kush ne kete komb qe quhet kombi shqiptar, do te bindej per papajtushmerine e kontributit te rilindasve ne dobi te kombit shqiptar, krahasuar me misionin anti shqiptar te Anastas Janullatos.

Deshiren tuaj per ti dhene titullin qytetar nderi i kryeqytetit, kur ishit kryebashkiak, po e anashkalojme si nje mungese informacioni ose si nje gabim politik, qe fare mire mund ta korigjoni ne te arthmen. Qendrimet tuaja per disa ceshtje teper delikate si, ujrat detare etj, te lene te kuptosh se ju po beheni koherent me ate cka ndodh nen rrogoz ne dem te Shqiperise. Une besoj se, ju nuk do te perserisni gabimin historik ndaj Janollatosit ,duke i afruar nje agjenti te asfalise greke dhe nazisteve greke respekt si kryeminister i Shqiperise.

E ndiej si detyre ndaj kauzes te ortodoksise pavarur, por dhe si njeri i thjeshte, te mbroj kombin shqiptar nga cdo sulm apo deshire per ta zhdukur dhe tjetersuar historine e vertet. Pikerishte, per kete arsye madhore, po ju kujtoj dhe njehere se cfar demi po ndodh ndaj kombit shqiptar nga Anastas Janullatos, ky gozhde Nastradini, me nje mision kunder jugut te Shqiperise dhe ne teresi ndaj kombit shqiptar.

Zoti Rama. Ju e dini shume mire se Shqiperia nuk ka vetem rilindas nder shekuj por ka dhe martire, qe per ceshje jetike te atdheut dhe kombit, jane sakrifikuar me jeten e tyre, kisha ortodokse Shqiptare ka nje statistike te gjate martiresh. Si mund te lutem perpara altarit te kishes per  Kristo Negovanin, Dhaskal Todhrin, Petro Luarasin, Fan Nolin, Visarjon Xhuvanin etj, kur ne krye te kishes ortodokse Shqiptare qendron Anastas Janullatos, nipi i atyre qe gatuan helm dhe gjak kunder martireve ortodokse shqiptare, martire qe endrra e tyre ishte qe kisha te ishte e pavarur dhe te meshohej Shqip.

Ne fjalen tuaj ne Shkoder, ju permendet priftin legjendar dom Simon Jubanin. Dikur ne fillimet e demokracise, ju keni patur mardhenie politike te nje niveli shume pozitiv me priftin Simon Jubani. Le ti bejme nje pyetje vetes sone. Po te ishte gjalle dom Simon Jubani, cfar qendrimi do te mbante ndaj Janullatosit? Shume te burgosur politike qe kane jetuar me te ne burg, kane nje konsiderate te larte per shkak se, ky prift i pamposhtur ishte nje atdhetar i pakompromis.

Zoti Rama. Besoj se, kur behet fjale per varreza te ushtrise Greke(varreze memorial), nuk eshte problemi per te respektuar djem nenash qe kane humbur jeten per atdheun e tyre por, per interpretime te deshmoreve ne Vorio-epir. Nje politike e mirfillte me eshtra njerezish, nuk njihet ne historine e njerzimit pervec  Janullatosit qe frymzon dhe mbeshtet plane fantazmash.  Ishte pikerisht Janullatos qe nuk organizoi asgje per  njeqind vjetorin e pavarsise sepse, per te nuk ka Shqiperi te pavarur, por ka vetem Vorio-epir dhe Serbi. Besoj se, ju e kuptoni se cfar kuptimi ka kur kreu i kishes ortodokse shqiptare meshon greqisht dhe aq me teper ne institucione nderkombetare flet greqisht, nenkuptimi eshte i qarte.

Financimi dhe ndima qe jep per ndertim kishash, nje dite do ti paguajme shtrenjte sepse, pothuaj asgje ne kete bote nuk behet per hir te Zotit, te pakten nga ky person. Janullatos ka treguar qe pas financimeve vjen gjuha greke me imponim, ndryshimi i emrit, ndryshimi i kombesise, percaktimi i territorit, aty ku nuk ka greke etnik sic nuk jane etnik dhe greket ne disa fshatra te Shqiperise.

Zoti Rama. Anastas Janullatos, asnjehere nuk ka ndihmuar kur kane ndodhur spastrime te refugjateve shqiptare nga Greqia. Ai kurre nuk bisedoi me kishen Serbe  qe ajo te heqe dore nga spastrimet etnike dhe konfliktet artificiale, qe mbjell ne Mitrovice e gjetke dhe aq me teper te lutet per shqiptaret e zhdukur ne Kosoven martire . Ju kerkua nje meshe per viktimat e genocidit grek ndaj shqiptareve etnike te Camerise dhe Janullatos nuk e mbajti. Per cfar eshte ky njeri ne Shqiperi? Per  te na ndihmuar? Veprimtaria e tije eshte tregues i qarte i misionit Vorio-epir.  Sigurisht qe e mbeshtet organizata agjenture  Omonia dhe politikani me kulture dhe i edukuar me thike pas shpine Vangjel Dule.

Zoti Rama. Jam koshient per pergjegjesine tuaj ndaj ketyre emrave, si dhe per ekuilibrat qe ti dikton koha, ekuilibra qe kerkojne  ti ruash dhe ti mbash per nje Ballkan ne paqe dhe harmoni. Anastas Janullatos ka pas vetes shtetin Grek, shtet kaq te perkedhelur nga Anglo-Sanksonet. Nje mushkonje ta piskoje ne Shqiperi Janullatosin dhe shteti Grek e kthen ne predhe kunder lirise e brockullave hipokrite qe perdorin kunder vendit tone.

Zoti  Rama,injorojeni prezencen e Janullatosit si klerik i fese. Janullatos vetem njollos veprimtarite e shtetit dhe institucioneve shqiptare me prezencen e tije. Aty ku ndodhet ai, eshte prezente asfalia Greke dhe kriminelet e Vorio-epirit.

Mos pranoni bekim nga Anastas Janullatos sepse, do te njollosni amanetin e heronjve te kombit shqiptar por sidomos atyre ortodokse qe per nje kishe te pavarur kontribuan gjithe jeten, mos harroni se ata ishin rilindas. Mos pranoni bekimin e tije sepse  do ti vini qeverise tuaj te ardhshme nje dyshim negativ per orientimin e saje qeverises. Thjeshte zoti Rama injorojeni Janullatosin si njeri qe misionit te tije anti shqiptar dhe aspak fetar, i ka dale boja perfundimisht.

KISHA ORTODOKSE PAVARUR KOMBETARE SHQIPTARE SHEN MARIA ELBASAN

ATE NIKOLLA MARKU

Lulzim Basha: Rama dështoi, kthehemi të shtunën në Parlament

by

Kryetari i PD Lulzim Basha ka garantuar se deputetët demokratë dhe aleatët e tyre do të jenë ne Parlament të shtunën për ti kujtuar Kryesocialsitit çdo përgjegjësi dhe premtim të trumbetuar gjatë fushatës. Në një komunikim me mediat pas një takimi të zhvilluar me grupin parlamentar dhe kryetarët e partive aleate, Basha tha se largimi i sotëm nga Kuvendi ishte një përgjigje civile e opozitës kundër gjuhës së urrejtjes dhe mllefit të Kryesocialsitit Rama.

“Ndërsa pritej të prezanonte programin, në mënyrë të papreçedentë Kryeministri përdori foltoren e parlamentit për të lançuar një gjuhë urrejtje ndaj opozitës. Ky nuk është një akt i izoluar por vjen në vazhdimësi pas vendimit të djeshëm për t’i mohuar opozitës transparencën e programit. Nga njëra anë kemi të bëjmë me një mendësi të vjetër, por që rikthehet fuqishëm, si i vetmi aspekt i Rilindjes. I siguroj qytetarët shqiptarë se PD mbetet tërësisht e përkushtuar ndaj kauzës së tyre legjitime, për të dëgjuar çdo moment llogaridhënien transparente nga zgjedhjet. Për të marrë në mënyrë të plotë përgjigje që janë në vëmendjen e gjithsekujt. Se kur, si, dhe sa vende pune do të krijohen në muajt në vijim, sa kushtojnë legalizimet falas, sa është fatura për shëndetësinë falas dhe kur do të fillojë? Se si 95% e shqiptarëve do të lirohen nga barra e taksave, sa është kostoja dhe kush do ta paguajë, kur do të hiqet TVSH për shportën bazë, etj?”- theksoi Basha.

Sjelljen e sotme të Kryeministrit të ri, Basha e cilësoi si të vetmen alibi për tu ikur përgjegjësive dhe premtimeve të bëra në fushatë.

“Ishte e vetmja alibi për ti ikur asaj që sot priste gjithë Shqipëria, programin, objektivat, shpjegimin e rrugës sesi do të arrihet deri aty. Grupi parlamentar i PD refuzon këtë gjuhëurrejtje, por në asnjë mënyrë kjo nuk duhet të merret si bojkot. Sot ai dështoi plotësisht në paraqitjen e programit qeverisës, ai ia doli vetëm të kthejë në skenë gjuhën e mllefit, urrejtjes, përbaltjen e kundërshtarit politik. Kjo gjuhë nuk do të tolerohet më nga PD dhe aleatët e saj. Të shtunën grupi paralmentar i PD do të zbërthejë një nga një dështimet spektakolare të dhe do kërkojë përgjigje për të gjitha çështjet, pyetjet e mohuara sot me aktin e ulët të tij në foltoren e Kuvendit” deklaroi Basha.

Por ndërsa largimin e sotëm të opozitës e konsideroi një akt civil në përgjigje të provokimit nga Kryeministri Rama, Basha garantoi se PD dhe aleatët e saj nuk do të tolerojnë me asnjë veprim të këtij lloji, duke paralajmëruar se çdo akt tjetër provokimi do të marrë përgjigje proporcionale dhe të plotë.

“Duke i ikur me turp përgjegjësisë ai zgjodhi të provokonte opozitën. Pasnesër do ta na ketë përballë për ti kujtuar se ka përgjegjësi për premtimet e bëra, s’do ti japim qetësi asnjë minutë, sikundër s’do lejojmë gjuhën e urrejtjes. Sot mori përgjigje civile, nëse kjo do të vazhdojë nesër do të këtë një përgjigje proporcionale” përfundoi ai.

 

Rama prezanton programin e qeverisës në Parlament,PD paralajmëron betejë opizitare

by

Berisha i pari dhe pastaj deputetet e PD dhe aleatet, përveç Dashamir Shehit dhe Gjovalin Kadelit bojkotuan seancën…/

Mirëkuptimi mes mazhorances dhe opozitës ka marre fund qe ne seancën e trete te kësaj legjislature. Prezantimi i programit qeverisës nga kryeministri i mandatuar Edi Rama nisi qetësisht me një krahasim te ngjarjes tragjike te 11 shtatorit dhe sulmeve terroriste qe Rama e përdori për te theksuar vendosmërinë e qeverise se re për te qëndruar ne krah te shteteve te bashkuara ne çdo front lufte. Por pas 20 minutash kur Rama i kujtoi PD sot ne opozite se ka ne krye një njeri jashtë parlamentit ashtu si PS ne opozite, situata ne salle u acarua dhe demokratet e akuzuan si gënjeshtar kryeministrin e mandatar. Pas kësaj Berisha i pari dhe pastaj deputetet e PD dhe aleatet, përveç Dashamir Shehit dhe Gjovalin Kadelit bojkotuan seancën. Pavarësisht bojkotit te opozitës kryeministri Rama deklaroi se shumica do te respektoje pakicën. Për rreth 60 minuta Rama shpalosi para deputeteve programin prej 43 faqesh për vizionin e tij për Shqipërinë e 4 viteve te ardhshme, duke përsëritur premtimin për legalizim dhe shërbim shëndetësor falas, për lufte ndaj korrupsionit e taksim te ndershëm, për rritjen e cilësisë se arsimit dhe shërbimeve te tjera. Fenomeni i bojkotit ka qene pjese e pandashme e jetes parlamentare pasi përveç parlamentit te dale nga zgjedhjet e vitit 1992 dhe 2005, 6 legjislaturat e tjera kane vuajtur fenomenin e braktisjes se punimeve te parlamentit nga opozita.

Sikundër në dy seancat paraardhëse edhe në të sotmen trupa diplomatike e Ambasadorëve rezidentë në vendin tonë kanë qenë aty, në llozhat e Kuvendit për të ndjekur nga afër fjalimin e parë të Kryeministrit, por dhe për tu njohur me programin e qeverisë.

Me Kryeministrin e ri dhe Ministrat të pozicionuar tashmë në vendet e tyre përkatëse, deputetët dhe gjithë të pranishmit, Kryeparlamentari Ilir Meta e nisi seancën, të parën pas marrjes së detyrës një ditë më parë, me betimin e deputetit dhe ish-ministrit të Financave Ridvan Bode, për shkak të mungesës së tij të martën.

Fillojmë seancën e ditës së sotme, e cila si cështjen e sotme ka prezantimin e programit politik dhe përbërjen e Këshilit të Ministrave në vijim dhe të dekreteve të Presidentit të Republikës të cilat janë para jush. Para se të vijojmë me rendin e ditës, ku kemi zhvilluar dhe me krerët e grupeve parlamentare. Do të ftoja deputetin Ridvan Bode për të bërë betimin. Do kemi kohën deri nesër në orën 00:00 për të dorëzuar pyetjet në lidhje me programin që qeveria të përgatitet. Seanca që do të vijojë me debatin që do të zhvillohet të shtunën në orën 10:00”, tha Meta.

Menjëherë pas kësaj Meta i ka dhënë fjalën Kryeministrit të ri Edi Rama. Ky i fundit e ka nisur fjalën e tij duke përkujtuar ngjarjen e 11 Shtatorit në Shtetet e Bashkuar, ku shprehu dhe njëherë vendosmërinë për të mbështetur çdo veprim që Presidenti amerikan do të ndërmarrë për përmbysjen e regjimit të dikatorit të Damaskut.

‘Jetojmë në një luftë të re, ndoshta në një formë të re, ku armiku shfaqet herë si profet e herë si ushtar, herë si martir, e herë si turmë. Të vrarët e 11 shtatorit janë edhe të vrarët tanë. Është një luftë që për aq sa sa na takon, të madhësisë dhe peshës sonë gjeografike apo ushtarake, ka qënë dhe mbetet edhe lufta jonë. Ne do të jemi përkrah Amerikës kudo që kjo luftë ta kërkojë, sepse ky armik ka dalë nga errësira më e thellë jo për të goditur një popull më vete, por për të shkatërruar krejt ekzistencën sonë, ku liria s’mund të jetë e përhershme nëse mbrojtja nuk është e përditshme. Ja pse dua ta përsëris sot prej këtu që pas barbarisë kimike në Damask, si unë, ashtu si dhe e pohoi edhe paraardhësi im, Shqipëria mbështet pa asnjë ngurrim çdo veprim që Presidenti amerikan do ndërmarrë”tha ai.

Rama ka sjellë edhe njëherë në vëmendje zgjedhjet e 23 qershorit, ku teksa hodhi sërish paralele me 1992, Kryeministri deklaroi se edhe në qershorin e 2013 Shqipëria nuk u nda në dy blloqe, por përmes një blloku masiv vulosën ndryshimin. “Me besim ndaj çdo zgjedhësi të opozitës, e ftoj kryetarin e Kuvendit të vigjëlojë për të mos lejuar vazhdën brutale të nëpërkëmbësjes së opozitës; e ftoj të dijë se koha e fyerjeve dhe batutave nga ajo lartësi, ka mbaruar. Nuk kemi ardhur këtu për t’i treguar opozitës ku e ka kokën, por për t’i ngritur kokën. 1 milionë njerëzit që na votuan nuk na votuan për të në ndarë në humbës e fitues”theksoi ai.

“Po bëhet çerek shekulli që nga 1990 kur nuk ka fije dyshimi se që atëherë kanë ndryshuar shumë gjëra falë dhuntive të njerëzve të këtij vendi po pse jo, edhe të atyre njerëzve të mirë që kanë punuar në detyra shtetërore, për ndërtimin e një shteti demokratik, që rezultoi shumë më vështirë se atëhërë kur thërrisnim “E duam Shqipërinë si gjithë Europa. Pasqyrë të historisë së re nuk dua t’ua vendos përpara të humburve të 23 Qershorit; nuk është qëllimi dhe as vizioni im që të marr kohën e humbur të shqiptarëve duke i bërë karshillëk, opozitës. Unë besoj se shqiptarët votuan për t’i dhënë fund edhe këtij karshillëku. Pasqyra e historisë së re na vlen më shumë se ne, se kjo fitore njësoj si ajo e 22 marsit, nuk e përforcoi dëshira për të marrë ato karrike! Jo! Përmasën historike të fitores sonë e përforcoi nevoja për ndryshimin e modelit qeverisës. Ndaj ja pse sot e marr detyrën e lartë me përulje. Ja pse vij me vullnetin për të përmbajtur çdo lloj shprehje arrogance ndaj opozitës, çdo lloj përbuzjeje, vij për t’i thënë opozitës se marr përsipër t’i them se asaj nuk do t’i mungojë ajo që na mungoi neve në opozitë. Bashkëjetesa nuk varet nga mënyra në biem dakord, por sepse si e gjykojmë dakrotësinë; duke respektuar kundërshtarin, apo duke parë tek ai armikun. Me besim ndaj çdo zgjedhësi të opozitës, e ftoj kryetarin e Kuvendit të vigjëlojë për të mos lejuar vazhdën brutale të nëpërkëmbësjes së opozitës; e ftoj të dijë se koha e fyerjeve dhe batutave nga ajo lartësi, ka mbaruar. Nuk kemi ardhur këtu për t’i treguar opozitës ku e ka kokën, por për t’i ngritur kokën. 1 milionë njerëzit që na votuan nuk na votuan për të në ndarë në humbës e fitues”vijoi Kryeministri.

Dhe pse nuk ishin shënuar 20 minuata fjalim, opozita ka dhënë shenjën e pare të mërzitjes, si për t’iu imponuar Kryeministrit që të kalojë direkt në prezantimin e programit. E ndërsa nuk ja ka arritur të ndërpresë fjalimin e Ramës, fillimisht Berisha, ndjekur nga Topalli, e me radhë deputetët e tjerë të opozitës kanë lënë parlamentin.

Teksa mediat ishin pozicionuar në dalje të parlamentit, Kryeministri i dorëhequr Sali Berisha, tashmë deputet i PD, deklaroi se mazhoranca e re dje i shpalli luftë, duke paralajmëruar se do i ketë ditët e shkurtra. Ne erdhëm këtu me vullnetin e mirë, tha më tej Berisha, por krahasimi i 23 qershorit me marsin e ’92  është një hakmarrje.

“Në dëgjojë një retorikë të ulët. Me sharje dhe fyerje ndaj pozitës mendon se do të mundë të kapërcejë premtime alla Papandreu me të cilat mashtroi dhe mori votën e shqiptarëve. Vetëm me mashtrime publike për shërbim shëndetësor falas, për dëmshpërblim brenda dy viteve të të përndjekurve, për legalizime falas, për ulje të taksave për 95% të shqiptarëve. Në këto rrethana. Nuk kishte hapësirë për të ndjekur ligjeratën paranojave, banale të një piktori dështak që sot flet në emër të qeverisë. I rikujtoj zotërisë se sot janë dy data. 11 shtatori që nderon gjithë njerëzimi viktimat e Nju Jorkut, por dhe 11 shtatori i Pinocetit. Moralisht shprehu nderim për të parim, por në shpirt kishte të dytin. Ne erdhëm këtu, por Rama na shpalli luftë. Ajo që mazhoranca bëri ishte e paparë, nuk ndodh dhe në Korenë e Veriut që diskutimi të behet pa e marrë materialin dhe pa i dhënë qoftë një ditë të vetme. Nëse vijohet ne këtë mënyrë dëshmohet se etërit janë aty. E dëgjuat krahasimin me vitin ‘92, kjo është hakmarrje. Por në këtë rrugë do i ketë ditët e shkurtra. Demokratët nuk mposhtën, pasi demokratët janë të pathyeshëm”, u shpreh ai.

Shehi, Kadeli, Muhedini ndjekin fjalimin e Ramës

Në karriget e boshatisura të opozitës kamerat fokusuan aleatët Dashamir Shehu (kreu i LZHK), deputetin e PDIU-së Tahir Muhedini dhe Gjovalin Kadeli, të cilët vendosën të mos largohen nga salla.

Ndërkohë që opozita doli nga salla, Kryeministri Rama vijoi fjalën e tij pa ndërprerje, duke premtuar  miratimin e kodit etik që në mbledhjen e parë të qeverisë. Ndërkaq teksa ka nisur me prezantimin e programit, Rama shpalli si armiq varfërinë dhe papunësinë, duke u zotuar se brenda këtij mandati premtimi për hapjen e 300 mijëve vendeve të reja të punës, sikundër dhe premtimet e tjera për shëndetësinë, furnizimi i qyetarëve me ujë të pijshëm, legalizimi falas i shtëpive falas do të bëhet realitet.

Ne do miratojmë Kodin Etik që në mbledhjen e parë të Qeverisë, për të qëndruar në detyra me nderin dhe dinjitetin që shqiptarët menduan se do kishin kur na dhanë 1 milionë vota. Ata duan të qeverisen nga pushteti i shembullit.Armiqtë tanë nuk janë në këtë sallë apo jashtë saj, por përballë nesh: varfëria dhe papunësia. Ne do të luftojmë kundër varfërisë së aspiratave dhe do ushqejmë aspiratat. Shqipëria e gjysmës së rinjve analfabetë funksionalë ka mbetur shumë prapa. Shqipëria, e paujë në mes të Europës, ëhstë viktimë e atyre që e kanë harruar duke qeverisur. Ne nuk do i tradhtojmë ata. Ne do jemi kudo me njerëzit dhe për njerëzit për Shqipërinë europiane. Jemi zotuar se do krijojmë 300 mijë vende pune. Do gdhihemi dhe ngrysemi për t’ia dalë, që Shqipëria të jetë jo tunel, por hapësirë mundësisht. Unë dua të ndaj me ju se në mbyje të këtij mandati, do jetë mbyllur edhe odisedaj e etjes për ujë. Nuk tundemi nga zotimi për të përmbushur premtimin për legalizimet, siç ua kam premtimin njerëzve.Ne do legalizojmë shtëpi, por vila në bregdet dhe ndërtime të paligjshme për biznes. Nëse të varfërve që erdhëm këtu nga humbëtirat e Shqipërisë, nuk do t’u këkrojmë lekë, por vetëm ç’ka është e ligjshme, kurse zengjinëve të së paligjshmes do t’u japim faturë të kripura.Mësuesi, mjeku, polici do jenë tri figurat kyçe për rimëkëmbjen e ardhshme. Nuk do jenë më doganierë e tatimorë – ushtarë të partisë; ata do zëvendësohen me profesionistë”tha ai.

Biznesi, Rama: Kapitull i ri, partneritet

Do të hapet menjëhërë një kapitull i ri në marrëdhëniet me biznesin, që nuk do jetë kundërshtari ynë, por partneri ynë dhe do jemi të hapur dhe ruajalë me të.

Rama: Do te themelojme sherbimin kombetar shteteror për shëndetësinë
Unë i qëndroj plotësisht zotimit që kemi marrë. Do themelojmë Shërbimin Kombëtar Shtëtëror që do ta afrojë shërbimin falas. Ai nuk është “sadaka”, por shërbim nga shteti që e afron në rrugë alternative. Shëndetësia kushton, por kush paguan? Jo ata që nuk kanë, por gjithë shoqëria për ata që s’kanë. Ne do t’ia marrim spitalet korrupsionit e do t’ia kthejmë njerëzve. Debatin në bëhet a s’bëhet ne do ta vazhdojmë pas katër vjetësh mu në sheshin e spitalit “Nënë Tereza”.

Rama: Reforma në arsim, “fre” pranimeve pa kriter në Universitete
Do të jem gati po ashtu të dal pas 4 vjetësh para çdo mësuesi e nxënësi për t’u thënë që koha e Kryeministrit që u futet me pahir në oborr apo i merr në mitingje, është një ëndërr e keqe që mori fund në 23 qershor. Jemi zotuar t’i kthejmë shkollës, lirinë, solidaritetin mes mësuesve, prindërve e qeverisë. Kemi gati projektin për të nisur tabletat elektronike që do zëvendësojë librat dhe dërrasat e zeza për të zmbrapsur lumin pa kriter në dyert e universiteve. Do fillojmë kulturën e madhe të edukimit përmes kulturës dhe sportit.

Toka, Rama: Do zbatojme ligjin 7501
Do të zbatojmë ligjin 7501 për tokën, por jo duke e zvarritur atë pa fund. Po ashtu, nuk do vazhdojmë pa fund me premtime për kompensione e legalizime. Ky ëhstë momenti për ta thënë, përmes interesit të vendit dhe interesit për t’u rizgjedhur, unë zgjedh të parin. Jemi zotuar të ulim kostot e ushqimeve bazë. Ndaj, çdo fermer që rropatet për tokën do ta kthejmë në aleatin tonë dhe ne do t’i kushtojmë fshatit, energjitë që s’i janë kushtuar në 20 vjet sëbashku.

Rama: Audit për financat, do binjakësojmë INSTAT-in
Do të auditojmë urgjentisht, “xhepat e shtetit” dhe do të binjakëzojmë INSTAT-in, që shifrat të mos i nxjerrë zyra e Kryeministrit, por kemi nisur bashkëpunimin me misionin e FMN-së. Po përgatitemi të komunikojmë me FMN-në për të parë sesa e thellë është kriza dhe si t’i përgjigjemi asaj.

Rama: Integrimi jo përmes propagandave, por demokratizmit të vendit

Nuk dua t’i ul pritshmërinë, njerëzve, por t’i përgatisim ata. Ne do kalojmë nga integrimi i Shqipërisë si propagandë, në europianizimin real të Shqipërisë. Unë mbështes opozitën në reformat  pa kushte që thotë, lidhur me integrimin. Procesi i integrimit është shumë më tepër se vandakët e letrave të këtij Kuvendi. Po ashtu, NATO nuk është medalje, por përkatësi në botën e demokracisë të çdo dite. Të jesh pjesë e kësja bote me NATO dhe BE do të thotë të ndash me të tjerë parimet. Shqipëria ka shumë më tepër ligje se 8 vjet më parë, por jo ligjshmëri. Krimi ka marrë përmasa të papara. Kur hapim tv, vrasjet na duken si film i vjetër, kurse vjedhjet s’na bëjnë më përshtypje. Armët janë bërë si celularët, janë kudo në shkollë e klube, vetëm se nuk mbahen në dorë aq dukshëm për të nisur sms. Nëpër fshtra grabiten shtëpi e dhunohen njerëz, kurse inspektorët e policisë mbyllin sytë. Po bie Kruja, po tretet Gjirokastra, po rrënohet Berati si një makth. Ky makth duhet të mabrojë. Do të riorganizojmë Policinë e Shtetit e do ta kthejmë në krye të detyrës. Si asnjëhërë tjetër, deputetët kanë dy kohë për ta lexuar këtë Program. Unë nuk desha të lexoj Programin voluminoz, por përmblodha boshtin e tij, që të mos i mërzis dhe ata që na ndjekin. Ka dhe shumë të tjera për të thënë këtu, si reformimin e TVSH-së,  projektin e integrimit social përmes punësimit, statusin e veçantë për disa kategori, si ish-të përndjekurit,veteranët, ish-ushatarakët… Politika e jashtme, Rama: Bashkepunim me Kosoven
Po ashtu, ne kemi shumë për të mësuar nga shtet vetëm 5-vjeçar si Kosova, mjaft të shohësh policinë e tyre, sjelljen e ambasadorëve, spitalet e tyre. Prapambetja e tyre ishte falë një armiku, kurse e jona falë mungesës së aspiratave. Do t’i adresoj menjëhërë kryeministrit të Kosovës, vizionin tonë të ri.

Në përfundim të fjalimit, Rama u shpreh i sugurtë se opozita do ta lexojë me kenaqësi programin, ndërsa premtoi se do t’i dëshmojë me vepra se çdo të thotë ta mirëqeverisësh vendin.

“Opozitës do t’i tregojmë me vepra se çdo të thotë ta mirëqeverisësh këtë vend. Shqipëria ëhstë Atdheu, kurse Europa e ardhmja jonë. Unë nuk do t’i kërkoj opozitës të na votojë, por do ta falenderoj për kënaqësinë që PD-ja do ta lexojë me kënaqësi të madhe dhe pasion të veçantë, programin tonë. Kjo do të na ndihmojë dhe do të na mbajë gjithnjë zgjuar në humnerën e vetëbesimit. Dua të nënvizoj fort se ndryshimi nuk do vijë brenda një nate apo një viti, por puna për rilindjen nuk do reshtë asnjë minutë dhe rilindje do të jetë,” – përfundoi Rama.

Ndërkaq me mbylljen e fjalimit, fjalën e rimori drejtuesi i seancës parlmentare, zoti Meta, ku si për të ç’tensionuar situatën ftoi deputetët e opozitës dhe mazhorancës ti përmbahen rregullores dhe të shmangin konsideratat politike ndaj njëri- tjetrit në shërbim të interesave të vendit.

“Seanca e radhës do nisë me përgjigjet e pëyetjeve nga Kryeministri dhe ministrat, na duhet lista e diskutantëve në përputhje me rregulloren. Dua të siguroj përfaqësuesit e opozitës se sikurse u bënë tërë përpjekjet për t’u dhënë kohën që të studiojnë Programin, sipas rregullores dhe për t’u shprehur në debat, i ftoj të gjithë të vijojnë përpara në respekt të rregullores, sepse jam i bindur se nuik i ndryshojmë dot konsideratat politike, por e kemi për detyrë të dëgjojmë me respekt njeri – tjetrin dhe të mos e ndërpresim. Jam i bindur se do të bëjmë më të mirën tonë“-tha Meta.