Nga Mimoza Dajci /Fotot Aleks Nilaj/
Eshte bere tradite tashme qe edhe ne Bronx te organizohet nga politikanet, qytetaret e ne menyre te vecante nga femijet ndezja e dritave te pemes se Krishtlindjve dhe vendosjes e ndricimit te Menorah-s. Kete fundviti ishin Senatori Jeff Klein, perfaqesuesi i Bashkise se New Yorkut James Vacca dhe Assemblyman Z. Mark Gjonaj qe se bashku me plakun e vitit te ri gezuan femijet me ndezjen e dritave ne pemet perqark ketij qyteti qe po mer dita dites nje zhvillim e hov te madh.
Me veladonin e kuq mbuluar me boren e sjelle nga malet Santa Claus hipur mbi sliten terhequr nga kuaj te bardhe i ftonte vogelushet e banoret perqark te festonin sebashku ndezjen e dritave te Krishtlindjve. Shume lodra e dhurata te ndryshme u ndau ai vogelusheve, te cilet edhe pse ne mot te ftohte e priten me kenge e hare babagjyshin e tyre te dashur.
Pak dite me pare edhe ne lagjen Pelham Parkway ne Bronx ishin mbledhur qindra qytetare, prinder me femijet e tyre e te moshur, perfaqesues te politikes e shoqerise civile per te ndare mes tyre kete gezim tradicional. Prania e politikaneve mes banoreve ne fund te cdo viti tregon mbeshtetjen qe shteti dhe politika i jep qytatarit te saj per te pasur festa gjithnje e me te begata.
Atmosfere feste kudo. Rruget e zbukuruara me simbolet e krishtlindjve. Edhe vitrinat e dyqave shendrisnin nga dekorimet e rastit, e gumezhinin nga zerat e femijeve te cileve me shume se kurre kerkojne te blejne lodrat e tyre te preferuara.
Nje artopalant i vendosur ne makinen e Z. Gjonaj oshetinte me tingujt e muzikes se krishtlindjeve, ndersa perpara tij printe slita me kalores babagjyshin e dhuratave.
– Erdhi Santa, erdhi Santa Claus – therrisnin te gezuar femjet.
Brohoritje e emocione solli ky moment tek cdo i pranishem ne kete aktivitet kulturor e tradicional.
Dhjetori eshte i muaj e dy festave te fundvitit – Krishtlindjeve e nderrimit te viteve. Data 25 shenon festen e Krshtlindjeve, dhe ne kete date dita fillon e mer nga nata. Dite te shenuara keto qe festohen ne te gjithe rruzullin tokesor. Data 25 dhjetor shenon festen e Krishtlindjeve, dhe ne kete date fillon edhe zgjtja e dites qe mer nga nata. Kjo feste sjell jo vetem emocione te gezueshme, por edhe nje pozitivitet mes familjareve. Njerezit behen me te qeshur e me komunikues mes tyre e rrethit shoqeror. Prindet e femijet i ben te lumtur e me te respektuar ndaj njeri tjetrit.
Ne Pelham Parkway me ftese te Z. Mark Gjonaj moren pjese edhe shume shqiptare mes tyre edhe poetja e humanistja e njohur Znj. Rita Saliu. Kishte bere rruge te gjate qe nga Bostoni, me trena e autobuse per te qene prane vogelusheve e qytetareve ne Bronx ne kete eveniment qe bashkon gezime te papershkruara. Kishin ardhur gjithashtu edhe lider te njohur te komuniteteve te ndryshem Edith Blitzer, Joseph Thompson etj.
Shume aparate u shkrepen e shume foto u realizuan, shume kujtime u hodhen edhe ne kujtesen e vogelusheve te cilet kendonin te qeshur kengen per Santa Claus e Krishtlindjve.
Senator Klein dhe Assembyman Z. Gjonaj pasi pershendeten pjesemarresit dhe i falenderuan qe ishin sebashku ne kete mbremje festive filluan numerimin per ndezjen e dritave. Dhe ja casti i shume pritur erdhi. Dritat nen ngjyrat e ylberit u ndezen, vendi perqark ndricoi si nen nje prozhektor te forte ku me teper binte ne sy pema e gjelber me dritat e zbukurimet e saj dhe Santa Claus qe u ndante lodra vogelushve, embelsira dhe karamele ne formen e bastunit te tij magjik.
Festa vazhdoi deri vone ku femijet kenduan e kercyen rreth bredhit te gjelber.
Dhjetor 2013