Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NISI RRUGETIMIN SHKOLLA SHQIPE NE TAMPA, FLORIDA

by

 

2 shkolla Tampa

14141608_1087537364664754_9091786735511974764_n

14202522_1087528884665602_7329198973231877509_nTe Shtunen me 3 Shtator 2016 nisi rrugetimin Shkolla Shqipe ne Florida, nje sipermarrje patriotike e deges se Vatres ne Tampa, Florida.Urime me te mira per nxenesit dhe mesuesit!

Federata Vatra e pergezon degen e Vatres ne Tampa dhe grupin nismetar per kete nisme dhe i jep mbeshtetjen dhe do ta suportoje me te gjithe mundesite. Nga qendra u nisen per kete shkolle materialet e para shkollore perfshi Abetaren e njesuar dhe fletet e punes, por se shpejti presim nje furnizim me te plote nga Bashkia e Kamzes, e cila edhe me pare e ka ndihmuar Vatren per te mbeshtetur shkollat shqipe qe jane hape me mbeshtetjen e Vatres ne Shtetet e Bashkuara te Amerikes.

Me kete rast falenderojme edhe Konsullaten e Republikes se Kosoves ne Nju Jork, e cila ka ndihmuar degen e Vatres ne Jacksonville, Florida, e hapur vitine  kaluar.

Do te donim qe edhe Shqiperia, me institucionet e saj arsimore dhe diplomatike ketu ne SHBA, te behej e gjalle per te dhene kontributin qe i takon.

Nga ana  e saj, Dega e Vatres ne Tampa, ka percjelle nje komunikate te shtunen me rastin e hapjes se Shkolles Shqipe atje. Po e percjellim:

Shkolla Shqipe Vatra u inagurua sot me sukses. Falenderojme të gjithe bashkeatdhetaret qe me pjesemarrjen e tyre e bene kete event me mbreselenes. Falenderojme mesuese Zj. Yllka Bejo qe me aktin e saj patriotik po ndjek gjurmet e Nene Terezes, “Cfare te jap une per Kombin, jo cfare të japi Kombi per mua” u shpreh Zj. Bejo. Nje thenie shume domethenese qe na frymezon të gjitheve. Nje falenderim të vecante per Z. Martin Marra per kontributin e tij dhe qe ndjehet krenar ne mesimdhenien e gjuhes Shqipe femijve tane. Hapja e Shkolles nuk do behej e mundur pa kontributin e pashtershem te Z. Tasim Ruko, Z. Isuf Spahiaj, Zj. Greta Monty, Z. Jason Sulisufaj, Z. Arian Kushta. Z. Piro Poloska, Z. Lulezim Nurka l, Z Mario Mihaj dhe Zj. Zamira Rubjeka. Falenderojme per kontributin material dhe moral të Z. Ed Sucaj , Z. Fadil Shehu, Z. Fadil Neziri, Z. Ari Abdi, Z. Hasan Rubjeka dhe Z. Lander Lena qe gjithmone perkrah cdo aktivitet patriotik. Falenderojme nenat Shqiptare ne Diaspore qe ushqejne Shqiponjat me dashurine per gjuhen dhe Kombin. Jemi mirenjohes të gjithe dashamiresve qe me urimet na inkurajojne të punojme me shume. Jemi mirenjohes Vatra NY per materialet dhe deget te Vatra Orlando, Vatra Michigan, Vatra Queens dhe Vatra Jacksonville. Zoti e bekofte Shqiperine dhe Bijte e saj kudo qe ndodhen!

ME 3 SHTATOR HAPET SHKOLLA SHQIPE NE TAMPA, FLORIDA

by

Me 3 shtator 2016 do te filloje shkolla shqipe ne Tampa, Florida, nen kujdesin e Deges se VATRËS Tampa-Clewater. Dje nga Selia e Vatres ne Nju Jork,i nisem abetaret e fletoret e punes.Suksese!

Nderkohe shkolla shqipe ne Queens , n’en drejtimin e z. Kristaq Papa, qe ka mbeshtetjen e deges se Vatres ne Queens, njofton shqiptaret e zones te paraqiten per te regjistruar femijet e tyre ne shkollen kuq e zi…Vatranet duhet te japin kontributin e tyre, duke afruar ne keto shkolla femijet, niperit apo mbesat e tyre dhe duke i bere thirrje sensibilizuese komunitetit.

Festivali i pare Shqiptar ne Jacksonville,Florida

by

Nga Gjergj Lacuku/

SHBA jo me kot mbahen si vendi ku Demokracia, Liria, dhe te Drejtat e Njeriut jane baza e ndertimit te nji a te shendoshe, ku mesimet e nxjerra nga e kalumja te gershetume me te sotmen, jane garancia ma e mire per nji te ardhme ma te ndritun te ketij vendi tashme model per pjesen tjeter to Botes.

Te gjitha komunitetet qe jetojne ne Amerike, e ndjenje veten jo si ne shtepine e tyne, por perkundrazi shume here ma mire. Politika e integrimit e garantume me Kushtetute, jo vetem qe i jep mundesine e duhur çdo komuniteti per te ruajte traditen dhe kulturen e tyne por gjitheashtu ky shtet edhe e inkurajon nji gja te tille .Ne frymen e kesaj atmosfere qe afron nji frymemarrje te paster per te i dhane jete trashigimise kuturore, Shoqata Pan-Shqiptare “Vatra” ne Veri te Florides organizoj ne menyre spektakolare per tre dite rresht” Festivali Shqiptar” ne ambjentet e lokalit “Surfing Sombrero” me pronar Shqiptar, duke na ofru kushtet e duhuna per nji organizim te tille.

Per mbarevajtjen e ketij evenimenti kontribuan te gjithe me sa munden por ne vecanti dua te permendi sponsorat kryesore si “Shqip TV”,” Martini Furniture” me pronar z. Sander Martini, “Alpha Special T’s” me pronar z.Palok Dushi, dhe biznesmenin Gjon Lleshi, qe asht gjetur gjithemone i gatshem per  perkrahjen e tij financiare.

Ishte hera e pare qe organizohej nji Festival e tille ketu ne Jacksonville,Florida , dhe nji falenderim i  veçante shkon edhe shoqatave te  tjera Shqiptare qe me prezencen e tyne i dhane nji larmi te mrekullushme ketij evenimenti kulturor. Prania e grupit te valleve te Shoqates Kulturore”Shqiponja” nga komuniteti Shqiptar i zones Tampa-Clearwater, ishte mbreselenes jo vetem nga kostumet popullore por edhe nga interpretimi i valleve. Gjitheashtu, ne na nderuan edhe Kryetaret e degeve “VATRA “nga Orlando e Tampa, respektivisht Znj. Florisiana Metollari dhe Tasim Ruko.

Te premten me 13 Maj ishte mbremja kryesore e festivalit, ku prezantuese ishte studentja e shkelqyer e Universitetit te Gainesville,Marisa Mato, qe ftoi ne skene per te pershendetur me radhe kryetarin e deges “Vatra” ne Jacksonville,z.Adriatik Spahiu,kryetraren e deges “Vatra” ne Orlando, Znj.Florisiana Metollari, kryetarin e deges “Vatra” ne Tampa, z. Tasim Ruko, Kryetarin e Bashkise se Jacksonville Beach, z. Charlie Chatham.Ne kete aktivitet artisto-kulturor te trashigimise Shqiptare,na nderuan me pjesemarrjen e saj  e ftuara speciale nga qyteti antik i Beratit,Blerina Braka ,ku permes kangeve te kendume me mjeshterisht me zanin e saj melodioz  dhe valleve me kostumet popullore, salla u kthye ne Kuq e Zi.Prezenca e “Shqiponjave” ne kete mbramje e gjalleroj sallen tek dukej se keto shqiponja jo vetem vallezonin por edhe fluturonin kuq e Zi nen tingujt e magjishem te muzikantit Hermes dhe klarinetes se virtuozit Fadil Hyskaj.Nji falenderim te vecante edhe per Dr. Ardian Kraja, president i shoqates kulturore”Shqiponja.”

Te nesermen, pikerisht ne te njajtin ambjent, u ba edhe promovimi i librit te Pof.Dr. Nusret Pllana” Terrori i Pushtusve Serb ndaj Shqiptarve.” Pas promovimit mbi 50 qendra kryesore te Europes dhe Amerikes, ky liber mbetet nji testament i gjalle i kujteses historike te perpjekjeve sublime te popullit Shqiptar te Kosoves per liri e pavarsi. Siç u shpreh edhe vete zoti Pllana, “Ky liber nuk ban thirrje per hakmarrje as per revansh por qe te mos barazohet viktima me kriminelin.” Ky liber, ne tete gjuhe te ndryshme, kerkon sensibilizimin e opinionit nderkombetar mbi krimet e kryme nga terrori serb ndaj popullates Shqiptare. Prof.Dr. Pllana sjell deshmi te dores se pare pasi ka pase fatin e keq te i jetoje keto krime monstruoze te serbve per nga ana tjeter jemi edhe me fat te mire qe zoti Pllana ka arrite te i mbijetoje genocidit Serb dhe te na i paraqese keto fakte te pamohushme, tue i dhane librit bazen kryesore-autenticitetin.

Te Dielen, u shfaq filmi “Besa”, qe ka te baje me rolin pozitiv te shqiptarve ne mbrojtje te hebrenjeve gjate Luftes II Botnore.Ne kete film, shfaqen ma se miri vyrtytet dhe traditat shqiptare te mikpritjes, humanizmit dhe shpreses ne nje kohe te erret te periudhes se njerzimit ne shekullin e XX-te.

Ne perfundim, le te sherbeje ky Festival si nji frymezim jo vetem per te i ruajte traditat e zakonet tona por per te i ba te njohuna ato edhe ne Amerike , duke u ndje krenare per historine tone.

Ky eveniment perkoi edhe me 50 vjetorin e ditelindjes se Kryetarit te Vatres ketu ne Jacksonville, z.Adriatik Spahiu.

 

Jetshkrimi- Flamur Veizaj, një jetë e vështirë, u këput në Florida

by

Nga Tasim RUKO/

Kryetar i degës së Vatrës në Tampa-Clearwater/

 Patrioti, vëllai, miku dhe vatrani ynë Flamur Veizaj u nda nga kjo jetë duke lënë të gjithë në hidhërim dhe dhimbje. Humbja e një mërgimtari shqiptar është një humbje për të gjithë komunitetin shqiptar këtu në Clearwater, Florida (FL). Flamuri ishte me origjinë nga Krahina e Deshnicës në rrethin e Përmetit. Edhe pse u rrit në vuajtje ai shkëlqeu në shkollë si një nga studentët më të mirë të shkollës, por ëndrra e tij si një djalosh i zjarrtë u ndërpre kur iu mohua e drejta e studimit si djalë i një familje antikomuniste.

Gjyshi nga ana e nënës, Fetah Bundo, gjithashtu dhe Vatran i hershëm, kishte marrë pjesë në Lëvizjen e Pavarësisë Kombëtare në radhët e cetës së Cerciz Topullit dhe të e Mihal Gramenos.

Edhe pse kjo familje patiotike sakrifikoi për Pavarësinë e Shqipërisë, u dënua më vonë në kohën e pas Luftës së Dytë Botërore për pjesëmarrje në rradhët e Ballit Kombëtar dhe qëndrim anit-komunist. Një nga kushërinjtë e Flamurit u egzekutua me vdekje pa gjyq nga komunistët në vendin e quajtur Rrapi i Sukës.

Kjo nuk ishte e vetmja arsye që e gjithë familja vuajti me breza në regjimin komunist duke iu mohuar cdo e drejtë njerëzore apo oportunitete të tjera. Në vitin 1974, babai i Flamurit u arrestua dhe u burgos për 8 vjet pa fakte konkrete. Të gjitha këto e damkosën dhe persekutuan familjen dhe Flamurin për të gjithë kohën e diktaturës deri në demokraci.

Flamuri ishte një djalë me ëndrra dhe pasion për jetën. Me gjithë këto pengesa te biografisë ai nuk u dorëzua, por vazhdoi studimet dhe mbaroi shkollën e mesme bujqësore natën. Gjatë kësaj periudhe ai u bë trau i shtëpisë duke rritur motrat dhe vëllezërit më të vegjël kur babai vazhdonte të vuante në burgjet e tmerrshme komuniste. Flamuri punoi ndër punë të vështira duke siguruar bukën e gojës për të gjithë familjen.

Mbas një jete të zymtë, shumë të lodhshme të mundishme, ai erdhi me gjithë familjen e tij në SHBA në vitin 1998. Së pari ndaloi në New York (NY) dhe më vonë u shpërngul në Florida (FL), kur gjithcka ndryshoi për një jetë më të mirë. Nga që kurr nuk pa ditë të bardha në jetën e tij, ai thoshte “Këtu në Amerikë unë u rilinda”, kjo ishte një jetë e dytë për Flamurin . Edhe pse në Shqipëri e kaloi jetën në varfëri, shpirti i tij ishte i pasur. Ai gëzohej kur miqtë e shokët ishin mirë. Mundohej me shpirt të ndihmonte të tjerët si për veten e tij.

Flamurin e mundi sëmundja e kancerit që zgjati 4 vjet dhe më në fund i mori jetën në 21 Shtator të 2015. Familja e tij qëndroi pranë gjatë këtyre viteve duke i dhënë kurajo dhe duke jetuar me dhimbjet e tij, por ai edhe pse lëngonte në shtrat kurrë nuk e hoqi buzëqeshjen dhe mikëpritjen.

Komuniteti shqiptar i Clearwaterit humbi një patriot, një vatran të dedikuar , një vëlla , një mik dhe familja humbi njeriun më të shtrenjtë të saj. Kujtimi i tij do mbetet në zemrat e njerëzve si njeriu me kurajo të fortë dhe shpirt patrioti. I lutemi Zotit ti japë familjes kurajo për të përballuar këtë hidhërim dhe shpirti I tij prehtë në paqë.

 

 

KUVENDI I VATRES ORGANIZOHET ME 2 MAJ NE JACKSONVILLE, FLORIDA

by

Kryetari i VATRES Dr. Gjon Bucaj, njofton se sic ka vendosur Këshilli i Federates Pan-Shqiptare të Amerikës VATRA, Kuvendi i radhës do të zhvillojë punimet me 2 Maj 2015 në Jacksonville, Florida. Kuvendi i fillon punimet në orën 9.00 të mëngjesit.
Mikpritësit, Vatranët e Degës Jacksonville, kanë marrë masat e duhura. Për delegatët që udhëtojnë nga shtete e qytete të largët do të mund të bëjnë rezervimet në Hotelin, ku organizohet Kuvendi.:Ramada Inn Jacksonville/Baymeadows hotel & Conference Center, 9150 Baymeadoëws Road, Jacksonville, FL 32256 Tel. (904) 737-1700 – Fax: (904) 737-0207
Delegatët paguajnë shpenzimet e udhëtimit dhe të hotelit. Rezervimet duhet të bëhen sa më parë. Edhe darka do të organizohet në të njëjtin hotel.