Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Çështja Çame, plagë e dhimbshme në trupin e kombit shqiptar,- peshë e rëndë në ndërgjegjen e kombit grek

by

NGA GJON BUÇAJ/

Përshëndetja e mabjtur ditën e Shtunë 4 Qershor 2016, në Kongresin e PDIU, në Tiranë/

Ju falënderoj për nderimin që i keni ba Federatës Panshqiptare të Amerikë “VATRA” me ftesat bujare Kryetarit të saj të Nderit, zotit Agim Karagjozi dhe mue, për të marrë pjesë në këtë Kongres. Kam kenaqsinë të jem sot mes jush dhe t’ju sjell përshëndetje të përzemërta, si nga zoti Karagjozi me keqardhjen që nuk mund të vinte për shkak të moshës, ashtu nga Kryesia dhe nga antarët e VATRËS, bashkë me urimin që Kongresi i juej të dali me suksese në dobi të interesavet kombëtare.

Partia e juej, si entitet politik i intergruem në sistemin elektoral, ka antarë e mbështetësa të ndryshëm, megjithatë ajo identifikohet si subjekt çam. Prandej programi i juej konsiderohet, vetëvetiu, me detyrë të dyfishtë, atë të angazhimevet për trajtimin e çashtjevet kombëtare në përgjithësi, si dhe detyrën e përpjekjevet për zgjidhjen e Çashtjes Çame në mënyrë veçantë.

Mbi këto detyra, mue si përfaqsues i VATRËS, të cilën kam nderin aktualisht t’a kryesoj me vetëdijen e përgjegjësisë së randë, që e ndaj me bashkëpuntorë dhe me këshilltarë dashamirës, më përket të sjell para jush këtu sot, në vija të shkurta, disa nga mendimet dhe brengat kryesore të saj.

Në vorbullën politike të këtyne 25 vjetve të tranzicionit të pambarim, dallohen me dritë dy arritje të mëdha: ndërtimi i “Rrugës së Kombit” dhe anëtarsimi i Shqipnisë në NATO. Por vërehet mungesa e madhe e disa realizimeve të  randësishme, mungesë që pengon shkëputjen nga trashigimia e randë e diktaturës komuniste, si edhe perforcimin e pozitës  ndërkombëtare të Shqipnisë dhe përmirësimin e jetës së qytetarëve të saj. Realizimet e mungueme janë kryesisht: dënimi i krimeve dhe i kriminelëve të komunizmit, hapja e dosjeve të Sigurimit dhe Ligji i Lustracionit, damshpërblimi dhe integrimi i shtresës së ish të përndjekunve politikë, kthimi i pronës së konfiskueme te i zoti legjitim, lufta e njimendtë kundër korrupsionit, reforma e sistemit gjygjësor dhe atij zgjedhor, e tjera. Si rrjedhim, ka ardhë rritja korrupsionit, rritja e papunësisë, thellimi i vorfnisë dhe krijimi i kulturës se krimit. Largimi i mija familjevet pa shpresë, drejt fatit të pasigurtë, asht padi e randë kundër sistemit që burgosë fukaranë për vjedhje të energjisë elektrike për të ba darkën, ndërsa mbron dhe mban në gji kriminela të njohun dhe hajna milionash.

Kongresi i juej po zhvillohet në nji kohë kur klasën politike shqiptare e presin vendime dhe veprime të nji randësie jetike për të ardhmën e Shqipnisë dhe të kombit shqiptar në përgjithësi. Rrethanat ndërkombtare janë të favorshme për shqiptarët sot ma shumë se sa ndonji herë tjetër në të kaluemen. Prandej elita politike aktuale e ka për detyrë sublime të angazhohet me përkushtim maksimal, për t’a shfrytëzue këtë fat para se të kalojë, për përparimin e vendit dhe për zgjidhjen e problemeve të kombit tonë të ndamë padrejtësisht në gjashtë shtete ku, jashtë Shqipnisë e Kosovës, shqiptarët sundohen nga të huejt që u mohojnë edhe të drejtat ma elementare.

Gjeneratat e ardhshme do t’a gjykojne eltën e sotme, nuk do të pyesin sa pasuni grumbullove, sa mjeshtri tregove në blemjen dhe manipulimin e votës, por do të pyesin se çka bane për atdheun e për kombin kur e pate në dorë. Mirëpo për të qenë në gjendje me i dalë zot efektivisht kësaj detyre, klasa politike duhet urgjentisht të bajë nji këthesë të domosdoshme që e imponon interesi jetik i kombit. Ma mirë vonë se kurr!

Asht fat i madh që miqt tanë, Bashkimi Europian dhe Shtetet e Bashkueme, po angazhohen seriozisht me e ndimue Shqipninë që t’a bajë këtë këthesë historike realitet, tue fillue me reformën e sistemit gjygjësor. Ambasadori Lu ka thanë nji të vërtetë shpresëdhanëse: “Reformën në drejtësi nuk e duan ministrat dhe deputetët kriminelë”. Te çohen më kambë kriminelat që e pengojnë reformën! …. Askush nuk ngrihet, prandaj  reforma do të kalojë, sepse pengimi i saj asht krim dhe kush e pengon asht kriminel.

Për nji njeri, i cili vjen mes nesh me pasion të sinqertë për të mirën tonë, si Ambasadori Donald Lu, nuk mund të ketë vi të kuqe, por mireseardhje. Ai vjen për t’a ngritë dhe nderue sovranitetin e shqiptarëvet, jo për ta cenue, prandej le t’i jemi thellësisht mirënjohës.

Nji tjetër problem i të gjithë shqiptarëvet që pret zgjidhje tash ma se 70 vjet, asht Çashtja Çame, nji plagë e dhimshme në trupin e kombit shqiptar, por edhe nji peshë e randë në ndërgjegjen e kombit grek. Si entitet çam dhe si forcë politike, juve ju përket të kordinoni dhe të harmonizoni aktivitetet dhe të shtyni shtetin dhe qeverinë shqiptare që të angazhohen për të drejtat legjitime te Çamëvet, pranë shtetit grek dhe pranë autoritetevet përkatëse ndërkombëtare.  Edhe na jemi të gatsheëm, si gjithmonë, t’a ndimojmë dhe t’a përkrahim cashtjen pa kursim, me mënyrat dhe mubndësitë që ka Vatra.

Greqia dhe Shqipnia, dy shtete kufitare me fate të ndërlidhuna, kanë nevojë të përbashkët për paqë dhe marrëdhanjë të mira fqinjësie, mbi baza të drejtësisë dhe të respektit reciprok. Por nuk mund të ketë marrëdhanje të tilla as paqë, pa zgjidhjen e drejtë të problemit çam. Kjo temë ngritet lart në rendin e ditës të shqiptarëvet në këto dit që Tirana do të presë ministrin e jashtëm të Greqisë. Fatkeqsisht parapamja për bisedime produktive nuk asht optimiste, tue pasë parasyshë deklaratat e ministrit Kotzias, me pretendime absurde në dam të Shqipnisë. Pala shqiptare duhet t’a kryejë  detyrën me korrektesë por me vendosmëni për kërkesat çame që mbështeten në të drejtat njerzore dhe në normat e konventavet ndërkombtare të nënshkrueme edhe nga shteti grek. Mbajtja e gjendjes së luftës me Shqipnine nuk asht vetëm absurditet i Greqise, por edhe nji abnormalitet i papranueshëm në mes dy shtetevet antare të NATO-s. Prandej Greqia t’a hjekë këtë status menjiherë, ose të paditet juridikisht në Forumin përkatës.

Sado që synojmë integrimin në Europë, nuk mund t’u nënshtrohemi shantazheve në dam të interesave kombtare, edhe pse të vonohemi. Këtë qendrim, simbas mendimit tone, duhet të mbajnë Shqipnija edhe Kosova.  Le t’urojmë dhe të punojmë të gjithë së  bashku për zgjidhjen e drejtë të Çashtjes Çame dhe për dit ma të mira për popullin tonë të lashtë e fisnik!

Tiranë, 4 qershor 2016

KONGRESI I PARTISE PER DREJTESI E INTEGRIM

by

*Idrizi: PDIU, faktor politik i rëndësishëm; Rama: Gara me mitet, prish fqinjësitë/

* Merr pjesë edhe Kryetari i Federatës Panshqiptare të Amerikvs “VATRA”, Dr. Gjon Buçaj/

TIRANË, 4 Qershor /Ka nisë sot në Tiranë Kongresi i Partisë Drejtësi e Integrim, e etiketuar si Partia e çameve, por qe i ka kaluar caqet e çamerisë.

PDIU është një faktor politik i rëndësishëm dhe i pashmangshëm, dhe ajo nuk është vetëm parti e çamëve, cilesoi në fjalën e mbajtur në Kongresin e kesaj partie, kryetari Shpëtim Idrizi. Ai tha se partia që ai drejton ka në themel të saj çështjen çame, por është një parti që shkon përtej kësaj çështje.

“Etiketimi i PDIU si partia e çamëve është vepër e analistëve të cekët dhe e ndonjë kancelarie fqinje nga padija ose ligësia”, u shpreh ai. Idrizi tha se nuk çështja çame nuk i takon vetëm çamëve, aq më pak vetëm një partie, por është një çështje që i takon të gjithë shqiptarëve.

Idrizi apeloi Ramën ti qëndrojë draftit të mbështetur dhe hartuar me asistencën e ndërkombëtrarëve dhe të mos e kthejë në çështje pazaresh mes dy partish, siç tha ai, ka ndodhur në të shkuarën.

“Ne jemi pa mëdyshje në favor të reformës në drejtësi, e dimë se është e ashpër, e papreçedent ndoshta dhe cënon konceptin klasik të sovranitetit. Por sa herë ne politikanët shqiptarë e kemi shkelur këtë koncept klasik në këtë 25 vjet. E dimë shumë mirë që është një zgjidhje ekstreme dhe sigurisht që do një zgjedhje ekstreme.Por dimë gjithashtu se nuk do të ishte nevoja për reformën në drejtësi nëse drejtësia jonë do të ishte në pozitatat e duhura, e pakontrolluar nga politika dhe krimi i organizuar.Ata që sot janë kundër saj janë për status-quonë, për kënetën në sistemin e drejtësisë, gjykata dhe prokurori. Ne si parti jemi kundër status-quosë, jemi pro këtij revolucioni të madh që kërkon me ngulm snhumica dërmuese e shqiptarëve dhe që është urgjencë kombëtare për gjithë shqiptarët. Zoti. Kryeminstër ju ditën e hënë keni lënë takim me kryetarin e opozitës. Unë do tu bëj një thirrje. Reforma në drejtësi nuk është çështje pazaresh midis jush por ajo duhet të zbatohet dhe të bëhet pjesë e gjithë politikës shqiptare, ashtu siç kemi mbështetjen dhe ashtu si e kanë dizajnuar partnerët tanë ndërkombëtarë, SHBA dhe BE. Jam i bindur zoti Kryeministër që ju do tu rrini këtyre linjave dhe të mos jetë një histori”, tha Idrizi.

Kryeministri  Rama: Gara me mitet, prish fqinjësitët

Kryeministri edi Rama i ftuar në Kongresin e Partisë për Drejtësi, Integrim dhe Unitet e ka vlerësuar këtë parti si kultivuese të fqinjësisë së mirë, përçuese e patriotizmit modern, për të cilin sipas tij ka sot nevojë Shqipëria.

“Gara me mitet nuk i ka sjellë kurrë asgjë të mirë fqinjësisë mes shteteve. Gara se kush është më i vjetri, se kush i ka më të mëdhenj heronjtë e së shkuarës, është një garë që i takon të shkuarës ndaj edhe këtë shëmbëlltyrë përbashkuese që ju keni krijuar nën degën kuptimplotë të degës së ullirit e shoh si shprehje të miqësisë, por edhe reciprocitet mes shqiptarëve dhe fqinjëve.

Vendit tonë i duhet një patriotizëm modern, që merr energji nga shqipatarët e ndarë në shumë territore dhe vende të botës, që merr jetë nga heqja e barrierave është patriotizëm i shëndetshëm për kohë tonë. PDIU nuk është parti që mbërthehet pas të shkuarës, vendi ka nevojë për një patriotizëm modern”, tha Rama.

Rama u ka kujtuar çamëve të PDIU se ishte i pari drejtues i një partie që e bëri zyrtarisht çështjen çame pjesë te programit të vet elektoral dhe i pari kryeministër i një qeveri që synon fqinjësinë e mirë mbi bazën e reciprocitetit të respektit.

“Mos prisni që nga ky kongres unë të hedh ndonjë rrufe drejt Greqisë, se nuk jemi në Olimp. Unë jam i pari drejtues i një partie që çështjen e çamëve e futi në programin e saj, dhe jam i pari drejtues i një qeverie që përballë fqinjëve është i vendosur të tregojë paanshmëri mbështetur tek reciprociteti në respekt. Marrëdhënien me Greqinë e kemi të lidhur pazgjidhshmërisht si për të na vënë përballë një prove. Çështja çame po faktorizohet, por shqisa e verbër po tretet, po forcohet shqisa e shembullit që duhet të na bëjë më të urtë, më të mençur”, tha Rama.

Në këtë kongres merr pjesë edhe Kryetari i Federatës Panshqiptare të Amerikvs “VATRA”, Dr. Gjon Buçaj, i cili edhe do të përshëndes në emër të Federatës dhe do të përcjellë qëndrimet e Vatrës për çështjen çame ne veçanti dhe çështjen Kombëtare në tërësi.

 

NJOFTIM I KRYETARIT TE VATRES

by

LULZIM BASHA DO TE VIZITOJE VATREN TE DIELEN ME 20 MARS 2016, ORA 3.pm/

Antarëve të Këshillit Drejtues: Kam marrë njoftimin se ditën e dielë me 20 mars, z. Lulzim Basha, kryetar i Partisë Demokratike të Shqipnisë, do të vijë për vizitë në selinë e Vatrës, n’orën 3 mbas dreke.  z. Basha asht për vizitë pune në Shtetet e Bshkueme, në krye të nji delegacioni ku bajnë pjesë disa nga deputetët demokrat të PD-së. Ai do të jetë i shoqnuem edhe nga ambasadori Mal Berisha.

Edhe pse koha asht tepër e shkurtë e këtij njoftimi, shpresoj se shumë nga ju, sidomos kush banon afër qytetit të New York-ut, mund të shfrytëzoni rastin për të përshëndetë mysafirët.

Përshëndetje,

Gjon Buçaj

 

Përkujtimore për personalitetin e Genc Kortshës

by

(16 Shkurt 1924 – 18 Shkurt 2016)/

Nga Gjon Buçaj/

Zoti e pruni në jetë Genc Kortshën si pinjuell dy familjesh të mirëfillta intelektuale edhe patriote, prej Babet Korçar e prej nanet prej Gjinokastre.Mos me shkue mâ gjatë, gjyshat e Tij ishin, Ai prej babës drejtor shkolle në Korçë, kurse Ai prej nânës kirurg në Shkodër.Sa i tokon t’Et, Xhevat Korça ishte êmnue në vjetën 1923 si drejtor themelues i Gjimnazit të Shkodrës, gjytet ku edhe u lind Genci. I Ati, qysh 17-vjeçar luftëtar i Çetës së Themistokli Gërmenjit e cilla i luftoi turqit pushtues si edhe grekët t’cillët rrekeshin m’e pushtue krahinën; në vazhdim Ai shkoi për studime në Vjenë ku u diplomue në Filozofí e Histori me “Summa cum Laude”.

Ndër veprat e Tija shquhen mbi 5000 faqe përkthimi dokumentacioni politik ndërkombëtar i cili ka lidhje me Shqipninë dhe rrethanat e saja në periudhën e pavarësísë si edhe gjatë edhe mbas Luftës së Parë Botnore, (Acta et Diplomata Austro-Hungarie).

Me ardhjen në Shqipni të diktaturës komuniste në pushtet për Xhevat Korçën, në t’ashtuquejtunin “Gjyqi Special” i Prillit 1945,  prokurori Bedri Spahiu kërkoi dënimin e Tij me pushkatim si fashist. Xhevat Korça në fjalën e fundit drejtue trupit gjykues, (për me kërkue mëshirë), u tha : “Zoti kryetar e zotërinj gjyqtarë, gjemëni një fjalë thënë prej meje pro fashizmit ose një fjalí të tillë dhe ju ftoj të më pushkatoni pa ndroje!” Dhe dënimin ia kthyen në burgim të përjetshëm kurse Ai mbas disa vjetesh i dha fund jetës në burgun e Burrelit me grevë urije lidhur me shkeljen e të drejtave të burgosurve! E po ai ish prokuror në vjetin 1991 në Gazetën Republika tha ndër të tjera “… Më vjen turp që kam qenë prokuror i Gjyqit Special …”. Kaq sa për nji hjedhje drite rreth shêmbujve atdhetáre me të cilët ishte brumosë Genc Kortsha prej prindit të Tij.

Vetë Genci shkollën e mesme e kreu pjesërisht n’Austri edhe e përfundoi në Itali. Në shkollë, gjatë gjithë vjeteve shkollore, ka kênë nxânsi mâ i dalluem i klasës. N’Itali kreu dy vjetet e para edhe të mjeksisë e mandej erdhi për pushime në Shqipni. Në vjeten 1944 shkoi me Batalionin Besnik Çano me luftue në Kosovë. Në librin e shkruem rreth Halim Begesë e botue vjetën qi shkoi, âsht fotografia e Batalionit në Kosovë ku Genci në fotografi figuron edhe si mbajtës i Flamurit të Batalionit në fjalë. Me 17 nëntor 1944 Gencin e arrestuen së bashku me t’ Ánë ku e mbajtën të burgosun 13 muej, ditë më ditë!  Kur e liruen prej burgut periudhën mâ të madhe të kohës, derisa u arratis prej Shqipnije në vjetin 1952, ai punoi si puntor krahu i detyruem me thye gurë!

Mbas peripecíshë prej Jugosllavije në Austri e Greqí, mâ në fund Genci erdh edhe u vendos në Sh.B.A. ku Amerika iu bâ nji Atdhé i dytë i cilli ia dha të tâna të drejtat e nji gjytetari të lirë!

Këtu Ai filloi punë në nji uzinë shkrimje çeliku si infermier ndihme të shpejtë, (si student mjeksije qi ish kênë përparandej), edhe pa vonesë u regjistrue në universitet në fakultetin e Kimisë Industriale tue punue me orë të plota natën e tue e ndjekë shkollën ditën.  E doemos tue jetue e punue në kët vênd shêmbull liríje e demokracije, në Sh.B.A.  puna e Tij kâmbëngulëse iu shpërblye se kur u diplomue iu dha ndër dhjetmijë studentë si simbol Çelësi i Artë !

Në vazhdim u punsue në gjigantin industrial General Motors ku mbas 38 vjetesh pune edhe doli në pension.  Mirpo me kët rasë nuk mundem mos me ia xânë n’gojë edhe faktin se si ai në Sh.B.A. jo vetëm q’e gjeti atê e cilla i mungoi në Shqipni, mirëpritjen në gjiin e Saj, por edhe se si puna e Tij cilësisht shum’e naltë, iu shpërblye me të njajtën vlerë: Atij erdhën tue ia vlersue shkallë mbas shkalle livelin e punës së tij cilsore sa qi 13 vjetet e fundit të punës së Tij Ai kje Drejtor Ekzekutiv i Higjenës Industriale për të gjithë Korporatën e General Motor-it !  Kjo sa u tokon marrëdhânjeve me punën kryesore të Tijën, General Motors-in.

Veç ktyne relatave, Genci dha mësim si Profesor i Jashtëm edhe në General Motors Institute, në University of Michigan si edhe në Wayne State University.  M’ânë tjetër Ai kje zgjedhë për nji periudhë kohore katërvjeçare edhe President i Akademisë së Shteteve të Bashkueme për Higjenën Industriale në të cillën detyrë Atij i nepet edhe nji vlersim i posaçëm për punën e zhvillueme në krijimin edhe në Europë të Akademive të ndryshëme të Higjenës Industriale si në Itali, Britani e Madhe e të tjera shtete.

Kuptimplotë me kët rasë âsht edhe pritja q’i kushtoi Genc Kortshës Papa Gjon Pali i II-të ku Gencin e shoqnote ai qi në vazhdim u bâ edhe K/Ministër i Italisë, Romano Prodi!

Se sa e kishte në qêndër të vemêndjes blloku Perëndimor Shqipninë fillë mbas shpërbâmjes (çapërlitjes) së diktaturës komuniste, e difton fakti se si qysh në vjetin 1991 Gencin e nisne me shërbim në Shqipni me shikjue kushtet e në bazë të tyne m’i dhânë Ai edhe pikpamjet e Tija se si m’e organizue edhe Higjenën Industriale në livele bashkëkohore n’at vênd të porsadalë prej diktaturës së egër komuniste. Mirpo atje kjene gërshetue nji varg pengesash të ndryshme, megjithse ekzistote nji Institut i Higjenës, e doemos trajtimi i kësaj teme del prej kuadrit të kësaj bisede përkujtimore.

Nuk mundem m’u dhânë fund ktyne rreshtave për pá e kujtue të ndjemin Genc Kortshën edhe lidhun me nji hjedhje drite rreth personalitetit të Tij sa u tokon normave të etikës edhe të moralit qi gjithklush e ka pasë fatin m’e njoftë prej s’afërmi Gencin nuk kishte se si mos me i vûe ré kah ai pohote se “… Njeriun duhet ta shquajë karakteri i papërkulshëm, ndershmëría, besnikëria si edhe mosdhënja aspak rëndësí qoftë pushtetit si edhe pasurísë! Besimi në Zotin duhet të jetë forca si edhe ngushëllimi i gjithsecilit në ditë të mira e të këqíja !” 

Me kto pikpamje kuptimplote rreth etikës si edhe moralit të Genc Kortshës due m’i dhânë fund edhe un fjalës s’ême t’sodit për tê tue ia urue Atij me gjithë shpirt,

Âmshimin e Bekuem !           

ECHOING THE PLIGHT OF COMMUNISM’S VICTIMS

by

Direct line of communication with the formerly persecuted in Albania/
By: Dr. Gjon Buçaj/
Vatra members have shared in the pain and suffering that the Albanian people have had to endure especially in prisons an interment camps at the hands of the inhumane and destructive communist regime. With the fall of the dictatorship, freedom of speech was introduced and so we hoped, as did the survivors of that nightmare, that justice would follow. Sadly, after 25 years of democracy they are still calling for justice and we continue to back them.
We have been steadfast in supporting their efforts and attempts at integration into the political and economic sphere including the restoration of dignity that was trampled on to an unfathomable degree for nearly half a century. At this point in time, there should no longer be a need for such demands; nonetheless, the formerly persecuted continue to voice their grievances through petitions and protests. After the law requiring all case files to be released was enacted, not a single step was taken by the government to actually enforce that law even though it holds little weight without the transparency law thereby making it worthless. Releasing the case files must be done in conjunction with the transparency law otherwise it carries no benefit or meaning. With the enforcement of the transparency law, the source of corruption would finally be tackled which has already reached an alarming level among the Albanian political class, thus jeopardizing stability in the country and beyond.
In the current debate on reforms to the justice system, there are clear attempts to protect the communist legacy, from which Albanian society should have severed ties long ago. The proposal to amend the Albanian constitution with a stipulation that would restrict the investigation of crimes under communism, against which President Nishani recently spoke publically, is not only an offense to Albanians who suffered those very crimes, but also a blatant assault on the democratic system and Western values.
The Formerly Persecuted Association has submitted requests to both governments, the current and the previous, to erect a monument honoring the victims of communism to no avail. Approving such a request is apparently too contradictory in a country where crimes of the communist dictatorship have yet to be condemned; where protagonists and episodes of a bloody past are honored and remembered; where no one has asked for forgiveness of the victims; where memorials are built to honor fallen Greek soldiers who entered Albanian soil as occupiers; where the capital city is ‘adorned’ with a bunker, a painful reminder of the past from which Albanian politicians do not wish to separate themselves; where…. the list goes on and on. There are two distinct examples that attest to the abuse of the formerly persecuted class—two obligations that have been dragged through this endless post-communist transitional period: the process of restitution for the past—prison and interment sentences for the innocent—a process that the victims call a jest on their suffering; and the orchestrated bureaucratic maze that is the messy process for the return of illegally confiscated property by the “people’s” regime to their rightful owners. These are two dark blots, out of many others, that will follow the ruling governments of the transitional era throughout history.
There is an Albanian folk saying: “kind words, but rocks in the bag,” (fjalët e mira e gurët në stajcë); portraying the treatment a beggar receives when knocking on doors with an open bag for pledged charity. This is how the formerly persecuted have been treated by the political class for the past 25 years, with kind words in their rhetoric along with freedom of speech for the people to curse communism—an exercise in futility—and the freedom to leave your homeland whenever you want. As for equality and rights for the citizens, rocks in a bag. It’s a persistent, cold and shameful reality.
But, perhaps we have hit rock bottom and Albanian society will begin to turn its trajectory. The voice of reason is beginning to be increasingly heard by people, like intellectuals and some politicians encouraged or inspired by America’s intimate concern especially through Ambassador Lu. Reform in the justice system is a pivotal place to begin while Ambassador Lu is particularly focused on it with determination. We thank Ambassador Lu for this and his enduring friendship; the Albanian People will always be grateful to him and America.
Our line of communication with the formerly persecuted remains open as always, to echo their plights and achievements now as well as in the future.

(Translated: Aleksander Buçaj)