Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJOFTIM I KRYETARIT TË VATRËS

by

Po ju njoftoj se mbledhja e Këshillit Drejtues do të mbahet ditën e dielë më 12 korrik 2015, në orën 2 PM në sallën e VATRES. Në këtë mbledhje do të bisedohet mbi punimet e Kuvendit vjetor i cili u mbajt me 2 maj në Jacksonville, Florida, si dhe mbi subjekte të tjera që kanë të bajnë me aktivitetet e Vatrës dhe me detyrat që na presin. Do të hartohet lista e re e Këshillit Drejtues, që do të ketë një numër antarësh në proporcion me numrin e përgjithshëm të antarëve të Vatrës. Deri në atë datë parashihet se kryetarët e degëve do të kenë dërgue listat e plota të antarëve të rregullt të degëve të tyre. Prandaj ju lutem të mos mungoni, pse janë të nevojshme mendimet e të gjithëve. Në se ndokush nuk mund të jetë i pranishëm për arsye objektive, duhet me ngarkue me shkrim (e-mail ose letër) nji antar që do të jetë në mbledhje, për ta përfaqsue personin i cili dëshiron por nuk mundet me marrë pjesë fizikisht.

Kryetari

Dr. Gjon Bucaj

 

 

Federata Pan-Shqiptare e Amerikes “VATRA” mbajti Kuvendin Vjetor në Jacksonville – Florida

by

Kryetar u ri-zgjodhë me aklamacion Dr. Gjon Buçaj/
Nga Beqir SINA-nga Jacksonville, Florida/
JACKSONVILLE FL : Kuvendi Vjetor i Federatës Pan-Shqiptare të Amerikës, VATRA, u mbajt kësaj radhe për herë të parë pas çerek shekulli, jashtë Nju Jork-ut, shtetit ku është aktualisht edhe qendra e Vatrës, prej transferimit të saj nga Bostoni Nolian. Ky kuvend për koicindencë, u mbajt në qytetin Jacksonville të Floridës, jo shumë larg vendit, ku është edhe sot shtëpia, ku mbylli sytë imzot Nolit në Fort Lauderdale të Florida-s, shtëpi që Federata Pan Shqiptare “Vatra”, i pat blerë si dhuratë peshkopit shqiptar më 1954.
Në këtë Kuvend, morën pjesë rreth 100 delegatë dhe të ftuar, nga Nju Jorku, dhe zona e “Tri Shteteve”< NJ, CT, Detrioiti, Uashingtoni, Florida, Bostoni, Çikago, Toronto, Pensillvenia, dhe Karolina e Veriut. Kuvend i 2 Maj 2015, në Jacksonville (Ramada Jacksonville/Baymeadows Hotel & Conference Center ), u mbajt në një frymë tejet demokratike, ku nuk munguan edhe debatet e forta konstruktive, nga ana e kryetarëve të degëve dhe disa delegatëve. Kuvendin e dretojë në cilësinë e Kryetarit të këtij Kuvendi profesor Mithat Gashi me dy ndihmësit e tij, zoterinjte Ali Lushnja, e Kujtim Porja. Kuvendi i Vatrës, i nisi punimet në orën 9-të mëngjesit, simbas rregullores së përcaktuar nga Kanunorja- (Kushtetuta) e saj. Mbas zgjedhjes së Komisionit, prej tre vetësh, për verifikimin e kredencialeve të delegatëve, Kryetari i Kuvendit të Vatrës, u votua professor Mit'hat Gashi, sekretarë u zgjodhën Merita Bajraktari-McCormack, dhe Naze Veliu, të cilët ndoqën dhe procedurën e këtij Kuvendi në bazë të Kanunores së federatës VATRA. Më pas u kënduan Hymnet kombëtare të SHBA dhe Shqipërisë nga këngëtari i mirënjohur Frederik Ndoci. Kurse, udhëheqësi i këtij Kuvendi, kryetari, Profesor Mit'hat Gashi, kërkoi që me një minutë heshtje të pranishmit të nderonin të gjithë të rënët e Kombit amerikan dhe të Shqipërisë. Anëtari i kryesisë së Vatrës, zoti Zef Bala, një veprimtar i njohur, dhe anëtari i Bordit të Drejtorëve të Lidhjes Qytetare Shqiptaro Amerikane, solli një përshëndetëje të veçantë në këtë Kuvend, drejtuar punës së Kuvendit Kombëtar të Vatrës, në emër të presidentit të saj ish kongresitit Joe DioGuardit, i cili udhëheq lobin e parë shqiptar në Amerikë, dhe të vetëmit dedikuar çështjes kombëtare shqiptare në SHBA. "Ju lutem përcillni urimet e mia më të mira, për Vatrën dhe kryetarin e saj dr Bucaj si dhe anëtarët e tjerë të Bordit të Vatrës me rastin e Kuvendit që po mbahet në Florida, duke ju uruar punë të mbarë, thuhej në mesazhin e DioGuardit. " Ne së bashku kemi shumë për të bërë, theksohej në mesazh, për të ndjekur atë rrugën historike të kombit shqiptarë. Luftën për lirinë dhe pavarësinë e popullit shqiptar, 15.000.000 shqiptarëve në botë, duke përfshirë 7.000.000 në Ballkan, 3.500.000 në Shqipëri dhe 750.000 në SHBA, dhe le të mos harrojmë 250,000 arbëresh në Itali, që prej nga koha e Skënderbeut, të cilët presin ma shumë nga kombi shqiptarë, deri në bashkimin tonë kombëtarë". Punimet e Kuvendit të Vatrës, nisen me raportin e kryetarit dorëheqës, Dr. Gjon Buçaj, duke vijuar me raportin mbi gjendjen financiare nga Arkëtari i deritanishëm, z. Marjan Cubi, i cili foli edhe për raportin e Fondacionit "Vatra Foundation, Inc.". Raportii i Fondit të Studentave "Vatra Educational Foudation", u mbajt nga z. Mithat Gashi dhe së fundi ka qenë raporti i Editorit të gazetës "Dielli", z. Dalip Greca. Më pas kryetarët e Degëve të Vatrës- folën mbi aktivitetet e degeve, cilat ishin arritjet e degëve gjate mandatit që shkoi dhe cilat janë objektivat e degëve të tyre deri në kuvendin e ardhshëm. Më pasë ata kaluan në diskutimet e tyre duke dhanë dhe disa propozime për propozimet në ndryshimet në Kanunoren e Vatrës. Propozimet të gjitha kaluan me votimin nga delegatët e rregulltë, ashtu, siç i parasheh Kanunorja e vjetër, të shoqëruara me pyetje, spjegime dhe rekomandime mbi raportet dhe aprovimi i tyre. Në pika mjaft të rëndësishme e morën fjalën Kryetarët e Degëve të Vatrës në të gjithë territorin e SHBA, duke filluar nga : Dega Washington DC, Znj. Merita Bajraktari-McCormack, Dega Michigan, z. Alfons Grishaj , Dega South Florida, z. Kolec Ndoja, Dega Hudson Valley, z. Pashko Camaj, Dega Jacksonville, Florida, z. Adriatik Spahiu, Dega Hartford, CT, prof. Prend Çeta, Dega Orlando, Fl. znj. Florisiana Ahmetaj-Metollari, Dega Tampa, Fl., z. Tasim Ruko Seanca e parë e Kuvendit të Vatrës, vazhdoi punën e saj, me mesazhe përshëndetëse nga dy veteranët e Vatrës, Zef Përndocaj, dhe Zef Balaj, z. Asllan Bushati, Naze Veliu dhe Adriatik Zoto. Një përshendetje majft të ngrohtë, u solli vatranëve në këtë kuvend, Dr Ana Kohen Presidente e organizatës së Gruas Shqiptare Motrat Qiriazi" Gjatë senacave çdo propozim për ndryshim në Kanunore, dhe vendosjen e rregullores së re, u votua dhe kaloi me shumicë votash. Propozimet e degeve kalaun nëpër një proces të shoqëruar jo vetëm nëpërmjet debatesh të forta - por edhe kundërshtive -"përlasjeve", deri në atë të gjetjes së konsuesit në disa raste. Mbasi ishte bër më parë dorëheqja, u vazhdua me shpalljen e kandidaturave(propozimeve), pas asaj të kryetarit të dorëhequr, dr Gjon Buçaj, duke nisur edhe proceduara e zgjedhjes së kryetarit. Gara për kryetar të Vatrës, nisi me vetëm një kandidat – Dr Gjon Buçaj, të propozuar, nga veterani i Vatrës, anëtari i kryesisë zoti Zef Përndocaj, mbasi nuk pati asnjë kandidatur tjetër të paktën të shpallur në Kuvend. Kryetari i mandatit të kaluar, Dr Gjon Buçaj, u zgjodh me aklamacion - duke zgjedhur më pas sipas Kanunores, edhe drejtuesit e lart të Vatrës për një mandat të dytë dhe të fundit.Në këtë mynyrë Kuvendi i Vatrës, votoi unanimisht dr. Gjon Buçajn si kryetar të Vatrës, deri në Kuvendin e ardhshëm.. Kryetari i Vatrës, dr. Gjon Bucaj me këtë rast shpalli edhe listën e zyrtarëve të Federatës Panshqiptare të Amerikës Vatra, e cila organizoi Kuvendin më 2 Maj 2015 në Jacksonville - Florida. Pas nisjes së konsultimeve, dr. Bucaj tha se lisa e zyrtarëve të lart që i përkasin strukturave të Vatrës, vazhdon me dy nën kryetar : zotin Agim Rexhaj, dhe Asllan Bushati, secretar i Përgjithëshëm: Nazo Veliu, sekretar i thesarit (arkatari) Marjan Cubi, President of Vatra Foundation, Inc. Dr. Nexhat Kalici, President of Vatra Educational Foundation Prof. Mithat Gashi dhe Editor i gazestës “Dielli” Dalip Greca. Dr. Gjona Buçaj, mbasi ri-mori detyrën e kryetarit, shpalosi pikpamjet e tij për Vatrën, duke u folë gjerësisht për të ardhmen e Vatrës, në kushtet e një zhvillimi dhe përparimit të saj, me qëllim, intensifikimin e përpjekjeve për gjallërimin e aktivitetit të Federatës më të vjetër të shqiptarëve në diasporë., Me këtë rast Kuvendi i Vatrës, vlerësoi kontributin e dr. Gjon Buçaj, i cili realisht ka qenë një ndihmës i afërt i kryetarit Karagjozi, dhe ka kryer disa vite detyrën e nën/kryetarit të Vatrës, dhe është treguar i palodhur dhe i përkushtuar. Kryetari i ri-zgjedhur për edhe një mandat të dytë, i cili sipas Kanunores është i fundit për Dr. Gjon Bucaj,në fjalën përmbyllëse falënderoi të gjithë vatranët për besimin që i dhanë, duke e ngarkuar me drejtimin e Vatrës deri në Kuvendin e ardhshëm dhe përfundimin e mandatiti të tij. “I vetëdijshëm për përgjegjësinë e rëndë të kësaj detyre,” shtoi ai, ” e pranoj duke u mbështetur në besimin e të gjithë Vatranëve se do të punojmë edhe më shumë së bashku për realizmin e të gjtiha premtimeve që dhamë për Vatrën“. Ky Kuvend si në të kaluarën ka shprehur edhe një her një vlerësim të merituar për z. Agim Karagjozi, i cili e ka nderuar dhe e ka udhëhequr me përkushtimin e tij atdhetar dhe kombëtar Vatrën e kolosëve të kombit shqiptarë. Zoti Karagjozi është President Nderi i Vatrës, për dy dekada ka qenë kryetar historik i Vatrës, dhe për 55 vjet një vatran, i flakët duke ia kushtur gjithë jetën çështjes Kombëtare, kujtohet më dashuri dhe respekt në rradhët e vatranëve bashkë luftëtarve të tij. Për nder të mbylljes me sukses të punës së Kuvendit të Vatrës, në lokalin e bukur Ramada Jacksonville/Baymeadows Hotel, u shtrua një darkë. Gjatë darkës iu dha çmimi“AWARD OF MERIT” kryetarit të degës së Jacksonvillit zotit Adriatik Spahiu dhe disa vatranëve, të dalluar për merita në vitet e fundit.Me këtë rast duhen thënë fjalë miradie për mikëpritësit e këtij Kuvendi, të cilët ishin Vatranët e Degës Jacksonville, për organizmin mjaft të bukur dhe dinjitoz .

KUVENDI I VATRËS NË JACKSONVILLE U DHA FUND ME SUKSES PUNIMEVE, KRYETAR U RIZGJODHI DR. GJON BUCAJ

by

Kuvendi i Federatës Pan-shqiptare të Amerikës i zhvilloi punimet të shtunën me 2 Maj në qytetin Jacksonville të Floridës. Në orën 9 të mëngjesit delegatët e zgjedhur nga kuvendet e degëve kishin zënë vend në sallën e konferencave të hotlelit Ramada.
Kryetari i degës pritëse Adriatik Spahiu ka hapur Kuvendin duke iu uruar mirëseardhjen delegatëve.
Kryetari i Federatës Pan-Shqiptare VATRA, dr. Gjon Bucaj, përshëndeti delegatët dhe propozoi si kryetar te Kuvendit pedagogun Mithat Gashi, anëtar i kryesisë së Vatrës dhe President i Fondit të Studentëve. Emri i z. Gashi u miratua unanimisht.
Z. Mithat Gashi zgjodhi dy ndihmës, dy nënkryetarë,Kujtim Porja dhe Ali Lusnja dhe dy sekretaret e Kuvendit, sekretaren e Vatres Nazo Veliu dhe kryetaren e deges se Washington DC, Merita Bajraktari, për ta ndihmuar në mbarvajtjen e punimeve.
Këngëtari Frederik Ndoci ka kënduar Hymnet Kombëtare të Amerikës dhe Shqipërisë.
Me një minut heshtje është nderuar kujtimi i Dëshmorëve të Kombit.
Dr. Gjon Bucaj ka dhënë raportine veprimtarisë së Vatrës mes dy Kuvendeve të Vatrës. Kyretari bëri një prezantim të veprimtarive të Federatës Vatra, u ndal në bashkëpunimin me degët, veprimtaritë në qendër, fushatat e ndryshme, promovimet dhe parashtroi synimet e së ardhmes. Pas paraqitjes së raportit, sipas Kanunores së Vatrës, dr. Bucaj, deklaroi dorëheqjen nga posti i kryetarit.
Arkëtari i Federatës Vatra, njëkohësisht anëtar i Kryesisë, z. Marjan Cubi paraqiti raportin e arkës së Vatrës mes dy Kuvendeve, ku solli shifrat e të ardhurave dhe shpenzimeve, duke përfshirë dhe Gazetën Dielli.
Në mungesë të presidentit të VATRA FOUNDATION INC. Dr. Nexhat Kaliqi, ka folë Marjan Cubi.
Një raport të shkurtër për “Vatra Educational Foundation” ka paarqitur presidenti këtij Fondi, z. Mithati Gashi.
Editori i Diellit Dalip Greca ka paraqitë raportin e Gazetës Dielli mes dy Kuvendeve.
Më pas e kanë marrë fjalën kryetarët e degëve për të paraqitur veprimtaritë e degëve të tyre. Për degën e Washingtonit ka paraqitë raportin kryetarja Merita Bajraktari McCormack, për degën e Michiganit – kryetari Alfons Grishaj, për degën South Florida, kryetari Kolec Ndoja, për degën Hudson Valley dr, Pashko Camaj, për degën e Queensit editori Dalip Greca, për degën Newburgh Marjan Cubi, për degën e Torontos informoi kryetari i Vatrës, dr. Gjon Bucaj, i cili ishte pjesmarrës në takimin e asaj dege, për degën e Hartfordit kryetari Nesim Mecollari, për degën e Orlandos –kryetarja Florisiana Ahmetaj-Metollari, për degën Tampa FL-kryetari Tasim Ruko.
Në seancën e tretë , me propozime nga salla dhe me votim , u zgjodh sekretaria për verifikimin e kredencialeve të delegatëve. U zgjodhën: Kujtim Qafa, Marjan Cubi dhe Dalip Greca.
Sekretaria verifikoi të vlefshëm 52 kredenciale, ku cdo delegat është zgjedhur në raportin një delegate për cdo 10-15 vatranë.
Me anë të votimit të hapur , sic e parashikon Kanunorja e Vatrës, iu dha e drejta e votimit edhe delegatëve që kanë më pak se dy vjet anëtarësim .
Më pas, u ftuan delegatët që të paraqesnin propozimet e tyre. Pas këaj u kalua në pyetje rreth raporteve të paraqitura në Kuvend. Më pas u kalua në një pushim, ku Organizatorët kishin shtruar një drekë. Për delegatët.
Në seancëne katër u hodh në votim Kanunorja me amendamentet përkatëse.
Kanë vazhduar diskutimet për efektin e veprimtarisë së Vatrës gjatë vitit të shkuar dhe propozimet për format e organizimit dhe synimet e Vatrës deri në Kuvendin e ardhshëm. Propozimet e ndryshme u votuan.
Një përshëndetje speciale ka ardhe nga Presidentja e Grave Shqiptaro-Amerikane, Dr. Anna Kohen qe kishte udhetuar 6 ore per te ardhë ne Konventën e Vatrës.
Në seancën e fundit, Kryetari i Kuvendit, z. Mithat Gashi, iu drejtua dr. Gjon Bucaj, nëse donte të rikandonte për një mandat tjetër? Ai iu përgjigj”PO”.
Sërish Drejtuesi i Kuvendit, iu drejtua sallës: ka ndonjë kandidat që do të kandidojë për kryetar? Nuk pati kandidatura të tjera.
U votua kandidatura e dr. Gjon Bucaj dhe u pranua në mënyrë unanime.
Sipas Kanunores Kryetari Bucaj paraqiti Listën e bashkëpunëtorëve, e cila, mes debateve u votua. Në listën e paraqitur nga kryetari binte në sy një emër i ri, dr. Pashko Camaj, ndërsa emrat e tjerë ishin të njëjtë. Me propozim nga salla u kërkua që kryesisë t’i shtohen dy emra të tjerë. Propozimi u pranua pasi u votua më parë për një ndryshim në Kanunore, ku numri i kryesisë ishte i përcaktuar me 9 anëtarë. Për dy emrat e tjerë u bënë propozime konkrete, por vendimi iu la kryetarit.
Në mbrëmjë është organizua një darkë me muzikë, këngë e valle. Kryetari ka vlerësuar me cmimine meritës, kryetarin e degës së Jacksonville, z. Adriatik Spahiu dhe veprimtarë të tjerë të dalluar.(Dielli)

PS:Kjo ishte kronika e Kuvendit. Më gjërsisht do të lexoni në Gazetën e printuar.

DEGA E VATRES NE QUEENS, NEW YORK ZGJODHI DELEGATET PER KUVENDIN E JACKSONVILLE

by

Te shtunen me 25 Prill ne ora 18:00 u organizua Kuvendi i deges se Vatres ne Queens, New York. Qellimi i ketij takimi ishte analiza e punes se deritashme te deges ne Queens, zgjedhja e kryetarit, zgjedhja e delegateve per Kuvendin e 2 Majit ne Jacksonville, Florida. Gjate parapregatitjes per fjalimet zyrtare delegatet kishin kenaqesine te pinin kafe dhe te ndiqnin filmin dokumentari per Camerine. Në mbledhjen vjetore të degës së “Vatrës” në Queens, nga Kryesia morën pjesë Kryetari, dr. Gjon Buçaj bashkë me zonjën Nikoleta, si dhe Sekretarja, zonja Nazo Veliu.
Kryetari i degës, dr. Skender Murtezani, i dha fjalën Kryetarit të “Vatrës”, i cili përshëndeti vatranët e mbledhur dhe mbajti nji fjalim të shkurtë, ku preku shkurtazi fazat e ndryshme historike nepër të cilat ka ecur Federata “Vatra” që nga themelimi, duke gërshetuar bisedën me rrethanat në të cilat ajo vepron sot dhe me sfidat e kohës aktuale. Ai foli për dobinë e formimit të degëvet dhe për vështirësitë që priten të dalin në mënyrë të pashmangshme në pah me zgjerimin e “Vatrës” dhe rritjen e numrit të antarëve, “por gjithmonë shumica shkon në drejtim konstruktiv, duke synuar qellimet e organizatës në interesin kombëtar”, tha më tej dr. Buçaj dhe shtoi se “antarësimi në “Vatër” është me vullnet, por si antar, çdonjëri duhet të respektojë Kanunoren e saj”.
Duke qenë kjo mbledhje organizohet në pragun e Kuvendit Vjetor që do të mbahet me 2 maj 2015 në Jacksonville të shtetit Florida, Kryetari Buçaj spjegoi, në pika të shkurtra, procesin e zgjedhjes së delegatëve simbas Kanunores, për përshtatjen e së cilës ka punuar më se një vit Komisioni i drejtuar nga z. Bashkim Musabelliu, antar i degës së Queens-it dhe i Këshillit Drejtues. Nga ndryshimet që propozoi Komisioni, janë nxjerrë shtesat (amendamentet) e aprovuara në Kuvendin e kaluar, ku u vendos me shumicë votash, që të mbetet Kanunorja e vjetër në fuqi, por të bëhen ndryshimet e nevojshme me anën e shtesave. Këto shtesa u miratuan në Kuvëdin e kaluar dhe mund të shtohen ose të modifikohen në Kuvëndin e javës që vjen.
Folesja e dyte sekretarja e Vatres zonja Naze Veliu, e cila foli per organizimit e Vatres si dhe procedures se zgjedhjes se delegateve.
Ne vazhdim Dr. Murtezani duke perdorur power point me ilustrime konkrete beri nje pershkrim te punes dy vjecare te deges se Vatres te Queens-it. Ne takimet e Vatres dega Queens per dy vitet e fundit kane marre pjese ne veprimtarite e deges 105 anetare. Dr Murtezani ka shprehu mirenjohjen z.Besian Krasniqit per punen e shkelqyshme teknike ne hapjen e web faqes on line dhe botimin e numrit te pare te NEWS LETTER VATRA QUEENS
Ne prezencen dhe autorizimin e 56 delegateve me shkrim u votuan gjasht delegate per Kuvendin e Jacksonville, pese te pranishem dhe nje Z.Musabelliu, qe nuk kishte mudnur te ishte pjese e takimit. Dr Murtezani beri nje pershkrim te punes se palodhur te Z.Musabelli-t, dhe e propozoi emrin e tij, qe te ishte nje nder delegatet e Kuvendit dhe gjeti mirekuptim ne mesin e Vatraneve te deges dhe qendres.
Pas numrimit te votave per delegate te Vatres ne Kuvend e vitit 2015 u zgjodhen.
1.Bashkim Musabelli
2 Dr Skender Murtezani
3 Besian Krasniqi
4. Saime Serri
5. Theodora Permeti
6 Alban Hoxha
Anetari i Kishillit te Vatres, z. Bashkim Musabelliu konfirmoi pamundesine e pjesmarrjes ne Kuvendin e Jacksonville, per shkaqe te punes se tij.
Ne takim ra ne sy pjesmarrja e konsiderueshme e Vatraneve te ri te cilet u treguan te interesuar te dine per aktivitetin dhe ngjarjet ne atdhe.
Z. Kristaq Papa foli rreth hapjes se Shkolles Shqipe ne Astoria dhe vijimin e saj, ndersa Haxhi Dauti, foli per zhvillimet e fundit ne Maqedoni.
Ne takimin e 5 anetareve te kryesise me kater vota per Dr Murtezani-n te vazhdoje punen kryetar i deges ai u rizgjodh ne postin e kryetarit.

VATRANËT ME IDEALIZËM DHE FRYMË ATDHETARIE NË KUVENDIN E 2 MAJIT

by

Me bindjen se delegatët, të pajisun me idealizmin e atdhedashunisë, do të bashkohen në frymën e harmonisë e të bashkëpunimit, shkojmë në Kuvend me besimin se do t’i përfundojmë punimet me sukses dhe do të dalim faqebardhë!/
NGA DR.GJON BUÇAJ-KRYETAR I VATRËS/
Edhe pak ditë i ndajnë vatranët nga Kuvendi zgjedhor që mbahet më 2 Maji 2015 në Jacksonville, në shtetin Florida. Në vitin e kaluem Këshilli Drejtues i “Vatrës” vendosi që Kuvendi i vitit 2015 të mbahet në Jacksonville, Florida.Arsyeja kryesore e këtij vendimi ishte për të vlerësue degët dhe vatranët e rij, për të mbajtë lart entuzjazmin e vatranëve dhe të dashamirëve të Federatës “Vatra” në përgjithësi, që u vrejt me rastin e kremtimeve të 100 vjetorit të themelimit, dhe kështu të vazhdojë ngritja dhe rritja e saj. Nji arsye tjetër asht edhe për të lehtësue delegatëve anën e shpenzimeve, pse “Vatra” si organizatë, nuk ka fonde për udhtimet e tyne dhe disa degë mund të mos jenë në gjendje që të mbulojnë shpenzimet e delegatëve, prandej asht e drejtë që edhe delegatët e New York-ut dhe Kryesia të udhtojnë jashtë me shpenzimet e veta përsonale. Zgjedhja asht ba në mes degës së Michigan-it dhe asaj të Jacksonville-it, por tue pasë parasyshë se në Michigan ishin ba kuvende disa herë në të kaluemen, u vendos që këtë herë Kuvendi të mblidhet në Jacksonville të shtetit Florida, ku nuk asht ba kuvend ndonjiherë ma përpara. Shumica e vatranëv në Jacksonville e kanë pritë këtë vendim me entuzjazëm dhe e kanë marrë si vleresim dhe privilegj.Të mos harrojmë se në Florida janë katër degë të Vatrës, më shumë se në çdo shtet tjetër.
Me delegatët e Jacksonville-it, atje do të bashkohen delegatët e degëve të tjera të Floridës: Fort Lauderdale, Orlando dhe Tampa, si dhe nga, nga Washington DC, Michigan, Hartford CT, Toronto – Canada dhe nga degët e New York-ut bashkë me Kryesinë e “Vatrës”.
Punimet e Kuvendit do të zhvillohen simbas Kanunores dhe në frymën demokratike dhe të bashkëpunimit. Në këtë Kuvend organet e Federatës do të japin dorëheqje dhe delegatët do të zgjedhin udhëheqsinë e re. Degët janë porositë të dergojnë nga një delegat për çdo 10 (dhjetë) antarë të rregullt. Antarë të rregullt janë të gjithë ata që janë regjistrue dy vjet të kalueme ose ma shumë, tue mbushë formularin përkatës dhe tue pague antarësinë. Edhe në këtë Kuvend do të ndjekim praktikën e dy Kuvendeve të ma parshme, ku delegatëve të rregullt do t’u propozohet që të aprovojnë edhe delegatët e regjistuem në “Vatër” ma pak se dy vjet, të jenë edhe ata të rregullt dhe me të drejtë vote. Kjo bahet për të qenë në pajtim me Kanunoren që parashef kohën dyvjeçare për të pasë të drejtë vote. Mbasi Kuvendi asht organi ma i lartë i “Vatrës”, ka fuqinë të bajë këtë ndryshim të përkohshëm me anë të atyne delegatëve që Kanunorja si njeh si të rregulltë.
Kryetarët e degëve janë porositë, gjithashtu, që mbrenda datës 26 prill, të dërgojnë listat e antarëve të rregullt dhe të delegatëve. Ditën e hanë me 27 prill Kryesia duhet të ketë këto lista në dorë, për të përpilue listat e pranushme për Kuvend. Disa i kanë dërgue, por jo të gjithë. Ato degë që kanë mbledhjet e antarëvet me datën 25, duhet t’i dërgojnë listat ditën e nesërme.
Në këtë Kuvend pritet që të aprovohen shtesat e Kanunores të shqyrtueme edhe në Kuvendin e vitit të kaluem, do të vendoset mbi regjistrimin e degëve simbas ligjit të shtetit ku veprojnë, tue qëndrue gjithmonë të lidhuna ngusht me “Vatrën” si organizatë, do të vendoset mbi propozime të ndryshme që vijnë nga delegatët, tue synue gjithmonë rritjen e degëve dhe numrin e antarëve dhe funksionimin sa ma të mirë të “Vatrës” në komunitetin shqiptaro-amerikan dhe, sidomos, si t’i shërbejmë ma mirë e ma dobishëm çashtjes kombëtare në përgjithësi.
Federatën Pan-shqiptare të Amerikës “Vatra” që na lanë amanet themeluesat, Peshkop Fan Noli dhe Faik Konica me të tjerë kolosa të Rilindjes, do t’a projektojmë me optimizëm drejt së ardhmes, në kushte të kohës por tue ruejtë frymën e saj kombëtare të pacenueme.
Ky Kuvend i Vatrës mblidhet në një kohë kur në vendin tonë amë dhe në pjesën më të madhe të trojeve amtare, por sidomos atje ku kemi shtetet shqiptare, Shqipëri dhe Kosovë, qytetarët përballen me eksod masiv, që vjen si pasojë e keqeverisjes, lulwzimit tw korrupsionit, mungesës të vendeve të punës,grindjeve politike dhe mungesës së shpresws. Vatra u bën thirrje qeverive shqiptare që të punojnë për qytetarët dhe t’i shërbejnë me një strategji më të qartë, me Platformë Kombëtare, interesave gjithëkombëtare. Po ashtu, Vatra u bën thirrje qytetarëve shqiptarë, t’u qendrojnë larg kurtheve të grupeve ekstremsite, që cënojnë paqen botërore.
Me bindjen se delegatët, të pajisun me idealizmin e atdhedashunisë, do të bashkohen në frymën e harmonisë e të bashkëpunimit, shkojmë në Kuvend me besimin se do t’i përfundojmë punimet me sukses dhe do të dalim faqebardhë!