kosova – Page 54 – Dielli

Kosova, stabilitet i rajonit

February 14, 2017 by dgreca

-Kryediplomati i Norvegjisë, Børge Brende në Prishtinë: Ka jostabilitet në rajon, por ne shpresojmë se Kosova, edhe në vitet në vijim, të jetë eksportuese e stabilitetit. Kjo është shumë e rëndësishme/

-Minsitri i jashtem i Kosoves Hoxhaj pret mbështetjen e Norvegjisë për zhvillimin ekonomik të Kosoves/

unnamed -Norvegjia është shteti i 34-të që ka njohur Kosovën në 28 Mars të vitit historik 2008 të shpalljes së pavarësisë në 17 Shkurt, të njohur deri tani nga 113 shtete anëtare të OKB-së/

PRISHTINË, 14 Shkurt 2017-Behlul Jashari/ Ministri norvegjez i Punëve të Jashtme, Borge Brende, sot në Prishtinë në takim me presidentin e Republikës, Hashim Thaçi, ku u bisedua për thellimin e bashkëpunimit ndërshtetëror, tha se miqësia dhe partneriteti mes Kosovës dhe Norvegjisë është i fuqishëm, porse ai do të thellohet edhe më shumë.“Ka jostabilitet në rajon, por ne shpresojmë se Kosova, edhe në vitet në vijim, të jetë eksportuese e stabilitetit. Kjo është shumë e rëndësishme. Ne e mbështesim fuqishëm punën tuaj drejt integrimeve evropiane dhe partneritetit më të ngushtë me NATO-n. Ne jemi një ndër shtetet që kanë vazhduar partneritetin me vendin tuaj për sa i përket zhvillimit ekonomik, sepse besojmë se duhet të ketë vende pune dhe investime në Kosovë”, theksoi kryediplomati norvegjez, Borge Brende.Presidenti Thaçi e falënderoi ministrin e Jashtëm të Norvegjisë për mesazhet e tij inkurajuese për të ardhmen e Kosovës dhe për të ardhmen evropiane të rajonit, duke shprehur mirënjohje për mbështetjen që Norvegjia i ka dhënë gjithmonë Kosovës. “Kosova do të vazhdojë t’i ruaj raportet speciale me Norvegjinë, një shtet që ka mbështetur gjithmonë paqen, stabilitetin dhe pavarësinë e Kosovës. Ministrin e Jashtëm të Norvegjisë e informova për dialogun mes Kosovës dhe Serbisë, për shpresën tonë që të arrijmë marrëveshje të reja. Ky normalizim mes Kosovës dhe Serbisë nënkupton një paqe dhe stabilitet për krejt Ballkanin”, deklaroi presidenti Thaçi.Duke folur për bashkëpunimin ndërshtetëror, presidenti Thaçi tha se ky bashkëpunim me Norvegjinë do të vazhdojë në të gjitha sferat politike, ekonomike dhe të sigurisë. Presidenti Thaçi dhe kryediplomati norvegjez diskutuan edhe për bashkëpunimin e ndërsjellë në luftën kundër fundamentalizmit, kundër ekstremizmit dhe terrorizmit, që Kosova dhe rajoni të kenë sa më shumë paqe, siguri, stabilitet dhe zhvillim ekonomik.

unnamed (1) Edhe kryeministri i Republikës së Kosovës, Isa Mustafa, priti në takim ministrin e Punëve të Jashtme të Norvegjisë, Borge Brende, me të cilin kanë biseduar për bashkëpunimin ndërmjet dy shteteve si dhe zhvillimet në Kosovë dhe rajon.Duke e falënderuar për përkrahjen e madhe të Norvegjisë, kryeministri Mustafa shprehu përkushtimin e Kosovës për zgjerimin e bashkëpunimit në shumë fusha, me theks të veçantë në ekonomi. “Kosova ofron kushte të shumë të favorshme për investitorët norvegjezë të cilët mund të shfrytëzojnë edhe Ligjin për Investime Strategjike, që tashmë ka hyrë në fuqi, që të jenë sa më prezentë me investimet e tyre shumë të mirëpritura në Kosovë”, tha kryeministri, duke shtuar se Norvegjia ka qenë dhe mbetet partner i rëndësishëm i Kosovës.Më tej, kryeministri Mustafa e ka njoftuar për proceset tjera në Kosovë, për rrugën euroatlantike të Kosovës si dhe për zhvillimet në rajon dhe më gjerë.Në këtë kontekst, kryeministri Mustafa theksoi përkushtimin e qeverisë së Kosovës për fuqizimin e subjektivitet ndërkombëtar, për proceset evropiane, si dhe avancimin e marrëdhënieve të mira me të gjitha shtetet fqinje.Ministri i Punëve të Jashtme të Norvegjisë, Borge Brende, shprehu përkrahjen e mëtejme të Norvegjisë për Kosovën, në shumë fusha.Duke vlerësuar progresin e arritur deri më tani në Kosovë, ministri Brende, shprehu vullnetin e Norvegjisë për fuqizimin e bashkëpunimit dhe të shkëmbimeve ndërmjet dy shteteve.Gjatë takimit, u bisedua edhe për mundësitë e bashkëpunimit të mëtejmë në fushën e drejtësisë, ekonomisë, në fushën e barazisë gjinore si dhe në fusha të tjera.

unnamed (2) Kryetari i Kuvendit të Republikës së Kosovës, Kadri Veseli, priti poashtu sot në takim ministrin e Punëve të Jashtme të Norvegjisë, Borge Brende, me të cilin bisedoi për raportet që të dy shtetet kanë ndërtuar midis tyre, si dhe për mundësitë e zgjerimit të mëtejmë të tyre, në interes reciprok.Kryetari Veseli e njohu kryediplomatin norvegjez me zhvillimet e fundit në Kosovë dhe në veçanti me jetën parlamentare.Veseli e falënderoi Brende për mbështetjen që Norvegjia i ka dhënë Kosovës në faza të ndryshme, ndërsa theksoi nevojën që kjo përkrahje të vazhdojë edhe në të ardhmen, si në forcimin e demokracisë dhe zhvillimin ekonomik, ashtu edhe procesin euro-integrues dhe anëtarësimin e Kosovës në organizata të ndryshme ndërkombëtare.Marrëdhëniet shumë të mira dhe miqësore me Norvegjinë, Veseli i konsideroi si vlerë të veçantë për Kosovën, të cilat, sipas tij, kanë ndikim pozitiv në rrugën e Kosovës drejt integrimeve euro-atlantike.Ministri i jashtëm norvegjez, Borge Brende, nga ana e tij, shprehu kënaqësinë e veçantë që gjendet për vizitë në Kosovë dhe për zhvillimet pozitive në vendin tonë.Kreu i diplomacisë norvegjeze konfirmoi vazhdimin e mbështetjes së shtetit të tij për Kosovën dhe aspiratat e saj euro-atlantike, duke e konsideruar këtë si rrugën e vetme për të gjithë rajonin. Ministri i Punëve të Jashtme të Norvegjisë, Børge Brende, po viziton sot Kosovën, ku në takimet e zhvilluara gjatë pasditës në axhendë është edhe pritja nga ministri i Punëve të Jashtme, Enver Hoxhaj.Pas takimit, ministrat Hoxhaj dhe Brende do të mbajnë konferencë të përbashkët shtypi në ambientet qeverisë së Kosovës.Norvegjia është shteti i 34-të që ka njohur Kosovën në 28 Mars të vitit historik 2008 të shpalljes së pavarësisë në 17 Shkurt, të njohur deri tani nga 113 shtete anëtare të OKB-së.

Hoxhaj pret mbështetjen e Norvegjisë për zhvillimin ekonomik të Kosoves/

Enver-Hoxhaj-e-Børge- Brende-Prishtine-14shkurt2017

Prishtinë, 14 shkurt 2017/ Ministri i Punëve të Jashtme i Republikës Kosovës, Enver Hoxhaj ka takuar homologun e tij norvegjez, Børge Brende. Duke e falenderuar për përkrahjen e vazhdueshme që Norvegjia ia ka ofruar Kosovës në shtetndërtimin e saj, ministri Hoxhaj ka theksuar se shteti norvegjez vazhdon të mbetet një partner i rëndësishëm i Republikës së Kosovës, të cilën po vazhdon ta përkrah edhe më tej në konsolidimin e shtetësisë dhe të subjektivitetit ndërkombëtar.Me këtë rast Hoxhaj ka bërë me dije se me ministrin Brende, kanë disktuar për mundësitë e thellimit të bashkëpunimit ndërmjet dy shteteve në fusha të ndryshme si në ekonomi, në çështjen e sigurisë si dhe në procesin e njohjes ndërkombëtare të pavarësisë së Kosovës dhe anëtarësimin e saj në organizata ndërkombëtare. “Kemi biseduar si të rrisim mundësitë e bashkëpunimit ekonomik dhe si të kemi investitorë nga ky shtet. Për këtë në një të ardhme do të organizojmë një forum të përbashkët ekonomik me qëllim të tërheqjes së investimeve nga Norvegjia”, ka deklaruar ministri Hoxhaj.

Hoxhaj ka theksuar se falë përkrahjes së vazhdueshme nga ky shtet, Kosova vazhdon të mbetet faktor stabilieti, i sigurisë dhe i paqes në rajon. Ndërsa ka shtuar se ka kërkuar ndihmë nga homologu i tij edhe për ndërtimin e marrëveshjeve kontraktuale ndëmjet Kosovës dhe NATO-së.Hoxhaj është shprehur se Republika e Kosovës pret që ky shtet të vazhoj ta përkrah Kosovën edhe më tej gjatë procesit të aplikimit në organizatat ndërkombëtare si dhe të përfitoj nga përvoja norvegjeze për shtrirje të sovranititeti përmes anëtarësimit.Nga ana tjetër ministri, Brende derisa ka kujtuar se shteti i tij ka përkrahur në vazhdimësi Republikën e Kosvës, ka theksuar se Norvegjia është mbështetëse e madhe e agjendës së Kosovës. Si shtet anëtar i NATO-së, ai ka deklaruar se Norvegjia brengoset për Ballkanin Perendimor dhe siç ka shtuar ai ky shtet dëshiron të jetë partner në rritjen e stabilitetit në këtë pjesë të rajonit.Ndërsa, sa i përket dialogut ndërmjet Kosovës dhe Serbisë, ministri Brende ka vlerësuar se është një proces shumë i rëndësishëm dhe se Norvegjia e mbështet plotësisht këtë proces.

KOSOVA në punimet e Asamblesë Parlamentare të Këshillit të Evropës

January 27, 2017 by dgreca

Kosova, akreditim nga APKE me status të përhershëm/ 3 Kosova PE

2 Kosva PE

-Delegacioni i Kuvendit Kosovës në punimet e Asamblesë Parlamentare të Këshillit të Evropës/

1 Kosova PE

PRISHTINË, 27 Janar 2017-B.Jashari/ Delegacioni i Kuvendit të Republikës së Kosovës, i përbërë nga kryetari i delegacionit të përhershëm, Xhavit Haliti, dhe anëtarët Aida Derguti e Slobodan Petroviç, është duke marr pjesë në punimet e Sesionit të Parë të rregullt të Asamblesë Parlamentare të Këshillit të Evropës (APKE) në Strasburg, e cila është duke zhvilluar punimet nga 23 deri 27 janar.Delegacioni nga Kuvendi i Kosovës, për herë të parë është akredituar nga APKE me status të përhershëm, pjesëmarrësit e delegacionit nga Kuvendi i Kosovës janë pajisur me kartela identifikuese të APKE-së dhe tani posedojnë edhe zyrë si çdo delegacion tjetër anëtar në APKE. Bazuar në Rezolutën 2094 të vitit 2016, Kuvendit të Kosovës i është ofruar e drejta që të përfaqësohet me delegacion në Asamblenë Parlamentare të Këshillit të Evropës. Në ditët e ardhshme, Byroja e APKE-së do të miratojë të drejtat e delegacionit të Kuvendit të Kosovës në APKE.Delegacioni i Kuvendit te Kosovës, i ftuar nga presidenti i Asamblesë Parlamentare të Këshillit, Pedro Agramunt, ka zhvilluar një takim, në të cilin është njoftuar me mundësitë që do të ketë për të funksionuar i barabartë me delegacionet tjera në APKE.Po ashtu, me ftesë nga Delegacioni përfaqësues i Gjermanisë, delegacioni i Kuvendit të Kosovës ka zhvilluar një takim, në të cilin temë e diskutimit ishin të drejtat e delegacionit përfaqësues të Kosovës në APKE. Delegacioni gjerman nën udhëheqjen e Axel E. Fischer, i cili është edhe nënkryetar i APKE-së, uroi delegacionin përfaqësues të Kosovës për arritjet në APKE dhe shprehu mbështetjen e delegacionit të Gjermanisë në procesin e anëtarësimit të Kuvendit të Kosovës në APKE. Delegacioni nga Kuvendi i Kosovës ka takuar edhe përfaqësuesen nga shteti i Luksemburgut, ish-kryetare e APKE-së (2014-2016), Anne Brasseur, e cila, po ashtu ka uruar për punën e madhe dhe për arritjet në procesin e përfaqësimit në APKE. Brasser bëri të ditur se do të vizitojë Kosovën në shkurt, me ç‘rast do të merr pjesë në Samitin e kryetareve të komisioneve për punë të jashtme, e që do të mbahet në Prishtinë. Po ashtu, Brasseur ka shprehur përkrahjen e plotë të Luksemburgut në procesin e dhënies së të drejtave që kanë edhe delegacionet tjera në APKE.Lidhur me këtë, gjatë takimit u theksua nevoja që kjo çështje të diskutohet dhe miratohet, mundësisht me konsensus, në Byronë e APKE-së gjatë sesionit të saj.Njoftohet se, delegacioni i Serbisë është i angazhuar që nëpërmjet lobimit brenda Këshillit të Evropës të pengoj të drejtën legjitime të miratuar nga APKE, që në sallën e Asamblesë delegacioni i Kosovës të ketë të drejtën e barabartë, sikurse e parasheh rezoluta 2094 (2016), neni 13, që delegacioni i Kosovës të ketë të drejtën e fjalës dhe ulësen në APKE.Delegacioni i Kosovës ka fituar të drejtën e fjalës në të gjitha komisionet dhe nen-komisionet, si delegacion me të drejta të plota në APKE.

Kosova, mbështetje nga Banka Botërore

January 27, 2017 by dgreca

-Ministria e Financave e Qeverisë së Kosovës dhe Banka Botërore nënshkruan Marrëveshjen për Sigurimin e Ujit dhe Mbrojtjen e Kanalit. Vlera e përgjithshme e kësaj Marrëveshje është 22 milionë Euro/

PRISHTINË, 27 Janar 2017-Gazeta DIELLI-B.Jashari/ Ministri i Financave Avdullah Hoti dhe drejtori i Bankës Botërore për Kosovë Marco Mantovanelli nënshkruan sot Marrëveshjen për Hua me Bankën Botërore për financimin e Projektit Sigurimi i Ujit dhe Mbrojtja e Kanalit.

Ministri Avdullah Hoti duke e vlerësuar lartë bashkëpunimin e vazhdueshëm me Bankën Botërore theksoi se edhe kjo marrëveshje si shumë bashkëpunime të tjera me Bankën Botërore shërbejnë për përmirësimin e mirëqenies së qytetarëve të Republikës së Kosovës.Sipas ministrit Avdullah Hoti vlera e përgjithshme e kësaj Marrëveshje është 22 milionë Euro me një normë efektive të interesit 1.40%, grejs periudhë 5 vite dhe 20 vite kthim efektiv të kredisë. Projekti në fjalë ndahet në dy pjesë, përkatësisht, në përmirësimin e kanalit kryesor të ujit dhe ndërtimin e një rezervari. “Për përmirësimin e kanalit do të nën-huazohen tek Ibër Lepenci 15 milionë euro kurse pjesa e mbetur e kredisë në vlerë 7 milionë euro do të mbetet me Qeverinë e Kosovës për financimin e ndërtimit të rezervuarit. Përveç përmirësimeve infrastrukturore të kanalit që do të ndodhin duke filluar nga Ujmani deri në Obiliq, do të adaptohet/aplikohet edhe një sistem i avancuar elektronik i cili do t’i mundësoj Ibër-Lepencit të mbikëqyr kanalin, të mbledh dhe analizoj të dhënat nga tereni në kohë reale”, shtoi ministri Hoti.Ai gjithashtu bëri të ditur se, pjesa e dytë e projektit ka të bëjë me ndërtimin e një rezervuari të ujit në Mihaliq dhe lidhjen e tij me kanalin e ujit. Ky rezervuar do të shërbej për situata emergjente të cilat mund të ndodhin në të ardhmen. Ndërsa, drejtori i Bankës Botërore për Kosovë Marco Mantovanelli tha se, “uji është në qendër të zhvillimit ekonomik dhe social, ai është vital për ruajtjen e shëndetit, kultivimin e ushqimit, prodhimin e energjisë, menaxhimin e ambientit përfshirë edhe ndikimet e vërshimeve ose thatësirave, dhe për krijimin e vendeve të punës”.“Aktualisht, Kosova qendrore, rajoni me popullsinë më të dendur në vend i cili paraqet potencialin më të madh zhvillimor të Kosovës për shkak të përqendrimit të aktiviteteve minerare, bujqësore dhe industriale, është duke u sfiduar nga resurset e kufizuara ujore. Banka Botërore ka kënaqësinë të mbështesë Kosovën që ajo të bëj furnizimin e ujit më të pastër dhe më të qëndrueshëm”, shtoi ai.

Kosova do të ketë edhe Ministri të Inovacionit

January 26, 2017 by dgreca

-Oda Amerikane në Kosovë: Inovacioni, ndër faktorët kryesorë të zhvillimit ekonomik/

1 M Inovacioni

-Kosova në një të ardhme afatmesme duhet të ketë edhe Ministrinë e Inovacionit/

2 Inovacioni

PRISHTINË, 26 Janar 2017-Gazeta DIELLI/ Në tryezën e organizuar sot nga Oda Ekonomike Amerikane në Kosovë me temë “Inovacioni dhe Zhvillimi Ekonomik” u diskutua rreth inovacionit dhe ndikimeve të tij në zhvillimin e bizneseve dhe zhvillimin ekonomik të vendit.Në tryezë, ku u prezantua edhe anketa me biznese për inovacionin, ministri kosovar i Zhvillimit Ekonomik, Blerand Stavileci, ka vlerësuar se inovacioni është faktori kryesor i ndryshimeve të ritmit të zhvillimit ekonomik në vend, prandaj të gjitha institucionet duhet të orientohen drejt mobilizimit të kapitalit njerëzor në këtë fushë.
Ai tha se Ministria e Zhvillimit Ekonomik ka përfshirë në axhendë krijimin e një fondi me anë të së cilit do të financohen bizneset e reja dhe ato ekzistuese si dhe bizneset e orientuara në eksport, duke shtuar se Kosova në një të ardhme afatmesme duhet të ketë edhe Ministrinë e Inovacionit.Më tej Stavileci ka prezantuar faktorët e brendshëm që ndikojnë në zhvillimin e teknologjinë informative në Kosovë (TIK), si fushën kryesore në kuadër të inovacionit, respektivisht si promotor i zhvillimit ekonomik.“Pesë faktorët të cilët mund të zhvillojnë TIK-un në Kosovë: E para është se 34 për qind e qytetarëve të Kosovës janë nën moshën 18 vjeçare; pika dytë është adoptueshmëria në teknologji të informacionit; e treta është njohja e gjuhëve të huaj si të domosdoshme ( gjuha angleze dhe gjuha gjermane); pika e katërt është shmangia e shkollimit konvencional dhe orientimi drejt aftësimit të shpejtë profesional që bazohet në kreativitet, dije dhe guxim dhe pika e pestë, por jo më pak e veçantë që shkakton barriera tek ne është liberalizimi i vizave”, ka thënë Stavileci.Nga Oda Amerikane, Era Jashari, zyrtare për marëdhënie me qeverinë tha se inovacioni mbi të gjitha përfshin procese të reja, sisteme të reja të biznesit e metoda të reja të menaxhimit, të cilat kanë një ndikim të rëndësishëm në rritje të produktivitet e rrjedhimisht në zhvillim ekonomik.

Ndërsa Vanesa Gashi nga zyra për komunikime prezantoi të gjeturat e anketës mbi inovacionin, të kryer me anëtarët e Odës Amerikane, ku mes tjerash u vlerësua se ofrimi i lehtësirave dhe diskutimi më i madh politik në promovimin e inovacionit përmes stimujve monetar dhe jomonetar si dhe qasja në kredi për bizneset e reja janë të domosdoshme për të nxitur investimet në inovacion.Arben Ymeraga nga kompania anëtare e Odës Amerikane, Melita & Partners tha se mbështetja institucionale dhe promovimi i inovacionit janë të rëndësishme për rritjen e biznesit, duke theksuar se angazhimi i qeverisë është i domosdoshëm në këtë aspekt.Drenusha Shala themeluese e kompanisë Baruti diskutoi rreth rëndësisë së zhvillimit të inovacionit në Kosovë dhe përvojës së saj si ndërmarrëse. Ajo theksoi se edhepse në Kosovë ka vende të lira të punës, mungesa e njerëzve të kualifikuar profesionalisht paraqet problem kyç në punësim.Ndërsa, Rron Cena njëri ndër themeluesit e kompanisë Formon vlerësoi se baza themelore e zhvillimit të inovacionit në vend është edukimi dhe aftësimi profesional, në mënyrë që këto aftësi të përmbushin kërkesat e tregut./b.j/

KOSOVA NE PRITJE TE TRENIT EUROPIAN NE VEND TE ATIJ SERB

January 22, 2017 by dgreca

Nga Haradinaj tek treni nacionalist serb me ndihma ruse, Kosova pret trenin e demokracise Europiane/

NGA RRAPUSH SHARKA/NJU JORK/Ka dite qe Kosova nuk po fle e qete duke mos i patur fort mire punet! Serbia po rifshaqet serish ne endrrat e Kosovareve, per t’ua prishur gjumin! Here nga veriu e here nga Beogradi, pala Serbe na jep sinjale te forta mbi planet qe ajo gatuan nen institucionet me te larta. Nese do te isha cinik do te thoja se hija tyre aty ka qene dhe shpeshhere bejne gogolin per te na trembur ne caste pabesie! Nese do isha nacionalist, do te shprehesha se boll kemi duruar, tu pergjigjemi me njejten monedhe, fqinjit te lig dhe dashakeqes. Nese do te vazhoja me teper , si guximtar, do thoja pse nuk dergon ushtrine ne veri Kosova, qofte edhe perkrah KFOR-it dhe EULEX. Nese do isha naiv do te vazhdoja te kerkoja, dhe pse jo, ta hidhnim ate tren ne ere sic desh na dali nje Mic Sokol, ne daten 14 Janar. Ne leter Kosova eshte me e mbrojtur si asnje shtet ballkanik. Forcat paqeruajtese jane aty, nese fillojne konfliktet ata do te nderhyjne, sic thane dhe ne deklarate. Po situata ne realitet s’me rezulton keshtu!

Nga Haradinaj tek incidenti i trenit nacionalist serb me grant Rus, mendoj se jane dy ngjarje qe po ndertojne krizen ne ballkan, duke filluar nga Kosova, e ndoshta me pas duke rreshkit aty ky embrioni vazhdon te jete i ruajtuar ne ekupator. Kriza qe po shfqet nuk mund te themi se lindi si rrufe ne qiell te hapur, por e ushqyer nga faktore te jashtem dhe te brendshem. Po te rendisim ngjarjet ne kronologjine kohore, faktoret e jashtem mund te themi qe jane shkaku kryesor i destabilitetit, e i hovit te marr nga Serbia. Politikat evrpiane te paqarta, fitorja e Presidentit Trump ne SHBA, shkeputja e Anglise nga BE, e sere faktoresh te tjere jane disa teza qe Serbia po i analizon mire keto kohe, duke dashur te beje Krime veriun e Kosoves. Sapo u arrit fitorja e presidentit Trump ne SHBA, Serbia u rizgjua endrra Kosove, per ta nisur aty ku e pati lene. me pantallona ne fund te kembeve ata u kthyen tashme nga SHBA. Per te qene te sakte nga Rusia por qe rruga e re te shipe ne SHBA. Duhet ta pranojme pavarsisht se ata po na hiqen me evropian se perndimoret, peshorja e tyre anon nga lindja. Nacionalizmi arrit kulmin dhe nxorri ne pah gjith llumin e asaj shoqerie, saqe dy dite pas fitores se presidentit te SHBA-ve, neper rrjete sociale u shpalosen flamujt e propogandes dhe u be fakt i kryer qe marrja e Kosoves tani eshte ceshtje kohe. Amerikanet nuk do ti kushtezonin me, keshtuqe kjo fitore e Donald Trump, ishte si nje fitore edhe per ta. U desh sqarimin i Tadic, ku ne nje te perditshme me keqardhje shprehej se ata nuk mund ta merrnin dot Kosoven edhe me Trump president. Por ky shperthim folkloriko-qesharak sherbeu per lideret serb, kryesisht kryeministrin, per te forcuar poziten e liderit meqe jane edhe ne prag zgjedhjesh dhe makina e propogandes duhet te jete edhe me e forte. Ata arriten te bejne ate qe dine me mire, te mbajne ndezur pishtarin e nacionalizmit, kjo dhe sipasaoje e deshtimit te politikave dhe ringritjes se tyre. Politikan e rinj pretendonin te benin hapa kolosal kur erdhen ne pushtet, por qe nuk rezultoi keshtu. Ne rastin e provokimit te trenit, keto politikan te rinj vertetuan qe jane bijte politik te Milloshevicit. Ndalimi i Ramush Haradinajt nuk ishte jo pak befasues. Pala Serbe me politiken e saj, filloi te luaj me dy porta, njera si shtet qe kerkon te jete ne krah te bashkimit Evropian, duke insituar ne ca aleanca si p-sh Franen takimet me Merkel! Bisedat per te dalur nje lider ballkani nen frymen evropiane, ishte pamja fallco qe po na krijonte Vucic! Nderkohe qe ne lidhje me Kosoven, nuk na u treguan kaq evropian, e post modern, por vulgar dhe injorante! Dokumente shtese per “Bajlozin”, Ramush qe ne dy raste nuk e kishte denuar as Gjykata e Hages. Serbia kerkonte te testonte dhe poltiken evropiane. Ajo ne reagimet e saj, hidhte posht vendimet e Gjykates Nderkometare, duke paraqitur deshmitar shtese dhe duke e koklavitur ceshtjen ne me menyre juridike, sido qe ecte procesi, ne rast deshtimi(sic edhe ndodhi), te gjithe te dilnin te pa lagur. Po ajo cka pame, ishte se pala Serbe, po kerkonte shikonte ne mos ndizej ndonje drite jeshile edhe nga shtet evropiane. Ndersa kjo ceshtje ishte me shume juridiko – politike, serbia ndermerr dhe hapin tjeter, po kete radhe me kafshaten e madhe. Futjen e trenit ne Mitrovice, me parrullen “Kosova eshte Serbi”, sic gje tjeter vecse se nje provokim i paster per te nxitur konfliktin deri ne perleshje. Fatmiresisht Presidenti i Kosoves reagoi si nje “burre shteti” dhe dipolomat kariere dhe puna e trenit na u mbyll. U desh nje jave qe te mbylleshin dhe zerat sepse ata deshtuan ne menyre te turpshme, me provokimin e radhes, por pyetja qe duhet te shtrojme eshte se:” Cfare na la mbrapa ky tren”. Qe te jemi te qarte dhe te vertete. Serbia marrjen e Kosoves e ka ne tryezat e saj politike, pavaresisht sesa ajo mund te arrije. Gjithe investimi amerikan dhe evropian nuk mund te hidhet posht se ashtu do Serbia, por ata nuk do te lodhen dhe nese do te gjejne qofte dhe nje shteg te vogel, ata jane aty, duke nxjerr nga sirtaret dosjet e tyre qe kurr nuk kane per tu djegur, po vetem do ndryshojne format nga, p-shembull nga leter, ne dixhitale. Do te jene te gateshmen te bejne rrugen e Sizifit vetem qe ta dine se nje dite do ta marrin Kosoven. Ata do te jene gatshem te paguajne dhe fatura finaciare dhe sanksione me te larta vetem e vetem te shohin Kosoven nen urdhrat e tyre. Ata jane te marrepsur mbas Kosoves, duan ta marrin me cdo kusht. Duke pare deshirat e tyre e duke jetuar nen makthin se nje dite ata mund te rikthehen serisht, Kosova ka bere shume pak per veten. Serbia e di mire kete gje. Ata i njohin me mire politikat e brendshme kosovare sesa nji zyrtar i Kosoves. Ata e pane qarte sesi u telendisen Kosovaret e Shqiptaret me arrastimin e Harajdinat. Ata e pane edhe pse e dinin si udheheqesit Kosovar apo institucionet e shtetit te Kosoves u sollen te paorganizuara e te percara. Madje sikur ndihej nje pershtypje, sikur dikush i gezohej arrestimit te zotit Haradinaj. Ata e dine shume mire arken e Kosoves, te ardhurat eksoportet dhe imoprtet. Ata kane deputete qe i raportojne cdo jave se cfare ndryshimesh kushtetuese behen ne Parlamentin e Kosoves dhe sa i prek interesat e tyre! Ata e dine qe politikat e ndyra te liderve Kosvare do te favorizojne fillilisht biznesment e tyre dhe pastaj ato vendas. Ata tallen dhe duartrokasin kur ne parlamentin e Kosoves hidhet gas lotsjelles, e kur studentet Kosovare terhiqen zvarre per bulevard. Ata e pane shume mire si Kosova me emigrimin qe i ndodhi, pothuajse u pergjysmur. Shifarat ishin te frikshme saqe barazoheshin me ato Sirianeve , te cilet vazhdojne te braktisin vendin e tyre nga bomardimet qe i ndodhin per dite ne cdo cep. Ata duartrokasin dhe sponsorizojne konfliktin Shqipri-Kosove, duke u invesuar indirekt qe midis nesh te krijohet nje hendek. Serbo- filet na derdhnin lot ne pse shqipria po fut hundet tek punet e brendshme tuaja, por nuk flasin per cka politika serbe ben perdite mu ne qender te Prishtines. Ata nxjerrin perdite kosovare me mjekerra neper ekrane te tyre si luftetaret me te zote te ISIS. Ata po i paraqesin shqiptaret si turko-fil duke i shkeputur nga realiteti evropian, e duke i bashkuar me Islamistat ekstrem. Ata po investohen fort ne median Kosovare. Ata po investojne direkt, per nje corientim te opinionit, duke dashur ta veshin ujkun si dashin e kopese. Ka ardhur momenti qe ti te flasesh Kosove, largoje ato maskarenj prej vetes. Fol Kosove qe te shpetosh nje here e mire, e lejo vetem nje tren te bredh ne ato troje, ate evropian.