kosova – Page 62 – Dielli

Kosovë-Tre krerë të rinj të pranisë ndërkombëtare

September 2, 2016 by dgreca

-Komandant i ri të KFOR-it, Gjeneral Majori Giovanni Fungo/

-Shefe e re e Zyrës së BE-së në Kosovë dhe Përfaqësuesen e Posaçme e BE-së, Nataliya Apostolova/

– Shefje e re e Misionit të Bashkimit Evropian për Sundimin e Ligjit në Kosovë (EULEX), Alexandra Papadopoulou/

PRISHTINË, 2 Shtator 2016-Gazeta DIELLI-Behlul Jashari/ Presidenti i Republikës së Kosovës, Hashim Thaçi, priti sot në takime të ndara Shefen e re e Zyrës së BE-së në Kosovë dhe Përfaqësuesen e Posaçme e BE-së, Nataliya Apostolova, si dhe Shefjen e re të Misionit të Bashkimit Evropian për Sundimin e Ligjit në Kosovë (EULEX), Alexandra Papadopoulou, të cilat kanë marrë dje detyrat. Apostolova wshtw me kombësi bullgare, ndwrsa Papadopoulou greke.

Kështu niswn takimet njohëse me autoritetet e vendit krerët e rinj të pranisë ndërkombëtare në Kosovë, që kanë marrë pozitat në të njëjtën ditë, dje, dhe janë tre përfshirë komandantin e ri të KFOR-it, Gjeneral Majorin Giovanni Fungo.

Presidenti Thaçi mori pjesë në ceremoninë e ndërrimit të komandës së forcës paqeruajtëse të NATO-s në Kosovë në mes të Gjeneral Majorit italian në largim Guglielmo Luigi Miglietta dhe bashkwkombasit tw tij Gjeneral Majorit në ardhje Giovanni Fungo, të zhvilluar dje në Shtabin e Përgjithshëm të KFOR-it, në Kampin “Film City” në Prishtinë.

Për punën e tij në Kosovë, për thellimin e besimit dhe të përkrahjes për të gjithë banorët, Presidenti Thaçi e dekoroi Gjeneral Majorin Miglietta me Medaljen Ushtarake të Presidentit të Kosovës.

Presidenti Thaçi priti shefen e re të zyrës së BE-së, Nataliya Apostolova

Presidenti i Republikës së Kosovës, Hashim Thaçi, ka pritur sot në takim përfaqësuesen e Posaçme të BE-së, Nataliya Apostolova, të cilës i ka uruar punë të mbarë në detyrën e re.

Presidenti Thaçi ka theksuar se Kosova në vitet e shkuara ka bërë përparime të prekshme në jetësimin e aspiratave të qytetarëve të Kosovës për anëtarësim në Bashkimin Evropian. “Me mbështetjen tuaj do t’i tejkalojmë edhe sfidat e mbetura”, ka shtuar Thaçi.

Nga ana tjetër, shefja e re e zyrës së BE-së në Kosovë, Nataliya Apostolova, ka rikonfirmuar mbështetjen e BE-së për perspektivën evropiane të Kosovës.

“Pres me padurim të punojë me juve në avansimin e axhendës së BE-së për Kosovën, në çështjet si zbatimi i MSA-së, viza liberalizimi, të drejtat e njeriut dhe vazhdimin e dialogut për normalizimin e marrëdhënieve mes Beogradit e Prishtinës, ku BE-ja është e angazhuar në mënyrë të barabartë me të dyja palët. Jam në mënyrë të veçantë e inkurajuar me dakordimin që të kemi takime të rregullta për të kumtuar se çfarë nënkupton BE-ja për qytetarët e Kosovës.””, u shpreh Apostolova.

Në këtë takim, presidenti Thaçi ka theksuar se sa më parë duhet të ndodh liberalizimi i vizave për qytetarët e Kosovës, në mënyrë që edhe ata të bëhet pjesë e lëvizjes së lirë në Evropë.

Presidenti Thaçi me shefen e re të EULEX-it flasin për bashkëpunimin në fushën e drejtësisë

Presidenti i Republikës së Kosovës, Hashim Thaçi, ka pritur sot në takim edhe shefen e re të EULEX-it, Alexandra Papadopoulou.

Me shefen e EULEX-it, kreu i shtetit ka diskutuar për bashkëpunimin e mirë të institucioneve të Kosovës me EULEX-in, për shtimin e kapaciteteve të reja dhe për sfidat e institucioneve të drejtësisë.

“Bashkëpunimi me institucionet dhe puna e mirë e EULEX-it kanë bërë që deri më tani ky mision të ketë shumë suksese në Kosovë. Falë mbështetjes së EULEX-it edhe institucionet tona të drejtësisë janë fuqizuar dhe kanë rritur kapacitetet e tyre të punës”, është shprehur presidenti Thaçi.Ndërsa, shefja e re e EULEX-it, Alexandra Papadopoulou, tha se EULEX do të vazhdojë bashkëpunimin me institucionet e Kosovës dhe brenda përgjegjësive që ka gjithnjë do t’i mbështes ato.

“Kosova ka qenë dhe mbetet e përkushtuar në konsolidimin e sundimit të së drejtës”, theksoi presidenti Thaçi.

Shefen e re të EULEX-it, Alexandra Papadopoulou, presidenti Thaçi e uroi edhe për detyrën e saj të re në Kosovë.

Ministri Çollaku pret në takim njoftues shefen e re të Zyrës së BE-së, përfaqësuesen e posaçme të BE-së, Apostolova

Ministri i Integrimit Evropian, Bekim Çollaku, priti në takim njoftues shefen e re të Zyrës së Bashkimit Evropian njëherësh përfaqësuese e posaçme e BE-së në Prishtinë, Nataliya Apostolova, së cilës i dëshiroj mirëseardhje në Kosovë.

Ministri Çollaku shprehu përkushtimin e institucioneve për të vazhduar bashkëpunimin me Zyrën e BE-së në drejtim të avancimit të agjendës evropiane për Kosovën.

Gjatë takimit ministri e ka njoftuar Apostolova për angazhimet lidhur me zbatimin e

MSA-së rezultatet e para të së cilës kanë filluar të formësohen duke shtuar se kjo është agjendë e reformave e cila pritet të dinamizohet gjatë muajve në vazhdim.

Kurse sa i përket procesit të liberalizimit të vizave përkundër zhvillimeve të djeshme në Kuvendin e Kosovës, përkatësisht tërheqjes nga rendi i ditës të Projektligjit për ratifikimin e Marrëveshjes për shënimin e vijës kufitare ndërmjet Kosovës dhe Malit të Zi, ministri Çollaku theksoi se BE-ja duhet të vazhdojë me procedurat e vendimmarrjes dhe të marr vendim pozitiv për Kosovën.

“Kosova ka bërë më shumë reforma dhe ka përmbushur shumë më tepër kritere se çdo shtet tjetër i Ballkanit Perëndimor që ka përfituar nga procesi i liberalizimit të vizave. Prandaj pres vlerësime pozitive në këtë drejtim dhe sigurojmë institucionet e BE-së se Kosova do të vazhdojë me agjendën e reformave duke respektuar dhe zbatuar obligimet që dalin nga procesi i liberalizimit të vizave dhe procesi i integrimit evropian në përgjithësi”, ka thënë ministri Çollaku.Shefja e re e Zyrës së BE-së në Kosovë njëherësh përfaqësuesja e Posaçme e BE-së, Nataliya Apostolova e falënderoi Ministrin Çollaku për mikpritjen e ngrohtë në Kosovë.” Jam e lumtur që Kosova është plotësisht e përkushtuar në rrugën e saj evropiane dhe pres të punojmë bashkërisht në avancimin e saj, në mënyrë të posaçme në zbatimin e MSA-së dhe komunikimin e axhendës së BE-së te qytetarët e Kosovës”, ka thënë Apostolova.

Kosova nis aplikimin e platformës së e-prokurimit

September 2, 2016 by dgreca

-Përmbush dy obligime të axhendës për integrime evropiane dhe qasje në institucione financiare ndërkombëtare/

PRISHTINË, 2 Shtator 2016-B.Jashari/Në mbështetje të vendimit të qeverisë së Republikës së Kosovës dhe në funksion të funksionalizimit të platformës së prokurimit elektronik nisi aplikimi i platformës së e-prokurimit për të gjitha autoritetet kontraktuese në nivelin qendror.Me këtë rast, sot u mbajt një takim informues me zyrtarët përgjegjës të prokurimit (menaxherët e prokurimit) dhe përfaqësuesit e Komisionit Rregullativ të Prokurimit Publik, të cilët u informuan për hapat që duhet të ndiqen në procedurat e prokurimit elektronik.

Në këtë takim Ministri Avdullah Hoti bëri të ditur se pas shumë angazhimeve të Komisionit Rregullativ të Prokurimit Publik dhe ekspertëve të angazhuar në këtë project, me ndihmën e partnerëve zhvillimorë, është përfunduar platforma elektronike për e-prokurim.“Po fillojmë zbatimin e vendimit të qeverisë për aplikim të prokurimit elektronik. Kjo është reforma më e madhe në fushën më të ndjeshme të financave publike, që është prokurimi. Kjo reformë është në përputhje me objektivin kryesor të Ministrisë së Financave dhe të qeverisë, që është rritja e transparencës dhe efikasitetit në shpenzimet publike”, shtoi ministri Hoti.Sipas tij, prokurimi elektronik ka përparësi të pakrahasueshme, sepse siguron transparencë maksimale dhe objektivitet në përzgjedhjen e përfituesve të kontratave publike, siguron automatizim të procedurave dhe monitorim shumë më të mirë të kontratave, shkëputë kontaktet e drejtpërdrejta të zyrtarëve të prokurimit me operatorët ekonomikë gjatë procesit të përzgjedhjes, mundëson që çdo aktivitet i zyrtarëve të prokurimit të jetë plotësisht i gjurmueshëm në sistem online dhe i qasshëm për të gjithë.

“Kjo mundëson auditim më të lehtë dhe kontroll më efikas të proceseve të prokurimit dhe e rrit përgjegjësinë e zyrtarëve të prokurimit, si dhe ofertat bëhen të lexueshme të gjitha njëkohësisht, sepse sistemi nuk lejon qasje selektive dhe asnjë lloj keqpërdorimi. Të gjitha këto rrisë konkurrencën dhe rrjedhimisht ulet kostoja për realizimin e investimeve publike”, tha ministri kosovar i Financave.

Me aplikimin e prokurimit elektronik, theksoi ministri Hoti, Kosova përmbush dy obligime karshi axhendës për integrime në Bashkësinë Evropiane dhe qasje në institucione financiare ndërkombëtare.

“Prokurimi elektronik është pjesë e Programit që ka qeveria e Kosovës me Fondin Monetar Ndërkombëtar, përmes të cilit përfitojmë deri në 180 milionë euro kredi direkte buxhetore për financim të projekteve, si dhe qasje në institucione financiare ndërkombëtare. Përmbushja e kësaj pjese të Programit me FMN-në, dhe gjithashtu aplikimi i prokurimit elektronik na barazon me shumë shtete evropiane që e aplikojnë këtë formë të prokurimit, si dhe përmbushim kërkesat e Komisionit Evropian të parapara në Raportin e Progresit për Kosovën”, theksoi ministri Hoti.

Kosova 1.666 të zhdukur

August 29, 2016 by dgreca

-U mbajt tryeza “Dita Ndërkombëtare e Personave të Zhdukur – rasti i Kosovës”/

-Tryeza u organizua me qëllim të sensibilizimit, ndërgjegjësimit dhe informimit të drejtë të opinionit vendor dhe ndërkombëtar, për procesin e ndriçimit të fatit të personave të zhdukur gjatë luftës në Kosovë/

PRISHTINË, 29 Gusht 2016-Gazeta DIELLI/Në Kuvendin e Republikës së Kosovës, është mbajtur sot tryeza me temën: Dita Ndërkombëtare e Personave të Zhdukur – rasti i Kosovës”, për shënimin e 30- gushtit, Ditës Ndërkombëtare për Persona të Zhdukur.

Tryeza u organizua nga Komisioni Parlamentar për të Drejtat e Njeriut, Barazi Gjinore, Persona të Pagjetur dhe Peticione i Kuvendit të Republikës së Kosovës, si dhe Komisioni Qeveritar për Persona të Zhdukur dhe Këshilli Koordinues të Asociacioneve Familjare të të Zhdukurve të Kosovës, me qëllim të sensibilizimit, ndërgjegjësimit dhe informimit të drejtë të opinionit vendor dhe ndërkombëtar, për procesin e ndriçimit të fatit të personave të zhdukur gjatë luftës në Kosovë.

Gjatë kësaj tryeze u tha se Kosova akoma pret zbardhjen e 1.666 personave të zhdukur, si pasojë e luftës së vitit 1998-1999.

Kryetarja e Komisionit për të Drejtat e Njeriut, Barazi Gjinore, persona të pagjetur dhe Peticione, Lirije Kajtazi, në fjalën e saj, tha se Kuvendi i Kosovës, në vitin 2011 ka miratuar Ligjin për persona të zhdukur, si dhe ligje tjera që kanë të bëjnë me kujdesin për kategoritë e prekura nga zhdukja e familjarëve, duke sqaruar se për këtë çështje Kuvendi pati nxjerrë rekomandime. Ajo tha se kryesit e këtyre krimeve duhet të nxirren para drejtësisë. Sa i përket procesit të dialogut mes Kosovës dhe Serbisë, ajo tha se duhet të insistohet më tutje dhe të ushtrohet trysni më e madhe në këtë drejtim.

Kryetari i delegacionit të Kosovës, grupi i punës për persona të zhdukur, Ibrahim Makolli, ndërkaq, tha se çështja e fatit të të zhdukurve nuk ka zënë vend meritor në agjendat e institucioneve vendore dhe as atyre ndërkombëtare.

“Apelojmë te bashkësia ndërkombëtare që ta shtojë trysninë mbi Beogradin, për të hapur arkivat e ushtrisë, të policisë dhe të administratës shtetërore, sepse besojmë se aty fshihen të dhënat e plota për fatin e të zhdukurve”, tha Makolli, duke shtuar se po të kishte vullnet më të madh të faktorit ndërkombëtar, kjo çështje do të merrte një kah pozitiv.

Ndërsa, Thomas Gnocchi, përfaqësues i Zyrës së Bashkimit Evropian në Kosovë, mes tjerash tha se duhet të punohet më shumë në drejtim të informatave për të zbuluar fatin e personave të zhdukur. Ai shtoi se BE-ja përpiqet të ofrojë fonde dhe mbështetje për zbardhjen e fatit të pagjeturve.

Ndërkaq, Bajram Qerkini, përfaqësues i familjeve të të zhdukurve, tha se edhe pas 17 vjetësh, ata kanë të njëjtat shqetësime, dhimbje e pritje, dhe se edhe ky gusht po i gjen në të njëjtën gjendje.

“Të sillen para drejtësisë të gjithë ata që kanë marrë pjesë në zhdukjen e familjarëve tanë. Adresa për zbardhjen e fatit të tyre është Beogradi. Përfaqësuesit ndërkombëtarë duhet t’i bëjnë presion Serbisë dhe ta detyrojnë atë t’i hapë arkivat”, tha ai.Më pas, fjalën e morën edhe përfaqësues të tjerë të shoqatave dhe familjeve të të pagjeturve, të cilët shprehën shqetësimet e tyre që edhe 17 vjet pas luftës, fati i personave të zhdukur vazhdon të jetë i pazgjidhur, ndërsa kërkuan angazhim më të madh institucional, vendor e ndërkombëtar, që kjo çështje të zgjidhet sa më parë.

Pas diskutimeve, u lexuan konkluzionet, të hartuara nga grupi i caktuar për këtë çështje, me mundësinë që ato të plotësohen.Në konkluzionet e lexuara, kërkohej adresimi i një shkrese Komisionit për të Drejtat e Njeriut të Kombeve të Bashkuara, me seli në Gjenevë, nga ana e Komisionit përkatës parlamentar të Kosovës, nëpërmjet të cilës të pasqyrohet çështja e fatit të të pagjeturve. U kërkua gjithashtu, që shënimi i 30-gushtit, në të ardhmen, të bëhet në formate të tjera,si dhe zbatimi i rezolutave të miratuara nga Kuvendi. Në konkluzionet e lexuara, u kërkua, po ashtu, inicimi i plotësim-ndryshimi i Ligjit për persona të zhdukur dhe bartja e përgjegjësive nga ndërkombëtarët te vendorët, lidhur me çështjen e të pagjeturve.

KOSOVË-THAÇI: TË PAGJETURIT JANË PLAGË QË DUHET TË MBYLLET SA MË PARË

-Axhenda e aktiviteteve për shënimin e Ditës Ndërkombëtare për Persona të Zhdukur-

Të pagjeturit mbesin një nga plagët më të rënda që ka lënë lufta në Kosovë, ndërsa zgjidhja e fatit të të pagjeturve një nga detyrat më urgjente dhe më të rëndësishme për të gjithë, është shprehur sot Presidenti i Republikës, Hashim Thaçi, në vigjilje të Ditës Ndërkombëtare të të Personave të Zhdukur, 30 gushtit.

“Lufta ka lënë shumë plagë, por ajo e të pagjeturve është ndër më të rëndat”, ka thënë presidenti Thaçi, i cili shtoi se kjo çështje “rëndon familjet e të të pagjeturve por edhe tërë shoqërinë, marrëdhëniet mes komuniteteve por edhe gjasat për një të ardhme më të mirë”.

“Është nevojë urgjente, detyrë humanitare, obligim i të gjithëve që sa më parë të zbardhet fati i të gjithë të pagjeturve, pa marrë parasysh përkatësinë e tyre etnike”, tha presidenti Thaçi.

Presidenti i Kosovës theksoi se nuk kalon ditë që nuk i kujtojmë të pagjeturit. “Na shikojnë nga fotot e varura në rrethojën e Kuvendit të Kosovës. Na thërrasin familjet. Na i kujtojnë memorialët që i shohim rrugëve të Kosovës. Ndërsa, në ditët si 30 gushti, zotohemi që gjithmonë, pandërprerë, do të kërkojmë dhe do të këmbëngulim që sa më parë të zbardhet fati i secilit qytetar të Kosovës, në mënyrë që familjet e të pagjeturve të gjejnë paqen e tyre”, tha ai.

Presidenti i Republikës së Kosovës, Hashim Thaçi, përfundoi se, “janë mu këto dhimbje që i ka shkaktuar lufta motivi ynë që të punojmë që të mos lejojmë që të përsëritet lufta por gjithmonë të ketë paqe, pajtim dhe bashkëpunim mes të gjitha komuniteteve”.

Në Kosovë, 17 vjet pas luftës, janë ende mbi 1660 të zhdukur të pagjetur.

Ndërkohë, Këshilli Organizativ për shënimin e 30 Gushtit – Ditës Ndërkombëtare për Persona të Zhdukur, i përbërë nga përfaqësues të Komisionit Parlamentar për të Drejtat e Njeriut, Barazi Gjinore, Persona të Pagjetur dhe Peticione, Komisionit Qeveritar për Persona të Zhdukur dhe Këshillit Koordinues të Asociacioneve Familjare të të Zhdukurve të Kosovës, njoftuan sot axhendën e aktiviteteve për shënimin e Ditës Ndërkombëtare për Persona të Zhdukur.Aktivitetet e planifikuara për shënimin e 30 Gushtit–Ditës Ndërkombëtare të Personave të Zhdukur, janë të përshkruara në vijim:

– 29.08.2016, ora 11:55, organizimi i Tryezës me temën: ‘Dita Ndërkombëtare për Persona të Zhdukur – rasti i Kosovës’ (Tryeza do të mbahet në Kuvendin e Republikës së Kosovës).

– 30.08.2016, ora 09:30, vendosja e luleve te ‘Përmendorja dedikuar personave të zhdukur’ (përballë Kuvendit të Republikës së Kosovës).

– 30.08.2016, ora 11:00, Tubimi Qendror, në Merdar (lokalitet i vendkalimit kufitar të Kosovës me Serbinë), Komuna e Podujevës./b.j/

Kosova, standarde të NATO-s

August 24, 2016 by dgreca

-NATO mandaton Ekipin Këshillues dhe Ndërlidhës për Ministrinë e FSK-së dhe për Forcën e Sigurisë së Kosovës/

-Ceremoni në shtabin e KFOR-it dhe pritje në Ministrinë e FSK-së për një delegacion të NATO-s-

-Paul Savereux, drejtor i Divizionit për Politika dhe Plane në Aleancë: “NATO është e përkushtuar për zhvillimin e Kosovës”/

-Ministri i FSK-së Haki Demolli: Doktrina dhe standardet e NATO-s janë vlera mbi të cilat Kosova do ta ndërtojë sistemin e mbrojtjes/

PRISHTINË, 24 Gusht 2016-Gazeta DIELLI-Behlul Jashari/ Në Prishtinë, në shtabin e KFOR-it në bazën “Film City”, sot u zhvillua ceremonia e ngritjes së Ekipit Këshillues dhe Ndërlidhës të NATO-s (NALT) për Ministrinë për Forcën e Sigurisë së Kosovës dhe për vet Forcën e Sigurisë së Kosovës.Në aktin solemn të mandatimit të NALT-it për MFSK/FSK-në, morën pjesë ministri i FSK-së Haki Demolli e komandanti gjenerallejtënant Rrahman Rama. Ministri Demolli falënderoi NATO-n dhe KFOR-in për angazhimin e tyre në ruajtjen e paqes dhe sigurisë në vend, e në veçanti falënderoi NATO-n për përkujdesjen ndaj ngritjes së institucioneve vendore të sigurisë në Republikën e Kosovës.

Më tej, ministri Demolli foli edhe për rolin dhe rëndësinë e dy ekipeve këshilluese të NATO-s për Ministrinë dhe Forcën (NAT/ NLAT) që nga viti 2009, të cilat siç tha, ministri Demolli, kanë pasur mision zhvillimin dhe profesionalizimin e Ministrisë dhe të FSK-së dhe pothuajse mision të “miqve ndër miq”.

Këshilltarët që kanë qenë këtu, shtoi ministri Demolli dhe të tjerët që janë këtu, por edhe ata që do të vijnë pas jush, janë vlerë për MFSK/FSK-në, sepse doktrina dhe standardet e NATO-s janë vlera mbi të cilat Kosova do ta ndërtojë sistemin e mbrojtjes.Në fund, ministri Demolli i dëshiroi punë të mbarë Ekipit Këshillues dhe Ndërlidhës të NATO-s për MFSK/FSK-në si dhe i siguroi ata për bashkëpunim dhe koordinim të vazhdueshëm dhe të mirëseardhur në të ardhmen.

Ndërsa, komandanti i FSK-së, gjenerallejtënant Rrahman Rama i falënderoi drejtorët e ekipeve këshilluese dhe këshilltarët e NATO-s për punën, angazhimin, kontributin si dhe bashkëpunimin e shkëlqyer me FSK-në. Gjeneral Rama tha se vizioni dhe qëllimet tona të përbashkëta e bëjnë punën tonë të përbashkët mjaft të suksesshme dhe se ky koordinim e bashkëpunim do të jap frytet e veta në të ardhmen.Komandanti i FSK-së, gjeneral Rama i ndau drejtorit të Ekipit Ndërlidhës Këshillues të NATO-s për FSK-në, gjeneral brigade Ernest Horn “Medaljen për Shërbim Vetëmohues” për kontributin e tij në krye të ekipit si dhe për bashkëpunimin e shkëlqyer me FSK-në gjatë shërbimit të tij, në krye të NLAT-it.Në ceremoninë e mandatitimit të Ekipit Këshillues dhe Ndërlidhës të NATO-s për Ministrinë dhe FSK-në folën edhe përfaqësuesit e NATO-s, Paul Savereux dhe Michel Soula, komandanti i KFOR-it, gjeneral major Guglielmo Miglieta, drejtori i NLAT-it, gjeneral brigade Ernest Horn, drejtori i NAT-it për MFSK-në, Dominic Haydn Braithwaite.Ekipi Këshillues Ndërlidhës i NATO-s për Ministrinë dhe për FSK-në do të jetë trup këshillues dhe ndërlidhës ndërmjet NATO-s dhe Ministrisë për FSK dhe vet FSK-së. Drejtor i NALT-it, nga NATO u emëruar gjeneral brigade Dietmar Mosmann.

Ndërkohë, ministri i Ministrisë për Forcën e Sigurisë të Kosovës(MFSK), Haki Demolli priti sot në takim një delegacion të NATO-s të kryesuar nga Paul Savereux, drejtor i Divizionit për Plane dhe Politika të Mbrojtjes të Aleancës i cili sot mandatoi Ekipin këshillues ndërlidhës të NATO-s për Ministrinë dhe FSK-në. Fillimisht, ministri Demolli e falënderoi delegacionin e NATO-s për angazhimin në ruajtjen e paqes në Kosovë dhe kontributit që ka dhënë KFOR-i për sigurinë në vend, gjithashtu edhe për punën e shkëlqyer të ekipeve këshilluese të NATO-s në MFSK dhe në Forcën e Sigurisë së Kosovës, të cilat janë angazhuar përmes këshillimeve, ndarje përvojash si dhe planifikim për të ardhmen. Më tej, ministri Demolli tha se objektivi i Kosovës është që të promovojmë paqe në vend dhe më gjerë, si dhe objektivat tona të përputhen me vendet tjera të Bashkimit Evropian, aty ku vendi ynë synon që të integrohet. Në veçanti, ministri Demolli, në takim me delegacionin e lartë të NATO-s, tha se Republika e Kosovës është e interesuar që ta thellojë bashkëpunimin me NATO-n, duke përmendur këtu iniciativën e qeverisë dhe kryeministrit të vendit dhe letrën që kryeministri Isa Mustafa i ka drejtuar NATO-s.

Gjithashtu, ministri i FSK-së, Haki Demolli e njoftoi delegacionin e NATO-s edhe mbi rekomandimet e dala nga Rishikimi Strategjik i Sektorit të Sigurisë, për punën që ka bërë Ministria për Forcën e Sigurisë dhe Forca e Sigurisë në drejtim të draftimit të amendamenteve kushtetuese, pakos së ligjeve dhe planifikimin afatgjatë në drejtim të përgatitjes sa më të mirë të procesit të transformimit të Forcës së Sigurisë të Kosovës në Forca të Armatosura të Kosovës (FAK), pas vendimit politik që pritet të merret nga institucionet më të larta të vendit, duke u shprehur se i tërë procesi që nga RSSS-ja dhe deri tani ka qenë një proces plotësisht transparent dhe se kështu do të vazhdojë edhe në të ardhmen.

Në fund, ministri Demolli shprehu interesimin për zgjerimin e bashkëpunimit edhe me vende tjera, anëtarësimin në iniciativa rajonale dhe me gjerë, duke theksuar se përkrahja e partnerëve strategjik, si Shteteve të Bashkuara të Amerikës, Mbretërisë së Bashkuar, Gjermanisë etj., ka qenë e duhura dhe se kjo pritet të zgjerohet edhe me shtetet tjera në fushën e sigurisë në të ardhmen.

Ndërsa, komandanti i Forcë së Sigurisë të Kosovës, gjenerallejtënant Rrahman Rama e njoftoi delegacion nga Brukseli për zhvillimin dhe profesionalizimin e FSK-së, besueshmërinë e lartë që ka FSK-ja në opinionin vendor si dhe rritjen e kësaj besueshmërie edhe tek minoritetet që jetojnë në Kosovë e posaçërisht tek pakica serbe.Më tej, gjeneral Rama foli edhe për pjesëmarrjen e FSK-së në trajnime dhe ushtrime jashtë vendit e sidomos në ushtrime rajonale të përbashkëta, ku FSK-ja, sipas të gjitha raporteve po tregon profesionalizëm dhe ndërveprueshmëri me të gjitha ushtritë e vendeve pjesëmarrëse.

Nga ana e tij, përfaqësuesi i NATO-s, Paul Savereux, drejtor i Divizionit për Politika dhe Plane në Aleancë tha se, “NATO është e përkushtuar për zhvillimin e Kosovës”. Kjo, siç tha ai, u konfirmua edhe në Samitin e NATO-s, të mbajtur në Varshavë-Poloni.

Savereux, me këtë rast, përgëzoj ministrin Demolli dhe ekipin e tij, siç u shpreh ai, për punën që po bën duke kumtuar se raportet nga NAT-i dhe NLAT-i (Ekipet Këshilluese dhe Ndërlidhëse të NATO-s) të dërguara në Bruksel kanë qenë shumë pozitive për zhvillimin e MFSK-së dhe FSK-së.Në fund, kreu i delegacionit të NATO-s, Paul Savereux tha se transformimi i FSK-së në FAK varet nga shteti i Kosovës, duke shtuar se kjo duhet të bëhet në përputhje me mundësitë dhe nevojat e Kosovës, pra, për gjithë këtë proces dhe modalitetet vendos vetë Kosova.Në takim me delegacionin e NATO-s, merrnin pjesë edhe zëvendësministrat e FSK-së Fadil Gashi dhe Muhamet Latifi, atasheu i FSK-së në Bruksel, nënkolonel Ahmet Ajeti, drejtorët e NAT-it dhe NLAT-it, Dominic Brodwait dhe gjeneral brigade Ernest Horn, ndërsa nga delegacioni i NATO-s në takim ishin edhe Michel Soula, shef i Seksionit të Operacioneve dhe Liliane Maes, këshilltare në Divizionin e Operacioneve në Aleancë.

KOSOVA-DITARI I LUFTËS

August 20, 2016 by dgreca

Në foto: Ibrahim Rugova dhe Christopher Hill vizitë në Malishevë në kohë lufte/

KOSOVA-LUFTA NË LAJME/ Rugova takon të dërguarin e SHBA/

PRISHTINË, 20 Gusht 2016-Gazeta DIELLI-Behlul JASHARI/ Para 18 viteve, në 20 gusht 1998,Presidenti i Republikës së Kosovës Dr. Ibrahim Rugova, takohej me përfaqësues amerianë e evropianë, derisa lufta vazhdonte…Para 20 viteve, në 19 gusht 1996, një diplomat i Shqipërisë ishte në Prishtinë…Këto i raportoja:

http://www.hri.org/news/balkans/ata/1998/98-08-20.ata.html

[05] Heavy clashes in Drenica

PRISHTINE, 19 August /ATA correspondent B.Jashari reports: – New heavy clashes continued on Wednesday between forces of Kosova Liberation Army (KIA) and aggressive forces of Serbia in Llaushe, Acareve (Skenderaj), Cerovik and surrounding of Klina commune, during which the Serbian forces have suffered loses in military forces and equipment, sources of Council for the Defence of Human Rights in Likofc report.

With a lower intensity the fighting went on along the border line between Kosova and Albania, where heavy artillery of the Yugoslav army have shelled villages in the Deçani region.

Sources of Democratic League of Kosova (DLK) report that on Tuesday evening the Serbian military forces have shelled Banja village, where one Albanian was killed and three others were wounded, all members of one family. While on Wednesday in the villages Bubavec and Drenovc the Serbian forces torched houses of Albanians./fh/

[06] EU ready to help Kosova’s displaced population

PRISHTINE, August 19 (ATA)-The European Union (EU) Humanitarian Affairs Commissioner, Emma Bonino, in Prishtine on Wednesday expressed the EU readiness to provide humanitarian aid for Kosova’s displaced population as a result of the Serbian offensive.

“Preventive measures should be taken in Kosova to avoid a catastrophe, ” said Bonino at a meeting on Wednesday with the President of the Republic of Kosova, Ibrahim Rugova.Bonino is visiting Kosova at the head of a delegation which also includes the ambassador of Austria in Belgrade, Volfgang Petric.

Rugova said that the situation in Kosova continues to be very grave, due to the offensive of the Serb military and police forces and asked a powerful international humanitarian intervention in Kosova to help the civilian population and avoid a catastrophe. /b.j/mima/lm/

[22] U.S. envoy for Kosove Christopher Hill meets Rugova

PRISHTINE, August 20 (ata) – ATA correspondent B Jashari reports: The U.S. envoy for Kosove, Christopher Hill had a closed-door meeting in Prishtine on Thursday with the President of the Republic of Kosove, Ibrahim Rugova.

Attending the meeting also was the chairman of the Kosove Negotiating Group, Fehmi Agani. /mima/xh/

Albanian Telegraphic Agency

http://www.hri.org/news/balkans/ata/1996/96-08-20.ata.html

[04] RECTOR STATOVCI MEETS WITH SECOND SECRETARY OF ALBANIA’S EMBASSY IN BELGRADE

PRISHTINE, AUGUST 19 9ATA) – By B Jashari: Rector of the University of Prishtine Prof Dr Ejup Statovci today met with the second secretary of the Embassy of Albania in Belgrade Artan Begolli, Information Service of the Prishtine University reports.

Statovci briefed the diplomat from Albania about enrollments for the new school year, the interest of the youths in studying and the preparations underway for the beginning of the new school year.

He thanked the Albanian government, the institutions and universities for the support provided to the Prishtine University. Statovci also voiced the will for a higher support and described as very important the signing of the agreement of cooperation between the University of Prishtine and those of Albania. pta/xh/Z/-Albanian Telegraphic Agency