Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

MESAZH PËR KOMUNITETIN NË QUEENS E RRETHINA: SIILINI FËMIJËT TUAJ NË SHKOLLËN SHQIPE ”KUQ E ZI”

by

* Për këtë vit do të hapim edhe një klasë të re për shkollën kuq e zi në Astoria-Queens, NY/

* Kërkojmë ndihmën e komunitetit!/

Nga Kristaq Papa/

Të nderuar miq, bashkombas,banorë të Queensit, e veçanrisht të Astorias e rrethinave të saj! Ju njoftoj se fëmijët e Mësonjtores “Kuq e Zi” i mbyllën me sukses mësimet e këtij viti shkollor dhe një pjesë e tyre tani janë me pushime në Shqipëri me gjithë prindërit e tyre. I përgëzoj të gjithë ata që kontribuan. Për vitin e ardhshëm shkollor ne i kemi të gjitha mundësitë për të hapur një klasë të re me fëmijë të moshës 6 deri ne 10 vjeç. Duke falenderuar gjithë prindërit e nxënësve e në veçanti Kryetarin e Bordit të Prindërve Z Altin Bundo,miqtë e shkollës: gazetarin Dalip Greca,Editor Gazetës”Dielli”, gazetë e Federatës Panshqiptare të Amerikësi “Vatra”,Dr Skënder Myrtezani ,Kryetar i degës së Vatrës në Queens, zonjën Nazo Veliu-sekretaren e Vatrës, TV Kultura Shqiptare me pronar Z. Adem Belliu për ndihmën në vazhdimësi që kanë dhënë në konkretizimin me sukses të kësaj nisme atdhetare. Në mënyrë të veçantë falenderojmë, edhe ne emër të prindërve ,z. Kristaq Foto, biznesmen atdhetar, në mjediset e biznesit të të cilit funksionon shkolla. Me anë të këtij mesazhi kërkojmë që të informojmë prindërit për këtë mundësi të re që u krijohet për fëmijët e tyre, që ata të mësojnë të flasin e të shkruajnë, të lexojnë gjuhën e bukur shqipe. Pikërisht informimi është vështirësia më e madhe që ne po ndeshim realisht në punën tonë gjatë dy viteve që funksionon shkolla Shqipe. Pradaj u bëjmë thirrje të gjithë shqiptarëve që banojnë në Queens ,gjithë biznesmenëve e intelektualëve, që kanë mundësi  të komunikojnë me bashkëkombasit që të na ndihmojnë duke e kumtuar me gjithë mjetet e mundësitë këtë njoftim. Afrojini fëmijët tuaj dhe të miqëve tuaj pranë shkollës shqipe!Ne duam që të çelim edhe një klasë tjetërër këtë vit shkollor që vjen me fëmijë shqiptarë që duan të mësojnë gjuhën e vendi të tyre.Ju lutem na ndihmoni!

Rregjistrimi do të vazhdoje deri në datën 25 Gusht 2016 ! Për më shumë  informacion ,kontaktoni në tel nr 1-917 832 2376 . Ju faleminderit për mirëkuptimin dhe ndihmën tuaj !

***

Po shkepusim nga arkivi i Diellit shkrimin ne celjen e shkolles shqipe ne Astoria, me 7 Mars 2015

NË FESTËN E MËSUESIT U HAP E PARA SHKOLLË SHQIPE NË ASTORIA, NY

7 Mars 2015, Astoria, New York/

Sot në ditën e Festës Kombëtare të Mësuesit, në Astoria- Queens, New York, u cel e para shkollë shqipe në historinë 150 vjecare të komunitetit shqiptar të Amerikës. Shkolla shqipe janë hapë, mbyllë, e rihapë, në shumë shtete e qytete të Amerikës, përgjatë një shekulli. Përmendim shkollat në Boston, që më 1911, shkollat e New York-ut, Chikagos, Ohios, Detroitit, por në Astoria, një zonë e dominuar nga komuniteti grek, nuk ka pasë shkollë shqipe.
Një grup shqiptarësh që jetojnë në Astoria, Nju Jork, me në krye Kristaq Papën, ndihmuar nga Kristaq Foto, që lëshoi mjedisin për klasën e parë pranë Kafesë”Kuq e Zi” , dhe një grup aktivistësh shqiptar, që dhanë mbështetjen e duhur, zgjodhën Festën e Mësuesit për ta celë shkollën shqipe.
Së bashku me Adem Belliun, pronarin e TV Kultura Shqiptare, dhe Veiz Belliun, shkuam nga Bronxi në Astoria, që në mëngjes për t’u bërë pjesë e gëzimit të fëmijëve, mësuesëve, prindërve , por dhe ish mësuesëve, që festojnë së bashku këtë festë, atë të Mësuesit dhe hapjen e shkollës shqipe.
Dhoma e vënë në dispozicion për klasën e parë të shkollës shqipe është zbukuruar me flamujë shqiptarë dhe amerikan; në një kënd janë portretet fotografike të Nene Terezes, smail Qemalit, Isa Boletinit, Nolit, Konicës, portrete të artistëve, sic është ai Vace e Zelës etj. Një bibliotekë modestë me libra shqip është në dispozicion të shqiptarëve.
Në këtë festë organizatorët kanë ftuar edhe ish mësues të shkollës shqipe, që tashmë jetojnë në këtë zonë.
Festën e ka hapur inisiatori kësaj lëvizjeje arsimore, Kristaq Papa. 7 Marsi, tha ai,është një festë Kombëtare. Kjo ditë, ka hyrë në Historinë tonë Kombëtare, për shkak të Mësonjëtores së parë në Gjuhën Shqipe të Korçës, që është shkolla e parë në gjuhën shqipe. Ashtu si patrioti Diamanti Terpo, ofroi shtëpinë e tij në Korcë për shkollën shqipe me 7 Mars 1887, sot me 7 Mars 2015, familja e Kristaq Fotos, po na dhuron këtë mjedis për të hapur shkollën shqipe, me qëllim që fëmijët e lindur në Amerikë, të mësojnë gjuhën e bukur të prindërve të tyre, gjuhës së bukur shqipe.
Larg pompoziteteve, ceremonia është e thjeshtë, por është e ngarkuar me emocione. Kristaq Papa ka marrë pranë për ta drejtuar së bashku festën Keti Foto, e bija e Entela e Kristaq Fotos, mbesa e gjyshërve Milika dhe Illo, e cila e ka mësuar gjuhën shqipe falë kontributit familjar, ku flitet ship. Mësuesit që janë në sallë emocionohen kur fëmijët e vegjël, që do të jenë nxënës të kësaj shkolle, u dhurojnë nga një trëndafil. Mësuesit Milika Foto, Leonidha Xuhani, Bujar Bejkollari, Natasha Muzaka, Kujtime Bejkollari, Vita Bano, apo dhe ish mësuesit Kristaq Papa, Veiz Belliu, Adem Belliu si dhe autori i këtyre radhëve ndjehen të respektuar tek marrin lulet dhe përqafimet e fëmijëve. Milika Foto, thotë para kamerave, se pas shumë vitesh në emigracion, për të parën herë po provon emocione sikur të ishet para nxënësve të saj. Bujar Bejkollari, mësues nga Përmeti ndjehet i gëzuar në këtë mjedis festiv dhe i sjell ndërmend vitet e mësuesisë. Ai falenderoj Kristaq Papën për nismën dhe Familjen Foto për dhurimine mjedisit për shkollën shqipe. Mirë do të ishte, propozon ai, që gjithë ky grup veprimatrësh të cështjes Kombëtare, të krijonin një nëndegë të Vatrës, e cila ka dhënë kontributin e vet modest me mbështetjen që i ka dhënë kësaj nisme, qoftë me librat shkollore, por edhe me bibliotekën modeste të dhuruar kësaj qendre shqiptare.
Mark Qehaja nga Tropoja, ka sjellë dy fëmijët e vet, Lizën dhe Denisin. Ai flet i emocionuar në ceremoninë e celjes së shkollës, dhe ofron të gjithë ndihmën e tij që kjo shkollë të ketë të ardhme. Besian Krasniqi, një ndër mbështetësit e kësaj nisme, nuk u ofrohet kamerave, por ndjehet mirë për gjithcka ndodh në këtë mjedis komëbtar. Kristaq Foto, pronar i kafenesë “Kuq e zi”, tregohet modest në dhurimin e këtij mjedisi për shkollën shqipe, por ai uron që kjo klasë- shkollë , nesër të ketë një mjedis më komod dhe të kthehet në një akademi shqipatrësh në një zonë që kurrë nuk ka patur, jo shkollë shqipe, por asnjë institucion fetar a kulturor, ndërkohë që komunitetet e tjerë, vecanërisht komuniteti grek, kanë me dhjetëra shkolla e kisha, ku ruhet gjuha dhe traditat kombëtare.
Fëmijët ndjehen të gëzuar, edhe pse disa nga ata, që nuk kuptojnë shqip, duken paksa të hutuar në ditën e parë, por gjithësesi i gëzohen festës. Nxënësja Liza Qehaja flet mirë shqip dhe mbanë veshur bluzë e shall me simbole kombëtare. Denisi, i vëllai, edhe pse është i pasigurtë në shqipen e tij, gëzohet hapjes së shkollës shqipe; Reon Krasniqi, është i gëzuar, edhe për faktin se babai i tij, Besian Krasniqi, ishte një ndër mbështetsit aktiv të hapjes së shkollës. Ernei Tollja, Naile Tollja, Christian Bombaj, Eleni Sikollo, Odeta dhe Kamela Papaj, Donald Rapaj, Donil Beqo, Eda, Elsa dhe Joana Kulla sot nisin së bashku rrugën e bukur të mësimit të gjuhës shqipe dhe do ta ruajnë në kujtesë si një ndër ditët më të gëzuara. Inxhinier Ilmi Mance, ka ardhur nga Bronxi, po ashtu Jorgji Muzaka, eshte bere pjesë e festës, studiuesi Illo Foto, ndjehet i gëzuar që i biri, Krstaqi, ka dhuruar këtë mjedis për shkollë, Entela, është një ndër organizatoret e festës. Familja pronare e kësaj kafeneje ka dhuruar ëmbëlsira për fëmijët.
Televizioni Kultura Shqiptare e ka filmuar ceremonine festive.
Le t’u urojmë mësuesve dhe nxënësve të shkollës së parë shqipe në Astoria:Gëzuar Ditën e parë të Shkollës Shqipe!
Mësuesëve kudo që janë Gëzuar Festën e Mësuesit!

Parada e emigrantëve -Nju Jorku, kuq e zi

by

Nju Jorku vishet kuq e zi, me paradën :“Bijë Shqiptare – Nëna e Botës” dedikuar Nëna Terezes/

Nju Jorku, vishet i gjithë kuq e zi, me paradën “Bijë Shqiptare - Nëna e Botës” dedikuar Nëna Terezes (Foto)

Mijëra shqiptarë, veshur me simbolet tona kombëtare, bluzat e kuqe me hartën e Shqipërisë Etnike, flamuri kuq e zi, këngët e vallet nga të gjitha krahinat i dhanë sheshit America një imazh të gjallë, entusiast dhe të larmishëm/

 nga Beqir SINA/

AMERICA AVENUE – NEW YORK CITY : Është, një traditë për rreth katër dekada, që në qershor në qytetin e Nju Jorkut, bulevardin e saj kryesorë “America”, për çdo vit, të zhvillohet Parada Ndërkombëtare e Emigrantëve – International Immigrants Parade. Organizatori zyrtar i së cilës, është një organizatë joqeveritare në Kombet e Bashkuara, me president zotin Edward Juarez-Pagliocco.

Parada shqiptare në Ditën Ndërkombëtare të Emigrantëve, u mbajtë të shtunën në mesdrekë, e përfaqësuar nga kuadratet e grupeve të emigrantëve nga Shqipëria, Gjeorgjia, Kina, Tibeti, Meksika, Karaibet, Amerika latine dhe Vietnami, ku grupet pjesmarrrëse marrshuan në bulevardin “America” Avenue në mes të rrugëve 27 street dhe 38 street.

Parada shqiptare “Albanian Daughter! – Mother of World! ”zgjati më shumë se 3 orë e gjysmë, festim dhe parakalim, në bulevardin “America”.

Ndërkohë, këtë vitë parada e shqiptarve të Amerikës, në Nju Jork, iu dedikua të lumes Nanë Tereze, me rastin e Shejtërimit të saj më 4 Shtator, dhe shpalljes së këtij viti si Viti i Nëna Terezes, nga dy qeveiritë tona, Kosovës dhe Shqipërisë.

Ndërsa, mijëra shqiptarë në Shtetet e Bashkuara të Amerikës, kanë marrë pjesë dje në paradën e New York-ut ,me rastin e ditës së emigracionit, shumica e tyre ishin të rinjë e të reja nxënës e studentë të shkollave amerikane.

Pothujase, dje, i gjithë New Yorku, kishte marrë një pamje me ngjyrën Kuq e Zi, ngado që të shihej – rrugëve e shesheve, dje në zëmër të Manhattanit, dukeshin shqiptarët të veshur me bluzat kuq e zi ose me flamurin shqiptarë e amerikan në dorë.

Gjithashtu, shumë manifestues, erdhën në këtë paradë të veshur edhe me rroba tradicionale shqiptare, që dalloheshin nga të tjerët, ata poashtu ata mbanin në duar flamurin kombëtar si dhe flamurin e Shteteve të Bashkuara të Amerikës.

Grand Marshall të Paradës, ishin Senatori i Shtetit të Nju Jork-ut, zoti Marty Golden i lidhur ngushtë me komunitetin shqiptarë , në këtë shtet, si dhe nga komuniteti shqiptarë, humanistja e njohur shqiptare, Albana Krasniqi, e cila tha se :” është e frymëzuar nga vepra e Nanë Terezes, duke bashkëpunuar me organizatën Rotary Club fot Life, si kordinatore, ata kan shpëtuar jetën e dhjetra fëmijëve shqiptarë nga Kosova”.

Pjesëmarrja e shqiptarëve në Paradën Ndërkombëtare të Emigrantëve, u hap me këndimin e dy hymneve kombëtare të SHBA dhe Shqipërisë, kënduar nga Gëzim Nika dhe Albërie Hajdargjonaj.

Në marshin e shqiptarëve ishin të rreshtuara të ashtuquajtura “Parade float – Rimorkiot e paradës” të tërhequara nga kamionat, të cilat ishin të stolisura në të gjitha anët me ngjyrat dhe simbolet tona kombëtare, flamuj kombëtarë – kuq e zi, dhe të gjithashtu, logon e shoqatës dhe pamje nga vendlindja e tyre.

Rimorkjot e Paradës u mbushën plot me të rinjë e të reja, të veshur me kostumet popullore, edhe ata duke vallëzuar dhe kënduar shqip, në parakalimin përmes bulevardit, me banneret : “Rrënjët Shqiptare”, “Fondacioni Plavë e Guci”, “Shoqata Ana e Malit”, “Federata PanShqiptare e Amerikës VATRA”, “Lëvizja për Shqipëri të Bashkuar”, “Asamblemen Mark Gjonaj”, “Federata e Arsimtarve Shqiptaro Amerikan, Albanian American Open Hands Association”, “Albanian Excellence Albanian -American Women of New York”, “Shoqata Atdhetare Çamëria”.

Kjo, paradë emocionuese dhe me vlera artistike e kombëtare, ka paraqitur disa nga veshjet më të bukura tradicionale, nga disa trevat shqiptare, prej nga jugu në veri të Shqiptarisë, duke përfshirë veshjet më joshëse, veshjet e dasmës dhe stolit (aksesorët) që mbajnë në veshjet e kostumeve popullore, ngjyra të pasura e qëndisje të zanave shqiptare.

Në këtë paradë parakaloi, duke demostruar me një sfilatë me veshje kombëtare nga të gjitha trevat shqiptare, duke kënduar e vallëzuar, edhe koleksioni i Agjencisë së Modës ”Bora Fashion” nga Gjakova, me asistenten e saj Hana Mirdita

Në paradën e shqiptarëve të Amerikes, morë pjesë edhe dy grupe motiçiklistësh shqiptarë, ai nga grupi “The Sons of Illyria – Djemet e Ilirisë”, të cilët, kan demostruar , mes zhurmat të motorve te tyre, dhe simboleve tona kombetare, duke tërhequr vëmendjen e mijëra amerikanëve e turistëve të huaj.

Duke na bërë si gjthnjë, kohët e fundit, edhe më krenar me identitetin tonë Kombëtar në këte paradë në qender të Nju Jorkut. Teksa ata shfaqin simbolet e tona kombëtare, të cilat janë të stampuara në veshjet e tyre mbrojtëse dhe vende të dallueshme në pjeset e motorave dhe tatut me shqiponjë – që ata mbajne në krahët e shpatullat e tyre,. Ndersa, jane te veshur me xhaketat e zeza dhe helmetat e zeza, të gjitha me emblemen “The Sons of Illiria” : Shqiponjën e madhe dy krenare, përkrenaria e Skëndërbeut mbi një Kala, dhe deti për rreth saj.

Kësaj rradhe, paradës iu bashkëngjitë në Nju Jork, për herë te pare, edhe një grup tjetër motociklistesh shqiptare,kryesisht dibrane, të apasionuar edhe ata pas motiçikletave, edhe ata erdhen me simbolet tona kuq e zi dhe flamurin shqiptarë e amerikanë.

Paradën shqiptare ne Nju Jork, e moderuan dy shkodranë të njohur, dy ikonat e gazetarisë shqiptare, Kozeta Turishta dhe Julian Deda.

Kurse, kan qenë këngëtarët e mirë njohur të komunitetit Gëzim Nika, Albërije Hajdargjonaj dhe Ledy Vokshi, të cilët e ndezën me të vërtet atmosferën me këngë kuq e zi –

Me këngët kuq e zi, të këngetarve shqiptare, dhe kengen e famshme Elvana Gjata dhe Florit këngës “Kuq e zi je ti” te gjithe manifestuesit kan kenduar e vallezuar gjate gjithe rrugesne sheshin Amerika.

Presidenti i organizatës Rrënjët Shqiptare, Marko Kepi, në fillim të fjalës së tij, i është falenderuar organizatave dhe shoqatave të komunitetit, për gjithë mbështetjen e dhënë në të gjitha aktivitetet, e kësaj organizate.

Me këtë rast ata u nderuan me Proklamatën “Nëna Terese”, për shpalljen e 4 Shtatorit 2016, “Dita e Nëna Terezes” në Nju Jork, kushtuar figurës së Nëna Tereses nga miku komunitetit shqiptarë, Senatori i njohur i Shtetit të Nju Jorkut, Marty Golden.

Paradën shqiptare “Albanian Daughter! – Mother of World! ”në zemër të New Yorkut, kushtuar shejtërimit të Nëna Terezes, e përshëndetën edhe famullitari i Braticës, – Ulqin, Don Gabriel Grabanica, i cili kishte ardhur së bashku me një grup pelegrinësh dhe grupin “Trendafilat e Shën Terezes” nga Ulqini, posaqërisht për paradën shqiptare në New York .

Si, dhe, Curtis Sliwa, një Republikan konservator, përkrahs i kandidatit për President Donald Trump, i cili, është një aktivist amerikan anti-krimit, në New York, themelues dhe CEO i “Grupit të Ndërhyrjes së Shpejtë ” Guardian Angels”, një opinoinist dhe moderator në radio talk show dhe personalitet i medias njujorkeze.

Më pasë përshëndeti Avokati Pjerin Lumaj, një avokat i të drejtave civile në Nju Jork, ish i arratisur nga Shqipëria komuniste.

Gjithashtu, përshëndetën duke treguar krenarinë tonë shqiptare, bukuroshja Shqiptare Serena Bucaj, e cila është kurorërzuar për herë të parë në historinë e emigracionit shqiptarë, si fituese e Kurorës së Miss Nju Jork USA 2016, në fund të konkursit të bukurisë të mbajtur ne 17 Janar, 2016, në metropolin botëror qytetin e Nju Jorkut, dhe kampionët e talentuar të Boksit, Reshat Mati, Elvis Gashi,Denis Buzukja,Arbon Arjan Iseni,Skender Halili, këngetarja e talenuar nga Kosova, Erjona Balaj.

Në këtë manifestim të bukur dhe madhështor kuq e zi morën pjesë të organizuar grupe shqiptarësh të cilët kishin udhëtuar nga shtet e largeta te SHBA , si dhe disa veprimtarë e lider të tjerë të komunitetit, artsite, sportiste, afariste, avokate , kengetar dhe shqiptare tee susksesshem.

Ish kongresisti republikan i Nju Jorkut, Xhozef DioGuardi, bëri paraqitjen e tij, emocionuese, teksa kishte ardhur me një autoveturë klasike Cadillac, në xhamin e parë të së cilës ishte vendosur një rugë(cohe) me portretin e Nëna Tereses. Kurse, në dy krahët e Cadillac-ut, te zbuluar, ai kishte vendosur flamuri amerikan dhe shqiptarë, atë që ka DioGuardi e ka zgjedhur si flamurin gjithe Shqiptar. Ai, kësaj rradhe demostroi edhe një herë një flamur të kuq me vija të bardha, për të cilin simbas tij, ai ështe flamuri qe përfaqëson të shtatë milion shqiptarët në Ballkan.

Përfaqësimi i shqiptarëve në këtë paradë, tha presidenti i organizatës Rrënjët Shqiptare, Marko Kepi, është një çështje shumë e rëndësishme, ne jemi shumë të lumtur dhe krenar që po përfaqësohemi për çdo vit në këtë Parade të vetëm të shqiptarëve deri tani në mes të New Yorkut.

Ai theksojë, gjatë fjalës së tij etusiaste, se sot jemi të lumtur që këtë Paradë kësaj rradhe ia kemi kushtuar, Bijës shqiptare – Nënë e Botës!. Nana Terezes, një humaniste e njohur shqiptare, fituese e çmimit Nobel për Paqen,kurse më 4 Shtator të këtij viti, ajo dotë u shpalle e Shejtë nga Vatikani.

“Nënë Tereza, tha Kepi, u bë një nga urat ndërlidhëse të njohjes së shqiptarëve në botë. Presidenti Bill Clinton është shprehur se: “Nënë Tereza, ishte e para Ajo që më bëri ta dua kombin shqiptar. Dhe tani ndihem shumë krenare që plotësova një detyrë morale ndaj saj dhe ndaj vlerave të lirisë”.

Pas përshëndetjes presidenti i organizatës Rrënjët Shqiptare, Marko Kepi, ftojë të gjithë pjesëmarrësit, shumica e tyre të rinjë e të reja shqipëtare, nxënës dhe studentë, aktivistë dhe veprimtarë të komunitetit, nga Kosova, Shqipëria, Mali i Zi, Maqedonia, Lugina e Preshevës dhe Çamëria, që edhe në këtë aktivitet, ata të ishin promotorë dhe udhëheqësit e vërtetë të Paradës së Shqiptarëve.

Një grup vallëtarësh kishte ardhur me veshjet popullore të krahinës së Çamërisë dhe Malësisë. Grupi i djemëve të Çamërisë marrshoi krenarë, ata mbanin në duar pankarta për të drejtat e tyre, dhe dënonin genocidin grek ndaj shqiptarëve të Çamërisë, Në një banderolë shkruhej : “Chameria its Albania – Greece canot hide Genocide”.

Kudo në shesh shikoje vetëm simbolet tona kombëtare; bluzat e kuqe me hartën etnike, flamuri kuq e zi, këngët e vallet nga të gjitha krahinat, që i dhanë sheshit America, një imazh të gjallë, entusiast dhe të larmishëm, shqiptarë, përgjatë segmentit që ndanë rrugët 27 street dhe 38 street ne America Avenue.

Në paradë ka qenë edhe pankartat qe mbanin të rinjët në duar ku shkruhej : “Ethnic Albania – Shqipëria Etnike – Shkupi – Ulqini, Çamëria Kosova” dhe një tjetër në të cilën ishte pikturuar një hartë e Shqipërisë Etnike si dhe : “Malësi, Çamëri, Mitrovicë, Lugina e Preshevës, Sanxhaku, Dardania – Iliria – Arvanite”, Chameria,.

Një banner i madhë printe marshimin shqiptarëve në sheshin në zemër të New Yorkut – ku ishte shkrura Rrenjet Shqiptare – Albanian Roots, ndërsa, pas saj qendronte nje flamurë kuq e zi gjigandë, në mes të pjesmarrëseve.

Kurse grupe djemësh e vajzash, veshur me bluza të kuqe, tundin flamurin dhe kërcenin dhe këndonin në shesh me një performancë të veçantë, per rreth flamurit shqiptare.

Duhet theksuar se kete parade ne Nju Jork, organizatorët e shohin si një prej rasteve më të mira për të reklamuar Shqipërinë, nëpërmjet kësaj parade të famshme në Nju Jork.

Mbasi, simbas tyre vazhdimisht paradat e tilla shqiptare, prej se kur Vatranet e kolonite e para shqiptare mbajten ne Amerike, ato i kanë dhënë imazh të fuqishëm pozitiv shqiptarëve, duke prezantuar simbolet kombëtare, kulturën dhe traditën kombëtare.

Me kete rast janë ftuar edhe personalitete të rëndësishme shqiptare, jo vetëm për ta bërë festimin më madhështor, por për të ndikuar më fuqishëm në përmirësimin e imazhit të shqiptarëve dhe për të gjetur mbështetje për çështje të ndjeshme, shqiptare si çështja çame, dhe te drejtat e shqiptareve ne trojet e tyre etnike.

Në këtë Paradë morën pjesë grupe të organizuara që kishin ardhur posaqërisht për këtë manifestim, duke u bërë pjesë e Paradës si : Shoqata Atdhetare Çamëria, një Përfaqësi nga dega e Vatrës në Tampa,: Tasim Ruko, Zamira Rubjeka, Isuf Spahiu dhe Jason Sulisufaj, grupe shqiptarësh, nga Nju Xhersi, Kenektiket, Pensillvenia, Detroiti, Virginia, Dallasi,Ushingtoni dhe Kanadaja.

Parada u organizua nga organizata Rrënjët Shqiptare, dhe u mbështet pa rezerva nga Konsullata e Kosovës, në New York, Federata PanShqiptare e Amerikës VATRA, Lidhja Qytetare Shqiptaro Amerikane, presidenti i saj Joe DioGuardi, Shoqata Ana e Malit, Fondacioni Plavë dhe Guci, Shoqata Atdhetare Dibra, dhe organizata e shoqata të tjera të komunitetit.

Rrenjet Shqiptare organizatori zyrtar i kësaj parade, në fund kanë faleminderuar dhe u kan dhënë nga një mirënjohje publike, të gjithë kontribuesve: për sponsorizim të Paradës Shqiptare : Bajraktari Realty Group LLC in Bronx, NY, Fondacjoni Nik Zef Beqi, kompania EVM Developers Inc.,TiBO Detroit, Gruda Limousine, EM Leather & Varsity Jearsy, paintings / Airbrush Tattoos for kids, Leo’s Deli in Staten Island,TV 21 sponsor mediatik, TV Albanian Culutre, gazetat shqiptare Illyria, Dielli dhe Bota sot, DJ Edi Hoxha, e tjer.

Organizata Rrënjët Shqiptare, gjithashtu, ka faleminderuar në mënyrë të veçantë Vatrën, dhe Konsullatën e Kosovës në Nju Jork me Konsull z.Fatmir Zajmi, që ua hapi dyert Rrënjëve Shqiptare, dhe gjithë organizatave që përgatitën Paradën Shqiptare.

Në mbyllje Parada u tregojë, traditën, kulturën dhe këngët e vallet shqiptare, para amerikanëve dhe turistëve të huaj në qytetin e Nju Jorkut! Duke ua mundësuarë në këtë mënyrë dhjetra mijëra spektatorëve të mbledhur në Avenuen “ Amerika”, të përjetojnë dje ne sheshin America, bukurinë e traditave, kulturës shqiptare, dhe ngjyrat kuq e zi .

Me pjesëmarrjen masive të shqiptarëve në qendër të qytetit të Nju Jorkut, Parada ofrojë edhe kësaj rradhe një tablo të pakrahasueshëm të krenarisë tonë kombëtare, vlera më të mëdha të muzikës, kostume shumë ngjyra, dhe vallëzimi tradicional emocionues, te cilat jane pjesë të mozaikut të mrekullueshëm kulturor e tradicional shqiptare, që përbëjnë kombin Shqiptarë në Vitin e Nënë Terezës, e cila me 4 shtator shpallet e shenjtë, në Selinë e Shejtë në Vatikan.






Google me flamurin shqiptar dhe dita e varrimit të shtypit shqiptar

by

Nga Gëzim Llojdia/
1.28 Nëntori i vitit 2015  do t ë kujtohet pas 100 vjet ëve se gjigandi i madh  kërkimit Google për të dytën herë pas 100 vjetorit t ë Pavarësisë kombëtare shfaq n ë logon e  saj për krejt njerëzinë rruzullit tonë flamurin shqiptar.Dhe sit  ë mos krenohesh me motorin e madh kërkues  kur flamurin i vendit tënd  qëndron krenar për herë të dytë në faqen kryesore të saj atje ku të gjithë zgjatin gishtat për  të naviguar. Sa krenar jemi sot unë dhe ti dhe të gjithë shqiptarë ,një nga shenjat kryesore të  vendit tim gjendet në kryefaqen botërore .Google të jemi mirënjohëse përjetë  të jetëve. Edhe pse je larg nesh me mijëra km na  ëre krenar në këtë ditë të shënuar.
 2.Po sa trup i vjen sot  çdo shqiptari  brenda ketij trualli dhe jashtë ti,j që shtypi i vendit të tij sot në këtë ditë të shënuar në  kryefaqet  e tij  s’kishte  asgjë nga kjo shenjë e vecantisë ë kombëtare. Kjo shpjegon qartazi se sa i mjerë  është shtypi shqiptar dhe në çfarë kënete  është zhytur prej vitesh. Mos vallë nuk e dinin q ë sot  është dita kombëtar e flamurit, mor të mjerë, s’bëheni ju kot lodhet bota e qytetëruar me këta  mjeran  të veshur shik por kokëbosh,por që një arsye e kanë. Arsye është e thjeshtë .Nuk jeni për këtë punë, merruni me dicka tjetër.Dita kur i padituri udhëheq turmën e të diturve  është dita e parë e kiametit Dhe sa shpejt që kjo ditë e frikshme ka ardhur në këto troje?
 A ,nuk kanë thënë të moçmit ,pleqtë apo të  parët, që kjo botë e madhe  në të vërtetë që as më shumë, më pak madje ,një  ënet e madhe,ku vijnë rreth e rrotull minjtë e saj.Kujt ju prish terezia apo kujt i interesohet të shikoj apo lexoj sot shtypin shqiptar kandisur në këtë farë feje. Shtypi i shqiptar sot shkruante :se Iliri kishte dhënë leksione në Romë ,se çfarë leksione u ka dhënë shtangisti  injorant studentëve romak,  një Zot e di,apo piktori me bojëra dhe kanavacë  është sot larg shtatë male kaptuar!Apo Luli që diku nga një katund i largët fliste për datën 8.
Shqiptarët e kanë festuar ditën e flamurit në paqe dhe në luftë. Kjo ditw wshtw e shwnuar  për çdo kohë dhe brez.Vetëm shtypi shqiptar në kryefaqen e tij tregoi sa poshtë ka rënë niveli dhe i gazetarisë shqiptar  të mos kujtojnë as ditën e shënuar të kombit të tyre .A e keni vërë re shtypin shqiptar  dhe nuk ju ka vrarë sytë që me germa të mëdha  dhe në kryefaqe  ka shkruar dhe mirë  bënë  për festën  e Amerikës, Italisë, Gjermanisë,Kinës  ,mirëpo si e harroi vallë ky shtyp ditën e tij kombëtare kjo është për tu analizuar edhe nga Kuvendi shqiptar,nga shoqatat e gazetarëve,nga forumet mediatike. 
Kjo duhet cilësuar   është arsyeja   që sot gazetat shqiptare,sa më shumë ditët  shkojnë, po rrudhen jo nga varfëria ekonomike, por nga varfëria e shkrimeve .Po mbyllen gazetat ,mirë bëhet se çuduam  fleta  letre të printuar që s’të vlejnë më për asgjë,por që kanë shërbyer vetëm për politikanët dhe tenderaxhinjtë.
Sot po varrosim  shtypin  e shkruar
Gazetat shqiptare sot flisnin për gjithçka që kemi ndjekur mbrëmë ndër edicione lajmesh por asgjë në kryefaqe të tyre për pavarësinë e këtij vendi. Me dhimbje e themi:Sa poshtë dhe sa turp por dhe sa të mjerë këta gazetarruc shqiptarë .Gazetat shqiptare sot më kujtojnë qivuret që gjithë kohëve me dorë i kanë bërë. Dhe qivuret gjithë kohëve  për të vdekurit kanë shërbyer. Dhe këta qivure sot shërbejnë më mirë se askush tjetër  për mediumin e printuar shqiptar. Dhe përpara se qivuret ti fshinin ndër dhe ,ishte funerali .Dhe që do ti kallin  ose janë kallur ndër dhe. Qivuret brenda nuk kanë trupa njerëzish ,por gazeta shqiptare me  fjalime  e premtime politike mirëpo në fund edhe ato shkojnë  tek të shumtët,ndër të ikurit e këtyre botëve. Varrezat në perëndim të katundeve tona të ndjellin trishtim. Edhe të vdekurit i kallnin në dhe , përpara se të ikte dielli . Një traditë kjo, që zbriste ndër shekuj. Dhe në varrim merrte pjesë i gjithë katundi . Mirëpo mungonte vajza e mërguar shtatëqind vjet apo shtatë male kaptuar përtej .Na mbeti deramet, thoshin pleqtë e moçëm si nuk erdhi kishte thënë :”Më lajmëroni ti hedhë një dorë dhe .Kujt,po  qivureve të mbushur me 
letër të printuar ose ndryshe shtypit shqiptar. Funerali.Në funeral njerëzia qajnë.
Loti   si proces kimik është pa ngjyrë , mirëpo unë do ta gjykojë ai është produkt i shpirtit . Poradeci i madh , oh i miri Lasgush duke shkruar thotë diku:Dhe  loti tha : ” Vërtet! Më lindi dhimbj’ e zezë, //Dhe dal nga syr’ i vuar i zemrës njerëzore …. Qivure ka. Dhe funerale. Por, në 25 vjet tranzicion të hidhur dhe të dhimbshëm ,shqiptarët po bëhen kashtë e koqe dhe nëpër këtë rrugëtim ka ecur edhe shtypi shqiptar. A  nuk  duhet shkuar ndër mëndje   se edhe banorët e këtij trualli pellazgjik kanë të drejtë të shohin pak qiej dhe jo të ngasin përditë llafin për qivure dhe funerale?A nuk do t ë ishte krenari kombëtare që vetë mediumet e printuara ta  bënin këtë  ashtu si e kanë bërë mëmat e tyre ndër shekuj e shekuj. Unë sot po varros shtypin shqiptar dhe s’jam vetëm. Me mua  je dhe ti  shqiptarët  është edhe google.
 Njoftim mortor. Njoftohet se ka vdekur shtypi i printuar shqiptar vjeç……varrimi 
bëhet në varrezat publike të Tiranës……ora…..

KRYEVEPRA E KAPITENIT KUQ E ZI

by

Nga Eugjen Merlika/
Sporti është një nga veprimtaritë më të rëndësishme të jetës njerëzore, jo vetëm për zbavitjen që ai dhuron me kënaqësitë estetike, nëpërmjet garave që përbëjnë thelbin e tij, duke nxjerrë në pah cilësitë më të mira trupore e të karakterit, duke tërhequr miliarda njerëz në shijimin e tyre, por edhe për faktin se herë herë ai njëjtësohet me jetët e popujve e të kombeve për t’u kthyer në një farë embleme të tyre. Ndonjëherë ai ka tejkaluar shumë kufijtë e tij të natyrshëm, duke trazuar apo ndrequr marredhëniet mes shteteve. Shëmbulli më i gjallë i kësaj dukurie mbetet “diplomacia e ping pongut” që, më 1972 , përfaqësoi shkëndijën e parë të ndryshimit të marredhënieve mes Kinës popullore dhe SHBA.
Shqipëria, në historinë e saj të shtetit të pavarur, u përpoq të hynte në rezonancë me Evropën, në fillim atë perëndimore e më pas atë lindore, sa i përket veprimtarive sportive. Kampionatet e para të futbollit u organizuan që në kohën e Mbretërisë e vazhduan edhe gjatë pushtimit italian. Në periudhën 1941 – 1944 ata ishin mbarëkombëtare. Prej tyre dolën futbollistë që luajtën me sukses në skuadrat më të njohura italiane, në një kampionat që shprehte dy herë kampionen e botës. Emrat e Riza Lushtës, Loro Boriçit, Naim Kryeziut e ndonjë tjetri janë të shënuar në regjistrat e arta të klubeve të njohura si Juventus, Lacio, Roma, Bari.
Më 1946 Shqipëria fitoi të parin e të vetmin trofe ndërkombëtar futbolli në rang përfaqësuesesh, atë të Lojrave Ballkanike. Në gjysmë shekullin socialist , megjithë talentet jo të pakta në fushat e ndryshme, Shqipëria nuk arriti të ketë një përfaqësim të suksesëshëm në veprimtaritë ndërkombëtare. Sukseset episodike të sportistëve tanë kanë hyrë në analet e traditë sonë. Kujtojmë barazimin e kombëtares së futbollit me nënkamionët e botës në dhjetor 1967, që i kushtoi “korracatës” së Helmut Shënit mos pjesëmarrjen në kampionatin evropian te vitit 1968, apo konkurimin dinjitoz të vajzave volejbolliste të Dinamos në kupën e Kamioneve të Evropës më 1980 – 1981, ashtu si arritjen në finale të kupës nga meshkujt e Dinamos në të njëjtën disiplinë më 1972.
Pas komunizmi, me lirinë e qarkullimit të njerëzve dhe ideve, rrëzoi “muret” e sistemit paraardhës, duke i dhënë mundësi shumë djemve e vajzave shqiptare të përballohen me bashkëmoshatarët e tyre të botës, duke treguar vlerat e tyre reale në të gjitha fushat. Në këtë kontekst inkuadrohet edhe prania e futbollistëve tanë në shumë skuadra t’Evropës, madje edhe ndër më të mirat e saj. Kjo dukuri ndihmoi shumë edhe krijimin e një përfaqësueseje shqiptare t’aftë për të garuar me shtetet e tjera të botës. Nëse u varfërua kampionati shqiptar me daljen jashtë të talenteve të tij, u pasurua kombëtarja, duke i dhënë mundësi skuadrës kuq e zi, të arrinte atë rezultat, i cili, në natën e Erevanit të 13 tetorit 2015, u kthye në një festë mbarëkombëtare në të gjitha nivelet. Vlerësimi i punës së kombëtares, në tërësi, qe i gjithanshëm dhe çmimet e dhëna asaj nga autoritetet më të larta shtetërore e vërtetojnë.
Ardhja e skuadrës në Rinas qe një shfaqje e përmallëshme entuziazmi të përgjithshëm dhe fjalët e kapitenit Cana në atë rast, takimi i parë me Vendin mbas kualifikimit, mendoj se përbëjnë çastin më të rëndësishëm të atij mjedisi festiv. Ai e nisi përshëndetjen e tij me një shprehje të njërit nga personalitetet shqiptare më të shquara të së shkuarës, të Mit-hat bej Frashërit që, duke përgjithësuar përvojën e hidhur historike të bashkëkombësvet, thonte : ” Shqiptarët do të fitojnë çdo luftë mbasi të kenë mbaruar betejat me veten.” Më poshtë kapiteni kuq e zi vuri në dukje se ajo skuadër djemsh të rinj kishte arritur rezultatet e njohura e të shumëpritura nga gjithë kombi në dy vjetët e fundit sepse : “Besoj që kjo kombëtare ka arritur një gjë, që në çdo lloj beteje mes vetes, xhelozie, interesi personal e kemi lënë anash.” Ai përfundoi me shprehjen : “Në evropian do të shkojmë me kokën lart, jo si Shqipëri e vogël, por pretendojmë si Shqipëri e madhe!”
Përtej retorikës dhe instrumentalizimeve që mund t’i bëhen këto ditë brënda e jashtë Shqipërisë fitores së ekipit kombëtar e deklaratae në lidhje me të, mendoj se Lorik Cana, me fjalët e tij, i ka dhënë një mesazh të qartë të gjithë shqiptarëve e, kryesisht, atyre që merren me mbarështimin e tyre, drejtuesve politikë. Ky lloj mesazhi tregon se djaloshi gjakovar nuk është thjesht një topshkelmues i mirë, por është edhe një atdhetar më i mirë. Fakti që ai zgjedh një thënie të Mit-hat Frashërit, për të nxjerrë në pah një të vërtetë të pakundërshtueshme, të pohuar prej mjaft njerëzve të shquar të kombit të tij, tregon se kapiteni kuq e zi shqetësohet për fatet e këtij të fundit. Ato fate ai nuk i sheh vetëm si dukuri të kohës apo të brezit të tij, por mundohet të thellohet edhe në të shkuarën, të gjejë rrënjët e së keqes që ka penguar për një shekull të tërë përparimin dhe mbarëvajtjen e këtij kombi. Edhe se ai apo kolegët e tij mund të jetojnë më së miri në çdo Vend t’Evropës, mundohet të japë ndihmesën e tij në shëndoshjen e plagëve të vjetra e të reja të shqiptarëve.
Kryevepra e Lorik Canës nuk është vetëm shprehja e shqetësimit për bashkatdhetarët, apo e kënaqësisë që ai, së bashku me shokët e tij, prekin me dorë për faktin që me rezultatet e punës së tyre “i kanë bërë të lumtur ata”. Kryevepra qëndron në një tjetër fakt : nga lartësia e suksesit u tregon përgjegjësvet të drejtpërdrejtë apo të tërthortë të mbrapambetjes rrugën për të arritur atë, e cila është ajo e mirëqeverimit të bashkëkombësvet të tyre, që mbetet e pashkëputur nga dashuria për ta.
Kombëtarja e futbollit ngjiti shkallët e kampionatit evropian nëpërmjet vendosmërisë për të arritur qëllimin, duke vënë në dobi të këtij synimi gjithshka : mundin fizik dhe përvuajtësinë e domosdoshme për të ruajtur harmoninë e mjedisit, entuziazmin rinor dhe dashurinë për fanelën, që është simboli i kombit të tyre. Në emër të këtyre vlerave djemtë e kombëtares lanë jashtë palestrave, fushave të stërvitjes, dhomave të hoteleve apo stadiumeve të ndeshjeve vetëpëlqimet, zilitë, krenaritë, lavdërimet e merituara në klubet ku luajnë dhe vunë nën drejtimin e trainerit të vyer de Biasi të gjitha forcat e tyre. E bënë këtë edhe kur nuk ishin titullarë në formacion, edhe kur rrinin në stolin e rezervave, madje edhe në shkallët e stadiumit, të bindur se e rëndësishme nuk është paraqitja vetiake, por arritja e grupit, rendimenti i tij, rezultatet e skuadrës, pikët e fituara, por edhe imazhi që i japin botës, sepse imazhi është po aq i rëndësishëm sa edhe pikët. Kjo është disiplina e ndërgjegjëshme që ka krijuar skuadrat e mëdha të botës, është përvoja universale e vënë në shërbim të synimit për të fituar.
Shqipëria prej vitesh ka filluar ecjen e saj të ngadaltë e të mundimëshme drejt Evropës. Nëse përfundimi deri tani nuk është ai i pritëshmi, ata që kanë drejtuar këtë Vend në këtë çerek shekulli nuk kanë arritur të bëjnë një skuadër si kombëtarja e futbollit. Për ta fitorja e Shqipërisë ishte ajo e fitimit vetiak, pasurimi jo shpirtëror por ai i xhepit, mbajtja dhe ruajtja e pushtetit për të sendërtuar synimet e kastës, të partisë, të klaneve të pushtetit. Ata nuk kanë lënë jashtë derës së tyre cmirat, mëritë, shemëritë, etjet për pushtet, prirjet për të rrëmbyer gjithshka, për të fituar “kohën e humbur”, jo në përparimin e Vendit por në pasurimin e tyre, për të hyrë në garë me botën jo në respektim ligjesh të qytetëruara e merita qeverisjeje cilësore, por në skandale, në sharje, në përbaltime, në palaçollëqe, për të mos thënë në krime.
Kapiteni kuq e zi, tërthor, u thotë këtyre drejtuesvet të shtetevet shqiptare e politikavet të tyre se rezultatet nuk arrihen n’atë mënyrë, se n’Evropë nuk shkohet duke imituar e duke vënë në jetë shfaqjet më të padenja të natyrës njerëzore, se çdo vepër madhore ka në themel të saj flijimin e Rozafës, se gara për drejtimin nuk mund të jetë vetëm sharje e nxirje e kundërshtarit, se duhet patur kurajua të pranohet e mira e të luftohet e keqja, se nuk mund të fillohet nga zeroja sa herë ndërrojnë kabinetet qeveritare.
A do të dojë të kuptojë politika mesazhin e kapitenit kuq e zi ? Apo do të përpiqet t’a përvehtësojë e t’a kthejë në dobi të saj ? Apo do t’a varrosë në heshtje, së bashku me termin “Shqipëria e madhe” të cilin, me guxim t’admirueshëm kapiteni e pohoi për të nxjerrë në pah jo vetëm faktin e përbërjes së skuadrës nga gjithë krahinat shqipfolëse, por edhe idenë e përfaqësimit të kombit, si mision i saj. Projekti i sendërtimit të asaj ideje duhet të jetë nxitja e brëndëshme e brezit të kapitenit Cana, jo vetëm për të përfaqësuar më së miri kombin e tyre në fushat e futbollit të Francës në vitin e ardhshëm, por edhe për t’u bërë nismëtarë të urtë e të guximshëm të vënies në jetë të ëndrrës së madhe shqiptare.
Tetor 2015

EDHE SHQIPTARET E AMERIKES FESTOJNE PER KOMBETAREN KUQ E ZI

by

Nga Beqir SINA/
NEW YORK CITY : Atmosfera kuq e zi, për atë që thirret “Ëndërra Kuq e zi – u bë realitet” kualifikimi i kombëtares së Shqipërisë, për në “Francë 2016”, më 11 Tetor 2015, në Erevan Armeni— tek shqiptarët e Amerikës përsëri ka qenë e jashtëzakonshme, e paparë ndonjëher në historinë e emigracionit.
Festa e shqiptarëve ngado ka nisur dje dhe nuk po ndalet!
Pjesmarrja e Shqipërisë në Evropianin e futbollit, France 2016 – ka bërë që me mijëra shqiptarë, në mënyrë krejt spontane të lënë lokalet nga ndoqën 90+3 minuta ankthi, dhe, menjëher të shperthejn rrugve të qyteteve me plot njerëz, duke valvitur flamurin kuq e zi dhe thirrjet entusiaste “Shqipëria- Shqipëria”, duke festuar kështu me madhështi edhe në Shtetet e Bashkuara të Amerikës.
Me konkretisht në kryeqendrën e “kohës moderrne” metropoilin e botës në New York, dje mbas dite deri në orët e vona kanë dalë për të festuar një numër i madh i tifozëve shqiptarë, të emigruar nga Shqipëria, Kosova, Mali i Zi, Maqedonia, Lugina e Preshevës, Arbereshët e Italisë, për të festuar kualifikimin historik në futboll.
Si shihet edhe në videot dhe fotografit e postuara në rrjetet sociale, nga shqiptarët e Amerikës, të cilat po qarkullojn në rrjetet sociale, shihet fare mirë se kryeqendra e shqiptarëve New Yorku, me qytetet e tij – Manhattan, Bronx, Kuins, Brooklyn dhe ishulli Staten Island – ka qenë të mbuluar për disa orë me flamujt kuqezi.
Flamujt kuqezi dhe brohoritjet entuziaste boriet e makinave dhe në disa vende edhe fishkezjarre – kanë tërhequr vëmendjen e amerikanëve dhe truistëve të huaj në rrugët e Nju Jorkut.
Kualifikimi i Kombëtares Shqiptare për në Francë 2016 ka bërë jehonë, të madhe edhe në shtypin sportiv këtu përtej oqeanit.
Mediat amerikane, dhe ato të shqiptarëve të Amerikës, gazeta shqiptaro amerikane Illyria, Dielli dhe Bota sot, në kronikat sportive të ditës së djeshme, por edhe sot kanë shkruar për fitoren e Shqipërisë me Armeninë dhe kualifikimin historik në Europian – Francë 2016.
Shqipëria, krahas Gjermanisë, Rumanisë, Polonisë mbrëm ka ka siguruar vendin e saj për në Euro 2016, theksonë media amerikane, ato shkruajn se Shqipëria bëri historinë duke mundur Armeninë me rezultatin 3 me 0.
“Kjo fitore i siguroi një vend në turneun e tyre të parë në ndonjë kampionat ndërkombëtar”, tha gjigandi sportiv amerikan i ESPN me bazë në Toronto – Kanada. CNN – në kronikën sportive duke përmbledhur të dielën sportive, tha se Shqipëria, krahas Gjermanisë, Rumanisë, Polonisë, mbrëm ka ka siguruar vendin e saj për në Euro 2016, Shqipëria fitoi në ndeshjen me Armeninë 3 pikë me 3 gola” tha CNN.
Shqipëria, tha Fox-sport, mbas 85 vjetëve prej krijimit të Federatës së Futbollit Shqiptarë, për her të parë në historinë e saj merr pjesë në Europian – një nga kompeticionet më të rëndësishme të futbollit botëror mbas atij të Kupës së Botës, kua Shqipëria nuk ka marr pjesë asnjëherë.