Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Hoxhaj në Bruksel takon Mogherinin dhe Hahn

by

-Diskutojnë liberalizimin e vizave, MSA-në dhe zhvillimet në rajon/

1 Hoxhaj MoghereiniPRISHTINË, 2 Maj 2017-B.Jashari/ Ministri i Punëve të Jashtme të Kosovës, Enver Hoxhaj ka takuar sot në Bruksel shefen e Politikës së Jashtme të BE-së, Federica Mogherini, dhe Komisionerin për Zgjerim Johannes Hahn.

1 Hahn & HOxhajNë të dyja takimet u diskutua për procesin e liberalizimit të vizave, ku u theksua progresi i arritur në plotësimin e kritereve për liberalizim nga ana e Kosovës gjë që solli edhe rekomandimin pozitiv nga Komisoni Evropian, si dhe për demarkacionin si kriteri i vetëm i mbetur, bën të ditur njoftimi i dërguar.Në anën tjetër, kryediplomati kosovar i shoqëruar nga kryetari i Komisionit për Punë të Jashtme, Elmi Reçica dhe kryetarja e Komisionit për Integrime Evropiane, Njomza Emini ka folur edhe për MSA-në dhe punën në kuadër të zbatimit të saj, si një hap i rëndësishëm i përafrimit me BE-në.Ministri Hoxhaj u ka shprehur Mogherinit dhe Hahn interesimin e Kosovës që këtë vit të aplikojë për statusin e kandidatit për anëtarësim në BE, pasi që të zbatohet agjenda e reformave evropiane.

“Gjatë ditës së sotme takova zonjën Mogherini dhe zotin Hahn, ku tema qendrore ishte liberalizimi i vizave për qytetarët e Kosovës në atë moment kur deputetët e Kosovës do ta ratifikonin marrëveshjen e demarkimit me Malin e Zi. Po ashtu, kemi biseduar për zbatimin e axhendës evropiane të reformave dhe të marrëveshjes së Stabilizim Asociimit, si dhe mundësinë që të aplikojmë për statusin e kandidatit në fund të një procesi të tillë dhe për çështje të tjera të karakterit bilateral në mes të Kosovës dhe BE-së”, deklaroi ministri Hoxhaj.Në takimet e sotme, palët kanë biseduar edhe për temat dhe zhvillimet e fundit në rajon, si dhe tendencat për ndikime të forcave anti-evropiane në Ballkan.Hoxhaj theksoi se, pavarësisht sfidave Kosova është e palëkundur në orientimin e saj euro-atlantik.Gjatë ditës së nesërme, Hoxhaj do ta takojë Komisionin për Punë të Jashtme të Parlamentit Evropian (AFET), të cilët do t’i njoftojë për të arriturat e Kosovës sa i përket liberalizimit të vizave dhe axhendës evropiane të Kosovës në përgjithësi.

 

MINISTRI I JASHTEM I KOSOVES NE RUMANI

by

Nga B.Jashari/.-Ministri i Jashtëm i Kosovës, Enver Hoxhaj, është nisur sot për në Rumani, ku do të marrë pjesë në takimin e dytë jo formal të Organizatës SEECP, Procesi i Bashkëpunimit në Evropën Juglindore.MPJ e Kosovës bëri të ditur se, në vizitën e tij të parë zyrtare në Rumani, ministri i Jashtëm kosovar është ftuar nga homologu i tij rumun, Titus Corlăţean, pasi Rumania është kryesuesja e radhës e kësaj organizate të rëndësishme rajonale që promovon paqen, stabilitetin, sigurinë dhe bashkëpunimin rajonal në frymën evropiane.

Në Samitin dy ditor të SEECP, ku vendet përfaqësohen në nivel të ministrave të jashtëm, Hoxhaj pritet të takojë edhe homologë të vendeve të tjera, me synimin për anëtarësimin e Kosovës sa më parë  në këtë organizatë, që është një prej më të hershmet në Ballkan.

SEECP përbëhet nga 12 shtete anëtare, mes të cilave;  Shqipëria, BeH, Bullgaria, Kroacia, Greqia, Maqedonia, Moldavia, Mali i Zi, Rumania, Serbia, Sllovenia dhe Turqia.

Samiti i Ohrit, vitin e kaluar dështoi për shkak të mos ftesës së palës kosovare në nivelin më të lartë, ku shumica e vendeve anëtare ishin solidarizuar me vendimin e Kosovës për të mos u përfaqësuar në një nivel tjetër