Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Bennet Nura, një nga të përzgjedhurit për të jetuar në Planetin MARS

by

17-vjeçari nga Prishtina i cili është përzgjedhur nga Nasa për t’u bërë banor i Marsit/

-Bennet Nura, është në mesin e 100 mijë njerëzve të përzgjedhur nga NASA, për të bërë jetë në planetin Mars në të ardhmen./

17-vjeçi tha se gjithmonë ka ëndërruar të bëjë një hap më shumë për shkencën, pasi interesi për të ka qenë i madh. Pasi dëshira e tij ishte të bëhej astronaut, emisionet shkencore kanë qenë pika më e dobët e tij.

Ndërkohë që për të qenë pjesë e konkursit të fundit të NASA-s për planetin Mars, plotësimi i disa kritereve ka qenë i domosdoshme.

Sipas Bennetit, gjithçka çka është dashur për të aplikuar në atë konkurs ka qenë, interesimi dhe njohuritë për shkencën.

Ndonëse jetën në Mars e sheh si të vështirë, 17-vjeçi thotë se një mundësi e tillë është e madhe për njerëzimin.

Pas këtij lajmi, Benneti ka marrë edhe shumë komente pozitive nga familjarët dhe miqtë e tij.

Ndryshe, Bennet Nura është student i shkencave kompjuterike në Holandë./GazetaExpress/

DUKE PRITUR MREKULLINE NE PLANETIN E KUQ

by

NASA do të shpallë një “zbulim të madh shkencor” nga misioni eksplorues në Mars, duke shtuar spekulimet se agjencia amerikane e hapësirës ka gjetur gjurmë uji në planetin e kuq.

Gazetarët janë ftuar të ndjekin një konferencë në Uashington të hënën në orën 11:30 lokale (17:30 Europiane) që do të drejtohet nga Luhendra Ojha, e cila zbuloi shenja të mundshme uji në Mars kur ishte ende studente.

NASA ka thënë se “ka zgjidhur misterin e Marsit”, por pa dhënë hollësi të mëtejshme.

Agjencia më herët ka gjetur prova të ekzistencës së ujit në këtë planet, kryesisht në formë të ngrirë në pole, por thekson se aty nuk mund të zhvillohet jeta.

Në mars shkencëtarët e NASA-s bënë të ditur se provat mbështesnin teorinë që një herë e një kohë, një e pesta e sipërfaqes së planetit të kuq mbulohej nga një oqean me thellësi disa kilometra në vende të caktuara.

“Nëse do të shpallin se kanë gjetur ujë të rrjedhshëm nën sipërfaqe, që është një ndër teoritë që kemi dëgjuar për vite të tëra, atëherë kjo mund t’i hapë udhë zhvillimit të jetës në atë planet dhe vazhdimësisë së njerëzimit”, thotë Dag MekKuistion, ish-kreu i Programit të Marsit në NASA.