ne France – Dielli

Ministri Gashi:Ta mbështesim Medinën në garën në Francë!

September 21, 2017 by dgreca

-Zëvendëskryeministri Gashi thirrje bashkatdhetarëve në Francë: Ta mbështesim Medinën! Aktivisht merr pjesë në garat botërore të notit nga viti 2012/

1 Median France

PRISHTINË, 21 Shtator 2017-Gazeta DIELLI/ Ministria e Diasporës dhe Investimeve Strategjike e mbështet vogëlushen Medina Surdulli në garat evropiane të notit për fëmijët me sindromin Doën, që do të mbahen në Bobigny të Francës.Ministri Dardan Gashi i ka bërë thirrje diasporës kosovare në Francë që ta mbështetë vogëlushen Surdulli, e cila aktivisht merr pjesë në garat botërore të notit nga viti 2012.“Nga datat 28 tetor – 4 nëntor ftoj bashkatdhetarët që jetojnë në Francë ta mbështesin Medinën, e cila po e bën krenare Republikën”,- ka thënë zëvendëskryeministri dhe ministri i Diasporës dhe Investimeve Strategjike, Dardan Gashi.Vogëlushja Medina Surdulli në fushën e notit ishte zgjedhur Sportistja e Vitit që nga viti 2012./b.j/

Ramush Haradinaj është ndaluar në Francë

January 4, 2017 by dgreca

AAK:Ndalimi me Flet-arrest te Serbise. U bejme thirrje autoriteteve franceze qe t’i mundësojnë zotit Haradinaj që të vazhdojë udhëtimin e tij/

PRISHTINË, 4 Janar 2017-Gazeta DIELLI/ Kryetari i AAK-së, Ramush Haradinaj, sot është ndaluar në aeroportin e Baselit, sipas një urdhërarresti të lëshuar nga Serbia në vitin 2004.

Aleanca për Ardhmërinë e Kosovës në njoftimin e sapodërguar deklaron:Një veprim i tillë është krejtësisht i padrejtë dhe i papranueshëm. U bëjmë thirrje autoriteteve franceze qe t’i mundësojnë zotit Haradinaj që të vazhdojë udhëtimin e tij i papenguar dhe kërkojmë nga autoritet e Bashkimit Evropian dhe të shteteve evropiane veç e veç që të mos pengojnë lëvizjen e lirë të autoriteteve të Kosovës, sipas urdhërarresteve të paligjshme të Serbisë.

Njëkohësisht kërkojmë nga Qeveria e Kosovës që të ndërpres çdo komunikim me Serbinë deri sa ajo të mos i tërheqë fletarrestet ndërkombëtare kundër përsonaliteve të Kosovës, përfundon deklarata e AAK.

Flet ish kapiteni Igli Tare:”Shqiperia do te beje nje paraqitje te mire ne France 2016″.

October 13, 2015 by Administrator

Igli Tare Drejtori Sportiv i skuadres se Lacios eshte gjithmone i gatshem te ndjeke Perfaqesuesen e Shqiperise ne cdo takim thote editori Farncesco Lucca./
Intervista e ish kapitenit te Kombetares Shqiptare ne studio SKY Italia e hapet me nje anekdode e cilat lidhet me nje statuje te vjedhur ne Shqiperi ne vitin 1997. “Rastesisht gjate nje nate ne Rome isha per darke tek disa miq dhe mora vesh qe nje statuje ishte vjedhur gjate luftes civile ne vitin 1997. Behej fjale per statujen e Asklepit-. Tashme ajo gjendej ne shtepine e nje koleksionisti Italian qe perpiqej ta rishiste ne Shqiperi. Ai ishte perpjekur per rreth dy vjet pa ia arritur qellimit. Me dukej dicka e cuditeshme. Per kete lajmerova vellane tim te madh Drejtor i Parkut Kombetar nga ku ishte vjedhur kjo statuje. Sapo e degjoi kete histori me tha qe te beja dicka per ta kthyer ne atdhe. Doja te jepja nje shembull per te sensibilizuar opinionin publik dhe e ribleva. Ishte nje gjest simbolik por e bera per te dhene nje kontribut dhe per te kthyer ne atdhe dicka qe na perkiste.”, thote Igli Tare.
Ne kete emission ku ishte i ftuar edhe ish milanisti dhe futbollisti i mirnjohur Italian Costacurta, editoriali Francesco Lucca pyet Igli Taren nese e mban mend 26 gushtin e 2001 takimin Breshia Milan ? Tare pergjigjet me shaka :”Bente shume ftohte! Costacurta ishte i pranishem”. Pas ketij pohimi Costacurta merr fjalen duke buzeqeshur dhe thote:”Tare me beri dy gola. Gjithashtu mora edhe karton te verdhe. Duhej ta hiqnim qafe per ta ndalur”.
Si po e perjeton Shqiperia kete moment?
Ndeshja me Serbine kishte brenda shume emocion dhe shume histori. Kjo eshte dicka qe e ve skuadren nen presion. Lojtaret e dinin qe nuk mund te humbisnin, por per fat te keq luajten pa deshire dhe te shtypur nga ky presion”.
Cana eshte lideri i Perfaqesueses. Si ka mundesi qe nuk shkelqeu ne Itali?
Pati shume probleme fizike te cilat e kushtezuan. Gjithmone ka qene nje lider si tani me Nante. Ne qofte se i jepet mundesia luan mire. Lacio ka shume lojtare te mire dhe pati veshtiresi, por megjithate ishte nje lojtar shume pozitiv dhe ne cdo moment kur ju dha mundesia u perpoq te jepte maksimumin.”
De Biasi te Lacio?
Sinqerisht jo. Edhe sepse nga ajo qe kam degjuar do te zgjase kontraten me Shqiperine. E admiroj shume. Ka arritur shume me Shqiperine. Eshte personalitet ne futbollin Italian dhe po shkruan historine shqiptare.
Tare tranjer i Shqiperise?
Me eshte propozuar nga federata por refuzova. Jam njeri i futbollit dhe nuk me pelqen te bej keto role. Gjithsesi jam tifoz i Perfaqesueses Shqiptare. Une do ta mare ne konsiderate kete mundesi por pas disa vitesh. De Biasi ka akoma per ti dhene skuadres. Eshte nje skuader e re qe ne vitet e ardheshme mund te eci perpara.
Kualifikimi ?
Ishte endra e nje populli. Me preku moment i kualifikimit. Do te doja te isha 15 vjet me i ri. E merituan fitoren . I kam derguar mesazh te gjitheve. De Biasit, Tramezzanit dhe Berishes. Jam krenar. Ne Shqiperi jane te cmendur pas futbollit. Nje rezultat gjithmone i enderuar dhe i realizuar fale punes te jashtezakonshme te De Biasit.
Sekreti?
Ky ishte nje grup i konsoliduar. Nje pune 3-4 vjecare. De Biasi e di mire qe ka nje skuader te re me nje shpirt te madh. Jane te gjithe luane qe luajne per atdheun e tyre. Ata e dine qe kane nje popull qe ii mbeshtet. Nuk ka shume cilesi teknike, por kompaktesia eshte arma e tyre me e mire dhe luftojne nga minuta e pare tek e fundit me nje pressing te vazhdueshme. Sume njerez nuk kishin besim ne fillim, por De biasi Po.
E ardhmja? Shqiperia do te beje nje paraqitje te mire ne France 2016. Ajo eshte rritur nga grupi dhe sidomos ata do te kene mbeshtetje e mijra shqiptarve qe jetojne aty. Ekipet e tjera nuk jane per tu nenvleresuar. Kombet e vogla jane rritur shume ne nje organizate te madhe. Pergatiti:Albano Kolonjari.

SULM TERRORIST NE FRANCE- NJE KOKE E PRERE, DISA TE PLAGOSUR

June 26, 2015 by dgreca

Sulm terrorist, Francë, eksploziv në një fabrikë gazi, një njeriu i pritet koka, gjendet flamuri i ISIS/

Një person që mbante një flamur islamik i ka prerë kokën një personi tjetër dhe ka plagosur disa të tjerë në një fabrikë gazi në lindje të Francës rreth ores 10 te ditës së sotme, raportojnë burimet ligjore të AFP.Sulmuesi i dyshuar hyri në fabrikë dhe vendosi disa eksplozivë të vegjël, sipas AFP.

Shpërthimet besohet të kenë ndodhur nga përdorimi i bombolave të gazit.Të paktën një person është arrestuar (i cili ka pranuar se është anëtar i ISIS) , edhe pse Sky News raporton se sulmi eshte bere dy persona, të cilët të dy mbanin flamur islamik. Sky News thote se personi i arrestuar eshte rreth te 30-ave dhe eshte i njohur nga policia e anti-terrorit.

Mediat franceze raportojnë se sulmuesit janë anëtarë të Shtetit Islamik.Ka raporte qe fabrika i perket firmes Air Products. Mediat franceze thone se sulmuesi u fut me makinen e tij ne fabrike. Air Products eshte nje kompani amerikane, me rreth 21 mije te punesuar dhe merret me shitjen e gazeve industriale

Trupi pa koke u gjet prane fabrikes. Sipas nje gazete lokale franceze, koka e personit te vrare ishte e varur ne porten e fabrikes dhe mbi te kishte shkrime arabe , por kjo ende mbetet e pakonfirmuar.

Presidenti i Frances, Francois Hollande ndodhet ne Bruksel per nje mbledhje te samitit Europian, por mbledhja ka filluar pa te. Ai do te kthehet nga Brukseli per te menaxhuar krizen ne vend.Nderkohe autoritetet franceze vazhdojne kerkimet per personin e dyte afer fabrikes.Sulmi erdhi 6 muaj pas tragjedisë së Charlie Hebdo ku mbetën 17 persona të vrarë.

TERRORIZMI-Në Francë, 4 sulme në 24 orë, vritet 1 police, plagosen dy

January 8, 2015 by dgreca

Pas 24 orësh nga masakra në zyrat e gazetës satirike “Charlie Hebdo”, edhe mëngjesin e së Enjtes Franca është zgjuar e tronditur nga tre sulme të njëpasnjëshme, brenda një harku të shkurtër kohor, ku ka vdekur një police si dhe është plagosur një tjetër.
Bëhet fjalë për një sulm me armë zjarri në jug të Parisit si dhe dy shpërthime me eksploziv, e para në një restorant në Villefranche-sur-Saône në Lion, dhe një në xhaminë e Le Mansit, ku si pasojë e sulmeve ka humbur jetën një oficere policie, ndërsa një polic tjetër ka mbetur i plagosur.
Fillimisht, nga ana e autoriteteve franceze janë raportuar të shtëna me armë zjarri në jug të Parisit, në zonën e Porte de Chantillon rreth orës 08:05. Mësohet se një agresor, nën drejtimin e automjetit të tij tip Renault Clio, ka qëlluar me armë zjarri kallashnikov ndaj dy oficerëve të policisë, në momentin që këta të fundit, po trajtonin një aksident rrugor.
Autori është larguar nga vendi i ngjarjes, madje edhe duke shkëmbyer të shtëna me policinë e vënë në ndjekje të tij, ndërsa nga ana e autoriteteve të rendit, është prangosur një i dyshuar.
Ndërkaq, pas kësaj një shpërthim eksploziv është shënuar në Lion, në një restorant pranë xhamisë, ku si pasojë e sulmit, fatmirësisht nuk raportohen viktima apo të lënduar.
Menjëherë pas kësaj, një tjetër shpërthim eksplozivi u shënua në Le Mans, në xhaminë e qytetit, ku nuk dihet ende për viktima apo të lënduar. Në vendin e ngjarjes, policia franceze zbuloi 3 granata të paprekura.
Deri më tani nuk dihet ende nëse këto sulme të ditës së sotme, të kenë lidhje me aktin terrorist të një dite më parë ndaj satirikes “Charlie Hebdo” ku mbetën të vrarë 12 persona, mes të cilëve 8 gazetarë, 2 policë, një recepsionist dhe një i ftuar.
Lidhur me masakrën e djeshme, policia ka identifikuar dy autorët e dyshuar si vëllezërit Said dhe Cherif Kouachi respektivisht 34 dhe 32 vjeç, me origjinë algjeriane.
Tjetër sulm me armë në Paris, plagosen 2 policë
Një tjetër sulm me armë zjarri ka tronditur Parisin mëngjesin e sotëm. Sipas mediave ndërkombëtare, ngjarja ka ndodhur në jug të kryeqytetit, në zonën e Porte de Chantillon rreth orës 08:05.

Si pasojë e sulmit, mësohet se ka humbur jetën një police, ndërsa një tjetër punonjës policie ka mbetur u plagosur, në gjendje shoku.

Sipas mediave franceze, autori i plagosjes, është larguar nga vendi i ngjarjes, në drejtim të metrosë me një automjet tip Renault Clio, ngjyrë të bardhë. Madje theksohet se gjatë arratisjes ka pasur edhe shkëmbim zjarri mes tij dhe policisë franceze. Autoritetet e rendit kanë arritur të prangosin një 53 vjeçar të dyshuar por sipas mediave franceze nuk është i përfshirë në ngjarje.
Mësohet se në ngjarjen e sotme, dy policët e plagosur kanë qenë duke trajtuar një aksident rrugor, kur pranë tyre është afruar automjeti Renault Clio me ngjyrë të bardhë dhe ku më pas agresori me armë zjarri kallashnikov ka shtënë ndaj uniformave blu.
Menjëherë pas kësaj ai është larguar me shpejtësi. Sipas dëshmitarëve në vendngjarje personi që qëlloi mbi dy oficerët e policisë komunale në Chatillon nuk ka bërë asnjë thirrje dhe kjo vërtetohet nga shtatë të pranishëm në vendngjarje. Nga informacionet fillestare u raportua se një burrë i veshur me të zeza dhe me një jelek antiplumb ka dalë nga makina e tij dhe ka zbrazur një kallashnikov mbi policët të cilët po luftojnë për jetën.
Sipas mediave franceze nuk dihet nëse ngjarja e sotme të ketë lidhje me sulmin terrorist ndaj “Charlie Hebdo” të ditës së djeshme, ku mbetën të vrarë 12 persona, mes tyre 8 gazetarë dhe 2 oficerë policie, si dhe mbetën të plagosur disa të tjerë.