Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NDERROI JETE NE NEW YORK ENVER DAJÇI

by

Dje ka nderruar jetë në Nju Jork, Enver Dajçi, babai i zonjës Mimoza Dajçi, aktiviste e njohur e komunitetit shqiptar ne SHBA, presidente e Organizatës së Gruas Shqiptaro-Amerikane The Women’s Organization “Hope & Peace”. I ndjeri Dajçi vinte nga një derë e njohur atdhetare, ishte nip i Isa Boletinit. Ai u bë një figurë e njohur gjatë Luftës së Dytë Botërore, por pas ardhjes së Enver Hoxhës dhe bandës së tij në pushtet, përfundoi në qelitë e errta të hetuesisë komunsite.Ai nuk mund të pajtohej me shitjen e Kosoëvs tek Jugosllavia, as me kthimin e Shqiperise ne nje shtet-burg, dhe shprehu pakënaqësitë hapur. Rreth tre vite i kaloi në tortura të skajshme në qelitë e ftohta të Hetusisë së Enver Hoxhës, që ia kalonte dhe atyre të Hitlerit. Pas gjyqit të inskenuar atë do ta dërgonin në Ballsh në kampin-burg, ku do të kryente dënimin pa bërë faje, madje edhe do ta ridënonin.Enver Dajçi jetonte pranë vajzës së tij Mimoza dhe mbesës Merlin në Bronx, NY. Mimoza, e goditur rende nga kjo vdekje(para kater muajesh ajo humbi edhe nenen), u shpreh për Gazetën DIELLI në një shënim të shkurtër, që ne ia kërkuam:

Nuk qenka e lehtë të thuash Lamtumirë!
Zakonisht kemi lexuar e shkruar për nënat, mëmat tona të dashura të mira, zë ëmblat, të fortat e trimëreshat, kur i është dashur të tregohen të tilla e zemërbuta kur u është dashur të na përkëdhelin e të na thonë fjalë zemre. Pra duke qenë se edhe babai është pjesë e familjes edhe dhimbja për atë qenka shumë e madhe. Jo pse unë sot humba babanë tim, sigurisht të moshuar, por edhe ndarja me prindin të rëndon shumë e nuk njihka moshë. – Mimoza Dajçi.

Federata Panshqiptare e Amerikes VATRA dhe Redaksia e Gazetes DIELLI i shprehin ngushellimet me te thella Mimozes dhe te gjithe familjes.

MOZA KA MARRE NGUSHELLIME TE SHUMTA NGA TE CILAT KEMI PERZGJEDHUR DISA:
E nderuar dhe e respektuar Zonja Mimoza,
Bashkohem me të gjithë miqtë dhe dashamirësit tuaj, për t’ju shprehur ngushëllime e mia të thella pë vdekjen e babait tuaj të shtrenjtë. Babai Juaj ka meritën e padiskutueshme si një Shqiptar i Madh jo vetëm për mbrojtjen e Çështjes Kombëtare Shqiptare, por edhe për edukatën e shëndoshë që kultivoi në familjen e tij, duke ju pajisur me një formim të admirueshëm nacionalist.
I përjetshëm qoftë kujtimi i tij.
Miqësisht,
Eshref Ymeri
Santa Barbara, Kaliforni
21 dhjetor 2014

Mimoza e Merlin,
Ne kete moment sapo mesova lajmin e hidhur per Babain e Gjyshin tuaj. Ndihem shume i pikelluar, sepse Enver Dajçin e njoha para 25 vitesh, ne kohes e shembjes se komunizmit dhe qe nga ai moment kam patur per te nje respekt e dashuri te pakufishme. Kemi biseduar gjate per burgun dhe vuajtjet e tij ne kalvarin komunist, per punen dhe aktivitetin e tij ne sherbim te ceshtjes se atdheut, per problemet e kohes dhe per jeten tone ne emigracion. Ne cdo bisede kam pare tek ai, burrin e zgjuar e atdhetar, njeriun intelektual e te kulturuar, malesorin e matur e me shpirt te madh.
Ju siguroj se sot, jo vetem ju humbet njeriun me te dashur (Babain e Gjyshin), por dhe une e familja ime humbem nje njeri qe e donim shume, humbem nje nga dashamiret tane me te medhej ketu ne Amerike. I nderuar qofte kujtimi i Enver Dajcit ,shpirti i tij u prehte ne paqe e qetesi. Lamtumire miku im.
Me shume respekt Asllan Bushati me familje.
Fort e dashur Halla Moza, fort e dashur Merlin,
Sapo e lexova që axha Enver ndërroi jete. U hidhëruam shumë familjarisht. Po na vjen vërtet shumë keq. Ju pastë lënë uratën dhe bëhuni të forta. E di që e keni shumë të vështirë ta pranoni dhimbjen, por duhet të ndiheni krenare për babain e gjyshin tuaj dhe kurrë mos harroni që ai gjithmonë është pranë jush duke ju dhënë kurajo për çdo vepër të mirë që bëni në jetë. Ai ishte një hero i kombit tonë, trashëgimtar i denjë i Familjes së Boletinëve. Desh Zoti e pa Kosovën – vendlindjen e tij, të lirë e të pavarur. Dashamirës i çështjes kombëtare, patriot, vital e i papërkulur ndaj diktaturës komuniste në Shqipëri. Përkrahës e mbështetës i orëve të para të lëvizjes demokratike në Shqipëri. Kultivoi tek ju vetëm ndjenjën e atdhedashurisë e patriotizmit. Fjalë pak, por intelektual i mirëfilltë, njohës i mëse shtatë gjuhëve të huaja. Poliglot e dijetar i shumë shkencave politike, historike e sociale. Enciklopedik në kuptimin e plotë të fjalës.
Ju përqafojmë fort me shumë dashuri e ju jemi pranë në këto momente të vështira.

Mbesa e Boletinëve Mitrovicë – Kosovë
Juriste Fatbardha Boletini dhe familja

Nga Astrit Tota
Te nderuara Zj. Mimoza Dajci dhe Vajza Merlini.
Sa po lexuam nga Ju Moza, per humbjen e pa pritur te jetes te Babait t’uaj te dashur! Dhimbje e madhe per Prindin t’uaj te shkelqyer Z. Enver Dajci, largim jete nga i njejti vit teper i dhimbshem per Ju, por edhe ne qe jetojme ne emigracion bashke me Ju, dhimbje e njejte si para disa muajve nga largimi jetes se Nenes t’uaj te dashur, te shtrenjte e te respektuar nga Ju, rrethi familja dhe nga te gjithe shqiptaret qe jetojne prane jush ne Bronx Nju Jork e perreth.! Ngushullime! Jemi prane jush, me te njejten dhimbje! SHPIRTI I TYRE PUSHOFTE NE PAQE LART NE YLLESI! Te rroni dhe ti kujtoni kurdohere prindet! Prinderit me jete te vuajtur por shembullore e te kudo gjendur, vecanerisht per Ju. Me respekt, Astrit Tota me Familje. Bronxville NY.

E dashura Mimoza,
Bëhu e fortë ashtu siç ishte i fort si Graniti , Z.Enver Dajçi. Nuk dua të të shof sytë e përlotur! Të jesh krenare ashtu siç ishte bacë Enveri në Luftë, Burg dhe Paqë!
Pranoni ngushēllimet tona familjare pēr vdekjen e njeriut që la gjurmë të pashlyeshme në afirmin e kombit tonë për liri, drejtësi dhe pavarësi!
Lehtë i qoftē dheu i Tokēs së Hyjit!
Sinqerisht,
Flori Bruqi me familje
Në Prishtinë, 21.12.2015

Blerim Destani, aktori më i mirë në New York

by

Fundjavën e kaluar ka përfunduar festivali Java e Filmit Shqiptar në Manhattan të Nju Jorkut. Në kinemanë prestigjioze “Bow Tie Cinema” në Manhattan, u ndan 10 shpërblime nga juria profesionale e përbëre nga Louis Romano, Gjilberta Lucaj, Xhevat Limani dhe Shpend Xani.
Festivali simbas organizatorit shënoi edhe një edicion të suksesshëm të radhues, ku me këtë rast u përcjellë nga komuniteti shqiptaro-amerikan dhe pati një interesim shumë të madh për kinematografinë shqiptare.
Gjatë një jave të këtij festivali u prezantuan 32 filma të kinematografisë shqiptare, ndërsa u ndanë dhjetë shpërblime në kategori të ndryshme.
Gjithashtu festivali ndau edhe dy shpërblime inkurajuese për dy regjisore të rinj – Sabri Pajaziti dhe Fisnik Muji, ndërsa eventi u përmbyll duke shënuar kështu një sukses të madh në prezantimin e kinemasë shqiptare në Nju Jork, duke ushtruar kështu një ndikim të madh që kultura e filmit shqiptar të pëlqehet dhe pranohet edhe nga audienca amerikane.
Aktori shqiptar Blerim Destani është shpërblyer me një çmim për të arrituar në karrierën e tij si aktor. “Java e Filmit Shqiptar” në New York ka nderuar aktorin shqiptar me çmimin e aktorit më të mirë, transmeton Telegrafi. Megjithëse ky event thuhet nga ekspertët e kinemasë nuk mund të konsiderohet me përmasa ndërkombëtare, Destani, u shpërblye për punën jashtë kufijve shqiptar madje në metropolin e botës Nju Jork, qytetin ku mbahen disa fetivale të kinematografisë botërore me jehonë të madhe ndërkombëtare.
Ndryshe filmi më i ri “ Soko 5113” ku merr pjesë aktori shqiptar, ka premierën sonte në kanalin e njohur gjerman, ZDF. /B.Sina/

Delegacioni i Lugines se Presheves ne New York

by

New York City, 11 Tetor 2015—Pas takimeve në Washington, DC, delegacioni nga Lugina e Presheves, gjate vikendit pati edhe një sër takimesh po aq të rëndësishme në New York City. Fillimisht, Kryetarët Mustafa dhe Arifi, së bashku me Faton Bislimin nga Liga Qytetare Shqiptaro-Amerikane, që njëherësh ka qenë edhe organizator I kësaj vizite, si dhe bashkëpunëtorët Xhevat Latifi, gazetar, dhe Sherif Sherifi, avokat, u pritën në një drekë të posacme pune nga ish-Kongresisti dhe Kryetari I Ligës Qytetare Shqiptaro-Amerikane, z. Joe DioGuardi, Këshilltarja për Cështje të Ballkanit, znj. Shirley Cloyes, dhe dy anëtarët e Bordit të Drejtorëve të LQSHA, z. Zef Balaj dhe z. Agim Alickaj.
Gjatë këtij takimi, Kryetarët Mustafa e Arifi I njoftuan përfaqësuesit e Ligës – lobit shqiptar në SHBA – me gjendjen në Luginën e Preshevës dhe me takimet që kanë patur ditëve të fundit në Washington, DC. “Për ne është mision I shenjtë që të cojmë përpara cështjen tonë kombëtare për të gjithë shqiptarët në Ballkan, e vecanërisht edhe për ata në Luginë të Preshevës,” ka thënë DioGuardi. “Ju jeni pjesë e pandashme e angazhimit tonë për kauzën kombëtare, dhe ne tani më shumë se kurrë do të fokusohemi që së bashku me miqët tanë këtu, e sidomos ata në Kongres, ta vëjmë cështjen e Luginës sa më lartë në agjendën e politikës së jashtme amerikane,” ka shtuar znj. Cloyes.
“Ne I besojmë shumë përkrahjes suaj dhe ju jemi përjetësisht mirënjohës për gjithë kontributin tuaj për kauzën kombëtare në përgjithësi dhe cështjen e Luginës në vecanti,” ka thënë Kryetari I Preshevës, z. Mustafa. “Gjendja në të cilën ne dhe bashkëqytetarët tanë jetojnë në Luginë I ngjanë një getoje në zemër të Evropës, dhe ne jemi të bindur se pa ndërhyrjen direkte të SHBA-ve, zgjidhja për ne do të jetë shumë e largët për të mos thënë e pamundur,” ka shtuar Kryetari I Bujanocit, z. Arifi, ndër të tjera.
Pastaj, delegacioni u pritë edhe në një takim miqësor nga drejtuesit e Federatës Pan-Shqiptare të Amerikës “Vatra”, Dr. Gjon Bucaj, Kryetar, si dhe Gjeneral Asllan Bushati, Nënkryetar, së bashku me bashkëpunëtorët e tyre. Në shtëpinë e Vatrës, delegacioni diskutoi për temat kryesore që preokuptojnë shqiptarët e Luginës. Vatra premtoi angazhim të vazhdueshëm në përkrahje të zgjidhjes së drejtë të cështjes shqiptare në Luginë. Kurse, me propozimin e Faton Bislimit, përfaqësuesit e Vatrës u pajtuan që të bashkëpunojnë me Fondacionin Arsimor Joprofitabil të z. Bislimi për të sjellur në SHBA për studime një numër të caktuar të studentëve meritorë nga Lugina, duke iu siguruar atyre bursa akademike dhe akomodim.
Ndërsa, në një pritje të vecantë të organizuar nga Liga Qytetare Shqiptaro-Amerikane në Grand Hyatt në Manhattan, delegacioni I Luginës së Preshevës pati mundësinë që të diskutojë edhe me Kongresistin Dana Rohrabacher, Kryetar I Nënkomisionit për Evropë në Komitetin për Punë të Jashtme të Kongresit të SHBA-ve. Pas prezantimit të gjendjes totalisht diskriminuese në të cilën jetojnë shqiptarët në Luginë nga delegacioni, Kongresisti Rohrabacher u shpreh më I vendosur se kurrë që të vazhdojë me ngulm përkrahjen e tij për shqiptarët në Luginë. Ai faëlmderoi z. DioGuardi dhe znj. Cloyes si dhe LQSHA për angazhimin e tyre historik dhe vetmohues për të drejtuar në kahun e duhur politikën e jashtme amerikane vizavi cështjes shqiptare. Ai tutje shtoi se beson fuqishëm që përmes miqëve tjerë të shqiptarëve dhe kolegëve të tij në Kongresin amerikan, do t’i bëhet presion I vazhdueshëm administratës amerikane që të merret seriozisht me problemin e shqiptarëve në Lugine. “Ju jeni popull autokton dhe juve nuk po ju don Serbia dhe nuk po ju jep as të drejtat më fundamentale njerëzore që duhet t’i gëzoni si cdo popull tjetër në Evrope. Unë do të angazhohem qysh javën që po vjen që t’ia nis një letër Kryeministrit Vucic për të shpreh shqetësime tona serioze për gjendjen tuaj atje dhe do t’i kërkoj atij që menjëherë të ndërmarrë masat e duhura për të lejuar hyrjen në Luginë të librave shkollorë të dhuruara nga Kosova. Përndryshe, besoj se është vecse fer që nëse këto tekste nuk lejohën të vijnë tek ju, atëherë edhe Kosova duhet të parandalojë hyrjen e teksteve serbe në Kosovë,” ka thënë Rohrabacher.
“Ju jeni me fat që keni një lobi kaq të suksesshëm nën udhëheqjen e njerëzve kompetente dhe që një jetë të tërë ia kanë dedikuar kauzës suaj kombëtare sic janë miqtë e mi DioGuardi dhe Cloyes,” ka shtuar Rohrabacher ndër të tjera.
Nën aranzhimin e Ligës Qytetare Shqiptaro-Amerikane, delegacioni nga Lugina e Preshevës do të ketë mundësinë që nga seksioni VIP në Manhattan, nesër, të përcjelle Paradën e Ditës së Kolombus, ku do të parakalojnë edhe shqiptarët e New York-ut me simbolikën kombëtare – si kostumet kombëtare, flamujt, etj. Pas paradës, delegacioni së bashku me udhëheqësit e LQSHA do të kenë edhe një dreke punë ne Colombus Citizens Foundation, një nga organizatat më të vjetra qytetarë në New York, e themeluar nga imigrantët e hershëm italianë.

Kryeministri Mustafa në Nju Jork

by

-I ftuar nga Presidenti i SHBA-ve, Barack Obama, në Samitin Global të Liderëve Kundër ISIS-it dhe Kundër Ekstremizmit të Dhunshëm/

 Nga Behlul Jashari/ PRISHTINË, 26 Shtator  2015/ Kryeministri i Republikës së Kosovës, Isa Mustafa, ka udhëtuar sot për në Nju Jork, ku është ftuar nga Presidenti i Shteteve të Bashkuara të Amerikës, Barack Obama, që të marrë pjesë në Samitin Global të Liderëve Kundër ISIS-it dhe Kundër Ekstremizmit të Dhunshëm, që do të mbahet më 29 shtator.

 Në Samit, së bashku me kryeministrin Isa Mustafa do të jenë të pranishëm edhe zëvendëskryeministri i parë, njëherësh ministër i Jashtëm, Hashim Thaçi dhe ministri i Brendshëm, Skënder Hyseni, dhe në të do të diskutohet për të arriturat e shteteve në luftën kundër ISIS-it dhe ekstremizmit të dhunshëm.

 Gjatë vizitës në Nju Jork, kryeministri Mustafa, po ashtu do të marrë pjesë në Konferencën Globale të Clinton Global Initiative, që udhëhiqet nga ish-Presidenti Amerikan Bill Clinton si dhe në shumë takime të tjera që organizohen në margjina të punimeve të Asamblesë së Përgjithshme të Kombeve të Bashkuara.

Mustafa, me delegacionin qeveritar, gjatë qëndrimit në Nju Jork, do të takohet edhe me dhjetëra liderë dhe homologë të vendeve të ndryshme, si dhe udhëheqës të organizatave ndërkombëtare e rajonale.

 Kryeministri Isa Mustafa do të zhvillojë takime edhe me udhëheqës të lartë të administratës së Shteteve të Bashkuara të Amerikës, me kryeministra të shumë vendeve të Bashkimit Evropian, zyrtarë të lartë të mekanizmave të BE-së si dhe liderë të shteteve të ndryshme anëtare të Kombeve të Bashkuara, përfshirë edhe të shteteve që ende nuk e kanë marrë vendimin formal për njohjen e shtetit të pavarur dhe sovran të Kosovës.

 Gjatë takimeve me liderët e vendeve të ndryshme të botës dhe organizatave ndërkombëtare, kryeministri Isa Mustafa do të kërkojë përkrahje konkrete për fuqizimin e mëtutjeshëm të subjektivitetit ndërkombëtar të Kosovës, anëtarësimin e Kosovës në UNESCO dhe në organizatat e tjera ndërkombëtare.

Dea ELEZAJ në korin e të rinjve që do të presin Papa Françeskun në New York

by

Nga Beqir SINA/Nje 15-vjeçare shqiptaro-amerikane, Dea D. Elezaj,  do të jetë pjesë e korit të rinjve që do të këndojë në një prej veprimtarive të Papa Françeskut, i cili viziton këtë javë Nju Jorkun.Mes aktiviteteve në programin dyditor është edhe një vizitë, të premten, në orën 11:30 të mëngjezit, në vendin ku ndodhi tragjedia e 11 Shtatorit. Papa Françesku do të vizitojë memorialin dhe muzeun e ngritur për këtë në Qendrën Botërore të Tregëtisë.Këtu do të këndojë edhe Kori i Të rinjve të Nju Jorkut, ku bën pjesë edhe edhe vajza e talentuar shqiptare Dea Deda Elezaj.

Dea është e njohur për shqiptarët në New York, pasu ka kënduar në Festivalin e Kishës Katolike Shqiptare “Zoja e Shkodrës” si dhe në festivalet e fëmijëve shqiptarë në SHBA. Ai është “produkt” i shkollës shqiptare të muzikës, të drejtuar prej kitaristit të Ansamblit Shtetëror të Këngëve e Valleve Popullore, Edi Xhani.“Është si një përgjegjësi e madhe dhe kjo është gjithashtu si një punë e madhe për të treguar edhe rrënjët tona – familjen e kombin tone. – Nesër , unë do tu them shokve dhe shoqeve të mija – hej shikoni! Unë kam kënduar për Papën , dhe vërtet kjo është një diçka e madhe, për mua dhe të gjithë shokët e shoqet e këtij kori”, thotë Dea.Kori i Taleneteve të Reja të Qytetit të Nju Jorkut, i cili ka 100 anëtarë, gjithashtu , ka kënduar për Papa Benedikti XVI në vizitën në vitin 2008 në New York City.15 vjeçarja shqiptare është e njohur për shqiptarët e Amerikës, edhe për këndimin e dy hymneve kombëtare, të SHBA dhe Shqipërisë, në disa aktivitete të komunitetit.Dea, është bërë pjesë e Korit të Talenteve të Reja në Nju Jork, 3 vjet më parë, që kur ajo këndonte në divizionin “Cantare”, të këtij kori. Më parë ka pasur një përvojë të pasur më parë me korin e fëmijëve të Metropolitan Opera.Drejtuesit e këtij programi dhe sidomos udhëheqësi dhe bashkëthemeluesi i Korit, Francisko Nunes, është shprehur me fjalët më të mira, për Dean – talentin e shkëlqyer shqiptar, duke vënë në pah së pari talentin e saj.Pas vizitës në Nju Jork, Papa Françesku do të vazhdojë në Filadelfia dhe Uashington.