ne Nju Jork – Page 4 – Dielli

DITA E LIRISË SHQIPTARE NË NJU JORK

May 10, 2017 by dgreca

NICK MRNAÇAJ, NA KA DHURUAR DITËN E LIRISË SHQIPTARE NË NJU JORK. LE TA KTHEJMË NË DITË KUJTESE – TË MOS HARROJMË!/

NGA DALIP GRECA/

Të Dielën me 7 Maj 2017, me pjesmarrjen e një numri të shumtë bashkatdhetarësh, si dhe me praninë e Prefektit të Westchester Caunty, z. Rob Astorino, u përkujtua DITA E LIRISË SHQIPTARE,që organizohet çdo vit në Kujtesë të aktit sublim të Nick Mrnaçaj, i cili humbi jetën ndërsa kthehej nga një demonstratë antikomuniste, organizuar në Detroit, në kohën kur shteti i fundit komunist në Europë, përpiqej të qëndronte ende në këmbë përmes emisarëve të vet dhe ambasadorit në Kombet e Bashkuara. Kjo ditë e shënuar sjellë në kujtesën e shqiptarëve të Amerikës qëndresën e nacionalistëve shqiptarë, të cilët nuk i pushuan asnjëherë përpjekjet për ta sensibilizuar Amerikën për dhunën e përgjakshme, që ushtronte shteti komunist shqiptar kundër familjeve nacionaliste, me kalvar 45 vjeçar burgjeve dhe kampeve të internimit.I tillë ishte edhe i riu nacionalist, antikomunisti Nick Mrnaçaj, i biri i Marash dhe Mrije Mrnaçaj. Vujatjet e fisit të tij në Shqipëri, kalvari në burgje dhe kampet e internimit, burgosja dhe vdekja e axhës së tij, Nikolla Mrnaçaj nga torturat,e kishin mbushur shpirtin e tij, dhe e kishin bërë aktiv në demonstratat antikomuniste në SHBA.

Viti 1990 i kishte shtuar shpresat se fundi i diktaturës ishte i pashmangshëm dhe përmbysja duhej shpejtuar….Ishin pikërisht nacionalistët ata që organizuan protesta të fuqishme në Nju Jork, gjatë vizitës të Ramiz Alisë. Në atë demonstratë ishte edhe Nick Mrnaçaj.
Si kundërpërgjigje e demonstratës të nacionalistëve në Nju Jork, ambasadori me përkrahës të tij,organizoi një demonstrim në Detroit. Kundërpërgjigje e fuqishme erdhi nga Nju Jorku. Nick Mrnaçaj u vu në krye të grupit të Nju Jork-ut dhe shkuan atje për ta bërë të pavlefshme atë demonstrim, por në kthim mdodhi tragjedia.Ishte 22 Janar 1990, kur ai humbi jetën aksidentalisht. Nick Mrnaçaj u përcoll si hero nga Shqiptarët e Amerikës drejt banesës së fundit. Ishte djal i ri, vetëm 31 vjeç, dhe kishte dhënë për demokracinë dhe Lirinë Shqiptare, jetën e vet. Ç’ka njeriu më të shtrenjtë se Jeta?
Ceremonia e përcjelljes ishte madhështore. Në respekt të Nikës-hero, në maj të vitit 1990,u ngrit Flamuri kuq e zi, para zyrave të Bashkisë në White Plains të Nju Jork-ut. Prej vitesh ceremonia që nderon dhe kujton aktin e sakrificës njerëzore për Liri e Demokraci, e cila mban emrin e Nick Mrnaçaj, organizohet çdo vit në Parkun“Kensico Dam Plaza”, në Valhalla, Westchester, Nju Jork, duke ngritë dhe Flamurin shqiptar, i cili valvitet për një javë në shtizën e parkut përbri flamurit amerikan.
Po sa e shfrytëzojmë ne shqiptarët DITËN E LIRISË SHQIPTARE, që mbanë emrin e Nick Mrnaçaj ? Pak! Duhet të jetë obligim i të gjithë komunitetit shkuaraja masivisht në këtë ditë,e cila duhet të shëndrrohet si Ditë-Kujtese për të mos i harruar krimet e komunizmit.
….Ashtu si dhe pesë vitet e shkuara veprimtaria e 7 Majit 2017, krahas familjes Mrnaçaj, kishte për organizatore Shoqërinë Kulturore Artistike KELMENDI.Edhe Vatra ishte mbështetëse e kësaj veprimtarie.Ishte i pranishëm kryetari i Vatrës dr. Gjon Buçaj, anëtari i kryesisë Marjan Cubi, editori i Diellit etj.
Takimin përkujtimor dhe nderues për Heroin Shqiptar-Nick Mrnacaj, emrin e të cilit mbanë Dita e Lirisë Shqiptare, e ka hapë në emër të Familjes Mrnaçaj Valbona Preldakaj: Të nderuar pjesmarrës, prindër,pjestarë dhe të afërm të Familjes së Nick Marash Mrnaçaj,- është nder i veçantë për mua që në emër të familjes Mrnaçaj, si dhe në emër të Shoqërisë Artistike “Kelmendi”, t’ju uroj mirëseardhjen në këtë ditë përkujtimore, Ditën e Lirisë Shqiptare.
Drejtuesi i Shoqërisë Kulturore Artistike”KELMENDI” Sokol Smajlaj evokoi veprën e Heroit të Demokracisë me vargje:
Nik Marash Mrnaçaj dhe veprimtaria e tij
Janë mesazh i madh për brezin e ri
Për të respektuar vlerat madhore,
Lirinë, Demokracinë, të Drejtat njerëzore,
Për të cilat Nick Mrnaçaj prini në demonstrata,
E dha Jetën e Tij në rrugëtimet e gjata…
Të përjetshëm qofshin Liri e Demokraci,
I përjetshëm qoftë emri dhe kujtimi i Tij!
Veprimtaria ka vijuar me interpretimin e Hymneve Kombëtare të SHBA-vë dhe të Kombit Shqiptar, kënduar nga Mikela Ndoja.
Tubimin e ka bekuar Marash Shkreli,i cili duke vlerësuar veprën dhe përkushtimin për liri e demokraci, për Fe dhe Komb, të heroit Nick Mrnaçaj,bëri apel për kujtesë e nderim të veprës dhe aktit sublim.
Heroi është Përjetësuar në këngë dhe kënga, ku më mirë se në një tubim të tillë duhet të jehojë? “Nick Mrnaçaj s’e harrojmë” ishte kënga që u interpretua nga Luigj Tinaj, Ylli Sufaj dhe Pëllumb Naçaj të shoqëruar në çifteli nga Lek Lumaj, Kol Vushaj dhe Anton Peraj.Kënga evokon aktin sublim.
Me duartrokitje të zgjatura është pritur prezantimi nga Sokol Smajlaj, i Westchester County executive Robi Astorino, i cili përshëndetjen fillestare e ka bërë në gjuhën shqipe, duke iu drejtuar të pranishëmve me një”Mirëdita”.(Për më shumë do të lexoni në gazetën”Dielli” në print)

NJË DASËM TRADICIONALE RUGOVASE NE NJU JORK

April 30, 2017 by dgreca

Të dielën, 30 Prill, ishim të ftuar në dasmën e Blertës, vajzës së Ramiz dhe Fatmira Mujaj, e cila e ka lidhë jetën me një djalë me origjinë nga trojet shqiptare në Mal të Zi, nga Vuthaj, Liridon Gocaj, i biri i Smajl dhe Nurije Gocaj. Sipas traditës, ne ishim përcjellësit e nuses. Së bashku me qindra të ftuar si dhe 150 krushq nga ana e dhëndrit, ishte dhe një përfaqësi e Vatrës, e ftuar nga vatrani Ramiz Mujaj, duke i përcjellë atij dhe zonjës urimet e të gjithë vatranëve. Blerta është një nga ata studente që ka përfituar bursë nga Vatra dhe ka moderuar mbrëmje festive të Vatrës.Pra është edhe vatrane. Dasma u organizua në mjediset e Green Country Club në New Rochelle, NY, me bukuri të rrallë me vështrim në Oqean.Në krye të vendit janë prindërit e Ramizit, që kanë udhëtuar nga Kosova për të qenë pjesë e gëzimit.

Dasma të tilla, ku tradita dhe modernia shkrihen bashkë të mbeten në mendje. Vajza dhe djem të veshur me kostume popullore të Rugovës e shtuan koloritin e mjedisit të zbukuruar aq hijshëm, jo vetëm me lule. Valltaret e veshura hijshëm për asnjë cast nuk e lëshuan vallen e Rugovës. Blerta, e veshur fillimisht me një kostum karakteristik të krahinës nga vijnë prindërit, shfaqet para të ftuarëve dhe ia nis valles së bashku me familjen dhe të afërmit. Më pas valles i shtohen dhe të tjerë dhe vargu zgjatet e zgjatet.

Ardhja e krushqëve pritet sipas traditës. Jashtë rastorantit dhe në mjediset e brendshme janë rreshtuar njerëzit e familjes nga hyrja e restorantit e deri në mjediset e brendshme përfaqësuesit e familjes dhe miqësisë së vajzës. Në krye të krushqëve prijnë flamurtarët me Flamurin amerikan dhe flamurin kuq e zi shqiptar. Në krye të krushqëve prinë Rexhep Balidemaj, që shoqërohet nga një djalosh shtatlart i veshur me kostum kombëtar.

Sipas zakonit krushqëve u vendosen lulet nga vajzat dhe nuset. Në sy të miqëve shfaqet Blerta-Nuse, këtë herë, sipas tarditës rugovase, e mbuluar në fytyrë me rroben karkteristike.

Regjisori dhe poeti Idriz Celaj ka marrë përsipër “shkrirjen” në një dhe preznatimin e dy miqësive përmes një prezantimi të shkurtër:-Kam nderin, tha ai, t’ju uroj mirëseardhjen dhe të përcjell urime për këtë miqësi të re. Sot, me këtë dasëm madhështore, Z. Ramiz Mehmet Mujaj po lidh miqësi me familjen e Smajl Elez Gocaj nga Vuthajt e Malësisë. Për hajër!

Prindërit e Blertës Ramiz dhe Fatmire Mujaj ia urojnë martesën vajzës së tyre me Liridonin, duke u dëshiruar Jetë ët lumtuar. Me këtë urim bashkohet miqësia dhe një pjesë e artistëve të Asmablit artistik Rugova në Nju Jork. Për nder të këtij gazmendi dhe për ta uruar ciftin e ri, shtoi Idriz Celaj, ne kemi përgatitur një valle tipike Rugovase!

Valles i prijnë Hilmi Rugova e Leonora Lajci dhe e përcjell me tupan Zeqir Lajci. Nën ritmin e muzikës dhe rëniet e tupanit ia nsi vallja dhe të gjithë janë cuar në këmbë dhe i duartrokasin valltarët.

Në valle përfshihet dhe nusja me dhëndrin. Pista e vallzimit mbushet plot.Të dyja miqësitë janë shkrirë në valle.

Pas valleve, një përshëndetje e shkurtër nga krushqit. Ata sërish kanë zgjedhur Rexhep Balidemaj që të përshëndesë dhe të urojë këtë miqësi. Pranë ka vëllanë e Ramizit Agim Mujën.Shtërngime duarësh dhe urime për ciftin dhe miqësinë.

Fjala e kryemikut duartrokitet.

Pasi përcillen krushqit, sërish këngë e valle. Agim Gërbeshi me grupin nuk ndjejnë lodhje.

Me trshëgime Blerta dhe Liridon!

Jetë të Lumtur!(dg)

VIZITA NE FRANCE TEK HEROI HARADINAJ DHE ÇMIMI NE NJU JORK

March 21, 2017 by dgreca

Nga Rajmonda Maleçka/

hui

*Gjaku i Boletinit që ke në damare të bën si ato shqipet e maleve që i rrin karshi Kombit që i don bijtë e vet pranë.

*Asambleisti Mark Gjonaj dhe gjesti i tij fisnik!/

image-0-02-01-0d41e90620d558a601140b99de48f8f69ed7d3bbcdac4e88129ff876c78269de-V

Udhëtimi për në Francë për të asistuar në gjyqin që u zhvillua në 2 Mars, në Colmark ndaj ish Kryeministrit të Kosovës Z. Ramush Haradinaj bëri të pamundur pjesëmarrjen time në ndarjen e Çmimeve në Neë York, për femrat e suksesshme nga shqiptari i nderuar Assamblisti Mark Gjonaj. Ku në mesin e pesë amerikaneve ishte nominuar edhe mikja ime dhe gazetarja e guximshme Mimoza Dajçi. Ftesa më kishte ardhur nga Znj. Dajci, por kisha planifikuar të jem atë ditë pranë Komandantit Ramush Haradinaj. Isha mes dy ngjarjeve të rëndësishme, sepse edhe Mimoza rrjedh nga familje e njohur e heroit të kombit Isa Boletini, ka shumë heroizëm e patriotizëm edhe brenda familjes së saj. Mikja ime e dashur më mirëkuptoi.

Jemi mike të hershme, kemi kaluar së bashku shumë sfida të kohërave që kaloi Shqipëria, përjetuam dhe vitin 1997, kur Tirana dhe e gjithë shqiptaria u tronditën nga ato ngjarje të asaj kohe. Dhe Mimoza ishte nga të paktat femra, mund të them e vetmja që diti ti rezistoi demokracisë e nuk ju nda për asnjë moment Partisë Demokratike deri në pushimin e saj nga puna nga socialistët në pushtet edhe pse ish e persekutuar politike nga rregjimi komunist në Shqipëri.

Mimoza kujtohet gjithmonë me respekt nga ne që e deshëm dhe na deshte. Kontributi i babait të saj, i vetë Mozës dhe vajzës së vogël ku ishte nxënëse në Liceun Artistik, në të njëjtën kohë dhe koordinatore në Lice, la gjurmë që nuk shlyen, për demokracinë e vlerat e saj.

U gëzova, dhe u emocionova për Mozën, jam gëzuar edhe për arritjet e tjera që ka pasur mikja ime, duke marrë Çmime të ndryshme që i janë dhënë asaj ndër vite, por në rastin konkret kur të nderon e dekoron i joti, zemra ngrohet më shumë.

Rrallë jemi mësuar me këto dekorimet veçanërisht ne shqiptarët në Shqipëri.Ndihem e privilegjuar që jam mikja e shoqja e saj e hershme dhe ia njoh nga afër vyrtytet e larta të saj, shpirtin e saj human e të palodhur për të ngritur në piedestalin e harresës shtresën e persekutar politike e në veçanti gruan, ish të burgosura dhe persekutara poltike, shtresë nga e cila vinte edhe vetë Mimoza. Të rralla janë si ajo, i mungojnë Shqipërisë, e me të drejtë pas largimit të saj nga Shqipëria për në SHBA, Kryetarja e Shoqatës së Gruas ish të persekutuara politike e paharruara Lefteri Dvorani dhe miket e saj të persekutuara politike, më thonin ikja e Mozës në Amerikë na thau krahët, e kishim në krye të çdo nisme e veprimtarie tonën, nuk dimë se çfarë do të bëjmë pa atë. Kishin të drejtë. Mimoza e themeloi atë Organizatë të Gruas, se ish e persekutar politike, i mbrojti të drejtat e asaj shtrese që vuajti padrejtësisht në komunizëm.Mimoza Dajçi ka qenë anëtare e Këshillit Kombëtar të Partisë Demokratike të Shqipërisë dhe më kujtohet rasti ku në një nga protestat e vitit 98, duke folur kundër Diktaturës arrestohet së bashku me dy deputetë të PD-së.Më riktheve vite pas mikja ime e dashur, po sot unë dua të uroj për sukseset tua. Edhe pse je në Amerikën e largët, gjaku i Boletinit që ke në damare të bën si ato shqipet e maleve që i rrin karshi Kombit që i don bijtë e vet pranë.Urime të Bekoftë Zoti, mikja ime, duke të dëshiruar të marrësh sërisht Çmime të tjera. Rajmonda Maleçka -Anëtare e Akademisë së Shkencave-Shqiptaro-Amerikane

image-0-02-01-d9e5044a5df5ff7b535297b5d28b1ceddf8e89d0c42bef487b45f2b696f46441-V (1)

Kosovë-Hoxhaj me axhendë lobimi në New York

March 17, 2017 by dgreca

-Ministri i Jashtëm takon përfaqësuesit e vendeve jo-njohëse të Pavarësisë së Kosovës/

1 enver H 2 enver NY 3 enver H NY -Ministri i Punëve të Jashtme të Kosovës vizitë edhe në Washington/

NEW YORK, 17 Mars 2017-Gazeta DIELLI/ Ministri i Punëve të Jashtme i Republikës së Kosovës, Enver Hoxhaj po qëndron në New York, Shtetet e Bashkuara të Amerikës, ku është duke zhvilluar axhendën e tij të lobimit për njohje të reja për Kosovën.Në kuadër të axhendës lobuese, në ditën e parë të qëndrimit në New York, ministri Hoxhaj ka takuar ministrin e Jashtëm të Armenisë, Edward Nalbandian dhe ambasadorët e akredituar në OKB, të vendeve që nuk e kanë njohur Kosovën.Duke i informuar për arritjet e Kosovës në shtet ndërtimin dhe forcimin e subjektivitetit ndërkombëtar, Hoxhaj ka kërkuar nga përfaqësuesit e këtyre shteteve që ta njohin pavarësinë e Kosovës.Njoftimi i dërguar sonte nga New York thekson se, kryediplomati kosovar përveç kërkesave për njohje ka shprehur interesimin për thellimin e bashkëpunimit me këto vende në fushat e interesit të përbashkët.“Në ditën e parë të vizitës sime në New York, në takimet që zhvillova, kam kërkuar nga përfaqësuesit e shumë vendeve jo-njohëse ta njohin pavarësinë e Kosovës dhe u kam shprehur interesimin për bashkëpunim jo vetëm në rrafshin bilateral por edhe në fushat e tjera të interesit të përbashkët. Qëllimi ynë është që ta rrisim numrin e njohjeve për Kosovën, gjë e cila do të na e lehtësojë anëtarësimin në organizata të ndryshme ndërkombëtare në rast të aplikimit”, deklaroi Hoxhaj.Gjatë ditëve të qëndrimit në New York, Hoxhaj ka takuar edhe ambasadorët e vendeve mike, të Francës dhe Italisë si dhe udhëheqësit e Kongresit Botëror të Hebrenjve.

Hoxhaj pas takimeve të tjera në New York do të ketë vizitë edhe në Washington./b.j/

Me Shoqatën “Dibra” në New York

January 3, 2017 by dgreca

Në mjediset luksose të hotelit “Hilton” në Staten Island, shoqata atdhetare “Dibra” e priti me plot hare, këngë e valle Vitin e Ri 2017-të/

1-dibra-ok 1-raifi 2-maqellara 2-merita 3-qemali-e-valle

Shoqata atdhetare “Dibra” në New York së bashku në ndërrimin e motive 2016 të-2017-të/

4-kengetarja-e-raifi 5-qemali-raifi 6-haxhiu-me-vella 7-grup-keng

Nga Keze Kozeta Zylo/Në mjediset lluksose të hotelit “Hilton” në Staten Island, shoqata atdhetare “Dibra” e priti me plot hare, këngë e valle Vitin e Ri 2017-të. Familjet dibrane vinin grupe grupe dhe uronin njeri tjetrin: “Gëzuar Vitin e Ri 2017-të”. Salla e mbushur nga qindra vetë gumëzhinte nga njerëzit, por ajo qe i jepte më shumë emocion dhe dukej sikur mbushte gjithë godinën me cicërima zogjsh ishin fëmijët e bukur dibranë.Ndërsa matanë xhamave të sallës dukeshin pemët nudo të zhveshura nga stina e akullt e dimrit si skulptura të Mikelanxhelos, ku rrezet e Hënës së verdhë në portokalli si dhe dritat e Vitit të Ri të sillnin imazhin e penelit të Van Gogut “Path In The Woods”, sillnin reflekse të magjishme midis pemëve dhe shtegut midis krahëve të tyre.

Mrëmjen e hapi artisti i mirënjohur, bilbili i Dibrës Haxhi Maqellara i cili pasi iu uroi gjithë shqiptarëve: “Gëzuar Vitin e Ri 2017-të” ftoi në skenë kryetarin e shoqatës atdhetare “Dibra” z.Dashnor Miftari i cili së bashku me kryesinë e shoqatës premton shumë për punë edhe më të bukura në shërbim të Kombit. Z.Miftari uroi gjithë pjesëmarrësit për një vit të mbarë dhe plot suksese dhe i la ata të gezojnë dhe vallëzojnë nën tingujt e muzikës së bukur shqiptare.

Duke dëgjuar dhe ndjekur nga afër aktivitetet e ndryshme të shoqatës atdhetare “Dibra” të cilët në shoqatën e tyre pranojnë çdo shqiptar medoemos këta të rinj që drejtojnë kryesinë si dhe gjithë Dibra të kujtojnë dhe sjellin ndërmend fjalët e Haxhi Vehbi Dibrës në Kuvendin e Vlorës, në Ditën e Flamurit, ditën e Shpalljes së Pavarësisë, më 28 Nëntor 1912, ku, ndër të tjera tha: “Kristiani e myslimani janë vëllazën shqiptarë e të pandarë.” Haxhi Vehbi Agolli (Dibra), (12 mars 1867-24 Mars 1937) ishte klerik dhe aktivist politik shqiptar, nënshkrues i Deklaratës së Pavarësisë së Shqipërisë, Kryetari i parë i Parlamentit të Shqipërisë dhe kryetari i parë i Komunitetit Mysliman të Shqipërisë.

Mbrëmja entuziaste me këngë e valle u drejtua nga artisti i shquar dhe mjeshtri i fizarmonikës z.Raif Hyseni së bashku me orkestrën e tij, anetarët e së cilës janë Mirgjen Darova, Sevim Omer dhe Adrian Asllani. Z.Raif Hyseni nën interpretimin plot profesionalizëm në fizarmonikë me hapjet dhe mbylljet e saj duket sikur sjellë frymë, ajër në këto festa të bukura shqiptare. Ai së bashku me bashkëshorten e tij simpatike artisten e shquar dhe të dashur të shqiptarëve znj.Merita Halili janë një binom i shkëlqyer artistësh që debutojnë profesionalisht dhe plot kulturë. Zëri i saj u dëgjua si një kanarinë që duket se do na shoqërojë për gjithë vitin 2017-të dhe përgjithmonë.

Një zë i magjishëm që koordionoi bukur traditën me modernen ishte nga artisti i ardhur enkas nga Micigami, z.Florent Nushi. Interpretimi i tij ngriti peshë gjithë sallën, ku ciftet në krahët e njeri-tjetrit vallëzonin dhe këndonin së bashku. Tek ky artist nga Gjakova është kombinuar harmonishem talenti dhe kultura që ka marrë në Akademinë e Arteve. Debutimi plot kulturë nga artisti Nushi solli dhe më shumë emocion dhe më shumë hare në këtë mbrëmje mbresëlënëse.

Edhe debutimi i artistes së re ardhur nga Virxhinia znj.Amarda Arkaxhiu ishte i bukur, i ngrohtë, dëgjohej dhe kërcehej me endje nga pjesëmarresit. Energjia e pashterrshme e saj sillte dhe më shumë entuziazëm vecanërisht tek të rinjtë që s’duan të ulen kurrë në natën magjike të Vitit të Ri…

Dy artistët e mrekullueshëm, dy vëllezërit Haxhi dhe Agron Maqellara gjithmonë sjellin emocion, interpretime profesionale për këngën e bukur lirike dibrane, këngën e bukur qytetare dhe plot mesazhe frymëzuese. Ata janë një familje arisitësh, ku dhe fëmijët e tyre po vazhdojn ëtraditën. Vlen për të përmendur tenorin Blerar Maqellara një djalë që edhe pse në moshë të re arriti të jetë superstar në shkollën publike amerikane “S.E.Wagner” me mijëra studentë ku ai u përzgjodh në rolet kryesore në shfaqjet teatrale tejet të mirënjohura, marrë nga Brodway show. Jam e sigurtë në ëndrrën time që një ditë do ta shoh Bledarin në skenat më të famshme. Shumë këngë të interpretuara prej tyre janë të shkruara nga kantautori Haxhi Maqellara i cili është vlerësuar jo vetëm si artist por dhe si debutues për çështjen kombëtare. Kënga e tij për Tiranën ngre lart shpirtin punëtor dibran, krenarinë e ligjshme të saj dhe ja se si në këto vargje:

“Aty hëngrëm bukë e krypë/ Tuj punu, e jo tuj lypë”…

Pjesëmarresit u argetuan gjithashtu dhe nën tingujt muzikor të “DJ Luani”.

Mbyllja e kësaj mbrëmje festive mbresëlënëse do të mbahet mend gjatë kur salla u mbush me zërat e të gjithë artistëve të cilët u bashkuan në skenë duke interpretuar së bashku këngë të ndryshme shqiptare. Harmonia e zërave të tyre dukej si një kompleks i bukur që do të mbahet mend gjatë në kujtesën e pjesëmarrësve.

Këtë natë të bukur festive e solli shoqata atdhetare “Dibra” me kryetar z.Dashnor Miftari dhe anëtarët e kryesisësi: Arbër Kuka/ Besar Dika/ Bekim Pacuku/ Bekim Papraniku/ Bekim Kosovrasti/ Gazmend Kërkuti/ Ibrahim Rexha/ Nderim Marke/ që edhe pse larg Atdheut mban gjallë dhe mbështetet në rrënjët e të parëve të tyre, është një shoqatë që ka brenda njerëz të cilët janë integruar me kulturë në botën amerikane çka të kujton personalitetin e shquar të Kombit, dibranin Josif Bageri i cili ka thënë: “Mjaft kom kjon kpuc mbaronjës/ Mjaft punova kët mjeshtri/ Tani due me kjon shkronjës/ Me sa t’di, Vjershtor të mbrri”.

Shoqata atdhetare “Dibra” së bashku me pjesëmarrësit e pritën me këngë e valle ndërrimin e motive të vitit 2016-të në 2017-të.

Gjithë aktiviteti u filmua nga TV “Alba Life” New York me themelues dhe producent z.Qemal Zylo, aktivitet që do të transmetohet së shpejti në kanalet televizive.

1 Janar, 2017

Staten Island, New York