Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NE ARIZONA,NISIN PERGATITJET PER KREMTIMIN E PERVJETORIT TE PAVARESISE SE KOSOVES

by

NGA LULZIM MULLIQI/
Bashkeatdhetaret tane qe jetojne ne Arizona,ne kete shtet amerikan me nje komunitet te kosoliduar dhe bartes te denje te traiditave tona kombetare dhe kulturore,ne menyre dinjitoze do ta kremtojne pervjetorin e tete te Pavaresise se Kosoves.Kesaj radhe,inicuese e nje programi festiv ambicioz qe u parapriu pergatitjeve per kete pervjetor te rendesishem te Deklarates se Pavaresise se Kosoves eshte Keshilli organizativ i Shoqates ne formim e siper “Bashkimi ne Arizona” dhe organizatorit e instrumentistit te mirenjohur,Murat Rama.Per nder te 17 shkurtit-Dites se Pavaresise se Kosoves,shtetit me te ri ne Evrope,ne Phoenix te Arizones,ky pervjetor do te shenohet se pari me nje mbremje festive tematike,foljore,argetuese dhe muzikore me daten,14 shkurt 2016,ku do te performojne kengetaret e mirenjohur te estrades muzikore kosovare,Ermal Fejzullahu,Luka Hajdini si dhe moderator:gazetari,Lulzim Mulliqi.Gjithashtu nje koncert tjeter per nder te kesaj feste do te organizohet edhe me daten,21 shkurt 2016,me kengetarin Shpat kasapi nga Shoqata “Shqipe e Arizones”.Tash e disa dite me radhe , shume anatare te komunitetit shqiptaro-amerikane te Arizones kane shprehur interesimin e tyre te madh qe ne menyre sa me madheshtore te kremtojne kete feste te rendesishme shteterore te Kosoves.Sipas fjaleve te organizatorit dhe instrumentistit te mirenjohur muzikor,Murat Rama per gazeten “Dielli” na tha”ne koncertin ku do te performojne kengetaret,Ermal Fejzullahu dhe Luka Hajdini vetem brenda kesaj jave jane shitur 350 bileta dhe po bejme perpjekje maksimale qe ta rrisim numrin e biletave per koncertin festiv,sepse kerkesa eshte e jashtezakonshme per nje pjesemarrje sa me masovike ne kete koncert festiv kushtuar Pavaresisese se Kosoves.Kjo tregon edhe nje deshmi se sa shume pelqehet festa e Pavaresise se Kosoves dhe interpretimet e artisteve te talentuar nga ana e bashkeatdhetareve tane.Per nder te pervjetorit te tete te Pavaresise se Kosoves ,nen tingujt e bukur te muzikes dhe zerave melankolike te kengetareve ,Ermal Fejzullahu e Luka Hajdinit,si dhe moderatorit:Lulzim Mulliqi,ky eveniment do te mbahet me daten 14 shkurt,2016 ne sallen e performances ne “LA PRINCESA” -4216 W.Bethany Home Rd.Phoenix,AZ,85019,USA.Cmimi per te rritur 40 dollare,ku jane te perfshira vetem pijet freskuese,ushqimet jane ndaras dhe mund te behen sipas porosise,ndersa bileta per femije 25 dollare.Konceri festiv fillon nga ora 8pm-2am,u shpreh me optimizem organizatori i ketij eventi,Murat Rama.
ne fund vlene te permendet se shpallja e Pavaresise se Kosoves shenon njeren nga ngjarjet me te rendesishme qe ka madheshtine e saj ne historine me te re te Kosoves.Tete vjet me pare,17 shkurt 2008,ligjvenesit e Kosoves kryen nje akt historik me nje rendesi te madhe politike,diplomatike dhe jetike per fatet e popullit te Kosoves.Kjo date shenon padyshim nje nga ditet me me vlere ne historine e shtetit te Kosoves,e cila tashme eshte ngulitur ne mendjet dhe zemrat e gjithe shqiptareve kudo qe ndodhen.Shpallja e Pavaresise se Kosoves ishte nje akt,qe vinte si kurorizim i perpjekjeve titanike te popullit shqiptar te Kosoves i cili ishte martirizuar per lirine,demokracine,pavaresine dhe shtetndertimin e vendit te tyre.

Nisma: Opozita mbron sovranitetin e cënuar të Kosovës

by

PRISHTINË, 23 Tetor 2015/ “Opozita është duke e mbrojtur sovranitetin e cënuar të shtetit të Kosovës”, ka deklaruar kryeparlamentari kosovar i mandatit të kaluar, Jakup Krasniqi, aktualisht kryetar i Këshillit Kombëtar të Nisma-s, subjektit të tretë opozitar kosovar.
“Të gjitha marrëveshjet e bëra deri më tani me Serbinë janë të dëmshme”, ka vlerësuar ai.
“Marrëveshja me Serbinë, Zajednica (Bashkësia e komunave serbe), është sikur me vendos “mina” (bomba) nëpër Kosovë, që kur të dëshiron pastaj Serbia mund ta çajë Kosovën”, është shprehur kryetari i Nisma, Fatmir Limaj.
Këto deklarata drejtuesit e Nisma për Kosovën i bënë në një takim me strukturat e NISMA-s në Prishtinë, derisa opozita e bashkuar, ku bëjnë pjesë edhe LVV e AAK, në kundërshtim të katër marrëveshjeve të 25 gushtit me Serbinë dhe marrëveshjes së demarkacionit me Malin e Zi ka paralajmëruar edhe sot bllokim të seancës së Kuvendit të thirrur për pasdite./b.j/

Pavaresia e Kosoves dhe vendi i saj ne historine kombetare- 2008-17 shkurt-2015

by

NGA PROF.DR. MUHARREM DEZHGIU*/
Pavaresia e Kosoves, e shpallur nga perfaqesuesit e zgjedhur te popullit te saj,me 17 shkurt 2008,perfaqeson nje ngjarje te madhe per te gjithe shqiptaret.Per kete dite te shenuar kane kontribuar disa breza shqiptaresh,me perpjekje e lufte te pareshtur,per te fituar lirine e pavaresine,e cila iu ishte mohuar nga pushtuesi.Epilogu dhe kulmi i perpjekjeve dhe luftes se shqiptareve te Kosoves,per t’i shpetuar spastrimit etnik, te ndermarre nga shteti serb,ishin ngjarjet e viteve 1998-1999.
Vuajtjet dhe sakrificat e shqiptareve,te mobilizuar ne menyre totale,nuk do te kishin perfundimin e deshiruar,fitoren e lirise,pa nderhyrjen e vendosur dhe percaktuese te koalicionit nderkombetar,nepermjet goditjes 72 ditore te forcave te NATO-s kunder makines ushtarake te Serbise.Ndaj, ne kete dite te shenuar,shqiptaret shprehin mirenjohjen e thelle per rolin e SHBA dhe te Bashkimit Europian qe u gjenden ne krah te drejtes historike te shqiptareve,ne mbeshtetje te lirise se nje populli,te rrezikuar per t’u asgjesuar.
Shpallja e Pavaresise se Kosoves shenon nje arritje historike te te gjithe shqiptareve,sepse ne emer te lirise dhe te pavaresise se Kosoves,ato kane luftuar pa nderprere,pavaresisht nga vendi ku ndodheshin.Ai frymezim mbarekombetar i shqiptareve u shpalos,ne menyre te persosur,edhe gjate luftes se fundit ne Kosove,ndaj eshte ligjitin gezimi i te gjithe shqiptareve per kete fitore historike.Shpallja e Pavaresise se Kosoves dhe arritjet e shtetit te saj,gjate ketyre 7 vjeteve,kane ridimensionuar te drejtat dhe lirine kombetare te shqiptareve ne trevat e veta etnike ne ish Jugosllavi.Vemendja e faktorit nderkombetar per zgjidhjen reale te ceshtjes shqiptare perben nje pike kyce,per rritjen e vendit dhe te rolit te shqiptareve ne rajonin e Ballkanit si faktor paqeje dhe stabiliteti.
Me Pavaresine e Kosoves eshte lidhur ne menyre te pashmangeshme veprimtaria shumevjecare e intelektualit,politikanit,Heroit te Kosoves dr.Ibrahim Rugova.Ai u be lideri i levizjes per liri,per pavaresi e demokraci.Edhe pse u nda nga jeta dy vjet para shpalljes se Pavaresise,ai kishte marre legjitimitetin publik te popullit si President historik i Kosoves.
Ne gjerdanin e arte te Pavaresise se Kosoves do te shkelqeje ne shekuj heroizmi dhe flijimi familjerisht i Adem Jasharit dhe i luftetareve te tij.Nderim e mirenjohje te pakufishme u kushtohet vepres sublime te gjithe bijave e bijeve qe u flijuan per lirine dhe pavaresine e Kosoves.
Deklarata e Pavaresise se Kosoves shpreh ne menyre te qarte dhe pa medyshje deshirat dhe aspiratat e popullit te saj per prosperitet e krenari kombetare.Ajo riafirmon deshiren e popullit te Kosoves per t’u integruar plotesisht ne familjen euroatllantike,se bashku me te gjithe qytetaret,pavaresisht nga perkatesia nacionale.
Perfaqesuesit e popullit ne Kuvendin e Kosoves,duke nenshkruar Deklaraten e Pavaresise,kane marre mbi vete shume obligime,ne planin kombetar dhe ate nderkombetar.Mbajtja e ketyre zotimeve dhe obligimeve te shtetit te Kosoves ndaj qytetareve te vet dhe ndaj faktoreve nderkombetare,ende vepruese ne Kosove,kane qene sfide e madhe per organizmat shteterore te saj.Shteti i ri i Kosoves ka fituar simpatine dhe mbeshtetjen nderkombetare.Pavaresine e Kosoves e njohin sot rreth 108 vende te komunitetit nderkombetar.
Pavaresia e Kosoves eshte ne proces te panderprere Ajo forcohet dhe persoset,duke kaluar shume sfida qe i dalin perpara.Ato duhen perballuar me zgjuarsi,me guxim,me vendosmeri,jo vetem nga institucionet e shtetit,por edhe nga te gjithe qytetaret e saj.Patriotizem nuk eshte vetem festimi me flamuj e pankarta,me valle apo parakalime me vetura,por patriotizmi eshte sjellja e pergjegjeshme ndaj vendit tend,per te kryer detyrimet qe ke ndaj tij.Duke ju referuar fjaleve te Konices,te shqiptuara me rastin e shpalljes se Pavaresise se Shqiperise, “Shqiperia u be.Tani lipset te behen shqiptaret”,mesazhi eshte i qarte.Kjo eshte sfida jone me veten qe duhet fituar doemos,per te kapercyer sfida te tjera,qe ka shteti i ri i Kosoves,qe ai te forcohet e te sendertohet si shtet demokratik.
Hemoragjia e Kosoves, keto kohet e fundit, ben thirrje per te dhene alarmin e shqetesimit mbarekombetar te politikes shqiptare.Te gjithe faktoret shqiptare lipset te gjejne zgjidhjen adeguate per kete situate paradoksale 7 vjet pas shpalljes se Pavaresise..Faktoret nderkombetare nderhyne ne Kosove per te ndaluar pastrimin etnik te shqiptareve te Kosoves.Roli i tyre ne kete mision nuk mund te jete i plote, duke diskriminuar pozitivisht vetem pakicat,por, duke krijuar kushtet normale te jeteses per shumicen absolute te popullsise se Kosoves,per shqiptaret.Nga politika shqiptare lipset me teper kembengulje me sens kombetar,perballe ketij faktori, veprues ne Kosove,per te ndikuar ne nderprerjen e largimit te shqiptareve nga vatra amtare.Fitorja e Pavaresise jep frytet e veta,duke derdhur djersen ne token amtare,prandaj luftuan te gjithe ata breza per fitoren e saj.Vetem keshtu mund te merren frytet e Pavaresise,qe ajo te mos kthehet ne zhgenjim,vetem keshtu gjallerohet shpresa per jete te sigurte, te begateshme e me dinjitet kombetar.
.* Mbajtur ne New York, ne festimet e 7 vjetorit te Pavaresise se Kosoves, organizuar nga Federata Panshqiptrae te Amerikes VATRA

PAVARËSIA E KOSOVËS U FESTUA EDHE NË NEW JERSEY

by

 NEW JERSEY : Festa e 6-Vjetorit të Pavarësisë së Kosovës, 17 Shkuritit 2008,  është një festë që i mblodhi të gjithë shqiptarët kudo që ata jetojnë. Kështu ndodhi edhe me Shqiptarët nga Shqipëria, Kosova, Mali i Zi, Lugina e Preshevës, Çamëria dhe Maqedonia ndanë të njëjtin  gëzim, dhe te gjithe festuan së bashku Shpalljen e pavarësisë së shtetit më të ri Kosovës, e njohur deri tash nga 105 shtete nga mbarë bota. Albanian Culture Center(ACC), Qendra kulturore e shqipëtarëve në New Jersey, me rastin e kësaj feste organizoi një program festiv në sallën e shkollës Bergen Arts and Science Charter School. 

Kështu të paktën shkruhet në rrejetin social facebook të kësaj Qendre Kulturore Shqiptare ne New Jersey, e cila  njoftoi se fund javën që shkojë, ACC e organizoi mbrëmjen me rastin e pavarësisë së Kosoves. Të ftuar ishin intelektuale, biznesmenë, aktivistë dhe përfaqësues të komunitetit Shqiptar nga zona e ashtuquajtur e Tri-Shtetshit –  New York , Connecticut dhe New Jersey. Në këtë festë mori pjesë edhe Professor Isuf Buxhovi si dhe Konsulli i Kosovës në New York Korab Mushkolaj.

Ka qenë himni kombëtar Shqipëtar si dhe ai  Amerikan dhe me melodia e shtetit të Kosovës, që çelën festën e Pavarësisë së shetit të Kosovës në këtë manifestim të bukur.

Më pas drejtori dhe një nga themelluesit e qendrës, z. Shaban Gjoka, mbajti fjalën e hapjes. Ai falenderoi fëmijët e qendrës si dhe stafin per punen e tyre te palodhur ne organizimin e programit. Gjithashtu ai falenderoi prinderit si dhe gjithe te pranishmit ne salle per pjesemarjen.

Manifestimi i pavarësisë së Kosovës u shoqërua me fjalime dhe një Performancë e shkëlqyer e fëmijëve të qëndres ACC në këngë dhe valle popullore nga të gjitha trevat, të cilat “korrën” një lumë duartrokitjesh të shumta nga të pranishmit, thotë njoftimi i kësaj qendre në facebook. Mbrëmja u finalizua me këngët e mrekullueshme live të këngëtares së mirënjohur të muzikës shqiptare Merita Halili dhe mjeshtrit të njohur të muzikës mjeshtrit Raif  Hyseni./ Beqir SINA/

 

Pavarësia e Kosovës u festua edhe në Turqi

by

NGA ERVIN SHKULAKU/ STAMBOLL/

Pavarësia e Kosovës u festua edhe nga shqiptarët që jetojnë në Turqi. Me mbështetjen e nënbashkisë të Stanbollit, Küçükçekmece dhe shoqatave Shqiptaro- Turke, me rastin e 6-vjetorit të pavarësisë u organizua një koncert madhështor në Stanboll. Në koncert morën pjese kryekonsulli i Kosovës në Stanboll Rrahim Morina, kryekonsulli I Republikës të Shqipërisë Ermal Muça, Kryetari I nënbashkësië Küçükçekmece adnan Aziz Yeniay dhe shume pjesemarrës me origjinë shqiptare.

Gjatë shfaqjes performoj me valle popullore shqiptare grupi i vallëtarëve të moshës së vogël shqiptar të Stanbollit. Koreografi i grupit të vallëtarëve shqiptarë të Stanbollit në një intervistë për gazetën Dita, Kujtim Senka shpjegoj se: “ Kjo mbrëmje është pavarësia e 6 që organizojmë për nder të shtetit të Kosovës. Unë kam emigruar nga qyteti i Fierit drejt Turqisë para 15 viteve. Para se te vija ne Turqi kam punuar në asamblin e këngëve popullore në Shqipëri. Emigrimi në Turqi nuk me ndaloi që të vazhdoja profesionin tim. Përkundrazi këtu kam gjetur shumë turq me origjinë shqiptare që janë të intersuar të njohin këngët popullore shqiptare. Kam formuar në Stanboll një grup valltarësh dhe ju kam mesuar vallet popullore shqiptare. Grupi i vallëtarëve përbëhet nga të rinj dhe pjesëmarrësit janë të gjithë me origjinë shqiptare. Shfaqjet që kemi realizuar janë pritur mirë edhe nga publiku turk. Në të ardhmen synojmë që të bëjmë bashkëpunime edhe me grupet valltare në shtetet e Shqipërisë dhe të Kosovës. Shpresojmë që të bëhen bashkëpunimë në fushën e shkëmbimit të kulturave midis bashkive të Turqisë dhe bashkive të Shqipërisë dhe të Kosovës. Në këtë mënyrë mund të shkojmë të japim shfaqje ne Shqipëri, Kosovë dhe Maqedoni.

Ndër të pranishmit në festim ishte dhe nënkryetari I Shoqtësi Vllazëria Turke- Shqiptare me origjinë nga Maqedonia Xhelal Ballkan, i cili tha per gazeten Dita se shoqata ‘Vellazëria Turko-Shqiptare’ është e themeluar nga shqiptarë që jetojnë në Turqi. Pjestarët e saj janë nga të gjitha trevat shqiptare. Qëllimi i shoqatës është që të ndihmojë shqiptarët që për arsye te ndryshme vijnë në Turqi.

Gjatë festimit pati një pjesëmarrjë të madhe nga publiku. Koncerti u prezantua nga këngëtarja e famshme turke me origjinë shqiptare Imran Salkan. Organizatorët shfaqën për publikun valle popullore Tironse, këngë popullore Kosovare dhe këngë Turke. Gjatë mbremjes u ndanë 5000 flamurë të Republikës të Kosovës, Shqipërisë dhe të Turqisë.