Pellumb Lamaj – Dielli

KUJTESA- GЁRHOTI-TRADHETIA E MADHE

September 14, 2020 by dgreca

NGA PELLUMB LAMAJ/ Dielli-arkiv*

Gerhot,Gerhot/
Mbi gurin tend te thate e te shkretuar/
As lule,as lote une s’te dhuroj/
Nje mallkim qe thelle nga shpirti im shperthen/
Une te perplas;Gerhot xhenem,Gerhot ,trradhetar/
Me lote e gjak i trradhetuar./

Kudret Kokoshi/

Ne llogoret e luftes te gjitha zemrat kane nje rritem,gjaku qe fiton lirine,gjaku qe shlyen roberine,nuk mban emra partish.
Diten e 14 shtatorit 1943,te trradhetuar nga sllavokomunistet shqiptar ne bashkepunim me forcat pushtuese italiane ne Gerhot do te binin nje nga nje si ata lisat e lashte,ata qe e kishin dashur atdheun me shume se vetja e tyre,trima,nacionalist qe kishin shkruar historine maleve dhe ishin gati te jepnin dhe jeten per atdhe.Italia fashiste kishte kapitulluar dhe forca te shumta te armatosura me te gjitha mjetet ishin grumbulluar prane kazermave ushtarake ne Gerhot.Komandanti i pergjithshem i Ballit Kombetar me qindra luftetare pasi kishte cliruar qytetin e Gjirokastres dhe fshatrat perreth,i drejtohet me nje leter shtabit partizan qe ndodhej ne Ceptun duke ju zgjatur doren e bashkepunimit ne keto momente historike ne sherbim te kombit.Drejtuesit komunist Bedri Spahiu,Shefqet Peci,Shemsi Totozani jo vetem refuzuan te pergjigjen e bashkepunojne me Ballin Kombetar,por me urdher te Popovicit,Mugoshes e Hoxhes,ne bashkepunim me pushtuesin italian,do te vulosnin trradhetine me te madhe te komunisteve shqiptar.Naten e trembdhjete shtatorit,Bedri Spahiu,Shefqet Peci,Shemsi Totozani te shoqeruar nga majori anglez Tillman, mbrijne ne kazermat italiane dhe i propozojne gjeneralit italian Klementinit qe ai te mos e zbatoj marreveshjen qe forcat italiane kishin bere me Ballin Kombetar me pare.Sipas kesaj marrveshje,forcat italiane do te dorezonin gjithe armatimin dhe te shoqeruara nga forcat e Ballit Kombetar do te dergoheshin ne Sarande e prej andej me anije per ne itali.
Te dirigjuar nga majori anglez,kreret komunist do tu propozojne forcave italiane largimin per ne Itali me gjithe armatim, por me nje kusht.Italianet duhej te dorezoheshin tek forcat partizane dhe kur forcat e Ballit Kombetar tu afroheshin kazermave italiane,ushtria te hapte zjarr.Ata e nxiten gjeneralin italian duke i thene se Hysni Lepenica eshte nipi i Ahmet Lepenices qe ka qene komandanti i forcave ushtarake ne Luften e Vlores ne 1920en dhe se vete Hysni Lepenica ka zhvilluar disa beteja kundra italianeve si ajo e Gjormit,Selenices,Ruzhdies e se gjithe ushtaret rober qe ishin kapur,ai i kishte vrare kur dihej hapur se roberit italian i kishte egzekutuar Mehmet Shehu duke mesuar partizanet si te therrnin me thike e duke i hedhur pastaj ne gremine
Pa ditur asgje per pusine kobzeze qe sllavokomunistet shqiptar ne bashkepunim me pushtuesin italian kishin pergatitur kundra vllezerve te tyre shqiptar ,diten e 14 shtatorit Hysni Lepenica dhe tridhjete e gjashte komandante cetash do tu afrohen kazermave ushtarake italiane kur pa pritur do te shperthenin mijera gryka zjarri.Gerhoti do te mbulohej nga pluhuri e tymi.Ne fushe te hapur,perball qindra mortajave e mitralozeve qe villnin zjarr e vrere,luftetaret e Ballit Kombetar te zene ne befasi do tu pergjigjen me zjarr pushtuesit.Largohu komandant; i thane bashkeluftetaret Lepenices,na prene ne bese komunistet e breshkaxhinjte, por si mund te largohej ai qe kishte luftuar aq beteja e kishte dal fitimtar,si mund te largohej ai e te linte shoket te binin nje nga nje nga plumbat e pushtuesit .”Jo,do luftojme deri ne fishekun e fundit qe historia neser te mos thote ja mbathen Ballistet” keshtu do tu pergjigjej komandanti bashkeluftetareve .E ai do te mbeste atje,bashke me trupat kombetar,atje ku shkruhej liria,ne gjokset e tyre te pergjakura qe jane per trimat gjithe lavdia.
Nderkohe qe Gerhoti vaditej me gjakun e trimave nacionalist, Majori anglez,dhe kreret e shitur komunist Spahiu,Peci,Totozani ngrinin dolli per fitoren e perbashket ne zyrat e komandes italiane. Si ishte e mundur qe partizanet e batalionit Asim Zeneli qe ndodheshin ne anen tjeter te Viroit heshtnin dhe shikonin se si korreshin nga plumbat e pushtuesit bijte me te mire te kombit.
Kishte kaluar vetem nje muaj dhe Hysni Lepenica ishte caktuar komandant i pergjithshem i Ballit Kombetar ne Mukje ku shqiptaret kishin dhene besen e madhe pa dallim feje,krahine e ideje se do ta luftojne pushtuesin sebashku.Si ishte e mundur qe te shkelej ky betim e te beheshe pjese e pushtuesit.Gerhoti qe personifikon trradhetine me te madhe e me te shemtuar te organizates terroriste shqiptare P.K .SH do te behej vari i madh i Kombit.Gerhoti do te ishte preludi i luftes vellavrasese.Bashke me ata burra ,do te binte edhe e drejta e popullit shqiptar per te vendosur te ardhmen ne forme demokratike.
‘Komunizmi eshte nje semundje e tmerrshme,si ai terbimi i qeneve dhe ujqerve qe shkaterron jo vetem trupin,por mendjen dhe shpirtin e njeriut”-keshtu do tu drejtohej shqiptareve ne prag te luftes vellavrasese apostulli shqiptarizmit Mit’hat Frasheri, por sllavokomunistet shqiptar e kishin marre vendimin e tyre.Vetem disa dite pas trradhetise se Gerhotit ,me urdher te Popovicit e
Mugoshes,ata do te nisin luften vellavrasese.
Ne Gerhot,bashke me shume trima,do te plagosej rende nga plumbat e pushtuesit edhe djaloshi nga Cameria Elmaz,Emin,Filati.Pas betejes,trupi i tije do te dergohej ne fshatin Velce per tu kuruar dhe atje ,forcat e brigades se peste me urdher te Hysni Kapos pasi i derrdhen bresheri plumbash mbi trupin ende te gjakosur,e morren zvarre dhe e hodhen ne gremine. Dhe bashkeluftetaret qe aq shume e deshen do ti kendonin;

O Elamaz Emin Filati
Trimi qe lufton ne kembe
Ne Gerhot per ty qe fati
Morre nje plage te rende

Ne Velce te shpune kaluar
Dhe te shtruan ne spital
Brigade e peste e terbuar
Errdhi dhe te hoqi zvarre

Ne krevat ku ti lengoje
Nga plumbat e italianit
Prite dhe nje karikatore
Me plumba te partizanit

Lepenica te mbante me vehte
Si besnik nga Cameria
Te kish trim per dite te keqe
Erdh’ e te vrau partia

Dhe kucedra e kuqe s’kishte te ngopur. Duke perfituar nga drejtimi qe morren ngjarjet e Luftes se Dyte Boterore dhe perkrahja e misioneve ushtarake angleze,ata do te shaketerronin e shkelnin me kembe c’do vlere shpirterore, morale e kombetare, Vetem ne Lushnje ,krimineli Mehmet Shehu do te pushkatonte e therrte me thike me dhjetra fshatare me te vetmin faj se ata ishin simpatizante te Ballit Kombetar.Bandat komuniste te Shefqet Pecit,Bedri Spahiut,Shemsi Totozanit pas trradhetise se Gerhotit pasi do te pushtonin e digjnin Jugun, te terbuar e ndezur nga gjaku, do ti turreshin Veriut dhe Kosoves ku shqiptari do te vriste shqiptarin per interesat e serbit.Trradhetia e Tivarit do te ishte nje tjeter tragjedi e var i madh i kombit shqiptar qe do te mbante vulen e organizates terroriste shqiptareP.K.SH .

Sot ne shtatedhjete e pese vjetorin e betejes se Gerhotit, ne perrulemi me respekt e krenari para atyre BURRAVE.
Koha dhe Historia na dha te drejte edhe pse historiografia sllavokomuniste dhe lolot e saj vazhdojne te censurojne e sakatojne kete te vertete historike.Lum kush vdes per kombin.
Deshmoret i perkasin kombit dhe jo partise
Atje ku ndjenja e lirise eshte me e madhe,lindin martiret.
Idealet kombetare ngrihen mbi vare deshmoresh.
Lavdi Deshmoreve te Gerhotit…!
LAVDI SHQIPERISE ETNIKE!

Foto nga perkujtimi I deshmoreve te Gerhotit ne Vater , 12 Shtator 2017

T’I KËNDOSH LIRISË!

June 30, 2020 by dgreca

Tre poezi dhe komente nga Pëllumb Lamaj*/

*Shënim i Redaksisë: Pëllumb Lamaj sot jeton e kontribuon nëe SHBA. Një person që ngre zerin për padrejtesite, që njeh mirë sistemin diktatorial, që provoi mbi supet e veta persekutimin dhe dënimin për aresye politike. Pëllumbi është autor i shumë shkrimeve, i shumë poezive, dhe i dokumentarëve televizive që tregojne për eksperiencat e tij, e miqve te tij por edhe që analizojnë me detaje politiken cnjerëzore të regjimit komunist si gjatë viteve ku ai kaloi si i burgosur politik por edhe në periudhat para e pas burgut te Spaçit. Pëllumbi është një nga ata përsona që nuk përdor filtër oportuniteti dhe që shpreh atë që njeh dhe ndjen ashtu siç është. Menyra e shkrimit e Pëllumbit të jep të kuptosh se ke të bësh jo vetëm me një person që ka vuajtur padrejtesisht por me një shpirt të lirë artistik që nuk e fut dot ne kafaz askush sepse ai është i lirë dhe fluturon dhe pikërisht këtu qëndron bukuria artistike. Përmbajtje e dhimbshme, artistikisht e shprehur shumë bukur. Pëllumbi është kontribues i mirëpritur tek Dielli dhe mbështëtes I misionit historik te Federates VATRA dhe Diellit. E falenderojmë për ketë kontribut dhe mbështetje.

***

Dënimet afatgjata dhe ndëshkimet me punë të detyruar në kushte c’njërezore në minierat mishngrënëse ne Luginen e Vdekjes me emrin Spaç, ishin masa ndëshkuese ë vrasesit tanë i përdornin jo vetëm te na lodhnin e shkatërronin fizikisht përkundrazi, nepërmjet ketij terrori sistematik,ata kerkonin te na lodhnin shpirterisht e menderisht,por harronin se e bukura dhe liria gatuhet dhe jeton gjithmonë ne shpirterat e medhenjë dhe nuk ka force ë ti shuaj…..

Trishtimin flaka sot
Mbi telat me gjemba
Dhe sytë e lodhur në qiell
Në arratisjen e një reje rebele
Që largohej me shpejtësi
Drejt foleve të panjohura
Ravijëzuan fytyrën tënde
E në cast,mitralozet
Dhe bajonetat drejtuar nga unë
U shndërruan në petale dashurie
Vall pse je kaq larg
Sot që është dita e Verës
E unë trendafilin e kuq
Dot nuk ta sjell….

***

Një dhomë e vogël me përmasa vrime e ndricuar nga një llampe e zbehte sipër ne tavan rrethuar nga një site teli dhe hekurash,ishte kontakti i parë me qelinë.Ishte një dhomë dy metra e gjatë dhe një e gjysëm e gjerë dhe tre metra e lart,me një derë dërrase te vjetër e të trashë dhe si dritare një copë sporteli te vogël dhjete-pesëmbedhjete centimetra.Poshte një dysheme dërrasash dhe dy batanije te vjetra e te grisura që vinin era myk dhe ne cepin e derës një pagure e vjetër alumini ë vinte era urine.Muret ishin mbushur me gjurma pështymash e gjaku ku mund të dalloje shkrime gjysëm të fshira.

Për qelinë me kishte treguar babai dhe tani po e prekja nga afer ketë arkitekture te mendjes djallezore te njeriut ku do te kryëzohesha muaj te tere si ”armik i popullit” i arrestuar dhe akuzuar nga varemihesit e popullit….

Brenda katër muresh
Rrethuar nga terri
Zvarritem parreshtur
S’po di nga lind dielli

Brenda katër murresh
Shtangur nga vetmia
Hijet me rrethojnë
Nxin e tërë qelia

Brenda katër muresh
Kruspull nga te ftohtit
Pres të vijë mesnata
T’i drejtohem Zotit

Brenda katër muresh
Dhe pse natë e thellë
Me kot pres unë Zotin
Ai është lart në qiell.

***

LUGINA E VDEKJES DHE STATUJA E LIRISË

Ishte viti 1979 kur më degdisën e me kryqëzuan në Luginën e Vdekjes me emrin Spaç për te nxjerrë mineral me thonj si shumë te tjeëe edhe pse denimi nuk e përmbante ligjërisht punën e detyruar në miniere…Isha nga me te rinjtë ne moshë dhe ditët e para, te burgosur miq e te njohur, por dhe te tjerë fatkeq ë dergjeshin aty me dhjetra vjete, me afroheshin dhe me bënin te njëjten pyetje ;

Ç’thotë bota përndimore për ne? Ç’thotë Zeri Amerikës?

Për ata fatkeq,unë isha një copë e shqyer dhe e plagosur lirie ardhur nga një botë tjeter ë për ta nuk ekzistonte me….

Ne fytyrat e tyre plot rrudha,ne syte që ende dalloje shkelqimin dhe ne gjokset plot gulcim, unë dalloja shpresën,te vetmen force që i mbante gjallë dhe i veshtroja e vetëm i veshtroja ne heshtje.Nuk doja kurresesi tua shuaja ëndërren dhe muzen e plagosur që i mbante gjallë.Nuk doja t’ju thoja që ajo botë e qyteteruar për vete, por dhe mizore për te tjerët, që na e beri peshqqsh këtë skllaveri ,jo vetëm që s’do tja dije,përkundrazi bën dhe pazare me vrasesit tanë…

Mbi te gjitha, nuk doja të vrisja shpresën dhe ëndërren time……

Dhe një natë te ftohte e te acartë ,atje ne galerite vrastare që hanin mish njeriu ne zonen e dyte te piritit,nen pikat e acidit që bini mbi trupin tim gjysëm lakuriq te tretur e te djersitur,nen driten e zbehte te kandilit,do te ravijezoja ne memorien time keto vargje si një përgjigje e heshtur kundrejt bashkevuajtesve te mij, por dhe si një revolte e akuze ndaj botës se civilizuar, interesat e se ciles ngriheshin mbi male kufomash…..

Eh Statujë,Statujë e Lirisë
Sa kurora rinie vyshkur mbi ballë
Jehona dashurie që kurre s’u dhuruan
Kafka martiresh mbetur pa varr

Eh Statujë,Statujë e Lirisë
E vetmja drite,i vetmi zjarr
E vetmja ëndërr ku shpresat udhetojne
Përzjerëeme klithma,kulluar ne gjak

Eh Statujë,Statujë e Lirisë
E vetmja drite që na mban gjallë
Por dhe po ikëm pa u takuar
Besomë,do vine të ët puthin vrasësit tanë!

Shkëputur nga DITARI I BURGUT, SPAÇ 1979 , i Pëllumb Lamajt

KOMUNIZMI DHE SOCIALIZMI NUK KANË VEND NË USA

May 31, 2020 by dgreca

Nga Pëllumb LAMAJ/

Një shekull më parë emisarët bolshevik nga Moska mbritën në USA dhe nëpërmjet propagandës dhe ideologjisë utopike komuniste,filluan larjen e trurit të turmave injorante dhe me vese ku në emër të barazisë shoqërore, iu premtuan parajsën komuniste. dhe sipas udhëzimeve të këtyre emisarëve,kjo arrihej vetëm nëpërmjet dhunës dhe sabotimit kundra pronarëve. Në fillim lëvizja terroriste nisi me djegjen e prodhimeve bujqësore dhe me prerjen e pemëve frutore.Drejtuesit e këtyre lëvizjeve anarkiste e terroriste bënin për vete një jetë luksi dhe kur turmat përplaseshin me forcat e rendit,ata ja mbathnin e fshiheshin duke i lënë turmat në duart e policisë.Këto ngjarje janë përshkruar aq bukur në romanin e nobelistit John Steinback ”MORTAJA E KUQE” ku turmat më në fund u bindën se drejtuesit dhe ideologët e tyre komunist ishin të pabesueshëm. ”Unë nuk e di se deri në ç’pikë duhet besuar një i kuq” thotë në fund një prej punëtorëve i ngritur në protesta të përgjakshme.

Sot pas një shekulli këto ditët e fundit po ndodh ë njëjta tabllo në USA dhe duket se historia po përsërit vetëveten. Këtë rradhë emisarët nuk janë nga Moska.Ata janë pjesë e elitës politike, por që janë fshehur si progresistë e që në fakt bëjnë një jetë kapitalisti dhe duke përfituar nga papjekuria e brezit të ri e për më tepër i atyre me vese që s’duan të punojnë e të kenë karierë,në emër të barazisë dhe teorisë utopike komuniste,kërkojnë përmbysjen me dhunë.

Ngjarja dramatike në Minneapolis, ku polici i rendit i mori jetën me pa të drejtë një qeniejeje njerëzore në mënyrën më të turpshme e më shtazarake, u bë shkëndija e protestave që u shndrruan të dhunshme e dolën jashtë kontrollit pothuajse në mbarë Amerikën dhe parë nga ky këndvështrim,duket se një skenar i përgatitur më parë nga qarqe të caktuara që me kalimin e kohës padyshim do bëhet i njohur ,shfrytëzoi më së miri këtë ngjarje tragjike duke i ndryshuar kauzën dhe të drejtën legjitime. Prej disa ditësh turmat e zemëruara e të dala jashtë kontrollit me veprimet e tyre agresive e shkatërrimtare kundrejt çdo gjëje që u del përpara,janë vënë përball forcave të rendit dhe gardës kombëtare.

Një gjë është e sigurt. Në Amerikë së shpejti do të mbretërojë ligji dhe rregulli.

Ashtu sikundër një shekull më parë kur komunistët dhe lëvizja e tyre mori godtjen përfundimtare,edhe tani këto qarqe që nxisin turmat e lara trush e për vete fshihen nëpër studio e institucione, besoj do ta marrin përgjigjen .

Komunizmi dhe socializmi nuk kanë vend në Amerikë.

E provoi në 1948 zëvendës presidenti demokrat Henry Wallace dhe partia e tij progresiste që e përkrahu në zgjedhje, mori vetëm 0.2 përqind të votës popullore.

Amerika u ndërtua me luftë civile e sakrifica të pafundme të cilat i hapën rrugën vlerave shpirtërore,morale e kombëtare e mbi të gjitha ,shtetit të së drejtës. Kjo ishte dhe aresyeja që Amerika u shndrrua në një ëndërr për të gjithë botën.

Jam i bindur se shumë shpejt këto ngjarje tragjike që nxijnë fytyrën e vërtetë të Amerikës,do ti hapin rrugën një etape të re zhvillimi e përparimi .Kur diskutohet liria dhe vlerat shpirtërore,morale e kombëtare; amerikanët bëhen bashkë,demokratë e republikanë dhe ky është shembulli më i shkëlqyer në histori prej nga zë vend dhe shteti i së drejtës.

Unë mendoj se bota po hyn jo vetëm në një etapë të re të zhvillimit e përparimit, por dhe në atë të rendeve shoqërore dhe Amerika deri tani, ka qenë shembull frymëzimi për të gjithë botën. @ NY 2020

NË KUJTESË TË LIRAK BEJKOS- PROTESTË PARA UNITED NATIONS

May 14, 2020 by dgreca

United Nations NY në përkrahje të grevës së urisë të burgosurve politik në Shqipëri ku nga zhgënjimi e dëshpërimi u vetëflijua martiri Lirak Bejko.

NGA PELLUMB LAMAJ

Të gjithë bashkëvuajtës, të gjithë bashkëfajtor – Ky do të ishte skenari Ramiz Alisë dhe Katovicës, që u zbatua në Shqipëri nga hibridët sllavokomunistë, që vazhdojnë t’i dorëzojnë stafetën e pushtetit njeri tjetrit…

Të fituarit,të fituar;
Të mundurit, të mundur në përjetësi;me përjashtim të disa puthadorëve, që për hir të interesave të tyre të ulta, shkelën mbi gjakun dhe vuajtjet e bashkëvuajtësve të tyre.

Asnjë artist, shkrimtar,intelektual, nuk iu bashkangjit apo solidarizua këtij ngujimi të një grushti spartanësh, që duhet të ishte shndëruar në një përkrahje e solidaritet mbarë kombëtar e pse jo dhe rebelim. Mediat e shkruara dhe vizive uturak i oborrit heshtën apo u munduan ta tjetërsojnë këtë dramë kombëtare.
Shoqëria shqiptare ka pothuajse një shekull që nuk e njeh kauzën kombëtare dhe fatkeqësisht, pa një kauzë të till, nuk do të ketë as shtet të së drejtës e as dinjitet kombëtar.

MARTIRIT LIRAK BEJKO

Ti ike,ike, fluturove lart
Atje ku vec engjëjt jetojnë
Ushtar i Zotit ishe përjetë
Tani e ke mburojë

Ti ike bashkëvuajtësi ynë,ike,u ngjite lart
Atje ku hijenat e kuqe dot s’të rrethojnë
I le këtu poshtë padrejtësitë e kësaj bote
Dramat shqiptare që kurrë s’mbarojnë!

GREVA E URISË

Në Grevën e urisë
U ngujuan ata
Ata që nuk jetuan kurrë
Ndërgjegja e kombit
Simbol i lirisë
Atdheun deshën më shumë

Në Grevën e urisë
U rebeluan ata
Ata që buza s’u qeshi kurrë
Sheshuan male,thanë këneta
Të vetmen pasuri
Kanë një flamur

Në Grevën e Urisë
U vetëflijuan ata
Ata që hakmarrje s’kërkuan kurrë
Jeta dhe vdekja jo s’bashkëqëndrojnë
Të zhdukësh të keqen
Ka vetëm një rrugë….!

KUJTESA- SAMI DANGËLLIA, I BURGOSURI I PËRJETSHËM

May 10, 2020 by dgreca

-Samia Dangellia u shua në kampin e Shën Vasisë, Sarandë, me 23 Prill 1987… I pabesueshëm është fakti që shokët e tij të burgut të Burrelit, i kthyen shpinën atij që ishte simbol i qëndresës antikomuniste. Një pjesë e tyre u futën nën ”sqetullat ” e persekutorit për interesat e tyre të ulta duke bërë karrierë e pasuri deri në majat e larta të politikës…

-Një shoqëri që nuk nderon heronjtë dhe legjendat e veta por i le të shuhen e shlyhen nga kujtesa kolektive e historike, është e dënuar të zhytet edhe më thellë në errësirë.

NGA PËLLUMB LAMAJ/

Sami Dangëllia lindi në fshatin Menkulas të Devollit në vitin 1920 e pas ushtrisë kur italia fashiste pushtoi Shqipërinë,ju përgjigj thirrjes së Mid’hat Frashërit dhe patriotëve të tjerë duke u rradhitur në rradhët e Ballit Kombëtar të krahinës.Ndërkohë që fatet e luftës ishin vendosur që më parë nga anglezët që e shikonin Shqipërinë si degëzim të Jugosllavisë duke ndihmuar të vinte në pushtet banda bolshevike e Hoxhës,Balli Kombëtar për t’ju shmangur vëllavrasjes më të madhe në histori që përgatitej nga Titua dhe emisarët serb pranë organizatës terroriste PKSH,shpërbëhet. Dhe pikërisht është ky momenti ku nis dhe gjenocidi sllavokomunist mbi kundërshtarët politik dhe gjithë shtresën fisnike e patriote shqiptare.Në 8 tetor 1943 fillon dhe odiseja e Sami Dangëllisë që do të kryqezohej përjetësisht nga demonët e kuq me të vetmin faj se donte Shqipërinë Etnike sikundër të parët e tij.Në fillim e burgosin në burgun e Korçës dhe pastaj në atë të Burrelit.Dënohet e ridënohet tre herë për të mos prekur kurrë lirinë.Për herë të fundit ridënohet në Revoltën e Spaçit Maj 1973 si një nga organizatorët e saj dhe dërgohet sërish në burgun famkeq të Burrelit.

U shua në kampin e Shën Vasisë, Sarandë, me 23 Prill 1987, dhe trupi i tij brenda një kutie me dërrasa do të varosej në një vend të fshehtë nga gardianët e burgut siç ndodhte gjithmonë me ”armiqtë e popullit”.

I burgosuri i përjetshem,Mandela shqiptar sikundër do të quhej më vonë edhe pse ishte kryqëzuar dyfishin e kohës së Mandelës afrikan, pët te cilin bota e qytetëruar aq shumë foli e propagandoi, edhe pse nga përmasat ia kalonte çdo personazhi e që mbarti me vete historinë më të errët dhe më tragjike e vrastare. Pas viteve nëntëdhjetë, kur u mendua se komunizmi dështoi me turp, për ironi të fatit jo vetëm u harrua e nuk mori vendin e takuar në histori,por në mënyrë tinzare dhe antinjerëzore, u mbajt larg teksteve shkollore,mediave të shitura dhe vet historisë.I pabesueshëm është dhe fakti që shokët e tij të burgut të Burrelit i kthyen shpinën atij që ishte simbol i qëndresës antikomuniste. Një pjesë e tyre u futën nën ”sqetullat ” e persekutorit për interesat e tyre të ulta duke bërë karrierë e pasuri deri në majat e larta të politikës.

Në këtë mënyrë ata jo vetëm nuk i bënë atë mbyllje dinjitoze të historisë përkundrazi hapën trastat për dekorata, teneqera e kocka.Kush e shkatërron historinë,me dashje apo pa dashje ,bën krimin më të madh të të gjitha krimeve.Bota e qytetëruar nganjëherë i shpik heronjtë dhe legjendat ,ne i kemi dhe i përbaltim. Një shoqëri që nuk nderon heronjtë dhe legjendat e veta,por i le të shuhen nga kujtesa kolektive e historike,është e dënuar të zhytet edhe më thellë në errësirë.