Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

U përurua Statuja e Nënë Tereses në Brooklyn – New York

by

* Organizata jo qeveritare Rrënjët Shqiptare – me Marko Kepin, senatorin e shtetit të New Yorkut, Marty Golden dhe me sponosrizimin e një grupi shqiptarësh – vendosën shtatoren e Nëna Terezes në një nga lagjet më të banuara me shqiptarë Brokklyn  të New Yorkut. 
*Merr pjesë dhe zbulon shtatoren Presidenti i Republikës së Shqipërisë – Shkelqesia e Tij Bujar Nishani
Nga Beqir SINA New York/
2-gjoni

1-nene-tereza

BROOKLYN NY : Në platon e Kishës Saint Anthanasius në Brooklyn New York,  ku jetojnë më shumë se 20 mijë shqiptarë, sot me një ceremoni madhështore, është përuruar shtatorja e të shenjtores e të Shejtës Nënë Tereza – Saint Tersesa of Calcuta.
Shtatorja në në qytetin e Brooklyniit, është vendosur me iniciativë të, Organizatës jo qeveritare Rrënjët Shqiptare – Marko Kepi,  me senatorin e shtetit të New Yorkut, Marty Golden dhe me sponsorizimin e një grupi shqiptarësh të cilit janë edhe donator për ndërtimin e shtatores.
Ndërsa puna për vendosjen e shtatores, per afro dy javë, është e kryer vullnatarisht  nga kompani të biznesmenve të suksesshem shqiptare ne Amerikë.
Shtatorja e Nënë Terezës, është përuruar në njërin nga sheshet kryesore të këtij qyteti, vetëm dy javë mbasi kreu i Kishës katolike Papa Françesku, në Vatikan më 4 Shtator 2016 e shpalli të Shejtë Nëna Terezen.
Shtatorja është rreth 2 metra e lartë , është e derdhur në bronz dhe peshon rreth 300 kg dhe në bazamentin e saj ka të shkruar një citat të Nënë Tereza, në  anglisht, si dhe emrin e saj të plotë, rethuar nga nja “kopësht” me lule të freskta.
Ceremoninë e udhëhoqi me shumë ekulencë duke krijuar emocione të mëdha , tek qytetarët e shumtë, gazetarja e njohur Kozeta Turishta, ndërsa e prezantojë atë dhe e përshëndeti presidenti i Albanian Roots z. Marko Kepi, duke faleminderuar donatorët , dhe dhënë nga një mirënjohje për secilin prej tyre.
Shtatoren e zbuluan Presidenti i Republikës së Shqipërisë – Shkelqesia e Tij Bujar Nishani, Imam Tahir Kukaj që zbulojë mbulesen, dhe Pastor Nathan Preston, senator Mary Golden dhe Rabai i Brooklynit.
Master of Ceremonies Pledge of Allegiance Boy Scout Troop, – kurse, Himnin e SHBA dhe atë të Shqipërisë i këndojë Lola Mezini. Valentina Ivezaj- kendoje “I’m a Flower”
Lutja fetare u hap nga Msgr. David L. Cassato, Pastor i Kishës St. Athanasius, ndërsa luajti në violincel Gilberta Luca.
Kreu i Kishës Saint Anthanasius në Brooklyn New York, Msgr. David L. Cassato, tha në fillim të ceremonisë së përurimit se statuja e  të Shenjtes Tereza, në sheshin para Kishës ka një domethënie, e kjo është se mirësia qe asnjëherë nuk është e mjaftueshme për të gjithë qytetaret.
Senatori republikan i shtetit të Nju Jorkut, zoti Martin J. Golden me anë të një deklerate, ka njoftuar se Senati i New Yorkut – ka nderuar me Prokalmatë Presidentin e Republikes se Shqiperise zotin Bujar Nishani.
Gjithashtu ai i dorezoje Presidetit te Shqiperisë Dekleraten e  miratuar unanimisht, e cila e ka shpallur 4 shtatorin 2016, “Dita e Nënë Tereza” në shtetin e Nju Jorkut, nëpërmjet një Rezolute, të paraqitur në Senatin e Shtetit të New Yorkut.
Në Rezolutën e senatorit Golden thuhej se : ”Në emër të një jete të jetuar mirë në shërbim ndaj Zotit dhe ndaj të gjithëve, unë jam krenar të prezantoj këtë rezolutë që në mënyrë të përshtatshme do të nderojë të Shejtën Terezën në shtetin e Nju Jorkut, për të përkuar me kanonizimin e saj si një Shën e Kishës Katolike Romake më 4 Shtator 2016 në Selinë e Shejtë.
Për vite të tëra, e Shenjta Tereza, përmes themelimit të saj të Shtëpisë dhe Organizatës së Misionareve të Bamirësisë, të përkushtuar, vetem për të shërbyer nevojave të të sëmurëve dhe të varfërve “, thote senatori Golden, nderkohë që kërkohej që 4 shtatori 2016, të shpallet “Dita e Nënë Terezas” në shtetin e Nju Jorkut, nëpërmjet një Rezolute në Senatin e Shtetit.
“Një simbol ndërkombëtar i shpresës, emri i saj i dashur Nënë Tereza e lindur Anjeze Gonxhe Bojaxhiu, me prejardhje nga një familje shqiptare, tej mase, ka bërë një ndryshim të vyer në të gjithë botën, përfshirë edhe qytetin tonë New Yorkun.
Kështu ajo do të kujtohet gjithmonë, me Shtëpinë dhe degën e Organizatës së Misionareve të Bamirësisë, në Harlem, të cilat kan qenë të përkushtuar, vetem për të shërbyer nevojave të të sëmurëve dhe të varfërve, në këtë mënyrë ne do të nderojmë dhe kujtojmë atë, edhe ne qytetarët e New Yorkut”, tha senatori Marty Golden.
Rezoluta e senatorit Golden, pas miratimit, thuhej se kishte autorizuar automatikisht Senatin e Shetit të New Yorkut, për emërimin e 4 shtatorit 2016 një Ditë e shënuar në nder të Nënë Terezës, mbasi ajo tashmë është edhe data që Shenjta Tereze e Kalkutes, e cila është shpallur një e Shenjt në një ceremoni shenjtore,  të mbajtur në Vatician në Romë, Itali me 4 Shtator.
Presidenti i Shqipërisë Bujar Nishani – i cili mori pjesë edhe në Meshen për të Shenjten Nëna Tereze, si e quajm ne shqiptarët,  u pritë me duartrokitje dhe entuziasëm të madhe, të qytetarve shqiptarë në këtë lagje të New Yorkut.
Ai  e quajti vendosjen e shtatorja së të Shenjtes Tereze, në Brooklyn “një dhuratë për qytetin e Brooklynit në New York , qytetin që nuk fle kurrr, dhe qytetin e Frenk Sinatrës”.
“Ky është mesazhi më i mirë, që Nëna Shqiptare – e Shejta Nënë Tereza, tani vjen dy javë mbas Shejtërimit të saj nga Papa Francesku, si mesazh për të gjithë qytetarëve e Bruklinit, pa dallim feje dhe kombësie”, tha sot në përurimin solemn Presidenti i Republikës së Shqipërisë, zoti Bujar Nishani.
Ai shtoi se Nënë Tereza ishte modeste, tërë jetën e saj i është përkushtuar mirëqenies së njerëzve, ishte pranë të gjithë njerëzve, pa dallim feje apo kombësije, dhe për këtë arsye, siç theksoi, ai tani e Shenjta Nënë Tereza, nuk është vetëm nëna e shqiptarëve, ku ajo ishte lindur, por nëna e të gjithë njerëzve në botë, dhe është një Shenjëtëresh”.
Në përurimin e shtatores së Shenjëtës Terezës, para Kishës Anathasius, ishin të pranishëm qytetarë të shumtë të Bruklinit , si dhe numri i madh shqiptarësh nga New Yorku. Shumë prej tyre e kanë shfrytëzuar këtë çast për t’u fotografuar pranë shtatores, edhe me Presidentin e Shqipërisë.
Në këtë ceremoni morën pjese edhe Asambaleisti i parë shqiptarë i New Yorkut, zoti Mark Gjonaj me bashkeshorten Roberta, Ambasadorija e Shqipërisë pranë OKB znj Besiana  Kadare, konuslli i Kosovë zoti Fatmir  Zajmi, diplomat të Indian të akredituar në New York, e të tjer.
Përfshirë edhe disa lider të komunitetit shqipatrë si : Kryetari i Vatrës zoti Gjon Buçaj me bashkëshorten Nikoletën, nen / kryetari Asllan Bushati , anetari kryesise zoti Zef Balaj, ish Kryetarja e Bashkise Shqiptare ne Kanada Ruki Kondaj, kryetari i Shoqates Atdhetare Dibra Dashi Miftari, kryetari i Akademise Shqiptaro Amerikane dr Skender Kodra , këngtari i njohur Frederik Ndoci, Gëzim Nika, Alberie Hajdargjonaj , Kryetrai i Keshillit Kombetra Shqiptar Haxhi Dauti, poeti dhe shkrimtari Pierr Simsia, ish gazetari Zerit te Amerikes Gjek Gjonleka, nxënës të shkollave në Bruklin, studentë, artistë dhe biznesmen dhe veprimtare.
Me pasë pati edhe një koncert me kengetaret Gezim Nika , Alberie Hadergjonaj, Grupi Rozafati, grupi i femijeve Albalife, Valentina Ivezaj dhe kengetarja e njohur Ledi Vokshi
Monumenti i të Shenjtes Nënë Tereza në  Brooklyn  do të jetë i 5-ti në qytetin e New Yorkut. Monumente të ngjashme të saj, janë ngritur , ndër të tjera , jo vetëm në New York por edhe dhe në Detroit, Ohaio,  në Shtetet e Bashkuara, e tjerë.
 Nënë Tereza lindi në Shkup më 26 gusht të vitit 1910, kur ai ishte pjesë e Perandorisë Otomane, ndërsa vdiq më 5 shtator 1997 në Kalkuta, në Indi.
Në vitin 1928 u largua nga Shkupi në drejtim të Dublinit, Irlandë. Ajo më pas u vendos në Kalkuta (Indi) ku fillimisht u bë mësuese dhe shumë shpejt drejtore e shkollës së vajzave. “Nënë Tereza e Kalkutës” u quajt kur themeloi urdhrin “Misionaret e Dashurisë” (1951) për t’u shërbyer më të varfërve dhe më të pashpresëve të Kalkutës, Indisë dhe gjithë botës. Në vitin 1979, kur mori Çmimin Nobel për Paqe, e gjithë bota mësoi se Nënë Tereza ishte shqiptare
Deri më 1996, Nënë Tereza ishte duke punuar në 517 misione në më shumë se 100 vende. Gjatë viteve, Bamiresia e Misionareve të Nënë Terezës u zgjerua nga dymbëdhjetë në mijëra persona që u shërbejnë “me të varfërve nga të varfërit” në 450 qendra në mbarë botën.

Presidenti Nishani në Forumin i Ekonomik të Diasporës

by

Presidenti Nishani përshëndeti Forumin I Ekonomik Mbarëkombëtar të Diasporës Shqiptare/

25 shtator 2016-Nju-Jork, SHBA/

Presidenti i Republikës, Sh.T.Z. Bujar Nishani përshëndeti Forumin I Ekonomik Mbarëkombëtar të Diasporës Shqiptare në tubimin që u zhvillua në Manhatan të “Rrjetit të bizneseve të Diasporës Shqiptare”.

Në fjalën e Tij drejtuar të pranishmëve të shumtë mes të cilëve ishin së bashku me Kryeministrin e Republikës së Kosovës Isa Mustafa, Asambleisti i Shtetit të Nju-Jorkut, Mark Gjonaj, Kongresmenët Eliot Engel, John Ratcliffe dhe David Jolly, ish-Presidenti i Kosovës Behgjet Pacolli, Ministrja e Ekonomisë Milva Ikonomi, Kryetari i Partisë Republikane Fatmir Mediu, Presidenti i RRGBDSH Nazir Mehmeti, Lazim Destani, etj., Presidenti Nishani u shpreh se ndihej i lumtur që ky Forum po organizohej në këtë vend të madh dhe shpirtin e lirisë, në Shtetet e Bashkuara të Amerikës.

“Jam shumë i nderuar dhe i lumtur që, në cilësinë e Presidentit të Republikës se Shqipërisë, të jem në këtë takim me ju, në vendin që promovon më tepër se kushdo tjetër lirinë, të drejtat e njeriut, demokracinë dhe i shpreh mirënjohjen këtij vendi dhe kombi të madh. Historia jonë është e gjatë, por ajo nuk ka qenë edhe aq bujare me ne. Ne nuk e harrojmë të shkuarën, por sytë i kemi hedhur drejt së ardhmes. Komuniteti i biznesit përfaqëson komunitetin më të fuqishëm në një vend të lirë dhe demokratik. Ai përfaqëson lidershipin e vërtetë në një vend të pjekur. E kaluara në Shqipëri qe vërtet e vështirë për të zhilluar biznesin, por edhe në Kosovë e tillë qe për shkak të pushtimit. Por njerëz si ju, me dinjitet dhe kurajë, me punë të vështirë i kapërcyen sfidat dhe vështirësitë dhe e rritën veprimtarinë sipërmarrëse dita ditës duke punuar shumë ditë e natë, shtatë ditë në javë, duke punuar për vendin tuaj me vetëmohim. Ata ia dolën mbanë dhe arritën sukeses duke punuar shumë për vetën e tyre gjithashtu. Ndaj edhe për gjithë arritjet e deri më tanishme të shënuara në Kosovë dhe Shqipëri, ju jemi mirënjohës dhe shoqëritë tona ju janë mirënjohëse!” – vuri në dukje Presidenti Nishani.

Kreu i Shtetit shqiptar theksoi se biznesi është lidershipi i vërtetë dhe se ju besojmë vërtetë, sepse të arrish besimin është diçka e vështirë, duke shtuar se kemi shqetësime, hasim vështirësi, por nga ana tjetër kemi edhe detyrime dhe përgjegjësi ndaj komunitetit të biznesit. “Na duhet të luftojmë korrupsionin, dhe kjo kërkon dhe arrihet me vullnet të fortë. Por duhet të mësojmë shumë edhe nga përvoja juaj e vyer. Idetë tuaja, sukseset që keni arritur frymëzojnë dhe promovojnë histori suksesi.” – u shpreh Presidenti Nishani duke shtuar, se si Shqipëria, ashtu edhe Kosova kanë dhe ofrojnë shumë mundësi për zhvillim, duke përbërë edhe një shans për gjithë rajonin tonë. “Kemi luftuar dhe jemi përpjekur në të shkuarën për të rezistuar duke ruajtur identitetin tonë kombëtar. Dhe duhet të jemi të bindur që biznesi gjithmonë i ka udhëhequr vendet drejt zhvillimit dhe begatisë”

Duke ofruar përshtypjet e veta lidhur me takimet që ka zhvilluar me shumë homologë të Tij gjatë mandatit presidencial, Presidenti Nishani nënvizoi faktin që kemi shumë më tepër burime natyrore se sa çdo vend tjetër në rajon, zotërojmë mundësi dhe burime të pashfrytëzuara për të arritur prodhime bujqësore e për të qenë të pranishëm në tregje të mëdha.

Presidenti Nishani vuri në dukje se sfida më e madhe është ekonomia, dhe nëse kemi vullnet të fortë, burime njerëzore, duke investuar në kapacitetet dhe burimet cilësore njerëzore e duke i kombinuar me përvojat dhe praktikat më të mira, mund t’ia dalim mbanë. “Ne besojmë tek idetë tuaja si biznesmenë, dhe mund të arrijmë sukses duke i vënë në përdorim ato ide, duke rritur aftësitë manaxhuese, duke arsimuar brezat e rinj si dhe duke kombinuar praktikat dhe përvojat më të mira me idetë e frytshme”.

“Ju inkurajoj të gjithëve të bashkërendoni bizneset dhe të ndërmerrni veprime konkrete! Unë besoj në vullnetin e qeverive për zhvillimin e ekonomisë, por gjithsesi duhet të ushtrohet trysni pozitive mbi qeveritë dhe institucionet. Tani është koha e duhur! Duhen ndërthurur investimet me idetë e mira. Ju përgëzoj për arritjet tuaja duke ju nxitur të vazhdoni në këtë rrugë!” – përfundoi përshëndetjen e Tij Presidenti i Republikës.

PRESIDENTI NISHANI DEKORON INDIVIDE NE DIASPORE

by

Presidenti Nishani vlerëson figura dhe personalitete me kontribute të spikatura të Bashkësisë Shqiptaro-Amerikane: Krenarë që jemi shqiptarë!/

24 shtator 2016-Nju-Jork, SHBA/

Presidenti i Republikës, Sh. T. Z. Bujar Nishani vlerësoi dhe çmoi në një ceremoni mbresëlënëse dekorimi në prani të shumë bashkatdhetarëve, kontributin mjaft të rëndësishëm të disa personaliteteve shqiptaro-amerikane me veprimtari të shquar atdhetare e shoqërore.

Kryetari i Shtetit shqiptar, i mikpritur ngrohtësisht së bashku me Zonjën e Parë Odeta Nishani në një atmosferë festive në Manhatan, shprehu kënaqësinë dhe emocionin e madh të shkaktuar nga takimi me bashkatdhetarët, duke vlerësuar në të njëjtën kohë atdhedashurinë dhe vullnetin e tyre për të ruajtur ndër breza identitetin dhe frymën kombëtare në shtetin më të fuqishëm e më demokratik në botë, në zemër të Shteteve të Bashkuara të Amerikës.

Me këtë rast, Presidenti Nishani nënvizoi mirënjohjen për mbështetjen e vazhdueshme të partnerit strategjik dhe aleatit të pazëvendësueshëm të dhënë ndaj demokracisë dhe institucioneve shqiptare, të Shteteve të Bashkuara të Amerikës dhe të qeverive të saj në kohët më vendimtare të historisë së kombit shqiptar, ndaj shqiptarëve kudo ku janë: në Shqipëri, Kosovë, Mal të Zi, Maqedoni, Luginën e Preshevës, Çamëri.

“Kjo traditë do ta vazhdojë në ditët, muajt, vitet, dekadat dhe shekujt në vijim miqësinë mes Shqipërisë dhe Shteteteve të Bashkuara të Amerikës” – theksoi Presidenti.

Presidenti Nishani çmoi rolin thelbësor e të pamohueshëm të Diasporës shqiptare për evidentimin dhe ruajtjen e vlerave të vërteta njerëzore e traditave të mrekullueshme të shqiptarëve.

“Ky vlerësim është për ju që jeni sonte në këtë sallë, për qindra mijëra shqiptarët kudo në Shtetet e Bashkuara, për familjet tuaja, të cilat ju mësuan jo vetëm respektin për të parët tuaj, por ju lanë trashëgim edhe respektin dhe krenarinë e të qenit shqiptarë”. – vuri në pah Presidenti Nishani.

Në veçanti, Kreu i Shtetit vuri në pah kontributin e jashtëzakonshëm dhe atdhetar, nëpërmjet ceremonisë zyrtare të dekorimeve, ku, u vlerësuan me Dekoratën “Nderi i Kombit” zotin Stan Dragoti me motivacionin: “Në vlerësim të krijimtarisë së tij të pasur kinematografike, rolit e kontributit të çmuar dhënë për dekada me radhë ndaj forcimit të lidhjeve të gjithanshme amerikano-shqiptare, si dhe përfaqësimit dinjitoz si artist i rrallë, duke lartësuar emrin e kombit shqiptar kudo në botë”; me Titullin “Mjeshtër i Madh” zotin Gëzim Nika: “Në shenjë mirënjohjeje për veprimtarinë e tij të shquar artistike dhe kontributin e rëndësishëm shumëvjeçar në lartësimin dhe përçimin e vlerave të rralla e të vyera të muzikës popullore shqiptare” si dhe me Titullin “Kalorës i Urdhrit të Skënderbeut” zotin Musli Mulosmanaj: “Në vlerësim të qëndresës fisnike e të paepur ndaj përndjekjes së diktaturës, si dhe me mirënjohje për veprimtarinë e tij të shquar atdhetare, kontributin e qenësishëm dhënë për mbrojtjen e përparimin e çështjes shqiptare”;zotin Vehbi Bajrami: “Në shenjë mirënjohjeje dhe vlerësimi për veprimtarinë e tij të spikatur atdhetare si dhe për kontributin e rëndësishëm mediatik në mbajtjen gjallë, përhapjen dhe lartësimin e vlerave më të çmuara të kombit tonë në bashkësinë shqiptaro-amerikane”; zotin Sami Repishti me motivacionin: “Me mirënjohje për vuajtjet e sakrificat e parrëfyeshme, përpjekjet mbinjerëzore dhe qëndresën stoike ndaj diktaturës komuniste. Në nderim të veprimtarisë së palodhur atdhetare për çështjes kombëtare, si dhe në respekt të rolit e kontributit të çmuar dhënë për dekada me radhë si veprimtar i shquar i të drejtave të njeriut; farkëtues i lidhjeve të gjithanshme shqiptaro-amerikane, duke u shndërruar në një simbol të rrallë e të vyer të shqiptarizmit”; zotin Frank Shkreli me motivacionin: “Në vlerësim të veprimtarisë së shquar atdhetare dhe kontributit të vyer shumëvjeçar si gazetar, publicist e redaktor i Seksionit Shqip dhe drejtues i palodhur i Divizionit Euro-Aziatik të “Zërit të Amerikës”, duke përhapur, mbrojtur me paanshmëri dhe lartësuar vlerat e parimet e shenjta të lirisë dhe demokracisë”.

Presidenti Nishani dekoroi gjithashtu zonjën Lisa Milicaj me Titullin “Kalorës i Urdhrit të Skënderbeut” me motivacionin: “Në shenjë mirënjohjeje për veprimtarinë e saj të shquar sipërmarrëse dhe politike, si dhe në vlerësim të arritjes së saj historike, duke qenë gruaja e parë shqiptaro-amerikane e zgjedhur në Shtetin e Nju-Jorkut; kontribuese e devotshme publike në mbrojtje, përhapje dhe lartësim të vlerave e parimeve të shenjta të lirisë dhe demokracisë” dhe zotin Lui Fundo me Titullin “Kalorës i Urdhrit të Skënderbeut”: “Në shenjë mirënjohjeje për veprimtarinë e tij të shquar atdhetare dhe sipërmarrëse, si dhe në vlerësim të kontributit të vyer dhënë në forcimin e lidhjeve historike shqiptaro-amerikane, si dhe për zhvillimin e mëtejshëm të marrëdhënieve ekonomike e tregtare mes Shteteve të Bashkuara të Amerikës dhe Shqipërisë”.

Në fjalën e mbajtur në këtë ceremoni, Presidenti Nishani u shpreh se: “është kënaqësi e veçantë të jem në mesin e bashkëkombësve të mi, të cilët kanë ardhur këtu për të ndërtuar një jetë më të mirë për veten e tyre, por nuk kanë harruar asnjëherë nga kanë ardhur dhe kush janë. Çdo ditë të jetës dhe punës tuaj në Amerikë, ju e keni dëshmuar se çfarë do të thotë të jesh shqiptar dhe ta duash vendin tënd. Ju keni bërë që miqësia shqiptaro-amerikane të thellohet dhe keni qenë faktor i rëndësishëm që çështja shqiptarë të jetë në agjendën amerikane. Ju keni mbajtur gjallë ëndrrën e shqiptarëve për liri edhe atëherë kur ajo dhunohej nga vetë ne shqiptarët. Ju keni mbajtur të gjallë ëndrrën për liri edhe atëherë kur ajo na mohohej nga të tjerët.

Shqiptarët e Amerikës, të gjithë brezat kush më shumë e kush më pak, dikush më miqësitë në nivele të larta politike, dikush më miqësinë me median, dikush më kontribut financiar e fizik, e dikush tjetër duke mbajtur familjet e tyre në trojet shqiptare, keni dhënë për Shqipërinë dhe shqiptarët një kontribut të jashtëzakonshëm. Kur askush në këtë anë të botës nuk e njihte Shqipërinë, diaspora e hershme këtu, ka bërë që Amerika të ishte në anën e shqiptarëve. Kur shteti zyrtar shqiptar vetëshpallej armik i Amerikës, ju shqiptarët e Amerikës keni bërë gjithçka që keni pasur mundësi që Amerika mos t’i braktistë shqiptarët mos ta harronte çështjen shqiptare. Kur ne po rigjenim lirinë pas errësirës së komunizmit, ju shqiptarët e Amerikës ishit të parët që ndihmuat, të parët që rivendosët lidhjet mes dy vendeve tona, dhe të parët që erdhët për ta rindërtuar dhe ringritur Shqipërinë, tashmë ashtu siç e kemi ëndërruar gjatë. Kur Kosova ishte në rrezik shfarosjeje, ju ishit të parët për të ngritur zërin, për të ndërgjegjësuar administratën amerikane për rrezikun që po iu kanosej shqiptarëve. Nuk u ndalët me kaq, po ndihmuat më qindra e mijëra familje kur ato kishin më së shumti nevojë, djemtë tuaj ishin vullnetarë dhe të patrembur në luftë për të mbrojtur popullin e Kosovës dhe ishit të parët që investuat për të ringritur Kosovën e shkatërruar nga lufta dhe gjenocidi. Ju çdoherë dhe në çdo kohë keni punuar dhe vepruar që sot të gjithë ne të themi me mburrje: JAM SHQIPTAR!

Kontributi i shqiptarëve të Amerikës është i veçantë i pazëvendësueshëm dhe që meriton mirënjohjen e shtetit shqiptar. Sonte, në cilësinë e Presidentit të Republikës së Shqipërisë, kam vendosur që të dekorohen disa figura të shquara të diasporës shqiptare të Amerikës, por, secili shqiptar i Amerikës meriton mirënjohje të veçantë për kontributin e dhënë për çështjen shqiptare. Çështja kombëtare nuk është retorikë, por një kolonë thelbësore e identiteti tonë, dhe për ju në këtë vend të madh e të lirë ka qenë e mundur të punohet e të merren rezultate për çështjen kombëtare. Prandaj ne duhet të frymëzohemi, të ruajmë identitetin tonë dhe para të gjithash me krenari origjinën tonë: JAM SHQIPTAR!

Zoti e bekoftë popullin amerikan! Zoti i bekoftë shqiptarët kudo që janë në botë!” – përfundoi fjalën e Tij Presidenti Nishani.

Në përfundim të kësaj pritjeje me bashkatdhetarët Shoqata e Policëve Shqiptarë në Shtetet e Bashkuara të Amerikës i shprehu Presidentit të Republikës, Sh. T. Z. Bujar Nishani mirënjohjen dhe vlerësimin për mbështetjen e Tij besnike e të përkushtuar që ka treguar ndaj anëtarëve të Komunitetit Ligjzbatues Shqiptaro-Amerikan në të gjithë Amerikën.

Presidenti Nishani u takua me APEN

by

Presidenti Nishani me Rrjetin e Profesionistëve dhe Sipërmarrësve Shqiptarë (APEN): Kurrë mos u dorëzoni!/

23 shtator 2016-Nju-Jork, SHBA/

Presidenti i Republikës, Sh. T. Z. Bujar Nishani u prit me entuziazëm nё njё takim që pati me shumë anёtarё dhe drejtues tё Rrjetit tё Profesionistëve dhe Sipërmarrësve Shqiptarë (Albanian Professionals and Entrepreneurs Network) në Shtetet e Bashkuara të Amerikës.

Pasi u përshëndet ngrohtësisht me të pranishmit, Presidenti Nishani zhvilloi njё bashkёbisedim tepër tё çiltër dhe të sinqertë me auditorin lidhur me situatën nё Shqipёri, reformat që janë ndërmarrë në përgjithësi dhe në veçanti reformën në drejtësi, luftën kundër korrupsionit, marrёdhёniet dhe partneritetin strategjik me Shtetet e Bashkuara, lidhjet e shumta dhe bashkёpunimin sa më të ngushtë e vëllazëror me Diasporёn, sfidat me të cilat përballet shoqëria shqiptare, nevojën që brezi i ri të mos e braktisë përfundimisht vendin, por ta ndërtojë aty të ardhmen e vet, “thithjen e trurit”, ndryshimin e mendësisë, etj.

Kreu i Shtetit shprehu kënaqësinë për mundësinë që po i jepej të shkëmbente mendime, ide për probleme me interes për të gjithë, por sidomos për të ardhmen e brezit të ri dhe të profesionistëve të suksesshëm, që pavarësisht se jetojnë dhe punojnë në Shtetet e Bashkuara, “duke qenë me fat që po rriten dhe arsimohen në një vend kaq të madhe e të lirë, falë sakrificave dhe përkushtimit të familjeve të tyre”, e bëjnë mbarë kombin të ndihet krenar që janë shqiptarë.

Presidenti Nishani nënvizoi rëndësinë që mbart në kohët modern komunikimi i hapur dhe i drejtpërdrejtë, duke i këshilluar të pranishmit dhe përmes tyre, gjithë të rinjtë profesionistë të pajisur me virtyte, vlera, parime dhe ambicie, që: “Të mos dorëzohen kurrë”!

Duke folur për fenomenin tepër shqetësues të mërgimit aktual të shqiptarëve, sidomos të të rinjve nga Shqipëria dhe Kosova, Presidenti Nishani pasi nënvizoi se pavarwsisht se duket sikur po humbet shpresa, vendi ynë është i pasur me burime natyrore dhe me mundësi të panumërta për zhvillim, tha se është vërtet diçka e mirë kur të rinjtë shkojnë jashtë për të studiuar, por ata duhet të kthehen dhe të vënë në jetë përvojat, praktikat, shembujt dhe modelet më të mira e të efektshme duke shfrytëzuar dijet e përfituara për të ndërtuar të ardhmen e Atdheut dhe ndryshuar mendësinë e zhvilluar mendësinë e shoqërisë shqiptare, sidomos veprimtarinë atë të shoqërisë civile.

Në përfundim të takimi, Presidenti Nishani duke siguruar se Institucioni i Kreut të Shtetit shqiptar do të jetë dhe mbetet gjithmonë i hapur për ta duke i mbështetur palëkundur në nismat e tyre, iu përgjigj pyetjeve të shumta dhe interesimit të madh të të pranishme lidhur me realitetin dhe sfidat shqiptare dhe vizionit të Tij rreth tyre.

PRESIDENTI NISHANI, MYSAFIR I FAMILJES HYSENAJ

by

1-presid-sejdi
2-sejdiNEW YORK CITY :  Presidenti i Shqipërisë, Sh.T.Z.. Bujar Nishani së bashku me Zonjën e Parë, Odeta Nishani, i cili ndodhet në New York, për të marrë pjesë në Sesionin e 71-të të Asamblesë së Përgjithshme të OKB-së, gjatë qëndrimit në New York, u pritë mbrëmë edhe nga bashkëatdhetarët tanë, i ftuar në një pritje vllazërore nga familja patriote Hysenaj, nga Malësia e Gjakovës.
Në pritjen e organizuar nga zoti Sejdi Hysenaj me bashkëshorten e tij Shaken, dhe djalin Petritin, mori pjesë veprimtari i njohur i komunitetit zoti Elmi Berisha, me të bijën e tij, si dhe disa anëtarë shumë të afërt të familjes Hysenaj, në New York dhe New Jersey.
Kjo ishte një pritje ndryshe nga çfarë kemi parë më parë. Nuk ishte një pritje nga ato me fjalime dhe pompozitete, por një nderim dhe një respekt, që një familje patriote shqiptare në disaporë, dha për kreun e shtetit shqiptarë dhe familjen e tij – një pritje mjaft miqësore, vllazërore, që ka pasur një ngrohtësi më të vërtetë shqiptare.
Në fjalën e tij, të mirëseardhjes, mikëpritësi zoti Sejdi Hysenaj, tha se : “Nëse dikush mund të sjellë shërim të kombit tonë, nga që mbart edhe sot shenjat e një të kaluare të dhimbshme, atë të atyre ndasive tona, ideologjike që na la fatkeqësisht regjimi i kaluar komunist i Enver Hoxhës, për 50 vjet në diasporë, atëherë ai person, është për mendimin tim “ si askush tjetër përveç se H.E.Bujar Nishanit. “
President Nishani nga ana e tij, duke ju faleminderuar për pritjen, tha se e priti me kënaqësi ftesën për të marrë pjesë në këtë dark miqesore, me familjen Hysenaj, duke shprehur njëhereshit edhe respektin për të gjitha familjet shqiptare në diasporën shqiptare në Amerikë, e cila u shpreh ai nga do që ka vajtur dhe është takuar me shqiptaret në Amerikë, dallohen se po i ruajnë ashtu të pastra traditat tona kombëtare, dhe shqiptarët e Amerikës, dhe janë duke ua trashëguar fëmijëve të tyre në diasporë.
 “Më vjen mirë, që po takojë një prej familjeve të vjetëra shqiptare në diasporë, emigruar 70 vjet më parë, nga Malësia e Gjakovës, Tropoja, e cila sot  jetonë në Nju Jork, dhe i ka ruajtur si të gjtiha familjet shqiptare në diasporë traditën , gjuhën dhe kulturën tonë kombëre, mikëpritjen, bujarinë dhe respektin për njeri tjetrin – Ju faleminderit, suksese dhe lumturi në familjen tuaj ” tha Presidenti i Shqipërisë, Sh.T.Z.. Bujar Nishani.(Beqir SINA)