TIRANË – Ish-Kryeministri Berisha u takua sot me shqiptaro – amerikanin Donal Leka.Ja shenimi I dr. Sali ne facebook:Me Donald Leken, shqiptaro-amerikanin qe vendosi “paqen boterore” ne boten e Hi Tech
Te dashur miq, dje prita ne zyre shqiptaro – amerikanin qe eshte sot nga emrat me te shquar ne boten e Hi- Tech, pionierit te rese kompjuterike z. Donald Leka. Ai eshte autori i Glide OS apo sistemit me te shpejte ne fushen me te avancuar te Hi-Tech, ate te rese kompjuterike. Glide OS e Donald Lekes konsiderohet sot, per shkak te shpejtesise dhe pershtateshmerise se tij, si “kubeja” e sistemeve te tjera te kesaj fushe. Prandaj dhe Walter Mossberg kolumnisti i Wall Street Journal per Hi Tech e ka cilesuar Glide -in e Donald Lekes si “paqen botrore” midis mjeteve dhe platformave.
Avantazhet e medha, lehtesite e konsiderueshme, perdorimet e shumellojta kane bere qe sistemi te thirret sot me nje emer te ri: Jump To It ( hidhu tek ai). Per kete sistem Donaldi eshte nderuar me cmimin “Sipermarresi i vitit” Erns& Jung dhe çmime te tjera shume prestigjoze. Donald Leka eshte personalitet poliedrik. Ai eshte kompozitor dhe producent i muzikes popullore dhe klasike. Donaldi eshte djali i nje kardiologu te njohur ne SHBA dhe atdhetari te flakte Prof Dr Agim Leka. Vellai i Donaldit, Drini Leka, punon dhe ai ne njeren nga fushat me te avancuara te teknologjise, ate te makines te se “vertetes”. Te dashur miq duke shprehur ne krenarine tone per Donaldin por dhe familjen e tij le ti urojme ne atij suksese te tjera te rendesise boterore si Glide OS!! sb
Nishani priti Drejtoren e Përgjithshme të UNESCO-s, Irina Bokova
Presidenti Bujar Nishani priti te shtunen me 29 Mars, në një takim Drejtoren e Përgjithshme të UNESCO-s,Irina Bokova, e cila ndodhet në vendin tonë për një vizitë zyrtare.Presidenti Nishani vlerësoi bashkëpunimin e frytshëm të deritanishëm ndërmjet Shqipërisë dhe UNESCO-s konkretizuar përmes zbatimit të projekteve konkrete, lokale, ndërkufitare dhe rajonale si dhe nënvizoi angazhimin tonë në mbrojtje të Trashëgimisë Kulturore, jo vetëm si pjesë të rëndësishme e identitetit tonë, por edhe si një mjet për të promovuar turizmin kulturor, duke veçuar gjithashtu mjedisin, arsimin dhe ruajtjen e traditës si fusha ku ky bashkëpunim mund të thellohet më shumë në të ardhmen.Bokova u shpreh se ka ardhur me dëshirën e mirë për të hulumtuar mundësitë e thellimit të bashkëpunimit për një arsim më cilësor, për të kontribuar më shumë për të mbrojtur trashëgiminë kulturore, mjedisin dhe biodiversitetin, vlera shumë të rëndësishme për Shqipërinë, rajonin dhe më gjerë.Presidenti Nishani dhe Drejtorja e UNESCO-s Bokova ndanë mendimin se bashkëjetesa dhe harmonia fetare janë vlera të çmuara të shoqërisë dhe kombit shqiptar, të cilat duhen ruajtur dhe reklamuar si një shembull dhe kontribut për promovimin e tolerancës, paqes e mirëkuptimit në rajon, Evropë dhe në një botë, ku dialogu ndërkulturor dhe ndërfetar duhet të zënë vendin e shfaqjes së fenomeneve të mostolerancës dhe keqkuptimit.