Rafaela Prifti – Dielli

NYC Flag Raising for Albania’s Independence Day – Recognition of our Community’s Contributions and History

December 10, 2025 by s p

Rafaela Prifti

Foto: Dritan Haxhia/

In the frigid temperatures of this December Tuesday afternoon the Albanian flag was raised alongside the US “Stars and Stripes” at the historic Bowling Green Park in Lower Manhattan in a subdued ceremony. The symbolic event that honors Albania’s national Day was hosted by NYC Mayor’s Office of Immigrant Affairs, NYC Community Affairs Unit, Mayor’s Office for International Affairs following celebratory dinners and events hosted by the community in honor of the 113th anniversary of Albania’s Independence Day through the last weeks of November to early December. Mayor Eric Adams did not attend but his presence loomed large. Commissioner for the NYC Mayor’s Office of Immigrant Affairs Manuel Castro and Commissioner of NYC Mayor’s Office for International Affairs Aissata Camara, who have served under Mayor Adams, and were presented with Citations at the event, reiterated that “this is the last flag raising of the Mayor’ term in office.” Mayor Adams has embraced and expanded the practice for many New York communities.

Vanesa Limani, Staten Island Borough Director at the NYC Community Affairs Unit, who emceed the event, highlighted, in her opening remarks, “the unity of the Albanian people across the lands”. She invited Clergy leader Imam Tahir Kukaj to deliver the event prayer. The next speaker, Arthur Piccolo, who serves as Chairman of the Bowling Green Association, reminded everyone, through a vivid historical account of the 1776 New York under British occupation, of the significance conveyed in the flag raising ceremony at that very spot. He recalled the first time the Albanian workers of 26 Broadway started the practice in the mid 1990s.

“This is more than a ceremony, it is reminder of a bridge we build between the two nations,” said Orchida Harizaj, Project Manager, Mayor’s Office of Ethnic and Community Media. The honorees Fitim Shabani, Vlera Sela and Mary Camaj each reflected on the meaning of their individual recognitions on a personal level and as inheritors of an honorable heritage. Mark Gjonaj, NYC former Council Member was presented with a citation at the ceremony that celebrated our shared values and the vast impact of New York Albanians to the city they call home. Guest speakers echoed the significance of the flag raising ceremony. Suela Janina, Ambassador of Albania to the UN, conveyed the message of symbolism and the artistic statement embedded in “our beautiful flag”. The children’s choir Kënga Jonë under the direction of Blina Selimaj enriched the ceremony with two performances of Albanian songs.

Commissioner Manuel Castro and Vera Mjeku, Program Manager for City Council unveiled the official animation of New York Albanians, a year-long project designed to highlight the under represented communities of the city. The logo of Dielli, the 116 year old newspaper of VATRA, stood out on the board woven into the life of this city and the Albanian community.

On November 28, 2022, the day that marked the 110 anniversary of Albania’s Independence, the flag raising ceremony on Bowling Green Park was organized by Vatra in partnership with the NYC Mayor’s Office of Immigrant Affairs under the Mayorship of Eric Adams. The same year the Mayor hosted Albanian Heritage day at Gracie Mansion https://gazetadielli.com/recognizing-albanian-heritage…/ Mayor Adams sought re-election for a second term but then stepped out of the 2025 race. NYC Mayor elect Zohran Mamdani starts his term on January 1, 2026.

https://gazetadielli.com/albanian-flag-raising-in-new…

https://gazetadielli.com/new-york-city-raises-flag…

VESA XHYMSHITI, MATEMATIKA DHE E BUKURA

November 20, 2025 by s p

Rafaela Prifti/

Qyshkur ka hyrë në klasën e parë në moshën 6 vjeçare në Gjilan e deri më sot, Vesa Xhyshmiti ka vetëm 7 vite shkollore dhe të paktën po kaq medalje dhe vende nderi në garime kombëtare e ndërkombëtare të matematikës. Sapo ka nisur të garojë në fund të klasës së pestë, studentja 13 vjeçare ka arritur rekorde të hatashme në Olimpiada matematike si EGMO 2025. “Talenti nuk rritet me frikë, por duke pasur vetëbesim, natyrisht pa e tepruar atë,” thotë Vesa. Në gara dhe konkurrime ndërkombëtare ajo ka përfaqësuar Kosovën me shumë sukses dhe ka lënë mbresa tek gjyqtarët dhe vlerësuesit. Por, talenti dhe vetëbesimi i një shkollareje të një vendi të vogël përballen me vështirësi të mëdha për mbështetje financiare.

Vesa bën pjesë në brezin GenZ i quajtur edhe IGeneration, të ardhur në një botë dixhitale ku përgjithësisht ata janë “në shtëpinë e tyre”. Viti i lindjes së saj 2012 përkon me ripërtëritjen e nismave për mundësi të barabarta në arsimimin e vajzave dhe grave në Shkencë, Teknologji, Inxhinieri dhe Matematikë – STEM, ndërsa vetë akronimi është krijuar në fillim të viteve 2000.

Me sy të butë, të zgjuar dhe shumë vëzhgues, Vesa flet me elokuencë dhe pjekuri përtej moshës që ka, për rrugëtimin e saj të përditshëm shtëpi-shkollë përkatësisht Gjilan-Prishtinë, për klasën në shkollën private New York School of Science in Kosova, për shoqërinë e mirë që ka aty dhe ecurinë e suksesshme në konkurset e matematikës. Mamaja e saj, Albina, me profesion arsimtare në Kosovë, shëndrit me krenari pranë vajzës dhe shpreh vazhdimisht mirënjohje për mësuesit dhe drejtuesit e Vesës në arritjet e saj mbresëlënëse.

“Mësuesit kanë qenë inkarujuesit dhe nxitësit e zellshëm të Vesës. Në fillim në garat shkollore ku doli fituese dhe pastaj në garat komunale, ku mori maksimumin e 100 pikëve që nuk kish ndodhur më parë, dhe më tej në garat ndërkomunale përsëri me sukses, atëherë kur edhe u shtua këmbëngulja e mësuesve që Vesa të shkonte më tej se aq.”

Në nëntor 2025 Vesa u ftua të merrte pjesë në Harvard–MIT Mathematics Tournament (HMMT) meqë ishte pranuar në programin prestigjioz Athemath. Ajo thotë se është veçanërisht krenare “që është e para Kosovare pjesëmarrëse në këtë konkurs me emër të njohur.” Atë javë Shoqata e Studentëve shqiptarë të Harvardit Harvard Albanian Students Association e kishte mysafire Vesën në një takim enkas për fituesit e garës, të titulluar Ëndrra pa Kufi (Dreams Without Borders) në Harvard University.

“Pjesëmarrja në garime jashtë Kosovës ka shpenzime të konsiderueshme financiare për familjen tonë katër-anëtarëshe me të ardhura mesatare.

Ishte bujaria e komunitetit të Bostonit që e mundësoi ardhjen tonë, me një pjesë të harxhimeve, së bashku me kontributin e familjes sonë,” thotë Albina, duke falënderuar Xheraldin & Xhufe Morina Foundation, dhe zemërmirësinë e shumë zonjave si Valbona Lavdari, Mirjola Adhami, Rita Zhupe, dhe Irena Xhurxhi .

“Është me rëndësi të thuhet,” vëren ajo, “se nga pranimi në Athemath, program amerikan trajnimi për vajza, Vesa ishte ftuar edhe në PUMaC (Princeton University Mathematical Competition) por për shkak të shpenzimeve të shumta nuk mori pjesë në të. Kurset intensive dhe individuale kanë koston e tyre. Dhe garat ndërkombëtare janë të kushtueshme. Komuna e Gjilanit ka bërë sa ka mundur brenda mjeteve të veta. Prandaj ne e vlerësojmë shumë ndihmën e komunitetit shqiptar në Amerikë si edhe mikpritjen e tyre shumë të ngrohtë,” thekson Albina.

Në vitin 2024 Vesa përfaqësoi Kosovën në Olimpiadën Neo Science në NY ku mori vendin e parë në Matematikë dhe medaljen e argjendte për Shkencat. E ftuar nga Shoqata e Matematicenëve të Kosovës të garojë me klasat e 7 dhe 8 në Olimpiadën e Matematikës Shqipëri Kosovë (KAMO), Vesa fitoi medaljen e artë. Në Holandë fitoi një medalje tjetër në STEM Olympiad dhe hyri në kategorinë Best of the Best. Në klasën e shtatë fitoi vendin e parë në Olimpiadën e Matematikës së Kosovës duke u klasifikuar për testin në EGMO – ku ishte në garim me vajzat me rezultatet më të mira të klasave 7 deri 12 të Kosovës. Në sajë të punës shumëorëshe dhe drejtimin e duhur të mësuesve, ajo fitoi bashkë me një vajzë tjetër të klasës së 11. Vesa ishte ndër garueset më të reja në EGMO me 55 vende pjesëmarrëse mbajtur në Kosovë në prill 2025. Ajo thotë se aty, përveç krenarisë, ndjeu se vende të vogla mund të fitojnë mes matematicienëve më të mirë të botës.

Kur flet për zgjidhjen e një problemi me teorinë e numrave, ajo e quan atë “të bukur”. Bukuria e zgjidhjeve në matematikë e ka tërhequr Vesën qysh në fillim. Asaj i pëlqen arsyetimi logjik, të menduarit kritik në lëndët e matematikës por edhe në fushat e tjera. I ka kaluar me lehtësi konvertimet e termave matematikore shqip – anglisht në sajë të njohjes shumë të mirë të dy gjuhëve. Këtë e thotë me mburrje edhe Medina, halla e saj në Nju Jork, tek e cila Vesa dhe Albina erdhën vizitore disa ditë përpara se të ktheheshin në Prishtinë. Aty i pret babai, Iliri, me të cilin Vesa shikon ndeshjet e futbollit, kur nuk është duke studiuar matematikë, dhe, vëllai i saj 6 vjeçar, Dielli, me të cilin ngjyrosin e vizatojnë dhe përcjellin programin Number Blocks në anglisht.

Nga Kosova, Vesa ka postuar disa foto nga Bostoni, Nju Jorku dhe Uashingtoni, ndërkohë që ka nisur përgatitjet për garën e ardhshme. Në janar është kualifikuar automatikisht të hyjë në OMK 2026 si pjesëmarrëse fituese në EGMO 2025 (European Girls Mathematical Olympiad). Me dëshirën dhe ëndrrën që të kalojë testin selektues për EGMO në shkurt dhe IMO (International Mathematical Olympiad) në mars — si përfaqësuese e Kosovës, ajo do që të valëvit flamurin e vendit në çdo garë të madhe botërore për pesë vitet e ardhshme. Vesa dëshiron të jetë në kanalin e vet në YouTube për të shpjeguar koncepte matematike në formë tërheqëse për moshat e reja. Pjesë e ëndrrës së saj është të zbulojë edhe për të tjerët “bukurinë e matematikës,” ashtu siç e sheh ajo. Në të ardhmen jo të largët, Vesa shpreson që matematika të jetë çelësi që hap dyert e universiteteve elitë në Amerikë. Shkolla e specializuar New York School of Science e Kosovës nuk është larg nga Bulevardi Bill Clinton në Prishtinë, ku ngrihet statuja e ish-presidentit amerikan që i sjell në mend çdo ditë “se sa pranë njëra-tjetrës janë vendet tona historikisht,” përfundon ajo me qartësinë e vesës.

Kthimi ynë në Kosovë me Premierën Amerikane të Filmit Dokumentar Return to Kosovo

November 18, 2025 by s p

Rafaela Prifti/

Premiera amerikane e filmit dokumentar Return to Kosovo debutoi mbrëmë në Fount Studios, nën kujdesin e Konsullatës së Përgjithshme të Kosovës në Nju Jork. “Going back is part of moving forward,” (Kthimi pas nënkupton ecjen përpara) tha gazetari britanik dhe bashkëprotagonisti i dokumentarit Julius Strauss.

“Filmi dokumentari “Return to Kosovo” sjell një dëshmi rrëqethëse për njërën ndër mizoritë më të rënda të luftës në Kosovë, masakrën ndaj familjes Deliu në Obri të Epërme, më 26 shtator 1998,” tha Ambasadori Blerim Reka përpara audiencës së ardhur në natën e premierës në Nju Jork.

Historia e masakrës së Obrisë flet për dhimbjen e humbjes së përmasave të jashtëzakonshme dhe të mbijetesës. 23 anëtarë të familjes Deliu nga mosha 2 deri në 94 vjeç u vranë mizorisht nga forcat e regjimit Serb. Besniku 5 vjeçar dhe motrat më të vogla Liridona Deliu dhe Arlinda Deliu që i mbijetuan kësaj tragjedie rrëfejnë përjetimet e dhimbshme dhe pasojat afatgjata të luftës gjatë rinisë dhe jetës së tyre tashmë si prindër.

Kthimi në Kosovë është historia e traumës së luftës dhe e miqësisë së Besnik Deliut me gazetarin e luftës Julius Strauss. Mizoria çnjerëzore e viteve të luftës, e cila ndikoi në rrjedhën e ngjarjeve në Kosovë, krijoi njëkohësisht edhe fillesën e një miqësie që lind vetëm në rrethana të jashtëzakonshme.

Gazetari dhe korrespondenti i shumë luftërave ishte larguar nga raportimi në front për tu përballur me peshën emocionale dhe psikike që mbarte me vete. Pas njëzet e pesë vjetëve Besniku në Kosovë e gjeti gazetarin që e kërkonte prej kohe me dëshirën për ta takuar. Për motivet e tyre, secili kishte nevojë për njëri tjetrin. Së bashku me xhaxhain e Besnikut, Ymer Deliu, i cili sakrifikoi shumë për familjen, kthehen në vendin e masakrës për të parë në sy të keqen.

Për Besnikun kishte rëndësi që “gazetari prej jashti” siç e quan ai në dokumentar, të vinte ta takonte sepse kjo i jepte peshë dhe dimension të veçantë ngjarjes, që ai ta shikonte për herë të parë me sytë e tij atë që e kishte shmangur për më shumë se njëzet vjet.

“Është e rëndësishme të tregohet historia dhe të flasim për të sepse ajo i tejkalon kufijtë e unit të secilit nga ne,” vërejti Strauss në bisedën me audiencën pas shfaqjes së dokumentarit.

Vajza e tij Emma Strauss shprehu idenë për realizimin e filmit, dhe në bashkëpunim me një ekip profesional Ben dhe Donald Harding, dhe me xhirimet e Vaughan Smith, ata sollën dokumentarin Return to Kosovo.

Pas shfaqjes Desantila Muriqi, Studente e Marrëdhënieve Ndërkombëtare në Kosovë moderoi një bisedë të gazetarit realizues me auditorin. Motra e saj dhe përkthyesja e dokumentarit po ashtu kishte ardhur nga Kosova enkas për premierën. Të pranishmit e vlerësuan filmin si shembull i jashtëzakonshëm i qëndresës dhe dinjitetit njerëzor. Interesim të veçantë pati “roli i mediave në raportimin e konflikteve.” Në njëzet vitet e fundit peizazhi i marrjes së informacionit dhe autorët e informimit nuk janë ata që kanë qenë, komentoi Strauss, dhe kjo shihet qartë në luftrat e kohës së sotme siç është Ukraina, ku ai vazhdon të shkojë herë pas here si korrespondent i jashtëm.

Strauss vlerësoi veçanërisht përkushtimin e shoqërueses dhe përkthyes së tij gjatë luftës Liman Muriqi, një promotore e palodhur për realizimin e dokumentarit. Filmi ka marrë pjesë në disa festivale dhe konkurse kombëtare dhe ndërkombëtare. Në muajin e ardhshëm Return to Kosovo vazhdon turin e vet në Evropë.

The Strongest Link prezantohet në Vatër – Historia gojore flet me zërin e të mbijetuarave të përdhunimeve në Kosovë 1998-1999

November 9, 2025 by s p

Rafaela Prifti/

Prezantimi i librit The Strongest Link i autoreve Anna Di Lellio dhe Garentina Kraja paraditen e së shtunës në Vatër është shprehje e vëmendjes që Federata Pan-Shqiptare e Amerikes Vatra dhe Dielli ë japin temave të drejtësisë, në këtë rast të fokusuar tek forca e të mbijetuarave të dhunës seksuale përpara, gjatë dhe pas luftës në Kosovën e viteve 1998-1999. Tema e ndjeshme e dhunimeve nga forcat serbe edhe pas 30 vjetëve është ende e shtyrë në hije ose e mbështjelle me forma të ndryshme stigmatizimi. Dr. Pashko Camaj, Sekretar i Vatrës, i cili ju uroj mirëseardhjen të pranishmëve, shprehu vlerësim për kontributin që sjell libri në dokumentimin e historisë sonë. Më tej, editorja e Anglishtes Rafaela Prifti e ftoi Dr. Anna Di Lellio të jepte një përmbledhje të librit, shkruar me bashkëautoren Garentina Kraja, eksperte e Marrëdhënieve Ndërkombetare, e cila nuk mundi të vinte në këtë takim.

“Përmes rrëfimeve të veta, shumë personale, njëzet gra, përshkruajnë terrorin e luftës dhe traumat që i vuajnë edhe sot. Emrat i tyre i kemi ndryshuar, dhe bisedat i kemi mbajtur në prani të psikologëve. Ka qenë me rëndësi të mbrojmë identitetin e tyre në një vend të vogël ku gjithkush e njeh njëri-tjetrin,” vërejti Dr. Di Lellio. Ajo lexoi disa fragmente nga libri duke i konkretizuar ngjarjet me shembuj dhe figura të njohura që e bënin audiencën ta ndiente përmbajtjen së afërmi.

Titulli i librit The Strongest Link (Hallka më e Fortë) është përkthim i një botimi italian nga shekulli 16-të, shpjegoi Profesoresha me origjinë italiane, e cila është njohëse e mirë e shqipes dhe autore e shumë punimeve dhe librave të shkencave humane. The Oral History of the Wartime Rape Survivors in Kosovo – Historia gojore e te Mbijetuarave të Përdhunimit të Luftës në Kosovë është vecse një fraksion i ngjarjeve që ndodhën aty dhe, mesatarisht, vetëm një e një mijëta e rasteve të njoftuara që arrin shifrën mbi 20,000 por rrëfimi i tyre ka ndikim shumë të madh. Sic e përcaktoi Di Lellio, tubimet e seminaret, intervistat dhe analizat televizive flasin për pasojat e traumat, por “janë të mbijetuarat ato që jetojnë me traumën për ditë në shtëpitë e tyre.”

Dr. Di Lellio i vlerëson shumë komentet e dërguara nga lexuesit dhe i ftoi pjesëmarrësit të komunikojnë nëpërmjet emejlit, në shqip ose anglisht, pas leximit të librit.

Për studiuesin dhe gazetarin e njohur Elez Osmani nga Kosova, i cili dha një kumtesë të plotë për librin “që thyen heshtjen” sic e quajti ai, ishte hera e parë që takohej me Profesoreshën, veprën e së cilës e ka përcjellë me kujdes duke e vlerësuar shumë ndihmën e saj për Kosovën.

“Njëzet e pesë vjet pas lufte, ndërsa drejtësia ende vonohet për të mbijetuarat e dhunës seksuale dhe mohimi e shtrembërimi i historisë nga Serbia nuk dënohet fuqishëm, vlen të përsëritet qëndrimi i Vatrës së bashku me shoqatat e komunitetit shqiptar se UCK-ja u ngrit në luftë për të mbrojtur shtepitë dhe familjet e tyre ndaj një fushate të egër të shfarosjes etnike. Si ju përgjigjeni atyre që thonë sot se ka pasur raste dhune nga të dyja anët apo se ashtu është lufta?” – pyeti Rafaela Profesoreshën Di Lellio. “I përgjigjem duke ju referuar Holokostit, ku është e qartë se kush janë viktimat dhe kush janë shkaktarët e dhunës dhe fajtorët për të!”

Dr. Di Lellio falenderoi organizatorin e prezantimit Gazetën Dielli dhe të pranishmit duke shprehur mirënjohje për pjesëmarrjen dhe interesimin për librin The Strongest Link.

Liria dhe Jeta – Sinonime për Doktorin Dëshmor Fahredin Hoti – Promovimi i Monografisë në Konsullatën e Kosovës në Nju Jork

November 6, 2025 by s p

Rafaela Prifti/

Monografia Doktori që i dha jetë Lirisë Dr. Fahredin Hoti, Dëshmor i Kombit u prezantua në Konsullatën e Përgjithshme të Republikës së Kosovës në Nju Jork mbrëmjen e 5 nëntorit. Disa minuta përpara hapjes së takimit, në bisedë me autorin e librit, Besnik Hoti përmendi se fjalët e dajës në ditën e varrimit, kur thoshte “T’lumit këta!” i vijnë në mend sepse tashmë si i rritur ai vetë e përcjell mesazhin për flijimin sublim për lirinë e Kosovës. Duke u fokusuar në personalitetin multidimensional të Dr. Fahredinit, monografia njëherit dëshmon për “drejtësinë e luftës së një populli dhe forcave të UÇK-së në mbrojtje të shtëpive të tyre,” tha në hapje të mbrëmjes Ambasadori Blerim Reka i Konsullatës së Përgjithshme të Republikës së Kosovës. “Libri ka dokumente të qëmtuara nga i biri, Besniku, i cili do vazhdojë të botojë edhe vepra të tjera të Dr. Fahredinit,” vazhdoi ai. “Autori ka përmbushur një obligim ndaj historisë dhe kujtesës sonë kombëtare, shkruan Prof. Dr. Nusret Pllana në hyrjen e monografisë, lexuar nga Shpend Gjocaj gjatë prezantimit.

Besnik Hoti ishte jashtë Kosovë në pranverën e vitit 1999 kur humbi tre anëtarë të familjes. I nxitur nga familjarë, kolegë, ushtarë të UÇK-së dhe pacientë të Dr. Fahredinit, Besniku mori nismën për të shkruar monografinë Doktori që i dha Jetë Lirisë. Tradita e familjes së nderuar Hoti dhe emrit të Krushës së Madhe me viktimat më të shumta gjatë luftës në Kosovë janë të ndërthurura në formë të natyrshme në libër. Përpara se te merrte fjalën autori, në sallë u shfaq një montazh foto-filmik për jetën e veprimtarinë e Dr. Fahredinit i përgatitur nga Besnik Hoti.

Teksa kërkon ndjesë për gjendjen emocionale përpara të ftuarve, ai theksoi rëndësinë e lidhjes së brezave nëpërmjet historisë sonë. Jetët e tre anëtarëve të familjes së tij, “vëllai Kreshniku 14 vjeçar, babai 46 vjeçar dhe gjyshi i tij Shemsedini 67 vjeçar, të vrarë nga forcat serbe brenda shtatë ditëve, ilustrojnë për të “idenë e rënies në altarin e lirisë të tre brezave.”

Botimi me pesë kapituj sjell dëshmitë e kolegëve që flasin për përkushtimin e Dr. Fahredinit ndaj shkencës së mjekësisë dhe si specialit obstetër gjinekolog që ka ndihmuar lindjen e 800 foshnjave në shtëpinë e tij kthyer në maternitet, rastet e lindjeve në male gjatë luftës, rrëfimet e luftëtarëve të UÇK-së të cilët kanë marrë ndihmën në çaste kritike nga mjeku e kirurgu i përgjithshëm si edhe kujtimet e ushtarëve që kanë ndjerë “kujdesin dhe fjalën e tij të ngrohtë.” Pasionin për artin dhe sportin e ka manifestuar tek poezitë, tek një seri me fotografi dhe si portier për 30 vjet në klubin futbollistik Bashkimi. Të pranishmëve ju dhurua vëllimi me poezi i Dr. Fahredini Vdekja e Një Nate, botim i Olymp Prishtinë, 2016. Emrin e doktorit e mban edhe turneu përkujtimor futbollistik i të rinjve, i ngritur tri vjet më parë. Bluza e bardhë e mjekut është në muzeun e Krushës, ku shkojnë çdo vit shumë vizitorë. Reparti i gjinekologjisë së Rahovecit mban emrin e mjekut dëshmor.

Besnik Hoti ka magjistruar në Marrëdhënie Ndërkombëtare Diplomaci, ka ligjëruar për një kohë në Universitetin Victory Prishtinë si edhe ka shërbyer në institucionet e Kosovës. Prej vitesh misioni i tij human është nderimi i emrit dhe trashëgimisë që ka lënë Dr. Fahredin Hoti. Pasi falënderoi stafin e Konsullatës së Përgjithshme të Kosovës, të ftuarit Gani Shehu, Uk Lushi, Shpend Gjocaj, u dha certifikatë mirënjohje Ambasadorin Reka dhe Joze Percollaj për kontributin financiar për nismën e botimit të monografisë.

Ashtu si në promovimet e librit në Prishtinë, Kroaci etj., edhe në këtë prezantim në Konsullatën e Kosovës në Nju Jork, Besniku e ka të vështirë të jetë ‘diplomat’ siç tha, sepse “sheh para syve babanë dhe vëllanë.” Historia prekëse, por e përjetuar nga shumë familje gjatë luftës, e humbjes së jetës të babait dhe birit adoleshent të vrarë në male është e lidhur ngushtë me vendlindjen por është “edhe apel për drejtësi për Krushën e Madhe,” vërejtën pjesëmarrësit. “Ishte moment frymëzues,” tha Diamant Hysenaj, sipërmarrës ndërtimtarie në Nju Jork, me origjinë nga Gjakova, i cili po fillon garën për të shkuar në Kongresin Amerikan. Duke e përgëzuar autorin për prezantimin, ai vuri në dukje se “frymëzimi buron nga besimi tek një kauze e madhe dhe e drejtë, siç është përfaqësimi i shqiptarëve në kongresin amerikan në Uashington.” Gjatë promovimit folësit i prezantoi znj. Elife Maxhuni Hoti. I ftuar në promovim ishte Sekretari i Federatës Pan-Shqiptare të Amerikës Vatra Dr. Pashko Camaj.

“T’ lumit ata!” ishin fjalët e dajës së Besnikut, i cili u nda nga jeta para pak kohe. Ai nxori nga xhepi foton e familjarit të tyre Ukshin Hotit e gjetur në portofolin e Dr. Fahredinit, së bashku me orën e tij. Fotoja si kujtesë e lidhjes së gjakut dhe flijimit për lirinë shkon me birin e mjekut kudo. Historia nuk është vetëm ngjarje e kohës së luftës në male, atë e sjell Besniku përmes monografisë për doktorin dëshmor Fahredin Hoti, rrëfimet e kolegëve, luftëtarëve dhe bashkëvendësve.