Presidenti Nishani i jep titullin “Nderi i Kombit” veprimtarit te dalluar te komunitetit z. Rrustem Gecajt/
TIRANE : Në një njoftim nga Tirana thuhet se Presidenti i Shqipërisë, Bujar Nishani ka nderuar sot me titullin Nderi i Kombit, veprimtarin e dalluar të komunitetit shqiptarë në SHBA, zotin Rrustem Gecaj i cili njëhereshit është edhe pronari i kantinës së verës Stone Castel, në Rahovec – Kosovë.
Në njoftimin zyrtar të presidencës thuhet se Presidenti i Republikës, Bujar Nishani i akordoi dt. 27/04/2015, nr. dekreti 9056 zotit Rrustem Gecaj Dekoratën “Nderi i Kombit” me motivacionin: “Në shenjë vlerësimi të lartë dhe respekti të thellë për veprimtarinë e tij të çmuar atdhetare dhe përkushtimin e paepur në shërbim, mbrojtje e mbështetje të çështjes kombëtare, si dhe për lartësimin e emrit dhe vlerave të rralla të bashkësisë shqiptaro-amerikane”.
Në Manhattan, New York, më 2 Qershor 2014- në Konsullatën e Republikës së Kosovës në Nju Jork, zotit Gecaj, i është dhënë nga Presidentja e Kosovës znj. Atifete Jahjaga Medaljen Presidenciale të Meritave.
Në një ceremoni duke i dorëzuar Medaljen Presidenciale të Meritave, me motivacionin “Për veprimtarinë dhe angazhimin në afirmimin e Cështjes Kombëtare”, zotit Gecaj, Ambasadori Bekim Sejdiu, ish – Konsulli i Përgjithshëm i Kosovës, në Nju Jork, përgëzoi z. Gecaj për kontributin e madh që ka dhënë për Kosovën, para dhe gjatë luftës, si dhe për kontributin që vazhdon të japë sot duke investuar në Kosovë –
Duke përuruar Sallën qendrore të Shtëpisë së Federatës Pan-Shqiptare të Amerikës VATRA, në 27 maj 2014, në Bronx – New York, u nderua me një pllakë bronxi veprimtari i dalluar i komunitetit Rrustem Gecaj. Në këtë veprimtari morën pjesë, udhëheqësit e Vatrës dhe dhjetra aktivistë e veprimtarë të komunitetit.
Në pllakën e vendosur në mur është gëdhendur shënimi: “The Renovation of these Premises Donated by Mr. Rrustem Gecaj – April 2014” (Rinovimi i këtyre mjediseve është dhuruar nga z. Rrustem Gecaj – Prill 2014) /Beqir SINA/
VATRANI SABIT BYTYÇI ORGANIZOI DARKË FONDMBLEDHËSE PËR VATRËN
*Diskutohet ideja për ndërtimin e një Platforme Strategjike për 100 vitet e ardhshëm për mbrojtejn e interesave kombëtare në SHBA/
Prej kohësh ka filluar një fushatë e Vatrës për të mbledhur fonde për sistemimin e arkivit, bibliotekës dhe mobilimit të sallës dhe zyrës. Dhuruesit e deritanishëm janë vatranët, kryesisht ata të Nju Jorkut, anëtarët e Këshillit, por ka pasë dhe dhurime më të rralla nga shtetet e tjerë, edhe pse në këtë fushatë janë të ftuar të marrin pjesë të gjithë vatranët sipas traditës së trashëguar në këta 103 vite jetë të Federatës VATRA. Deri javën e shkuar ishin mbledhë rreth 12 mijë dollarë.
Mbrëmjen e së Martës, me 21 prill 2015, në restorantin”Fiorino” në Nju Xhersi, vatrani i ka hershëm, atdhetari dhe biznesmeni Sabit Bytyçi,pronar i këtij restoranti, shtroi një darkë falas për të shtuar fondet për fushatën e Vatrës. Thirrjes së tij i ishin përgjigjur donatorë të përhershëm të çështjes kombëtare, të cilët dhuruan shuma të konsiderueshme. Ndër ta përmendim Harry Bajraktari, Rrustem Gecaj me djalin Avni dhe nipin Xhaferr, Zef Balaj, Sejdi Bytiçi, Sejdi Husenaj, Haxhi Hysenaj, kryetari Gjon Buçaj, Elmi Berisha, Anton Raja, Besim Malota, Sherif Nezaj, Tush Lleshaj, dhe Agim Rexhaj. Një dhurues i veçantë ishte biznesmeni nga Shqipëria, Kadri Morina. Një pjesë e të pranishmëve i kishin bërë dhurimet më parë në Vatër.
Kryetari i Vatrës dr. Gjon Buçaj e falenderoi z. Sabit Bytyçi për nismën e marrë për ta organizuar darkën falas për të shtuar fondet e Vatrës. Po ashtu ai falenderoi donatorët e përhershëm z. Harry Bajraktari dhe donatorët e tjerë. Një falenderim të veçantë i drejtoi edhe z. Rrustem Gecaj, që rikonstruktoi katin e parë të Vatrës dhe sërish i është bashkuar dhurimeve.
Kjo darkë shërbeu edhe për të diskutuar për të ardhmen e komunitetit shqiptar dhe një riorganizmi më të mirë, më efikas, më largpamës, me një strategji e platformë Kombëtare, ku të piketohet rruga e 100 vjetëshit të ardhshëm. Nëse Vatra dhe Komuniteti shqiptar për 100 vitetet e shkuara e kanë kryer detyrën ndaj Kombit, duke siguruar fillimisht pavarësinë e Shqipërisë, e më pas kanë dhënë kontribut të çmuar në çlirimin dhe pavarësimin e Kosovës,dhe i kanë shërbyer çështjes kombëtare në viset e tjera të vendlindjes, për 100 vitete e ardhshëm duhet ndërtuar një Platformë e qartë dhe të dimë se ku shkojmë dhe çfarë dëshirojmë të arrijmë. Këtë ide e promovoi biznesmeni i njohur dhe veprimtari i shquar i çështjes Kombëtare, z. Harry Bajraktari. Ideja u përkrah dhe u debatua nga pjesmarrësit, ku shfaqën idetë e tyre: Rrustem Gecaj, Gjon Buçaj, Zef Balaj, Mithat Gashi, Agim Rexhaj, Asllan Bushati, Sabit Bytyçi, Besim Malota, Anton Raja,Marjan Cubi, Zef Përndocaj, Sejdi Hysenaj, Sherif Nezaj e të tjerë.
Dr. Naim Dedushaj,drejtor i Drejtorisë për Investimet e Diasporës në Qeverinë e Kosovës, i pranishëm në darkë, i falenderoi pjesmarrësit, i përgëzoi për organizimin, dhe informoi për masat e reja që po merr Qeveria e Kosovës, për të luftuar korrupsionin dhe për të krijuar lehtësira për investimet nag diaspora. Ai i përgëzoi investitorët e deritanishëm në Kosovë dhe i ftoi ata që t’i rrisn investimet sepse Kosoav ka shumë nevojë për to. Ai iu përgjigj pyetjeve të biznesmenëve të cilët paraqitën vërejtjet e tyre për burrokracinë, vonesat, por sidomos për korrupsionin dhe sigurinë e investimeve.
Gjatë darkës u mblodhën 13, 400 dollarë. Dhurimit i prinë sipas shumave: Harry Bajraktari, Rrustem Gecaj, Xhaferr Gecaj, Kadri Morina, Haxhi dhe Sejdi Hysenaj, Gjon Buçaj, Zef Balaj, Elmi Berisha, Anton Raja, Besim Malota,Sejdi(Sergio) Bitiçi etj. Dr. Gjon Buçaj i falenderoi donatorët dhe organizatorin.
Liista e plotë e dhuruesve, përfshirë edhe ata që kan dhuruar më parë, do të botohet në Gazetën Dielli.Fushata vazhdon edhe për degët, sipas mundësive.(d greca)
“STONE CASTLE” E RRUSTEM GECAJ FITON NE JAPONI
Vera e Rahovecit – Kosovë merrë pjesë në panairin më të madh të ushqimit FOODEX 2015 në Japoni/
Nga Beqir SINA – New York/
TOKIO JAPONI: Nga 3 deri në 5 Mars 2015, në Tokio Japoni është organizuar një prezantim ndërkombëtar të Produkteve Ushqimore dhe Eksportuese prodhimeve bujqësore me partnerët e saj në Japoni – me pjesmarrjen për her të parë edhe prodhimet e kompanisë kosovare “Stonecastle Vineyards and winer y “L.L.C.
Eshtë, interesant fakti se vera e kësaj kompanie Stone Castle nga Kosova, është me pronar një shqiptaro amerikan zotin Rrustem Geci – një nga investitorët e parë dhe të fuqishëm në Kosovë – i cili arriti të prezantojë produktet e saj mbas Europës, SHBA, edhe në Japoni, në mesin e prodhuesve të verërave nga më të njohurat në botë.
Vera e Rahovecit Stone Castle, thuhet se udhëtoi për në Japoni për të marrë pjesë në ekspozitën e FOODEX 2015 me një qëndrim të veçantë për herë të parë, informon shtypi japonez, i cili në gazetat kryesore e ka pikasur këtë verë si ndër më të mirat.
Panairi i ushqimit “Foodex 2015” është më i madhe në industrinë e ekspozitave të ushqimit vjetor në Azi-Paqësor.
“Ne jemi të kënaqur që japonezët kanë gjithnjë e më shumë mundësi për të provuar vitet e fundit edhe produktet ushqimore të Kosovës. Ne shpresojmë se prodhuesit kosovar do të hyjnë në tregun japonez më me guxim dhe se biznesmenët japonezë do të kenë mundësinë për të furnizuar konsumatorët e tyre me cilësi të tregtueshme dhe të produkteve nga Kosova,” ka thënë një përfaqësues i kësja kompanie për shtypin japonez.
Në rrejtin social facebook, thuhet se vera e Rahovecit Stone Castle, i është prezantuar përfaqësuesve të shoqatave japoneze të biznesit, dhe kompanive tregëtare të interesuara për blerjen dhe shpërndarjen tregtare të kapaciteteve e prodhuesve të kësaj kompanie, për të furnizuar tregun multimillion japonez me një grup të madh të mallrave, që vijnë nga e gjithë bota.
Vreshtaria dhe Verëtaria “Stonecastle Vineyards and winery” L.L.C. në Rahovec është prodhuesi më i madh i verës në Kosovë dhe ndër më të mëdhenjët në Ballkan.
Kjo kompani ka filluar veprimtarin prodhuse, që nga viti 1953, fillimisht si Ndërmarrje Shoqërore, ndërsa privatizuar , nga pronari i saj shqiptaro amerikan Rrustem Gecaj dhe Hysen Gecaj, në gusht të vitit 2006. Kompania “Stonecastle Vineyards and winer y “L.L.C. posedon me 2200 Hektar tokë bujqësore, nga të cilat 650 hektar janë vreshta aktive. Kapacitetet rezervuese të Verëtarisë janë 300 000 HL, nga të cilat 50 000 HL janë fuqi druri, për verat e cilësisë së lartë.
Sipas burimeve arkoologjike, në Regjionin e Rahovecit është kultivuar rrushi, nga i cili është prodhuar vera, që në Iliri, duke u falenderuar kushteve të volitshme agro-klimatike të këtij regjioni.
Vera e cila quhet Stonecastle Vranac Premium 2007 vjen nga lugina e Rahovecit të Kosovës dhe është e bërë nga lloji më i vjetër i rrushit në botë, vranac, që është rrush origjinal i Ballkanit.
Shishet e para dolën në shitje në fillim të marsit 2007 dhe para promovimit u shitën £7.99 për shishe.
Vera kultivohet në Kosovë për më se 2000 vite dhe ka një klimë kontinentale ideale për vreshtari, por vetëm tash ia ka arritur që të filloj të bëj emër në botë. Gjatë kohës së ish Jugosllavisë komuniste verërat e Kosovës eksportoheshin nëpërmjet Beogradit.
Stonecastle Vranac Premium 2007 ka marrë kritika të mira nga testuesit e verës. Siç tha një testues vere, Richard Ehrlich: “Po testoja këtë verë intriguese për më shumë se tre orë në mbrëmjen e të premtes së kaluar, dhe sa më shumë që pija, aq më shumë më pëlqente”.
Kjo kompani prodhon 10 lloje verërash nga më të famshmet në botë.
Vera e Rahovecit ka filluar të dalë për herë të parë në tregun botërorë, 6 vjet më parë kur ajo folli të shitet në supermarketin e mirënjohur britanik Waitrose – me qëllim promovimi me £5.69, 25% më lirë se zakonisht.
AMBASADORI BEKIM SEJDIU I DORËZOI Z. RRUSTEM GECAJ MEDALJEN PRESIDENCIALE TË MERITAVE
Manhattan, New York, 2 Qershor 2014- Në Konsullatën e Republikës së Kosovës në Nju Jork, u organizua të Hënën, me 2 qershor 2014, ceremonia e dorëzimit të Medaljes, akorduar nga presidentja e Republikës së Kosovës zonja Atifete Jahjaga, biznesmenit dhe veprimtarit të palodhur, z. Rrustem Gecaj. Duke i dorëzuar Medaljen Presidenciale të Meritave, me motivacionin “Për veprimtarinë dhe angazhimin në afirmimin e Cështjes Kombëtare”, zotit Gecaj, ambasador Bekim Sejdiu, Konsull i Përgjithshëm i Kosovës, përgëzoi z. Gecaj për kontributin e madh që ka dhënë për Kosovën, para dhe gjatë luftës, si dhe për kontributin që vazhdon të japë sot duke investuar në Kosovë. Ne,- tha, z. Sejdiu, kemi qenë me fat që kemi pasë këtu në SHBA një diasporë të fuqishme, patriote, ndikuse në Ëashington, të përkushtuar dhe të pakursyer për të ndihmuar Kosovën. Edhe kur nuk kishim shtetin e Kosovës, ne i kishim ambasadorët këtu, ishit ju shqiptarët e Amerikës, që nuk kursyet asgjë për t’ia lehtësuar dhimbjet e plagëve Kosovës tonë të robëruar. Në mënyrë të vecantë, ju me z. Harry Bajraktari, dajë e nip, Kosova ua di për nder kontributin, që keni dhënë dhe vazhdoni të jepni. Kjo medalje e meritave që po ju dorëzojmë sot, është një vlerësim moral, por që tregon se Kosova ju ka në kujtesë dhe e cmon punën tuaj. Ne jemi me fat që kemi Amerikën në krah dhe nuk duhet ta rreshtim punën tonë për ta forcuar këtë miqësi, përfundoi Konsulli i përgjithshëm Bekim Sejdiu.
Biznesmeni dhe veprimtari i njohur i komunitetit shqiptar në Nju Jork, z. Harry Bajraktari, falenderoi presidenten e Kosvës zonjën Atifete Jahjaga për dekorimin që i bëri Rrustemit, duke treguar edhe një herë që nuk e harron kontributin e diasporës. Ky nuk është vetëm një nderim që i bëhet një personi, por vlerësim i komunitetit shqiptar në Amerikë. Ajo c’ka ne kemi dhënë për Kosovën është obligim moral që kanë bijtë për vendlindjen.
Duke marrë dekoratën e akorduar nga presidentja Jahjaga, zoti Rrustem Gecaj tha se ndjehet i vlerësuar nga ky nderim që i ka bërë presidentja e Kosovës, duke e nderuar me Medaljen e Meritave. Kemi bërë sa kemi pasë mundësi për vendin tonë dhe nuk do të ndalemi edhe për të ardhmen. Ky nderim i presidentes na i shton më shumë obligimet ndaj Kosovës tonë, ndaj popullit tonë. Na duhet më shumë punë në Kosovë me qëllim që të hapim sa më shumë vende pune me investimet tona që të lehtësojmë sa të mundim plagët e papunësisë , prej të cilave po vuan paslufte vendi ynë.
Në takim kanë qenë të pranishëm edhe veprimtari veteran i Legalitetit dhe i Federatës Panshqiptare të Amerikës VATRA Musli Mulosmanaj, Haxhi Elez Osmanaj, dr. Hasan Ademaj, Xhaferr Gecaj, Avni Gecaj. Zotërinjët Musli Mulosmanaj, Elez Osmanaj dhe zoti Rraci, kanë vlerësuar kontributin për Kosovën që ka dhënë z. Rrustem Gecaj, bashkë me të edhe të z. Harry Bajraktari. Takimi ka vazhduar për më shumë se një orë dhe kishte formën e një kuvendi zhvilluar ndër odat e Kosovës. Janë kujtuar aty veprimtaritë për Kosovën në SHBA, demonstratat në Washington, New York, etj., takimet me politikanët amerikanë, kontributi i shqiptarëve të Amerikës, lufta e UCK-së, gjaku i derdhur për liri, presidenti Rugova, ndërhyrja e NATOS nën drejtimin e Amerikës. Ne, tha z. Harry Bajraktari, jemi ndjerë të lehtësuar, kur kemi parë bombardimet e aeroplanëve të NATO-s dhe pas atij momenti ishim të bindur se liria e Kosovës ishte akti i pakthyeshëm. Gjithcka e kemi bërë me zemët për Kosovën tonë.(d Greca)
Festë në Shtëpinë e Vatrës
Rrustem Gecaj, biznesmeni që ndihmon këdo kreu edhe rinovimin e Shtëpisë së Vatrës, duke e bërë atë me një pamje të re.
Nga Beqir SINA/
BRONX NEW YORK : Duke përuruar Sallën qendrore të Shtëpisë së Federatës Pan-Shqiptare të Amerikës VATRA, të shtunën në mesditë, në Bronx – Nju Jork, u nderua me këtë rast me një pllakë bronzi, ku është gëdhendur motivacioni: “The Renovationof these Premises Donated by Mr. Rustem Gecaj – April 2014” – veprimtari i dalluar i komunitetit Rrustem Gecaj. Në këtë veprimtari morën pjesë, udhëheqësit e Vatrës dhe dhjetra aktivistë e veprimtarë të komunitetit, si dhe shumë personalitete të shquara.
Me këtë rast shoqata Vatra shtroi edhe një koktejl I pasur me pije dhe ushqime tradicionale.
Kryetari i Vatrës, Dr Gjon Buçaj, duke ju uruar mirëseardhjen, të pranishëmeve, për t’u bërë së bashku për të nderuar me nji shenjë – mirënjohjeje, zotin Rrustem Gecaj, për punën dhe kontributin e tij personal, që ka bër në shtëpin e VATRËS, e faleminderojë, atë, duke e vlersuar lart ndihmën e tij dhe të gjithë vatranëve të tjerë.
“Nuk ka shumë kohë, kur Rrustemi , tha kreu i Vatranëve, Dr Buçaj, erdhi këtu dhe na nderoi, duke na dorëzuar, çelsat e rinjë të zyrës dhe të sallës, të cilën ai e rinovoi me punëtorët e tij, dhe e bëri, këtë sallë të madhe, kaq funksionale dhe kaq të bukur – Pikërishtë, kështu si po i shofim sot, me shumë gëzim dhe me krenari, për gjestin e tij bujar. Prej, tani, ne Vatranët, shtoi kryetari, ne do të presim vizitorë dhe të gjithë miqt e Vatrës, që të vijnë me shumë dëshirë, me pa “Shtëpin e Re” të kësaj organizate, famëmadhe kombëtare, e cila ka brenda saj edhe arkivin historik dhe koleksionin e gazetës “DIELLI”, gazetës, më të vjetër shqiptare, që është ende në duart e lexuesve shqiptarë”. Më pasë Dr. Buçaj, i dhurojë zotit Rrustem Gecaj, në emër të Federatës PanShqiptare të Amerikës VATRA, një korrnizë Mirënjohje, ndërsa në murin e sallës së madhe, zbuloi një pllakë bronzi, me emrin e kontribuesit Rrustem Gecaj, e cila është e vendosur në faqen e murit hyrës, dhe që simbolizon vlerësimin dhe mirënjohjen e Vatrës, për punën e bukur dhe bujare, të tij.
Për këtë gjest të Gecajt, foli edhe nën/kryetari i Vatrës, zoti Agim Rexhaj, i cili e faleminderojë, përzemërsisht, zotin Gecaj – për këtë kontribut, të cilin ai e quajti edhe një medalje, tjetër në gjoksin e Rrustem Gecajt, si kontribues i madh i çështjes kombëtare.
“Ai ka treguar, tha Rexhaj, se sa më shumë të kontribojmë për këtë komunitet, aq më të fortë bëhemi ne të gjithë. Dhe, natyrisht, kur flasim për kontributin,e Gecaj i cili është natyrisht i madh dhe i vlersuar, gjejmë rast, dhe më shumë vend për të faleminderuar, dhe, shprehur mirënjohjen tonë të thellë edhe për kontributin e tyre, të madh, në Vatër, prej të ndjerit Antoni Athanas, ish kryetarit zotit Agim Karagjozi( të cilit, i urojmë shëndet të plotë), Vatrani që gjeti shtëpin e Vatrës, mëpastaj; vatranët e vjetër, kontribues si zotin Sejdi Husenaj, dy vëllezërit Bytyçi, zotin Ibrahim Kolari, z. Jonuz Ndreu, Marijan Cubi, Ahmet Hoti, Zef Bala, dhe z. Hajdar Tonuzi,”
Kurse, zonja, Nazo Veliu, Sekretare e Vatrës, duke faliminderuar zotin Rrustem Gecaj, tha se :”Dashuria dhe mënçuria e shqiptarëve në diasporë, ka bërë që Vatra, të jetë shoqata më jetëgjatë dhe kjo falë asaj shqiptarizmës, të, të gjithë atyre shqiptarëve, në breza që dhanë dhe kontribuan që Vatra të rrojë deri në ditët tona, duke përcjell “zjarrin e saj” tek gjithë shqiptarët e Amerikës, por edhe për tej oqeanit, në Shqipëri, Kosovë, Çamëri dhe të gjitha trojet shqiptare, “.
Të gjitha falenderimet dhe mirënjohjet erdhën nga Vatranët!
Edhe, nënkryetari i Vatrës, zoti Asllan Bushati, u shprehu në emër të Vatrës, me një mirënjohje dhe respekt të veçantë për Rrustem Gecaj, dhe veprimtarin Harry Bajraktari. Ai duke u përqëndruar në fjalën e tij – tek ato kontributet e tyre madhore për çështjen shqiptare, duke iu bashkëngjitur edhe shumë veprimtarëve të tjerë të komunitetit tha se :” Gecaj, ka qenë modeli i kontributit të tij, edhe në Kosovë, ku mund të veçojë krahas asaj në fushën e biznesit, Kantinën e Verës, por edhe një shtëpi të ndërtuar prej tij, e cila është një Kullë- model, ku janë të gërshetuara , tradita e vjetër shqiptare, e atyre anëve me të renë, dashuria dhe krenaria për familjen dhe historinë, e kësaj familje”.
Veprimtari i njohur i komunitetit, dhe një nga kontribuesit e Vatrës, Harry Bajraktari, duke folur në këtë veprimtari, e quajti këtë kohë si më të artën për shqiptarët, dhe këtë ai ia faturojë, gjithë popullit shqiptarë, duke veçuar me këtë rast rolin dhe kontributin e shqiptarëve të Amerikës, prej nga klubet dhe kolonit e para dhe deri në ditën e sotme.
“Ne jemi me fatë të përjetojmë këto ndryshime të mëdha, dhe arritje që kurr nuk i kishim parë, më parë tha zoti Bajraktari, duke vënë në pah edhe rolin dhe kontributin e shqiptarëve të Amerikës, gjatë gjithë këtyre viteve, për të drejtat e shqiptarëve nën ish Jugosllavi, demokratizimin e Shqipërisë, rënjen e komunizmit, Shqipërinë në NATO, lirinë, çlirimin dhe pavarësinë e Kosovës, më shumë të drejta për shqiptarët në trojet e tyre, në Mal të Zi, Maqedoni dhe Luginën e Preshevës”.
Ndërsa, duke folur për kontributin e mikut të tij Rrustem Gecaj, dhe bashkëatdhetarëve të tjerë, Bajraktari, e quajti atë si një “borxh”, që duhet kthyer kësaj shoqate, të bekuar, shoqatës së parë dhe më të vjetër të shqiptarëve të Amerikës, Vatrës, nga çdo shqiptarë, për atë që ka bërë Federata Vatra, e cila ka shkruar një histori, që nuk e ka asnjë organizat, apo shoqat tjetër, jo vetëm në botën shqiptare, por nga të gjitha komunitetet e botës, dhe që do t’ja kishin zili e gjithë bota.
Për, Bajraktarin ” Federata PanShqiptare VATRA, është një pasuri e madhe kombëtare në diasporë, e cila duhet të ketë edhe mbështetjen e të dy shteteve, tona, sugjeroi ai – Kosovës dhe Shqipërisë, dhe të gjithë ne shqiptarëve, sidomos këtu në SHBA, për të gjetur rrugët sesi t’a forcojmë dhe t’a ngremë, edhe më lart Vatrën, dhe se si t’a ruajmë atë dhe zgjerojmë për brezat e ardhshëm – Ai shtoi se këtë pasuri kaq të vlëfëshme kombëtare, për të gjithë ne shqiptarët, kudo që jemi – ka ardhur koha që çdo shqiptar duhet t’a ndihej veten sadopak Vatranë, duke kontribuar sadopak”
Anëtari i vjetër vatranë, Zef Përndocaj, duke faleminderuar Gecajn, vuri në dukje se të gjitha faleminderimet dhe mirënjohjet, shkojnë në fillim këtë ditë edhe për Presidentin e Nderit të Vatrës, zotin Agim Karagjozi, zotin Jonuz Ndreu, Hajdar Tonuzi, dhe të gjithë atyre vatranëve që për arsye moshe apo shëndetësore, mungojnë sot, pran nesh, por kan qenë gjithmon me ne dhe me Vatrën.
Në fjalën e tij ish ambasadori i Shqipërisë në OKB, avokati Adrian Neritani, nënvizojë faktin që ende ka njerëz të cilët e mbajnë dhe e ruajn Vatrën, janë dhe do të jenë me Vatrën. “Fakti, që njëqindë vjet kan kaluar dhe Vatra mbijeton , pavarësisht, moshës së saj, vështërsive dhe kohës dhe rrethanave, që ka kaluar, Vatra me ndryshimet e mëdha, tash mendohet në 100 vjet e ardhëshme – ku ajo ka edhe një sfidë jo të lehtë për të përballuar- Mbasi, edhe mundësit e mëdha vijnë edhe me përgjegjësit e mëdha – për të përballuar realitetin e ri shqiptarë, dhe kjo na përket ne të gjithëve si Vatran dhe si komunitet shqiptarë”.
Kjo, sugjeroi avokati Neritani, duhet parë në aspektin sesi duhet ta përjetojnë rolin e Vatrës në Amerikë, nga shqiptarët, në përshtatje me zhvillimet rajonale, bëhet fjalë. “Ku, për mendimin tim, u shpreh ai ajo është një proces i cili ka filluar dhe duhet çuar më përpara – por varet se si do të organizohemi ne, shqiptarët në këtë fazë, që na takon ne të gjithëve”.
Me këtë rast, foli dhe zoti Elmi Berisha, kryetar i degës së Vatrës së Qarkut Hudson Valley, i cili u shpreh se “Vatra, u përket të gjithë shqiptarëve, dhe do të shtrijë aktivitetin e saj – sipas mundësisve në të gjithë diasporën, duke iu përmbajtur gjithmon principeve të saj prej se kur u krijua ajo, duke marrë me vete ndihmën dhe kontributin e të gjithë ne shqiptarëve”.
Ndërkohë, në cilësinë e kryetarit të degës së Qarkut Hudson Valley, zoti Elmi Berisha, në fillim të fjalës së tij, falemnderojë, Rrustem Gecajn dhe të gjithë vatranët si dhe dashimrët të Vatrës, që të bëjnë edhe më shumë punë për vendin tonë, dhe për veten tonë, duke mendur dhe pak me ndryshe:” Të mendojmë dhe të përkushtohemi me të gjitha energjitë tona – se si t’i integrojmë fëmijët tanë dhe familjet tona në ato që ne kemi bërë me vite ose çfarë bënë burrat e mëdhënjë të kombit tonë, sidomos, këtu në mërgim vite të shkuara, për kombin tonë”
Më pasë zoti Elmi Berisha, informojë pjesmarrësit edhe për takimet e suksesshëme në Kosovë mes biznesmenve dhe afaristëve shqiptarë të diasporës – “Rrjetizimin e bizneseve të diasporës”, të cilët si tha ai janë si bërthamë e rrjetëzimit të bizneseve shqiptare në, Europë, Australi, dhe Shtetet e Bashkuara dhe Kanada, dhe kan marrë një shtrirje të madhe.
Në fund përshëndetën këtë veprimtari dhe falenderuan zotin Rrustem Gecaj, dhe të gjithë vatranët për kontributin e tyre në vite,: editori i Diellit, Dalip Greca, Mithat Gashi, vatranët e tjerë, Mehmet Kadrija , avokati Ylber Dauti, Musli Mulosmani, Ahmet Hoti,Ndrec Gjergji, Marijan Cubi, Simon Qafa, Bashkim Musabelliu, gazetarët Halil Mula, dhe Adem Belliu dhe të tjerë.