Shqiperi-Kosove – Dielli

Nga Behlul Jashari/

Nënshkruhet marrëveshja e bashkëpunimit për huazimin e kamerave regjistruese nga KQZ-ja e Shqipërisë

Tiranë, 31 gusht 2021 – Komisioni Qendror i Zgjedhjeve i Kosovës dhe Komisioni Qendror i Zgjedhjeve i Shqipërisë, nënshkruan marrëveshje bashkëpunimi. Ceremonia e nënshkrimit u zhvillua në Tiranë dhe në emër të dy institucioneve nënshkruan Kryetari i KQZ-së së Kosovës, z. Kreshnik Radoniqi dhe Komisioneri Shtetëror i Zgjedhjeve i Shqipërisë, z. Ilirjan Celibashi.

Pëmres kësaj marrëveshje bashkëpunimi bëhet e mundur huazimi i 50 kamerave regjistruese nga KQZ-ja e Shqipërisë, të cilat do të përdoren gjatë proceseve të ndryshme në Qendrën e Numërimit dhe Rezultateve, përfshirë numërimin e votave me kusht dhe atyre me postë si dhe gjatë rinumërimit eventual të vendvotimeve.

Kryetari i KQZ-së, Kreshnik Radoniqi u shpreh se përdorimi i këtyre kamerave regjistruese në QNR do të ndihmonte KQZ-në në rritjen e besueshmërisë së qytetarëve dhe kandidatëve në aktivitetet që zhvillohen në këtë qendër. Ai kujtoi se në QNR zhvillohen disa procese të rëndësishme pas ditës së zgjedhjeve, siç janë numërimi i votave me kusht, votave me postë dhe rinumërimi i vendvotimeve, prandaj monitorimi më i madh i këtyre aktiviteteve do të ndihmonte KQZ-në për ruajtjen e integritetit të zgjedhjeve.

Ndërkaq, në fjalën e tij, Komisioneri Shtetëror i Zgjedhjeve, Ilirjan Celibashi tha se Republika e Shqipërisë, në zgjedhjet e fundit parlamentare që u mbajtën më 25 prill, ka përdorur kamerat në të gjitha qendrat e votimit dhe kjo ishte një garanci e shtuar për procesin zgjedhor.

Drejtuesit e dy institucioneve u dakorduan për vazhdim të bashkëpunimit në të ardhmen, të cilat kanë për qëllim rritjen e përformancën se administratës zgjedhore dhe standardeve zgjedhore.

-Dhe akujt kanë shkrirë-LIGË E PËRBASHKËT BASKETBOLLI SHQIPËRI-KOSOVË-

-Shqipëria dhe Kosova do të kenë një ligë të përbashkët në basketboll dhe ajo tashmë është aprovuar dhe njihet edhe nga FIBA. Liga do të quhet Unike, ashtu sic eshte unike endra e tifozave kuqezinj, Një komb, një Kombëtare….

NGA ALBANO KOLONJARI-

E vonuar, por më në fund u bë:E jashtëzakonshme dhe historike. Basketbolli realizon një ëndër Unike. Shqipëria dhe Kosova do të kenë një ligë të përbashkët në basketboll dhe ajo tashmë është aprovuar dhe njihet edhe nga FIBA. Liga do të quhet Unike, ashtu sic eshte unike endra e tifozave kuqezinj, Një komb, një Kombëtare, një Ligë të përbashkët në të gjitha sportet. Logoja e Ligës Unike ka simbolikë të saj një mburojë Ilire. Basketbolli është i pari sport në mes dy vendeve tona që krijoi një ligë të përbashkët të kësaj natyre. Në një ceremoni të mbajtur në Tiranë, mbrëmjen e 10 shtatorit 2020, Presidenti i Federatës së Basketbollit Shqipëtar, Avni Ponari dhe Presidenti i Federatës së Basketbollit së Kosovës, Arben Fetahu, firmosën në prani të Ministres së Kulturës, Rinisë dhe Sportit të Kosovës, Vlora Dumoshi, Ministres së Arsimit, Sportit dhe Rinisë së Shqipërisë, Besa Shahini, dhe Kryeministrit shqiptar Edi Rama, Kryetarit të FIBA në Europe, Turgay Demirel krijimin e Ligës Unike. Kjo ligë do të ketë 8-të ekipe, katër nga Shqipëria dhe katër nga Kosova. Interesant është fakti që ndeshjet kjo Ligë do ti zhvillojë krahas kampionateve kombëtare. Kryetar i Ligës Unike do të jetë Ilir Trebicka, një emër i njohur i basketbollit shqiptar, anëtarë, Edmond Biqoku, Shaqir Totaj, Korab Llazani, Dren Zatriqi dhe Elvira Dushku. Sekretar teknik do të jetë Fidan Hamiti. Ministrja Besa Shahini, tha se:” Krijimi i Ligës Unike në basketbollit i bën bashkë shqiptarët në të dyja anët e kufirit. Unë shpresoj që ky projekt të zgjerohet edhe pertej Kosoves dhe Shqipërisë, duke përfshirë edhe shqiptarët në Luginën e Preshevës, dhe të Mal të Zi”. Ministrja Vlora Dumoshi, tha se: idenë e kryetarit tëFBK-së, Arben Fetahu, e kam përkrahur pa mëdyshje dhe pa hezitim dhe jam shumë e lumtur që jam sot këtu”. Kryetari i parë i Ligës Unike, tha se: “falenderoj të dyja qeveritë për njohjen e kësaj nisme. Është një ligë e veçantë për mbarë kombin shqiptar”. Ndërsa iniciatori i krijimit të kësaj Lige, Kryetari i FBK-së, Arben Fetahu, Kryetari i FBK-së, u shpreh se kjo ligë u bë realitet përkundër shumë sfidave”. Krijimi i Ligës Unike në basketboll është përshëndetur edhe nga grupimi i njohur “tifozat kuqezinj”. “Sot basketbolli, le të vazhdohet me futbollin dhe sportet e tjera”, shprehen ata në faqen e tyre zyrtae në Facebook. “Një Komb, një Kombëtare, Një ligëshqiptare”. Gjithashtu janë përcaktuar edhe skuadrat e para që do të garojnë në këtë Ligë. Nga Shqipëria, Partizani, Vllaznia, Goga Basket dhe Teuta. Nga Kosova Sigal Prishtina, Rahoveci, Peja dhe Golden Eagle Ylli. Gazeta Dielli i uron Ligës Unike, fat dhe mbarësi. Good Luck.