• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SHQIPERI-KOSOVE, MARREVESHJE E KOMISIONEVE PER ZGJEDHJE

August 31, 2021 by s p

Nga Behlul Jashari/

Nënshkruhet marrëveshja e bashkëpunimit për huazimin e kamerave regjistruese nga KQZ-ja e Shqipërisë

Tiranë, 31 gusht 2021 – Komisioni Qendror i Zgjedhjeve i Kosovës dhe Komisioni Qendror i Zgjedhjeve i Shqipërisë, nënshkruan marrëveshje bashkëpunimi. Ceremonia e nënshkrimit u zhvillua në Tiranë dhe në emër të dy institucioneve nënshkruan Kryetari i KQZ-së së Kosovës, z. Kreshnik Radoniqi dhe Komisioneri Shtetëror i Zgjedhjeve i Shqipërisë, z. Ilirjan Celibashi.

Pëmres kësaj marrëveshje bashkëpunimi bëhet e mundur huazimi i 50 kamerave regjistruese nga KQZ-ja e Shqipërisë, të cilat do të përdoren gjatë proceseve të ndryshme në Qendrën e Numërimit dhe Rezultateve, përfshirë numërimin e votave me kusht dhe atyre me postë si dhe gjatë rinumërimit eventual të vendvotimeve.

Kryetari i KQZ-së, Kreshnik Radoniqi u shpreh se përdorimi i këtyre kamerave regjistruese në QNR do të ndihmonte KQZ-në në rritjen e besueshmërisë së qytetarëve dhe kandidatëve në aktivitetet që zhvillohen në këtë qendër. Ai kujtoi se në QNR zhvillohen disa procese të rëndësishme pas ditës së zgjedhjeve, siç janë numërimi i votave me kusht, votave me postë dhe rinumërimi i vendvotimeve, prandaj monitorimi më i madh i këtyre aktiviteteve do të ndihmonte KQZ-në për ruajtjen e integritetit të zgjedhjeve.

Ndërkaq, në fjalën e tij, Komisioneri Shtetëror i Zgjedhjeve, Ilirjan Celibashi tha se Republika e Shqipërisë, në zgjedhjet e fundit parlamentare që u mbajtën më 25 prill, ka përdorur kamerat në të gjitha qendrat e votimit dhe kjo ishte një garanci e shtuar për procesin zgjedhor.

Drejtuesit e dy institucioneve u dakorduan për vazhdim të bashkëpunimit në të ardhmen, të cilat kanë për qëllim rritjen e përformancën se administratës zgjedhore dhe standardeve zgjedhore.

Filed Under: Kronike Tagged With: Marreveshje elektorale, Shqiperi-Kosove, zgjedhjet

Marko Kepi deklaratë për mediat: Lobi grek frikë nga Çamëria

July 18, 2021 by s p

Marko Kepi, kandidati republikan për Këshillin e Bashkisë Nju Jork, në një deklaratë për mediat ka sqaruar opinionin publik rreth përplasjes në Komisionin e Numërimit të votave, padinë për racizëm dhe manipulim rezultatesh si pasojë e mos numërimit të votave shqiptare. Marko Kepi akuzon Georgia  Kontzamanis, me pozicion Drejtoreshë e KQZ-së në Nju Jork e cila sipas Kepit ka provuar çdo mundësi brenda dhe jashtë ligjit që shqiptarëve në Staten Island Nju Jork mos t’u numërohen votat. Një sulm i drejtpërdrejtë ndaj Kepit së bashku me politikanë të tjerë grekë- amerikan kanë bërë të mundur mohimin e numërimit të votave të 370 shqiptarëve, e ndërsa politikanë shqiptarë në Nju Jork po heshtin. Georgia, sipas Marko Kepit është një aktiviste e Komunitetit Grek në Nju Jork dhe një nga Drejtueset e Parades Greke në Manhattan ku çdo vit marshojnë me parulla “Vorio Epiri” dhe propoganda të ndryshme. Një rast që vlen për t’u përmendur është kur Marko Kepi organizoi Paraden për Çamërinë në zemër të Nju-Jorkut, Georgia përdori pushtetin e saj brenda partisë së vetë asaj Republikane që Senatori Golden, t’a pushonte Kepin nga puna, nga zyra dhe ambientet e tij, ku Kepi për një kohë të gjatë ka qenë pjesë e stafit të Senator Marty Golden, por ky i fundit ka refuzuar në mënyrë kategorike të bëjë një veprim që i kërkohej patjetër për heqjen nga puna të Kepit. Në fushatën për Asamble që Kepi garoi kundër Michael Tannousis, ajo drejtoi fushatën e grekut kundra Kepit dhe bëri gjithçka që shqiptarët e sapo regjistruar për të votuar mos të kishin të drejtë vote në “primary” gjë që i kushtoi Kepit rreth 800 vota. Ndërsa këtë vit që matematikisht Kepi ka fituar, Georgia Kontzamanis ka ndaluar numërimin e 370 votave të shqiptarëve dhe KQZ i dha Kepit vetëm 7 ditë që ti kontaktojë 370 shqiptarë që të firmosnin formularin ku ato vërtetonin se kanë votuar dhe vota e tyre t’u numërohet. Për shkak të afatit të shkurtër kohor dhe shumë shqiptarë u gjenden në pushime, ekipi i Kepit siguroi 330 firma nga 370 që përsëri i siguronin Kepit fitoren me 130 vota plus. KQZ e Shtetit te Nju Jorkut dha urdhërin që çdo votë të numërohet me 15 Korrik. Kur filloi numërimi nga 156 zarfa që u hapen 155 vota ishin të Kepit. Në atë moment KQZ lokale Staten Island ndaloi numërimin e 175 votave që kishin mbetur dhe i quajti “të pa vlefshme”.  Sot kundërshtari i Kepit është vetëm 41 vota përpara që e çon këtë garë sipas ligjit në gjygj dhe në rinumerim të çdo vote nga fillimi i procesit. E gjitha kjo lojë po bëhet që të përfitojë  kundërshtari demokrat që Kepi të ketë sa më pak kohë të bëjë fushatë në garën gjenerale që cakton fituesin e Këshillit Bashkiak Qarku 50. Rinumërimi i votave fillon më 27 Korrik 2021 dhe seanca gjygjësore fillon më 9 Gusht 2021. Dita e votimeve gjenerale është më 2 Nëntor 2021- thuhet në deklaratën publike të kandidatit republikan Marko Kepi.

Filed Under: Politike Tagged With: Bashkia New York, Marko Kepi, zgjedhjet

ZGJEDHJET NE SHBA-Shtetet kyçe vazhdojnë numërimin

November 5, 2020 by dgreca

Kandidati demokrat, Joe Biden, mori hov të madh në zgjedhjet presidenciale në SHBA pas parashikimeve për fitoren e tij në Miçigen dhe Uiskonsin. Megjithatë, numërimi i votave vazhdon në disa shtete kyçe, duke e lënë të paqartë rezultatin edhe dy ditë pas zgjedhjeve.

Me 16 votat elektorale të Miçigenit dhe 10 të Uiskonsinit, Biden ka 253 vota elektorale, përballë presidentit Donald Trump me 214 vota elektorale.

Fitimet në Arizona dhe Nevada – dy shtete të vëzhguara nga afër në mesin e atyre që ende numërojnë – do t’i jepnin Bidenit 270 votat e nevojshme elektorale.

Fitoret e Bidenit në Miçigen dhe Uiskonsin e lanë Trumpin, i cili i fitoi të dyja këto shtete më 2016, me më pak mundësi për të fituar.

Fushata e Trumpit, republikan, tha se do të kërkojë rinumërim të votave në disa qarqe të Uiskonsinit, edhe pse ekspertët zgjedhorë thonë se margjina e fitores normalisht është e vështirë për t’u kapërcyer në rinumërim.

Biden kryeson në Uiskonsin me 49.6 për qind, kundrejt Trumpit me 48.9 për qind. Një kandidat mund të kërkojë rinumërim nëse margjina e fitores është më pak se 1 për qind.

Pas parashikimeve për fitore në Miçigen, Biden tha se pret që t’i fitojë zgjedhjet.

“Pas një nate të gjatë të numërimit, është e qartë se do të fitojmë shtete të mjaftueshme, për të arritur 270 votat elektorale, të nevojshme për të fituar presidencën”, tha Biden.

“Nuk jam këtu për të deklaruar se kemi fituar, por jam këtu për të raportuar se kur numërimi të përfundojë, ne besojmë se do të jemi fituesit”, tha ish-zëvendëspresidenti 77-vjeçar, Joe Biden.

Xhorxhia dhe Pensilvania janë dy shtete të tjera që vëzhgohen nga afër e që ende vazhdojnë numërimin e votave. Trump është përpara në këto dy shtete.Fushata e tij, ndërkohë, nisi procese gjyqësore në Miçigen, Pensilvani dhe Xhorxhia, duke kërkuar ndalimin e numërimit të votave dhe qasje më të mirë të vëzhguesve të fushatës.Paditë u ngritën edhe pse nuk ka asnjë provë për keqbërje ose pasaktësi nga ana e zyrtarëve zgjedhorë.Dhjetëra mbështetës të zemëruar të Trumpit shkuan te qendrat e numërimit të votave në Miçigen dhe Arizona, ndërsa kundërshtarë të tij dolën në rrugë në disa qytete, duke kërkuar rezultat të plotë.“Ndaloni numërimin”, thërrisnin mbështetësit e Trumpit në Detroit të Miçigenit. “Ndaloni vjedhjen”, thërrisnin ata në Finiks të Arizonës.Forcat e rendit u rreshtuan për t’i penguar ata të hyjnë në zonën e numërimit të votave.Tensionet në Miçigen janë të larta tash e sa muaj.Në pranverë, protestuesit anti-qeveritarë mbanin hapur armë në kryeqytetin e shtetit, gjatë protestave kundër masave për frenimin e koronavirusit. Në tetor, gjashtë burra u arrestuan nën akuzat se kanë bërë komplot për të rrëmbyer guvernatoren demokrate, Gretchen WhitmerProtesta me thirrjet që secila votë të numërohet pati edhe në Nju Jork dhe Portland të Oregonit.

Guvernatorja e Oregonit, Kate Brown, thirri Gardën Kombëtare pasi u thyen dritaret gjatë një demonstrate në Portland.Fushata e Bidenit tha se ka avokatë të gatshëm për të kundërshtuar përpjekjet e presidentit për të ndaluar numërimin e votave në disa shtete.-Përgatiti: Valona Tela-RFL)

Filed Under: Featured Tagged With: Shtetet kyçe, USA, vazhdojnë numërimin, zgjedhjet

KUJTESE-Zgjedhjet lokale në Komunën e Tuzit, 3 mars 2019

February 19, 2019 by dgreca

1 koalicioni-TuzPas hyrjes në fuqi të ligjit për statusin e Komunës së plotë të Tuzit do të zhvillohen zgjedhjet lokale me 3 mars 2019. Ky është një zhvillim shumë i rëndësishëm, sepse përcakton nëse shqiptarët do të qeverisin në këtë komunë, ku përbëjnë shumicën e popullsisë. Kryetari i Komunës zgjidhjet me shumicë të thjeshtë nga Këshilli Komunal (Parlamenti i Tuzit). Në zgjedhjet e v.2017 partitë shqiptare nuk arritën të merrnin shumicën e votave. Arsyeja kryesore ishte kandidimi me tre lista të ndryshme, çka solli përçarje dhe rrjedhje votash, duke krijuar indirekt avantazh për partitë e tjera. Megjithëse me angazhimin e MEPJ-së u mundësua një Deklaratë për Bashkëpunim paszgjedhor mes partive politike shqiptare. Partitë nuk iu përmbajtën asaj. Aktualisht, shpërndarja e 32 mandateve për Këshillin Komunal të Tuzit është si vijon: Partitë shqiptare 12 vende dhe partitë malazeze dhe ajo boshnjake 20 vende. Kjo i ka mundësuar partive malazeze të caktojnë edhe drejtuesin e Komunës. Partitë Shqiptare Partitë malazeze dhe të tjerat Alternativa Shqiptare (ASH)- 7 vende Partia Demokratike Sociale (DPS)-15 Lidhja Demokratike Shqiptare (LDSH)- 3 Partia e Boshnjakëve (PB)-3 Unioni Demokratik Shqiptar (UDSH)-2 Partia Socialdemokrate (SD)-1 Partia Demokrate (DP)-1 Totali: 12 Totali 20 Si rezultat i kërkesës së vazhdueshme nga Tirana zyrtare dhe Diaspora për t’u bashkuar, por edhe si ‘mësim” nga dështimet elektorale në të kaluarën, më 30 janar 2019 në Tuz, tre subjektet politike kryesore shqiptare (Alternativa Shqiptare-ASH, Lidhja Demokratike Shqiptare-LDSH dhe Unioni Demokratik Shqiptar-UDSH) nënshkruan një Deklaratë mbi koalicionin parazgjedhor “Forumi Shqiptar” me sloganin “Malësia në bashkon”. Kjo mundëson kandidimin me një listë të vetme, çka mund të maksimizojë votat e tyre. Institucionet qendrore të Shqipërisë dhe Diaspora e kanë përshëndetur këtë nismë. Tre drejtuesit janë Nik Gjeloshaj (ASH), Nikollë Camaj (LDSH) dhe Fadil Kajoshaj (UDSH). Ndërkohë DPS ka kandiduar me një listë të përbërë kryesisht nga shqiptarë. Në vendet e para janë vënë të rinj, pa ndonjë karrierë të veçantë. Kjo me shumë gjasa është diktuar nga skandalet korruptive, në të cilat është përfshirë DPS së fundmi. Nisur nga eksperienca e zgjedhjeve të kaluara, DPS pritet të bëjë fushatë të fortë, duke përdorur edhe instrumente që nga partitë politike shqiptare atje cilësohen si jo të ligjshme: favorizime në punësime, blerje votash, presione për largime nga puna, etj. Sipas sondazheve të bëra së fundmi rezulton se Koalicioni “Forumi Shqiptar” merr 14 vende, ndërsa partitë e tjera 18 (DPS-12, Boshnjakët-2, Socialdemokratët -2, Demokratët-2). Synimi i partive shqiptare është 15-16 mandate. Rëndësia e koalicionit: Rrit dukshëm mundësitë për një rezultat pozitiv të partive shqiptare. Edhe nëse nuk rezulton fitues, të paktën bëhet faktor vendimtar në caktimin e Kryetarit të Komunës. Pakëson rrjedhjen e votës në favor të partive të tjera, duke maksimizuar votat në favor të spektrit politik shqiptar. Shtron terrenin për një bashkëpunim edhe në të ardhmen (zgjedhjet lokale në Ulqin dhe zgjedhjet e përgjithshme parlamentare në v.2020.) Jep mesazhin e qartë se partitë shqiptare bashkëpunojnë edhe përtej dallimeve krahinore dhe fetare (problem prej kohësh). Krahas kësaj, duhet punuar që koalicioni mos të ketë efekte negative dhe kundërproduktive: Koalicioni parazgjedhor nuk duhet të krijojë përceptimin e fitores së natyrshme dhe të shkaktojë tek elektorati shqiptar pasivitet, indiferencë dhe braktisje të votimit. Duhen shmangur pakënaqësitë e ndonjë grupi votuesish për shkak të bashkimit të partive në një koalicion, në një kohë kur grindjet dhe mosmarrëveshjet kanë qenë të thella dhe shumë të shtrira në kohë. Duhet shmangur vlerësimi klishe “të gjithë qënkan njësoj”. Angazhimi i medias Mediat kryesore në nivel kombëtar mund të angazhohen përmes reportazheve, intervistave dhe emisioneve të formateve të ndryshme për një pasqyrim sa më pozitiv të fushatës së “Forumit Shqiptar”. Drejtuesve të koalicionit t’u krijohet hapësira e nevojshme për të shpalosur qëndrimet e tyre. Synimi kryesor është sensibilizimi i votuesve për pjesëmarrje në votime, si dhe kanalizimi i votave të tyre për Forumin Shqiptar”. Gjatë Samitit të Diasporës (28 shkurt-2 mars) media të ketë në fokus edhe fushatën zgjedhore në Tuz.

Kontakte: Nik Gjeloshaj – tel: 0038 26 90 66663 Nikollë Camaj-tel: 0038 26 90 21151 Fadil Kajoshaj- tel: 0038 26 98 70807

Filed Under: Rajon Tagged With: Komuna e Tuzit, Kujtese, zgjedhjet

TIRANA, PRISHTINA, ZGHEDHJET DHE LUGINA E PRESHEVES

June 3, 2017 by dgreca

Prishtina e Tirana të mos mbetet që vetëm në fushata zgjedhore ta përmendin Krahinën e Preshevës/1 refik hasaniShkruan: Mr.Sc.Refik HASANI/

Zgjedhjet  për Parlament të Kosovës jan caktuar  të mbahen më datën 11 qershor kurse zgjedhjet për Parlament të Shqipërisë janë dekretuar  të mbahen më datën 25 qershori të muajit tjetër. Dhe kjo fushatë e ,,nxehtë” , ka filluar që tash, madje duke e futur në lojë si kartë zgjedhore edhe tri komunat si premtime të fushatës, mu ashtu sikur edhe  Serbia që  e përdor çdo zgjedhje  bashkëvendasit e vetë që jetojn si pakicë  në Kosovë, në prag të zgjedhjeve.

Më datën 22 maj në Gjilan lideri aktual i AAK-ës dhe njëherit kandidati i nominuar për Kryeministër të Republikës së Kosovës z.Ramush Haradinaj, theksoi se ,,Shqiptarëve të Luginës së Preshevës duhet dhuruar pasaportat e Kosovës’’. I kushtoi vëmendje bukur të gjatë një fjalim parazgjedhor krahinës shqiptare që përfshin Medvegjë, Bujanoc dhe Preshevë. Përafërsisht edhe këso oratorie mundë të presim edhe nga dy kandidatë tjerë të  nominuar për Kryeministër, kandidati nga subjekti politik i LDK-ës z.Avdullah Hoti dhe kandidati i subjektit politik VV-ës për Kryeministër  të Kosovës z.Albin Kurti. Urojm që dy legjislaturat e reja që do të dalin nga zgjedhjet e 11 përkatësisht 25 qershorit do të prodhojn efekte  dhe reflektojn e jo si deri më tani.

Pikërisht në këtë reagim timin publik,do të ndalem  te ajo që cituam më lartë, sa është vlerësuar dhe nga cila instancë Akademike apo institucionale është peshuar nga të gjitha aspektet për të marrë një qëndrim  që ,,shqiptarë e Luginës së Preshevës  e meritojne të ken pasaportat e Kosovës”.

Pyetja e pashmangshme është, si: Të gjithë  shqiptarët e Medvegjës, Bujanocit dhe Preshevës do të duhej të pajisen me dokumenta të Kosovës apo të Shqipërisë!?. Shqiptarëve të kësaj krahine  për aqë sa ju takojn pasaporta e  Kosovës aqë ju takojn edhe të Shqipërisë.

Po, shqiptarët e Malit të Zi,  A thua nga Tirana apo Prishtina zyrtare do të duhej të pajisen me pasaporta, kjo vlen edhe për Shqiptarët gjithandej diasporës  të shpënndarë. Pse deri më tani  as në Parlamentin e Shqipërisë e Parlamentin e Kosovës dhe në takime të përbashkëta  nuk jan shtruar këto tema, e jo të dilet me këso premtime.  Sa jan të koordinuara, harmonizuara dhe nga cila platform a strategji e Prishtinës dhe Tiranës zyrtare dalin këto premtime të kësaj fushate zgjedhore. A do të duhej ndërtuar së pari një bashkëveprim lidhur me këtë dhe çështje tjera dy parlamentet, dy qeverit,dy kryeministrit,dy kryeparlamentarët e kështu me radhë.

Para se të premtohej në fushata është dashur realizimi i rezolutës e miratuar nga  Parlamenti i Republikës së Kosovës për shqiptarët e Medvegjës, Bujanocit dhe Preshevës, me Nr. 04-R-011, të dt. 6 qershori  të vitit 2013,nuk është zbatuar përkundrazi është ulur në një  tretman më të ulët.

Para se të premtohej në fushata është dashur të paraqitet edhe në bisedimet në mes të Beogradit dhe Prishtinës duke u kërkuar nga Brukseli zyrtar dhe instanca tjera për reciprocitet e që jan të diskriminuar shqiptarët e kësaj Krahine etj.

Para se të premtohej në fushata është dashur,që përfundimisht ndaj kësaj krahine Prishtina e Tirana zyrtare të bashkërendisin dhe ndërtojn një platformë a strategji që t’i praqesin e artikulojn kërkesat e neve shqiptarëve nga kjo pjesë në të gjitha instancat dhe mekanzimat e BE-së dhe OKB-ës. Dy Qeverit dhe dy Parlamentet të gjejnë zgjidhje për  çështjen e Abetares, nostrifikimit të diplomave, të ndajn një fondë të përhershëm etj. E jo për dy dekada vetëm nga 50 mij euro jan ndarë.  Premtim të ngjashme do të mundë të bëhen gjatë kësaj fushate edhe nga dy kandidatë tjerë të  nominuar për Kryeministër të Republikës së Kosovës. Në vendë të premtimeve  pse nuk afrojn një ndihmë vjetore prej pesë milion euro  sa kushtojn edhe këto zgjedhje të parakohshme për Parlament të Kosovës e jo të premtoj pasaportat të Kosovës e premtime tjera në fushatë dhe prap të mbetet aty ky ishte e diskriminuar kjo Krahinë nga Serbia dhe e harruar nga Prishtina dhe Tirana zyrtare.

Para se të premtohet në fushata është dashur një qëndrim rreth Referendumit të datës 1 e 2 mars të vitit 1992, për jetësimin e vlerave të luftës së armatosur të UÇPMB-ës,marrëveshjes së Konçulit, për çështje e formimit të asociacionit të  tri komunave, etj. Medvegja, Bujanoci dhe Presheva jan një rajon më i diskriminuari në gjithë Evropën, prandaj më së paku i duhet të jen një kartë zgjedhore për premtime nga më të ndryshmet. Prishtina e Tirana zyrtare,premtojn gjithëçka në fushata zgjedhore për Krahinën ton, e pas zgjedhjeve mbetën vetëm fjalë. Kjo krahinë jo që nuk e meriton,por kështu me premtime do të zbrazët heshturazi.Na mban shpresa të mos mbetët që Prishtina e Tirana zyrtare, vetëm në fushata  zgjedhore të vazhdojn ta përmendin Medvegjën, Bujanocin dhe Preshevën.

Filed Under: Analiza Tagged With: Lugina e Presheves, Refik Hasani, zgjedhjet

  • 1
  • 2
  • 3
  • …
  • 5
  • Next Page »

Artikujt e fundit

  • NË TEQENË BEKTASHIANE SHQIPTARE NË MICHIGAN U FESTUA “SULLTAN NOVRUZI”
  • SHQIPTARËT E AMERIKËS MBLODHËN 140 MIJË E 500 USD PËR NDËRTIMIN E KËMBANARES SË KATEDRALES NËNË TEREZA NË PRISHTINË.
  • “DIELLI” ME SHQIPTARËT NË DANIMARKË
  • VATRA MICHIGAN SHTROI DARKË NDERIMI PËR PRINC LEKËN DHE KLERIN FETAR NË MICHIGAN
  • VATRA CHICAGO MORI PJESË NË PROMOVIMIN E LIBRIT “THE FLOWER OF VLORA” TË DR. ANNA KOHEN
  • “ARDIAN KOÇI DHE RINGJALLJA E FENOMENIT TË VETMBROJTJES POPULLORE”
  • Edhe shqiptarët duhet ta kenë Kërlezhën e tyre për të nxitur demokratizimin e shoqërisë serbe
  • Shën Patrik
  • PRANIMI I PROPOZIMIT EVROPIAN ËSHTË KOMPROMIS TJETËR I KOSOVËS
  • “Luba”, një dashuri që vërvitet mes kohrash dhe zhvesh sistemin diktatorial
  • SENJORIA E VENEDIKUT DHE RAPORTET E SAJ ME PRELATET KISHTAR E FAMILJET FINSIKE SHQIPTARE NË SHEKULLIN E XV-TË – KRYEIPESHKVI I DURRËSIT IMZOT PAL ENGJËLLI
  • Papa Klementi XI (Albani), një bibliofil me sqimë dhe themeluesi i Seksionit Oriental të Bibliotekës Apostolike të Vatikanit
  • THE NEWTON GRAPHIC (1975) / “NJERIU DHE LËVIZJA” — EKSPOZITA FOTOGRAFIKE E GJON MILIT NË MUZEUN E SHKENCAVE TË BOSTONIT
  • MUZIKË QË PIKON NGA GISHTËRINJTË E FËMIJËVE…
  • VATRA PROMOVON “DIPLOMACIA NDËRKOMBËTARE DHE ÇËSHTJA E KOSOVËS 1997-1999” MË 25 MARS 2023

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT