Aspirata për një treg të përbashkët Shqipëri-Kosovë

April 3, 2017 by dgreca

Nga Arlinda Gjonaj/

Foto Flor Abazaj (1) TIRANE, 3 Prill/ATSH/- Në Tiranë zhvilloi punimet konferenca “Aspirata për një treg të përbashkët, Shqipëri-Kosovë”, organizuar nga Dhoma Amerikane e Tregtisë së Shqipërisë dhe Kosovës, në bashkëpunim me Revistën Monitor.

Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi e pranishme në konferencë tha se qeveria mbetet e angazhuar për lehtësimin e barrierave tregtare.

“Në tre mbledhjet e qeverisë janë detyra që lidhen me krijimin e e një hapësire me bashkëpunuese mes dy vendeve tona. Bashkë me homologen nga Kosova jemi përpjekur për të krijuar hapësira për më shumë bashkëpunim”, u shpreh Ekonomi.

Ndërsa ministrja e Industrise dhe Tregtise se Kosoves, Hykmete Bajramaj u shpreh se dy qeverite kane bere perpjekje te medha per heqjen e barrierave.

Ministri i Zhvillimit të Kosovës Blerand Stavileci tha se të dy vendet kanë varësi të lartë nga importet dhe industri jo të zhvilluar. Bizneset synojnë fitime afatshkurtra dhe të shpejta duke mos u përqendruar te industria prodhuese. “ Duhen lidhje infrastrukturore që ka shënuar përparime si në telekomunikacion, energji etj”, tha Stavileci.
Në lidhje me energjinë ai tha se kanë arritur marrëveshje me një kompani amerikane për të ndërtuar termocentralet me kapacitet 450 megavat. Ai u shpreh optimist në lidhje me funksionimin e bursës së energjisë.

Irena Beqiraj, këshilltare e kryeministrit Edi Rama për ekonominë tha se Ballkani Perëndimor deri në vitin 2015 ka pasur investime kryesisht në shërbime. Investitori i huaj kërkon stabilitet makro, forcë pune të kualifikuar, siguri pune, si dhe stabilitet politik dhe jo sherre etnike.
Sipas saj duhen unifikuar certifikatat dhe qeveria po punon për këtë.

Analisti i tregtisë, Ilir Ciko tha se struktura e shkëmbimeve tregtare mes dy vendeve mbetet tepër e varfër dhe e përqendruar, duke pasqyruar realitetet ekonomike të tyre. Foto Flor Abazaj (2)
Ciko tha se rajoni duhet parë si pjesë aspiruese për në Bashkimin Europian, ku duhet të synohet një hapësirë më e integruar shqiptare, çka kërkon një angazhim e koordinim të posaçëm institucional. “Shqipëria dhe Kosova kanë ende punë për të arritur një integrim më të thelluar ekonomik mes tyre”, theksoi ai.

Sipas tij, thelbi i diskutimit duhet të zhvendoset nga trajtimi i shkëmbimeve tregtare mes Kosovës e Shqipërisë drejt një tregu tërheqës të përbashkët për bizneset lokale dhe ato të huaja.
Ai rekomandoi që hapja e tregut të brendshëm për konkurrencë të drejtë mes bizneseve vendase, përtej kufirit, apo të huaja mbetet çelësi kryesor për të rritur konkurrueshmërinë e bizneseve të Kosovës e Shqipërisë.

Elemente të tjera lehtësuese do të ishin zhvillimi i infrastrukturës lidhëse, shfrytëzimi i përbashkët i mundësive komplementare (energji, turizëm, miniera etj.), lehtësimi dhe eliminimi i mëtejshëm i procedurave doganore, harmonizimi i procedurave administrative, njehsimi i faktorëve të tjerë të klimës së biznesit, përfshirë qasjen fiskale ndaj bizneseve, etj.
Alban Zusi, sipërmarrës, gjatë fjalës së tij tha se tregtia me Kosovën realizohet nga bizneset e mëdha, që janë në fushën e tullave, çimentos, etj., e që në total janë rreth 15.
Bizneset e vogla dhe të mesme, tha ai, nuk punojnë, për shkak të kostos së lartë.

Saimir Sinani, përfaqësues i doganave shqiptare tha se dogana ka qenë e prirur që çdo element për lehtësimin e procedurave dhe uljen e kostove të shohë me përparësi. “ Prej kohësh funksionon traziti i përbashkët me Kosovën dhe përdorimi i deklaratës së thjeshtuar”, tha z. Sinani.

Era Jashari, përfaqësuese e Dhomës Amerikane të Tregtisë së Kosovës, tha se sipas statistikave nga Banka Qendrore e Kosovës, investimet shqiptare në Kosovë në vitin 2016 ishin 28.6 milionë euro (12% e totalit), nga 40.1 milionë euro në 2015-n. Në total, investimet kumulative nga Shqipëria në Kosovë, nga viti 2007 kanë arritur në 193 milionë euro.

“Në vitin 2015, Shqipëria u rendit ndër pesë investitorët kryesorë të Kosovës, pas Zvicrës, Turqisë, Gjermanisë dhe Austrisë”, tha ajo. Foto Flor Abazaj (3)
Investimet nga Shqipëria, në bazë të aktivitetit ekonomik, në vitin 2016 ishin kryesisht në pasuritë e paluajtshme, ndërmjetësimin financiar, tregtinë me shumicë e pakicë dhe industri përpunuese.

Në vite, investimet që kanë dominuar, sipas prezantimit të znj. Jashari kanë qenë në fushën e pasurive të paluajtshme-ndërtim dhe ndërmjetësimit financiar. Në periudhën 2013-2016, investimet në pasuri të paluajtshme dhe ndërtim ishin përkatësisht 28.1 dhe 23.6 milionë euro dhe në ndërmjetësimin financiar rreth 20.3 milionë euro.

Ndërsa investimet nga Kosova në Shqipëri, në vitin 2016, ishin 15.6 milionë euro. Vlera më e lartë e investimeve nga Shqipëria në Kosovë sesa anasjelltas ngre pikëpyetjen nëse klima e investimeve në Shqipëri është më jo favorizuese në raport me atë të Kosovës.

Për periudhën 2013-2016, investimet në pasuritë e paluajtshme nga Kosova në Shqipëri, që zënë peshën kryesore, ishin 23.8 milionë euro dhe në shërbime tregtare 7.2 milionë euro.
Nga Shqipëria në Kosovë ushtrojnë aktivitetin 903 biznese, ndërsa nga Kosova në Shqipëri rreth 600. Jashari tha se falimentimi i bizneseve nga Kosova në Shqipëri është një aktivitete normal, teksa ka një konkurrencë të lartë me bizneset greke e italiane.

Jashari shtoi se bizneset e Kosovës kanë më shumë probleme me lejet e ndërtimit dhe pagesën e taksave e tatimeve. “Investimet mes dy vendeve janë shumë më të ulëta se potenciali, pavarësisht përmirësimit të infrastrukturës”, tha znj.Jashari. Ajo shton se duhen përmirësuar procedurat doganore.

Avni Ponari, drejtues i kompanisë së sigurimeve “Sigal” thotë se edhe Kosova dhe Shqipëria kanë të njëjtën natyre, të njëjtën formë organizimi. “Industria e sigurimi sot, në të gjithë rajonin nuk është e zhvilluar. Sigurimet për frymë në Shqipëri janë 25 euro, në Kosovë 50 euro kurse në Kroaci 700 euro. Në Kosovë paguajmë një taksë për qarkullimin prej 5% dhe për shkak të kësaj takse, në Kosovë, sigurimet janë me humbje”, tha z.Ponari.

Në lidhje me energjinë ai tha se kanë arritur marrëveshje me një kompani amerikane për të ndërtuar termocentralet me kapacitet 450 megavat. Ai u shpreh optimist në lidhje me funksionimin e bursës së energjisë.

Irena Beqiraj, këshilltare e kryeministrit Edi Rama për ekonominë tha se Ballkani Perëndimor deri në vitin 2015 ka pasur investime kryesisht në shërbime. Investitori i huaj kërkon stabilitet makro, forcë pune të kualifikuar, siguri pune, si dhe stabilitet politik dhe jo sherre etnike.Sipas saj duhen unifikuar çertifikatat dhe qeveria po punon për këtë.

Kosova dhe Shqipëria konkretizojnë bashkëpunimin në fushën e gjeologjisë

December 12, 2016 by dgreca

-Është nëshkruar sot në Prishtinë një Memorandum Mirëkuptimi/

PRISHTINË, 12 Dhjetor 2016-B.Jashari/ Shërbimi Gjeologjik i Kosovës dhe Shërbimi Gjeologjik Shqiptar kanë nëshkruar sot në Prishtinë një Memorandum Mirëkuptimi, me të cilin palët shprehin vullnetin për bashkëpunim në fusha të ndryshme të shkencave të Tokës.

Memorandumi u nënshkrua nga kryeshefi Ekzekutiv i SHGJK-së, Fidaim Sahiti dhe drejtori i Përgjithshëm i SHGJSH-së, Viktor Doda, ndërsa të pranishëm në këtë ceremoni ishin edhe zëvendësministrja kosovare e Zhvillimit Ekonomik Besa Zogaj-Gashi, zëvendësministri shqiptar i Energjisë dhe Industrisë Gëzim Musabelli, ambasadori i Shqipërisë në Kosovë Qemal Minxhozi si dhe zyrtarë të kësaj fushe nga të dyja vendet.

Qëllimi i këtij Memorandumi është bashkëpunimi lidhur me realizimin e projekteve shkencore dhe atyre aplikative në përputhje me legjislacionin dhe strategjitë zhvillimore të të dy vendeve përmes shkëmbimit përvojave shkencore dhe aplikative në gjeoshkencë; koordinimit të veprimtarisë për pajisje me teknologji bashkëkohore në interes të dy institucioneve; koordinimit për angazhim të përbashkët të aktiviteteve rajonale dhe me gjerë, si dhe përmes ndihmës dhe bashkëpunimit reciprok për ngritjen dhe aftësimin e kapaciteteve njerëzore.

Zëvendësministrja Besa Zogaj-Gashi tha se pas nënshkrimit të kësaj marrëveshje në mes dy shërbimeve gjeologjike, këto dy institucione nga sot mund të aplikojnë për projekte të përbashkëta hulumtuese shkencore në nivel rajonal dhe me gjerë, duke pasur parasysh që dy institucionet janë pjesë e Evropës.

“Dy vendet kemi pasuri të mëdha nëntokësore prandaj këto të dhëna dhe ky bashkëpunim është shumë i rëndësishëm duke pasur të dhënat e juaja profesionale, ne do të mund të tërheqim edhe investitorë dhe të vazhdojmë në implementimin e projekteve të përbashkëta”, tha ajo.

Sipas Zogaj-Gashi, Ministria e Zhvillimit Ekonomik e Kosovës ka prioritet reformimin dhe rregullimin e legjislacionit sekondar në fushën gjeologjike, ndërsa shkëmbimi i përvojave me Shqipërinë në këtë fushë është i rëndësishëm.
Zëvendësministri i Energjisë dhe Industrisë të Shqipërisë, Gëzim Musabelli tha se bashkëpunimi i dy shërbimeve tona është i një rëndësie të madhe dhe ne tashmë jemi një në kuptimin e burimeve minerare.

“Me kalimin e kohës duke pas parasysh studimet e filluara dhe ato që do vijnë në drejtim të hulumtimit të mineraleve do të mundësojë që industria jonë minerare në dy krahët e kufirit, në pjesën shqiptare dhe kosovare të zhvillohet dhe kjo do të bëjë që të ardhurat dhe ekonomitë tona të rrisin zhvillimin”, tha ai.
Ambasadori shqiptar Qemal Minxhozi nënvizoi rëndësinë e intensifikimit të këtij bashkëpunimi, duke shtuar se pasi të bëhen studimet të qarta do të mund të ofrojmë investitorë të rëndësishëm. Mirëpo sipas tij, një fazë të dytë duhet të hiqen burokracitë dhe të mos kemi vonesa dhe tarifa që krijojnë pengesa në këtë proces.

Për përmbajtjen dhe rëndësinë e këtij Memorandumi folën edhe drejtuesit e dy shërbimeve gjeologjike të Kosovës dhe Shqipërisë.

Rama-Thaçi: Partneriteti strategjik rriti shkëmbimet tregtare në 200 milionë euro

October 3, 2016 by dgreca

Presidenti Thaçi dhe kryeparlamentari Meta folen për rëndësinë e bashkëpunimit ndërparlamentar/

Tiranë, 3 tetor 2016-Gazeta DIELLI/ Presidenti i Republikës së Kosovës, Hashim Thaçi, në kuadër të vizitës së tij zyrtare në Republikën e Shqipërisë, është takuar edhe me kryeministrin shqiptar, Edi Rama.

Presidenti Thaçi ka thënë se bashkëpunimi dypalësh i Kosovës dhe Shqipërisë udhëhiqet nga qasja vëllazërore dhe interesi i përbashkët për të thelluar ndërveprimin politik, ekonomik e kulturor, si dhe për të avancuar procesin e integrimit në Bashkimin Evropian, projekt themelor ky në shërbim të paqes, stabilitetit dhe zhvillimit.Ai është shprehur se pas marrëveshjeve dypalëshe dhe mbledhjeve të përbashkëta të dy qeverive, shkëmbimet tregtare mes dy shteteve ka arritur shifrën e 200 milionë eurove.

“Bashkëpunimi dhe partneriteti strategjik i kanë dhënë një dimension shumë më konkret dialogut dhe veprimit ndërqeveritar, me synim jetësimin e politikave të përbashkëta strategjike”, ka thënë presidenti Thaçi.

Ndërkaq, Kryeministri i Shqipërisë, Edi Rama, theksoi se i rëndësishëm në këtë mes është edhe bashkëpunimi në kuadër të Procesit të Berlinit për Ballkanin Perëndimor, sepse që nga takimi i Berlinit në gusht 2014, Bashkimi Evropian ka mbështetur një numër të rëndësishëm të korridoreve qendrore të infrastrukturës që do të lidhin portet, aeroportet dhe pikat kryesore të ekonomisë në shtetet e Ballkanit Perëndimor.“Bashkëpunimi rajonal është çelës i paqes, stabilitetit dhe zhvillimit në rajonin tonë”, ka thënë kryeministri Rama.

Në mesin e këtyre projekteve, presidenti Thaçi tha se rëndësi të veçantë ka edhe projekti infrastrukturor Durrës-Prishtinë-Nish dhe sigurimi i përkrahjes për nisma rajonale të bashkëpunimit.

Gjithashtu, kreu i vendit ka theksuar se Kosova do të vazhdojë me normalizimin e plotë të marrëdhënieve edhe me Serbinë, sepse zgjidhja e vetme, ka thënë ai, është vazhdimi i dialogut.Normalizimi i marrëdhënieve midis Kosovës dhe Serbisë, sipas presidentit Thaçi, ndikon edhe në stabilitetin rajonal dhe në forcimin e raporteve midis shteteve të rajonit.“Ne jemi të përkushtuar për normalizimin e marrëdhënieve tona përmes dialogut, sepse vetëm përmes dialogut forcojmë edhe shtetin e Kosovës”, ka thënë ai.Presidenti Thaçi përfundoi se e rëndësishme është që i tërë rajoni është i përcaktuar për anëtarësim në Bashkimin Evropian.

Presidenti Thaçi dhe kryeparlamentari Meta flasin për rëndësinë e bashkëpunimit ndërparlamentar

Tiranë, 3 tetor 2016 – Në kuadër të vizitës së tij zyrtare në Shqipëri, presidenti Thaçi ka takuar edhe Kryetarin e Parlamentit të Shqipërisë, Ilir Metën.

Me kryeparlamentarin Meta, presidenti Thaçi ka biseduar për rolin që Parlamenti i Shqipërisë mund të kenë në lobim dhe në mbështetjen e Kosovës për anëtarësim në organizata ndërkombëtare.

Presidenti Thaçi ka thënë se duke e thelluar bashkëpunimin ndërparlamentar me shtete të tjera, së bashku mund të arrihet edhe më shumë për sa i përket avancimit të pozicionit të Kosovës në rrafshin ndërkombëtar.

Ndërsa, kryeparlamentari Meta ka thënë se në çdo takim ndërkombëtar, në top agjendë të tij dhe përfaqësuesve të Kuvendit të Shqipërisë është Kosova dhe lobimi për forcimin e subjektivitetit të saj.

Presidenti Thaçi dhe kryeparlamentari Meta kanë diskutuar edhe për rëndësinë e bashkëpunimit të vazhdueshëm në nivel komisionesh parlamentare në mes të parlamenteve të dy shteteve, Kosovës dhe Shqipërisë.

Ditari i Luftës-Para 20 vitesh, në 27 korrik 1996 Rugova për Autostradën Shqipëri-Kosovë

July 27, 2016 by dgreca

Në foto arkiv: Presidenti historik i Kosovës Dr. Ibrahim Rugova në konferencë shtypi, ku është edhe korrespondenti i tashëm i Gazetës Dielli, Behlul Jashari – afër dy kamerave-në anën e majtë ulur (me kravatë), duke shkruar./

KOSOVA-LUFTA NË LAJME: Para 20 vitesh, në 27 korrik 1996 Rugova për Autostradën Shqipëri-Kosovë/

-Para 18 viteve, në 27 korrik 1998: Dhjetëra shqiptarë të vrarë e të plagosur nga forcat serbe gjatë 24 orëve në rajon të ndryshme të Kosovës. Hetime kundër 49 shqiptarëve në Rahovec/

PRISHTINË, 27 Korrik 2016-Gazeta DIELLI-Behlul JASHARI/ Presidenti historik Dr. Ibrahim Rugova, pikërisht para 20 viteve, në 27 korrik 1996, kërkonte nga qeveritë perëndimore mbështetje për ndërtimin e Rrugës së Kombit – Autostradës Prishtinë-Prizren-Lezhë, të Kosovës e Shqipërisë.

Këtë e kam raportuar nga konferenca për shtyp e Presidentit të Republikës së Kosovës të zgjedhur në zgjedhjet e para pluraliste presidenciale e parlamentare kosovare të 24 Majit 1992, në lëvizjen e luftën për liri e pavarësi të shtetit të Kosovës – të Deklaratës Kushtetuese të 2 Korrikut e Kushtetutës së 7 Shtatorit 1990 dhe Referendumit për pavarësi të shtatorit 1991, në të cilin pro votuan 99,87% në pjesëmarrjen masive të 87,01% të qytetarëve me të drejtë vote.

Ndërsa, para 18 viteve, në 27 korrik 1998, derisa vazhdonte lufta e armatosur për lirinë e pavarësinë e Kosovës raportoja për dhjetëra shqiptarë të vrarë e të plagosur nga forcat serbe gjatë 24 orëve në rajone të ndryshme dhe se po zhvilloheshin hetime kundër 49 shqiptarëve në Rahovec.

http://www.hri.org/news/balkans/ata/1996/96-07-27.ata.html

[03] ALBANIANS POLITICAL AND ECONOMIC RIGHTS IN FORMER YUGOSLAVIA SHOULD BE RESPECTED – Rugova

PRISTINE, JULY 27 (ATA) By B Jashari – President of Kosova Dr Ibrahim Rugova demanded, Friday, in a press conference, the international community to respect the political and economic rights of Kosova in former Yugoslavia.

Rugova asked the European firms that “cooperation and all economic agreements with Kosova be realised through legal institutions of Kosova.”

He also asked by the Western governments to help realisation of the road Pristine-Prizren-Lezhe project as a branch of the old Roman road, Via Egnatia. pta/lin/fh/z/

http://www.hri.org/news/balkans/ata/1998/98-07-28.ata.html

[03] Ten Albanians killed, twenty seven wounded in heavy fighting

PRISHTINE, July 27 – ATA correspondent in Prishtina Behlul Jashari reported that ten Albanians were killed and 27 others wounded in heavy fighting in different regions in Kosova during the last 24 hours, Albanian sources said.

Serb forces using surface-to-surface rockets on Monday torched and destroyed hundreds of Albanian houses in Drenica, a border region with Albania, in Dukagjin and other regions of Kosova.

Serb forces reported on seven Albanians killed in Junik, near the border with Albania, a report not confirmed by Albanian sources.

In fighting in Prishtine-Peja highway, Serb forces are using over 60 tanks, cannons and other armoured carriers but their march has been stopped in Gjergjice village by the powerful resistance of the Kosova Liberation Army forces.

Convoys of military-police forces are being sent in from Serbia. Serb forces have had considerable losses. eva/ak/

Albanian Telegraphic Agency

http://www.hri.org/news/balkans/ata/1998/98-07-27.ata.html

[07] 49 Albanians under investigation in Rahovec

PRISHTINE, July 27 – ATA correspondent Behlul Jashari reported that the Serb court in Prizren has started inquiries against 49 Albanians arrested in Rahovec.

There is no report on the fate of other hundred people taken away by the Serb forces during the recent attacks on Rahovec.

Arrested Albanians, who have remained in their settlements to defend them, are accused of “terrorism”, reports said adding that no one knew how the situation is there following the massacres in Rahovec where Serb forces have buried in massive graves scores of Albanians killed and massacred. /pta/ak/

Albanian Telegraphic Agency

https://groups.google.com/forum/#!topic/bit.listserv.albanian/FkZd10BJlK8

Zhvillohen hetime kunder 49 shqiptareve ne Rahovec

PRISHTINE, 27 korrik- Korresp. i ATH-se, Behlul Jashari,
njofton: Gjykata serbe ne Prizren ka filluar hetimet kunder 49
shqiptareve te arrestuar ne Rahovec, nderkohe qe nuk dihet gje
per fatin e qindra te tjereve te marre nga forcat serbe gjate
sulmeve te fundit ne Rahovec.
Shqiptaret e arrestuar, qe kane qendruar ne vatrat e veta
dhe i kane mbrojtur ato, akuzohen per “terrorizem”, thone
njoftimet, duke shtuar se ende nuk dihen te gjitha pasojat e
masakrave ne Rahovec, ku forcat serbe kane groposur ne varre
masive dhjetra shqiptare te vrare e te masakruar.
/P.Ta/

Shqipëri-Kosovë, finalizohet ‘autostrada’ energjetike drejt tregut të përbashkët

June 28, 2016 by dgreca

-Në ceremoninë e inaugurimit që u zhvillua në kryeytetin shqiptar – në Nënstacionin Tirana 2 ishin Kryeministrat Edi Rama e Isa Mustafa, Ministrat Damian Gjiknuri e Blerand Stavileci, përfaqësues të Ambasadës së Gjermanisë në Tiranë, KfW-së dhe drejtues të operatorëve të sistemit të transmisionit të dyja vendeve/

-Me linjën e interkoneksionit 400 kV, Shqipëria dhe Kosova do të mund të përfitojnë me kombinim të burimeve të prodhimit të energjisë. Shqipëria e bazon prodhimin e energjisë në 95 për qind nga hidrocentralet, ndërsa Kosova nga termocentralet/

TIRANË-PRISHTINË, 28 Qershor 2016/ Gazeta DIELLI-Behlul Jashari/ Është finalizuar ‘autostrada’ energjetike, projekti më i rëndësishëm energjetik – Linja e interkoneksionit 400 kV Shqipëri-Kosovë, e cila ka një gjatësi totale prej 241.1 km, nga të cilat 151.1 km shtrihen në territorin e Shqipërisë dhe 90 km në territorin e Kosovës, duke i hapur kështu rrugë tregut të përbashkët të energjisë.

Të pranishëm në ceremoninë e inaugurimit që u zhvillua në kryeytetin shqiptar – në Nënstacionin Tirana 2 ishin Kryeministrat Edi Rama e Isa Mustafa, Ministrat Damian Gjiknuri e Blerand Stavileci, përfaqësues të Ambasadës së Gjermanisë në Tiranë, KfW-së dhe drejtues të operatorëve të sistemit të transmisionit të dyja vendeve.

Kryeministri i Shqipërisë, Edi Rama tha se me projektin e interkoneksionit 400 kV mes dy vendeve po krijohen premisat themelore për një treg të përbashkët të energjisë, duke krahasuar atë me rrugën e kombit.
“Inaugurimi i kësaj linje është nisja e një kapitulli të ri për integrimin e të dy vendeve. Sot shohim me krenari sa shumë kemi bërë për t’u afruar dhe për t’i dhënë hapësirës tonë të përbashkët fuqi dhe portenciale zhvillimi, përmes një integrimi të gjithanshëm, duke filluar nga energjia e duke vazhduar në të gjithë sektorët”, tha Rama.

Kryeministri i Kosovës, Isa Mustafa tha me këtë rast se përfundimi i punimeve në pjesën e Shqipërisë, shënon kompletimin e autostradës energjetike prej 400 kV ndërmjet Kosovës dhe Shqipërisë.
“Energjia është shtyllë e jona tepër e rëndësishme për zhvillimin ekonomik të qëndrueshëm. Kemi nevojë për energji stabile dhe të bollshme për biznese dhe ekonomi familjare, si parakusht i rritjes së investimeve të brendshme dhe atyre të jashtme, si dhe si parakusht i mirëqenies së qytetarëve tanë”, tha Mustafa, duke shtuar se kjo vepër e madhe e një tregu të përbashkët të Shqipërisë dhe Kosovës do të zgjerohet më tutje edhe në vende tjera në Evropën Juglindore, por edhe në Evropë në tërësi.Ministri shqiptar i Energjisë dhe Industrisë, Damian Gjiknuri tha se inagurimi i kësaj vepre në prag edhe të Samitit të Parisit do të bindë shumë shtete të Bashkimit Evropian që investimet në rajonin tonë janë të domosdoshme dhe shtetet e kanë vullnetin për të bashkëpunuar dhe për t’i realizuar ato në kohë.Ministri kosovar i Zhvillimit Ekonomik, Blerand Stavileci, tha se integrimin ekonomik të të dy vendeve tona që po bëhet gjithnjë e më real dhe më i prekshëm, e tregon edhe projekti i sotëm i autostradës energjetike, e cila është në linjë me politikat e Bashkimit Evropian dhe në pajtueshmëri me iniciativën e gjashtë vendeve të Ballkanit Perëndimor.

“Bashkimi i tregut të energjisë është një projekt që tashmë po merr formën finale, i cili i hap rrugë interesit strategjik të të dy vendeve tona drejt integrimit bilateral të tregut të energjisë dhe në fazën tjetër në integrimin rajonal”, tha Stavileci.

Ministrat theksuan se përveç linjës së interkoneksionit, Kosova dhe Shqipëria kanë ndërmarrë hapa konkretë të transformimit të sektorit të energjisë, duke përmendur memorandumin për mundësinë e bashkëfinancimit të projekteve të përbashkëta gjeneruese, bashkëpunimin për krijimin e bursës së energjisë në Shqipëri dhe aplikimin e përbashkët për studimin e fizibilitetit për gazin.

Përfaqësuesi i Ambasadës Gjermane në Tiranë, vlerësoi se ky është një hap mjaft i suksesshëm për të rritur sigurimin e furnizimit me energji në Shqipëri, Kosovë dhe në tërë rajonin.
Projekti ka vlerën 75 milionë euro dhe u financua nga Qeveria Gjermane përmes bankës KfW nëpërmjet kredive të zhvillimit. Me linjën e interkoneksionit 400 kV, Shqipëria dhe Kosova do të mund të përfitojnë për shkak të kombinimit të burimeve të prodhimit të energjisë. Shqipëria e bazon prodhimin e energjisë në 95 për qind nga hidrocentralet, ndërsa Kosova nga termocentralet.

Në 17 dhjetor 2015, në Kosovë u bë inaugurimi i Projektit “Rregullimi Sekondar Frekuencë-Fuqi Kosovë-Shqipëri” dhe përfundimi i punimeve në linjën interkonektive 400 kV deri në kufirin me Shqipërinë. Inaugurimi u bë pasi në “autostradën” energjetike të Kosovës drejt Shqipërisë u bë edhe energjizimi testues i linjës së re interkonektive të tensionit të lartë 400 kV deri në kufi, e cila lidhë nënstacionet Kosova B dhe Tirana 2, duke kaluar nëpër territorin kosovar në zonat e 8 komunave – Obiliq, Vushtrri, Drenas, Malishevë, Rahovec, Gjakovë, Deçan e Junik dhe të mëse 45 fshatrave.

Në linjën interkonektive 400 kV Kosovë-Shqipëri, në pjesën kosovare në fund të muajit shtator 2015 u përfundua me ngritjen e të gjitha shtyllave elektrike. Ngritja e shtyllës së fundit elektrike, 239, u bë pranë kufirit në Qafë Morinë, ndërkohë që ishin shtruar mbi 50 km përçues elektrikë.

Në 21 dhjetor të vitit 2013, në praninë e ministrit të Energjetikës dhe Industrisë të Republikës së Shqipërisë, Damian Gjiknuri, ministrit të atëhershëm të Zhvillimit Ekonomik të Kosovës, Fadil Ismajli, dhe ambasadorit të Gjermanisë në Kosovë në atë kohë, Peter Blomeyer, në hapësirat e Lidhjes Shqiptare në Prizren, në një ceremoni solemne, është nënshkruar kontrata për ndërtimin e linjës interkonektive 400 kV Kosovë-Shqipëri.

Në Forumin e Nivelit të Lartë me temën “Siguria e Furnizimit me Energji Elektrike në Kosovë”, i zhvilluar në Prishtinë në fillim të marsit 2016, organizuar nga Ministria e Zhvillimit Ekonomik të Kosovës dhe mbështetur nga USAID-i, pjesëmarrësit u pajtuan se një komponentë shumë e rëndësishme për stabilitetin e furnizimit dhe operimit të sistemit është tregu i përbashkët i energjisë elektrike me Shqipërinë.

“Plotësimi i gjenerimit të energjisë elektrike të Shqipërisë – i bazuar kryesisht në hidro dhe i gjenerimit të Kosovës – i bazuar kryesisht në thëngjill, është konsideruar si alternativa më e lirë dhe e sigurt për furnizim të përbashkët të dyja vendeve, duke eliminuar kështu mungesën sezonale”, u theksua në përfundimet e Forumit të Nivelit të Lartë “Siguria e Furnizimit me Energji Elektrike në Kosovë”, në Prishtinë.