Skender Karacica – Page 3 – Dielli

Si shihet atdheu nga larg

May 7, 2018 by dgreca

Nga Skender Karacica/

Çfarë (po)ndodhë me çështjen e (pa)zgjidhur shqiptare në Maqedoni dhe partitë (politike)shqiptare…?!

U bënë njëzetë vjet nga ,,pavarësia,, e Maqedonsië nga ish -Jugosllavia dhe çështja shqiptare mbeti e (pa)zgjidhur në këndin e margjinave politike të kohës!Partitë politike(shqiptare)e kanë bërë si ,,rregull,,që pas zgjedhjeve parlamentare marrin udhë në ,,programin politik,,të (pa)koalicionit me partitë sllavo-maqedonase (Nikolla Gruevski-Zoran Zaev)dhe si me hy në punë dhe me e marrë një rrogë të mirë dhe dofarë shkallë të jetës si ,,hyqmet,,se jo mahi…!!!

Çfarë u bë dhe çfarë nuk do të bëhet kurrë në hapësirën etnike shqiptare në Maqedoni,do të thosha,do të jetë ora e kurdisur e kohës me pushtetin maqedonas që,hë për hë,do të jetë ora kryesore poltike:RRINI URTË E BUTË,PUNONI DHE VEPRONI,E DINI…VETËM ÇFARË THOTË SHTETI(sic!).

Në parlament tashti kemi vetëm 19 deputetë shqiptarë(!)që dorën në zemër nuk kanë as forcën,as mundësitë ligjiore dhe as guximin që të nisin proceset (d)emokratike në këtë shtet problematik dhe me një të ardhme të paqartë kushtetuese,ku populli shqiptar ka mbetur as në tokë e as në qiell…!

Nëse nuk ndryshon kjo gjendje (shqiptare)në shtratin klinik të kohës sipas Shekspirit,,Të jesh,apo mos të jeshë,,atëherë do të ishte mirë që deputetet e (p)opullit të dorëzojnë mandadet dhe të shkojnë në shtëpi!

Kur të dëgjueshmit shkojnë në shtëpi,atëherë do të dëgjohet zëri i BE-së dhe SHBA-së se çështja shqiptare ende nuk është zgjidhur në shkallën e barazisë kombëtare(shtetformues) e jo pakicë kombëtare!

Koha po troket në ndërgjegjen e (vrarë)të partive politike shqiptare që për këto vite nuk e kanë lëvizur asnjë guri karshi çështjes së (pa)zgjdhur shqiptare në hapësirën etnike në Maqedoni!

Çikago,7 maj 2018

Në Serbi kanë nisë fushatën kundër shqiptarëve dhe Kosovës në Amerikë

April 1, 2018 by dgreca

Serbia nis fushatën në Amerikë kundër Kosovës,qeveritarët tanë ia kthyen shpinën LQSHA-së Joe DioGuardi-t/

Skender-Karaçica-autor

Nga Skënder Karaçica/

Qarqe të caktuara qeveritare,shoqëria civile,bota universitare,kulturore,shkencore dhe diaspora në Serbi kanë nisë fushatën kundër shqiptarëve dhe Kosovës në Amerikë.

Këto ditë përfaqësuesit qeveritar dhe të përkrahur nga presidenti serb Aleksandër Vuçiç është themeluar Kongresi Serbo-Amerikanë që për qëllim të afrojë projektin nacional të Serbisë për të ndryshuar qëndrimin amerikan ndaj këtij vendi që,si thuhet nuk është vetëm Serbia fajtore për tërë problemet në Ballkan.

Në programin e Kongresit Serbo-Amerikan thuhet se ka ardhë koha që tashti me tërë potencionalin njerëzorë që kemi në Amerikë si biznesmenë,

kompani,profesorë të universiteteve dhe të diasporës serbe,ne mund të përafrohemi me

institucionet e shtetit amerikan në Kongres dhe Senat,ndonëse qysh tash katër senatorë dhe kongresmenë kanë shprehë gadishmërinë që të ndihmojnë Serbinë në mënyrë që Amerika të ndryshojë qëndrimin dhe tash e tutje mos të jetë vetëm Serbia fajtore për konfliktet në hapësirën

e ish-Jugosllavisë dhe,si thuhet në programin e këtij Kongresi Serbo-Amerikan të shqyrtohet çështja Srebrenicës,Bosna e Hercegovina dhe Kosova.

Tërë ky mekanizëm politiko-diplomatik i Serbisë është në përkrahje të gjerë nga të gjitha nivelet e institucioneve të shtetit serb dhe qëllimi fund e krye ka të bëjë që edhe njëherë të luhet loja ,,fol e mashtro para botës,,që për ne tashmë është doktrinë e njohur që nga vitet e errëta antishqiptare të Serbisë 1844-1999.Këso kohe shteti serb nuk po lenë la luar të gurët e qendrave të vendosjes dhe nuhajtja e saj ,,lotët e Nikolla Pashiqit,,në tepihun e kuq në shtëpinë e bardhë në Vashington të kohës tashti janë bërë platformë e qarqeve për tërë segmentet e shtetit të Serbisë me moton,,Të nisim diçka,të fitojmë diçka,,(!).

Po ritheksojmë se tash gati 30 vjet në Nju Jork vepron dhe punon me taban të fortë kombëtar Liga Qytetare Shqiptaro-Amerikane (Joe DioGuardi),i cili në programin e lobimit të tij kishte çështjen shqiptare në Ballkan dhe Lirinë dhe Pavarësinë e Kosovës.Mirëpo,për shkaqe që paksa janë të panjohura për ne dy qeveritë dhe institucionet në Prishtinë dhe Tiranë dhe në pjesën etnike shqiptare në Maqedoni,Mal të Zi dhe Preshevë sikur e kanë harruar abëreshin Joe Dioguardi në Nju Jork dhe kohëve të fundit e kanë anatemuar duke e lënë në margjinat e ,,historisë,,

dhe si thuhej nga njëri nga diplomatët e MPJ të Kosovës,sikur atij i paskësh ka kaluar koha(!).

Në dritën e ngjarjeve antishqiptare të Serbisë që në stilin ,,hap pas hapi,,të bëjë të mundur përafrimin e Amerikës me Serbinë dhe një ditë ajo të bëhet faktor i miqësisë serbo-amerikan,krejt kjo në të vetmen pikë referimi:çështja e Kosovës sipas tryezës diplomatike serbe dhe një udhë e re kah Ballkani që duhet të kaloj Amerika nëpër Serbi.

Përkitazi me programin me ngjyrat antishqiptare të Serbisë shtron nevojën e ngutshme që institucionet qveritare në Prishtinë dhe Tiranë të afrohen sa më parë në Ligën Qytetare Shqiptaro-Amerikan(Joe Diogurdi)në Nju Jork,në mënyrë që të forcohet doktrina e lobimit për çështjen shqiptare në Ballkan dhe mos të lejohet përfshirja e Serbisë me programet fashiste kundër popullit shqiptar dhe të Kosovës,madje përmes logjistikës

së njohur ,,lot para miqëve,,dhe roli i saj gjoja si ,,viktimë,,dhe agresorë i vërtetë i orëve të historisë së gjenocidit ndaj popujve joserb në ish-Jugosllavi dhe shqiptarëve në Kosovë.

Serbia ka nisë ti luaj gurët,ne nuk guxojmë të bëjmë gjumë (vetëm)në krahun e majtë.Diasporën shqiptare në Amerikë duhet të unifikohet më shumë dhe më afër me LQSHA-së Joe DioGuardi në Nju Jork!

SHSHA në Çikago dënon dhunën kundër prof.dr.Branko Sinadinovski

March 6, 2018 by dgreca

–SHSHA në Çikago dënon dhunën kundër shqiptarit ortodoks prof.dr.Branko Sinadinovski/

Nga Skënder Karaçica/Çikago/

Shteti i Maqedonisë si multinacionalë nuk po merre udhën e duhur të tipareve të vlerave demokratike dhe të lirive njerëzore,thuhet në fillim të reagimit të SHSHA-së në Çikago,që përmes reagimit dënon dhunën fizike kundër shqiptarit ortodoks prof.dr.Branko Sinadinovski.

Shqiptarët artodoksë në trevën e Rekës tashmë janë bërë realitet se ata kanë dalur para opinionit të gjerë në Maqedoni dhe para faktorëve relevantë ndërkombëtar të BE-së dhe SHBA-së se përkatësinë e tyre kombëtare e kanë shqiptare e jo maqedonase,thuhet në reagimin nga Çikago.

Atëherë kë e pengon aktiviteti i prof.dr.Branko Sinadinovski,intelktual i dalluar i dijes dhe botës universitare shkencore dhe themelues i Bashkësisë Fetare Ortodokse Shqiptare në Maqedoni,i cili në frymën e tipareve të vlerave të demokracisë dhe të drejtës kombëtare përmes shpalimeve historike e ka thënë fjalën e lirë se në Maqedoni jetojnë 70 mijë ortodoksë shqiptarë që koha e regjimeve komuniste dhe ,,fetare ortodokse,,(serbe,greke

bullgare dhe maqedonase)ua ndaloj të drejtën e përkatësisë kombëtare se ishin dhe janë shqiptar etnikë në Maqedoni,thonë shqiptaro-amerikanët në Çikago.

E gjithë kjo udhë e dritës për shqiuptarët ortodoksë në hapësirën etnike në Maqedoni,

qarqet antishqiptare me skenarët e njohur për popullin e ,,ndaluar e të asimiluar,,ortodoksë shqiptarë tashti po e pengon shumë dhe përmes dhunës fizike ndaj prof.dr.Branko Sinadinovski,

mundohen të shuajnë me dhunë përcaktimin e tyre të drejtë se ata janë shqiptarë të besimit ortodoksë

dhe do të frymojnë si shqiptarë në hapësirën e vet etnike në Maqedoni,thuhet në këtë reagim të SHSHA-së.

Për fund nga Çikago kërkohet nga organet e rendit dhe të pushtetit aktual që të zbardhet rasti i dhunës fizike me motive më brutale kundër prof.dr.Branko Sonadinovskit dhe mos të pengohet e drejta kombëtare e demokratike për përcaktimin e tyre shqiptrar të besimit ortodoksë në këto hapësira dhe të shtetit multinacional në Maqedoni,ku populli shqiptar paraqet popullin e dytë shumicë që,për fatin jo të mirë ata ende e kanë statusin e pakicës kombëtare dhe jo shtetformues,thuhet në fund të reagimit të SHSHA-së nga Çikago.

Lavrov në Beograd, Daçiçi nuk e ndal urrejtjen fashiste ndaj shqiptarëve dhe Kosovës

February 21, 2018 by dgreca

Nga Skënder Karaçica/

Vizitat e shpeshta të ministrit të jashtëm rus,Lavrov në Beograd,paraqesin në pikë të ditës skenarët e njohur të Serbisë(1844-1999)kundër popullit shqiptar dhe Kosovës.Në një shkrim autorial(Lavrov-Daçiç)në gazetën ,,Politika,,të Beogradit,pioneri i kryekriminelit Millosheviq(Ivica Daçiç),shpalos,,historinë,,e miqësisë Serbi-Rusi për këto 180 vjetë dhe koha e luftërave për njëfarë sovraniteti të shtetit serb me motivet antishqiptare në Ballkan dhe çështja e Kosovës.

Në këtë paraqitje ,,ekskluzive,,gazeta ,,Politika,,e Beogradit,e njohur tash e njëqind vjet për propagandën dhe gënjeshtrën

,,historike,,nuk e lënë pa e vënë në qendër të vëmendjes konfliktin në Kosovë dhe,siç thotë pioneri i rritur në frymën fashiste të Serbisë,Ivica Daçiç,të agresionit NATO ndaj ish-Jugosllavisë(Serbi-Mali Zi),për të marrë një pjesë të

sovranitetit (e ka fjalën për Kosovën)dhe tash e njëzetë vjetë të realitetit të ri në Ballkan.

Pioineri i Millosheviqit,Ivica Daçiç,në Beograd vajton para minsitrit Lavrov për kohën e konfliktit në Kosovë,intervenimi NATO dhe largimi i forcave ushtarako-policore dhe paramilitare nga Kosova,që kësaj radhe dhe në takimet ndërkombëtare nuk lë pa luar të gjithë gurët e diplomacisë për të penguar në udhën e saj të shtetndërtimit të Kosovës.

Në fushën e të drejtës ndërkombëtare karshi shpalljes së Republikës së Kosovës në vitin 2008,Gjykata Ndërkombëtare në kërkesë të Serbisë pati vënë në tovolinë ligjet ndërkombëtare që sipas vlerësimit ato nuk janë shkelur me rastin e pavarësisë së Kosovës.

Në takimin e dy ministrave serbo-rus në Beograd,sikundër para 180 vjetësh të bashkëpunimit ,,vëllazëror,,në mes të dy popujve që përmes përkthyesit mund të merren vesh,po e rikthejnë kohën vrastare të Serbisë në shekullin e ri dhe nuk po ua do shpirti të njohin realitetin e ri se shqiptarët dhe serbët janë ndarë njëherë e përgjithmonë në vkitin 1999 me orën e madhe të historisë të popullit shqiptar dhe të pavarësisë së Republikës së Kosovës.

Bashkësia ndërkombëtare BE-SHBA duhet të lajmërojnë Serbinë dhe diplomacinë e saj përmes Ivica Daçiç se nuk bënë të mbajë të ndezur zjarrin antishqiptar dhe propagandën pajade tash e dy shekuj kundër Kosovës,që asnjëherë në histori nuk ishte pjesë e ,,sovranitetit,,të Serbisë vrastare.

Ivica Daçiç po mundohet të mbajë në ,,këmbë,,opinionin në Serbi në kohën kur Kosova kremtoi 10-vjetorin e pavarësisë dhe ka nisë udhën e vet të shtetbërjes me synimet për anëtarsim në BE-NATO dhe në institucionet e rëndësishme ndërkombëtare.

Besa është kodi i nderit për kombin shqiptar…

February 12, 2018 by dgreca

…hebrenjtë në Çikago duartrokitje për Shqipërinë dhe Kosovën/

NGA SKENDER KARAÇICA/

Filmi dokumentar,,Besa,,-(The Promise)me regji të Rachel Goshins është një projekt disavjeqar i drejtuar nga fotografi amerikano-hebroik Norman H.Greshman,që në vete përthekon orët e kujtesës historike në kohën e pranisë dhe të shpëtimit të refugjatëve hebrenjë në Shqipëri dhe Kosovë gjatë Luftës së Dytë Botërore.

Muzeumi Holokaust në (Skokie)të Çikagos sot kishte hapur dyert për të pritur filmin dokumentar,,Besa,,-(The Promise)dhe për të parë nga afër kujtesën historike se si shqiptarët e tre besimeve fetare(muslimanë,katalokë dhe ortodoksë)kishin dhënë besën për të pranuar dhe shpëtuar refugjatët hebrenjë që kishin ardhur në Shqipëri dhe Kosovë nga vendet e Evropës në flakët e luftës nga Nazi-fashizimi dhe aleatët në kërkim të shfarosjes së tyre deri në substancë.

Për të parë filmin ,,Besa,,-(The Promise)kishin ardhur një numër i madh i qytetarëve hebrenjë,

amerikanë dhe shqiptarë si dhe përfaqësuesit e SHSHA-së Mahmut Skenderi,Skënder Karaçica dhe Nazim Alimi që për bibliotekën e këtij muzeu dorëzuan dy publikime shkencore të përkthyera në gjuhën angleze,,Shqiptarët dhe Hebrejtë,,(Studim Monografik)të prof.dr.Shaban Sinani të botuar në Tiranë si dhe Librin e Arkivit të Shtetit të Kosovës

,,Krimet serbe në Kosovë (1998-1999)të prof.dr.

Jusuf Osmani të botuar në Prishtinë.Këto botime i mirëpriti Drejtoresha e Programit Publik Lilliana Polus Gerstner.

Ndërkaq, në këtë manifestim kulturor për orët e kujtesës historike për dy popujt shqiptaro-hebrejë

morën pjesë udhëheqja e OGSHA-së Lirie Mehmeti,Ria Ismajli dhe Arjana Jaupi që të dyja këto organizata shqiptaro-amerikane në Çikago

ishin pjesë e organizimit të këtij programi për kohën kur shqiptarët shpëtuan hebrenjtë nga dora vrastare Nazi-fashiste të kohës.

Kur filloi shfaqja e filmit,,Besa,,-(The Promise)në sallë u krijua një heshtje e thellë dhe të gjithë me vëmendje përcillnin personazhet shqiptare në Tiranë dhe ato hebreje në Amerikë dhe Izrael.

Filmit i kishte dhënë dritën për të afruar të dhënat historike për shqiptarët dhe hebrejtë bashkë në Tiranë dhe Shkodër,fotografi amerikano-hebroeik Norman H.Greshman,i cili edhe vetë kishte përjetuar orët e Holokaustit ai përmes aparatit të tij dhe xhirimeve me syrin e kamerës,përthekoj kohën kur hebrenjtë erdhën në Shqipëri dhe përmes kodit të besës shqiptare ata u strehuan dhe u bënë anëtarë të familjeve shqiptare,duke mos rënë në duart vrastare të ushtrisë Nazi-fashiste.Në këtë kohë shpëtuan 2.000 hebrejë gjatë orëve të Holokaustit.

Besa është një prej virtyteve të kombit shqiptar,

kishte veneruar në rrugëtimin e tij në Amerikë,

Shqipëri dhe Izrael,fotografi amerikano-hebreik Norman Greshman.Ky fotograf me temën e tij bosht ,,Code of Honor,,kishte nisur mesazhin e tij për kombin shqiptar si i vetmi komb në botë që u dolën në mbrojtje hebrenjve gjatë Luftës së Dytë Botërore.Fotografitë e tij me personazhe shqiptaro-hebroike kishin udhëtuar në Kongresin Amerikan në Uashington,Shqipëri,Bruksel dhe Prishtinë.

Për 90 minuta sa zgjati filmi,,Besa,,-(The Promise)pika më kulmore ishte rrëfimi i Rexhep Hoxhës nga Tirana,ku babai i tij para se vdiste i pati lënë amanet tre librat e shkruara në gjuhën hebreike të dërgonte Aronit në Tel Aviv pas gjashtëdhjetë vjetësh të ruajtura mirë nga regjimi komunist.Kulmi i ngjarjes historike ishte se si u takuan dy familjet në Tel Aviv dhe kthimi i kujtesës në kohën kur nëna shqiptare e kishte rritur Aronin tashti burrë i moshuar dhe,saherë që niste rrëfimin e tij për kohën e jetës e të rritës në Shqipëri,lotët ia ndalnin bisedën e tij.

Tre librat amanet nga Tirana dorëzohen në Tel Aviv dhe Rexhep Hoxha dhe Aroni pas kaq vitesh e bëjnë kulmin e ngjarjes për flmin,,Besa,,-(The Premise)që u përcoll me vëmendje dhe lot nga të pranishmit në sallë.Pas shfaqjes së filmit në sallë u organizua debat i lirë për mesazhin e filmit dokumentar dhe për shpirtin human me kodin e traditës shekullore të besës për kombin shqiptar,ata i duartrokitën Shqipërisë dhe Kosovës.

Në fund po theksojmë se SHSHA në bashkëpunim me bordin udhëheqës të Muzeut Holokaust në (Skokie)në Çikago,së shpejti do të vendoset Pllaka Përkujtimore me mbishkrimin:Prania dhe shpëtimi i hebrenjve gjatë Luftës së Dytë Botërore Shqipëri-Kosovë.