Sulo Gozhina – Dielli

PËRSE BRAKTISET SHQIPËRIA?- “KUÇEDRA” DO TË MBYLL BURIMIN NE SINEC PËR HEC

June 3, 2020 by dgreca

-Një firmë private po tenton t’ua marrë banorëve ujin e Sinecit në Kuçovë, për të ndërtuar një HEC, edhe pse ky burim është shpallur “Monument Natyror”, me VKM.Nr. 676. dt. 20.12,2002./

-Kjo zonë ka axhendë të pasur turistike për shkak të bukurive natyrore, ushqimeve bio, trashëgimisë historike, shpellave, kanjoneve, fragmente muresh të vjetër etj. Këtu vijnë turistë nga Gjermania, Zvicra, Çekia, Franca, Turqia, Amerika e Italia…

Nga Sulo Gozhina/

LUMAS – E keni dëgjuar atë përrallën me Kuçedër që zë ujin e fshatit? Pak a shumë kjo po ndodh edhe në Lumas, bashkia Kuçovë, në qarkun e Beratit. Janë me qindra banorë, të rinj, të moshuar, gra dhe fëmijë, të cilët u mblodhën tek i vetmi burim uji në zonën e tyre, i njohur brenda dhe jashtë kufijve të vendit si “burimi i Sinecit”. Arsye e këtij tubimi është se dikush i ka lajmëruar banorët se tek burimi janë parë njerëz të panjohur që bënin matje, edhe pse ishte shpallë karantina nga Qeveria Rama. Po siç duket këta e kishin lejen në xhep. Burimi I Sinecit është vetë jeta e banorëve. Mirëpo Qeveria ka evndosur që t’ia japë një firme private, e cila do ta përdorë për devijimin e ujit dhe ndërtimin e një HEC-i. Ndaj shkaku i kësaj proteste është bërë uji i Sinecit i cili rrjedh nga burimi me të njëjtin emër. Banorët shprehen të shqetësuar se marrja e këtij burimi shaktërron totalisht fshatin dhe zonën e më gjerë, shkatërron florën e faunën.
Në këtë tubim banorve të zonës u është bashkur edhe Profesor Sazan Guri, një nga zërat e fuqishëm të ambientalistëve, i cili është totalisht kundët shkatërrimit të kësaj zone të virgjër dhe turistike, pa harruar se me një veprim të till shkatërrohet flora dhe fauna e krej kësaj zone, që fillon në zonën e Lapardhas me mbi 6 mijë banorë e përfundon në zonën e Gramshit. Janë banorët e zonës që me shpenzimet e tyre dhe me punë vullentare ndërvite kanë bërë edhe rrugën prej më shume se 7 km deri tek burimi pasi më pare ishet shumë e vështirë të vije tek burime sepse ka pasur vetëm rrugë dhish. Në këtë protestë banorët kanë shkruajtur dhe pankarta, si: “Larg duart nga Sineci”, ..ose “Sineci është Yni” ,”Sineci është jeta jonë” etj…etj. Banorët pohojnë për medien e shkruar dhe atë vizive se vetë fshati ynë e ka emrin Lumas, pra vendi që rron me këtë burim ujor, po na morën edhe këtë burim , na marrin jetën….

Banorët e zonës tregojnë se ujin e këtij burimi e përdorin jo vetëm për të pirë njerëzit, por dhe si burim kurativ, për tu kuruar e shëruar nga ekzemat të llojeve të ndryshme dhe mbi të gjitha për të ujitur tokat e tyre me sipërfaqe prej mbi 120 hektar, pa harruar këtu se dhe bagëtitë aty pijnë ujë.

Ky vend është i frekuentuar nga turistët – Sipas pohimit të banoreve janë me qindra turistë vendas dhe të huaj, cilit nëpërmjet guidave turistike kanë mbrritur në këtë vend turistike, të begatë e të virgjër.

Aty është ndërtuar edhe një pikë turistike prej njërit nga banorët e zonës, Sokol Shurdha, i cili tregon për gazetën se të gjitha të ardhurat familjare për rreth 20 vjet në emigracion i kanë hedhur këtu.

Në këto pak vite me mundin e me djersën time e të familjes, ne kemi investuar gjithçka. Ka kohë që këtu vijnë turistë nga Gjermania, Zvicra, Çekia, Franca, Turqia dhe nga Amerika e Italia etj., thotë Shurdha.

Ata janë bërë dhe miqtë tanë dhe çdo sezon na marrin në telefon, bëjnë prenotimet. Edhe për këtë vit i kanë pronotuar dhe i kam të zëna të gjitha javët, duke filluar nga korriku e deri në dhjetor, pasi këtu bëhet turizmi gjithëvjetor. Turistët kënaqen jo vetëm me pamjet e bukura të natyrës së mrekullushme, por dhe ushqimet e shijshme bio, gatimet e traditës. Asnëj ushqim nuk e blejmë në treg, por e prodhojmë këtu.Këtu rriten të gjitha pemët që nga qershia, mani, fiku, kumbullat, rrushi,dardha, por edhe pemët e egra që janë shumë të kërkuara si thana, larushku, gorrica, por edhe të gjitha perimet e buta dhe të egra.

Por si për çudinë e rastit si dhe veprohet kudo në Shqipëri ditët e muajt e fundit në këtë vend përrallor, fsheurazi edhe pse është e ndaluar të lëvizin për shkak të Covid-19, vijën grupe të ndryshme me litar e me metra në duar dhe kanë filluar matjet në këto burime. Veprime që i mbajnë të fsheta për banorët e zonës e më gjerë, madje në ndihmë të tyre ditët e fundit ka ardhë edhe policia, e cila kur banorët kanë dashur ti përzënë prej burimit, për veprimet e tyre të fshehta e tinëz, uniformat blu u kanë ardhur në ndihmë, madje edhe duke shoqëruar disa nga banorët e zonës, por që më pas i kanë liruar. Banorët kanë bërë disa herë ankesa, por zëri tyre ka vajtur në vesh të shurdhër. Banorët janë ngritur në protestë për këtë problem tepër jetik të tyre duke pohuar se: ”jeta jonë është ky burim, ne nuk mund ti lejojmë t’na e marrin”. Burimi i Sinecit është nje nga burimet më të bukura në zonë.

Ata janë ankuar dhe ankohen, por askush nuk I dëgjon. Duket se qeverinë vendore me leje nga lart, e kanë me vete ata që duan t’ua rërmbejnë ujin. Kanë shkuar edhe tek kryetari i bashkisë Kreshnik Hajdari, por ai i ka kthyer mbrapsht me argumentin se: Kemi projekt, do ta zbatojmë projektin…”

Nëse na merret ky uji, zona vdes, se ai është burim jete si për banorët, për bagëtinë, për bimët, u pret rrugën turistëve, me një fjalë, për gjithçka është jetë ky uji, thotë Sokol Shurdha.

Paradoksi qëndron në faktin se Burimi i Sinecit vite më parë është shpallur “Monument Natyror”, me Vkm.Nr. 676. dt. 20.12,2002. Sokol Shrurdha tregon se zona ka një guitë shumë të mirë turistike, pasi në këtë zonë ndodhen disa shpella,kanione, mure e fragmente muresh të vjetër, që tërheqin turistët. Ai përmend toponime të tilla me vlerë si Kasha e Kaurit, Shpella e Xhinxhilesë, Kanionet e Sinecit, Mali i Goricës, Kisha te Mulliri, Shpella e Katundasit etj…

Nëse na e marrin me forcë burimin e jetës stonë, ne më mirë të largohemi, thonë banorët.Po ku? Qeveria e di….

Dhe ne pyesim: Përse braktiset Shqipëria nga Shqiptarët?

BERATI DHA 537 FIRMA PËR PETICIONIN E RINDËRTIMIT TË TEATRIT ATY KU ISHTE

June 2, 2020 by dgreca

NGA BERATI PËR GAZETËN “DIELLI” SULO GOZHINA/

BERAT, 2 Qershor 2020- Aleanca për Mbrojtjen e Teatrit, ka mbërritur pasditen e sotme në sheshin para Pallatit të Kulturës “Margarita Tutulani”, ku është organizuar edhe protesta e radhës si dhe është firmosur një peticionin për rindërtimin e Teatrit Kombëtar ashtu siç ishte, e në të njëjtin vend. Artistë e dashamirës të artit por dhe të qytetit e të rrethinave të tij, si dhe antar e simpatizantët forcave politike të degëve të PD e LSI në Berat i janë përgjigjur thirrjes së aleancës për të firmosur peticionin. Nuk e kemi ulur kokën e nuk jemi dorëzuar, tha në fjalën e tij regjisori Robert Budina, ka shumë të rinj të pashpresë këtu, por kultura do t’ju sjellë shpresën, do t’ju zgjoj shpirtin ,.dhe ne do ta bëjmë ashtu siç duhet ta bëjmë atë që duhet të bëjmë. Ne jemi një grup qëndrestarësh nga mbrojta e teatrit kombëtarë, që kemi parë një sulm të paskrupullt, që ndonjëherë ndonjë qeveri e mëparshme në Shqipëri apo në Europë, por edhe përtej, nuk ka guxuar t’i bëj kulturës shqiptare, dhe sidomos tempullit të vjetër të gjuhës shqipe, i vjetër pothuajse po aq sa Tirana, siç ishte Teatri kombëtar, këtë e bëri ky kryeministër që e filloi luftën me ne, 20 vjet më parë për të shëmbur artin kulturën dhe një godinë. Dhe kujtoi se e shëmbi duke shembur vetëm murret, vijoj fjalën e tij regjizori, Budina, lufta jonë s’ka mbaruar, sapo ka filluar.Teatrin do ta vëmë aty ku ishte ashtu siç ishte.Në teatër u mblodhën të gjitha problemet e shqiptarëve duke filluar që nga varfëria,duke vazhduar tek vjedhja e pronës publike që donte të bënte ky kryeministër, shkelja e kushtetutës me një ligj me të cilin ata donin të shëmbnin teatrin kombëtar dhe rënia e institucioneve të drejtësisë tregon se duan të mos kemi tëshkuar. Ne jemi në kohën që shqipëria po shpopullohet, nëse ne godasim të gjithë tempujt tanë të historisë kulturës mendoni pas disa vitesh çfar do ti themi ne, cilët jemi ne, jemi barbar jo jemi Shqiptarë. Ne duhet të jemi në një front unik gjith opozita pa dallim duhet të ngrihemi dhe ti themi stop këtij pushteti kriminal që pasuron një grusht njerëzish dhe varfëron gjith popullin. Ndaj kemi ardhur të gjith së bashku në këtë shesh që nëpërmjet këtij peticionin ti themi që shqiptarët nuk din tē mbushin vetëm barkun me bukë, por din të bëjnë kulturë atë që rama e ka tëmerrar me kulturën si dhe është shkatërrimi iTeatrit Kombëtar.
Mirela Karabina e ka filluar fjalën e saj duke përshëndetur qytetarët dhe policin e shtetit. Ndërsa ka vijuar – po e nis me një gjë që më bëri përshtypje, teksa po bëjë një fotot me disa vajza beratase që në kanë ndjekur në aktivitetin tim aktror, por dhe si Petagoge, më treguan se dikush po na bënte një foto, nëse është vërtet kështu që nëndrejtori policis na bënë foto, nuk e kuptoj për çfar i duhet këtij polici fotoja, për të evidentuar se cilët qytetarë janë këtu, kjo nuk është policia që duam ne, policia ështe ajo që duhet të na siguroj ne, rendin dhe qetësinë. Prandaj këtu ka më pak njerës sepse duhet të ishin më shumeë dhe unë e ndjej që jemi shumë, edhe pse qytetarët i ndruhen, policisë apo dikujt tjetër. Ajo që ka ndodhur në qytetin e Beratit është ajo që na ka ndodhur në gjithë shqipërinë duke na hequr simbolet, duke na fshirë historinë. Në kushtet e pandemisë asnjë qeveri nuk e bënë këte që bëri ky pushtet banditësh, sulëm banditesk në orën 04.00 të mengjesit, kjo është qeveria e baditëve, qeveria e krimit, ndaj duhet të ngriemi për të mbrojtur veten, për të mbrojtur vendin.
Juli Emiri – Protesta e radhës në qytetin e kulturës së lashtësisë është shpresa dhe vendimi i radhës se do ta rikthejme siç ishte teatrin kombëtar, kjo dihet, fitorja jonë është per rikthimin e teatrit atje ku ishte është shprehur aktorja Ermiri, pasi ne nuk vuajme nga fiksimet siç bën kryeministri,që u fiksua me teatrin 20 vjet deri sa bëri banditizmin. Ne jemi mbledhur sot këtu për të treguar se do ta bëjëm në vendin ku ishte teatrin Kombëtar, pasi në këtë vend duhet të vendosin qytetarët dhe nuk duhet të vendosë një i çmendur në krye të shtetit…

NAMIR LAPARDHAJA – Sot këtu në qytetin tonë e themi me bindje se teatri nuk i përket vetëm artistëve por i përket gjithe qytetarëve, gjithe shqiptarëve.Po të ndjekim logjikën e Ramës, Berati është i vjetër dhe hajde ta shëmbim…Dikur në Greqine e lashte punonjësit e Teatrit ndanin bileta falas për zhvillimin e kulturës, ndërsa ne këtu i vëmë rruspullën dhe e shëmbim kulturën …ja kush është kryeministrit që thote se vij nga kultura.Të tille bandite që shkatërrojne kulturën e bashkë me të historinë duhet t’i konservojme si të pavlerët dhe njerëz si Rama duhet t’i hedhim koshin e plehrave me voten qytetare.
Adriana Torka: Është shprehur nëpërmjet një poezie: Ky është një revolucion ju ftoj të gjithëve të bëni pjesën tuaj në këte revolucion… Ndërthurje e oligarkëve, mafjes ne jemi këtu për ti thën mafiozë mjaft shqipëria është e qytetarëve jo e mafjozëve.Shqipëria është e kulturës e shqipëtarëve.
Edmond Budina: Ka mbyllur këtë tubim: Ne na anatemojne, na thone se nuk jemi aktore, ne jemi në radhë të parë qytetarë, por veprimet huligane që bëhen ndaj qytetareve të tu tregone se je një bandit dhe më së miri këtë e tregoi 17 maji. Nga kjo ditë u vendos diktatura, një diktaturë e felliqur, kriminale e me bandite e hajdute, por ne jemi këtu për t’i thënë posht diktaturës! Ata kryen një akt kriminal kundër kulturës së vendit të tyre, kryen aktin më fashist …ishte një akt bandidesk i nje policie paramilitare me armë… Atë natë mund të kishin vdekur njerëz sepse brenda në teatër kishte njerëz, por ata janë me keq se nazistët dhe nuk duan të dinë për njerezit, mjafton për tat ë gjejën një vend për të vjedhur dhe nuk duan të ditë për kulturën e historin e këtij vendi. Ndaj së bashku duhet të prtestojmë dhe të denoncojmë veprime të tilla kriminale. Ne kemi denoncuar në SPAK, e do të vazhdojme të denoncojmë, ajo që ka rëndësi është zgjimi i ndërgjegjes kombëtare; të ngrihen në protesta të mos kenë më frike por të ngrihen për t’i thënë ndal vandalizmave të tilla si këto që po bën ky kryeministër vandal. Do ketë gjithmone njerës që duan pushtetin prandaj s’duhet të harrojme çfare na kanë bërë dhe për tu treguar vendin, që ata duhet ta dinë se edhe ne jemi të bashkuar kundër dhunës, prishjes të kulurës e historisë …duhet të ngrihemi, por kjo s’bëhet në kafene, kjo bëhet në rrugë duke protestuar për t’i thënë se për të drejtën tonë, për të mbrojtur kulturën e historine Kombëtare, ne dimë mënyrën të zgjidhim çdo problem që kemi.Tek zemra e seicilit prej nesh është një copë teatri, është një copë culture, dhe ne do ta ringrejmë teatrin ashtu siç ishte… Ata shëmbën teatrin bashkë me flamurin sepse ata s’kan as fe, as Atdhe, sepse nuk kanë ndjeshmërinë, dashurinë as për vendin as për kulturën e historin Kombetare që kemi trashëguar.
Aleanca kërkon rindërtimin e godinës të T.K.siç ishte në të njëjtin truall dhe për këtë sot në Berat u mblodhën mbi 537 firmat në Peticionin përkatës.
Nga Berati për gazeta Dielli – Sulo Gozhina

150 fasoniste, 8 orë në këmbë Kuçovë-Berat, protestë për pagën e luftës

May 9, 2020 by dgreca

Nga Berati për Diellin – Sulo Gozhina /

KUÇOVË – 150 puntore të fasonerisë “Edjana”, Kuçovë kanë përshkuar 16 kilometra rrugë në këmbë për të protestuar për pagën e luftës në institucionin e Tatim-Taksave në Berat. Punëtorët kanë bër 16 km rrugë në këmbë vajtje – ardhje, duke nisur udhëtimin e tyre në orët e para të mëngjesit (05.00), nga Kuçova, për të kapur orarin zyrtar të institucionit tatim-taksave që ndodhet në Berat.Duke kaluar rrugë e mbi rrugë në asfalt e në rrugë dytësore edhe në grupe për të mos rënë në sy nga policia puntoret kanë mbritur rreth orës 8.30 minuta në hyrje të lagjes muzeale Mangalem, ku dhe janë ndaluar nga policia Berat me arsyen se kanë shkelur ligjin për grumbullime jashtë lejimit për arsye të Covid-19, si dhe orarin e daljes sepse ora shënonte 8:30 minuta dhe ato nuk kanë mundësin e kthimit në Kuçovë brenda fashës të lejuar. Ndërsa kanë ndaluar në mes të rrugëtimit të tyre punëtorët protestueset kanë pritur orarin për të vijuar drejt zyrave të tatim taksave.

Pas mbritjes në institucionin e tatimmeve, një përfaqësi e tyre janë pritur nga drejtori zëdhënsi i drejtorit Stavri Ceca, i cili i ka sqaruar me detaje se çfarë duhet të ndjekin si procedure, duke i drejtuar për zgjidhjen e këtij problemi në Zyrën e Punës në qytetit ku dhe banojnë. Elidona Kurti përfaqësuesja e punonjëseve tha për median e shkruar dhe atë vizive se fasoneria ku ato janë të punësuara prej 12 vjetësh më 9 mars kanë ndaluar punën edhe për arsye të mungesës të lëndës së pare, që u vjen nga Italia, por se edhe nga kjo diatë sipas tyre është ndalur edhe puna për arsye të covid-19. Ndaj ato kërkojnë për këtë arsye pagën e luftës, sipas saj shumë prej punëtoreve janë kryefamiljare dhe se kanë detyrime jo vetëm për rritjen e fëmijëve por shumica prej tyre kanë detyrime për pagesën e faturave të energjisë, ujit , si dhe shumica këstet e kredisë, pale shërbimit tek prindërit dhe mbajtjen me ushqime familjen e plot problem të tjera. Ndërsa punonjëset nga ana e tyre pohojnë se do të vijojnë protestën pasi kanë dy muaj pa paga dhe se të drejtën do ta kërkojnë e do të protestojnë me të gjitha format e lejuara deri në zgjidhjen e këtij problemi. Pasi deri tani askush nuk po interesohet për ne kemi apo s’kemi bukë për fëmijët tanë, kemi apo skanë, detyrime keto familje, një zot e di si do vej ky halli ynë, se qeverria deri tani asgjë nuk ka bërë për ne puntoret. Punonjëset janë rikthyer sërisht në këmbë për në qytetin ku dhe banojën në Kuçovë, ku një pjesë të rrugës janë shoqëruar edhe nga gazetarët e medias vizive dhe asaj të shkruar.

TRE TË VDEKUR NË BERAT, JO NGA COVID-19, POR NGA GAZI HELMUES

May 7, 2020 by dgreca

Donin të pastroni pusin e ujit, por u ndeshen me gaz helmus dhe humbën jetën xhaxhai e dy nipërit /

NGA BERATI PER DIELLIN-SULO GOZHINA/

BERAT – Një ngjarje e rëndë dhe tragjike ka ndodhur në mëngjesin e djeshme në fshatin Dushnik, 4 km në veri të qytetit të Beratit. Tre banorët e fisit Hoxha janë futur në pusin që kanë në oborrin para shtëpisë me qellimin që në fillim të nxjerin pompën nga thellësia mbi 8 ml. e më pas të pastron apo dhe të thellojn sado pak pusin që të siguronte ujë, te cilin banorët e këtij fshati e përdorin për ujë komunal apo dhe për të vaditur kopshtet e tokat për rreth tij. Ka qënë Kamber Hoxha 75 vjeç, ai që ka thirrur në ndihmë, nipin e tij Gentjan Goldashin 40 vjeç si dhe Neimin Hoxha djalin e vëllait për t’i ndihmuar. Por sapo kanë zbritur të tre përsonat janë përballur me një gaz helmues. Në këto rrethana më pas kanë qënë familjarët ata që kanë lajmruar policine e më pas kanë thirrur në ndihmë zjarr- fiksien si dhe ambulancat e spitalit rajonal të Beratit. Në vendin e ngjarjes ka mbritu policia, zjarrfiksit eqytetit si dhe ambulanca. Në vendin e ngjarjes ka mbrritur edhe prokurori i gatëshmë dhe grupi i ekspertve, mjeke etj.
Ngjarja : Burime pranë familjarve e të afermëve të viktimave thane për gazetën Dielli se të tre personat kanë hyrë në pus rreth orës 08.00, të mëngjesit të djeshëm dhe qellimi i tyre ka qënë të nxjerrin pompën nga pusi mbi 8 ml. i thell dhe më pas ta pastrojne e ndoshta ta thellojn që pusit t’i rikthehet uji të cilin banorët në këtij fshati e përdorin për ujë komunal apo dhe për të vaditur kopshtet e tokat që kanë rreth shtëpive. Por sapo kanë mbritur në fundin e pusit të tre, Xhaxhai e dy nipërit janë përballur me gazin metan të çliruar prej vitesh, pasi pusi qëndronte i mbyllur me kapak hermetik me qellim që të ishte i sigurët pasi në oborr luanin edhe fëmijë. Duket se mbyllja hermetike ka qënë fatale për të tre personal në fjalë, pasi sapo këta të fundit kanë mbritur në thellsin, fundin e posit, atje janë përballur me gazin metat të çliruar prej vitesh. Askush nuk e di se çfar ka ndoshur në fund të posit, por familjarët e tjerë që qendornin në grykën e pusit kanë parë se Xhaxhai e dy nipat nuk po reagojnë, janë shqetësuar dhe kanë kërkuar ndihmën e komshinjëve dhe të afrmëve të tyre. Kanë qënë këta të fundit që kanë lajmruar policinë e më pas kjo e fundit ka lajmruar me radhë, repartin e Zjarrfiksve të qytetit e më pas edhe ambulancën, veprim që e kanë bërë edhe familajrët. Burime pranë familjes kanë pohuar për gazetën se disa nga familjarët e tyre kanë dashur të futen në punë për ndihmë, por i kanë ndaluar të tjer përsona. Në këtë tragjedi që ka shokuar jo vetëm banorët e fshatit Dushnik por edhe më gjerë , tre familjet e këtij fisi kanë hapur dyerët e mortit, ndërsa pjestare të tjere të fisit kanë shkuar në Spital për të marë pas përfundimit të hetimeve trupat e pa jetë të familjarve të tyre.
Policia: Sapo ka mbritur në vendin e ngjarjes ka bërë rrethimin e zonës dhe me mbritjen e zjarrfiksve ka filluar operacionin e shpëtimit. Me bombulat e gazit punonjsit e Zjarrfiksve janë future në thellsin e pusit për të nxjerre prej andej të tre përsonat. E ndërsa doli i pari personë që sipas banorve ishte Neimi 44 vjeç babaj i dy djemëve, njërin prej të cilëve në Universitet e tjetrin 9 vjeçarë, u dukë se lëvizte gjymtyrën dhe ishte në një kllapi të thell, e ndërsa gezoj shumicën e banorve që ishin mbledhur në vendit e ngjarjes edhe për të dhënë ndihmën e tyre, duket se mbetën në hidhëruar kur mësuan se betejën me vdekjen e kishte humbur rrugës për në spital, apo në mbritjen atje. Duket se zjarrfiksit për dy personat e tjer e kanë pasur më të vështir nxjerjen nga thellsia e pusit pasi nga vetë insikti për të shpëtuar nga vdekja tashëm e sigurët Xhaxha e nip janë rrutulluar dhe ngatërruan në pompen apo dhe zorrën e e pompës si dhe ndoshta me vegla të tjera. Kështu që personin e dytë Gentjanin 40 vjeç, e kanë nxjerr prej fundit të pusit për afërsisht 45 minuta më pas kanë nxjerre edhe Kamberin 75 vjeç, të dy të vdekur, por që dy ambulancat njëra pas tjetrës i kanë dërguar në urgjencën e Spitalit të Beratit.
Prokuroria : Ndonse është në hapat e parë të hetimit, në vendin e ngjarjes kanë mbritur grupi i ekspertve si dhe prokurori i gatëshmë të cilit kanë filluar hetimet për zbardhjen e komplet ngjarjes. Po të njëtjat burime thanë për median e shkruar dhe atë vizive se grupi hetimor ka marë nën hetim deri në zbardhjen e komplet ngjarjes edhe familajrët si dhe të afrëm të tre viktimave që janë ndodhur për momentin pranë posit ku dhe ndodhi tragjedija, ndonse tashëm ngjarja është e zbardhur nga ana figurative, por detaje të tjera të pa zbardhura që çuan në humbjen e jetës të tre personave përbëjën për prokurorin dhe grupin e ekspertve ende probleme. Ndaj grupi i ekspertve vazhdon të hetoj për ngjarjen edhe në ditët në vijim.

Hasan Hametaj Drejtori i Policisë Vendor Berat drejtuesi, Komisar, në një prononcim për median e shkruar dhe atë vizive tha për gazetën se: Si dhe jeni present në vendin e ngjarjes, tashëm janë tre persona të pa jetë, kjo edhe nga padituria që kanë hyre në një pus që ka shumë pa u hapur kapaku si dhe e shihni me kapak hekuri, pra i mbyllur thuajse hermetikisht. Ne si polici bëmë të gjitha përpjekjet por rasti i shte fatal për të tre përsonat. Por në si polici do të ndjekim të gjithë procedurat ligjore, edhe nesër në cermonit e varrimit do të jemi present që të ndjekim rregullat e këshillat mjeksor për të mbrojtur banorët nga covid-19. Po keshtu punonjsit tane janë të gatëshm për të ndihmuar edhe grupin e ekspertve për hetime të më tjeshme, kjo në bashkpunim edhe me prokurorin e rrethit për këtë ngjarje fatale ku humbën jetën tre persona.

Në rrugën e sakrificave për në malin e shenjët të “Abaz Aliut”

September 2, 2019 by dgreca

Nga mali i Tomorrit për Gazetën “Dielli” në SHBA, SULO GOZHINA/*

TOMORR – Fresika e këtij mëngjesin më bëri më optimist për të marë tashëm udhëtimin e përvitëshëm për tek tyrbeja e shenjëtorit “Abaz Aliut”, atje larët në malin e shënjët e të bekuar të Tomorrit. Nuk mundetet të flas para kohe për çka do ndodhin atje në këto 5 ditë ku pelegrinët vërshojnë ashtu si dhe ujë në rrjedhën e tij, të pandalshën për t’u ngjitur, e bisetuar me përnditët sipas stilit të tyre. E duke u bërë gati aparatin e fotove, kamerën, mikrofonin e didokfonin etj, si për çudi, duke kaluar në revistë vitet e më parëshme të kësaj feste se ç’mu kujtua poezia e të madhit Xhevari Spahiu, po shkruaj vetëm dy-tre rreshtat e saj : “Në Tomorr në ato maja / Thonë se që një moti / Ka zbritur dhe vetë Zoti/”, e ndërkohë të vijën në mendje Dodona Pellazgjike etj.

Por të gjitha këto që më kalojn ndërmend këtë mëngjes qoftë dhe nga nxitimi apo ipresionimi për të shkruar diçka, në fakt më parë duhet parë e prekur nga afër fenomeni. Pasi ka dhe fenomene që të paktën muan nuk më pëlqen aspak, shpesh herë ne gazetarët, me demek, eseve apo dhe reportazheve ua kemi marë dorën,…. duke u ulur pranë kompjuterit dhe shyqyr që e kemi dhe ca detaje në mendja të disa ngjarjeve nga një apo disa vjet më parë dhe ca nga kopipas………. e nxjerim në dritë një gjysmak, prodhim që hera-herës themi, pse na përçmon lexuesi. Në kësi rastesh për këta gazetar mjafton që të mbushin portalet apo dhe faqet e para të gazetave e të mburren para shefave, paçka se që në titullin duken se janë jashtë realitetit të prekëshëm.

Janë larëg ndodhisë të momentit, çanstit të pa përsëritëshëm, të lotët të një Nëne që është ngjitur gjerë larët në malin e bekuar tek tyrbja e shenjëtorit për ti shfaqur besimin në fshehtësi Perndisë së tij. Për t’iu lutur shenjëtorit në vetëmi për hallin që ka duke mbajtur në krah një foshnje të sëmuar apo dhe të shëndosh, një të sëmur të të moshuar të mbajtur prej kahu apo dhe disa rroba të hequra nga një tjetër i sëmuri enkas për t’iu lutur për shërimin e tij, shenëjtorit “Ali”, ndoshta këto që po shkruaj edhe….. nuk i dinë të gjithë gazetarët. Por ka edhe më keq, disa gazetar duken se ua kalojnë edhe profesorve që prej librave dhe botime të tjera të tyre kanë mësuar se çështë gazetaria, ndërsa ka raste (të shumëta), kur shkruajnë edhe broçkulla që në shumicën e tyre duket ashiqari që ja fusin kotë fareeeee… Nejse….. kjo ha ca gjatë dhe nuk e marë përsipër të bëjë kritizerin, pasi çdo fenomen që nuk i përshtatet lexuesit, është ky i fundit që e hedh në koshin e “plehrave”, dhe ka shumë nga kolegët tanë që kanë dal në ledh kur e i thon edhe fjalës. Tani le ti kthehemi këtij reportazhi që thuaj se çdo vitë në këta 30 vjetët e fundit i jam kushtuar të paktën edhe një shkrimi, 5 ditëve të shenjëta të gushtit si dhe është vetë festa e Bektashjanve. Ajo që them me bindje është se gazetari duhet ta prekin vetë fenomenin, ta shohi vet vauajtjen, mjerimin, hallin, problemin dhe zgjidhjen e tij dhe më pas…., pas një frymëzimi, keqardhje apo dhe revolte të nisin e të shkruaj, pasi vetëm kështu shkruhet ajo ç’ka ndodh në realitet në teren, atje ku lind problem, ngjarja, fatkeqësia apo dhe gëzimi e triumfi si dhe festimi në rastin në fjalë.

Rruga e sakrificës për në malin e shënjët të shenjëtorit “Ali” : Ditët e festës të Bekstashjanve tashëm i kanë kaluar përmasat e këtij sekëti edhe pse në botën mbarë numërohen mbi 300 miljon besimtarë të till . Këtu në malin e bekuar të Tomorrit vargu i makinave me targa thuajse nga të gjitha shetet e ballkanin por dhe më gjerë, kanë vërshuar drejt tyrbesë që ndodhet në lartësin 2417 metra mbi nivelin e detit. Ndonse masat e mara për sigurinë e pelegrinve nga pushteti vendor dhe uniformat blu është për t’u lavdëruar, një mangësi të madhe e tregon rruga e përpjetë, e ngushtë që mezi këmbehen dy makina, ose ka raste që vargu bëhet me kilometra në pritje të një zhbllokimi, kur ka raste që vetë pelegrinët bëhen apo kryejn rolin e policit rrugor për disa çaste deri në zhbllokimin e saj. Por ka edhe më keq, veç kthesave të rrugës të në shumë e saj në këto kthesa makina duket se po i drejtohet humnerës, para makinës të del një grop apo përplasja nga një gur i madh saqë detyrohesh të ndalosh deri në largimin e tij, apo mbushjes së gropës me mjete rrethanore. Në shumë raste pelegrinët udhëtojnë para makinave dhe duke i rënë më shukurt në rrugë dhish e dalin më parë në rrugën e kalushme sesa makina me të cilën kanë udhëtuar nga vend-lindja për këtu në vendin e shenjët. Kjo rrugë nuk është pak, por me kilometra të tëra dhe shpesh herë është foluar se këtë apo atë vitin që vjen pas tij do ta riparojmë , por deri më sot asgjë nuk është bërë. Shumë nga pelegrinte teksa bisedon me ta, të thonë se kjo është rruga e sakrificave për në malin e shenjët, por shtojnë se kjo sakrificë është e tejskajshme për vitet që jemi. Të vish nga Shkodra thot Largeti me Anilën së bashku me dy fëmijët tij për dy deri në tre orë deri këtu në Pronovik dhe nga këtu deri në malin e Tomorrit për 21 km rrugë të duhen 5 deri në 6 orë, kjo është e patolerueshme, ndërkohë që rruga duhet të kishte kushtet më minimale, të ishte dy kalimshe dhe e kalueshmë nga makinat e vogla. Vërtet është rruga e sakrificës por jo e vështire deri dhe e mërzitshme. Nejse shtojn të tjerë pelegrin rruga duhet të quhet rruga e sakrificës dhe do ishte më mirë të bëhej dhe në këmbë dhe e dinim kohën dhe e planifikonim si rruga e çudirave……..!!!

Në festë, larët tek selia Bektashjane. Teksa del në sheshin mbi livadhet e kulmakut poshtë shpatit të Tomorrit në sy të bije një mori njerzësh thuajse me mijëra dhe me qindra makina e çadra të ngritura prej 20 gushtit dhe në vijim. Para selisë botrore bektashjane që këto ditë drejton festën botrore të këtij sekti, hyjën e dalin me qindra e mijra pelegrin që shumica e tyre takojnë Dede Baba Edmond Brahimaj si dhe të tjerë Dervish duke bisetuar e folur pranë tyre për hallet e problemet. Me qindra e mijra të tjerë pelegrin vazhdojnë rrugën e tyre të faljes tek tyrbet e dervishve dhe të tjerë tek alltari ku ndizen qirinjët. Janë nëna me fëmijë, burra e gra të rinjë e të moshuar, madje dhe pleq e plaka që në shumë raste mbahen edhe prej krahu teksa ngjisin shkallët e më pas futen tek tyrbet e Dervish Iljazit e të dervishve të tjerë, Meleq Staraveckës etj, dhe në heshtje falen për problemet e hallet e tyre. Në shumë raste digjonë apo dhe fareeee në heshtje shikon murmeritjen e fjalve që duket se besimtarët u tregojnë dervishve dhe u kërkojën ndihmë për shërimin apo plotësimin e dëshirave të tyre. Janë këtu çifte të rinjësh apo dhe të moshuarish, janë këtu familjarën me të gjithë fëmiëjt, madje në shumë raste u mësojnë edhe ritet fetare, faljen e besimin, ndezjen e qerinjëve dhe si për çudinë e të gjithve ne që kryejmë apo sodisim dhe fiksojm në memorje edhe zhvillimin kësaj feste, na bije në sy një qetësi aposolute ku ndërkohë pranë teje janë me qindra pelegrin që i lënë vendin njëri tjetrit si në radhë pa radhë dhe vijon për më tej. Tek ndezja e qerinjëve vetë besimtarët të afrohen e të flasin me zë të ulët, ke shkrepse , na mere ndiz qerinjët dhe lëre aty, dhe kur u bënë me dorë në zëmër që do të thot faleminderit, e ua merë pasi atje nuk thuhet joooo….të tjerë pelergin më të rinjë kur shohin një plakë, si dhe i themi të moshuar që nuk ngjit dotë shkallët, e ndohmojën në heshtje dhe e shoqëroj deri në kryerjen e riteve fetare dhe i lënë kur ata thonë vetë faleminderit.

Tek tyrbeja e shenjëtorit “Abaz Aliu”, në majën e Tomorrit në lartësin 2417metra. Për tu ngjitur deri larët tek tyrbeja e shenjëtorit “Abaz Aliu”, nga selia botrore e bektashkanve në Kulmak deri larët tek shenjëtori të duhen disa orë nëse do nisesh në këmbë, por nga aty ka shumë makina të vogla që kryejën rolin e taksive dhe bëjën me dhjetra rrugë në ditë. Në lartësin 2417metra duket qartë se oksigjeni është 100 %, një freski dhe një flad i lehtë që të përkëdhel faqet dhe hera herës edhe të murmurit gjith trupin, nga ana tjetër të shton edhe besimin kur je pranë tyrbes dhe pret të futesh brenda për të kryer një rit fetar. Duke u rrotulluar rreth Tyrbes sheh si në pllëmbë të dorës gjithë myzeqen nga Kepi i Durësit deri tek Sazani në Vlorës dhe nga ana tjetër lindore malet e Ostrovicës deri në malin e Dajtit, o zot ç’pamje të mbrekullueshme, aty shef dhe digjonë shumë biseda, një ushtarak që ka kaluar disa muaj e një tjetër disa vjet në kohë e regimit tregon se në net të kthiellta sheh edhe dritat vezulluese të Barit të Italis, e zot ç’mbrekulli, madje vezullimin e tyre edhe në Adriatik. Duket se shenjëtori dhe perndija ka ditur të zgjedh vendin dhe të japin bekimin për malin e Tomorrit. Brenda tyrbes duke prekur alltarin të kalojn në shpejtësin e sekondit apo të qindën e saj qindra dëshira, qindra lutje e dhjetra plobleme, por dhe shpesh herë edhe hutohesh dhe nuk e di se sa ke qëndruar aty brenda, por kur ngreh kokën sheh pranë teje se të tjerë pelegrin kërkojnë radhën për tu falur edhe ata njëlloj si ti, por për hallet e tyre. Duke kaluar të duket se ke disa sekonda që ke qëndruar aty ndërkohë shokët apo të afrmit të thonë, po eja se qëndrove shumë dhe bllokove edhe të tjerë besimtar dhe ti duke menduar çuditesh me vete duke thënë vërtet qëndrova , nuk mu duk aq shumë. Janë me qindra celular dhe aparate fototsh që fiksojnë në celulonin e tyre atë qëndrim të çastit që ti kërkon të marësh me vete si kujtimin më të çmuar dhe bashkë me besimin edhe frymzimin dhe fuqinë për të ecur në jetën tënde private apo bashkëshortore me fëmijë me prondërit etj, a thua se kjo është jeta dhe në mendje të shkonë të tjera festa edhe familjare një dasëm, një fejesë, një tjetër sebep apo dhe diçka më shumë si lindja e një fëmijë nipi apo mbese në jetën tënde të përditëshme, çudi sa ngallëzohesh për momentin sikur qindra gëzime pot ë ndodhin në moment dhe vërtet mbushesh me gëzim e kënaqësi, ndoshta kjo është ndjesia e kënaqësisë që të sjell shenjëtori “Ali”,i dërguari i Profetit Muhamet . Se di por kjo është forca e natyrës që ti merë atje dhe ikën kaq i kënaqur e i lumtur sa harron shumë halle e peobleme të përditëshme, duket se kjo është jeta ti lind, rritesh e plakësh nëpërmjet gëzimeve, halle, ndodhive dhe mundohesh me zgjidhjen e tyre e ndoshta në shumë raste thuaj me vetë pa to jeta nuk do kishte kuptim, o zot më gëzon fakti që ke siell shenjëtorin Ali pranë nesh që na jep të tilla mendime dhe ndjesi. Duket se këtë kenaqësi gjejën këta pelegrinë që për të ardhur në 5 ditën e “Abaz Aliut”, në Tomorr nuk njohin fehë, aty takon besimtar nga të gjitha llojën e feve, ndonse në shqipëtarët e kemi në traditë që besimet fetare, e festojmë së bashku dhe kemi një harmoni të pa shoqë mes feve që në fakt është për tu marë shembull në gjith botën mbarë.

Kurbani e falja – si dhe i thonë sevapi ….. Shpesh herë themi se atje larët në mal në 5 ditë venë dhe fëmiëjt që punojën dhe bejën shumë mirë pasi mësohen për tu shërbyer pelegrinve , ata nuk bëjën punë të rëndomta përveçse japin qirinjë, shkrepse, letra duarësh e të tjera shërbime si këto që pëemendëm pak më larët, për ta është dhe një argëtim dhe çka është më kryesorja është se mësohen të sillen me qetësi, respect si dhe shërbimin në një qetësi aposolute, fëmijët mësojnë shumë rreth zhvillimit të riteve fetare të kësaj feje.

Kurbani ….. shumë besimtar mbrijën tek kopet me shqerra, sheleg që banorët e kësaj zone dhe rreth saj nga e gjith treva e Skraparit vendi ku dhe zhvillohet festa si dhe nga fshatrat e Tomorricës nga fashtart e Dushanit të Korçës, Vithkuqit, fshatrat e Gramshit si dhe të nahijes të Beratit rreth Tomorrit kanë rritur enkas dhe i kanë siell për t’u bërë kurban. Nga aty pa pyetur për pazarin merë njërin prej tyre dhe shkon në thertore e prej andej e merë dhe e çon për ty pjekur. Para se të shtrosh drekën tepër të kënaqëshme me bashkëshorten apo dhe më një pjestar tjetër të familjes dhe kryesisht fëmijë shikon ku ka të vobekkt dhe atyre u jep një shpatull mishi të pjekur u fal diçka nga kursimet e tua gjatë vitit që ke bërë ndërment të takësësh në ditë feste dhe më pas me kënaqësi ke shtruar edhe një drekë të kënaqshme. Nëse do rrish për të kaluar një natë aty në shpatin e malit në livadhet plot barë e me lule ku nuk mungon era e trendelinës dhe aroma e pishës, rregullon dhe qetësohesh për të kaluar një natë duke festuar në malin e shenjët mes familjarve, të afrmëve, miqëve dhe shokëve.

Presidenti Ilir Meta në cermonin e festës. Çdo datë 22 gusht në pjesën veriore të selisë bakrashiane organizohet një cermoni festive, ku Haxhi Baba Edmon Brahimaj përshëndet pelegrinët dhe për nderë të ardhjes së tyre jepet dhe një koncerët festivë. Por ndryshe nga vitet e tjera këtë vit pjesëmarës nëkëtë festë është bërë edhe Kryetari i opozitës turke zoti Kemal Kılıçdaroğlu, Kryetarit të Kuvendit të Maqedonisë së Veriut, Talat Xhaferi, përfaqësuesve të trupit diplomatik, Ministri Bledi Klosi Prefektja Valbona Zylyftari, përfaqësues të pushtetit vendor, përfqësues të biznesit Pllumb Salillari, përfaqsues të medias Irfan Musabelliu, gazetar, mijëra besimtarëve etj.

Ilir Meta mes të tjerash tha: “Është kënaqësi të shoh sot më shumë besimtarë dhe mysafirë të nderuar, të cilët janë bashkuar me ne në këtë Festë të Shenjtë, këtu në malin e Tomorrit. Kjo është shenjë e mirë që punët në vitin që vjen do të shkojnë më mirë për vendin tonë dhe në të gjitha hapësirat tona, me ndihmën e Abaz Aliut. Ndaj edhe ne mblidhemi çdo vit këtu në malin e Tomorrit për të nderuar jo vetëm këtë figurë të shenjtë, por për të nderuar të gjithë ato legjenda, personalitete dhe baballarë, të cilët përmes bektashizmit bënë dhe bëjnë më të mirën për Shqipërinë dhe për çështjen tonë kombëtare. Për të nderuar gjithashtu të gjithë ata të cilët bënë gjithçka për gjuhën shqipe, për të nxitur lëvizjet për çlirim dhe bashkim kombëtar, të cilët punuan gjithmonë pa u lodhur për të forcuar harmoninë ndërfetare në vendin tonë. Poeti ynë i madh kombëtar, Naim Frashëri, në momentet më të vështira dhe më të dëshpëruara të mbarë kombit për t’i dhënë fuqi shqiptarëve, për t’i zgjuar dhe për të pasur më shumë vetëbesim iu referua dhe i dha vendin të cilin meritonte edhe në poezi figurës madhështore të Abaz Aliut: “Abaz Aliu” zu’ Tomorr,
Erdhi afër nesh,
Shqipëria s’mbet e gjorë,
Se Zoti e desh’. Ndaj duke falënderuar Kryegjyshin Botëror për këtë organizim madhështor, dua t’ju uroj të gjithëve ju që keni ngjitur sot malin e Tomorrit, të gjithë besimtarëve bektashi dhe të gjithë shqiptarëve kudo ndodhen, suksese dhe mbarësi në familjet tuaja! Abaz Aliu të na japi forcë të gjithëve në rrugën tonë për një Shqipëri më të drejtë, për një Shqipëri më të bashkuar, për një Shqipëri të vërtetë europiane, siç e meritojnë të gjithë shqiptarët e sidomos të rinjtë e të rejat, por edhe të gjithë këta fëmijë të mrekullueshëm të cilët kanë mbushur sot malin e Tomorrit. Na ndihmoftë Abaz Aliu të gjithëve! Rroftë Shqipëria!”

Pelegrinët dhe personalitete e larta të shtetit si dhe kryegjyshin Botrorë Haxhi Baba Edmon Brahiman i përshëndeti:
Kreu i opozitës turke,Kemal Kilicdaroglu, i cili nga mali i Tomorrit kërkoi bashkim në paqe të besimtarëve bektashinj nga Anadolli deri në Ballkan. Kilicdaroglu mori Dekoratën e Mirënjohjes nga Kryegjyshi Botërori Bektashinjve me motivacionin “Për kontributin e demokracisë dhe paqes ndërnjerëzore në Republikën e Turqisë”.

“Për kontributin e shquar në mbrojtjen e të drejtave të shqiptarëve të Maqedonisë së Veriut, zyrtarizimin e gjuhës shqipe, konsolidimin e demokracisë dhe integrimin në strukturat euro- atlantike, bashkëjetesës ndërfetare ndëretnike”, ishte motivacioni i Dekoratës së Mirënjohjes për Kryeparlamentarin e Maqedonisë së Veriut, Talat Xhaferri, i cili nga festa e bektashianve në Tomorri, kërkoi më shumë respekt ndaj të ndryshmëve në fe dhe mendim për të jetuar në paqe.

Në fund të ceremonisë, Presidenti Meta dhe Kryegjyshi botëror i bektashinjve zbuluan statujën e Baba Ali Tomorrit të vendosur rishtaz në këtë vend të shenjtë.
E veçanta – një grup të rinjësh të drejtuar nga Ministri Klosi firmosën një pedicion për mbrojtjen e shpalljen e malit të Tomorrit Park Kombëtar.

Retospektivë : Duke marë me vete bekimin dhe kënaqësin, duke marë me vete, ndodhitë, harmonin festive, respektin dhe ndjenjën e saj, duke marë me vete falnderimet, duke marë me vetë premtimin e ministrit Klosi për rikonstruksionin e komplet infrastrukturës, rrugore, ujëore dhe të problemeve sociale brenda teritorit ku dhe zhvillohet kjo festë madhështore duke marë me vete fjalët përshëndetëse të miqëve Turq e Maqedonas, duke marë me vete fjalët optimiste të Presidentit Meta, duke marë me vete qindra e mijra falnderimeve gjatë bisedave me pelegrinët si dhe bekimin që mora gjatë faljes të ritit ferat në tyrbe e duke marë me vete frymëzimin të hedhur në detaj krejt aktivitetin madhështor, zëbrita në të njëtën rrugë të sakrificës me besimin që vitin tjetër do të shohë të tjera ndryshime.

*Per me shume fotografi shih ne Facebook-Gazeta Dielli