Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

AMBASADA AMERIKANE NE TIRANE KESHILLON QYTETARET E SAJ

by

Terrorizmi, Ambasada apel amerikanëve në Tiranë: Tregohuni të vëmendshëm/

Ambasada amerikane në Tiranë, i bëri thirrje shtetasve amerikanë në Shqipëri që të tregohen të vëmendshëm ndaj çdo sulmi të mundshëm terrorist. Përmes një njoftimi në faqen e saj zyrtare të publikuar që në datë 20 nëntor, Ambasada Amerikane i fton shtetasit e saj që për çdo dyshim të njoftojnë Policinë e Shtetit. “Sulmet e fundit terroriste, qoftë nga ata lidhur me subjekte terroriste, apo autorë të veçantë, të shërbejnë si një kujtesë se qytetarët e SHBA, duhet të mbajnë një nivel të lartë të vigjilencës dhe të marrin hapat e duhura për të rritur ndërgjegjësimin e tyre të sigurisë. Ata duhet të raportojnë çdo aktivitet të dyshimtë te Policia e Shtetit duke formuar numrin 129”, thuhet në faqen e Ambasadës amerikane. {Sh.K}

Ambasada e SHBA në Tiranë feston 24 vjetorin e rihapjes

by

Federata Panshqiptare e Amerikes  “Vatra” dhe gazeta e saj  “Dielli” e urojnë Ambasaden e SHBA ne kete 24 vjetor per kontributin e rendesishem ne forcimin e marredhenieve miqesore dhe bashkepunimit te gjithanshem Shqiperi-SHBA.Shendet e suksese personelit te saj!/

Ne Foto:Godina e pare e ambasades amerikane ne Tirane, 1929/

Ne nje njoftim te sotem nga kjo ambasadë thuhet:Sot ne festojmë 24 vjetorin e rihapjes së Ambasadës së Shteteve të Bashkuara të Amerikës në Tiranë. E ndërtuar në vitin 1929, Ambasada Amerikane në Tiranë mendohet se është një nga të parat legata të ndërtuara sipas ligjit Porter të vitit 1926, i cili i dha Departamentit të Shtetit të drejtën për të ndërtuar ambasada dhe godina konsullate për qeverinë e Shteteve të Bashkuara në vende të huaja. Në fillimet e saj, Ambasadori e përdorte ambasadën edhe si rezidencë, duke punuar kështu në një ambient familjar.
Arkitektët Wyeth dhe Sullivan ishin arkitektë që gëzonin respekt në Washington D.C., ku morën famë për vilat e bulevardit Connecticut, të cilat i kishin ndërtuar për klientët e tyre të pasur. Nathan Wyeth (1870-1963) ka projektuar edhe Zyrën Ovale të Shtëpisë së Bardhë në 1909. Frymëzimi për ndërtesën erdhi nga shtëpitë e shekullit të 18-të në plantacionet e Virxhinias, si për shembull Mount Vernon. Pas Luftës së Dytë Botërore, Shqipëria u mbyll dhe gjatë Luftës së Ftohtë, shtëpia dhe oborri përreth iu dhanë me qira Ambasadorit Italian. Marrëdhëniet diplomatike midis Shteteve të Bashkuara dhe Shqipërisë u rivendosën në 15 mars, 1991, pas një ndërprerjeje prej 52 vjetësh.  Ambasada Amerikane në Tiranë u rihap në 1 tetor, 1991. Gjatë ceremonisë historike në atë vit, Sekretari për Çështjet Europiane dhe Kanadeze i atëhershëm, Raymond G. H. Seitz, tha se “Marrëdhënia midis dy vendeve tona nis që në fillim të këtij shekulli, kur Presidenti Woodrow Wilson dha mbështetjen amerikane për shtetin shqiptar. Kjo marrëdhënie nuk u harrua kurrë nga ata mijëra amerikanë me origjinë shqiptare…të cilët vazhduan të mbanin lidhje me vendlindjen e tyre përgjatë këtyre viteve.”

Today we celebrate the 24th anniversary of the reopening of U.S. Embassy in Tirana. Built in 1929, the U.S. Embassy Tirana is reported to be one of the first American Legations constructed under the 1926 Porter Legislation that established the State Department’s ability to provide U.S. Government building, embassies and consular buildings in foreign countries. Originally the U.S. Ambassador also resided here, conducting business in a domestic setting.
Architects Wyeth and Sullivan were well respected Washington, DC architects known for their stately Connecticut Avenue townhouses built for wealthy clients. Nathan Wyeth
(1870-1963) also designed the first Oval Office in the White House in 1909. Inspiration for the residence was drawn from 18th century Virginian plantation homes, such as Mount Vernon. Following WWII, Albania focused inward and during the Cold war, the house and gardens were rented to the Italian Ambassador. Diplomatic relations between the U.S. and Albania were reestablished on 15 March 1991, after a break of 52 years. The U.S. Embassy in Tirana was reopened on October 1, 1991. At the historic 1991 ceremony, then Secretary of State for European and Canadian Affairs Raymond G. H. Seitz said “The relationship between our two countries dates back to the early years of this century, when President (Woodrow) Wilson extended American support of the young Albanian state. The relationship was never forgotten by the many thousands of Americans of Albanian origin…who kept contact with their homeland over all these years.”

Sant Egidio per Harmonine Fetare ne Tirane

by

4 mijë klerikë sot në Tiranë – Toleranca fetare dhe dialogu, kryefjalë e takimit të 28-të Ndërkombëtar për Paqen/

Në një kohë kur shumë vende të botës janë përfshirë nga luftra, janë goditur nga terrorizmi dhe po vuajnë plagën e emigracionit, përfaqësuesit e komuniteteve fetare në Shqipëri kanë përcjellë mesazhe paqeje. “Në Shqipëri është e mundur të jetohet në vëllazëri. Harmonia ndërfetare në Shqipëri është fakt historik”, thanë përfqësues të besimeve të ndryshme.
Në prag të nisjes së eventit për paqen në botë, përfaqësuesit e komunititet të Sant Egidios kanë prezantuar programin 3-ditor dhe kanë theksuar rëndësinë e dialogut për paqen, i cili është më i vështirë, por edhe e vetmja rrugë për njerëzimin. Alberto Quatrucci, Sekretar i Përgjithshëm i Komunitetit të Sant Egidios, u shpreh: “Nuk mund të mos kujtojmë emigracionin e viteve ’90 në Shqipëri. Ta shikoje me pozitivitet atëherë, ishte të dilje kundër rrymës, por ai emigracion ka sjellë zhvillim në Itali dhe Shqipëri. Tani po përballemi me një formë tjetër emigracioni në Europë dhe ky takim në Shqipëri do të tregojë angazhimin e komuniteteve fetare për t’iu përgjigjur sfidës së emigracionit, që mund të jetë edhe një sfidë zhvillimi”.Ndërkohë, ministri i Mirëqenies Sociale, Blendi Klosi, deklaroi: “Nëpërmjet dialogut, ne mund të harrojmë konfliktet. Rajoni i Ballkanit, edhe falë kontributit të madh të politikës shqiptare është sot një ambient më i paqtë dhe që mendon më tepër për zhvillimin sesa për luftën”. Pasditen e së dielës, 6 shtator, nisin aktivitetet për Lutjen e Paqes, të cilat do të zgjasin deri të martën pasdite, kur do të inaugurohet edhe Parku i Paqes, vend ku do të mbillet në mënyrë simbolike pemë ulliri.

4 mijë klerikë sot në Tiranë – Toleranca fetare dhe dialogu, kryefjalë e takimit të 28-të Ndërkombëtar për Paqen/

Për tri ditë rresht, Tirana do kthehet në kryeqytetin e gjithë botës besimtare, si vendi i paqes dhe harmonisë fetare. Paqja, toleranca fetare dhe dialogu do të jenë kryefjala e takimit të 28-të Ndërkombëtar për Paqen, që nis sot pasdite në Tiranë dhe do të vijojë edhe në datat 7 dhe 8 shtator, në përkujtim të 20-vjetorit të përfundimit të luftës së fundit në Ballkan.Ky event i rëndësishëm organizohet nga Komuniteti Sant’Egidio, në bashkëpunim me Konferencën Ipeshkvnore të Shqipërisë, Kishën Ortodokse Autoqefale të Shqipërisë dhe qeverinë shqiptare.Një ditë para takimit të 28-të Ndërkombëtar për Paqen,  Ministri i Mirëqenies Sociale Blendi Klosi është shprehur se organizimi po shkon drejt përfundimit. Gjatë inspektimit të përgatitjeve i shoqëruar dhe nga përfaqësuesi i komunitetit Sant’Egidio, Klosi tha se ky do të jetë një takim historik për Shqipërinë.“Jemi në momentet e fundit të përgatitjes, nesër në orën 5 kemi ceremoninë inagurative të eventit. Është një ceremoni për të cilën kemi emocione dhe streset e fundit pasi janë shumë të ftuar. Shumë prej tyre personalitete VIP të cilët do të kërkojnë vëmendjen e nevojshme”,  u shpreh Klosi.

Ministri i Mirëqenies Social u kërkoi qytetarëve ta mirëkuptojnë për trafikun që do krijohet në Tiranë, sidomos ditën e martë ku do të zhvillohet marshimi i paqes, pranë Piramidës.

“Ajo që ne i kërkojmë qytetarëve shqiptarë është që të shprehin konsensin e tyre dhe mirëkuptimin për problemet e trafikut ditën e nesërme mbasdite në zonën ku do të zhvillohet aktiviteti por ditën e martë që do të jetë një ditë më e madhe publike ku qytetarë nga e gjithë shqipëria do vijnë të marin pjesë në marshimin e paqes. Është një marshim shumë interesant i cili do të zhvillohet në sheshet kryesorë të qytetit Tiranës dhe do të jenë përfaqësues nga kleri lartë nga e gjithë bota”,  tha ministri.

Në aktivitetin “Lutja e Paqes 2015” janë ftuar të marrin pjesë rreth 4000 persona, mes të cilëve krerë të besimeve fetare botërore (katolikë, ortodoksë, protestantë, myslimanë, hebrenj, zoroastrianë, sikh, budistë dhe shintistë), nga Italia, Gjermania, Franca, Belgjika, Iraku, Izraeli, India, Rusia, Indonezia, Qipro, Japonia, Kina, Australia, e shumë vende të tjera nga Europa, Afrika, Azia e Amerika Latine.

Po ashtu janë ftuar të marrin pjesë edhe personalitete të shquara të politikës, personalitete të larta të të gjitha besimeve fetare, historian, filozofë, ekspertë të zhvillimeve ndërkombëtare, përfaqësues të botës akademike, gazetarë, teologë, shkrimtarë të njohur.

Në Lutjen për Paqe 2015 janë të ftuar rreth 400 personalitete politike dhe jo vetëm, mes tyre: zv.presidenti i Parlamentit Europian, ministri i Jashtëm italian, ministri italian i Drejtësisë, Sekretari i Përgjithshëm “Besime për Paqen” Japoni, Zv.ministri i Bashkëpunimit dhe Zhvillimit nga Gjermania, ministri i Punëve të Jashtme nga Salvadori, ish-president i Komisionit Europian, Romano Prodi, etj.

Ceremonia e Inaugurimit do të mbahet në Pallatin e Kongreseve, pas së cilës ndjek dita e dytë me panele të ndryshme rreth zhvillimeve ndërkombëtare.

Përmes dialogut dhe promovimit të paqes i kundërvihemi dhunës me propozime konkrete dhe të realizueshme, tematika e të cilave do të diskutohet në panelet e organizuara me rastin e këtij eventi. Propozimet konkrete do të jenë për t’u thënë “Ndal!” konflikteve në botë.

Propozimet konkrete do të vijnë nga vendet në konflikt si Siria, Iraku, Nigeria, Mindnao (Filipinet) dhe Libia. Aktivitete me të rinjtë do të pasurojnë këtë event me tematikë “Nuk ka të ardhme pa Paqe!”. Dita e tretë do të shpallë Apelin për Paqen në të gjithë botën, ku secili nga pjesëmarrësit është i ftuar ta nënshkruajë. Mbjellja e pemës së parë të Paqes nga të gjithë krerët e besimeve fetare do të mbyllë eventin.

100 Vjetori i Lindjes se Mbretereshes Geraldine Perkujtohet ne Budapest, Bradislave dhe Tirane

by

PERKUJTOHET NE TIRANE, BUDAPEST DHE BRATISLAVE 100 VJETORI I LINDJES SE MBRETERESHES GERALDIN
TIRANE: Në kuadrin e aktiviteteve të zhvilluara me rastin e 100 vjetorit të lindjes së Mbretëreshës shqiptare Geralidinë , dje është inaguruar Memoriali kushtuar asaj në Bratislav – Sllovaki, ndërkaq, njofton oborri mbretëror në rrjetin social facebook duke shtuar se aktivitet për shënimin e 100 vjetorit të lindjes së Mbretëreshës Geraldinë, janë mbajtur dje edhe në Tiranë, e Budapest – Hungari.
Të enjten me datën 6 gusht në ora 18:30, në Bratislavë – Sllovaki përveç inaugurimit të Memorialit, ka pasur edhe një sërë aktivitetesh të tjera për të shënuar 100 vjetorin e lindjes së Trëndafilit të Bardhë të Hungarisë.
Aktivitetet në Bratislavë janë të organizuara nga Shoqata Kulturore Hungareze, në qendrën kulturore Appony dhe kan vazhduar me një vizitë në Kalanë dhe bibliotekën e saj të famshme. Pastaj në ora 17:00, në Dolne Obodkovce / Alsóbodok, është mbajt mesha në Kishën Baptiste Shën Gjon, ndërsa në mbrëmje është mbajt një prezantim i jetës së Mbretëreshës Geraldine Appony ku ka folur historiani i njohur Sllovak Sandor Feher.
Po ashtu në Tiranë, në po këtë datë Mauzoleumi Mbretëror ka qenë j i hapur për vizita, kurse në orën mbrëmje është mbajt një meshë e veçantë për Mbretëreshën Geraldinë e cila është mbajt në Katedralen e Tiranës e Shën Palit.
Ndërsa muajin e ardhshëm, pra me 8 shtator, autorja Josephine Dedet do të prezantojë librin e saj bibliografik të sapo botuar ne gjuhen hungareze “Geraldina- Mbretëresha e shqiptarëve”, nga Shtëpia botuese “Europa Köntvkiadó” në Budapest, Hungari – Më 06 gusht 2015, në orën 11 para dite, shkruan sot në statusin e tij në facebook Xhovalin Z. Kaçorri, një numër bashkatdhetarësh nga rrethe të ndryshme të vendit, vendosën kurora dhe buqeta me lule, në mauzoleumin e familjes Mbretërore.
Ky peligrinazh – simbas tij u bë në kuadrin e 100 vjetorit të Ai thotë se për të nderuar kujtimin e saj, kishin ardhur edhe përfaqësues të Ambasadës Hungareze, nga të cilët njëri prej tyre, përshëdeti si përfaqësues i vendlindjes së Mretëreshës Geraldinë, bijë e familjes fisnike Aponi.
Duke postuar edhe një fotografi në statusin e tij – Kaçorri, tregon se të pranishmit, me kënaqësi shtërnguan duart dhe ndoqën me vëmendje fjalën falenderuese, që mbajti Princ Leka, për nderimin që i bënë Mbretëreshës Geraldine, me pjesëmarrjen e tyre të pranishmit.
Në fund të gjithë u ftuam nga Princ Leka, shkruan ai ne status në një lokal aty pranë dhe u qerasëm me pije freskuese e kafe:” Aty Princi në shoqërim të Princeshës Elia Zaharia dhe Prindërve të saj, Yllka Muja dhe Gjergj Zaharia, biseduan miqësisht me pjesëmarrësit. Në fund u shpërndamë, duke marrë me vete mbresa të këndshme, të një pritje njerëzore me shije fisnike që dinë të dhurojnë familjet e këtyre rrëngjeve”./B.SINA/

Tiranë, ambasada e SHBA-ve për raportin e DASH

by

Raporti për Trafikun e personave, ambasada “vlerëson si të turpshme që ka një anëtar të parlamentit shqiptar me dënime për trafikimin e njerëzve”
Në Shqipëri Ambasada amerikane u shpreh sot se e “vlerëson si të turpshme që ka një anëtar të parlamentit shqiptar me dënime për trafikimin e njerëzve”. Deklarata e përfaqësisë diplomatike të Shteteve të Bashkuara në Tirana, erdhi pas publikimit një ditë më parë të Raportit të Departamentit amerikan të Shtetit për Trafikun e qënieve njerëzore ku vihej në dukje fakti se një deputet i tanishëm i parlamentit ka qenë dënuar më parë për krime që lidhen me trafikimin. “Shqiptarët kanë të drejtën të kenë përfaqësues të zgjedhur me integritet dhe standarte të larta etike, jo kriminelë”, thuhet më tej në deklaratën e ambasadës, ndërsa shtohet se “Shtetet e Bashkuara do të vazhdojnë t’i kërkojnë të gjitha partive politike që t’i mbajnë individët me të shkuar kriminale larg jetës politike dhe publike të Shqipërisë”.Në raportin e këtij viti Shqipëria klasifikohet në shkallën e dytë, pa ndryshim nga viti i kaluar, ndërsa theksohet se “Qeveria e Shqipërisë nuk i plotëson krejtësisht standardet minimale për eliminimin e trafikimit të qenieve njerëzore, megjithatë po bën përpjekje të rëndësishme në këtë drejtim”. Në deklaratën e ambasadës në vijim të interesimit të mediave vendase lidhur me raportin e Departamentit të Shtetit thekson se “ne nxisim qeverinë shqiptare t’i vazhdojë ato përpjekje për të luftuar të gjitha format e trafikimit të njerëzve nëpërmjet zbatimit të fortë të ligjit dhe mbrojtjes efikase të viktimave, si dhe me politika për parandalimin e trafikimit. Shtetet e Bashkuara janë të angazhuara të punojnë me Shqipërinë për të mbështetur përpjekjet e vazhduara kundër trafikimit të njerëzve”, saktëson deklarata

Raporti i Departamentit Amerikan të Shtetit/

Trafiku njerëzor, Shqipëria pa ndryshim

Në raportin e këtij viti Shqipëria klasifikohet në shkallën e dytë, pa ndryshim nga viti i kaluar. Gratë dhe fëmijët në Shqipëri, thuhet në raport, janë kryesisht objekt trafikimi seksual në vendet fqinje, Kosovë, Maqedoni dhe Greqi, por edhe në vende të tjera evropiane. Viktimat shqiptare dhe disa viktima të huaja janë objekt pune të detyruar në Shqipëri, sidomos në industrinë e turizmit. Një numër në rritje fëmijësh shqiptarë, shpesh të etnisë rome ose egjiptiane, janë objekt lypjeje të detyruar dhe formash të tjera pune të detyruar në Shqipëri si dhe në vendet fqinje: Greqi, Kosovë, Maqedoni dhe Mal të Zi. Disa vajza shqiptare bëhen objekt trafikimi seksual ose pune të detyruar pas martesave me kontratë. Një numër grash të huaja nga vende evropiane, si Ukraina, Rusia, Britania dhe Norvegjia janë objekt trafikimi seksual në Shqipëri. Në raport thuhet se bashkëpunimi i zyrtarëve në krimet e trafikimit mbetet një shqetësim i rëndësishëm. Aty përmendet fakti se një deputet i tanishëm i parlamentit ka qenë dënuar më parë për krime që lidhen me trafikimin. Qeveria e Shqipërisë, thotë raporti, nuk i plotëson krejtësisht standardet minimale për eliminimin e trafikimit të qenieve njerëzore, megjithatë po bën përpjekje të rëndësishme në këtë drejtim. Raporti rekomandon që Shqipëria të rrisë financimet për strehimin e viktimave të trafikimit dhe të vërë rregullisht në dispozicion fonde për këtë qëllim. Aty rekomandohet gjithashtu që për viktimat të sigurohet kujdes shëndetësor dhe mendor falas, sipas një ligji të vitit 2014 dhe vendimit të ministrisë përkatëse. Në raport thuhet që viktimat të mos ndëshkohen për akte të paligjshme të kryera si rezultat i drejtpërdrejtë i faktit që kanë qenë objekt trafikimi. Raporti rekomandon gjithashtu që të vazhdohen përpjekjet për kontrollin e fëmijëve të rrugëve për shenja trafikimi.