• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

DEGA E VATRËS NË JACKSONVILLE , DY GËZIME NË NJË

November 23, 2017 by dgreca

  • DEGA E VATRËS NË JACKSONVILLE FESTOI 105 VJETORIN E PAVARËSISË DHE 5 VJETORIN E THEMELIMIT/

2 edhe zefi2 adriatik dritan4 grupi1 edhe zefi tas Driot4 dritan me grup2 Lavdije 1   * Në Jacksonville, Florida”Vatra” festoi 105 vjetorin e Pavarsisë dhe 5 vjetorin e krijimit të degës së saj. Morën pjesë Kryetari i Federatës Panshqiptare të Amerikës “VATRA” z. Dritan Mishto, anëtari i kryesisë së Vatrës z. Zef Balaj, kryetarët e degëve të Vatrës në Michigan z. Mondi Rakaj, kryetari i degës në Tampa-Tasim Ruko, kryetari i degës së Vatrës në Fort Lauderdale,Kolec Ndoja,Kryetarja e degës në Orlando Florisiana Ahmetaj-Metollari dhe vatranë nga degët e shtetit të Floridës./

1 Adriatiku me dy1 Frederik1 vaske-curri1 gezimi Riku ajo ne ems2 edhe zefi1 Lacuku2 tasim 11 Marku em grup1 adriatik 2she1 Lavdije1 adriatik

Nga Gjergj LACUKU/

Festa e pavarsisë padyshim që është Dita ma e Shenjtë për çdo njeri e për çdo komb. Është dita e memorjes kolektive, është kunorzimi i përpjekve shekullore , është dita e lindjes dhe e shtetformimit. Fatkeqsisht , jo të gjithë kombet e kanë pas këtë fat, pra të jenë të lirë e të pamvarun.Sot Shqipnija dhe shqiptarët kudo që janë , në trojet Etnike apo në Disaporë, krenohen për arritjet e tyne në udhën e vështirë të historisë njerzore dhe rradhiten me dinjitet përkrah kombeve të tjera në piedestalin e dëshirit për me ken i lirë. Rilindasit tanë , me vizionin e tyne , mbajtën të ndezun flakën e lirisë në terrin e madh shumë shekullor.Siç thotë edhe i madhi i ma të mëdhenjëve, At Gjergj Fishta:

“ edhe shqyp na thanë se Zoti
për shqyptarë Shqypninë e fali,
se sa t’enden stina e moti,
do ta gzojn kta djalë mbas djali.”

Komuniteti Shqiptar i Jacksonville , Florida, nën kujdesin e degës së Federatës “Vatra,” organizoj një mbramje festive me rastin e 105 vjetorit të pamvarsisë dhe 5 vjetorit të krijimit të saj  nën iniciativën dhe përkushtimin e z.Adriatik Spahiu. Moderatorja e kësaj mbrëmje madhështore, Zonja Shpresa Gallaj, bëri prezantimimin dhe përshëndetjen e rastit , duke ju urue në emën të Vatrës gjithë shqiptarve kudo që ndodhen “Gëzuar Festën e Pavarsisë.” Në këtë Festë madhështore, na nderoi me ardhjen e tij , Kryetari i  Federatës Panshqiptare të Amerikës, z.Dritan Mishto, ish konsull i Shqipnise po ketu ne Amerike.
Gjithashtu, nuk munguan edhe personalitete të tjera të Vatrës, si z. Zef Balaj , që edhe pse largue prej Shqipnisë në moshë të vogel në vitin 1951, pra vetëm 8 vjeç, ai jo vetëm që nuk e harroi kurrë vendin e tij por përkundrazi, gjithë jetën e tij ia ka kushtue dhe vazhdon me ia kushtue çështjes Shqiptare në trojet Etnike. Në këtë mbramje morën pjesë edhe Kryetarët e degve të tjera ; nga dega e Orlandos, zonja Florisiana Ahmetaj-Metollari, qe gjithemone kerkon te bëje ma te miren ne pasqyrimin e vlerave te komunitetit. Prej Fort Lauderdale, z.Kolec Ndoja, një ndër aktivistët kryesorë të lëvizjeve antikomuniste në Shkodrën e vitit 1990. Po ashtu ,nga Tampa, na nderoi z.Tasim Ruko,një personalitet i rrespektuem në komunitetin Shqiptar dhe një demokrat i vërtetë, që edhe pse familjarisht persekutue prej regjimit komunist gjakatar, ai gjithëmonë mendon vetëm për të ardhmen e Shqipnisë në mënyrë që të mos përsëritet e kalumja e hidhun. I pranishëm ishte edhe z.Mondi Rakaj , Kryetari i degës Vatra në Michigan.
Në ngjarje të tilla nuk kishin si të mungonin edhe yjet e kangës dhe skenës Shqiptare .Kangëtari me famë Botnore, që këndon në shumë gjuhë të Botes,Frederik Ndoci, fitues i shumë çmimeve, dy herë fitues i Festivalit të Kangës në RTSH, i rreshtuem në 50 baritonët ma të mirë të Botës, me zanin e tij të rrallë këndoi Himnet Kombëtare të Shqipnisë dhe të Atdheut tonë të dytë-Amerikës- kësaj Demokracie të ndërtueme mbi vlera Universale.Një mirënjohje e madhe shkon për Vaskë Currin, ose siç njihet ndryshe me emnin”Bilbili i Përmetit,”i cili me origjinalitetin e tij mbetet një perlë e pazëvensueshme e kangës qytetare fisnike të Përmetit . Z. Curri ka një karrierë prej shumë dekadash tue u ba mishërim i kangës së në bashkëpunim me të madhin e klarinetës Shqiptare, të ndjerin Laver Bariu.
Një ndër përfaqësusit ma të denjë të kangës folklorike të trevave të Veriut EpikoMartir, kreshniku i kangës Arbnore, një ndër ma të mëdhenjte e skenës, Gëzim Nika prej Tropojes Iliriane , nuk mund të na mungonte. Zani i tij buron si gurrat e maleve, ushton si era e bjeshkëve ,melodioz si lulet e Luginës së Valbonës kur vallzojnë n’blerim të Prillit.Zani i tij si za bilbilit . Kangëtarja tjetër , Lushnjarja e famshme, Griselda Pepa, interpretoi me zanin e saj të ambël kangë prej Shqipnisë së Mesme dhe asaj të Jugut. Kanga e saj ,”Trëndafil do bëhem,” e lulëzoj sallën që vallëzonte kandshëm nën tingujt plot melodi . Çdo kangë e saj e gjallëronte atmosferën, i mbushte të pranishmit me energji të reja dhe nuk pushonin vallzimet e kërcimet . Edhë kangëtarja e njohun, Vida Kunora, solli me vedi kangët tradicionale të Malsisë së Shkodrës, ato kangë që burojnë prej shpirtit të paster e fisnik të trevave ku është ruajtë pothujse i paprekun origjinaliteti Shqiptar.
Fjalën e rastit e mori Kryetari Vatrës , z.Dritan Mishto, ku ndër të tjera theksoi se Pavarësia është ngjarja ma e shënume për çdo popull në Botë. Edhe ne si Shqiptarë në Diasporë duhet të jemi gjithemonë të gatshëm në shërbim të së mirës së përbashkët”-u shpreh z.Mishto. E në këtë rast më erdhi ndërmend porosia e At Gjergj Fishtës; “s’ka çka duhet flamuri Shqiptar ndër ne, n’kjoftë se dashni s’kem për Atdhe.”Pra tue dashtë ma shumë vendin, aq ma krenar ka me u valevit flamuri Ynë Komëbtar.
Ndër kremtime të tilla, tue ken larg vendlindjes , nuk ka se si të mos përmallohemi për gjithëçka që kena njoftë, për çdo gja që kena lan mbrapa. Njeriu mund ta zgjedhin vendin se ku me jetue por vendlindjen kurrë. Asnjë her të mos harrojmë Heronjtë, martirët e heshtun që në vitet e tiranisë komuniste, mbajtën të gjallë filling shpresës se e mira ka me mbizotnue mbi të keqen, drita mbi errsinën , dashnia mbi urrejtjen , jeta mbi vdekjen, toleranca mbi dasitë.
“Dersa t’mundem me ligjrue
E sa gjall me frymë un jam,
Kurr Shqypni, s’kam me t’harrue,
Edhe n’vorr me t’përmendë kam.” – janë disa prej vargjeve të Fishtës kushtue Atdheut. E ky leitmotiv  i Fishtës duhet të jetë pjesë e frymëmarrjes tonë në mënyrë që Atdheun ta duam pa kushte. Ne shpeshherë dëgjojmë ndër biseda mes miqve e shokve “ po të ishte Shqipnija mirë, do kisha me jetue atje.” Un kisha me than se Shqipnija është mirë kur ne jemi të mirë për të. Kenedi ka pas than një shprehje të madhe ; “mos kërkoni se çka mund të baj vendi juaj për ju por kërkoni çka mund të bani ju për vendin tuej.”Rilindasit tanë na kan lan porositë ma të çmueshme;
“Shqipëri, të qofsha falë,
të kam mëmë e më ke djalë.”
………Sonte, Shqiptarët këtu në Jacksonville, Florida, krijuan atmosferën e vendlidjes sa vetëm prania e Flamurit Amerikan pranë Flamurit tonë na kujtonte se jemi këtu në Amerikë. Prandaj, shqiptarët kanë edhe një arsye ma shumë për ta dasht kët vend , jo vetëm thjesht si vendi ku jetojmë, por mbi të gjtha si vendi ma aleat i Shqipnisë në momentet kyçe e jetike për popullin tone. Ishte mbështetja e tyne e madhe që na mundëson festimim e pavarsisë së Shqipnisë , tue na mbrojtë edhe njëherazi prej copëtimit të matejshëm fill mas Luftës së Parë Botnore e ma vonë tue kontribue për pavarsinë e Kosovës, si një ndreqje e asaj që ndodhi më 1913 kundrejt kufijve Shqiptarë.
Ma vonë, fjalën e mori edhe Kryetari i Vatrës në Jacksonville, z.Adriatik Spahiu, që i bani një përmbledhje të shkurte 5 vjetorit të krijimit të degës Vatra këtu në Jacksonville. Deri tani si komunitet kemi organizu çdo vit Festën e Pavarësisë dhe për herë të parë kemi organizue gjithashtu “ Festivali Shqiptar në Jacksonville “ për tre ditë rresht. Kemi kremtuar “Ditët e Naimit ,” Rilindasit të madh që ja kushtoj jetën çështjes Shqiptare – u shpreh zoti Spahiu. Mbi të gjtha, hapja e Shkollës Shqipe është arritja ma e madhe sepse nëpërmjet saj, i jepet mundësia brezit të ri që të mësojë Gjuhën Shqipe, tue pasë parasysh porosinë e Fishtës ;
“Pra, mallkue njai bir Shqyptari,
qi këtë gjuhë të Perëndis’,
trashigim, që na la i Pari,
trashigim s’ia len ai fmis;
edhe atij iu thaftë, po, goja,
që përbuzë këtë gjuhë hyjnore;
qi n’gjuhë t’huej, kur s’asht nevoja,
flet e t’veten e lèn mbas dore.”
Në festa të tilla, shqiptarët jo vetëm që kanë mundësi me u bashkue por mbi të gjitha me i ruajtë e me ju trashigu brezave që vijnë traditat e kulturës tonë.Le të shërbejnë organizime të tilla nga Vatra si një zjarr që do ta mbajë gjithmonë të ndezun flakën e dashnisë për Atdhe.Zoti e Bekoftë Shqipninë e Amerikën , popujt e të dy vendeve dhe mbarë njerzimin!
***
P.S.

Kryetari i Federatës Panshqiptare të Amerikës “VATRA”, z.Dritan Mishto së bashku me anëtarin e Kryesisë së Vatrës, z. Zef Balaj kryen  një vizitë ngushllimi në shtëpinë e njerit prej Vatranve. z. Aleks Lukaj, babai i të cilit u nda nga jeta para pak kohësh.

Filed Under: Featured Tagged With: 105 vjetori i Pavaresise, 5 vjet ditelindja, Gjergj Lacuku, Vatra ne Jacksonville

VATRA NE JACKSONVILLE , DY FESTA NE NJE

November 9, 2017 by dgreca

VATRA NE JACKSONVILLE DY FESTA NE NJE;FESTA E FLAMURIT DHE 5 VJETORI I DEGES

-ARGETOJNE: VASKE CURRI, FREDERIK NDOCI, GEZIM NIKA, GRISELDA PEPA DHE VIDA KUNORA

Kliko siper posterit per informacion

1 Vatra Jacksonville

 

 

Filed Under: Emigracion Tagged With: DY FESTA NE NJE, Vatra ne Jacksonville

At Gjergj Fishta:”Toskë e Gegë: si dy kokrra në nji shegë”

June 1, 2017 by dgreca

“Toske e Gege: si dy kokrra ne nji shegë”-(Gjergj Fishta)/

1 lacukuShkruan:Gjergj LACUKU/(Foto-arkiv)/

1 Gjon JacksonvilleShqiptaret e Diaspores mbeten gjithemone nji shembull frymezimi dhe shprese se e nesermja asht ma e bukur, e ardhmja ma e ndritun dhe vlerat e lirise dhe demokracise qe ato gezojne ne vendet ku jetojne duhet te ushqejne atdheun e tyne. Ne muajin qe vjen, pra ne Qeshor, Shoqata mbare-Shqiptare e Amerikes, “VATRA”, do mbaje Kuvendin e saj te rradhes ne NY. Me kete rast, Kryetari i Shoqates ,z. Gjon Buçaj se bashku me shefin e financave z.Marjan Cubi , filluan nji vizite 3 ditore ne  Shtetin e Florides. Se pari, ato vizituan deget Vatrane te Tampes dhe Orlandos.Ndersa vizita  e fundit ishte pikerisht ketu ne Jacksonville, qytetin verilindor te Florides, ku jeton nji komunitet prej ma se 15 mije Shqiptaresh.Nuk ishte rastesi qe vizita permbledhese ishte ketu sepse pikerisht ketu e ka zanafillen Vatra e Florides . Me nismen e z. Adriatik Spahiut, Permetarit te palodhun ne sherbim te Vatres dhe Kryetarit aktual te deges se Jacksonville te krijueme para 5 vitesh , u ba e mundun edhe shtrirja e matejshme e Vatres ne qytetet me popullsi te konsiderueshme Shqiptaresh siç jane Orlando dhe metropoli i Tampes. Gjate ketij takimi , fjalen e mori z.Adriatik Spahiu , qe falenderoj ne emen te Shqiptarve tè Jacksonville te gjithe pjesemarresit. Si gjithemome Vatra mbetet simboli dhe misherimi  i Shqiptarizmes , i ndjenjes dhe identitetit Kombetar – u shpreh z.Spahiu.1 Marjan
Me pas, ju dha fjala Kryetarit te Vatres mbareshqiptare te Amerikes, z.Gjon Buçaj,i cili ritheksoj edhe njihere rolin e Vatres si nji Shoqate , qellimi i se ciles asht interesi kombetar, pra nji shoqate jopolitike, e hapun per te gjitha bindjet por pa harru se pertej politikave apo bindjeve te majta apo te djathta, Vatra mbetet gjithemone ne sherbim te Shqipnise Etnike, pra te shqiptarve qe ndodhen ne trojet e tyne mijeravjeçare. 1 jack GjonZ. Buçaj bani nji vlersim te veçante per degen e Jacksonvillit , vuni ne dukje punen e palodhun te z. Spahiu me stafin e tij per promovimin e vlerave shqiptare jo vetem tue organizue festime per ngjarjet kryesore te historise tone por edhe tue ju vu ne dukje traditat dhe kulturen tone edhe te tjereve siç ishte organizimi per here te pare ne Jacksonville i Festivalit Shqiptar .1 JacksonvilleNe kete eveniment artistiko-kulturor mori pjese edhe Mayor i Jacksoville Beach. Promovimi i librit te Profersor Pllana” Terrori i Serbise mbi Shqiptaret” si dhe shfaqja e filmit “Besa” tregon anet ma te mira te Shqiptarve, ku nje njanen anë nji popull vuan nen terrorin Serb por arrin te mbijetoje dhe te fitoje lirine dhe ana tjeter e Beses Shqiptare, mbrojtja e hebrenjeve prej genocidit nazist .
Ne kete takim u diskutuan tema te ndryshme ,pasi kishte mendime se Vatra i perket spektrit
te djathte politik( dhe keshtu duhet te jete , opinioni im si nji antikomunist i perbetuem) por z. Buçaj e theksoj edhe njihere se “Vatra” asht e tan Shqiptarve pavaresisht bindjeve . Z. Hasan Hakrama, shqiptari me origjine nga Peza e Babë Myslimit, qe njifet si vendi i patriotizmit Shqiptar, e vuni theksin pikerisht ketu, pra per randesine e unifikimit te te gjithe Shqiptarve kudo qe jane nen moton ;” Nji gjuhe, Nji Flamur, Nji Komb”. Gjitheashtu edhe zonja Vasilika Dhimitri-Mato per te hequn dyshimet mbi qendrimin e Vatres,  theksoj se ne duhet te shkeputemi nga e kalumja e hidhun e komunizmit qe futi luften perçarse te klasave. “Tashme ka ardhe koha qe femijve tane, brezave qe do vijne, te ju mesojme gjanat ma te mira qe na bashkojne dhe jo ato qe na ndajne. Te ju mesojme femijve tane qe kane lindun ketu gjuhen tone te bukur Shqipe sepse nepermjet gjuhes femijet tane do jene ne gjendje te i ruajne e te i çojne ma tej traditat tona Shqiptare”- u shpreh zonja Dhimitri.
Ne kete takim diskutuan edhe Zonja Shpresa Gallaj, Dr. Ali Lushnja, z.Bukurosh Curre, z. Indrit Kellezi , Nenkryetari Rexhep Gabrica , aktivisti Basri Jashari, dhe Drejtoresha e Shkolles Shqipe, demokratja e perflakun dhe antikomunistja ma e vendosun , zonja Lavdie Mato.
Me kete rast u caktuan edhe delegatet per Kuvendin e Vatres qe do mbahet ne NY me daten 10 Qeshor te ketij viti.
Ky takim konstruktiv u percoll edhe me kange e valle Shqiptare te te gjitha krahinave. Nji falenderim te veçante per grupin muzikor” Oriental” me kangetaren e mirenjohun te muzikes popullore Shkodrane, znj. Alma Velaj, e cila u tregua e gadshme per me kendue falas per ore te tera. Shpresojme qe ket shembull ta ndjekun edhe kangetaret e tjere sepse te i japesh diçka komunitetit Shqiptar asht nji detyre e secilit qe i kalon permast monetare.
Ky takim bashkeatdhetaresh te mahnit per unitetin dhe qytetarine shqiptare. Vatra ofroj edhe nji donacion per $650.00 per z. Adriatik Novaku.E  mbylli kete shkrim me vleresimin  ma te nalte per Diasporen sepse ne jemi misherimi dhe identiteti i ma se mires Shqiptare.

Filed Under: Vatra Tagged With: Adriatik Spahiu, Gjergj Lack, Vatra ne Jacksonville

VATRA NE JACKSONVILLE VIJON TRADITEN

December 8, 2016 by dgreca

Edhe sivjet, Festa e Pavarsise u kremtua nga Vatra ne Jacksonville, Florida/

img_9660img_9679img_9687unnamedimg_9694img_9663img_9684Nga Gjergj LACUKU/

Festa e Pavarsise mbetet gjithemone festa ma madheshtore e nji populli. Pavarsia asht kunora e arte e qe reflekton e rrezaton rrugetimin e gjate te nji kombi apo populli në udhen e shekeujve. Padyshim , per ne Shqiptaret e Diaspores kjo feste ka nji kuptim te veçante sepse jo vetem qe na ban te ndjehemi krenar por na bashkon te gjitheve duke kriju në vetvete nji Shqipni te vogel, nji pjese te Atdheut , kudo qe jemi.

 

img_9685img_9681img_9682img_9688img_9686img_9690

Tashme organizimi i aktivitetit te festes se Pavarsise nga dega e Federates VATRA ne Jacksonville, Florida,  po kthehet në nji tradite falë perkushtimit qe Vatra ka marre persiper per vazhdimesine e ruajtjes dhe kultivimit te vlerave tona. Edhe ky pervjetor s’ kishte si te ishte ndryshe. Mrembja e bukur festive , u parapri prej nji aktiviteti futbollistik, “Kupa Pavarsia,” qe u organizua per here te parë nen kujdesin e Vatres. Në ketë aktivitet moren pjese ekipe te moshave te ndryshme dhe kompleksi sportiv në Jacksonville , Florida , u kthye ne nje ambjent shqiponjash, me flamurin Kuq e Zi qe valevitej perkrah flamurit ma madheshtor në Botë, atë te Amerikes , simbolit te lirise  e demokracise. Muzika Shqiptare kumbonte  bukur në hapsine , tingujt e se ciles jehonin kandshem në qiellin ma te bukur te Botes, në Floriden plot diell, tek luheshin ndeshjet e Kupes se Pavarsise.

img_9659img_9656img_9658img_9655img_9665img_9662

Në kete turnament , kishte ardhe edhe nji ekip futbolli nga Komuniteti Shqiptar i Tampes e Clearwater, ku ishte prezent edhe ish-futbollisti i Kombetares Shqiptare, z. Daniel Xhafaj,te cilit ju dorezua edhe Kupa nga z.Adriatik Spahiut, per moshat mbi 40 vjeç dhe kupen per moshat kompetitive e fitoj “Eagles ” i Jacksonville. Per mbarevajtjen e ketij aktiviteti kontribuan “Vatra”, dhe shume biznese te tjere . Në veçanti duhet falenderu ILIR Abeshi , i cili asht shume i perkushtuem per promovimin e futbollit te moshat e reja ne komunitetin tonë.Gjithashtu, na nderoj me prezencen e tij edhe ish-futbollisti i Kombetares tonë, z.Daniel Xhafaj.Veprimtaria futbollistike ja la vendin mbramje se bukur festive te 104-vjetorit te Pavarsise , ku salla madheshtore e Hotel “Marriott ”  fliste, kendonte e kercente Shqip. Grupit muzikor i paraprinte kangetarja e mirenjohun e Poni,  e cila na kujtoj edhe je here se kudo qe te jemi, duhet te flasim shqip se jemi Shqiptar. Në te njejten kohë,  ishin te pranishem edhe kangetaret Franc Palaj prej Shkodret , zonja Suela Mero, me banim në Kanada , kangetarja e kangeve  iluminuese te Naimit,dhe organistet Meti Shemshedini e Serafin Daka dhe në klarinete, i mirenjohuri , Fadil Hyskaj.

 

img_9692img_9693img_9690img_9687

 

Kryetari i Vatra Jacksonville, z.Adriatik Spahiu, Permetari qe ecen ne gjurmet e Rilindasve te medhenj Frasheri, pershendeti te pranishmit duke i falenderue per pjesemarrjen por duke theksue randesine e bashkimit te te gjithe Shqiptarve në sherbim te çashtjes kombetare. Diaspora Shqiptare asht pasqyra ma e mire e Kombit tonë. Politikanet tane kane te mesojne shume prej nesh dhe sikur ato te ken te pakten 1% te vullnetit e te dashnise qe ka Diaspora per Kombin e vet, Shqipnija dhe Shqiptaret e te gjitha trevave do ishim shume ma mire, ma krenar e ma dinjitoze per te u rreshtu me popujt e tjere te qytetnuem te Europes.

Falenderojme sponsoret kryesore si Shoqata “Vatra” Jacksonville , “Village Bread Co.” me pronar Vinçens Jubani, “Albtrans ”  me pronar Andi Opari, “Eagle Rock II Apartments,”me pronar Ndoc Pepa, “Alpha Special T’s” me pronar Palok Dushi dhe First Coast Enterprises.

 

Filed Under: Featured Tagged With: pavaresia 104, thellon traditen, Vatra ne Jacksonville

Artikujt e fundit

  • Kosova e  lirë nga 12 Qershori 1999, me NATO-n…
  • “Histori e shtypit arbëresh: nga zanafilla deri në ditët e sotme” Monografi e autorëve Prof. Hamit Boriçi dhe Dr. Jolanda Lila
  • Kuvendi i Kosovës, perpetuum mobile e seancave pa kufi
  • Lidhja e Prizrenit, thirrje për bashkim edhe në ditët e sotme
  • Propaganda serbe kundër UÇK-së
  • BREZAT E RINJ SHQIPTARË DHE ARSIMIMI  NË AMERIKË
  • Kur kryeministri Pandeli Evangjeli i dha nënshtetësinë shqiptare Aleksandër Moisiut dhe bashkëshortes së tij gjermane
  • Book Event Massacres in Kosovo 1998-1999 by Shkelzen Gashi marks the 26th Anniversary of Kosova’s Liberation Day and Sparks a Debate
  • HOMAZH NDERIMI PËR NJË BIR TË MADH TË KOSOVËS – DR. BUJAR BUKOSHIN
  • 12 qershori 1999 dhe 12 qershori i vitit 2025
  • NYPD Honors Albanian-American Police Officer for Heroism
  • 26 VJETORI I ÇLIRIMIT TË KOSOVËS, VATRA TELEGRAM URIMI
  • SHUMË PYETJE TË VËSHTIRA PËR TË DJESHMEN, TË SOTMEN DHE TË NESËRMEN E SHQIPËRISË
  • METODA DHE STILI SHKENCOR I ILIR IKONOMIT
  • Ndërgjegjja etnike shqiptare në Himarë gjatë shekujve XVI–XVIII: Feja, arsimi dhe identiteti kombëtar

Kategoritë

Arkiv

Tags

albano kolonjari alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT