vizitoi – Dielli

NJË FAMILJE SHQIPTARE ME BANIM NË SHTUTGART VIZITOI VATRËN

May 21, 2016 by dgreca

Të mërkurën me 18 maj 2016 një familje shqiptare nga Kosova me banim në Shtutgrat të Gjermanisë viizitoi Vatrën. Inxhinieri Ylli Mujaj dhe bashkëshortja e tij mjeke, Florina- e diplomuar në Tiranë dhe që e ushtron profesionin edhe në Gjermani, si dhe djemtë Genti dhe Miloti, të shoqëruar nga anëtari i Këshillit të Vatrës, Ramiz Mujaj si dhe Ilmi Muaj nga Shoqata “Rugova” u pritën nga Editori i gazetës Dielli, Dalip greca. Editori i njohu mysafirët me historinë 104 vjecare të Federatës Panshqiptare të Amerikës Vatra dhe gazetën e saj 107 Vjecare”Dielli”. Përmes fotografive, eksponateve, dokumenteve arkivore, mysafirët u njohën me rrugëtimin historik të Vatrës, me shërbimet që kjo organizatë i ka bërë kombit për gjatë më shuëm se një shekulli, për kontributet historike që ka dhënë, për fushatat e mëdha financiare që ka bërë Vatra në ndihëm të Kombit, për mbulimin e shërbimit diplomatik kur s’ksihim shtet shqiptar, për invetsimet kulturore, etj.

Mysafirët shprehën kënaqësinë që u njohën nga afër me historinë e Vtarës. Ata shkruan në Librin e Vizitorëve: Kjo ishte një vizitë që na mbushi me emocione. Ne jemi vizitorë për disa ditë në Nju Jork. Kemi vizituar qendra muzeale dhe kulturrore. Por kjo vizitë në Vatër ishte tepër përshtyplënse. Ju faleminderit që na e mudnësuat këtë pritje të ngrohtë. Do t’ua rekomandojmë edhe miqëve tanë vizitën në Vatër. E urojmë Vatrën edhe 100 vite të tjera!

Familja Mujaj

Shtugart-Gjermani

Presidentja Jahjaga vizitoi Policinë e Kosovës

March 16, 2016 by dgreca

PRISHTINË, 16 Mars 2016/ Presidentja e Republikës, Atifete Jahjaga vizitoi sot Policinë e Kosovë, ku e priti drejtori i përgjithshëm, Shpend Maxhuni. Ai i shprehi mirënjohje Presidentes Jahjaga për bashkëpunimin dhe përkrahjen e vazhdueshme ndaj Policisë së Kosovës duke e paraqitur si institucion kredibil, si në vend ashtu edhe në arenën ndërkombëtare.Presidentja Jahjaga theksoi se Policia e Kosovës gëzon një reputacion të lartë, si një ndër institucionet më të besuara në vend. “Ju stafi policor duhet të ndjeheni krenar që shërbeni në një institucion kredibil me besueshmërinë kaq të lartë dhe që jeni në shërbim të popullit, sepse duke u kujdesur për sigurinë e vendit, sigurinë ndaj qytetarëve, ruajtjen e rendit dhe qetësisë publike, parandalimin e krimit dhe luftën ndaj terrorizmit, do të arrini ta mbani Kosovën si vend të qetë e të sigurt”, citohet Presidentja Jahjaga në njoftimin e dërguar nga Policia ksovare./b.j/

Presidentja Jahjaga vizitoi Kompleksin Memorial dhe familjen Jashari në Prekaz

March 6, 2016 by dgreca

Presidentja e Republikës së Kosovës, zonja Atifete Jahjaga qëndroi sot në Prekaz të Skenderajt, në kuadër aktiviteteve për shënimin e Epopesë së UÇK-së.Fillimisht ajo bëri homazhe në kompleksin Memorial ”Adem Jashari”, si dhe vizitoi një ekspozitë fotografish dhe muzeun që është i hapur në kuadër të kompleksit.Gjithashtu, Presidentja Jahjaga vizitoi familjen Jashari, ku u prit nga kryefamiljari Rifat Jashari.Në një deklaratë dhënë pas vizitës, Presidentja Jahjaga tha:

Sot pata nderin që të vizitoj familjen Jashari, në këtë ditë plot dhimbje për ta por edhe për të gjithë Kosovën, në këtë 18-vjetor të rënies heroike të 53 pjesëtarëve të kësaj familjeje dhe të kësaj lagjeje.

Pata nderin të takoj Rifat Jasharin dhe anëtarë të tjerë të kësaj familjeje, të bisedoj me bacën Rifat, të rikujtojmë sakrificën e madhe që ka bërë kjo familje, por edhe shumë familje të tjera anembanë Kosovës për ta jetësuar ëndërron tonë të përjetshme, ëndrrën tonë historike, për ta bërë Kosovën shtet të lirë, shtet të pavarur.Në këto varre këtu pranë janë moshatarët tanë, gjenerata të ndryshme të kësaj familjeje. Këtu është dhënë jeta për liri dhe këtë nuk duhet ta harrojmë. Kthimi im në Prekaz gjithmonë më emocionon, sepse ma rikujton çmimin e madh që kemi dhënë si popull dhe si shtet, si dhe borxhin që ua kemi gjithë atyre që kanë dhënë jetën për lirinë, për pavarësinë tonë, që ta ndërtojmë një Kosovë të të gjithë qytetarëve të saj, një Kosovë me perspektivë të qartë euroatlantike.

Delegacioni i Luginës së Presheves Vizitoi VATRËN

October 12, 2015 by dgreca

Delegacioni nga Lugina e Preshevës i përbërë nga Kryetari i Preshevës Ragmi Mustafa, Kryetari i Bujanocit Nagip Arifi si dhe Faton Bislimi nga Liga Qytetare Shqiptare Amerikane, Xhevat Latifi -gazetar dhe Sherif Sherifi-avokat, në vijim të vizitës së tyre në SHBA, të Shtunën me 10 Tetor 2015 realizuan një vizitë në Selinë e Federatës Panshqiptare të Amerikës VATRA. Mysafirët u pritën nga Kryetari i vatrës dr. Gjon Bucaj, nënkryetari Asllan Bushati, anëtari i këshillit Zef Balaj, anëtari i këshillit të Urtëve(Advisory Board) Zef Përndocaj dhe Editori i Dielli Dalip Greca.
Kryetari i Vatrës dr. Gjon Bucaj u uroi mireseardhjen mysafirëve dhe i përgëzoi ata për qëndresën dhe luftën këmbëngulëse për të drejtat e mohuara të shqiptarëve në Luginën e Preshevës, Medvegjës dhe Bujanocit. Kryetari Bucaj i informoi miqtë se Vatra e vlerësoi pozitivisht Krijimin e Asociacionit të Komunave dhe doli publikisht me një deklaratë në media.
Në këtë deklaratë theksohej fakt se: Federata Panshqiptare e Amerikës “Vatra” përshëndetë vendimin e këshilltarëvet shqiptarë të tri qyteteve të Luginës – Preshevës, Medvegjës dhe Bujanocit, të cilët, me votë unanime miratuan Deklaratën për themelimin e Asociacionit të Komunave me Shumicë Shqiptare në Serbi. Ky Asociacion,që krijuat si reciprocitet me Asociacionin (“Zajednica”) e komunavet me shumicë serbe në Kosovë, miratue nga qeveritë e Kosovës e të Serbisë muejin e kaluem, është ca i vonuar, por gjithësesi ka vlera pozitive, tha dr. Bucaj. më pas z. Bucaj parashtroi qëndrimet e Vatrës për Ceshtjen Kombetare dhe per obligimet qe kane dy shtetet tona ndaj shqiptareve qe jetojne jashte Shqiperise dhe Kosoves.
Edhe zv/kryetari i Vatrës Asllan Bushati, përshëndeti mysafirët dhe u uroi aty sukses në rrugën e qëndresës dhe luftës për të drejtat e shqiptarëve të Luginës, të cilët, më së paku duhet të gëzojnë po ato të drejta që Beogradi kërkon për serbët e Kosovës. Ai i përgëzoi ata për të gjitha veprimet e dy dekadave të fundit, për rezistencë, dhe për qëndresë ndaj asimilimit. Pasi ju krijuat UCMPB, tha z. Bushati, diplomacia europiane lëvizi nag vendi dhe filloi t’ju shoh me një sy tjetër. Mos u tërhiqni! Edhe për të ardhmen ju do ta keni përkrahjen e Vatrës, tha z., Bushati.
Gjatë takimit Vatra premtoi angazhim të pandërprerë në përkrahje të zgjidhjes së drejtë të cështjes shqiptare në Luginë, ashtu sic bën edhe për cështjen came, për të drejtata e shqiptarëve në Mal të Zi apo në Maqedoni.
Z. Nagip Arifi informoi për situatën e rënduar të shqiptarëve në Bujanoc dhe përpjekjet që bën faktori shqiptar për të fituar të drejtat që nuk i gëzojnë si etinitë e tjera.
Nga ana e tij Kryetari i Preshevës z. Ragmi Mustafa solli një informacion të detajuar për gjendjen e shqiptarëve në Luginën e Preshevës dhe për rolin e Asociacionit të komunave shqiptare.
Mysafirët informuan për vizitën e sukseshme në Departamentin e Shtetit dhe në kongresin Amerikan. Në Departamentin e Shtetit ata u pritën nga Drejtori i Byrosë për Evropën Qendrore dhe lindore z. Tom Yazdgerdi me bashkëpunëtorët e vet.
Takimi në Departamentin e Shtetit shënon një pikë kthese historike për cështjen e Luginës së Preshevës sepse e vendos atë në agjendën e politikës së jashtme amerikane si një pikë me rëndësi të vecantë në Ballkan.
Po ashtu mysafirët informuan se delegacioni i Luginës së Preshevës pati një takim pune me Drejtorin e Komisionit “Tom Lantos” për të Drejtat e Njeriut të Kongresit Amerikan, z. Carson Middleton, me të cilin u diskutua çështja e pazgjidhur shqiptare në Luginë. Në ambientet e këtij Komisionit Kongresional në Capitol Hill, Kryetari Mustafa i Preshevës dhe Kryetari Arifi i Bujanocit prezantuan problemet më madhore me të cilat ballafaqohen shqiptarët e Luginës së Preshevës. Ata e njoftuan drejtorin e këtij komisioni, që bashkeudhëhiqet nga Kongresisti Republikan Pitts dhe ai demokrat McGovern, me abuzimet drastike të të drejtave të njeriut dhe atyre kombëtare që Serbia ushtron ndaj shqiptarëve të Luginës. Kryetarët Mustafa dhe Arifi kanë vënë theks të veçantë mbi diskriminimin nacional që i bëhet shqiptarëve në Luginë përmes medotave moderne dhe perfide të represion serb kundrejt popullatës autoktone shqiptare në këtë rajon me qëllim të largimit të sa më shumë shqiptarëve nga Lugina.
Gjatë takimit në Vatër, z. Faton Bislimit, kërkoi që Vatra të bashkëpunojë me Fondacionin Arsimor Jopërfitues, që ai vetë drejton, për të sjellur në SHBA për studime një numër të caktuar të studentëve meritorë nga Lugina, duke iu siguruar atyre bursa akademike dhe akomodim.
Kryetari i Bujanocit, z. Arifi i dhuroi kryetarit të Vatrës një “Mirënjohje” nga komuna që ai drejton.
Në fund Editori i Diellit i njohu mysafirët me historinë 103 vjecare të Vatrës dhe 106 vitet e Gazetës Dielli përmes dokumenteve dhe fotografive.(Dielli)

Presidenti Nishani, vizitoi në Nju Jork, kompaninë Google

May 9, 2015 by dgreca

Beqir SINA, New York City/
CHELSEA NEW YORK CITY : Nё vijim tё vizitës tё tij në Nju-Jork, Presidenti i Republikës së Shqipërisë, Sh.T.Z. Bujar Nishani, vizitojë dje një prej gjigandëve të teknologjisë kompjuterike në botë, kompaninë Google, zyrat dhe disa mjedise pune të kësaj kompanie në Manhattan – Nju Jork. Presidenti Nishani, i shoqëruar nga Zonja e Parë, Odeta Nishani, Ambasdori Ferit Hoxha, i Misoinit të Përhershëm të R.SH. në OKB, dhe anëtarët e delegacionit, që e shoqërojnë atë, në këtë vizitë mjaft të suksesshme, u pritë edhe nga drejtuesit e Google, punonjësit e saj, të cilët shprehen kënaqësin e tyre, që këtë kompani, mbas vizitave të shumta të personaliteteve të ndryshme nga mbarë bota – po e viziton edhe Presidenti i Shqipërisë, zoti Bujar Nishani.
Në Google NYC, kreu i shtetit takojë edhe disa disa studentë shqiptarë, nga Shqipëria dhe Kosova, të cilët punojnë për Google, dhe sapo mësuan se për vizitë kishte ardhur presidenti i Shqipërisë, erdhën plot gëzim për t’u takuar me Presidentin Nishani.
Kreu i shtetit shqiptar me këtë rast vlerësoi shumë Googlers në lidhje me aftësinë e saj për të ndryshuar jetën e njerëzve për të mirë dhe për të kënaqur përdoruesit tyre anembanë rruzullit. “Ka një ndjenjë se çdo gjë është e mundur dhe për këtë janë sot edhe me qindramijëra shqiptarë, si në Shqipëri, Kosovë, dhe viset shqiptare, që çdo ditë e natë, “lundrojnë” në botën magjike të kompjuterit, duke kërkuar nëpër faqet e internetit në Google”,Gmail, Yahoo, e të tjera, tha Presidenti Nishani, në fillim të vizitës në takim me stafin e Googles në qytetin e Nju Jorkut.
Presidenti Nishani, kërkojë që Google, në se ka mundësi të ndihmojë edhe shkollat në Shqipëri, insitucionet e saj, dhe kompanitë e bizneset shqiptare, sidomos me programe që theksojnë arsimimin në shkencat kompjuterike, matematikë, inxhinieri dhe teknologji, dhe të shihet mundësia e krijimit të Googlers Rrjetit Shqiptarë, ashtu si dhe për rrjetin anglez, hispanik, francez, arab, rusisht , gjermanisht e tjer. Ai ftojë me këtë rast drejtuesit e Google, të vizitojnë dhe të hapin ndonjë zyrë edhe në Shqipëri, brenda mundësisve të tyre.
Njëri prej drejtuesve kryesorë, të kësaj kompanie, i cili shoqëroi gjatë gjithë kësaj vizite, në rolin e ciceronit kreun e shtetit shqiptar, zotin Nishani,, tregojë se si u ngritë kjo kompani nga një kompani e vogël në një gjigand të botës kompjuterike dhe të biznesit.
“Në vitin 2000, tha ai ne ishim ende mjaft i ri si një kompani në këtë fushë. Aq e re, në fakt, theksojë zoti Jefferson, sa që në New York, “zyra jonë” në fakt ishte e drejtuar nga një kafene Starbucks në cep të rrugës 86 Street dhe Columbus. Kurse, sot, shtoi ai 14 vjet më vonë me punën apasionate dhe të përkushtuar – të Google NYC, kjo është bër një nga zyrat më të mëdha të Googles në botë, Google Nju Jork, sot është “shtëpi” për numrin më të madh të vendeve të punës kompjuterike dhe inxhinierike, me 5000 vende pune vetëm në këtë ndërtes, duke e bërë Googlen, një nga më të mëdhat kudo në botë, për numërin e punonjësve të saj”.
Google NYC, shpjegojë ciceroni është një qendër e operacioneve për Inxhinieri të Korporatave, ekipi më i madh në botë që ndërton dhe mirëmban sistemet e brendshme kompjuterike, punë të ngjashme me ato në planifikimin strategjik, të ardhmen e zhvillimit të biznesit dhe llogari të menaxhimit- Guide Google biznesit.
“Kur ne kemi projektuar këtë zyrë, kemi dashur atë për të reflektuar shpirtin e qytetit, metropolit botëror Nju Jorkut, në atë që ne e quajmë shtëpia e kompjuterit Nju Jork. Kudo, që ju shikoni, në çdo katë – të ndërtesës Google, ju do të gjeni nyje të platformave të metropolit New York-, prej kapanxhave, gradacieleve, muzetë, subway , kinemat, teatrot, hotelet, restorantet dhe kafentë, dyqanet e tregëtisë, mini -marketet dhe super-market, qendrat stërvitore – gym – ping-pong, bilardo,fusha mini futbolli, bejsbolli, basketbolli, kopshte për fëmijë, shkolla, dhe zyra nga më të ndryshmet kopjuterike të pa fund, madje edhe copëza muri me photo të muraleve të cilat e përshkruajnë në horizont qytetin” tha ai.
Në fund simbas traditës Google, ciceroni i dhurojë për këtë vizitë Presidentit të Shqipërisë, një kapele me ngjyrat që simbolizojnë gjigandin kompjuterik Google – një pjes blu, jeshile, të verdhë dhe të kuqe, kapelë helikë, që siç tha ai “do të thotë në japonisht “Noogle”, nga e ka marrë edhe emrin që ka sot super kompania kompjuterike Google”.