Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for October 2013

U ORGANIZUA NE NEW YORK PERKUJTIMORJA E APOSTULLIT TE SHQIPTARIZMIT MIT’HAT FRASHERI

by

Nga Endri Mergjyshi/

Tashme nuk eshte nje gje e rralle te degjosh per Mit’hat Frasherin, te birin e Abdyl Frasherit i cili dedikoj 50 vitet e jetes se tij per atdhe per Shqiperine Etnike. Saktesisht mund te themi qe ai eshte Babai i Kombit Shqiptar me kontributin e tij qe nga Kongresi I Manastirit e deri mbas Luftes se Dyte Boterore.

Komuniteti-Shqiptaro Amerikan I New Jersey, New York, dhe Connecticut organizoj me daten 30 Shtator te 2013 si cdo vit me rradhe perkujtimoren e Apostollit te Shqiptarizmes Mid’hat Frasheri lindur me 25 Mars, 1880 ne Janine ne kryeqytetin e Epirit ne Jug te Shqiperise dhe nderroi jete me 3 Tetor, 1949 ne New York.

Ne Kujtese te Midhat Frasherit prane varrit te tij ku moren pjese bashk-atdhetare nga te gjithe trevat e Shqiperise Etnike, Cameria, Kosova, Mali I Zi, Maqedonia per te nderuar kete Apostull te Kombit Shqiptar qe eshtrat e tij jane lene ne harrese nga vendi ame.

Kete tubim e drejtoj nen kujdesin e tij zoti Pellumb Lamaj ish I burgosur Politik ne Spac nga diktatura e eger komuniste e Enver Hoxhes ku pasqyroj veprimtarine e jetes se Midhat Frasherit. Gjithashtu aty mori pjese dhe familja e Nderuar e zotit Qemal Lepenica nipi I heroit nacionalist Hysni Lepenica I cili u vra dhe u pre ne bese nga Komunistet e forcave partizane te Enver Hoxhes.

Veprimtaria e Midhat Frasherit permban nje seri te gjere politike dhe letrare qe I sherbeu Kombit Shqiptar ne arritje te Rilindjes se Shqiperise ku me vone u shuajt nga Sistemi Komunist qe solli Erresire ne Shqiperi.

Mid’hat Frasheri I biri I Abdyl Frasherit te nje politikani Shqiptar te Shekullit te 19-te( I cili filloi levizjen nacionaliste per pavaresine e Shqiperise nga Perandoria Osmane) dhe nip I poeteve dhe nacionalistave Naim Frasheri dhe Sami Frasheri.

Nga Stambolli,Frashellinjte filluan levizjen Nacionaliste Shqiptare. Duke punuar per administraten Osmane te viteve 1905-1908 ne Selanik, Midhati braktisi dhe studimet e tij shkencore per te filluar botimin e gazetes se tij javor me titullin “Lirija” ne Selanik e cila zgjati te publikohet deri me 1910.

Si nen-kryetar I delegacionit te Kongresit te Manastirit ne vitin 1908, Midhat Frasheri botoi nje reviste mujore me titullin “Diturija” e cila permblidhte artikuj, botime, kulturore, letrare te interesit Shqiptar.

Gjithashtu, Midhat Frasheri ishte deleguesi I 50-te I Kongresit te Alfabetit Mdern Shqiptar, dhe me vone u be nen-kryetar I ketij Kongresi.

Gjate lufterave Ballkanike karakteri I Midhat Frasherit mori nje shikim nacionalist me rrezimin e Perandorise Osmane dhe metej Shqiperia ishte e sulmuar me pushtimet e pa-epshura te fqinjeve rreth kufinjve.

Midhat Frasheri ishte nje nder te 83 lideret e Vlores ne Nentor te 1912. Ishte nje nga firmetaret e Deklarates se Shpalljes se Pavarsise, dhe u be Minister I Puneve Publike dhe me vone Konsul I pergjithshem ne Beograd. Me fillimin e Luftes se Pare Boterore, Midhati u arrestua ne Rumani dhe u internua per disa kohe dhe mbas lirimit jetoi ne Lozane me kushuririn e tij Mehdi Frasheri ku botoi nje seri artikujsh dhe gazeta. Ne vitin 1920 Midhati u emerua Kryetari I Delegacionit Shqiptar te Parisit I cili qendroi deri me 1922. Ne Paris ai vazhdoi gazetarine dhe botonte ne Frengjisht per rolin e Shqiperise ne Evropen drejt luftes frontale dhe restaurimin e saj.

Me vone Midhat ne vitet 1922-1926 ai u emerua Ambasador ne Greqi dhe Shtetet e Bashkuara te Amerikes. Kur me vone I jep doreheqjen e tij me note proteste ndaj qeverise se Vlores per mos kujdesin e tyre ndaj padrejtesive qe po iu benin popullit Shqiptar te Camerise qe po u shkembenin me Greket e Azise se vogel si turq per shkak te marreveshjes greko-turke.

Nderkohe ne regjimin e Zogut kur ai dha doreheqjen, hapi nje Bibloteke private ne Tirane dhe ai vete arriti te shtype pothuajse 20,000 vellime e cila ishte me e madhja ne Shqiperi asaj kohe te cilen Midhati ja dhuroj kombit Shqiptar dhe me vone me ardhjen e Komunizmit kjo pasuri Kombetare u konfiskua ne saj te propagandes Komuniste.

Me ardhjen e Luftes se Dyte Boterore dhe forcimin e Gjermanise lufta per Shqiperine ishte e pashmangshme Midhat Frasheri krijoj Ballin Kombetar per ta perdorur per Bashkimin e Trojeve Shqiptare gjate luftes.

Mbas Luftes se Dyte  Boterore, me ardhjen dhe fitoren e komunizmit, ne Shqiperi Midhati u largua per ne Italine e jugut. Gjate largimit te tij ne Perendim Midhati u perqendrua me teper per te krijuar nje koalicion anti-komunist kryesisht nepermjet Anglise dhe Amerikes.  Ne Gusht te 1949 ai u emerua Kryetari I Komitetit te Shqiperise se Lire. Mbas nje vizite ne Londer ku Midhati beri nje deklarate ne Radion e BBC per levizjen anti-komuniste ne Shqiperi me kthimin e tij ne Amerike ne Long Island, New York, Lexington Hotel, Midhati u gjet I vdekur ne dhomen e tim ku ai ishte helmuar.

Nje fragment I fjalimit te Midhat Frasherit gjate Pavaresise se Shqiperise ku ai thote:

“Deri tani Shqiptaret kane jetuar shume pak per veten e tyre; aktivitete e tyre; gjakun e tyre; talenti I tyre I ka perfituar komshinjve te tyre. Ata e kan perqendruar te miren e tyre per te miren e te tjereve.Tani ata duhet te punojne per veten e tyre, per Shqiperine e tyre”.

Gjate mergimit ai I drejtohet Enver Hoxhes Shqiptarit Komunist:

“Sherbetoret qe bashkpunuan me Titon”

“Keta Sherbetor nuk jan me Shqipetar. Keta kan harruar si te behen Shqipetar”.

Nderkohe gjate ketij tubimi e moren fjalen dhe atdhetare te tjere te Komunitetit Shqiptaro-Amerikan zonja Val Karanxha e cila permblodhi nje pjese te veprimtarise se Midhat Frasherit, zoti Arben Dedaj nje atdhetar I perkushtuar per Komunitetin Shqiptar ne Amerike. Fjalen e mori Rajmond Sejko I komunitetit te Camerise ish I perndjekur politik, zoti Aleksander Goro nga Himara ish I perndjekur politik, zoti Ylvi Buza nga Tirana, zoti Endri Merxhushi nga Krahina e Camerise, zoti Skender Pali nga Krahina e Kosoves, Alfred Tollja dhe shume te tjere.

Ne mbyllje te tubimit zoti Pellumb Lamaj citoj disa vargje ne shenje respekti per Babain e Kombit Midhat Frasherin:“Respekt,Nderim,Perulje prane varrit ku prehen eshtrat e Apostullit te Shqiptarizmes………..Edhe sa kohe do ti duhet kombit e popullit shqiptar te vendos ne panteonin e tij kete shqiptar te madh qe rralle e nxjerre shekulli dhe historia…..Edhe sa kohe eshtrat e Babait te Kombit do te prehen ne dhe` te huaj…….Edhe sa kohe bastardet dhe te shiturit e politikes do te tallen me historine tone kombetare….Edhe sa kohe shoqeria shqiptare do te mbaj mbi supe kete turp e krim historik…………Edhe sa kohe…………………………………………..”

Pergatitur nga:Endri Merxhushi

 

 

KRYETARI I PD, BASHA: KONSENSUSI NE GIJOTINE

by

Kryetari i Partisë Demokratike, Lulzim Basha e cilësoi dje, vendimin e Ramës për shtyrjen me 6 muaj të Ligjit për statusin e Nëpunësit Civil si një vendim antikushtetues dhe arbitrar. Në një konferencë për shtyp, Basha u shpreh se, Kryeministri Rama shpërfilli paralajmërimin e opozitës dhe hodhi poshtë konsensusin e arritur në Parlament. “Mbrëmë, me një akt të njëanshëm antikushtetues dhe në mungesë totale transparence, Edi Rama shpalli shfuqizimin gjashtëmujor të Ligjit “për Nëpunësin Civil”, i miratuar me konsensus dhe unanimitet në Kuvendin e Shqipërisë, në maj të këtij viti. Ky është një nga tre ligjet, mosmiratimi i të cilëve me konsensus vitin e kaluar, u bë shkak që Shqipëria të mos përfitonte statusin e vendit kandidat.  Ky është një nga tre ligjet, për të cilat Brukseli zyrtar u shpreh se, nuk mjaftonte as miratimi me referendum, por duhej patjetër konsensus, konsensus që u dha më në fund në 30 maj, pasi Rama u sigurua se ishte tepër vonë për të përfituar statusin në pranverën që shkoi. Mbrëmë, ky konsensus u qëllua për vdekje me koburen arbitrare dhe antikushtetuese të aktit normativ”, theksoi Basha. Kryetari i PD, akuzoi Ramën se me aktin e ndërmarrë vendosi interesat personalë mbi ato të Shqipërisë dhe rrugës së saj europiane. “Duke vënë mbi interesat madhore të vendit, interesa egoiste dhe meskine, Rama hodhi poshtë mbrëmë me një firmë të vetme, konsensusin unanim të mbarë Kuvendit. Kjo nuk ka ndodhur e nuk mund të ndodhë në vendet që mbështeten në parimet e demokracisë dhe sundimit të ligjit. Opozita nuk e pranon këtë akt që godet në palcë konsensusin politik si vlerë, që rrezikon aspiratën tonë integruese në Europë dhe riciklon konfliktualitetin politik në vend”, theksoi Basha. Në vijim, Basha kujtoi se motivi i shtyrjes së këtij ligji është spastrimi i administratës, duke hequr mbrojtjen ligjore dhe duke shtuar intensifikimin e shkarkimeve. Më tej, Basha krahasoi se akte të tilla ndodhin vetëm në Republika-banana. Në këtë pikë, ai i bëri thirrje Kryetarit të Kuvendit, Ilir Meta të dëshmojë që, salla e Kuvendit nuk është bërë qesharake. “Kjo ndodh vetëm në banana-Republikat që mbështeten në ligjin e xhunglës. Duke zhbërë me një firmë të vetme një ligj konsensual, Rama e ka trajtuar Kuvendin e Shqipërisë si banana-Kuvend dhe partnerët tanë që aq shumë këmbëngulën në vlerat e konsensusit, si manekinë. Kryetari i Kuvendit të bëjë detyrën e tij, për të provuar se Parlamenti nuk është banana-Kuvend dhe të shmangë çdo tundim të mazhorancës, për të peshkuar mandate të opozitës me mjete dhe mënyra korruptive. Mazhoranca duhet ta kuptojë se, konsensusi nuk është çështje numrash, por vlerash”, theksoi Basha. Me një akt tė paprecedentë, Kryeministri Edi Rama zeroi shtetin ligjor dhe Kushtetutën e vendit, duke shtyrë në kalendat greke Ligjin “për Nëpunësin Civil”, me pretendimin se, ligji është i pazbatueshëm në formën që është. Kryeministri Rama në shkelje tė plotë të Kushtetutës pretendon se mund të kapërcejë Parlamentin e Republikës me një akt të nëpunësve ministra. Ky akt i paprecedentë i Kryeministrit Rama zeron konsensusin politik të arritur për tre ligjet e kërkuara nga Bashkimi Europian, madje synon të anulojë një prej tre ligjeve, atë “për Nëpunësin Civil”. Qëllimi i moszbatimit të këtij ligji nga Rama është spastrimi i administratës publike për ta mbushur me militantë partiakë.

Kryeministri Rama konferencë online për qeverisjen

by

Zoti Rama tha se çdokush që është në detyrë falë meritës nuk duhet të trembet për largimin nga puna./

Nga Ilirian AGOLLI/

Kryeministri Edi Rama deklaroi se qeveria e re është e gatshme që të bëjë kallëzim penal për ish-zyrtarë nëse do të zbulojë afera korruptive. Zoti Rama zhvilloi dje një konferenë online në internet ku theksoi lufta ndaj korrupsionit në institucionet shtetërore të të gjitha niveleve do të kryhet nga shumica e re socialiste duke reformuar strukturat dhe duke goditur të korruptuarit. Në përgjigje të më shumë se 50 qytetarëve kryeministri Rama tha që qeveria e re nuk shpall dënime për korrupsion dhe as jep falje, por lufta kundër kësaj dukurie do të jetë frontale. Nga ana tjetër ai theksoi se gjendja do të ndryshojë edhe në sistemin gjyqësor, dhe se shumë shpejt nis punën një grup ekspertësh për të çuar më tej reformën në drejtësi.

Kryeministri Rama i kushtoi një vëmendje të veçantë edhe gjendjes së shkollave dhe universiteteve, duke theksuar se transparenca dhe vërtetësia e provimeve do të vëzhgohet në thellësi. Ai tha se programi i qeverisë dhe plani i veprimit i ministres së arsimit janë shumë inkurajues dhe se matura shtetërore do të reformohet në funksion të konkurrencës dhe meritës. Zoti Rama tha se çdo vajzë e djalë që ka kryer studime për mësuesi dhe çdokush që dëshiron të bëhet mësues do të ketë shansin të konkurrojë, dhe se koha e ngjyrimit politik të mësuesve ka mbaruar. Kryeministri Rama shpjegoi se nëpër shkolla nuk do të ketë veprimtari tregtare, sepse ato janë shumë problematike dhe dëmtojnë cilësinë e shkollës. “Dyqanet në shkolla janë një dukuri e papranueshme për mbarëvajtjen e procesit mësimor dhe edukativ të nxënësve” – tha ai.

Në lidhje me shkarkimet në administratë, kryeministri Rama tha se çdokush që është në detyrë falë meritës nuk duhet të trembet për largimin nga puna, dhe se shumica e re socialiste nuk do të pastrojë administratën nga njerëzit por shtetin nga korrupsioni. “Çdo shërbëtor i këtij shteti që është në detyrë falë meritës do të qëndrojë në detyrë dhe do të respektohet shumë më tepër se deri sot” – tha zoti Rama, – dhe se gjithkujt do t’i jepet mundësia të konkurrojë për punësimet në administratë, për të cilat do të ketë vazhdimisht njoftime publike. Zoti Rama komentoi edhe vendimin për të shtyrë zbatimin e ligjit për statusin e nëpunësit civil, duke thënë se ligji në fjalë është i pazbatueshëm për mungesë aktesh nënligjore dhe ky vakuum është, sipas tij, i rrezikshëm.

Partia Demokratike e opozitës deklaroi nga ana e saj se vendimi i qeverisë për të shtyrë efektet e ligjit për nëpunësin civil është një goditje e mirëkuptimit politik dhe rikthen konfliktin politik. Kryetari i ri i PD-së, Lulzim Basha tha se kështu qeveria po mundëson spastrimet në administratën shtetërore. Zoti Basha tha se opozita nuk e pranon këtë shtyrje që bëri qeveria, sepse kjo godet mirëkuptimin politik të arritur, ndaj grupi parlamentar opozitar mblidhet sot me aleatët për qëndrime të mëtejshme. Ligji për statusin e nëpunësit civil u miratua me tre të pestat nga parlamenti i kaluar në ditët e fundit para zgjedhjeve për të hyrë në fuqi në 1 tetor, duke u siguruar për herë të parë një mbrojtje të fortë punonjësve të administratës shtetërore.

 

Histori: Çfarë ndodhi më 1 tetor?

by

Nga Astrit LULUSHI*/

331 pes – Aleksandri i Madh del fitues ndaj Darit III të Persisë në Betejën e Gaugamelas, diku në afërsi të Mosulit të sotëm në Irak. Pas përleshjes, e njohur edhe si Beteja e Arbelas, Dari ikën duke u thënë ushtarëve që e shoqëronin se po shkonin në pjesën lindore të perandorisë për t’u rigrupuar. Në të njëjtën kohë, Dari u dërgoi mesazhe mëkëmbësve të tij që t’i qëndronin besnikë. Por, këta kishin qëllime të tjera. Bessus, oficer i lartë tepër i afërt e vrau Darin para se të nisej drejt lindjes. Kur Aleksandri mësoi se Dari ishte vrarë, ai u pikëllua thellë që një armik të cilin e respektonte, u vra në një mënyrë kaq të ulët. Aleksandri organzoi një ceremoni madhështore varrimi për Darin; pastaj i zemëruar u vu në ndjekje të Bessus, e kapi dhe e ekzekutoi. Historianët thonë se Perandoria Persiane de-facto morri fund me vdekjen e Darit.
*1880 – Thomas Edison hap fabrikën e parë për prodhimin e llampave elektrike. Ai i kishte premtuar bashkisë së Nju Jorkut për ndriçimin e qytetit me rastin e Krishtindjeve.
*1908 – Kompania Ford nxjerr në treg makinën Model-T me një çmim prej 825 dollarësh duke e bërë automobilin të përballueshëm për gjithnjë e më shumë amerikanë.
*1936 – Francisko Franko emerohet kreu i qeverisë së Spanjës nga një grup ushtarakësh që sapo kishte rrëzuar qeverinë republikane të udhëhequr nga Fronti Popullor. Kjo ngjarje i dha shkas shpërthimit të luftës civile në vend. Më 1939, Franko do të shpallej diktator, dhe qëndroi në pushtet derisa vdiq më 1975.
*1943 – Në afërsi të Pejes, lind Jusuf Gervalla – studioi në Kosovë e Slloveni, punoi si gazetar në Prishtinë e Shkup, krijoi një levizje klandestine per çlirimin e Kosovës, por u detyrua te ikte nga vendi. Në vitin 1982, Gërvalla u vra nga persona të panjohur pranë shtepisë së tij në periferi të Shtutgardit, Gjermani. Nga të shtënat, krahas tij, mbetën të vrarë i vëllai Bardhosh Gërvalla dhe shoku i tij Kadri Zeka. Vrajsa e trefishtë, për të cilën dyshimet ranë mbi sigurimin jugosllav, shkaktoi zemërim mes shqiptarëve në Kosovë dhe jashtë. Studiuesi Robert Elsie thote se disa vëzhgues e cilësojnë këtë vrasje si pike-nisjen e konfliktit të armatosur midis shqiptarëve dhe autoriteteve serbe në Kosove. Jusuf Gervalla ishte edhe shkrimtar e poet. Ja nje strofë nga:
SHTËPIA QË NDËRTOJ
“në një skutë do të ketë më shumë dritë
në tjetrën vend për shtratin dhe minjtë
një derë do ta ketë për në rrugën kryesore
një tjetër për kopshtin me lule të bardha
një verandë do ta ketë me një fuçi druri portokalli
do ta llogarisë këndin e diellit mbi dritare.”
*1946 – Gjyqin e Nurembergut dënon 22 udhëheqës nazistë për krime lufte dhe krime kundër njerëzimit.
*1949 – Mao Ce Duni shpall krijimin e Republikës Popullore te Kinës e cila përfshin Kinën kontinentale dhe dy rajone administrative, Hong Kong dhe Makao. Vendimi pasoi përfundimin e luftës civile midis forcave komuniste dhe ushtrisë së Republikës së Kinës, e themeluar që në vitin 1911/1912. Kjo republikë doli e humbur nga lufta por ruajti kontrollin e Tajvanit dhe disa grupe ishujsh aty pranë me një popullsi prej rreth 9 milionë banorësh. Për shumë vite, të dyja Republikat pretendonin se ishin qeveria e vetme legjitime e Kinës. Para vitit 1970, Republika e Kinës (Taivani) njihej nga shumë vende dhe nga Kombet e Bashkuara si qeveria e vetme legjitime – ajo kishte qenë anëtare themeluese e Kombeve të Bashkuara dhe një nga pesë anëtaret e përhershme të Këshillit të Sigurimit. Kjo zgjati deri më 28 tetor 1971, kur përfaqësuesi i Republikës së Kinës në OKB u zëvendësua nga përfaqësuesi i Republikës Popullore të Kinës, pasi Asambleja e Përgjithëshme miratoi projekt-rezolutën e paraqitur nga Shqipëria.
*1957 – Në kartmonedhën amerikane shfaqet për herë të parë  shprehja “In God We Trust”. si alternativë apo zëvendësuese e motos jo-zyrtare  “E pluribus unum”.  Disa thonë se shprehja “Në Zot ne besojmë” është marrë nga hymni i Amerikës “The Star-Spangled Banner”. Strofa e katërt përfshin frazën, “Dhe kjo të jetë motoja jonë: Në Zot është besimi ynë.” Feisal Abdul Rauf, imam mysliman shkruan se fraza “Në Zot ne besojmë” përkon me mësimin islam, dhe ofron dy paragrafe nga Kur’ani (3:193 dhe 2:285). Në mënyrë të ngjashme, Melkote Ramaswamy, dijetar amerikan hindu, shkruan se prania e frazës “Në Zot ne besojmë” në monedhën amerikane është kujtesë se Perëndia ndodhet kudo, pavarësisht nëse jemi të ndërgjegjshëm apo jo. Në judaizëm dhe krishtërim, motoja “Në Zot ne besojmë ” ngjason me vargje nga Bibla, përfshi Psalmet (118:8, 40:3, 73:28) dhe Fjalët e Urta (29:25). Pas sulmeve terroriste të 11 shtatorit 2001, të gjitha shkollat publike në Shtetet e Bashkuara u pajisën me parrulla  “In God We Trust” të cilat u vendosën në zyra, biblioteka, kafeteri, korridore dhe klasa.
1971 – Për herë të parë në historinë e mjekësisë, në spitalin Morley në Londër realizohet skanimi i trurit duke përdorur mënyrën CAT me rreze-x.
1991 – Shënohet për herë të parë Dita Ndërkombëtare e të Moshuarve, për të shtuar vetëdijen publike rreth çështjeve që prekin të moshuarit. Në disa vende kjo ditë njihet edhe si Dita e Gjyshërve dhe Gjysheve për te vlerësuar ndihmesën e të moshuarve në shoqëri, përfshi sjelljen në jetë të brezit të ri.
Mendim i ditës
“Plakja duket se është mënyra e vetme e mundshme për të jetuar gjatë.”
Kitty O’Neill Collins

  • Zeri i Amerikes

 

GABOVE Z. KRYEMINISTËR

by

Ne Foto:Kryeministri Edi Rama ne foltoren e darkes gala te Keshillit Shqiptaro-Amerikan nga ku sulmoi Konsullin e Pergjithshem te Shqiperise ne NY, Dritan Mishto/ Foto-Dritan HAXHIA/

Nga Frank Shkreli/

Javën që kaloi, Kryeministri i ri i Shqipërisë, Z. Edi Rama ishte njëri ndër personalitetet e larta politike shqiptare dhe amerikane të ftuara në darkën vjetore të Këshillit Kombëtar Shqiptaro-Amerikan (KKSHA).   Me këtë rast, ai si dhe personalitetet e tjera të pranishëm në darkë, mbajti një fjalim i cili në mendimin tim ishte një fjalim i mirë për nga mënyra e shprehjes, por nga përmbajtja u gjykua nga shumë pjesëmarrës  si ofendues ndaj diasporës në përgjithsi dhe diasporës së vjetër në veçanti.  Megjithëse kishte zhurmë dhe fjalimi dëgjohej keq, shumë vetave u ra në sy mënyra se si Z. Rama foli (ase nuk foli) për diasporën në Amerikë.  Përmendi punën dhe kontributin e Nolit e të Konicës në fillim të shekullit të kaluar, dhe pothuaj injoroi fare emigracionin e pas luftës së dytë botërore, duke këcyer tek kontributi i emigracionit të ri i 20-viteve të fundit, megjithëse shumica e pjesëmarrësve në darkë ishin bijtë e bijat e atij emigracioni të arratisur nga regjimi komunist.  Disa vërejtës nuk u duruan të shpreheshin se mos vallë ishte këjo një përpjekje ndoshta e paqëllimt, por sidoqoftëfatkeqe për të pëçarë komunitetin, i cili ndryshe nga koha e regjimit enverist kur diplomatët e tij s’bënin gjë tjetër veç të përçanin komunitetin shqiptaro-amerikan – sot emigracioni i vjetër dhe i ri kanë gjetur një modus vivendi të mrekullueshëm.  Zot na ruaj!  Shpresojmë që edhe këjo të ketë qenë një shprehje ose mungesë shprehjeje e pamenduar mirë, thjeshtë një gafë.  Askush nuk duhet të ketë dyshim se ky komunitet ka punuar dhe vazhdon të punojë për të mirën e Shqipërisë dhe të kombit shqiptar, pa marrë parasyshë se cila parti politike mbanë frenat e qeverisë në Tiranë.

Por ajo që ra më së shumti në sy dhe habiti të pranishmit ishte njoftimi  i udhëheqsit të qeverisë shqiptare të shkarkimit nga puna të konsullit shqiptar në Nju Jork. Sipas shumë të pranishmëve, përfshirë edhe amerikanët, ishte  ky një veprim i gabuar dhe aspak diplomatik për një kryetar qeverie, që para një audience të tillë,  të njoftonte me inat e zemërim,  dhe  tani po marrim vesh sipas raporteve në media të ndryshme, për hakmarrje të vjetëra,  shkarkimin nga puna të  një përfaqsuesi të lartë shqiptar, pikërisht largimin nga detyra të Konsullit të Republikës së Shqipërisë në Nju Jork, Z. Dritan Mishto.   Në fjalimin e tij, Kryeministri Rama deklaroi me një ironi, pasi Presidenti  Bujar Nishani i dorëzoi Kongresistit Eliot Engel  dekoratën e lartë të shtetit shqiptar, “Gjergj Kastrioti-Skënderbe”, duke thënë se ai nuk kishte sjellur dekorata për të dhënë por  tha se po njoftonte, sipas tij, lajmin e  mirë të emërimit  të  një “konsull nderi nga radhët e juaja”.   Kryeministri u shpreh duke thënë tekstualisht këto:

“Jam shumë i kënaqur t’u njoftoj se Ministri ynë i Punëve të Jashtëme i ka propozuar qeverisë së Shteteve të Bashkuara për të pasur në këtë qytet madhështor një konsull nderi, në vend të një konsulli burokrat, të cilin tanimë e kemi pushuar nga puna.   Ky konsull i ri nderi do të jetë njëri prej jush, i cili do punojë me ju dhe me ne, dhe jo i ardhur nga Shqipëria për punë propagandistike, e ai është Sal Rusi”, tha Kryeminsitri shqiptar Edi Rama.

Nuk është e qartë nga deklarata e kryeministrit shqiptar nëse dhe si “konsulli i nderit” do kryej punët zyrtare konsullore, pasi Shqipëria ka edhe të tjerë “konsuj nderi” në Amerikë dhe me sa di unë ata nuk merren me punë konsullore, por vetëm me gostitje, me pritje e përcjellje dhe një titull itillë u akordohet atyre për ato që ata mund të kenë bërë për Shqipërinë dhe shqiptarët, por nuk mund të zevëndsojnë kryerjen e detyrave të përditëshme të një konsullate siç është ajo në Nju Jork me komunitetin  më të madh shqiptar në Amerikë.  A do të thotë Kryeministri Rama se Konsullata Shqiptare në Nju Jork do mbyllet?

Sidoqoftë,  një prononcim i tillë në darkën vjetore të KKSHA-së, ishte diçka e paparë dhe e pa dëgjuar për shumë pjesëmarrës, që një kryetar qeverie të përdorte një foltore të tillë për të njoftuar shkarkime diplomatike për inate të vjetra, në këtë rast shkarkimin nga detyra të konsullit shqiptar në Nju Jork, Z. Dritan Mishto.  Kishim mbetur gojë hapur.   Këjo ishte një deklaratë e nxituar nga zemëra e jo nga mendja.  Mendja duhej t’i thonte atij dhe këshilltarëve të tij se ishte gabim të bëhej një njoftim i tillë, pasiaty nuk ishte vendi as rasti për të bërë një deklaratë të tillë.  Sidomos para një audience ku kishte shumë amerikanë, e të cilët si pjesë e kulturës së tyre, gjëra të tilla i konsiderojnë si pjesë e paprekshme e privacisë së personit dhe jo si një çështje as rast për të larë të palaratë në publik.  Pa marrë parasyshë problemet që Kryeministri Rama mund të ketë apsur në të kaluarën me Konsullin Mishto, një gjë e tillë nuk i jep nder personit as qeverisë së kryeministrit të ri.

Ndërkaq, Konsulli i Republikës së Shqipërisë në Nju Jork, Dritan Mishto u ka dërguar drejtuesve të Këshillit Kombëtar Shqiptaro Amerikan një letër me të cilën ai “shpreh keqardhjen dhe shqetsimet në lidhje me sulmet personale kundër personit tim gjatë fjalimit të Kryeministrit të Shqipërisë, Z. Edi Rama në darkën tuaj vjetore më 27 Shtator, 2013.”   Në letrën e tij drejtuar udhëheqsve të KKSHA-së, Konsulli Mishto shkruan më tej se, “vlerësoj shumë seriozitetin e organizatës suaj dhe jam i bindur se ju, në asnjë mënyrë, nuk do të lejoni  që foltorja e organizatës suaj të përdoret për sulme personale dhe politike”, dhe i kërkon kësaj organizate që të distancohet nga ky akt.

Largimi nga puna është një gjë normale në çdo shoqëri,por rotacioni i diplomatëve i ka rregullat e veta në çdo vend.  Qeveria ka të drejtën e vet të pushojë diplomatët dhe  të emërojë njerëzit që dëshiron për ta përfaqsuar atë në botë.  Edhe Shqipëria ka rregulla të tilla.  A u ndoqën këto në rastin e pushimit nga detyra të Dritan Mishtos dhe të tjerëve?   Mirë a keq, në sytë e Kryeminsitrit të tanishëm, a i shërbyen këta, përfshirë edhe Dritan Mishton e të tjerët, një qeverie të mëparshme shqiptare e cila ishte zgjedhur nga populli shqiptar, e njohur nga bota, përfshirë Shtetet e Bashkuara.  A kanë të drejta diplomatët shqiptarë, cilës do qeveri që ata i shërbejnë?  Po familjet e tyre, të cilat në të vërtetë janë viktimat kryesore të vendimeve të tilla të papritshme dhe të parakohëshme?Fëmijtë në shkollë, bashkshortet në punë, e tjera.   Ata që i dinë mirë kushtet nën të cilat jetojnë diplomatët shqiptarë në Amerikë dhe anë e mbanë botës këto 20-vitet e fundit, nuk habiten për sjellje të tilla nga Tirana ndaj përfaqsuesve diplomatikë shqiptarë në botë.   Unë e them këtë  jo vetëm për këtë qeveri, por e kam thënë edhe për qeverinë e mëparshme, për mungesat e saja ndaj ambasadës së Shqipërisë në Uashington, e cila për një kohë ishte mbyllur për mungesë fondesh.

Ish-Senatori amerikan Uilliam Fullbrajt do të na këshillonte se pushteti nuk është virtyt dhe pat paralajmëruar udhëheqsit e këtij vendi të kohës së tij që të kenë kujdes nga arroganca e pushtetit. Një porosi e vlefshme këjo për të gjithë e kudo, edhe sot.