Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for December 2013

FLAMURI ORIGJINAL I NGRITUR NGA ISMAIL QEMALI ËSHTË I SPIRIDON ILOS-AI FLAMUR U DOGJ NGA ARMIQT E KOMBIT

by

*Replike me shkrimin e gazetës Standard:Cili flamur i ngritë në Vlorë?/

 *Pse kartolina e arkitektit P.Stefa  që ka flamurin e Spirirdon Ilos duhet shumëfishuar,ky është flamuri i ngritur në pasditen e 28 nëntorit/
NGA GËZIM LLOJDIA*/
1.Ku është flamuri qe u ngreh  nga dritarja e mesme e divahanit të Xhemil Vlorës?/
 Rrugë kërkimet për gjetjen e flamurit origjinal. Flamuri ishte i kuq,me zhgabë të zezë hyjnor u  mbajt nga dora e  ëmbël e Ismail Vlora. Ishte shenjtor ,gjeti rrugë me shtigje ,njerëz, miq për të kryer aktin e pavarësisë. Ishte shenjtor me gjak e kockë të vërtetët shqiptari .Një shekull pavarësi u tret. Kemi ende në mëndje flamurin ,at që ngriti dora e tij. Atë flamur që ndriçoi shpirtrat atë pasdite  kur u  valëvit nga dritarja e mesme e divahanit të Xhemil Vlorës dhe pas saj Spiridon, nxitoi ta mbërthej në parmak. Është udhërrëfyesi ynë në kohëra luftërash ,mote të ligshtë,paqe të brishtë. Për  arë flamur jepej besa ,bëjnë be burrash .Për ty flamur!U tret shekulli që kur u ngrit flamuri. Nga gjumi zgjohemi , në detin pa rërë e guaska, në natën pa hënë e yje. Gjurmimi mistik,përse të mos e provojmë?
Pyesim:Ku gjendet flamuri ynë që u  ngrit në 28 Nëntor? Cila pishë e dorë  i vuri xhixhën?Kush do ta shpëtonte këtë vend,që nxinte nga “kroma otomane”.Ka  të dhëna se ka pasur  kërkime nga kohërat kur ai u zhduk. Hulumtimet kanë vijuar. Janë hedhur ide gati të panumërta  për flamujt që u ngritën në Vlorë duke pretenduar për secilin prej tyre si flamuri origjinal. Në tablotë e  kohës, rreth kërkimet  u ngushtua madje duke u përqendruar në tre prej varianteve. Por gjithë kohën mungoi kërkimi i specializuar nga specialistët. Kërkimet për gjetjen e një objekti të humbur kërkojnë të zbulohen arkivat,objektet e tjera,që kanë qarkulluar kur mungesa e lajmit ka ndikuar dukshëm,për periudhën ‘45-90.
.Kohë kur u mërguan nga jeta  shumë firmëtarë. Kartolina,objekte postare,gazeta,monedha,pulla postare, rodhanë,koleksionet, botime,kujtime  duhen hulumtuar. Tre variantet të hedhura nga shtypi i kohës për këtë rast. Por dëshmia është se flamuri,që u ngrit në pasditen e 28 nëntorit në sarajet e familjes Vlora për të shpallur independencën  tonë është i flamuri  i Spiridon T. Ilo.
A gjendet ky flamur?A kemi ndonjë shenjë të tij?Flamur nuk ekziston më. Gjurmimi shpirtëror na shpie në këtë hulli. Është djegur nga armiqtë e  këtij kombi .Edhe dy flamujt e tjerë që përmenden  nga referimi  i gazetës „Dielli“ mbi një shkrim të Qerim Panaritit :“Ne e dërguam flamurin nga Bostoni në Korfuz një vit më parë se të ngrihej në Vlorë nga z. Ismail Qemali (në vitin 1911). Të gjitha shpenzimet për qëndisjen, paketimin dhe dërgimin e flamurit u bënë nga shoqëria jonë Besa-Besë“ .Në vijim z.Panariti thotë se: “Detyra e mbajtësit të flamurit ju ngarkua z. Naçi Nuçi, ish mësues i gjuhës sonë shqipe në Korçë.
 Eqrem bej Vlora, në kujtimet e tij, flamuri që u ngrit më 28 Nëntor 1912 në Vlorë nga Ismail Qemali, ishte një flamur personal, pronë private e tij, që e mbante në shtëpi si kujtim, të dhuruar në vitin 1909 në Paris, nga një pinjoll i familjes Kastrioti, don Aladro Kastrioti.
 Duke gjurmuar të dhënat e shtypit shqiptar: I biri, Vangjo Ilo para pak vitesh dha në media informacionin se Spiridon T. Ilo e mori flamurin shqiptar që zbukuronte sallën në mbledhjen e 5 nëntorit 1912 në Bukuresht dhe e solli në Vlorë në 27 nëntor 1912. Sipas tij, “Spiridon Ilo qëndroi në shtëpinë e vajzë së tezes Marigo Posio, e cila i qepi flamurit një radhë thekësh dhe disa ndryshime tek shqiponja. Ky flamur u ngrit në Vlorë në 28 nëntor 1912”.Ky është edhe flamuri origjinal që ngriti Ismail Vlora në pasditen e 28 nëntorit. Këtij  flamur i janë qëndisur thekët nga Marigo Poszio .Ky është edhe shtegu të shpie në gjetjen e flamurit  të ngritur në Vlorë nga dritarja e mesme e divahanit të Xhemil Vlorës.
 Spiridon Ilo, thotë: “Flamurin që përgatitëm në Bukuresht unë e kam mbajtur në gji, që nga Bukureshti deri në Vlorë dhe pastaj, pasi e valëviti Ismail Qemali, unë e mbërtheva me sqepar në parmak”.
 
2 .Flamuri duhet të ketë dalë nga selia e parë e qeverisë
Nisëm një kërkim dy vite më parë. Objekti ku u përqendruam :selia  e parë e qeverisë së Vlorës. A gjendet brenda këtij muzeu ky flamur?Dëshpërimi ynë pa kufij .Flamuj të tjerë të çetave patriotike si i S.Butkës apo të tjerë të viteve para Motit të madh. Origjinali kërkund,aq më tepër që kjo seli është rikonstruktuar pas djegjes.
 Sefa Vlora nga Roma në  6 maj 1968 :”U muar vendimi nga qeveria që të krijohet senati i parë i Shqipërisë dhe selija u caktua të ish shtëpia ku banonte Ekrem Beu. Mbas gati dy muajsh qëndrimi në shtëpinë e Xhemil Beut,Ismail Qemali vendosi që qeveria të shkojë në një ndërtesë të shtetit U zgjoth për këtë qëllim godina që quhesh e “Karantinës” në Skelë të Vlorës.”
Pinjolli i Vlorjave “,Eqrem beu dëshmon këtë transferim të qeverisë drejt Skelës. Kështu qeveria  provizore u shpërngul tek ndërtesa me dy kate në Skelë.
Godina është në të njëjtin vend .U  zhurit ndërtesa ( flamuri  ishte zhuritur mote më parë).
 Skelën e zunë fashistët në 39. Një humbje tjetër,që shkruan dhimbjen. U rindërtuar në formën origjinale. Nga largësia e motit të madh 50 vjetori përkon me vitin 1962, shpallet muze i pavarësisë. Krejt ndërtesa përbëhet nga  6 dhoma8 pavijone dhe 2 sallone. Këtu u ngritën zyrat  e ministrave të kabinetit të qeverisë provizore.
 Në cilën prej këtyre zyrave  besoj të jetë strehuar flamuri origjinal? Ai flamur ishte simbol i pavarësisë. Ai nuk mund të rrinte më në banesën ku mbajt kuvendi .Flamuri do të qëndronte  në zyrat e qeverisë si simbol i saj.
 Shqyrtojmë fotografinë e qeverisë të Vlorës ,fotografi e realizuar tek selia e saj në godinën e Skelës. Fotografia i përket  nëntorit të vitit 1913. Përvjetori i parë i pavarësisë. Është i gjithë grupi i ministrave. Në krahë të djathtë të qeverisë  e cila ka dalë e tëra në ballkon gjendet  flamuri.
Forma e flamurit na shqyrton këtë mundësi ai është më i vogël se flamujt e tjerë .Ka atë madhësi,formë,shkabë që shquhet qartazi  në mes të farfuritjes .
Ky është flamuri  që solli prej Bukureshtit patrioti ,Spiridon Ilo. Prej këtej duhen kërkuar gjurmët dhe zhdukja e tij apo djegia siç e ka raportuar Sheradin Berisha. Pra djegia  e tij nga armiqtë e këtij kombi të cilët nën ethet e pushtimit,të ndarjes dhe copëtimit të këtij vendi kanë bërë edhe aktin e fundit. Dihet në vitet ‘30 është kërkuar flamuri origjinal për tu ruajtur në muze, por kërkimi  ka rezultuar gati i pashpresë. Flamuri duhet të jetë marrë prej këtu për tu djegur definitivisht për të mos mbetur asnjë gjurmë. Zhuritja  besoje nga armiqtë e kombit tonë,për të shuar kështu një dëshmi të madhe, atë të zhdukjes,zhuritjes e kthimit në hi të  simbolit të pavarësisë.
Në 25 vjetorin e pavarësisë, viti 1937 ka gjetur të gjallë shumë firmëtarë e ministra të qeverisë provizore të Vlorës. Ka një korrespodencë t që i përket  viteve ‘30 për gjetjen e flamurit i cili do të shkonte të ruhej në muze
.Përgjigjia e E .B.Vlorës dhe të tjerëve është  e pashpresë. Petro Poga ka bërë një koment.Lef Nosi fotokopjoi aktin origjinal.Por flamuri  origjinal nuk u gjet.
3. 25 vjetori  pavarësisë  a gjendej flamuri origjinal ?
Kur kishte mbritur 25 vjetori i pavarësisë kombëtare viti1937. Delegatë dhe firmëtar  një pjesë ishin ende gjallëMirëpo befasia është se  në këtë përvjetor dhe në të tjerët nuk gjenden më flamujt origjinalë.
 Bëhet llaf për flamujt e Spiridon Ilos,Eqrem beut. Nga hulumtime dhe disa fakte e botime q ëjanë kryer gjurmët të shpien tek ai flamur që ka sjell Spiridon Ilo.
 Varianti i Eqrem beut rrëzohet ,ai ishte në Kurvelesh në frontin përball armikut por ka mbritur me vonesë në qytetin e pavarësisë.
Udhëtimi nga Bukureshti në Vlorë me synimin shpalljen e pavarësisë  e cila në vetvete përmbante disa rregulla ku ai Ismail Vlora dhe te tjerë që kishin qenë shtetar i njihnin  mes të cilave ngritja e  flamurit,pra e flamurit  shqiptar i kishte bërë të vëmendshëm që në këtë rrugëtim të kishin edhe flamurin  që do të ngrihej në ditën e shpalljes së pavarësisë.
 Ata kishin një synim që ja arritën,kishin të koncentruar gjithçka, që u shkrua dhe u realizua në Vlorë në ditën e parë dhe në ditët e mëpastajme me shpalljen e pavarësisë,ndërtimin e qeverisë provizore,të senatit,të institucioneve shtetërore .
Ndonëse nga koha e ngritjes së flamurit në Vlorë ishin mërguar më tepër se 25 vjet ,polemikat në shtypin  shqiptarë vazhdojnë, ndoshta synojnë zbardhimit të ngjarjes ,sepse koha kur ngjau kishte më pak mjete regjistrimi dhe media.
Orët e 25 vjetorit kishin rrëzuar akrepat në janar 1937, por flamuri origjinal nuk gjendej askund.
Ndërsa akti i shpalljes së pavarësisë ishte në duart e Lef Nosit ,për flamurin nuk mund të bëhej më asgjë. Mulliri i polemikave ka punuar edhe atëherë dhe mirë ka bërë. Kemi ndeshur në letrën që Kristo Floqi i dërgon drejtorit të gazetës, “Drita” në 17.1.1937 në faqen 3 me titull: “Hartuesja e flamurit që valoj në Vlorë për shpalljen e pavarësisë tonë” ku ai sjell të dhëna të rëndësishme për flamurin.“I ndershim Z. Drejtor,shkruan Kristo Floqi:Ju lutem, kini. Kini mirësinë të bo­toni ne të ndershmen fletoren tuaj sa pasojnë poshtëmbi çështjen e flamurit  që valoj ne Vlorë për shpalljen e pavarësisë kombëtare nga ana e të pavdekurit  Ismail Qemal bej Vlorës.Në Nr 4  të fletores s’uaj, ne faqen e, tretë, pashe një artikull te mikut veteran z. P. Poges, i cili tregon hollësisht peripecitë e ngrehjes së flamurit dhe mënyrën me të cilën u hartua flamurë liriprurës si dhe atë që e hartoj. Z. Poga me të drejte të plote thotë se : flamuri që valoj atë ditë nuk ishte ajy flamur qe u suall nga Amerika, i i qëndisur me sërmë e me xhufka të mëndafshta,që me aq  këmbëngulje ka pretenduar z Kol Rodhja duke dashur të bind popullin shqiptar se ay ish flamur i Independencës e jo tjetër,kur se të gjithë e dijnë si dhe unë vetë ja shpjegova e me në të gazetës z.Kol Rodhes se atë flamur vetë unë ja dorëzova z.Llambi Bimblit në Vlorë kur u nisë me shokët për në Korçë, mbasi e ruante deri atë ditë  e ndjera kunata ime Marigo Pozio , që e kishte sjellë prek Korfuzit me rrezikun  e saj në Vlorë të dorëzuar prej disa atdhetarëve që kishin ardhur nga Amerika të hidheshin në Shqipëri, por nuk u hodh, midis të cilëve ishe edhe z Kol Rodhe dhe këtë e di edhe vetë ajy si kur  se ja vërtetoi edhe z Dr Loni Naci që ju përgjigj nën artikullin Tem po të kësaj fletoreje, ku i përgjigjesha edhe unë Z.K.Rodhe .Pra sado që z. Rodhe  insistojë kaq herë për këtë kjo nuk është  e vërtetë dhe do ta ish kuptuar edhe më mirë populli po të kish botuar z Timo Dilo në “Vatra” e tij  dhe përgjigjen teme të dytë,por z T. Dilo nuk deshi kur se me tha se nuk munt të prishte miqësi me z Rodhe për hatrin temë . Këtë përgjigjen  e dytë ja dërgova edhe Gazetës së Korçës po nuk e botoj. Po ja dërgova edhe Gazetës shqiptare por as ajo se botoj e kështu populli kujtoi se unë e hëngra follën e z Kol .Rodhe,se më vuri gjoja në vend. Si mund të bënja kur s’ma boti asnjë gazetë shqiptare duhej ta botonja në një broshurë të veçantë dhe ja ku solli rasti sot ta botoj kjo gazetë.Me z.Poga jam dakord sa për flamurin,që ishte një pluhur e kuqe tri metro e gjatë dhe dy metro e gjerë dhe që mbi atë u damkos shkaba dykrenore me ngjyrë të zezë, gjithashtu jam dakort se atë ditë u gatitën edhe 4-5 flamurë të tjerë që valuan në disa zyra zyrtare të ndryshme,si edhe vetë kam bërë fjalë si këto por tjetër herë. Pluhura u ble prej tregtarit Diamand dakord, po cili e hartoi flamurin e Indipendecës dhe kush e kishte gatitur shkabën dy krenore, këto nuk na i tregon z Poga .Është e vertëtë se një terezi s’ja mban mentë emrin kishte qepur disa flamurë po atë,po atë ditë s’u qepën këta flamurë por edhe të tjerë si e dinjë gjithë vlonjatet . Prej ay flamur që nguli atë ditë mbi ballkonin e shtëpisë së Xhemil Bej Vlorës, plaku Ismail Qemali nuk ish prej atyre që qepi ai tereziu që thotë zoti Poga, po ish ay që qepi dora e së ndierës Margo Pozio dhe shqiponja dy krenore ish modeli që me mjeshtëri përgatiti patrioti shkodran i ndjeri Dom Mark Vassa. Këtë e dinë të gjithë vlonjatet e sidomos z .Seid Qemali, Qazim Kokoshi, Hamza Isai, Ymer Radhima, Faik Kreshpani, Ibrahim Shyti etj, që ishin në shtëpinë e Marigosë kur përgatitej ajy flamur bashkë me disa të tjerë që e prisnin me padurim. Këtë dijnë edhe vet Xhemil bej Vlora që ish atje në shtëpi të vetë kur u suall ajy flamur e dijnë edhe zoti major Bilal Nivica, adjutanti ahere i Ismail Qemalit si dhe bijtë e Ismail Qemalit  z. Ethem dhe Qazim bej Vlora dhe sa e sa vlonjatë e delegatë të krahinave të ndryshme,që ishin prezent atë ditë të shënuar. Kam një letër prej tem vëllaj z.Thanas Floqit, që ky bashkë me z.Lef Nosi, Qemal Karaosman, Shefqet Dajin e vërtetojnë këtë që panë më sy dhe që e dinë bukur mirë. Kam sa e sa argumente të tjera që jam gati ti parashtroj porsa të jetë nevoja. N.q.s nuk flas drejtë le të më përgënjeshtrojnë këta zotërinj që janë gjallë sot. Damkën e shkabës dy krenore  e kam unë sot në shtëpinë time kujtim prej së ndjerës Marigo dhe kam me dorëzue muzeumit tonë kombëtar .Këto janë fakte dhe jo fjalë zoti Petro. Fotografia është gjallë për të dëshmuar se që ai vetë bashkë me të ndjerin Dom Mark Vasën e damkosën flamurin e parë mbasi e kishte përgatitur e ndjera Marigo Pozio. Duhen akoma prova të tjera .Flamuri i shoqërisë ‘Besa Besën”,që përmend z Kol Rodhe, ish i math, i mëndafsh dhe me xhufka ari të verdha dhe tepër i kushtueshëm,kurse ky flamur i Indipendecës ish si thotë edhe zoti Poga , krejt sempël ,pra nuk ish ai që thotë zoti Rodhe dhe këtë e pamë dhe e vërtetojnë të gjithë ata që u ndodhën atë ditë. Atë flamur që thotë zoti Rodhe e ndjera Margio mbajti në sëndukun e saj gjer sa ja dorëzoi z Lambi Bimblit si amanet,që e di fort mirë. Si par ishte e mundur të ishte ai flamur që na thotë zoti Rodhe?E mjera Marigo nuk hartoi vetëm atë flamur po edhe 60 të tjerë brenda në 2-3 ditë pas nevojës që u shfaqë dhe këtë e dijnë edhe z.Lef Nosi,Qemal Karaosman, Shefqet Dajin dhe Thanas Floqi dhe e dëshmojnë. Marigoja vdiq e mjera,po e vërteta  duhet të dëshmohet prej të gjallvet .
4.Kartolina e arkitektit P.Stefa me flamurin origjinal të Spiridon Ilos
Arkitekti Piro Stefa nga qyteti i Vlorës  solli këtë vit një ekspozitë  të veçantë nga natyra dhe përmbajtja .Vlora e vjetër. Kishte emblema,fotografi të vjetra të kohës kartolina historike. Një prej tyre përbënë edhe zbulimin. Flamuri i ngritur nga Ismail Qemali më 28 nëntor të vitit 1912 në qytetin e Vlorës .Një  kartolinë e botuar nga Spirirdon Ilo në vitin 1920, kur ai largohej sërish në emigrim në Boston. Këtë kartolinë e gjen në Milano arkitekti dhe studiuesi Pirro Stefa.Kartolina e Spiridon Ilos, një nga katër grupet e kartolinave me temë patriotike që ai editoi në vitet 1920-1930-të nga Bostoni, vjen një dokument origjinal dhe mjaft i rëndësishëm, që lidhet me flamurin që u ngrit në 28 Nëntor të vitit 1912 në Vlorë. Kjo dëshmohet edhe në pjesën e pasme të kartolinës, ku përcaktohen qartë të drejtat e autorit, botuesit të saj, Spiridon T. Ilo. Një element që është vula e vendosur në këndin e kartolinës, në faqen ku shfaqet flamuri kuq e zi.
Ky është flamuri origjinal që u mbajt në 28 nëntor pasditen e ngjarjes historike në Vlorë. Ky flamur që është edituar kartolinë nga vet autori  S.T.I.Kjo kartolinë është edituar në vitin 1920 nga  Spiridon Ilo u gjend në qytetin verior të Milanos.
5.Gazeta Liri e Shqipërisë e Sofjes
Një gazetë në gjuhën shqipe  dilte në Sofje të Bullgarisë. Kjo gazetë shihte dritën e diellit një herë në muaj siç e kumton vet në ballinë të saj. Emërtohej :”Liri e Shqipërisë “ka dalë në 6 janar të vitit 1913 pra një muaj nga koha e shpalljes së pavarësisë. Drejtor i saj ishte Kristo Luarasi.Të dhënat për këtë rilindës janë se ishte veprimtari i shquar i Rilindjes, njëri nga themeluesit e shtypshkronjës “Mbrothësia“, u angazhua në luftë kundër pushtuesit turk me çetat e Bajo dhe Çerçiz Topullit, ishte pjesëmarrës në kryengritjen e përgjithshme të 1909-1912, si dhe dha një ndihmesë të madhe për përgatitjen dhe zhvillimin e Kuvendit Kombëtar të Vlorës. Vdiq më8 korrik 1934. Kristo Luarasi, duke pasur bashkëpunëtore dhe një radhe anëtaresh te shoqërisë “Dëshira” filloi te botonte në Sofje gazetën “Liria e Shqipërisë” në programin e se cilës midis te tjerave thuhej : “Do te veprojmë me mish e me shpirt duke përhapur diturinë dhe ndjenjat kombëtare mbi kombin tone te dashur që te shpëtoje nga padija dhe nga errësira”. Kjo gazetë,sipas të dhënave, filloi te botohej rregullisht në mars te vitit 1911 gjer në 1916 dhe jo rregullisht në vitet 1916-1917. Kolonat e saj përmbanin artikuj te përgatitur nga demokratet shqiptare te mërguar në vise te ndryshme te Evropës dhe te Amerikës, nga arbëreshe te Italisë e te tjerë. Midis këtyre që shkruanin në ketë gazete përmendim Asdrenin, Luigj Gurakuqin, Jani Vruhon, Adem Zhgaben, Zisi Zikon, Hil Mosin, Aleksandër Xhuvanin, Agostin Ribekon etj.
        Në numrin e 6 janarit 1913 faqen e parë e zë një fotografi ku shkruhet:”Të proklamuaret  e vetëqeverimit  të Shqipërisë më 15/28 Vjest e 3-të 1912 në Vlorë. Kjo pamje   na shpalos flamurin që është ngritur në Vlorë .Në këtë fotografi shquhet flamuri  me thekë dhe shkabë,pra ai që  pruri Spiridon Ilo nga Bukureshti.
6. Spiridon Ilo
Spiridon T. Ilo, 1876–1950.Spiridon T. Ilo lindi në Korçë I biri i Anastas (Tasi) Ilo dhe Aleksandra Ilo thuhet në ëikipedia.Së bashku me të motrën Vanthulla T. Ilo (Shomo) dhe të vëllait Tashko T. Ilo në moshë fare të re emigruan në Bukuresht, Rumani. Në Rumani, ai u lidh me organizatat patriotike shqiptare në mërgim. Në datën 5 nëntor 1912, Spiridon T. Ilo do të marrë pjesë mbledhjen e mbajtur në Hotel Kontinental të Bukureshtit, dhe të drejtuar nga Ismail Qemali. Në këtë mbledhje u vendos shpallja e pavarësisë së Shqipërisë. Sipas informacionit të djalit të tij, Spiridon T. Ilo mori flamurin shqiptar që zbukuronte sallën dhe e solli atë në Vlorë. Me datë 27 nëntor1912, ai qëndroi në shtëpinë e tezes së tij Marigo Posio. Marigo Posio i qepi këtij flamuri një radhë thekësh dhe bëri disa ndryshime tek shqiponja. Ky flamur u ngrit në Vlorë në 28 nëntor 1912. Spiridon T. Ilo mori pjesë në mbledhjen për shpalljen e pavarësisë si përfaqësues i Korçës, që në atë periudhë ishte nën pushtimin grek.Në vitin 1913 u largua nga Shqipëria dhe u kthye në Rumani. Në vitin1916 emigroi në Neë York, SHBA ku hapi një kafene të vogël. Spiridon T. Ilo themeloi shoqërinë e parë diskografikeAlbanian Phonograph Records në SHBA në vitin 1923. Nën drejtimin e tij, Albanian Phonograph Records luajti një rol të rëndësishëm në zhvillimin e kulturës shqiptare në vitet 1920–1940. Spiridon T. Ilo krey regjistrimin e parë të himnit kombëtar të Shqipërisë. Në këtë regjistrim, me numër regjistrimi E-3948, të Albanian Phonograph Records, himni u këndua nga Spiridon T. Ilo dhe tenori arbëreshGiuseppe Mauro .Mbas disa vjetësh u rikthye në Rumani dhe në vitin 1926 u vendos përfundimisht në Korçë. Mbas këtij viti, ai punoi si taksambledhës. Vdiq në Korçë në vitin 1950. Autor i tekstit dhe muzikës së këngëve patriotike “Të gjithë ne o djema”, “Eja mblidhuni këtu, këtu” etj.
 *Msc.Anëtar i Akademisë Evropiane te Arteve

Aksidenti i merr jetën aktorit Paul Walker

by

Aktori amerikan me origjine shqiptare Paul Walker ka vdekur si pasojë e një aksidenti të rëndë trafiku./

NGA BEQIR SINA, New York/

SANTA CLARITA CA: Dje pasdite bota e artistëve është tronditur me vedekjen tragjike të aktorit të njohur Paul Walker(Paul Uolker). Lajmet në të gjithë vendin konfimojnë se ka vdekur tragjikisht në  një aksident rrugor aktori Paul Walker, i njohur për rolet e tj në filmin Fast & Furious. Walker po udhëtonte bashkë me shokun e tij – Roger Rodas i cili ngiste një makinë sportive të tipit Porsche GT 2005, por që fatkeqësisht ka humbur kontrollin duke u përplasur me një pemë e për pasojë kanë gjetur vdekjen të dy.

Përplasja ndodhi kur ai ishte duke shkuar në një aktivitet bamirësie në kuadrin e organizatës Reach Out World Wide .

Walker, 40 vjec, i cili ka luajtur në 5 prej 6 filmave në rolin e vjedhësit të makinave, dhe shitësit të drogës ( drug dealer ), ishte duke u kthyer nga një aktivitet bamirësie i cili i përkiste tajfunit “Haiyan” në Filipine(të paktën 10,000 njerëz mendohet të kenë vdekur në krahinën qendrore të Leyte në Filipine kur tajfuni “Haiyan”, një nga stuhitë më të fuqishme në histori, e goditi këtë pjesë të vendit dhe shkatërroi qytetet bregdetare, më 10 nëntor të këtij muaji).

Vdekja e aktorit të njohur është konfirmuar dhe në faqen zyrtare të tij në Facebook. Lajmin për vdekjen e tij e kanë konfirmuar edhe mirëmbajtësit e faqes së tij zyrtare në Facebook.

Makina e shpejtë e tipit Porche në të cilën udhëtonte Paul Walker humbi kontrollin në Santa Clarita, 30 mile larg në veri të Los Angeles, rreth orës 3.30 të pasdites së djeshme para se të merrte flakë, thanë autoritetet vendore.

Aktori Paul Walker, i njohur për rolin e tij më të mirë në Hollywood në filmin “Fast and Furious” u gjetë i vdekur brenda në makinë, së bashku me partnerin e tij në këtë film Roger Rodas.

Walker ishte pasagjer në makinën Porsche GT e vitit 2005, dhe udhëtonin në një zonë ku shpejtësia maksimale ishte 45 mile në orë, e cila humbi kontrollin dhe goditi një shtyllë dhe një pemë përpara se të merrte flakë. .

Vdekja e ylli të Hollywood-it, u konfirmua të shtunën pasdite, nga përfaqësuesit e tij dhe në faqen zyrtare në “Facebook”.

Në momentin e aksidentit, 40-vjeçari Walker, ka qenë në krahun e pasagjerit, ndërsa në timon ndodhej miku i tij, i ngushtë aktori Roger Rodas . Aksidenti ndodhi në Rye Canyon Loop, në Santa Clarita, në orën 15:30 të së shtunës.

Ka qenë Departamenti i policisë së Los Anxhelos-it i cili konfirmoi zyrtarisht se të dy personat kanë ndërruar jetë në vend ngjarje  në orën 15:30 të shtunën.

Një paragraf tek faqja e Walker-it në rrjetin social Facebook shkruhet: “Është një dhimbje vërtet e madhe që ne duhet të konfirmojmë se Paul Walker mbasi pësoi një aksident tragjik, ndërkohë që po shkonte drejt një eventi bamirësie për organizatën e tij:’Reach Out Worlwide”.

Ylli i filmit “The Fast and the Furious”  Walker, gjendej edhe një mikun e tij i cili është shpallur poashtu i vdekur.

Ai ishte pasagjer në makinën e shokut të tij, ku të dy gjetën vdekjen. Ne e vlerësojmë durimin tuaj, ashtu si ne gjithashtu që jemi të shtangur dhe të mërzitur për këtë lajm. Faleminderit që e mbani familjen dhe miqtë e tij në lutjet tuaja në këtë moment kaq të vështirë.”, shkruajn “mirëmbajtësit” e tij në faqen e facebookut.

Imazhet shfaqin një Porche GT ngjyrë të kuqe të shkatërruar plotësisht nga flakët dhe përplasja fatale,

“Na vjen tmerrësisht keq të ju njoftojmë, thonë “mirëmbajtësit” e faqes së tij në facebook, se Paul Wakler ka ndërruar jetë sot si pasojë  e një aksidenti me veturë, përderisa ishte duke shkuar në një organizim bamirësie për organizatën e tij “Reach Out World WIde” thuhet në faqen zyrtare të Walker.

Megjithatë, janë përfaqësuesit e aktorit që  kanë konfirmuar se Paul Walker, i cili ka lënë prapa vajzën 15-vjeçe, ka qenë njëri nga dy viktimat e këtij aksidenti. Aktori amerikan Paul Walker ka një vajzë 15 vjeçare që e quajnë Meadow.

Paul Walker me prejardhje shqiptare

Artisti shumë i njohur i Hollivudit, Paul Walker, i cili është shumë i njohur, yll në filmat e Hollivudit  është me prejardhje shqiptare. Ndoshta ju nuk e besoni, por një gjë është shumë e vërtetë, sepse në biografinë e tij në faqen e njohur për filmat në mbarë botën, IMDB, ai është paraqitet si aktor amerikan, por me prejardhje shqiptare. Paul William Walker IV, ështëaktor amerikan me prejardhje shqiptare, i cili ka lindur më 12 shtator 1973. Ai u bë i famshëm në vitin 1999, pas filmit me rolin Varsity Blues. Ai ishte gjithashtu është një nga protagonistët kryesor në të gjitha filmat që ai luajti si : Fast and Furious, më pas Takers, Into the Blue, Joy Ride, Timeline, dhe filma të tjera të famshme

 

 

Vatra dhe bashkësia shqiptare kremtuan me madhështi Ditën e Flamurit

by

*Kremtim solemn për 101 Vjetorin e Shpalljes së Pavarësisë nga Bashkësia Shqiptar në New York  me rrethina/

* Orkestra “Alba” e mjeshtrit Edmond Xhani, Gezim Nikaj, Arberie Hatergjonaj, KINO, Dea Elezaj, argetuan pjesamrresit e shumte/

* Violinçelistja  e talentuar Gilberta Lucaj u duartrokit gjate per interpretim virtuoz/

Nga BEQIR SINA, Bronx New York/

BRONX – NEW YORK: Federata PanShqiptare e Amerikës VATRA, shoqata më e vjetër në diasporë, në historinë e shqiptarëve të Amerikës, për një shekull e feston ditën e pavarësisë së Shqipërisë, me Bashkësinë shqiptare në New York,. Ajo ka përfshirë në këtë festë bashkësinë shqiptare, që të kremtojë me solemnitet ditën e Shtunë,101 vjetorin e shpalljes së Pavarësisë së Shqipërisë, në Restorantin Maestro’s në Bronz – Nju Jork.

Në traditën vatrane mblidhen për çdo 28 Nëntor, në një dark të përbashkët festive, shqiptarët e zonës së ashtuquajtur e “Tri-Shtetshit”, kushtuar Ditës së Flamurit – Shpalljes së Pavarësisë së Shqipërisë, pothuajse të gjitha organizatat, shoqatat, dhe komunitetet fetare të tre besimeve në komunitetin shqiptarë të Amerikës – Kisha Katolike, Kisha Ortodokse dhe Xhamia e Nju Jorkut me mysafirë nga Shqipëria, Kosova dhe viset shqiptare.

Salla e madhe në lokalin e njohur shqiptarë për festa të tilla , Maestro’s, në Bronx Nju Jork, ishte e mbushur përplot me bashkatdhetarë, të cilët kishin ardhur nga gjithë zonat e Tri Shtetshit(New Jork, New Jersey, Connecticut) dhe më gjerë, për t’iu bashkuar festës, së organizuar nga vatranët në këtë solemnitet. Në mesin e pjesëmarrësve pati edhe personalitete të rëndësishme të komunitetit, lider dhe veprimtar, artistë, biznesmen, lider fetar, kryetarët të degëve të VATRES, nxënës shkollash dhe studentë, e të tjer.

Të pranishëm ishin edhe përfaqësuesit diplomatik të dy shteteve R. Shqipërisë dhe R. së Kosovës, zv/ambasadori Petrika Jorgji nga Misioni i Përhershëm i Republikës së Shqipërisë në Kombet e Bashkuara, dhe ambasadori Bekim Sejdiu – Konsulli i Përgjithëshëm i Republikës së Kosovës. Kurse kishin ardhur edhe miq të Vatrës, nga Shqipëria, posaçërisht për të festuar së bashku me Vatranët; përfaqësuesi çamë në parlamentin shqiptarë zoti Tahir Muhedini, deputet i Partisë për Drejtësi dhe Integrim, me bashkëshorten, si dhe znj. Eda Hyka sekretaria e ish Kryeministrit Berisha, z. Skënder Metalia, z. Artan Komani dhe z. Bislim Hjadarmetaj.
Hymnet kombëtare të Shteteve të Bashkuara Amerikës dhe të Shqiperise, u kenduan nga Dea Elezaj, shoqëruar prej orkestrës ALBA së drejtuar nga muzikanti i njohur Edi Xhani.
Emocionuese ishte këndimi i Hymnit kombëtar të SHBA : “The Star-Spangled Banner” , dhe Hymnit te flamurit Shqiptar, të një nxënëse shqiptare, e lindur dhe e rritur këtu në New York, Dea Elezaj : “Rreth flamurit të përbashkuar, me një  dëshir‘ e një qëllim, të gjith‘ atij duk‘ ju  betuar, të lidhim besën për shpëtim. Prej  lufte veç ay largohet, që është lindur tradhëtor,  kush është burrë nuk frikohet, po  vdes, po vdes si një dëshmor!…”

Më pas me një minutë heshtje, për të nderuar kujtimin e dëshmorëve të kombit shqiptar, dhe për ushtarët amerikanë të rënë në luftërat për liri, paqe e demokraci, si dhe kundër terrorisimit ndërkombëtar, u shoqërua nga të pranishmit me qendrim në këmbë, në shenjë respekti dhe nderi.

Lutja fetare, ose bekimi i darkës, sipas traditës, u krye nga  Pastor Fr. Nathan Preston – St. Nicholas Albanian Orthodox Church dhe Dom Pjetër Popaj famulitari i Kishës Katolike Shqiptare Zoja e Shkodrës – Hartsdale NY. I Përnd. Imam Edin Gjoni i cili për asrye shëndetësore  nuk mori pjesë nga Qëndra Islame Shqiptaro Amerikane, Queens.

Mirëseardhjen të pranishmëve, dhe mysafirëve me një përshëndetje me rasti për nder të 101 vjetorit të shpalljes së Pavarësisë së Shqipërisë, ua urojë kryetari i Vatrës Dr Gjon Buçaj duke thënë : “Është me të vërtet një kënaqësi e madhe, kur në festën e flamurit – të shohim kaq shumë shqiptarë të festojmë së bashku në këtë sallë. Shpresojë, që në të ardhmen të bëhemi edhe më shumë në këtë gëzim gjithëshqiptarë. Ju urojmë të gëzoni festën dhe të kaloni një mbrëmje të gëzueshme Gëzuar 101 Vjetori i Pavarësisë” tha ai.

Kremtimin solemn të 101 vjetorit të shpalljes së Pavarësisë së Shqipërisë, e drejtojë Sekretari i Vatrës, zoti Asllan Bushati, i cili shpesh herë foli për rëndësin e madhe të kësaj feste.

Ndërkohë e përshëndetën edhe folësi kryesorë e kësaj feste  ambasadori Bekim Sejdiu – Konsulli i Përgjithëshëm i Republikës së Kosovës, zv/ambasadori Petrika Jorgji nga Misioni i Përhershëm i Republikës së Shqipërisë në Kombet e Bashkuara, përfaqësuesi çamë në parlamentin shqiptarë zoti Tahir Muhedini, deputet i Partisë për Drejtësi dhe Integrim, Dom Pjetër Popaj famullitari i Kishës Katolike Shqiptare Zoja e Shkodrës – Hartsdale NY dhe dërgoi një përshëndetje, ashtu si edhe asamblesiti i Nju Jorkut, zoti Mark Gjonaj..

Në fjalmin e mbajtur në darkën tradicionale të Vatrës dhe Bashkësisë shqiptare në New York, folësi kryesorë e kësaj feste, kësaj rradhe ishte ambasadori Bekim Sejdiu – Konsulli i Përgjithëshëm i Republikës së Kosovës, i cili shprehu kënaqësin e tij të veçantë për të përcjellë përshëndetjet dhe urimet me të përzëmërta në këtë datë të rëndësishme, për të gjithë shqiptarët, në emër të Republikës së Kosovës dhe në emrin e tij personal.

     “Sonte e ndiej vetën shumë të nderuar, tha ambasadori Sejdiu, kjo për dy arsye të rëndësishme sipas tij :  Së pari, është nder i veçantë për mua, si Konsull i Përgjithshëm i Republikës së Kosovës dhe si shqiptar i Kosovës, të jemë folës kryesor në 101 vjetorin e shpalljes së pavarësisë së Shqipërisë.

      Dhe, arsyeja e dytë; pse ndihem posaçërisht i nderuar është sepse këtë nderë ma bënë VATRA-simboli dhe pishtari i veprimtarisë kombëtare, politike dhe kulturore, të diasporës shqiptare në SHBA.

  Mund ta imagjinoni, se si do ndiheshin pishtarët e Vatrës në Boston, një shekull më parë, po t’iu thoshte dikush se një herë dhe një kohë, Konsulli i Përgjithshëm i Shtetit të Kosovës në Nju Jork do mbajë fjalë rasti në 101 vjetorin e shpalljës së pavarësisë së Shqipërisë, në një mbrëmje festive të organizuar nga VATRA. Pra, është vështirë e paramendueshme se do mund të kishte satisfaksion më të madh moral për ta” tha ai.

    Ndërkaq, duke folur për 28 nëntorin, 101 vjetorin e pavarësisë së Shqipërisë, Konsulli i Kosovës, zoti Sjediu, vuri në pah rëndesin e veçantë për ne shqiptarët, që shkon përtej shpalljës së pavarësisë së Shqipërisë; mbasi si tha ai kjo datë koinçidon me ngritjen e flamurit të Kastriotëve në Kalanë e Krujes; ditëlindjen e njërit prej heronjëve më të mëdhenjë të kombit shqiptarë, Komandantit legjendar Adem Jasharit, si dhe ditën kur për herë të parë është shfaqur publikisht UÇK-ja, në Llaushë të Drenicës.

      Ambasadori Bekim Sejdiu tha mes të tjerave se :”Sot 101 vjet më vonë, ne kemi arsye të kremtojmë. Sepse, ne sot kemi arsye të kremtojmë, jo vetëm një ditë të madhe, si kjo por edhe të arritura të mëdha. Nuk është vetëm fakti që ekzistojmë, fizikisht dhe politikisht, tani si dy shtete të pavarura, që na bënë të kremtojmë. Arsyet për festim janë të mëdha: Shqipëria, theksojë ai është vend demokratik, anëtar i NATO’s dhe në rrugëtim të sigurtë drejtë anëtarësimit në BE. Kosova është shtet i pavarur në rrugëtim të pakthyeshëm drejt anëtarësimit në strukturat Euro-Atlantike.” 

       Ai permendi gjatë fjalës së tij edhe faktin se shqiptarët në Ballkan flasin në emër të vetin dhe jo që nuk mund të nëpërkëmbën më nga askush, por janë shndërruar në një prej shtyllave kryesore të paqes, stabilitetit dhe politikës së fqinjësisë së mirë në rajon. Shqiptarët kudoqoshin në Ballkan janë bërë përques të fortë të frymës Evro-Atlanike në Ballkan.

     “Shqiptarët po kthehën dhe po zënë vendin e merituar në mileun e qytetërimit Perëndimor, ka theksuar zoti Sjediu, aty ku e kanë patur vendin gjithmonë e nga ku janë shkëputur disa herë në zikzaget e historisë, qoftë nga pushtimet e huaja qoftë nga rreshtimet e gabuara ideologjike dhe gjeopolitike. Shtylla më e fortë e lidhjes tonë me familjen Evro-Atlantike është marrëdhënia jonë strategjike me SHBA-të. Sigurisht që diaspora shqiptaro-amerikane është ura më e fortë lidhëse e shqiptarëve të Ballkanit me SHBA-të. Ju duhet të vazhdoni ta luani këtë rol. Këtë munda ta bëni duke mos shkëputur lidhjen me identitetin etnik, si dhe duke forcuar lidhjen me familjen tuaj të re, përkatësisht me kombin zemër-madh amerikan i cili ju ka përqafuar ju, siç i ka përqafuar shqiptarët ndër shekuj.” tha në fjalën e darkës së VATRES , ambasadori Bekim Sejdiu – Konsulli i Përgjithëshëm i Republikës së Kosovës,

Për të pranishmit, me një risi të re të këtyre darkave festive tha kryetari i degës së Vatrës në Queens, Dr. Skënder  Myrtezani, do të luaj anëtaria më e re e shoqatës VATRA,Violinçelistja  e talentuar Gilberta Lucaj, e cila ka dhënë koncerte në Carnegie Hall në Manhattan dhe që nga vitin 2006 është anëtare e orkestrës filarmonike të Nju Xhersit dhe vazhdon të japë koncerte në Carnegie Hall, Avery Fischer Hall. Gilberta, shtoi ai ka shkuar gjer në Korenë e Jugut dhe ka dhënë leksione për Hudson Valley Piano klub për dy vjet si dhe ka luajtur për studentët që kishin klasa masteri si dhe në Yo Yo Ma.Eshtë anëtare e grupit Monticelli Trio.

Më pastaj mbremja festive kaloi në programin muzikor të festimit, argëtimin e saj për të cilin disponoi me shumë profesionalizëm e mjeshtëri,  orkestra muzikore e grupit Alba, në drejtimin e mjeshtrit Edmond Xhanit, me këngëtarët, Gëzim Nika, Kino Gara – Mithat Saliu me mysafire speciale kësaj mbrëmje festive këngëtaren mjaft popullore nga Kosova, Arbërie Hajdragjonaj.

Nëpërmjet këngëve, melodive e valleve të interpretuar prej tyre, ata sollën me plot embëlsi, kënaqësin e dëshiruar, në darkën e Vatrës me bashkësinë shqiptare, duke e bërë kremtimin solemn për 101 Vjetorin e Shpalljes së Pavarësisë në New York me rrethina edhe më të bukur.

 

101st Albanian Independence Anniversary Celebration in New York

by

(Rising Flag, Rising People)/

By Klara Buda, New York/

“The respect and acceptance of all different ethnics as part of the American nation, which is just unthinkable in the oldest European Democracies, make America such a great country.” KB/

The week preceding the 101 anniversary of 28 November of 1912, the Albanian-American communities celebrated the Independence Day all over the United States as well as in New York.

Sunday November 24, in the Pelham Parkway of the Bronx, a large group of Albanian-Americans gathered from all over the New York metropolitan area to celebrate the Albanian Independence Day with a symbolic rising of their flag.  This celebration was the 5th annual organized in Pelham Parkway.  And beginning with this year, the event coincided with the election of Mark Gjonaj (D-80 th AD) the first Albanian-American in New York State Assembly.

On this day, a number of Albanian associations were present taking care of the event and distributing Black Eagle, an energy drink something very welcoming on this bitterly cold day.  And while this happens, many others are handing out invitations for the next celebration,  which ware so numbreus in New York the week preceding November 28.

 As always in celebrations featuring the Albanian people, children are omnipresent, considered kings and queens of the party. The folk group “Rozafati” of “Mother Teresa Center” are struggling to stay warm in their light, totally inappropriate, summer clothing.  The world-renowned photograph and mentor of Albanian beauty, Fadil Berisha, is there surrounded by Albanians models and artists introducing Lindita, an exciting and gifted young Albanian singer.

On the corner, a bar with hot Byrek (a thin flaky pie filled with seasonal vegetables, cheese or meat) is being passed out to the eager participants.  When you want to pay, the woman handing you the Byrek annouces, « it’s free ! » delighting everyone with a hospitable spirit that the Albanian people know so well. The event was sponsored by Local 32BJ/SEIU 1199 with one of the organizers stated proudly,  “it is an important and historic day, and we did in our way.”

In his speech, Albanian American Assemblyman had a few special thoughts for his father Zef Gjonaj who passed away this summer. His speech highlighted the love and respect he has for his family, his father and for his adopted country of America. In his speech, he spoke of people: working hard, staying together, and aiding and supporting each other. But as Mark said so humbly, “it is the story of all Albanians of the Bronx, those who started from nothing and became successful.”  Some of them tell you, with a smile as if it is the most normal thing in life, that they started working when they were six years-old, as one of the brothers Kolaj. They were thoughtful taking the name “Famous Familglia” as their Pizza brand, something they feel was the key to their success.

Mr. Gjonaj thanked the Albanian community for their contribution and encouraged them to always be “in the service” of the Democracy and the prosperity of the richest, most powerful nation in the world. He also had a special appreciation for the Albanian Americans that serve as New York City police officers and firemen. “Albanian-Americans are a flourishing group of immigrants who are hard working and optimistic. They contribute to society as entrepreneurs and professionals from thriving businesses, to Albanian-Americans who bravely serve in the U.S. military doing their part to protect this great country and defend our Democracry. ”

A number of those police officers and firemen were present at the celebration and were celebrated with applause from the adoring and respectful crowd.  Capt. Flamur Cani, Commanding Officer of the NYPD was one of them, showing by his example what results when one adds discipine to the Albanian tradition.

An esteemed group of American officials were also present and celebrated with the Albanian Americans. This included: lifelong friends of Albanian Congressman Eliot Engel, New York State Senator Jeff Klein, New York State Comptroller Thomas DiNapoli, Representative of Joseph Crowley (D-NY 14th District), Representative of New York State Assemblyman Mike Bededeto, Representative of outgoing New York City Mayor Mike Bloomberg.

The American Democracy: the respect and acceptance of all different ethnics as part of the American nation, which is just unthinkable in the oldest European Democracies. They have been slow to understand that emphasizing the difference of all their communities makes America a great country.

New York Congressman (D) Eliot Engel expressed his gratitude towards the Albanian community and spoke of the friendship that connects these two peoples.

“Albanians love America! You can feel it when you go to Albania and Kosova. You feel it when you walk on the streets in the towns of Montenegro and Macedonia. Albanians love Americans and the feeling is mutual, Americans love Albanians too.”

       Congressman Engel and NYS Senator Jeff Klein, both appreciated the commitment of Assemblyman Mark Gjonaj. ”I’m so proud of my friend Mark Gjonaj not only for being the first Albanian American person ever elected in NY State assembly, but also because he is so good, works hard and cares about all the communities. He is not afraid to get out and organize things. It is a blessing to have him in New York Assembly. I personally am very proud to have him as my friend,” said Congressman Eliot Engel.

“We are moving forward, because one of the great things that happened last year is that you elected one of our own, you have elected Mark Gjonaj. Someone, who has fought for the Pelham Park Avenue community, someone who has fought for the rights of Albanians in the United States and it is always very special when someone is elected for the first time. And I’m happy that my friend Assembly member Mark Gjonaj is the first Albanian American ever to sit in the State Legislator,” said Senator Jeff Klein who also underlined what makes America a great nation.  “This is a great day because Albanians have committed to themselves to rebuilding not only their home land but also areas in the Bronx. And this is not only the celebration of the Albanian community this is really a celebration of each and every one of us. I know that the Albanians year after years really contributed to important renaissance of the Bronx.”

The party reached its high point with the beloved voice of Merita Halili who sang the American and Albanian hymn, the modern interpretation of Lindita and the new folk creations of choreographer Angjelina Nika followed by her husband the well-known folk singer Gezim Nika. With the microphone in one hand, and the Albanian Flag in the other, he encouraged the audience to sing along with him.  The Albanian Ambassador to the United Nations, Ferit Hoxha, and the Consul General of the Kosova, Bekim Sejdiu, attended the celebration and spent a great deal of time meeting and speaking with other attendees.

Other proud members of Albanian community in attendance were :

Reverend Nathan Preston, St Nicholas Albanian Orthodox Church,

President of Albanian American Society Foundation, Esad, A. Rizai, President of Albanian American Academy, Dr. Skender Kodra and General Menager Mentor Mata, President of Fundo Group, Ilirjan Fundo, consulting & investment firm on energy, Nick Markola, Menaging Director of Fieldpoint Private Bank & Trust, President of Albanian Roots, Marko Kepi, Miss Universe Albania 2010, Angela Martini, President and Owner of Black Eigle enrgitic drinc, Arben Rustja, Monroe College professor Haxhi Berisha, Danny Blloshmi, Merrill Lynch Global Wealth Management and Albanian American Community Representative, Rrok Nikqi.

The Albanian Americans were numerous celebrating their Independence Day, even on a very cold weather showing that they are ready, willing, and able to do great things for the community. And this day in the Bronx proves this unequivocally.

RUAJTJA E IDENTITETIT KOMBETAR, SFIDA E DIASPORES SHQIPTARE

by

Nga Ambasador Bekim Sejdiu/

Konsull i Pergjithshem i Republikes se Kosoves/*

I ndëruar Dr. Gjon Buçaj-Kryetar i Federates Pan-Shqiptare VATRA;

Të nderuar prijës fetar;

Shumë i nderuar z. Tahir Muhedini deputet i Kuvendit të Republikës së Shqipërisë,  përfaqësues i Partisë për Drejtësi Unitet dhe Integrim, partia e vëllezërve çam;

Të ndëruar diplomatë nga Misionit i Shipërisë në OKB;

Të ndëruar përfaqsues të shoqatave, shkollave dhe medieve shqipe në SHBA;

Të dashur vatranë;

Zonja dhe zotërinjë;

Kam një kënaqës të veçantë t’u përcjellë përshëndetjet dhe urimet me të përzëmërta në këtë datë të rëndësishme për të gjithë ne, në emër të Republikës së Kosovës dhe në emrin tim personal.

Sonte e ndiej vetën shumë të nderuar. Kjo për dy arsye të rëndësishme:  Së pari, është nder i veçantë për mua, si Konsull i Përgjithshëm i Republikës së Kosovës dhe si shqiptar i Kosovës, të jemë folës kryesor në 101 vjetorin e shpalljes së pavarësisë së Shqipërisë.

Arsyeja e dytë pse ndihem posaçërisht i nderuar është sepse këtë nderë ma bënë VATRA-simboli dhe pishtari i veprimtarisë kombëtare, politike dhe kulturore, të diasporës shqiptare në SHBA. Mund ta imagjinoni se si do ndiheshin pishtarët e Vatrës në Boston, një shekull më parë, po t’iu thoshte dikush se një herë dhe një kohë, Konsulli i Përgjithshëm i Shtetit të Kosovës në Nju Jork do mbajë fjalë rasti në 101 vjetorin e shpalljës së pavarësisë së Shqipërisë, në një mbrëmje festive të organizuar nga VATRA. Është vështirë e paramendueshme se do mund të kishte satisfaksion më të madh moral për ta.

Unë ju falenderoj shumë për këtë nderë të madh që i bëni Kosovës dhe mua personalisht.

Zonja dhe zotërinjë të ndëruar;

28 nëntori ka rëndesi të veçantë për ne shqiptarët, që shkon përtej shpalljës së pavarësisë së Shqipërisë; kjo datë koinçidon me ngritjen e flamurit të Kastriotëve në Kalanë e Krujes; ditëlindjen e njërit prej heronjëve më të mëdhenjë të kombit shqiptarë, Komandantit legjendar Adem Jasharit, si dhe ditën kur për herë të parë është shfaqur publikisht UÇK-ja, në Llaushë të Drenicës.

Momentet e kremteve të mëdha kombëtare, siç është 28 nëntori, janë momentereflektimi. Janë momente kur bëhen matematikat kombëtare, nëse shprehem kushtimisht; ku kalkulohen të arriturat, evidentohen ngecjet dhe trajtohen sfidat.

Siç e dijme ne të gjithë dhe siç mund ta dëshmojë edhe arkiva e çmuar e VATRËS, 101 vjet shteti shqiptar i kanë paraprirë dhe e kanë shoqëruar, shumë vite, dekada dhe shekuj përpjekjesh të kombit shqiptar për mbijetesë, liri dhe dinjitet në trojet tona autoktone. Dhe sot mbase mund te tingelloj si paradoksale, por nëse hedhim një vështrim të thellë historik, e arritura më e madhe e kombit shqiptar mund të konsiderohet  fakti se nuk jemi zhbërë, si komb dhe si entitet politik, nga harta e Ballkanit. Pavaresisht gjymtimeve, pavarësisht plagëve, ne kemi mbetur aty ku kemi qenë përherë. Sigurisht që kjo është e arritur e madhe për një komb që historia shpesh e ka trajtuar pamëshirshëm duke e vënë duarlidhur në udhëkryqe të medha.

Sot 101 vjet më vonë, ne kemi arsye të kremtojmë. Ne sot kemi arsye të kremtojmë, sepse kremtojmë jo vetëm një ditë të madhe por edhe të arritura të mëdha. Nuk është vetëm fakti që ekzistojmë, fizikisht dhe politikisht, tani si dy shtete të pavarura, që na bënë të kremtojmë. Arsyet për festim janë të mëdha: Shqipëria është vend demokratik, anëtar i NATO’s dhe në rrugëtim të sigurtë drejtë anëtarësimit në BE. Kosova është shtet i pavarur në rrugëtim të pakthyeshëm drejt anëtarësimit në strukturat Euro-Atlantike. Shqiptarët në Ballkan flasin në emër të vetin dhe jo që nuk mund të nëpërkëmbën më nga askush, por janë shndërruar në një prej shtyllave kryesore të paqes, stabilitetit dhe politikës së fqinjësisë së mirë në rajon. Shqiptarët kudoqoshin në Ballkan janë bërë përques të fortë të frymës Evro-Atlanike në Ballkan. Shqiptarët po kthehën dhe po zënë vendin e merituar në mileun e qytetërimit Perëndimor, aty ku e kanë patur vendin gjithmonë e nga ku janë shkëputur disa herë në zikzaget e historisë, qoftë nga pushtimet e huaja qoftë nga rreshtimet e gabuara ideologjike dhe gjeopolitike. Shtylla më e forë e lidhjes tonë me familjen Evro-Atlantike është marrëdhënia jonë strategjike me SHBA-të. Sigurisht që diaspora shqiptaro-amerikane është ura më e fortë lidhëse e shqiptarëve të Ballkanit me SHBA-të. Ju duhet të vazhdoni ta luani këtë rol. Këtë munda ta bëni duke mos shkëputur lidhjen me identitetin etnik, si dhe duke forcuar lidhjen me familjen tuaj të re, përkatësisht me kombin zemër-madh amerikan i cili ju ka përqafuar ju, siç i ka përqafuar shqiptarët ndër shekuj.

Zonja dhe zotërinjë të ndëruar;

Ne ditët e sotme ne përballemi me dy sfida të mëdha; Sfida e parë është sfida e zhvillimit. Shqipëria, Kosova dhe trevat tjera ballkanike ku jetojnë shqiptarët kanë nevojë për të përjetuar zhvillim të gjithmbarshëm, me ritme të përshpejtuara. Nëse duhet të shprehëm në mënyrë metaforike, nëse të tjerët duhet të ecin, ne duhet të vrapojmë. Kjo për faktin se, për arsye të ditura, ne kemi trashëguar një nivel të ultë zhvillimi. Flas këtu në radhë të parë për zhvillim ekonomik, por edhe për zhvillim të gjithmbarshëm shoqëror; ku hynë avancimi i vazhdueshem i demokracisë, arsimi, kultura, sporti, arti, etj. Sigurisht, të gjitha këto janë hallka të një procesi.  Pra, ne kemi nevojë të zhvillohemi me ritme të shpejtuara.

Sfida e dytë  dhe në ndërlidhje me të parën, është nevoja e integrimeve. Ne sot jetojmë në një epokë globale me një ndërvarshmëri dhe ndërveprim shumëdimesional që zhvillohet me shpejtësi marramëndëse. Në këtë botë globale, nevoja e integrimit është akute. Integrimet tona janë disa-nevelesh. Së pari, ne na nevojitet integrim më i madh në mes vetë, në lëmin e ekonomisë, në radhë të parë, por edhe të arsimit, klutures dhe domeneve të tjera. Së dyti, ne duhet të jemi të gatshëm për integrime më të thella rajonale dhe ndërkombëtare. Kjo është e pashmangshme dhe paraqet mundësi  poaq sa edhe sfidë. Ne duhet të jemi të gatshëm për tregun rajonal dhe global të mallarave, ideve, kapitalit dhe punës. Zhvillimi është parakusht për integrim të suksesshëm.

Mëqe jemi në një përvjetor të rëndësishëm dhe mëqe jemi mysafair të VATRËS, po e përmbyll duke iu referuar edhe sfidës së madhe  me të cilën, kujtoj unë,  do përballeni çdo ditë e më tepër ju, diaspora shqiptare në SHBA. Ajo është sfida e ruajtës së lidhjeve me indentitetin etnik, përkatësisht rreziku i asimilimit. Siç mund ta merrni me mend, unë këto ditë kam marrë pjesë në shumë kremtime të 28 nëntorit, të organizuar nga diaspora jonë në Nju Jork dhe rrethinë. Ajo që më ka frymëzuar më së shumti janë programet kulturore, me këng dhe valle të shfaqura nga grupe fëmijës shqiptaro-amerikan. Unë do ju inkurajoja që t’i kushtoni kujdes të vëçantë punës me të rinjët dhe fëmijët. Shkollat shqipe në SHBA janë adresë e rëndësishmë për këtë. Krahas shoqatave, institucioneve fetare shqiptare, medieve, shkollat shqipe janë adresë e rëndësishme e ruajtjes së indetitetit dhe kulturës tonë entike në SHBA. Siç mund të jeni në dijeni, ne si Republikë e Kosovës bëjmë furnizimin e shkollave shqipe me një pjesë të madhe të teksteve mësimore. Porosia ime është që të vazhdoni të mbështesni shkollat shqipe si dhe të hapni shkolla të reja, kudo dhe kurdo që ajo është e mundur. Ky vend simbol i lirisë jo vetëm që mundëson por edhe inkurajon organizime të tilla.  Mbështetja jonë si Republikë e Kosovës nuk do ju mungojë. Urime edhe një herë 28 nëntori dhe festofshim së bashku shumë përvjetor të rëndësishëm.

  • Fjalmi i mbajtur ne darken tradicionale te Vatres dhe Bashkesise shqiptare ne New York, 30 nëntor 2013