Archives for May 2014

Princi Harry dhe Riçard Lukaj bashkojnë forcat filantropike

May 8, 2014 by dgreca

Nga Beqir SINA, New York/ GREENWICH, CT: Në shumicën e kohës Riçard Lukajn e gjen në zyrë të rrethuar nga kolegë duke ideuar, negociuar ose zbatuar strategji biznesi për klientët e firmës së tij, Bank Street. Mirëpo hera-herës nevojitet që “betejat” intensive të transaksioneve financiare të zhvillohen jashtë shtetit ku Riçardi punon e jeton, gjë që e detyron atë që të udhëtojë rregullisht për ditë të tëra jo vetëm në Amerikë por dhe matanë Atlantikut.
Ndonëse si bankier investimesh atij i duhet të punojë orar-pa-orar duke vepruar me një saktësi rigoroze dhe me një shpejtësi marramendëse, Riçardi arrin që të bëjë një jetë të plotë familjare dhe shoqërore. Ai është ndër të rallët profesionistë të sojit të tij që kryesisht ia dalin që të qëllojnë me sukses balancën aq delikate ndërmjet të qenurit profesionist i suksesshëm dhe bashkëshort e prind i mire në të njëjtën kohë. Nuk janë të paktë rastet kur pas një fluturimi pune të gjatë e dërrmues ai niset kuturu fill nga aeroporti për të mbërritur në kohë në restorantin ku do të darkojë mebashkëshorten, ose në sallën e teatrit apo fushën e sportit për të ndjekur aktivitetet jashtëshkollore të fëmijëve të tij.
Jeta e larmishme familjare e shoqërore dhe karriera e pasur prej bankieri investimesh prej kohësh i japin atij një përmbushje të madhe emocionale dhe monetare, por Riçardi nuk mjaftohet me aq. I renditur dikur nga revista prestigjioze “Crain’s New York Business” si një prej 40 ekzekutivëve më të suksesshëm në Wall Street nën moshën 40 vjeçare (Top 40 Under 40), duhen vetëm disa minuta për të kuptuar se shqiptaro-amerikani që bën bankierin për profesion dhe filantropistin për pasion as që e mendon që të ndalojë së sfiduari vetveten dhe tëngadalësojë ritmin e tij.
Lista me transaksionet e sukseshme bankare është tepër e gjatë, sikurse është ajo me çështjet e ndryshme filantropike. Vlera e mëse 200 transaksioneve që Riçardi ka ideuar, strukturuar dhe zbatuar janë mbi 100 miljardë dollarë, shumëfish i prodhimit të brendshëm bruto vjetor të Shqipërisë. Njëkohësisht, organizatat e bamirësisë me të cilat ai është përfshier janë me dhjetëra, ndërsa individët që përfitojnë në mënyrë direkte dhe indirekte janë me mijëra.
Mëse një dekadë më parë Riçardi themeloi Fondacionin Lukaj dhe sëbashku me një sërë individësh e institucionesh ai ka shënuar një mori suksesesh filantropike. Ndër më të spikaturët janë themelimi i Universitetit Amerikan të Kosovës, përmirësimi i disa jetimoreve në Shqipëri, zotimi për rindërtimin e një shkolle në Mal të Zi, etj.
Përfshirja prej kohësh e Riçardit në filantropi bëri që para disa vitesh ai të bashkojë forcat me princin Harry në ndihmë të Fondacionit “Sentebale.” E përkthyer në shqip në “Mos më harroni”, “Sentebale” u themelua nga princi Harry dhe princi Seeiso i Lesotho, shtet i vogël afrikan, për të mundësuar një jetesë sa më normale per fëmijët e shumtë të këtij vendi që janë viktima të varfërisë të tejskajshme dhe epidemisë HIV/AIDS.
Në fillimin e verës të vitit 2010 shumica e banorëve të zones afluente të Greenwich, Connecticut, ishin duke bërë përgatitjet përfundimtare për të nisur pushimet e verës. Por kjo nuk e pengoi aspak Riçardin dhe bashkëshorten e tij që të jenë organizatorët dhe nikoqirët e një pritjeje madhështore në nder te princit Harry. Qindra afaristë dhe filantropistë iu përgjigjën thirrjes të familjes Lukaj për t’u njohur me punën e fondacionit “Sentebale.” Në mesin e të pranishmëve në Greenwich Country Club më 26 qershor 2010 ishte dhe Masiela Lusha, aktorja e njohur shqiptare në Hollywood, që sapo ishte zgjedhur si një prej tre ambasadorëve ndërkombëtarë të Fondacionit “Sentebale.”
I shoqëruar nga çifti Lukaj, princi Harry lëvizi nga njëri kënd i sallës në tjetrin duke përhapuar mesazhin e tij filantropik me një thjeshtësi, pasion dhe përkushtim që të sillnin ndërmend nënën e tij, të ndjerën princeshë Diana. Renditja e çiftit shqiptaro-amerikan në nismën e princit Harry atë natë të nxehtë vere ishte një kontribut i rëndësishëm në dobi të përpjekjeve të fondacionit për ndërtimin e një rrjeti mbështetësish të përbërë nga filantropistë të famshëm në vende të ndryshme të botës që të ofrojnë ndërgjegjësim dhe mbështetje në emër të bamirësisë.
Në pamje të parë ndoshta duket disi e vështirë të kuptohet qartazi arsyeja e përfshirjes të një familjeje kaq të njohur shqiptaro-amerikane si ajo Lukaj në një çështje bamirësie që nuk ka ndonjë lidhje të dukshme me shqiptarët ose shqiptaro-amerikanët. Riçardi është tepër i kthjellët. Ai na kujton se si e Lumturuara Nënë Tereza dhe princesha Diana mbeten ende dy figura jashtëzakonisht të dashura në mbarë botën falë ndihmës që ato dhanë në dobi të fëmijëve të vobekët e të sëmurë nga HIV/AIDS. Riçardi shton se përkushtimi, pasioni dhe dashuria e tyre ndaj njerëzimit nuk njihnin kufij.

Pse hoqi dorë z.Janullatos nga mesha shqip?

May 7, 2014 by dgreca

Gjithkujt i kujtohet fare mirë se sa mirë e dinte gjuhën shqipe fortlumturia e tij në vitet 1991 – 1997, teksa jo vetëm i mbante meshat në gjuhën shqipe, por lëshonte lëvdata të pafre edhe për presidentin dhe qeverinë. Por tani, Janullatosi po u thotë shqiptarëve se vetëm greqishtja është gjuhë e kishës, duke konfirmuar faktin se ai nuk e konsideron fare Kishën Ortodokse Autoqefale Shqiptare, por e quan atë si shtojcë apo pjesë të kishës greke
Prej disa vitesh kryepeshkopi i Kishës Ortodokse Autoqefale Shqiptare, z.Anastas Janullatos “e ka harruar” gjuhën shqipe. Në meshat e ndryshme që ai mban në raste ngjarjesh e festash si dhe në komunikimet e tjera publike, tashmë hirësia e tij flet vetëm në gjuhën e mëmës së tij, në greqisht. Një mikrofon i gjatë qëndron gjithnjë pranë tij, si dhe ndonjë dhjak i ri që lexon në gjuhën shqipe atë që hirësia e tij mund ta lexonte fare mirë shqip. Edhe ditën e djeshme që ishte ditë feste për gjithë besimtarët e krishterë, kryepeshkopi i KOASH-it u pa të japë meshën në gjuhën greke me përkthyes dhjakun pranë. Një pamje kjo që po e shohim prej disa vitesh të bëhet një shfaqje aq e njohur, aq edhe jo etike. Qëllimi i saj është që ne shqiptarët të mësohemi se kjo është gjuha e kishës. Besimtarët ortodoksë që as kanë lidhje me greqishten dhe as u hyn në punë ajo, janë të detyruar të dëgjojnë meshën në gjuhën greke, pasi kështu e konsideron kryepeshkopi.
Nuk duam të besojmë as të krahasojmë hirësinë e tij të shkolluar e me disa gjuhë të huaja që të ecë kaq besnikërisht në gjurmët e klerikëve grekë që para vendosjes së autoqefalisë mallkonin gjuhën shqipe, e cila sipas tyre nuk ishte “gjuhë e Zotit” dhe se vetëm greqishtja ishte e tillë. Pra këtu nuk kemi çështje të mosnjohjes së gjuhës, por ecjes në gjurmët e vjetra e përsëritjen e anëve të këqija të historisë.
Gjithkujt i kujtohet fare mirë se sa mirë e dinte gjuhën shqipe fortlumturia e tij në vitet 1991 – 1997 teksa jo vetëm i mbante meshat në gjuhën shqipe, por lëshonte lëvdata të pafre edhe për presidentin dhe qeverinë. Ishte e qartë se kryepeshkopi e njihte shumë mirë gjuhën shqipe, bile edhe me gramatikë. Ai përdorte gjuhën shqipe nëpër mesha si argument të fortë për të thënë se jo vetëm e njihte këtë gjuhë, por edhe sepse ajo nuk ishte pengesë për ushtrimin e detyrës si kryepeshkop.
Vit pas viti ai e “harroi” këtë gjuhë dhe filloi të përdorë gjuhën, nga e cila u nda Kisha Ortodokse Autoqefale Shqiptare. Në këtë mënyrë ai bëri një shumëzim me zero të të gjitha përpjekjeve të patriotëve dhe klerikëve shqiptarë të vendosura prej tyre me kongreset e Beratit të vitit 1922 apo të Korçës së vitit 1929. Kjo nuk bëhet pa qëllim. Nuk është as e para herë dhe as e fundit që thuhet se shteti grek gjithnjë i ka konsideruar ortodoksët shqiptarë si “grekë”. Edhe meshimi në gjuhën greke i z.Janullatos ka si qëllim vetëm përçimin e kësaj teze, e përcjellë edhe si urrejtje ndaj gjuhës shqipe. Një nga parimet bazë të autoqefalisë është gjuha e kombit ku ndodhet kisha. Gjuha shqipe është parim bazë se në ç’nivel është kjo autoqefali. Parimi i dytë bazë i autoqefalisë është kombësia e nivelit të lartë drejtues. Është e pamundur që 23 vjet pas ardhjes së z.Janullatos me kontributin e të cilit janë përgatitur qindra klerikë, në Shqipëri në Sinodin e Shenjtë nuk paska 3 klerikë shqiptarë. Jo vetëm në Tiranë, por janë edhe peshkopët e Beratit dhe Gjirokastrës me kombësi greke. A meshojnë shqip këta? Madje njëri prej tyre paraqitet si “arvanitas”
Përdorimi i greqishtes në mënyrë të rregullt nëpër mesha jo vetëm që është një veprim antiligjor, por edhe bëhet si veprim karshillëku ndaj shtetit shqiptar, për të thënë se nuk pyesim fare për ju, se e rëndësishme është vetëm Greqia, etj. Ky është një tregues i qartë se z.Janullatos nuk e konsideron fare Kishën Ortodokse Autoqefale Shqiptare, por e quan atë si shtojcë apo pjesë të kishës greke.
Hirësia nuk përton të ndjekë deri në lodhje të skajshme aktivitete të tilla, që nuk kanë të bëjnë fort me kishën siç është rasti për të respektuar ushtarët grekë të vrarë gjatë Luftës së Dytë Botërore.
Hirësia e tij nuk lodhet deri në fshatin më të humbur apo të panjohur të Shqipërisë, nëse aty ka ndonjë delegacion grek apo nëse aty është ngritur për ndonjë ceremoni fshati flamuri grek.
Hirësia nuk lodhet të bëjë çështje të posaçme as aksidente të automobilistike, kur këtë e bëjnë nga Athina.
Në artikullin nr.3 të Statutit të Kishës Ortodokse Autoqefale Shqiptare, përpiluar në Korçë më 29.6.1929 thuhet se “gjuha zyrtare e kishës është shqipja”. I njëjti parim për gjuhën zyrtare është ruajtur në statutin e Kishës Ortodokse Autoqefale Shqiptare miratuar me dekretin nr.1065, datë 4.5.1950 e Presidiumit të Kuvendit Popullor të Republikës Popullore të Shqipërinë. Këtë statut të miratuar në diktaturë, hirësia e tij e ka fort për zemër.
Nëse në Kishën Ortodokse Autoqefale Greke në Athinë do jepej mesha p.sh. në gjuhën bullgare a do ishin të kënaqur grekët? A do rrinin të qetë ata?(Kortezi:Gazeta 55)

PUTIN: READY TO TALK SOLUTIONS

May 7, 2014 by dgreca

*OSCE chief Burkhalter makes progress with Putin on Ukraine/
*Vladimir Putin says he’s ready to discuss resolutions to Ukraine’s conflict. Security forces loyal to the interim government in Kyiv have gained fresh ground in their efforts to take back Ukraine’s east from separatists./
At a meeting in Moscow Wednesday with Didier Burkhalter (left in photo), 2014 chairperson of the Organization for Security and Cooperation in Europe, Russian President Vladimir Putin (right) said he would discuss options for ending Ukraine’s conflict. Clashes have killed about 90 in the past week.
“I know you have your own proposals, your ideas of how to find a way out of the situation that has occurred,” Putin said Wednesday at the meeting with Burkhalter. “Our position is known, too. Let’s try to analyze the situation and seek ways out of this crisis.”
On Tuesday, foreign ministers from EU countries, Ukraine and Russia met in Vienna to discuss the conflict. Interim Ukrainian Foreign Minister Andriy Deshchytsia said Moscow must recognize the presidential election on May 25 and help curb the separatist movement before further negotiations. Ahead of Wednesday’s meeting, Burkhalter said hostilities in Ukraine would need to end before elections could take place.
“We need a ceasefire for the election,” said Burkhalter, who also serves as Switzerland’s foreign minister and president.
Putin discourages separatist referendum
The separatists have called their own independence referendum for May 11. On Wednesday, Putin said they should consider postponing that.
Putin said his country had pulled back from the border, although both the US and NATO later said they had seen no evidence of this.
Washington said on Wednesday evening it was removing special trade benefits that mean Russian imports to the US are subject to lower tax rates. The White House said the move reflected Russia’s economic development and was not directly related to Ukraine, although it said the events made it “particularly appropriate to take this step now.”
The International Monetary Fund delivered its first aid installment to Ukraine Wednesday. The initial $3.19 billion (2.3 billion euros) is part of an overall $17 billion package from the IMF.
Fighting continues
Ukraine’s Channel 5 television station reported Wednesday that troops had forced rebels who were holed up inside the city hall in Mariupol out onto the streets, where they blocked the main thoroughfare and set tires and a trolleybus on fire. Traffic was able to move again later in the morning. Ukraine’s interim government reported that it had captured separatist “defense minister” Igor Kakidzyanov in Wednesday’s operations.
On Wednesday, British Foreign Secretary William Hague visited Kyiv to promise support in containing the separatists, calling any Russian action to prevent the May 25 election a “blow to democracy.”
Rhetoric has sharpened leading up to celebrations on Friday in Russia and Ukraine of the Soviet victory over German forces in World War II, with both Moscow and Kyiv accusing each other of Nazi-like “fascism.”mkg/rc (Reuters, AFP, dpa, AP)

Dr. SALI BERISHA: Duhet 20 shkurt i dyte! Final! Vdekje komunizmit!!

May 7, 2014 by dgreca

Hoxhizmi nuk eshte nostalgji por modeli qe ndjekin neobllokmenet!/

Te dashur miq, klika punisto-mafioze ne pushtet shnderroi 5 Maijn, diten e nderimit te te reneve, ne diten e nderimit te Hitlerit shqiptar te Pasluftes dhe simboleve e tij.
Ata qe mendojne se eshte nje nostalgji gabohen, te tjere qe mund ta konsiderojne shfaqje periferike gabojne dhe me rende. Keto ishin vetem vazhdim i nje qendrimi te strukturuar mire nga neobllokmenet me ne krye Edvin Kristaq Ramen.
E verteta eshte se rehabilitimin e Enver Hoxhes e nisi qe javen e pare ne pushtet Edvin Kristaq Rama kur paraqiti shqiptareve, si projektet e tij me te para, rindertimin dhe gjallerimin e viles se diktatorit dhe piramides se tij duke deshmuar se ato ishin projekte dhe preokupime kryesore te tij. Po keshtu me 29 nentor 2013 Rama nderoi te renet se bashku me portretet e atit te tij shpirteror Enver Hoxhes ne sfond dhe u kujdes qe ti shperndante vete me Facebook-un e tij. Ai ka ngarkuar pseudo historiane antishqiptar per rishqyrtimin e historise dhe rehabilitimin e Hoxhes. Ai me vendime qeverie ka rrezuar nene te Kushtetutes, ligje si dhe ka marre kompetenca te Presidentit te Republikes, Gjykates, Prokurorise dhe institucioneve te tjera kushtetuese.
Demokrate dhe demokrate, Edivin Kristaq Rama po provokon ne menyren me te ulet, me kultin e atit te tij shpirteror, rinine shqiptare, qindra e mijera qytetare qe u persekutuan, ekzekutuan, burgosen, interrnuan nga regjimi i Hitlerit te Pasluftes se Dyte Boterore. Ai po provokon mbare shqiptaret qe perjetuan skllaverine me te eger hiperkolektiviste hoxhiste. Ai po hakmerret ndaj nesh per 20 shkurtin e vitit 1991.
Te gjithe ne kembe t’i rezervojme atij dhe neobllokmeneve te tij sa me pare 20 shkurtin e dyte! Final! Vdekje Komunizmit!! sb

Arrestohet nje këshilltar i bashkisë së Nju Jork-ut

May 7, 2014 by dgreca

Ruben Wills është arrestuar për përvetsim dhe vjedhje të financave gjatë fushatës
QUEENS – Këshilltari i Bashkisë së Qytetit të Nju Jorkut, njërës prej bashkive më të mëdha në SHBA, Ruben Wills është marrë sot heret në paraburgim në një stacion policor, të mërkurën në mëngjes, si nofton shtypi lokal ai është arrestuar në mes të një hetimi nga zyra e prokurorit të përgjithshëm shtetëror , akuzuar për vjedhjen e tij të supozuar gjatë fushatës financiare të mbledhjes së parave – fundraising dhe mijëra parave të zhdukura nga një organizatë bamirëse që ai themeloi” thanë burimet nga shtypi njujorkez. .
Wills , i cili u zgjodh në vitin 2010 dhe përfaqëson lagjen Xhamajka në qytetin e Queensit, u dorëzua vetë në stationin e policisë 112- e cila ndodhet në zonën elektorale në Forest Hills dhe u akuzua për vjedhje të madhe në shkallë të tretë , falsifikim me të dhënat e biznesit dhe duke e bërë fushatë të rreme financiare , tha një burim për Televizionin NY1, që tha se e kishte parë padinë ndaj Willsit .
Burimet thanë se ai u dorëzua si pjesë e një marrëveshje me zyrën e e Prokurorit të Përgjithëshëm, por detajet e marrëveshjes nuk janë bërë menjëherë të qartë . Ai gjithashtu tani do të humbi dhe kryesimin e njërit të nën komisioneve të Këshillit Bashkiak, atë të luftës kundra drogës .
Burimet thanë në skemën e pretenduar të vjedhjes së financave të fushatës , Willsit i kërkohen të gjitha parat ku ai i ka “futur” prej nga bankat deri tek shpenzimet e tij, private, dhe shpenzimet nga anëtarët e familjes dhe transferimin jashtë të të hollave si donacionet për fushatën qytetare. Ligji dënon dhe e quan të kundraligjshme fushatën e kandidatëve, që nuk deklarojnë çdo dollar të mbledhur nga fushtat elektorale ose fushatat e ndryshme për mbledhje fondesh financiare, pavarësisht se janë fushtata të lira apo nga varësia në donatorët të mëdha apo të vogla” shkruan shtypi njujorkez .
Nuk ishte e qartë se sa para ai dyshohet se ka vjedhur ose përvetësuar pa i deklaruar ato , por në bazë të akuzës për vjedhje , burimet thanë se shuma ishte diku nga 3,000 deri në 50,000 dollar.
Këto akuza erdhën nga një hetim i gjatë ku rezulton se 32,000 dollar janë zhdukur nga një organizatë bamirëse e themeluar nga Willis, dhe e quajtur New York 4 Life , e cila pretendon se ka ndihmuar gratë pa burra me fëmijë, të mësojnë në lidhje me financat dhe çështjet civile , thanë burimet e shtypi njujorkez .
Nuk ishte menjëherë e qartë se kur këto incidente kanë ndodhur apo se sa të holla janë vjedur ose përvetësuara të cilat gjoja ishin marrë nga Wiils, për bamirësi gjatë fushatës elektorale në Queeins.
Wills dikur ka punuar si shef i stafit të ish – Senatores së Shtetit, Shirley Huntley , e cila humbi vendin e saj në vitin 2012 , pas kishte vjedhur 87.000 dollar nga një organizat jo-fitimprurëse.
Wills ishte një nga shtatë prej zyrtarëve njujorkez të zgjedhur të cilët ishin të regjistruar në një përgjim për përvetsim fondesh nga revista Huntley në vitin 2012, gjatë hetimi federal . Ku thuhej se :”Shumë nga ata njerëz kanë qenë subjekt i hetimeve aktive kriminale “, por Wills tha në atë kohë se ai nuk ishte pjesë e atyre hetimeve për vjedhje parash të fushatave .Kryetaria e Këshillit të Bashkisë së Qytetit Melissa Mark – Viverito, ka thënë se nëse akuzat e ngritura ndaj Wills , në qoftë janë të vërteta , do të thotë se ai ka ” tradhëtuar besimin e njujorkezëve të përfaqësoi ata në qeverinë e tyre”.
“Këshilli i Qytetit i merr këto akuza si shqetësuese nga Prokurori i Përgjithshëm i Shtetit të Nju Jorkut, shumë seriozisht dhe do të shqyrtojm ato tërësisht . Njujorkezët presin tjetër gjë nga ne dhe e meritojnë një qeveri që është etike dhe të përgjegjshme dhe që është standardi që ne jemi duke kërkuar që të jetë , ” tha Kryetaria e Këshillit të Bashkisë së Qytetit Melissa Mark – Viverito(Beqir Sina)