Archives for June 2015

Po, ne shqiptarët ku jemi ?

June 19, 2015 by dgreca

Nga Fahri XHARRA/

Për të gjithë ata që pyesin se pse Muslimanët kanë ngecur në zhvillim, Prof.Nexhat Ibrahimi i qaset kesaj teme, jashtëzakonish në mënyrë profesionale, lexojeni me vëmendje!
Perse muslimanet kane ngecur….Lexoni dhe mendoni pak! Të dhena demografike dhe statistikore:

Numri i hebrenjve në botë është 14 milionë dhe atë:
– 7 milionë në Amerikë
– 5 milionë në Azi
– 2 milionë në Europë
– 100 mijë në Afrikë

Numri i muslimanëve në botë është 1,5 miliardë dhe atë:
– 1 miliardë në Azi / Lindja e afërt
– 400 milionë në Afrikë
– 44 milionë në Europë
– 6 milionë në Amerikë

– Për çdo hebrej ka 107 muslimanë

Përfundimi:
14 milionë hebrejë janë më të fuqishëm se 1,5 miliardë muslimanë
– Për çdo hebrej ka 107 muslimanë

Përse?
Ja disa nga shkaqet:

Personalitetet që kanë dnryshuar rrjedhat e historiesë janë:

Albert Einstein – hebre
Sigmund Freud – hebre
Karl Marx – hebre
Paul Samuelson – hebre
Milton Friedman – hebre

Personalitetet që kanë bërë kthesë në medicine janë:
– Vaccinating Needle: Benjamin Ruben – hebre
– Polio Vaccine: Jonas Salk – hebre
– Leukaemia Drug: Gertrude Elion – hebre
– Hepatitis B: Baruch Blumberg – hebre
– Syphilis Drug: Paul Ehrlich – hebre
– Neuro muscular: Elie Metchnikoff – hebre
– Endocrinology: Andrew Schally – hebre
– Cognitive therapy: Aaron Beck – hebre
– Contraceptive Pill: Gregory Pincus – hebre
– Understanding of Human Eye: G. Wald – hebre
– Embryology: Stanley Cohen – hebre
– Kidney Dialysis: Willem Kloffcame – hebre
Ftuesit e Çmimit Nobel:

Në 105 vitet e fundit 14 milionë hebrej kanë fituar 180 çmime nobelë, derisa 1.5 miliardë muslimanë kanë fituar vetëm tre Çmime Nobel.

Zbulimet që ndryshuan historinë:
-Micro- Processing Chip: Stanley Mezor hebre
-Nuclear Chain Reactor: Leo Sziland hebre
-Optical Fibre Cable: Peter Schultz hebre
-Traffic Lights: Charles Adler hebre
-Stainless Steel: Benno Strauss hebre
-Sound Movies: Isador Kisee hebre
-Telephone Microphone: Emile Berliner hebre
-Video Tape Recorder: Charles Ginsburg hebre
Firmat e fuqishme botërore:

-Polo: Ralph Lauren hebre
-Coca Cola hebre
-Levi’s Jeans: Levi Strauss hebre
-Starbucks: Howard Schultz hebre
-Google: Sergey Brin hebre
-Dell Computers: Michael Dell hebre
-Oracle: Larry Ellison hebre
-DKNY: Donna Karan hebre
-Baskin & Robbins: Irv Robbins hebre
-Dunkin Donuts: Bill Rosenberg hebre

Intelektualët/ politikanët me ndikim:

– Henry Kissinger , US Sec of State hebre
– Richard Levin, President YaleUniver sity hebre
– Alan Greenspan , US Federal Reserve hebre
– Joseph Lieberman hebre
– Madeleine Albright , Formar US Sec of State hebre
– CasperWeinberger , US Sec of Defence hebre
– Maxim Litvinov , USSR Foreign Minister hebre
– DavidMarshal , Singapore Chief Minister hebre
– Isaacs Isaacs, Gov-GenAustralia hebre
– Benjamin Disraeli, British Statesman hebre
– Yevgeny Primakov, Russian PM hebre
– Barry Goldwater , US Politician hebre
– Jorge Sampaio, President Portugal hebre
– Herb Gray, Canadian Deputy – PM hebre
– Pierre Mendes, French PM hebre
– Michael Howard, British Home Sec. hebre
– Bruno Kriesky, Austrian Chancellor hebre
– Robert Rubin , US Sec of Treasury hebre

Mediat globale dhe personalitetet influencuese:

– Wolf Blitzer, CNN- hebre
– Barbara Walters, ABC News hebre
– EugeneMeyer, Washington Post hebre
– Henry Grunwald, Time Magazine hebre
– Katherine Graham, Washington Post hebre
– Josip Lelyeld, New York Times hebre
– Max Frankel, New York Times hebre

Përse hebrenjtë janë aq të fuqishëm në skennë botërore e muslimanët nuk janë?

Ja përse?

– Në tërë botën muslimane prej 57 shteteve, ka vetëm 500 universitete.
– Vetëm në SHBA ka 5.758 universitete
– Asnjë universitet ne tere boten muslimane nuk bene pjese ne 500 universitetet me te mira boterore.
– Arsimimi ne boten kristiane është 90%.
– Arsimimi në botën muslimane është 40%.
– Në 15 shtete me shumicë kristiane arsimimi është 100%
– 98% të popullsisë në vendet kristiane është me shkollë fillore të kryer.
– Vetëm 50% në vendet muslimane kanë kryer shkollën fillore.
– 40% e popullsis[ në vendet kristiane studion ndonjë fakultet.
– Në vendet muslimane vetëm 2% vazhdon studimet në ndonjë fakultet.
– Në vendet me shumicë muslimane 230 shkencëtarë ka në 1 million banorë.
– Në SHBA ka 5000 shkencëtarë në 1 milion banorë .
– Në botpën kristiane ka 1000 teknikë në 1 milionë banorë.
– Në tërë botën arabe ka vetëm 50 teknikë në 1 milion banorë.
– Bota muslimane shpenzon në hulumtime / zhvillim 0,2% për kokë banori.
– Bota kristiane shpenzon 5% në hulumtime/zhvillim për kokë banori.
Përfundimi:
Bota muslimane nuk ka aftësi të prodhojë dije.

Mënyra tjetër për verifikim dhe shkallës dhe shtrirjes së dijes:

– Në Pakistan ka 23 gazeta për 1000 banorë;
– Në Singapor ka 460 në 1000 banorë;
– Në Angli ka 2000 tituk/ libra në njpë millionë banorë;
– Në Egjipt ka 20 tituj në një muilionë banorë.
Përfundimi:

Bota muslimane nuk ka arritur ta shtrijë dijen.
Aplikimi i dijes: Eksporti i prodhimeve HIGH-TECH
– Pakistan 0,9%
– Arabia Saudite 0,2%
– Kuvejti, Maroku dhe Algjeria 0,3%
– Singapori vetëm vetë eksporton 68%

Po , ku jemi ne shqiptarët , eh mo`zo`ma keq për ne !
Ps. ‘Nexhat Ibrahimi’ u rrit në një familje autoritative hoxhallarësh me ndjenja fetare dhe atdhetare. Shkollën fillore e kreu në Opojë e Prizren, kurse Medresenë e Mesme “Alauddin” në Prishtinë gjatë viteve 1974-1979. Gjatë viteve 1980-1984 i kreu studimet në Fakultetin e Shkencave Islame në Sarajevë.
Nexhat Ibrahimi merret edhe me shkrime dhe përkthime. Ka përkthyer mbi 70 vepra islame të zhanreve të ndryshme dhe ka shkruar mbi 20 vepra autoriale islame, ka shkruar dhe përkthyer disa qindra artikuj në dhjetëra gazeta e revista në Kosovë, Maqedoni, Shqipëri, Mal të Zi, Bosnje, ka marrë pjesë në disa simpoziume e tribuna shkencore, ka shkruar disa dhjetëra recensione kritike.
Nexhat Ibrahimi jeton në Prizren. Është i martuar dhe baba i tre fëmijëve. (burimi ::https://sq.wikipedia.org/wiki/Nexhat_Ibrahimi

Fahri Xharra , 19.06.15 Gjakovë

PAS PERIUDHES”PUTIN” RUSIA DO TE ORIENTOHET NGA PERENDIMI

June 19, 2015 by dgreca

FJALIMI I MIKHAIL KHODRKHORSKIT NE KESHILLIN ATLANTIK/
Khodrkorski ka qene nji kritikues i ashper i Putinit, dhe si rrjedhim ai u denue me 10 vjete burgim, sepse paraqiste rrezik politik per Putinin. Mbasi mbaroi burgimin, ai emigroi ne Zvicer, ku drejton nji organizate qe merret me mbrojtjen e te drejtave te njeriut, me qender ne Moske./
Perktheu Gjon Kadeli/
Gjate nji fjalimi qe ish pasaniku ma i madh Rus Zotni Mikhail Khodorkorski mbajti ne Keshillin Atlantik, me qender ne Uashinton, ai tha se,konflikti ndermjet Rusise dhe Ukraines, nuk ka nji zgjidhje afatshkurte, dhe se ai asht, pjese e nji konflikti te trilluem me Perendimin, kesht qe populli Rus te largoje vemendjen nga korrupcioni
ne mase, dhe nga pa aftesia e elites drejtuese.
Zotni Khodorkorski u tha te pranishemve gjate fjalimit qe mbajti me 17 Qershuer, se nuk do te kete ndonji afrim te vertete, ndermjet Perendimit dhe Rusise, gjat kohes qe ai vend do te sundohet nga Putini.
Khodrkorski ka qene nji kritikues i ashper i Putinit, dhe si rrjedhim ai u denue me 10 vjete burgim, sepse paraqiste rrezik politik per Putinin. Mbasi mbaroi burgimin, ai emigroi ne Zvicer, ku drejton nji organizate qe merret me mbrojtjen e te drejtave te njeriut, me qender ne Moske.
Zotni Khodorkorski tha gjithashtu se, marredhanjet Amerikano-Ruse, jane ne nivelin ma te ulet qe nga koha e Luftes se Ftohet, dhe se vete elita Ruse, e krijon nji vecim(izolim) te tille nga Perendimi, si mjet, keshtu qe ajo te mbaje pushtetin ne dore.
Ai shtoi “konflikti i tashem me Perendimin, asht absolutisht krijese artificiale” Ata ne menyre te dishprueme, kane nevoje, per te krijue, nji perfytrim te nji anmiku; keshtu qe vemendja e popullit Rus, te mos merret me ceshtjen e korrupcionit ne mase, si edhe me pa-aftesine e udheheqesve, qe ekziston ne ate vend.
Khodorkorski tha gjithashtu, se parasheh, se mbas periudhes se Putinit, Rusia do te riorientohet drejt Perendimit; megjithse nuk bani ndonji diskutim, se si qeveria e tashme mund te humb fuqine,Ai theksoi se, Shtetet e Bashkueme dhe vendet Europiane, duhet, pa tjeter te pergaditen, qe shkalle shkalle t’a mirepresin Rusine ne rradhet e tyne, dhe kjo don te thote, si antare e Bashkimit Europian si edhe e NATOs.(RFE)

Deklaratë e Vatrës mbi arrestimi e Ramush Haradinajt

June 19, 2015 by dgreca

Federata Panshqiptare e Amerikës VATRA e priti me habi lajmin e arrestimit të ish kryeminsitrit të Kosovës Ramush Haradinaj nga policia sllovene në aeroportin e Lubljanës dje, ndërsa po këthehej nga nji vizitë zyrtare në Gjermani.

Ramush Haradinaj njifet si komandant i Ushtrisë Çlirimtare të Kosovës, që luftoi për shpëtimin dhe për lirinë e popullit të vet të cilit, ma vonë në liri, i shërbeu me përkushtim edhe si Kryeminstër. Kur u thirr në Hague, i akuzuem për krime lufte, ai e la pozitën e Kryeminstrit, shkoi atje vullnetarisht dhe dëshmoi pafajsinë.

Akuzat për krime lufte kundër Haradinajt i kishte ngritë Serbia, në përpjekje për të fshehë kriminelët e vet dhe krimet e papërshkrueshme, si dhe për të komprometue luftën e drejtë të shqiptarëve, tue i pasqyrue ata si agresorë.

Ndërsa Mladiq, Karaxhiq e të tjerë kriminela fshiheshin për t’i shpëtur drejtësisë, Komandant Haradinaj tregoi superioritetin moral të shqiptarit liridashës dhe, me ndërgjegjen e luftëtarit të lirisë dhe me dinjitetin e shtetarit të vërtetë, u paraqitë në Tribunalin e Hagës dhe dëshmoi pafajsinë.

Kur Millosheviqi kishte sjellë forcat policore nga të gjitha republikat në Kosovë, për të ushtrue dhunën kundër shqiptarëvet në emën të Federatës së Jugosllavisë, zani i parë kundërshtues u ndigjue nga Lidhja e Shkrimtarëve të Sllovenisë, e cila i bani publikisht thirrje qeverisë së republikës që të tërhiqte policët e vet nga Kosova. Dihet, gjithashtu, se profesorët e Universitetit të Lubljanës u kanë hapë dyerët shqiptarëve të Kosovës, kur këta janë ndeshë me pengesa nga profesorët shovenista serbë, gjatë ngritjes së tyne në shkallat e nalta të arsimit.

Tue dijtë këto fakte, nga nji anë, arrestimi i Haradinajt në Slloveni na habitë dhe ngacmon ndjenjen e indinjatës s’onë; ky akt nuk e nderon shtetin demokratik as popullin e qytetnuem slloven. Shpresojmë se qeveria e Sllovenisë do t’i kërkojë falje ish Kryeministrit Haradinaj dhe do t’a përcjellë si mik për në vendin e vet. Nga ana tjetër, qeverija dhe populli i Kosovës nuk duhet të tolerojnë vandalizma as gjeste të tjera joligjore që shkojnë kundër principeve dhe kundër interesit të shtetit të Kosovës. Kemi besim se shqiptarët do t’a ruejnë të pacenueme miqsinë dhe mirënjohjen për popullin slloven.

New York, 18 qershor 2015

Sulmohen bizneset sllovene ne Kosove

June 18, 2015 by dgreca

Presidentja Jahjaga: Vandalizmi ndaj pronave sllovene dëmton Kosovën/Bizneset sllovene në Prishtinë, IPKO dhe NLB, janë sulmuar nga persona të panjohur. Ndërkohë ka reaguar Qeveria e Republikës së Kosovës duke dënuar këtë akt, siç thonë vandal, të drejtuar ndaj bizneseve sllovene në Kosovë.Qeveria e Republikës së Kosovës fton qytetarët që të tregojnë maturi dhe të përmbahen nga çdo akt i dhunshëm, duke i siguruar se çështja e Haradinaj është duke u trajtuar në nivelin më të lartë shtetëror dhe së shpejti pritet një zgjidhje e drejtë dhe e ligjshme.Qeveria e Republikës së Kosovës fton organet e rendit që në përputhje me ligjin të trajtojnë aktet e fundit të manifestuara kundër bizneseve dhe të ndërmarrë të gjitha veprimet e nevojshme për të parandaluar përsëritjen e akteve të tilla.

Jahjaga: Vandalizmi ndaj pronave sllovene dëmton Kosovën/

Presidentja e Republikës së Kosovës Atifete Jahjaga dënon aktet e dhunës ndaj pronës së kompanive sllovene të biznesit, duke i vlerësuar të papranueshme dhe në kundërshtim me vlerat e shoqërisë demokratike.Jahjaga, sipas komunikatës së Zyrës së informimit të Presidencës, thekson se “aktet e dhunshme të drejtuara ndaj pronës së kompanive sllovene, pavarësisht nga motivet, janë veprime vandale dhe cënojnë lirinë”.“Veprimet vandale të drejtuara ndaj pronës pengojnë zhvillimin demokratik të vendit, dëmtojnë imazhin dhe kredibilitetin e tij dhe pengojnë gjithashtu edhe bërjen e biznesit në vend. Marrëdhëniet e Kosovës me shtetet e tjera ndërtohen me mirëbesim dhe veprimet e Kosovës gjithnjë do të jenë në mbështetje të akteve, normave dhe ligjeve ndërkombëtare”, thuhet në reagimin e presidentes.Jahjaga u bën thirrje të gjithë qytetarëve që të ruajnë qetësinë dhe të ruajnë maturinë dhe kërkon nga organet e rendit që të kapin autorët e akteve të dhunës dhe t’i nxjerrin përpara drejtësisë./KosovaPress

Një pamflet rrëqethës

June 18, 2015 by dgreca

Nga Prof.dr. Eshref Ymeri/Më 12 qershor 2015, në faqet e internetit ishte botuar pamfleti i zotërisë Rexhep Shahu, me titull “T’u shtoftë jeta, qeveri!” E lexova me shumë kërshëri. Më pikoi në zemër për ato të vërteta që shpaloseshin në atë pamflet. Kisha lexuar edhe më parë për gjendjen e rëndë ekonomike që ishte krijuar në Kukës dhe për largimin masiv të njerëzve për në emigracion. Por nuk mund ta përfytyroja dot atë pamje tragjike që zotëria Rexhep Shahu zbulon në pamfletin e vet. Fuqia stigmatizuese e atij pamfleti është e jashtëzakonshme. Ajo më ktheu shumë prapa në kohë dhe më solli në kujtesë pamfletin e Ciceronit(Marcus Tullius Cicero 106-43 p.e.r.) që e pati botuar në vitin 61 p.e.r.kundër Publij Klodit (Publius Clodius Pulcher 93-52 p.e.r.), një demagog ky nga radhët e patricëve romakë, të cilin gjykata e pati nxjerrë të pafajshëm pas fyerjes që i kishte bërëperëndeshës së dëlirësisëBona Dea.

Më kujtoi njërin nga mjeshtrit e shquar të pamfletit të periudhës së klasicizmit, Erazmin e Roterdamit (Desiderius Erasmus Roterodamus1466–1536). Në pamfletin me titull “Lëvdatë budallallëkut” (LobderTorheit), të botuar në vitin 1509, ai stigmatizon princat, priftërinjtë dhe skolastikën.

MëkujtoipamfletinefamshëmtëDaniel Defosë(Daniel Defoe – 1660-1731), me titull “Rruga më e shkurtër për të larë hesapet me disidentët (TheshortestWaywiththeDissenters), të botuar në vitin 1702, në të cilin demaskonte obskurantizmin klerikal.

Më kujtoi pamfletin e Lev Tolstoitme titull “Nuk mund të hesht” (Nje mogu mollçat), të botuar në vitin 1908. Në atë pamflet shkrimtari i shquar i çjerr maskën carizmit për ekzekutimin e fshatarëve të pafajshëm pas revolucionit të viteve 1905-1907 që pati shpërthyer në Rusi, me qëllim që të mbillte frikë dhe tmerr në radhët e popullit rus. Tolstoi shkruan:

“Sot, më 9 maj, ka ndodhur diçka e tmerrshme… Sot, në Herson… janë ekzekutuar me varje në litar dymbëdhjetë fshatarë…Dymbëdhjetëveta, pikërisht nga radhët e atyre njerëzve, me punën e të cilëve ne ushqehemi, të atyre njerëzve që ne i kemi shthurur dhe po vazhdojmë t’i shthurim me të gjitha mënyrat, duke filluar nga helmi i vodkës e deri tek ajo gënjeshtra e tmerrshme e besimit, të cilin ne vetë nuk e marrim për të vërtetë, por që po mundohemi t’ua mëkojmë atyre me se s’bën. Dymbëdhjetë të tillë janë varur në litar pikërisht nga ata njerëz që mbahen me ushqim dhe me veshëmbathje me djersën e atyre të gjorëve”.

Qeveria shqiptare nuk ka ushtruar asnjë dhunë fizike ndaj qytetarëve kuksianë, por ajo ka ushtruar një dhunë të tmerrshme shpirtërore kundër tyre. U ka kërkuar të paguajnë faturat e prapambetura të energjisë elektrike që arrijnë në miliona lekë. Në pamundësi për të paguar dhe për të mos përfunduar nëpër burgje, një masë e madhe qytetarësh kuksianë janë detyruar të braktisin atdheun dhe të degdisen familjarisht në emigracion. Për pasojë, siç shkruan zotëria Rexhep Shahu, shumë pallate janë boshatisur, nëpër shkolla janë rralluar nxënësit, mësuesit janë larguar, pa nxjerrë përfundimet vjetore, njerëz të moshës së tretë kanë mbetur në mëshirë të fatit deri në atë shkallë, saqë, për shkak të moshës së rënduar, nuk janë në gjendje të shkojnë të tërheqin pensionin.

Por gjendja katastrofike ku e ka katandisur vendin qeveria Rama-Meta, nuk është karakteristike vetëm për Kukësin, siç përshkruhet vërtetësisht në pamfletin e zotërisë Rexhep Shahu. Një gjendje e tillë ka pllakosur mbarë vendin.

Ja se si e përshkruan gjendjen ekonomike të qytetit të Vlorës gazetarja Laureta Petoshati:

“Të gjithë mendojnë se Vlora është një bastion i së majtës dhe ky krah politik shpreson se edhe këtë herë fitoren do ta ketë më të lehtë, aq sa në gazetën “Telegraf”, të datës 08.06. 2015 në intervistën dhënë gazetarit Çlirim Hoxha, shkruhet shprehimisht: “Flet për “Telegraf” kryebashkiaku i ri i Vlorës”, duke zhvlerësuar kështu zgjedhjet dhe demokracinë pjesëmarrëse. Asnjëherë nuk duhet folur para kohe. Atë e vendos sovrani popull, pasi në terren gjërat qëndrojnë ndryshe, pavarësisht tymnajës së mediave. Te komuniteti vlonjate, qysh vjet që kam punuar si gazetare në terren, kam parë se po kristalizohej mendimi se e majta që është në pushtet është tjetërsuar dhe është duke e humbur thelbin e vet social. Nga dita në ditë po rritet varfëria, si shkak i papunësisë dhe i masave drastike të qeverisë. Në Vlorë pakënaqësia është e dyfishtë, sepse njerëzit janë të pakënaqur dhe nga puna e bërë për 18 vjet nga pushteti vendor në pesë mandate, ku në dy prej të cilave kishte në krye dy mjekë dhe në tre të fundit një mësues të gjuhës frënge” (Citohet sipas: Laureta Petoshati. “Leli apo Deromemaj? – Vlora ka nevojë për një menaxher transformimi”. Marrë nga faqja e internetit “VOAL”. 10 qershor 215).

Pasojat e masave drastike të qeverisë Rama-Meta u dukën açik edhe në Vlorë: me mijëra qytetarë vlonjatë morën rrugën e emigracionit.

Çuditërisht, e njëjta politikë qeveritare, me pasojë varfërimin e njerëzve, ndiqet edhe në Kosovë: me dhjetra mijëra qytetarë, për shkak të gjendjes së rëndë ekonomike, janë detyruar të braktisin vendin. A thua të jetë rastësi ngjashmëria e një dukuri e tillë: zbrazja e vendit nga qytetarët e vet? Nuk e di. Por për një gjë gjithsekush duhet të ketë një mendim të kristalizuar: shqiptarët, tradicionalisht, kanë qenë dhe vazhdojnë të jenë varrmihës të vetvetes, si pasojë e politikës mercenariste të klasës në pushtet.

Qeveria Rama-Meta nuk kishte se ç’t’u merrte më atyre banorëve kuksianë, si edhe gjithë atyre të zonave të tjera që qenë detyruar të braktisin vendin. Si qytetarë që s’kishin para për t’i dhënë qeverisë, ata, me sa duket, nuk i duheshin më asaj. Prandaj edhe ata u detyruan të emigrojnë në një mënyrë aq masive. Por a nuk do të kishte qenë më mirë vallë që qeveria Rama-Meta t’ua falte kamatëvonesat të gjithë atyre qytetarëve të varfër dhe çmimin e energjisë për kilovatorë, t’ua caktonte pak më të reduktuar? Se në fushatën për zgjedhjet parlamentare të vitit 2013, kryetari i opozitës së asokoshme, zotëria Edi Rama, premtoi uljen e TVSH-së së energjisë elektrike deri në 06%. Por nuk e mbajti fjalën. Madje çmimin e energjisë e ngriti mbi 20%. A nuk do të kishte qenë më mirë qëqeveria, përmes uljes së taksave, përmes investimeve, përmes masave lehtësuese për investitorët e huaj, të nxiste hapjen e bizneseve të reja që njerëzit të punësoheshin që t’u rriteshin të ardhurat?

Në kulmin e dëshpërimit për zbrazjen e Kukësit nga qytetarët e vet, zotëria Rexhep Shahu shkruan:

“A thua kanë ardhë në pushtet Rama e Meta me shpopullue Shqipërinë? A mos i ka sjellë në pushtet ndonjë fuqi e huaj që i intereson të zbrazet Shqipëria nga shqiptarët?”.

Lexuesit le ta klikojnë në google titullin e pamfletit të zotërisë Rexhep Shahu dhe të njihen vetë me të vërtetat drithëruese që përshkruhen aty.

Mund të jetë edhe kështu, siç hamendëson zotëria Rexhep Shahu, se, siç e përmenda më lart, varrmihësit e shqiptarëve kanë qenë politikanët mercenaristë. Por mund të jetë edhe dashuria e verbër që ushqejnë për pushtet Rama dhe Meta, të cilët, të dehur prej saj, me politikën që po bëjnë, po sjellin si pasojë varfërimin e popullit shqiptarë. Pikërisht kjo politikë me pasoja varfëruese, i ka detyruar disa dhjetra mijëra qytetarë të zbrazin atdheun për të gjetur kafshatën e gojës në vende të huaja. Pikërisht kjo politikë me pasojat e lartpërmendura që ndjekin Rama dhe Meta, me vetëdije apo pa vetëdije, në thelb, është një politikë antikombëtare. Prandaj do të ishte mirë që ata të heqin dorë nga dashuria e dendur për pushtet përhedhjen në dorë të të gjitha levave të tij. Sepse është si zor që ta besosh se një dashuri e tillë do të ketë pasoja të mira për politikën e tyre. Se dashuria e dendur, – thotë populli, – është e keqe dhe e nëmur.

Tiranë, 18 qershor 2015