Archives for December 2015

Mbështetja e BE-së prej 1 miliard € për Ballkanin Perëndimor dhe Turqinë

December 12, 2015 by dgreca

– Shqipërisë 89,9 milionë euro, Kosovës 78 milionë/

-BE-ja miraton pakon prej 1 miliard € për të mbështetur reformat dhe bashkëpunimin rajonal në Ballkanin Perëndimor dhe Turqi/

-Komisioni Evropian ka miratuar pakon e tij të programeve të asistencës para pranimit për vitin 2015, për të mbështetur reformat dhe bashkëpunimin rajonal në vendet që dëshirojnë t’i bashkohen BE-së/

(Përgatiti:B.Jashari)

Bruksel, 11 dhjetor 2015/ Komisioni Evropian ka miratuar programet e pakos së asistencës para pranimit për vitin 2015 për të mbështetur reformat dhe bashkëpunimin rajonal në vendet që dëshirojnë t’i bashkohen BE-së, me një vlerë prej rreth 1 miliardë €.

“Kjo pako shpreh angazhimin e fuqishëm për perspektivën e BE-së për Ballkanin Perëndimor dhe Turqinë. Ai është një investim afatgjatë në stabilitetin, sigurinë dhe prosperitetin e vetë BE-së dhe do të mbështesë procesin e reformimit ekonomik dhe politik të vendeve në rrugën e tyre drejt pranimit në BE”, tha Johannes Hahn, Komisioneri për Politikë Evropiane të Fqinjësisë dhe Negociata për Zgjerim.

MBËSHTETJE NË REFORMA

Financimi vjen nga Instrumenti i Asistencës para Pranimit (IPA II), dhe do të jetë në dispozicion për Shqipërinë, Bosnjen dhe Hercegovinën, Kosovën, ish-Republikën Jugosllave të Maqedonisë, Malin e Zi, Serbinë dhe Turqinë. Ai do të mbështesë reformat e mëtutjeshme demokratike dhe publike si dhe bashkëpunimin rajonal.

INVESTIMI NË LIDHJE

Kjo pako veçanërisht përfshin një program 155 milionë eurosh për të ndihmuar financimin e projekteve të mëdha të infrastrukturës rajonale në sektorin e energjisë dhe transportit në Ballkanin Perëndimor: katër ndërlidhje energjetike, dy projekte rrugore dhe dy projekte hekurudhore, ku të gjitha prej tyre do të sjellin më afër njëra tjetrës ekonomitë dhe shoqëritë. Kontributi i BE-së pritet të stimulojë edhe kredi nga institucionet financiare partnere deri në shumë të përgjithshme prej 540 milion €.

Përmirësimi i lidhjes brenda Ballkanit Perëndimor si dhe në mes të Ballkanit Perëndimor dhe BE-së është një faktor i rëndësishëm për zhvillimin ekonomik të rajonit. Komisioni e ka agjendën e lidhjes si një prej prioriteteve më të larta në këtë rajon, me mbështetje të plotë të qeverive të Ballkanit Perëndimor. Një theks i veçantë i është vënë përgatitjes dhe financimit të projekteve konkrete në investimin e infrastrukturës rajonale, mirëpo edhe në zbatimin e standardeve teknike dhe masave të buta (p.sh. thjeshtësimin e procedurave për kalimin e kufirit ose shthurjen e kompanive dhe qasjen e palëve të treta në rrjete).

Për më shumë lidhur me këto tetë projekte, ju lutem shihni:

http://ec.europa.eu/enlargement/pdf/publication/2015/2015-connectivity-package.pdf

Detajet për vende:

Vendi	Shuma në EUR	Sektorët kryesorë të financuar
Shqipëria	89,900,000	Demokracia dhe Qeverisja, Sundimi i Ligjit dhe të Drejtat Themelore, Arsimi, Punësimi dhe Politikat Sociale
Bosnja dhe Hercegovina	37,200,000	Demokracia dhe Qeverisja, Sundimi i Ligjit dhe të Drejtat Themelore
Ish-Republika Jugosllave e Maqedonisë	24,126,000	Demokracia dhe Qeverisja, Bujqësia dhe Zhvillimi Rural
Kosovë	78,000,000	Demokracia dhe Qeverisja, Sundimi i Ligjit dhe të Drejtat Themelore, Energjia, Bujqësia dhe Zhvillimi Rural
Mali i Zi Programi kombëtar 2015 Programi i veprimit shumëvjeçar 2015-2017	25,135,000 15,300,000	Demokracia dhe Qeverisja, Sundimi i Ligjit dhe të Drejtat Themelore Arsimi, punësimi dhe politikat sociale
Serbia	196,600,000	Demokracia dhe Qeverisja, Sundimi i Ligjit dhe të Drejtat Themelore, politika e Transportit
Turqia	255,100,000	Demokracia dhe Qeverisja, Sundimi i Ligjit dhe të Drejtat Themelore, Energjia, Bujqësia dhe Zhvillimi Rural
Disa vende 2015 – pjesa I Disa vende 2015-2016 – Lidhja	122,555,000 155,254,000	Mbështetje horizontale për politikat dhe reformat sektoriale; Strukturat dhe rrjetet rajonale; Mbështetja rajonale në investim. Mbështetja rajonale në investim
Masat mbështetëse	71,557,000	Auditimi 2015 (2,000,000); Vlerësimi dhe Monitorimi 2015 (2,000,000); Informimi dhe Komunikimi 2015-2016 (20,000,000); mbështetje për ZPL në Bosnje dhe Hercegovinë 2015-2018 (9,557,000); TAIEX 2015 (38,000,000)

***

European Commission

Press release

EU adopts €1 billion package to support reforms and regional cooperation in the Western Balkans and Turkey

€1 billion EU support for the Western Balkans and Turkey

The European Commission has adopted its 2015 package of pre-accession assistance programmes to support reforms and regional cooperation in countries wishing to join the EU

Brussels, 11 December 2015

The European Commission has adopted its 2015 package of pre-accession assistance programmes to support reforms and regional cooperation in countries wishing to join the EU, totalling approximatively €1 billion.

“This package expresses our strong commitment to the EU perspective for the Western Balkans and Turkey. It is a long-term investment in the EU’s own stability, security and prosperity and will support the political and economic reform process of the countries on their EU accession path”, said Johannes Hahn, European Commissioner for European Neighbourhood Policy and Enlargement Negotiations.

Support for reforms

The funding comes under the Instrument for Pre-accession Assistance (IPA II), and will be available to Albania, Bosnia and Herzegovina, Kosovo, the former Yugoslav Republic of Macedonia, Montenegro, Serbia and Turkey. It will support further democratic and economic reforms, the modernisation of the judiciary and of public administration, as well as regional cooperation.

Investment in Connectivity

The package notably includes a €155 million programme to help fund major regional infrastructure projects in the energy and transport sectors in the Western Balkans: four power interconnections, two road projects and two rail projects, all of which will bring economies and societies closer together. The EU contribution is expected to trigger loans from partner financial institutions totalling €540 million.

Improving connectivity within the Western Balkans, as well as between the Western Balkans and EU, is a key factor for the economic development of the region. The Commission has made the connectivity agenda one of its highest priorities in this region, with the full support of the Western Balkans governments. Special emphasis is given on preparing and financing concrete regional infrastructure investment projects, but also on implementing technical standards and soft measures (e.g. simplifying border crossing procedures or unbundling utilities, and third party access to networks).

More about the eight projects:

http://ec.europa.eu/enlargement/pdf/publication/2015/2015-connectivity-package.pdf

Details per country:

Country	Amount in EUR	Main sectors financed
Albania	89,900,000	Democracy and Governance, Rule of Law and Fundamental Rights, Education, Employment and Social Policies
Bosnia and Herzegovina	37,200,000	Democracy and Governance, Rule of Law and Fundamental Rights
The former Yugoslav Republic of Macedonia	24,126,000	Democracy and Governance, Agriculture and Rural Development
Kosovo	78,000,000	Democracy and Governance, Rule of Law and Fundamental Rights, Energy, Agriculture and Rural Development.
Montenegro 2015 national programme 2015-2017 multi annual action programme	25,135,000 15,300,000	Democracy and Governance, Rule of Law and Fundamental Rights Education, employment and social policies
Serbia	196,600,000	Democracy and Governance, Rule of Law and Fundamental Rights, Transport policy
Turkey	255,100,000	Democracy and Governance, Rule of Law and Fundamental Rights, Energy, Agriculture and Rural Development
Multi-Country 2015 – part I Multi-Country 2015-2016 – Connectivity	122,555,000 155,254,000	Horizontal support to sector policies and reforms; Regional structures and networks; Regional investment support. Regional investment support.
Support measures	71,557,000	Audit 2015 (2,000,000); Evaluation and Monitoring 2015 (2,000,000); Information and Communication 2015-2016 (20,000,000); 2015-2018 support to OHR in Bosnia and Herzegovina (9,557,000); TAIEX 2015 (38,000,000)

Margarita Stoja: LLAVA E POEZISE

December 12, 2015 by dgreca

“SI NJË VULLKAN, BRENDA MEJE VLONTE LLAVA E POEZISË, KRIJIMTARISË LETRARE…”/

(Bisedë me poeten e shkrimtaren, Margarita Stoja)/

Nga: Prof.Murat Gecaj-publicist e studiues-Tiranë/

1.Përshëndetje mike krijuese, Margarita Stoja! Kam kënaqësi, që u lidhëm bashkë e u njohëm, sadopak, përmes Internetit…Shpresoj që një ditë të shihemi nga afër, këtu në Shqipëri, në vendlindjen tënde, me të cilën edhe pse jeton larg, në emigracion, pra në Itali, mban lidhje të vazhdueshme dhe ke mall të natyrshëm. E them ketë gjë, pasi edhe pesë librat e tu, janë botuar në Tiranë, dy nga të cilët janë përuruar po këtu…Lidhur me këtë pyetje, a mund t’u tregosh lexuesve diçka, për jetën tende?

–Po, me dëshirë…Kam lindur nè qytetin e Burrelit dhe jam rritur nè qytetin e Laçit,pas trasferimit tè prindèrve tè mi, nga Jugu i Shqipërisë.Kam mbarur gjimnazin “Ismail Qemali”, po nè Laç dhe pedagogjiken “17Nèntori”, nè Tiranè.Kam punuar mèsuese e ciklit tè ulèt,nè fshatrat afër qytetit të Laçit, deri sa u largova nga Shqipèria Gjatë këtyre viteve, kam jetuar 15 vjet nè qytetin e Firences, ku jam gjèndur mjaft mirë, nè tè gjitha aspektet.Për këtë gjë, më ndihmoi edhe gjuha italiane, të cilën e njihja dhe e kisha mësuar, që nè rininè time,madje,dhe kur ishte e ndaluar.

2.Si të lindi dëshira për të shkruar krijime letrare dhe kur nise t’i botoje ato?

-Tani, mè mungojnè ato dorèshkrimet e para,kur isha ende njomèshtake. Ishte koha, kur rrija orë e orë mbi shkrimet e mia dhe.jam tepèr e lènduar, qè nuk i gjej dot ato! Mendoni, kam filluar tè shkruaj, nè prozè, kur isha vetèm 16-vjeçare. Kam praktikuar, pèrveç skicès e tregimeve,edhe njè novelè… O Zot, kujtoj edhe subjektin: Jeta e vèshtirè e qytetarève tè vendbanimit tim, pasi ishte njè lagje, qè nuk kishte ujè brènda,edhe pse tubacionet nuk mungonin… Sa tmerr! Ujin e mbanin me enè tè mèdha, edhe moshataret e mia, Mua mè kujtojnè vetèm me dy shishe në duar,kètè gjë e mbaj mend edhe unè. Pra, isha njè adoleshente, qè trajtoja njè problem shoqëror të kohës, nè njè novelè. Ndèrsa sot, adoleshentet…? Ah, jo, mè mirè mos tè flas!…. Ndèrsa romanin e kam shkruar pas 10-vjetèsh, pasi ishte maturuar brènda meje, ashtu siç ndodh me njè nènè, e cila lindë fèmijèn e saj.Eshtè njè rrèfim i vèrtetè, ngjarjen e kam marrë nga Firence…

Pra, siç e tregova me lart, kam filluar tè shkruaj nè moshën e adoleshencës, tè lexoj ende mè shpejt.Kujtoj këtu, se, pèr herè tè pare, kam lexuar nè moshèn 9-vjeçare ,njè novelè tè Agim Cergès, “Duke kèrkuar lumturinè…”. Si tani, e mbaj mend pasditen, kur shkova nè biblotekèn e qytetit dhe e kèrkova kètè libèr. Punonjësi, qè shèrbente nè biblotekè, u habit se si njè njomèshtake e kèrkonte kètè libër, me titull tè madh! Mè pyeti pèr moshèn dhe, pasi mori pèrgjigjen,serish m’u drejtua: “A e dinë prindèrit, qè ti lexon libra të tillë?” Nuk e mbaj mend përgjigjen time, po, kur e mora atë libër, e shtrèngoja fort, si tè mbaja diçka tè fshehtè dhe askush nuk duhej ta dinte, qè unè po mbaja ashtu lumturinè e njè novele. Kèshtu, ky libèr shènoi pèr mua fillimin e leximit fshehurazi prindèrve, pra që nuk ishin pèr moshèn time. I vendosja ata nè mes tè librit tè historisë dhe, ashtu, dukesha sikur po mësoja!? (ha,ha). Nè lidhje me kètë, gjithmonè u jam drejtuar prindèrve tè kontrollojnè atè, çka lexojnè fèmijèt edhe pse sot ata janè mè tè lidhur me tè rejat e teknologjisè elektronike, sesa me leximin…

Fèmijërinè time e kujtoj me shumè kënaqësi, por edhe me dhimbje. E theksoj kètè gjë, sespse ajo periudhè, pèr mua, ishte mjaft delikate. Nè vènd qè tè rritesha ngadalè, me kullullat dhe lodrat e njè fèmije ndër duar, rritesha me shpejtèsi marramèndèse, nga shqetësimet e kohës. Mendoj që fèmijëria èshtè njè etapè shumè e rèndèsishme nè jetèn e individit.

Realiteti, ku jetoja, mè dukej i papèrshtatshèm, ndrydhës. Ai nuk mè la që ta shijoja fëmijërinë, siç duhej. Por, njëkohësisht, ma zhvilloi fantazinè e u rrita shpejt edhe nè psikologji. Nè moshèn 18-vjeçare, i mblodha tè gjitha dorèshkrimet dhe i çova te kryeredaktori i gazetës “Drita”, i vetmi rrjet artistik, nè atè kohè.Shkrimet e para i pata tè gjitha nè prozè.

Si sot e kujtoj atè pasmesnatè tè vonè,kur u ngrita nga gjumi dhe u ula që ta shkruaja skicèn e parë, me titullin “Ajo ndihej e lumtur”. E pasova me krijime të tjerë, pra me tregime dhe novela, por asnjèri prej tyre nuk e pa dritèn e botimit! Në rastin, që përmenda më lart, kryeredaktori i gazetës në fjalë mè tha se ishte tepèr shpejt që t’i botonin krijimet e mia,ndonèse i kishte lexuar dhe pèlqyer.Si pèr ironi, mè tha se Balzaku i kishte botuar krijimet e tij, vetëm pas 100 shkrimeve! Por nuk e di, nëse ai e kuptonte që, ashtu, po e ndrydhte penèn time tè brishtè, duke ma vrarè èndrrèn, por jo pasionin, dhuntinè për të krijuar e shkruar…

3.Më lart, më fole për krijimet tua…Po cilët janë librat e publikuar, deri tani, sipas viteve të botimit?

– Faleminderit për interesimin! Po ua tregoj ata, duke përmendur dhe shtëpitë botuese, në Tiranë, të cilat i falënderoj për bashkëpunimin e ndihmën e dhënë:

Librat, që janè publikuar ose në proces botimi:

-“Fshehur pas yjeve”, vëllim me poezi, ShB “Milosao”, Tiranë, nëntor 2013;

-“Dashuritë e mia”, prozè poetike, ShB “Ada”, Tiranë, 2014;

-“Nata e një lamtumire”, tregime dhe novela, ShB “Ada”, Tiranë, 2014;

-“Rrëfmet e një gruaje bionde”, roman, ShB “Toena”, Tiranë, dhjetor 2014;

-“Mbulomë me qiell”, poezi dhe aforizma, ShB “Ada”, Tiranë, 2015.

4.Sigurisht, ke dhe krijime tjera, në dorëshkrim ose në proces botimi…

-Duke vazhduar në gjininë e romanit, e cila tani më rrëmben, kam në proces botimi “Edhe ëndrrat shuhen një ditë”. Gjithashtu, është në proces botimi një libër me poezi, në gjuhën italiane, përkthyer në shqip. Titulli i tij është, “Le onde della fantasia” (Valët e fantazisë).

5.A është organizuar përurimi i ndonjërit nga këta libra?

-Kam bèrè pèrurimin e librit tè parë, “Fshehur pas yjeve”, në mjediset e Biblotekës Kombètare, në bashkëpunim me P.Koçin. Pèrurimin tjetèr, pra të librit “Nata e një lamtumire”, e kam bèrè në tetor 2014, te Qendra e Biznesit, në “Rruga e Kavajès” së kryeqytetit.

Një pyetje paksa larg krijimtarisë…Po profesionin e mësueses, a e ushtrove ndonjëherë?

-E detyruar, nga sa thashë më sipër, e ndèrpreva përkohësisht krijimtarinë, duke iu pèrkushtuar njè profesioni tè bukur, të cilin e kam dashuruar, pra mësuesinë. Por, megjithëse i ndèpreva shkrimet, si njè vullkan brènda meje vlonte llava e poezisè, krijimtarisè letrare…. Ndërkaq, shpejt kuptova se unè adhuroja e kisha po tè njèjtin pasion edhe pèr interpretimin. Kështu, realizova nè “Radio-Tirana” CD-në, “Frymë dashurie”. Atë e ruaj, si një diçka mjaft të çmuar nga jeta ime…

Dëshirojmë të dimë edhe sa e si është vlerësuar kjo punë e përkushtuar, në udhën e krijimtarisë letrare?

-Jam pjesëmarrëse në një antologji poetike, me autorë shqiptarë, publikuar nga Shtèpia Botuese “Muzgu”. Jam fituese e konkursit “Amazon”, organizuar nga Shtèpia Botuese “Pagine”, Romè, me drejtues Elio Pecora. Kam marrë pjesè nè kolanën poetike “Riflessi”. Botoj, pandërprerje, nè Revistën kulturore tè pèrmuajshme “Dituria”, nè Itali, me drejtor gazetarin dhe redaktorin G.Paraggio, i cili èshtè edhe redaktor i librit tim me poezi, në italisht…

8.Duke qenë larg vendlindjes, pra në emigracion, besoj ke mbajtur lidhje me bashkatdhetarët tanë…

-Sidomos nè fillim, kam ndjekur disa veprimtari në bashkësinë shqiptare të qytetit, ku banoja. Ndërsa mè vonè “i humba” lidhjet e mëparshme! Gjithashtu, duke jetuar larg, nuk kam patur mundèsi që tè bèj çdo pèrurim libri të ri. Nè Itali kam lidhje me studiuesin e çështjeve historike, shkrimtarin, gazetarin dhe drejtorin e revistès “Dituria”, G.Paraggio. Bashkè do tè organizojmè pèrurimin e librit tim me poezi, në italisht, “Le onde della fantazia”(“Valët e fantazisë”).

–Të përshëndesim dhe të falanderojmë përzemërsisht, mike Margarita Stoja, për përgjigjet tua të sakta dhe, pse jo, interesante, gjatë kësaj bisede të përbashkët! Me këtë rast, urojmë që të keshë: shëndet të plotë, krijimtari sa më të suksesshme dhe gjitha të mirat, në jetën e përditëshme!

Tiranë, 10 dhjetor 2015

FASLLI HALITI SJELL SYLVIA PLATH NE SOFREN E DIELLIT

December 12, 2015 by dgreca

SYLVIA PLATH 1932 – 1963/

Sylvia Plath (Boston, 27 tetor 1932 – Londër, 11 shkurt 1963) ishte një poete dhe shkrimtare amerikane./

Lindur në një lagje të Bostonit nga prindër gjermanë emigrant, dhe nëna e saj, Aurelia Schober, i përkiste një familje austriake mërgoi në Masaçusets, e mësuar të flasë vetëm gjermanisht në shtëpi, ndërsa babai i saj, Oto Emil Plath, profesor kolegji, bir i prindërve gjermanë , u zhvendos në Amerikë në moshën 16 -të vjeç, më vonë duke u bërë një entomolog i respektuar, veçanërisht në fushën e bletëve.

E njohur kryesisht për poezitë e saj, ajo ka shkruar edhe romanin gjysmë-autobiografik Kambana prej qelqi (The Bell Jar) nën pseudonimin Victoria Lucas. Protagonistja e librit, Esther Greenwood, është një studente e shkëlqyer i Smith College, e cili fillon të vuajë nga psikoza gjatë një stazhi pranë një gazete femërore mode njujorkeze . Trama ka një paralele me jetën e Plathit, e cila kaloi një periudhë pranë revistës femërore Mademoiselle, pas së cilës, në kthetrat e një gjendjeje të fortë depresioni, tentoi vetëvrasje.

Vdiq në moshën 30-vjeçe me vetëvrasje.

TULIPANËT

Tulipanët janë shumë nervozë, është dimër këtu,
Shiko si çdo gjë është e bardhë, e qetë, me dëborë.
Mësoj paqen, ndërsa prehet e qetë afër meje
si drita mbi këto mure të bardha, si ky shtrat, si këto duar.
S’jam askushi, s’kam të bëj me shpërthimet.
I dhashë emrin tim dhe rrobat e mia infermiereve,
historinë time anestezistit dhe trupin tim kirurgëve.

Kanë mbështetur kokën time midis jastëkut dhe buzës së çarçafit
si një sy midis qepallave të bardha që s’do të mbyllen.
Bebëz budallaqe, duhet të grumbullosh gjithçka.
Infermieret kalojnë dhe rikalojnë, nuk turbullojnë,
kalojnë si pulëbardhat drejt tokës me skufjet e tyre të bardha,
duke bërë gjëra me duar, të barabarta me njëra-tjetrën,
kështu që është e pamundur të thuhet se sa janë.

Trupi im është një gur për ata, bëhen gati si uji
për gurët mbi të cilët duhet të rrjedhë, duke i lëmuar me mirësjellje.
Më japin topitje me gjilpërat e halave xixëlluese, më japin gjumë.
Tani kam humbur veten time, jam e lodhur nga bagazhet –
Çanta ime prej lëkurë si një kutizë e zezë pilulash,
burri dhe fëmija im buzëqeshin në fotografinë familjare;
buzëqeshjet e tyre më mbërthejnë lëkurën, grepa të vegjël të buzëqeshur.

Kam hedhur gjëra në det, unë, anija tridhjtëveçare.
bashkangjitur fort tek emri im dhe tek adresa.
Ata kanë fshirë të gjitha ndjenjat e mia.
E frikësuar dhe e zhveshur mbi barelën e gjelbër plastike
Kam parë çajnikun tim, komonë e rrobave, librat e mi
të zhyten thellë, si dhe ujin t’më arrijë mbi kokë.
Jam një murgeshë tani, nuk kam qenë kurrë kaq e pastër.

Nuk doja lule, doja vetëm të shtrihesha,
me pëllëmbët lart krejtësisht boshe.
Të jesh i lirë, s’e keni idenë se sa të lirë jeni-
paqja është kaq e madhe sa të verbon,
S’ kërkon asgjë, një etiketë me emrin, ndonjë çikërrimë.
Me këtë, më në fund, i mbyllin të vdekurit; i përfytyroj
duke e mbllaçitur si një meshë kungimin.

Tulipanët janë tepër të kuq në radhë të parë, më plagosin.
Edhe nëpërmjet dhuratës së paketuar si dhuratë i dëgjoja të merrnin frymë ngadalë,
nëpërmjet fashës së bardhë, si një fëmijë monstruoz.

Faqekuqët i flasin plagës sime, i përgjigjen.
Janë tradhtarë:duken se valëzojnë, edhe nëse më tërheqin poshtë,
duke më ngatërruar me gjuhën e tyre të beftë e me ngjyrën,
një duzinë tulipanësh të kuq të plumbtë rreth qafës sime.

Më parë asnjë s’më përgjonte, tani po më përgjojnë.
Tulipanët kthehen drejt meje, dhe dritarja pas
ku drita çdo ditë zgjerohet e hollohet,
unë shoh veten, madje, qesharake, hije letre e riprerë
midis syrit të diellit dhe syve të tulipanëve,
nuk kam fytyrë, kam dashur të shuhem.
Tulipanët gjallërues konsumojnë oksigjenin tim.

Para se të vinin atmosfera ishte mjaft e qetë,
Pulsonte, frymëmarrje pas frymëmarrjeje, pa ndërprerje.
Pastaj tulipanët e mbushën me zhurmë të madhe.
Tani ajri i shtyn dhe i vërtit përreth si lumë
i shtyn dhe i shtjell rreth një makine të kuqe-ndryshku të thellë.
Koncentrojnë vëmendjen time që ishte e lumtur
duke luajtur e duke pushuar pa u angazhuar.

Edhe muret duken se u ngrohën midis tyre.
Tulipët duhej të qëndronin pas hekurave si kafshë të rrezikshme;
hapen si goja e një tigri të madh afrikan,
dhe unë kujtohem për zemrën time: hap e mbyll
vazon e saj të gonxheve të kuqe për dashurinë time të vërtetë.
Uji që shijoj është i ngrohtë dhe i kripur si deti,
dhe vjen nga një vend i largët si shëndeti.

DELE NË MJEGULL

Kodrat kridhen në të bardhë.

Njerëz apo yje më shohin me trishtim, i zhgënjej.

Treni lë prapa një rrugë me vazhdë frymëmarrjeje.

Oh ngadalë kale ngjyrë ndryshku, thundra, kambanat të dhimbshme.

Gjithë mëngjesin që

mëngjesi është duke u nxirë, një lule e lënë jashtë.

Kockat e mia përfshijnë palëvizshmërinë, fushat

e largëta më shkrijnë zemrën.

Kërcënohem

Që të më lenë të hyj në një qiell

pa yje dhe pa baba, një ujë i zi.

Përktheu: Faslli Haliti

25 VJET PA TIRANIN ENVER HOXHA !

December 12, 2015 by dgreca

13 DHJETOR 1990- SHKODRA PERSHËNDETË DEMOKRACINË/

■Edhe njëherë plot dritë kjo ndertesë e Prefekturës së Shkodres!/

Nga Fritz RADOVANI/

Ishte zgjue Shkodra mbarë me një mendim 46 vjeçarë në kokë: “Deri kur surrati i këtij tirani të pashoq perballë Prefekturës sonë?!”…

Vlonin rrugët e Shkodres, vlonin rrethinat, vlonin urat lidhse të qytetit… Rinia ishte zgjue nga gjumi gjysëshekullor… Pushkët dhe kazmat i kishte kraheqafë Ramiz Alia!

■Doli nga Instituti Pedagogjik i Shkodres një djalë me një suazë të madhe në dorë, dhe mbas tij disa studentë… Sa mërrijti tek shkallat e hymjes kryesore, veç kur i dha krah asaj korrnizë, e shkoj tek trotuari copa e grima xhami bashkë me surratin e Enver Hoxhës!

Mendova me vete: “Sot i erdhi fundi edhe këtij qen e bir qeni!”…

Eca nga Dugajt’ e Reja, ku takova një grup djelmësh të rij, që shpejtonin hapin…

■Nga të katër anët Pjaca Fusha e Çelës, po vershohej nga njerzit që shpejtonin me shkue tek Prefektura e Shkodres. Ferdinand Temali në ecje më tha këto fjalë: “Po shkojmë me rrëzue bustin e diktatorit, mirë u pafshim!..”

Të gjithë ishin aq të gëzuem, sa ndoshta, u dukej, se po shkojnë në darsem…

U bashkuen tek Banka e Shtetit me një grup tjeter që me Flamurin e Shqipnisë “pa yll”, thërrisnin: “Liri Demokraci!”, “E duem Shqipninë si gjithë Europa!”, “Enver Hitler!” ishte shperthimi i fundit që pritej me brohoritje nga turmat e Popullit të Shkodres…

■Rinia Shkodrane po realizonte andrren e sa e sa viktimave të Gjenocidit të tiranit Enver, e nder të fundit ishin Djelmët e Vajzat që pak ditë perpara kishin la me Gjakun e Tyne Rinor, piramidat kufitare të Shqipnisë cungueme nga “Europa plakë”, që i pat thurë një vjerrshë edhe Poeti Kombtar At Gjergj Fishta, që as Ai nuk “zehët me gojë”!!

■U hap fjala e mori dheun… Në Shkoder Rinia rrëzoi bustin e diktatorit Enver Hoxha!

■Ka “disa shqiptarë” që, “as sot nuk e dijnë, se Ai… që e zhguli e pshurri!”

■Një Shkoder Loce, uroj me zemer: “Enver Hoxha e pastë thye qafen, e kurrma mos ia pashim surratin, e i daltë fara e tij kudo në Trojet Shqiptare të Gjergj Kastriotit!”

Melbourne, Dhjetor 2015.

Babait tim!

December 12, 2015 by dgreca

25 vite me pare, nje djale vetem 31 vjec aso kohe, babai im Bujar Kaloshi/

Nga Viola Kaloshi/

TIRANE :25 vite me pare, nje djale vetem 31 vjec aso kohe, i lindur dhe rritur ne nje nga kampet me famekeqe te sistemit komunist, ate te kenetes se Gradishtes ne Lushnje, do te bej pjese e levizjes me te madhe per liri dhe demokraci ne Shqiperi.

Me tej, ky djale trim, punetor, i ndershem, vital dhe me nje deshire te madhe per ta cuar perpara vendin e tij, punonte dite dhe nate, vetem dhe vetem per ti dhene fund vuajtjeve, shtypjes dhe erresires ne te cilen e kishte zhytur vendin regjimi diktatorial i Enver Hoxhes.

Ne kete kontekst, si nje prej nismetareve dhe organizatoreve te proceseve demokratike ne Lushnje, ai dha kontributin e tij te cmuar ne themelimin e Partise Demokratike per degen e Lushnjes. Por jo vetem, pasi sebashku me bashkevuajtesit e tij te interrnimeve komuniste, Bujar KALOSHI (babai im) krijoji Shoqaten Antikomumiste, cka do te sherbente me pas si nje mjet kyc per te cuar ne vend te drejtat dhe lirite e te perndjekurve politike, si dhe integrimin e tyre ne strukturat e vendit.

Gjithashtu, ai ishte nje njeri qe sherbente per njerezit dhe mbare Kombin Shqiptar. Ishte Gladiatori, i cili, e fitoi fronin me ju dhe per ju. Fitoi besimin e morri mbeshtetjen tuaj. Si i tille, ai sherbeu deri ne diten e fundit te jetes se tij per te lene pas nje Shqiperi domokratike dhe Euro-Atlantike, si dhe nje Kosove te lire.

Ai mendonte se demokratet e vertete e kishin per ideal dhe mision te vetin qe atdheun e tyre Shqiperine, ta hapnin ndaj Europes dhe botes, te luftonin totalitarizmin qe na persekutoi per 50 vite rresht, jo vetem si sistem por edhe si menyre identifikimi njerezor, duke krijuar raporte te reja njerezore, ku fryma e lirise te materializohej ne dukuri konkrete te rritjes se ndergjegjes kombetare dhe te shtetit te se drejtes, per te cilin u flijua, duke lene pas nje plage te madhe tek ne femijet dhe familjaret e tij.