Archives for May 2016

Selimi: Ekstremizmi nuk luftohet vetëm me arrestime

May 31, 2016 by dgreca

Arkiv: Ne Foto: Pamje nga konferenca e vitit të kaluar, 28 maj 2015/

“Veprimi kundër ekstremizmit të dhunshëm nuk mund të reduktohet vetëm në sundimin e rendit dhe ligjit, jo vetëm në arrestime dhe jo vetëm në burgosje, por edhe promovimin e një narracioni të kundërt, narracionit të tolerancës paqes dhe dialogut”, tha Selimi për Radion Evropa e Lirë.

Konferenca, që organizohet nga institucionet e Kosovës, do të trajtojë në veçanti çështjen e “rolit të gruas në ndërtimin e tolerancës ndërfetare”, dhe përveç përfaqësuesve të bashkësive fetare në Kosovë dhe pjesëmarrës nga vende të ndryshme të botës, të pranishme do të jenë, në mënyrë aktive, edhe dy nobelistet e paqes, Shirin Ebadi nga Irani dhe Tawakkol Karman nga Jemeni.

Ministri i jashtëm në detyrë, Petrit Selimi, tha se konferenca është një platformë për promovim të Kosovës si shtet dhe të prezantimit të saj si model i bashkëjetesës.

“Tema e cila është ‘roli i gruas në promovimin e dialogut ndërfetar dhe luftimit të ekstremizmit’ është një temë shumë adekuate. Nënat, bashkëshortet, gratë, siç ka thënë edhe presidenti Thaçi, janë aleatet më të mira të shtetit në luftimin e ekstremizmit”, tha Selimi.

Çështja e ekstremizmit të dhunshëm ka ngritur shqetësime në Kosovë, marrë parasysh faktin se një numër i qytetarëve të vendit janë përfshirë në luftimet në Siri dhe Irak dhe një tjetër numër është arrestuar dhe dënuar për nxitje të pjesëmarrjes në luftëra jashtë vendit dhe për predikim të mosdurimit fetar. (REL)

Botohet në Tiranë “Shqipëria dhe bota në veprat e Ismail Kadaresë

May 31, 2016 by dgreca

Shtëpia botuese Plejad sapo ka nxjerrë nga shtypi studimin “Shqipëria dhe Bota në veprat e Ismail Kadaresë”.Ky libër në dy gjuhët shqip dhe anglisht përmbledh të gjitha përshkrimet e natyrës, vendeve, qyteteve e fshatrave në Shqipëri dhe jashtë saj, që gjenden në veprat e shkrimtarit të njohur Ismail Kadare.

Studimi ka marrë edhe trajtën e një albumi turistik, pasi çdo përshkrim letrar i Kadaresë shoqërohet edhe me fotografi të vendit, të cilit i është kushtuar.

Albumi me përshkrimet shqip e anglisht të shkrimtarit të njohur për një mori vendesh të Shqipërisë dhe botës, ku ndodhin ngjarjet e romaneve të tij është rrjedhim i një studimi të gjatë të autorit Ndriçim Kulla, kur shkroi biografinë e Ismail Kadaresë të titulluar “Ylli i Shkrimtarit”.

Zoti Kulla thotë se në këtë monografi, raportin e shkrimtarit Kadare me diktatorin Hoxha e sheh të ngjashëm me raportin e filozofit Seneka me perandorin Neron.

Studiuesi dhe drejtuesi i shtëpisë botues Plejad, thotë se Kadare u ndesh me diktaturën me të vetmin mjet që kishte në duar, me penën e tij, kundërshtia dhe disidenca është shtrirë në gjithë krijimtarinë e tij.

Kjo është arsyeja, thotë zoti Kulla, pse Ismail Kadare është autori më i njohur shqiptar brenda dhe jashtë vendit, me një ndikim të madh kulturor në botëkuptimin e disa brezave.

Shtëpia botuese Plejad ka botuar deri tani mbi 300 vepra të filozofisë botërore dhe të mendimit të ndaluar shqiptar nga diktatura komuniste.

Botimi më i rëndësishëm i saj është seria e 32 veprave të at Xhuzepe Valentinit, ndërsa 37 të tjera po përgatiten për shtyp.

Aktualisht po bëhen afro 6 dekada që shkrimtari Ismail Kadare vazhdon të botojë krijimtarinë e tij të gjerë e të larmishme në poezi e në prozë në shqip, frëngjisht dhe në shumë gjuhë të botës.

Ai tashmë është një autor i përmasave botërore, fitues i një seri titujsh dhe çmimesh me rëndësi ndërkombëtare dhe është nominuar shpesh edhe për çmime të tjerë, ndërkohë që krijimet dhe botimet e reja.

Sociologu Gëzim Alpion mbi shenjtërimin e Nënë Terezës

May 31, 2016 by dgreca

Në Tiranë, sociologu i njohur, Gëzim Alpion, biografi i Nobelistes së Paqes Nënë Tereza, mbajti një leksion publik mbi shenjtërimin e saj. Ai trajtoi një seri detajesh nga jeta e Nënë Terezës, ndërsa po shkruan edhe një libër të ri për të.Qendra e Studimit të Politikave Europiane për Zhvillim Rajonal e Lokal organizoi në Tiranë një konferencë mbi vlerat dhe rëndësinë e figurës së Nënë Terezës, Gonxhe Bojaxhiu në prag të shenjtërimit nga Vatikani.

Dr. Gëzim Alpion, nga Universiteti i Birmingamit i Britanisë së Madhe mbajti leksionin publik “Nënë Tereza: Sfidat e studimit para dhe mbas shenjtërimit”.

Në një mori detajesh të kësaj figure të njohur, ai tërhoqi vëmendjen e një auditori të larmishëm me studentë, klerikë dhe diplomatë, qytetarë, studiues dhe besimtarë.

Dr. Alpion ka stidiuar në Universitetin e Kajros dhe mbrojti doktoraturën në Angli, ku ishte lektor në disa universitete, para se të emërohej në Universitetin e Birminghamit.

Libri i tij më i njohur është Nënë Teresa: E Shenjtë apo e Famshme, i botuar në Londër dhe Nju Jork, në Nju Delhi dhe në Romë.

Por dr.Alpion pohoi në Tiranë se ka në dorë një libër të ri për Nënë Terezën.

Leksionit publik të dr.Alpion iu bashkuan me kumtesa edhe studiues të tjerë si prof. Përparim Kabo dhe dr.Nevila Nika, të cilët theksuan aspekte të veçanta të veprimtarisë humanitare të Nënë Terezës, i pari besimin e saj të lartë fetar dhe e dyta lidhjen e saj me kombin shqiptar.

Kalvari i vuajtjeve të besimtarëve shqiptarë nën diktaturën komuniste zgjati afro gjysëm shekulli, kur u vranë dhe u burgosën mijëra klerikë dhe qytetarë të çdo besimi, sepse feja u ndalua me ligj.

Dr.Alpion beson se është me rëndësi që për Nënë Terezën dhe figura me përmasa të tilla të diskutohet sa më shumë me të rinjtë universitarë.

Pas monografisë “Nënë Tereza e Shenjtë apo e Famshme”, dr.Alpion ka botuar përmbledhje esesh, mes të cilave mbi qytetërimin nga Aleksandri i Madh te Nënë Tereza.

Ai është autor i studimeve mbi sociologjinë e fesë, kombit, mediave, racës dhe etnicitetit të botuara në revista shkencore të Anglisë, Amerikës, Australisë, Hollandës dhe Indisë.

I vlerësuar si studiuesi më i rëndësishëm në gjuhën angleze për Nënë Terezën, dr.Alpion është ftuar të zhvillojë mëse 50 leksione dhe biseda në konferenca ndërkombëtare dhe universitete të mirënjohura në 14 vende dhe pikëpamjet e tij citohen vazhdimisht nga mediat botërore në mbi 25 vende.

Mund ta ndiqni intervisten direkt ne Zerin e Amerikes 28 Maj 2016

Ne linkun http://www.zeriamerikes.com/a/nene-tereza-gezim-alpion/3350153.html

Shqiptarët e Bursës të investojnë në Kosovë

May 31, 2016 by dgreca

-Ministrja Tahiri: Fizibiliteti për investime ekonomike në Kosovë është pozitiv dhe kjo besoj është garanca më e mirë për ju investitorët/

-Në Samitin Ekonomik Ndërkombëtar të Ballkanit, në mesin e pjesëmarrësve ishin qeveritarë dhe biznesmenë nga Kosova, Shqipëria, Maqedonia, Mali i Zi, Bosnja dhe Hercegovina, Kroacia, Sllovenia, Serbia, Bullgaria, Rumania dhe Greqia/

Bursa, 31 maj 2016/ Ministrja për Dialog e Qeverisë së Republikës së Kosovës, Edita Tahiri, dje mori pjesë në Samitin Ekonomik Ndërkombëtar të Ballkanit, të katërtin me radhë në Bursa – Turqi, të organizuar nga Rumelisiad, organizatë kjo e themeluar nga biznesmenët shqiptarë dhe emigrantët tjerë të ardhur në Turqi nga vendet e Ballkanit. Në mesin e pjesëmarrësve ishin qeveritarë dhe biznesmenë nga Kosova, Shqipëria, Maqedonia, Mali i Zi, Bosnja dhe Hercegovina, Kroacia, Sllovenia, Serbia, Bullgaria, Rumania dhe Greqia.

Në fjalën para të pranishmëve, ministrja Tahiri theksoi rëndësinë që ka bashkëpunimi ekonomik mes shteteve të Ballkanit dhe Turqisë dhe kërkoi që investimet e Turqisë të rriten edhe në Kosovë duke u bërë thirrje sidomos shqiptarëve të Bursës që të investojnë në Kosovë duke u kërkuar atyre t’i shtrijnë bizneset në vendlindjen e të parëve. “Ju, biznesmenët shqiptarë që jetoni në Bursa dhe anë e mbanë Turqisë keni dy vendlindje, andaj, ky është një obligim i dyfishtë për ju, sepse ju takon që të investoni në Turqi si vendi ku jetoni, por edhe në Kosovë dhe në mbarë tokat shqiptare prej nga keni ardhur”, tha Tahiri.

“Ashtu siç e keni bërë Bursën një fuqi ekonomike ashtu presim të kontribuoni edhe për Kosovën që ta bëjmë një fuqi ekonomike për të cilën Kosova ka potenciale të mëdha”, tha ajo.

Ministrja Tahiri shtoi se Kosova po zhvillohet çdo ditë e më shumë dhe ka potenciale të mëdha ekonomike dhe burime njerëzore të përgatitura për standardet e ekonomisë së tregut modern, për këtë arsye Kosova është një vend me interes për investime të jashtme. “Fizibiliteti për investime ekonomike në Kosovë është pozitiv dhe kjo besoj është garanca më e mirë për ju investitorët, sepse Kosova ka bërë reforma legjislative në favor të investimeve strategjike dhe ka krijuar mekanizma për garantimin e investimeve. Më shumë se kaq, Kosova tashmë ka hyrë në rrugën zyrtare të integrimit në BE, me hyrjen në fuqi të MSA-së dhe vendimi për liberalizimin e vizave ka nxjerrë qytetarët e Kosovës nga izolimi i padrejtë. Marrëveshja e Stabilizim Asociimit dhe përkushtimi jonë për të plotësuar standardet e tregut të lirë dhe cilësisë së produkteve janë një garanci e qëndrueshme për investitorët potencial nga jashtë për të investuar në Kosovë”, tha ministrja Tahiri.

Ajo, njëkohësisht, falënderoi shtetin e Turqisë për mbështetjen që i ka bërë shtetit të Kosovës në planin diplomatik dhe të njohjeve duke vlerësuar marrëdhëniet e mira mes dy vendeve.Ministrja Tahiri ishte e shoqëruar nga këshilltarët politik Elona Cecelia dhe Gazmir Raci./b.j/

Interfaith conference opens today, two Nobel laureates arrive in Kosovo

May 31, 2016 by dgreca

Prishtina, 31 May 2016 – One of the biggest meetings of interfaith dialogue in Europe begins today in Prishtina. Interfaith conference opens at 17:00, in Swiss Diamond Hotel. More than 300 participants from 50 states, including those that have not recognized Kosovo’s independence, will participate in this conference. They will gather for three days to discuss the role of woman in countering extremism. Nobel laureates, Shirin Ebadi (Iran) and Tawakkol Karman (Yemen), arrived in Prishtina.

For the first time, Prishtina will host this major meeting titled Interfaith Kosovo. Many participants have confirmed their participation in this conference, including religious leaders from Argentina, Yemen, America, Cuba, Thailand, Nigeria and more than 45 other countries from around the world.

The conference is titled “Role of Woman in Promoting Interfaith Dialogue and Countering Extremism” and has been organized by several organizations promoting dialogue, as International Institute for Interfaith Dialogue, Tony Blair Faith Foundation, whereas Ministry of Foreign Affairs, Assembly of Kosovo, Embassy of the United States, Canadian Embassy, Norwegian Embassy and United Nations support this event. Participants will participate in various panels intended for topics related to the family, role of woman, and hate speech in social networks. This year, the conference Interfaith Kosovo will award the Kosovo Price for Interfaith Dialogue to the Mayor of London Sadik Khan and Monsignor Vincenzo Paglia, founder of Community of Sant’Egidio.